(Unicode)
ရှုရှုက ဝါးနေသည်ကိုရပ်ကာ သူ၏'အိပ်ခန်း' ဟုသတ်မှတ်ထားသော ကျင်းလေးထဲမှထွက်ကာ 'ဧည့်ခန်း' ဟုသတ်မှတ်ထားသော ကျင်းဘက်သို့ကြည့်လိုက်၏။
ဟမ်းစတားလေးတစ်ကောင်အနေဖြင့် သူ၏ညအမြင်က ကောင်းမွန်သလို အနံ့အာရုံခံစားမှုကလည်း ကောင်းမွန်လှ၏။
ရင်းနှီးနေသော ကိုယ်အနံ့က သူ၏နှာခေါင်းဝနားကျီစယ်လာပြီး သူ၏'ဧည့်ခန်း'လေးထဲ ဖိတ်ခေါ်မထားသည့် မြွေကြီးကအခန့်သားရောက်နေ၏။
မြွေကြီး သူ့အနားမရှိသေးမီက ရှုရှုမှာ သူ့အား မကျေမနပ်ပြောရဲ၏။ မြွေကြီးက သူ့အားချစ်ခင်ပြီး မစားချင်မှန်း သူ၏မသိစိတ်က သိနေ၏။ ထို့ကြောင့် မြွေကြီးနှင့် တောအုပ်တစ်ခုထဲနေရသည့်အပေါ် ရှုရှုမကြောက်တော့ပေ။ သို့သော် ယခုလိုမြင်ရလေတော့ ရှုရှုမှာ ခေါင်းကြိမ်းသွားရပြီး ခြေထောက်များလည်း ခွေယိုင်ကာ နှလုံးခုန်သံပင် မြန်လာရ၏။
ရှုရှုမှာ သူ၏ပင်ကိုယ်အသိစိတ်အရ တုံ့ပြန်မှုအားလုံးဝ မထိန်းချုပ်နိုင်ပေ။
ရှုရှုမှာ 'အိပ်ခန်း'အဝလေးတွင် မှောက်ယက်ကလေးလဲလျောင်းနေပြီး တစ်ကိုယ်လုံးတောင့်တင်းနေကာ မလှုပ်နိုင်ရှာပေ။ မြွေကြီးက သူ၏ 'ဧည့်ခန်း' ထဲ ပိုင်စိုးပိုင်နင်းဖြင့် အခြေချနေသည်ကို အကူအညီမဲ့စွာကြည့်နေရ၏။ အမှောင်ထဲတွင် သူ့အားကြည့်လာသော မြွေကြီး၏မျက်လုံးအစုံမှာ ဘလင်းဘလင်းအရောင်များထွက်နေ၏။
ရှုရှု၏နားရွက်ပွပွလေးနှင့် တစ်ကိုယ်လုံးရှိအမွှေးများထောင်သွားရ၏။ သူ့တစ်ကိုယ်လုံး အေးစက်လာပြီး တုန်ယင်နေကာ သူ၏စိတ်မအစုံမှာလည်း ဗလာဖြစ်၍နေသည်။ ကံကောင်းစွာပင် မြွေကြီးကအခြားဘာမျှမလုပ်ပဲ ခွေကာအိပ်တော့၏။ ထိုအခါမှ ရှုရှုလှုပ်ရှားနိုင်လာလေ၏။
ရှုရှုက 'အိပ်ခန်း' လေးထဲပြန်ဝင်ကာ အဝကို ကျောက်တုံးဖြင့်ဆို့လိုက်၏။ ရှရှုက ကျဥ်းမြှောင်းလှသည့် 'အိပ်ခန်း' ကျင်းလေးထဲပတ်ကာ တလှုပ်လှုပ်ဖြစ်နေသည်။
သူက ကျင်းတူးရသည်ကိုနှစ်သက်ပြီး တွင်းသေးသေးလေးများတူးရသည်ကိုလည်း ကြိုက်၏။ ထိုတွင်းသေးသေးလေးများက အမှန်ပင်ကျဥ်းလှပြီး သူတစ်ကိုယ်စာထိုင်နေရုံမျှသာကျယ်၏။ ထိုတွင်းလေးအား စိတ်သက်သာလို သက်သာငြားတူးထားခြင်းဖြစ်လေသည်။
ဟမ်းစတားဘဝမှ ပြေးသည့်လှည့်ကွင်းလေးသာရှိလျှင် ယခု လေးနာရီလုံးလုံး သူမရပ်မနားပြေးနေမည်ဖြစ်၏။
ရှုရှုက သူ၏'အိပ်ခန်း'ထဲမှ မြက်ပုံပေါ်တွင် တစ်ခဏထိုင်ကာ သူပိတ်ထားသည့်ကျောက်တုံးနား မြက်ပင်များထပ်ပိတ်လိုက်၏။ ထို့နောက် ပိတ်ထားသည့်နေရာနှင့် ဆန့်ကျင်ဘက်ဆီသို့ သူ၏လက်သည်းကိုထုတ်ကာ ကျင်းစတူးတော့၏။
ရှုရှုမှာ...မရပ်မနားတူးနေလေသည်။
ရှုရှုက ဆက်လည်းမစားတော့သလို၊အိပ်လည်းမအိပ်တော့ပဲ တွင်းသာတူးနေတော့၏။ ဤတောင်ကြီးကို ဖြတ်၍မတူးရမချင်း ရှုရှုစိတ်ငြိမ်မည်မဟုတ်ပေ။
ရှုရှုတူးထုတ်လိုက်သောမြေကြီးများက လေထဲတွင် ပြန့်လွင့်လာပြီး သူက တစ်ခါတစ်ရံ ကျောက်တုံးများကို တူးမိ၍ သူ၏လက်သည်းများမှာ အလွန်နာကျင်သွားရသော်လည်း လက်မလျှော့ပဲ အလုပ်ထဲစိတ်နှစ်ကာ ကျင်းတစ်ခုကိုဆက်လက်တူးနေခဲ့၏။
မြွေကြီးအားမြင်လိုက်ရ၍ ရှုရှုမှာ သူ၏'ဧည့်ခန်း'အား ကြောက်ရွံ့ခြင်းအပေါ်မထိန်းထားနိုင်ခဲ့ပေ။ မြွေကြီးက သူနှင့်ဘေးချင်းကပ်ရပ်တွင်ရှိသည်ဟူသော အတွေးက သူ့အားပို၍ကြောက်ရွံ့လာစေ၏။ ယခုလိုကျင်းတူးနေရတော့ သူတွေးနေသည့်အရာအားလုံး မေ့နိုင်သွားခဲ့၏။
သူပို၍တူးလေလေ တွင်းက ပိုနက်လာလေလေဖြစ်၏။ သူ၏နောက်ဘက်တွင်လည်း မြေစာများပုံနေပြီး သူနှင့်တူးခဲ့သည့်တွင်းလမ်းကြောင်းအကြား အဟန့်အတားတစ်ခုကဲ့သို့ဖြစ်လာ၏။ ထို့ကြောင့် သူစိတ်သက်သာရာရနေပြီး သူ့ကိုယ်သူပင် ဂုဏ်ဆာမိသွား၏။
ဟွန့်....သူ့ဂူကိုများ လာအပိုင်စီးချင်နေသေးတယ်။ သူက ဘယ်အချိန်မဆို နောက်တစ်ကျင်း ထပ်တူးပြီး လုပ်နိုင်ပါတယ်နော်။
......🐹🐹🐹🐹🐹🐹........
သားရဲတစ်ပိုင်းလူသားလေးနေသည့် ကျင်းလေးဆီမှ တူးသံ၊ မြေစာများကျသည့်အသံများကို အက်ဂါကြားပေမယ့် ဂရုစိုက်ဖို့ အားပင်မကျန်တော့ချေ။
အကောင်ငယ်လေး၏ဂူကျင်းက ကျယ်ဝန်းပြီး နွေးနွေးထွေးထွေးလည်းရှိလှ၏။ သူကျင်းထဲရောက်ပြီးပြီးချင်း အလွန်ပင်ပန်းနေသလို ခံစားလိုက်ရသည်။ အက်ဂါကောင်းကောင်းအိပ်ကာ အနားယူဖို့ပြင်တော့သည်။ သားရဲတစ်ပိုင်းလူသားငယ်လေး၏အနံ့ကိုရှုသွင်းလိုက်ပြီး အက်ဂါကအိပ်မောကျသွားလေသည်။ ထူးခြားစွာပင် အချိန်တော်တော်ကြာ နှစ်နှစ်ခြိုက်ခြိုက်အိပ်ပျော်သွားခဲ့ပြီး နံနက်ခင်းပင်ရောက်ရှိလာလေ၏။
အခြားတစ်ဖက်မှ တစ်ညလုံးကျင်းတူးနေသည့်ရှုရှုမှာ သူ၏လက်သည်းများ ပြုတ်ထွက်နေပြီဟုပင် ထင်နေမိ၏။
သူနောက်ဆုံးတော့ အဆုံးထိတူးနိုင်ခဲ့ပြီ။
သူကြောက်ဖို့ကောင်းသည့် မြွေကြီးကို ထားခဲ့နိုင်ပြီ။
ဒါပေမဲ့...နေပါဦးးးးး။
သူ့အရှေ့မှ လေဝင်လေထွက်ကောင်းသည့် အပေါက်ကျဥ်းကျဥ်းလေးကိုကြည့်ကာ ရှုရှုစိတ်ရှုပ်ထွေးသွားရသည်။
သူတောင်၏ နောက်တစ်ဖက်နေရာကို တူးခဲ့တာလေ။ အခုဒါဘယ်နေရာလဲ။ သူထွက်ပြေးလို့ဖြစ်ပါဦးမလား။
သူအခုဘယ်ရောက်နေသည်ဟူသော ကိစ္စကိုထားလိုက်ဦး...။ သူ၏သိုလှောင်ထားသောအစာများက ဂူထဲကျန်နေခဲ့၍ ထိုအစာများကိုရှုရှုမထားခဲ့နိုင်ပေ။ ထို့အပြင်.... မြွေကြီးက သူ့အားလှည့်စားထားသေး၏။ သို့သော်လည်း မြွေကြီးမှာ အမှန်ပင် ဒဏ်ရာအပြင်းအထန်ရနေကြောင်း သူကောင်းကောင်းသိနေပြန်သည်။
သူသာ ထွက်ပြေးသွားခဲ့လျှင် မြွေကြီးမှာ အန္တရာယ်ကြုံလာနိုင်သည်။
ရှုရှုမှာ စိတ်ရှုပ်နေသော်လည်း မရပ်မနားဆက်တူးခဲ့၍ ယခုဤနေရာသိူ့ရောက်ခဲ့ခြင်းဖြစ်၏။
သူ ရင်းနှီးနေသောအနံ့ကိုရပြန်ပြီ။ ရှုရှုမှာ သစ်သားရုပ်လို တောင့်တင်းသွားရပြန်သည်။ ရှုရှုကျင်းကိုတူးစဥ်က သူ၏ဂူဝ၏ဘေးဘက်နံရံတစ်ခုခုတွင် ထွက်ရစေရန် ကွေ့ကောက်ကာ တူးခဲ့ခြင်းဖြစ်၏။ ယခု... သူက သူ၏ကိုယ်ပိုင်ဂူကျင်းထဲ ပြန်ရောက်နေတာလား။
မဟုတ်သေးပါဘူး။ ရှုရှုက အနံ့ခံရင်း ခံရင်းဖြင့် ဤနေရာတွင် သူ၏အနံ့မရှိပဲ မြွေကြီးသာအနံ့သာရှိကြောင်း သိသွားလေသည်။
ဒါဆို....ဒါသူ့ရဲ့ကျင်းမဟုတ်ဘူးပေါ့။ ဒါမြွေကြီးရဲ့ကျင်းပဲ....။
ရှုရှုက ချက်ချင်းပင် သိချင်စိတ်များကြွတက်လာပြီး ဂူထဲသို့ မျက်လုံးတစ်ချက်ဝေ့ကာ ကြည့်တော့၏။
......🐍🐹🐍🐹🐍🐹🐍.....
စာရေးသူမှာ ပြောစရာရှိပါတယ်.....
ရှုရှု🐹: ငါမြွေကြီးရဲ့ လျှို့ဝှက်ချက်တွေကို သိရတော့မယ်ကွ။
အက်ဂါ🐍: သားရဲတစ်ပိုင်းလူသားလေးက အရမ်းကို စိတ်စောတာပဲ။ တစ်ညထဲပဲရှိသေးတယ်..ကိုယ်တို့ရဲ့ကျင်းတွေကို ဆက်ထားတဲ့လမ်းကြောင်းကို ဖောက်ပစ်လိုက်တော့တာပဲ
ကဲကဲ နှစ်ကိုယ်တူအတူတူနေထိုင်တဲ့အခန်း စလိုက်ကြရအောင်။
.............
6.8.2021
(Zawgyi)
ရႈရႈက ဝါးေနသည္ကိုရပ္ကာ သူ၏'အိပ္ခန္း' ဟုသတ္မွတ္ထားေသာ က်င္းေလးထဲမွထြက္ကာ 'ဧည့္ခန္း' ဟုသတ္မွတ္ထားေသာ က်င္းဘက္သို႔ၾကည့္လိုက္၏။
ဟမ္းစတားေလးတစ္ေကာင္အေနျဖင့္ သူ၏ညအျမင္က ေကာင္းမြန္သလို အနံ႕အာ႐ုံခံစားမႈကလည္း ေကာင္းမြန္လွ၏။
ရင္းႏွီးေနေသာ ကိုယ္အနံ႕က သူ၏ႏွာေခါင္းဝနားက်ီစယ္လာၿပီး သူ၏'ဧည့္ခန္း'ေလးထဲ ဖိတ္ေခၚမထားသည့္ ေႁမြႀကီးကအခန့္သားေရာက္ေန၏။
ေႁမြႀကီး သူ႕အနားမရွိေသးမီက ရႈရႈမွာ သူ႕အား မေက်မနပ္ေျပာရဲ၏။ ေႁမြႀကီးက သူ႕အားခ်စ္ခင္ၿပီး မစားခ်င္မွန္း သူ၏မသိစိတ္က သိေန၏။ ထို႔ေၾကာင့္ ေႁမြႀကီးႏွင့္ ေတာအုပ္တစ္ခုထဲေနရသည့္အေပၚ ရႈရႈမေၾကာက္ေတာ့ေပ။ သို႔ေသာ္ ယခုလိုျမင္ရေလေတာ့ ရႈရႈမွာ ေခါင္းႀကိမ္းသြားရၿပီး ေျခေထာက္မ်ားလည္း ေခြယိုင္ကာ ႏွလုံးခုန္သံပင္ ျမန္လာရ၏။
ရႈရႈမွာ သူ၏ပင္ကိုယ္အသိစိတ္အရ တုံ႕ျပန္မႈအားလုံးဝ မထိန္းခ်ဳပ္နိုင္ေပ။
ရႈရႈမွာ 'အိပ္ခန္း'အဝေလးတြင္ ေမွာက္ယက္ကေလးလဲေလ်ာင္းေနၿပီး တစ္ကိုယ္လုံးေတာင့္တင္းေနကာ မလႈပ္နိုင္ရွာေပ။ ေႁမြႀကီးက သူ၏ 'ဧည့္ခန္း' ထဲ ပိုင္စိုးပိုင္နင္းျဖင့္ အေျခခ်ေနသည္ကို အကူအညီမဲ့စြာၾကည့္ေနရ၏။ အေမွာင္ထဲတြင္ သူ႕အားၾကည့္လာေသာ ေႁမြႀကီး၏မ်က္လုံးအစုံမွာ ဘလင္းဘလင္းအေရာင္မ်ားထြက္ေန၏။
ရႈရႈ၏နား႐ြက္ပြပြေလးႏွင့္ တစ္ကိုယ္လုံးရွိအေမႊးမ်ားေထာင္သြားရ၏။ သူ႕တစ္ကိုယ္လုံး ေအးစက္လာၿပီး တုန္ယင္ေနကာ သူ၏စိတ္မအစုံမွာလည္း ဗလာျဖစ္၍ေနသည္။ ကံေကာင္းစြာပင္ ေႁမြႀကီးကအျခားဘာမွ်မလုပ္ပဲ ေခြကာအိပ္ေတာ့၏။ ထိုအခါမွ ရႈရႈလႈပ္ရွားနိုင္လာေလ၏။
ရႈရႈက 'အိပ္ခန္း' ေလးထဲျပန္ဝင္ကာ အဝကို ေက်ာက္တုံးျဖင့္ဆို႔လိုက္၏။ ရွရႈက က်ဥ္းျမႇောင္းလွသည့္ 'အိပ္ခန္း' က်င္းေလးထဲပတ္ကာ တလႈပ္လႈပ္ျဖစ္ေနသည္။
သူက က်င္းတူးရသည္ကိုႏွစ္သက္ၿပီး တြင္းေသးေသးေလးမ်ားတူးရသည္ကိုလည္း ႀကိဳက္၏။ ထိုတြင္းေသးေသးေလးမ်ားက အမွန္ပင္က်ဥ္းလွၿပီး သူတစ္ကိုယ္စာထိုင္ေန႐ုံမွ်သာက်ယ္၏။ ထိုတြင္းေလးအား စိတ္သက္သာလို သက္သာျငားတူးထားျခင္းျဖစ္ေလသည္။
ဟမ္းစတားဘဝမွ ေျပးသည့္လွည့္ကြင္းေလးသာရွိလွ်င္ ယခု ေလးနာရီလုံးလုံး သူမရပ္မနားေျပးေနမည္ျဖစ္၏။
ရႈရႈက သူ၏'အိပ္ခန္း'ထဲမွ ျမက္ပုံေပၚတြင္ တစ္ခဏထိုင္ကာ သူပိတ္ထားသည့္ေက်ာက္တုံးနား ျမက္ပင္မ်ားထပ္ပိတ္လိုက္၏။ ထို႔ေနာက္ ပိတ္ထားသည့္ေနရာႏွင့္ ဆန့္က်င္ဘက္ဆီသို႔ သူ၏လက္သည္းကိုထုတ္ကာ က်င္းစတူးေတာ့၏။
ရႈရႈမွာ...မရပ္မနားတူးေနေလသည္။
ရႈရႈက ဆက္လည္းမစားေတာ့သလို၊အိပ္လည္းမအိပ္ေတာ့ပဲ တြင္းသာတူးေနေတာ့၏။ ဤေတာင္ႀကီးကို ျဖတ္၍မတူးရမခ်င္း ရႈရႈစိတ္ၿငိမ္မည္မဟုတ္ေပ။
ရႈရႈတူးထုတ္လိုက္ေသာေျမႀကီးမ်ားက ေလထဲတြင္ ျပန့္လြင့္လာၿပီး သူက တစ္ခါတစ္ရံ ေက်ာက္တုံးမ်ားကို တူးမိ၍ သူ၏လက္သည္းမ်ားမွာ အလြန္နာက်င္သြားရေသာ္လည္း လက္မေလွ်ာ့ပဲ အလုပ္ထဲစိတ္ႏွစ္ကာ က်င္းတစ္ခုကိုဆက္လက္တူးေနခဲ့၏။
ေႁမြႀကီးအားျမင္လိုက္ရ၍ ရႈရႈမွာ သူ၏'ဧည့္ခန္း'အား ေၾကာက္႐ြံ႕ျခင္းအေပၚမထိန္းထားနိုင္ခဲ့ေပ။ ေႁမြႀကီးက သူႏွင့္ေဘးခ်င္းကပ္ရပ္တြင္ရွိသည္ဟူေသာ အေတြးက သူ႕အားပို၍ေၾကာက္႐ြံ႕လာေစ၏။ ယခုလိုက်င္းတူးေနရေတာ့ သူေတြးေနသည့္အရာအားလုံး ေမ့နိုင္သြားခဲ့၏။
သူပို၍တူးေလေလ တြင္းက ပိုနက္လာေလေလျဖစ္၏။ သူ၏ေနာက္ဘက္တြင္လည္း ေျမစာမ်ားပုံေနၿပီး သူႏွင့္တူးခဲ့သည့္တြင္းလမ္းေၾကာင္းအၾကား အဟန့္အတားတစ္ခုကဲ့သို႔ျဖစ္လာ၏။ ထို႔ေၾကာင့္ သူစိတ္သက္သာရာရေနၿပီး သူ႕ကိုယ္သူပင္ ဂုဏ္ဆာမိသြား၏။
ဟြန့္....သူ႕ဂူကိုမ်ား လာအပိုင္စီးခ်င္ေနေသးတယ္။ သူက ဘယ္အခ်ိန္မဆို ေနာက္တစ္က်င္း ထပ္တူးၿပီး လုပ္နိုင္ပါတယ္ေနာ္။
......🐹🐹🐹🐹🐹🐹........
သားရဲတစ္ပိုင္းလူသားေလးေနသည့္ က်င္းေလးဆီမွ တူးသံ၊ ေျမစာမ်ားက်သည့္အသံမ်ားကို အက္ဂါၾကားေပမယ့္ ဂ႐ုစိုက္ဖို႔ အားပင္မက်န္ေတာ့ေခ်။
အေကာင္ငယ္ေလး၏ဂူက်င္းက က်ယ္ဝန္းၿပီး ႏြေးႏြေးေထြးေထြးလည္းရွိလွ၏။ သူက်င္းထဲေရာက္ၿပီးၿပီးခ်င္း အလြန္ပင္ပန္းေနသလို ခံစားလိုက္ရသည္။ အက္ဂါေကာင္းေကာင္းအိပ္ကာ အနားယူဖို႔ျပင္ေတာ့သည္။ သားရဲတစ္ပိုင္းလူသားငယ္ေလး၏အနံ႕ကိုရႈသြင္းလိုက္ၿပီး အက္ဂါကအိပ္ေမာက်သြားေလသည္။ ထူးျခားစြာပင္ အခ်ိန္ေတာ္ေတာ္ၾကာ ႏွစ္ႏွစ္ၿခိဳက္ၿခိဳက္အိပ္ေပ်ာ္သြားခဲ့ၿပီး နံနက္ခင္းပင္ေရာက္ရွိလာေလ၏။
အျခားတစ္ဖက္မွ တစ္ညလုံးက်င္းတူးေနသည့္ရႈရႈမွာ သူ၏လက္သည္းမ်ား ျပဳတ္ထြက္ေနၿပီဟုပင္ ထင္ေနမိ၏။
သူေနာက္ဆုံးေတာ့ အဆုံးထိတူးနိုင္ခဲ့ၿပီ။
သူေၾကာက္ဖို႔ေကာင္းသည့္ ေႁမြႀကီးကို ထားခဲ့နိုင္ၿပီ။
ဒါေပမဲ့...ေနပါဦးးးးး။
သူ႕အေရွ႕မွ ေလဝင္ေလထြက္ေကာင္းသည့္ အေပါက္က်ဥ္းက်ဥ္းေလးကိုၾကည့္ကာ ရႈရႈစိတ္ရႈပ္ေထြးသြားရသည္။
သူေတာင္၏ ေနာက္တစ္ဖက္ေနရာကို တူးခဲ့တာေလ။ အခုဒါဘယ္ေနရာလဲ။ သူထြက္ေျပးလို႔ျဖစ္ပါဦးမလား။
သူအခုဘယ္ေရာက္ေနသည္ဟူေသာ ကိစၥကိုထားလိုက္ဦး...။ သူ၏သိုေလွာင္ထားေသာအစာမ်ားက ဂူထဲက်န္ေနခဲ့၍ ထိုအစာမ်ားကိုရႈရႈမထားခဲ့နိုင္ေပ။ ထို႔အျပင္.... ေႁမြႀကီးက သူ႕အားလွည့္စားထားေသး၏။ သို႔ေသာ္လည္း ေႁမြႀကီးမွာ အမွန္ပင္ ဒဏ္ရာအျပင္းအထန္ရေနေၾကာင္း သူေကာင္းေကာင္းသိေနျပန္သည္။
သူသာ ထြက္ေျပးသြားခဲ့လွ်င္ ေႁမြႀကီးမွာ အႏၱရာယ္ႀကဳံလာနိုင္သည္။
ရႈရႈမွာ စိတ္ရႈပ္ေနေသာ္လည္း မရပ္မနားဆက္တူးခဲ့၍ ယခုဤေနရာသိူ႕ေရာက္ခဲ့ျခင္းျဖစ္၏။
သူ ရင္းႏွီးေနေသာအနံ႕ကိုရျပန္ၿပီ။ ရႈရႈမွာ သစ္သား႐ုပ္လို ေတာင့္တင္းသြားရျပန္သည္။ ရႈရႈက်င္းကိုတူးစဥ္က သူ၏ဂူဝ၏ေဘးဘက္နံရံတစ္ခုခုတြင္ ထြက္ရေစရန္ ေကြ႕ေကာက္ကာ တူးခဲ့ျခင္းျဖစ္၏။ ယခု... သူက သူ၏ကိုယ္ပိုင္ဂူက်င္းထဲ ျပန္ေရာက္ေနတာလား။
မဟုတ္ေသးပါဘူး။ ရႈရႈက အနံ႕ခံရင္း ခံရင္းျဖင့္ ဤေနရာတြင္ သူ၏အနံ႕မရွိပဲ ေႁမြႀကီးသာအနံ႕သာရွိေၾကာင္း သိသြားေလသည္။
ဒါဆို....ဒါသူ႕ရဲ႕က်င္းမဟုတ္ဘူးေပါ့။ ဒါေႁမြႀကီးရဲ႕က်င္းပဲ....။
ရႈရႈက ခ်က္ခ်င္းပင္ သိခ်င္စိတ္မ်ားႂကြတက္လာၿပီး ဂူထဲသို႔ မ်က္လုံးတစ္ခ်က္ေဝ့ကာ ၾကည့္ေတာ့၏။
......🐍🐹🐍🐹🐍🐹🐍.....
စာေရးသူမွာ ေျပာစရာရွိပါတယ္.....
ရႈရႈ🐹: ငါေႁမြႀကီးရဲ႕ လွ်ို႔ဝွက္ခ်က္ေတြကို သိရေတာ့မယ္ကြ။
အက္ဂါ🐍: သားရဲတစ္ပိုင္းလူသားေလးက အရမ္းကို စိတ္ေစာတာပဲ။ တစ္ညထဲပဲရွိေသးတယ္..ကိုယ္တို႔ရဲ႕က်င္းေတြကို ဆက္ထားတဲ့လမ္းေၾကာင္းကို ေဖာက္ပစ္လိုက္ေတာ့တာပဲ
ကဲကဲ ႏွစ္ကိုယ္တူအတူတူေနထိုင္တဲ့အခန္း စလိုက္ၾကရေအာင္။
.............
6.8.2021