مساء الخير
البارت 37
،،،،،،،،،،،،،،،،،،،،،،
هذوله احنه
مشت دنيانه بـ المگلوب
والتمّت علينه حروب
وانسدّت دروب وبوب
لكن ابد ما طحنه
هذوله احنه
سمر سحنه
ورد جوري اذا فحنه
،،،،،،،،،،،،،،،،،،،،
حبيبتي تنزلين؟
ثامر فدوه لا
يولي مشتاكلج بس اشوفج قابل راح اكلج
بتسمت ايدي على كلبي يطب سريع همست
لا
نتر
عجل كيفج راح انام
زعلت
سكت
ثامر
بثينه ماحب اسلوب تختل تحسسيني من تسوين هيج انه بايكج ول شكو بيها لو بلحديقه كعدنه تره احنا ولد خاله كبل لنكون حبيبين
سكتت ونتر
نزلي يله
سديته ونزلت ميته خجل بس ماريده يزعل البيت اضلم بس جمره لفحمه تلمض وفقاعات لماي تتصاعد من النركيله
وكفت بلمطبخ اروح لو ارجع اروح لو ارجع لمحني تحمحم فكيت باب لمطبخ وطلعت
جان كاعد بحركته لمعتاده لكرسي كدامه ماد رجليه وساند ضهره على ليوره نفكت باب لمطبخ كعد عدل وشال لكرسي لكباله جابه بصفه وكفت شابكه ايدي فر القمجي على نركيله وميل راسه مبتسم
حدري اكعدي
نصيت كعدت عيني مرفعته حنجرني يبست ميل راسه شابك ايديه منصي
شلونج
الحمدالله
يمتى تبطلين خجل
سكتت
بثينه شسويتلي وصارت روحي بيج
رفعت عيني جسمي نمل من كلامه سئلته ..صدك ثامر شلون هيج صارت مشاعر عندك الي فجاه اشو ماحسيت بيها بيوم؟
جثير شكد ماتتصورين
كبرتي وحليتي بعيني
ليش انه حلوه؟
خجلت روحي ماعت وكفت رفع رأسه
وين ؟
افوت انام
وانه؟
شبيك انت
النوم هاجرني ونفسج هيج جريب مني موكادر اغفى عليه
فكيت عيني رتبكت وتلفتت ادير وجهي اخجل ادحك بي
وكف
باجر انه اوديج للمدرسه
لاسيف جاي يأخذني كل يوم
بس انه اريد اوديج اريد املي عيني بشوفتج جم دقيقيه يولي انخرط من ادحك بيج جدامهم وتدمعين اشتعل من تغرغر عيونج خوف بسببي
عجل لاتضل تدحك بيه جدامهم
اسد عيوني ؟
بتسمت
رحت فدوه لهاي لعيون لتضحك وتسحك كليبي
حجاهه وركض فتت كلبي يطب وحلكي يبس عبالك جنت اركض كد مالهث نمت بلعجل مغمضه وكلامو يرن بذني ماريد افتح
ماريد يروح شي من الحجاه اريد اغفه على سوالفو
وصدك بس حطيت راسي نمت بعد ماحسيت غير ماما تنده بيه على دوام بلعجل نهضت بدلت بكل همه
وادحك عليه من الشباك يمسح بجام السياره نزلت ماما وخاله وجده يتريكون رادت ماما اتريك كتله ماريد سئلت على سيف كالو راح لشغلو ناس منتضري ثامر يوصلج بتسمت لاارادين هوه زحلكه
طلعت صبحت عليه جار عينه يمسح بلجامه ويجاوب ببتسامه تارسه وجهو
صعدت وشغل طلعنه يفر بلستيرين ايده على تجوه لسياره ميل جسمه
حركه
حركه اراقب بيه وأبعد روحي عبالك راحد يطخ بيه ليحد ماعدل لسياره فرهه وصرنه نمشي على شارع
عدل كعدته ومد ايده لامست ايدي بسرعه جريته قوه لزمته ندار صرنه عين بعين نصيت على ايدي بصابعه داهر اصابعي يكلي
مالاتي يولي اول وتالي مالاتي ذني
كلمه كلمه اتذكرهه وابجي ابجي كل قوتي
ليش تباعدنه
ليش خطاب طلك سجى وشعل النار بلبيت
ليش ثامر مو طايقني
مايدحك بوجهي
انه شذنبي
اخوي اي
بس انه حبيته وتعلقت بي وهوه لسبب ليش هلساع داير وجه مني
جنت كاعده مكرفصه راسي بين رجليه مسدت سجى على ضهري رفعت راسي عيونه مليانه دموع وهيه مواحسن مني
تعبانه وجهه اصفر وجوه عيونه اسود هزت رأسه
بثينه شبيج
بجيت
تنهدت ساكته بحركه حجيت
سجى والله انه ماذنبي والله مورضايه على السواه خطاب ولا قابله بس عليش ثامر مجافيني
وين حبو
كلامو
مغازله
كله هذا ختفى من يوم طلاكج
هساع لو يحاجيني يبرد كلبي جان انه بخير مو هيج عينه مايحطها بعيني
بثينه انتي مالج دخل ولاتخلين بالج ثامر يحبج والله بس مقهور من الصار هسه جم يوم ويبرد شوفت عينج البيت كلو مخربط وضعو
اصبري عليا ولاتلومي
مالايمته والله اختو انتي ومن حقه ينقهر عليج وهوه جاب حكج مربع من اخوي مافكيت حلكي بس انه ليش مجافيني
ليش تغير عليا
لايحاجيني
لا يرد على مكالماتي ورسايلي يقرا ويطنش منين اجيب كلب يتحمل كل هذا
بجت
سجى شبيج انتي الثانيه لاتزيدين همي هم
عجل انه شكول
بثينه ليش انه لصارلي شويه يامره تفرح بطلاكه بثينه انه ناري تلهب بصدري وساكته
انه الي طلكت وراح بيتي ورجلي ودراستي وخسرت كلشي
ثامر من جم شهر حبج وجم يوم هساع جافاج روحج طارت
عجل روحي شدكول
جنت ماطيقه كبل وشويه شويه صارت روحي بي
صار كل حياتي
وصرت اشوفو يعادل زلم الدنيه كلها وفجاه كام يجر بروحه
بتعد
وبرد
وخان
وكلبي يلجم ويرد ليوره يلجم ويرد ليوره
انسان تصير انت وياه روح وحده جسد واحد تشاركه كل الجوارح وتنطي شكو حب بكلبك
يغدرك
يخونك
يخسرك اغلى شي بينك وبينه شي خبط دمك بدمه ضناك
ويرجع يخسرك صحتك
وتالي كرامتك
ويرد على بيتك
وتصفى بدون كلشي
كلكم داير مدايري تواسوني بمصيبتي والي يكلي ودعج يولي دمعه لاتنزلين عليه مايستاهل
كل هذا كلام لان لشوف مو مثل السمع
ليعيش مو مثل ليسولفون بي
اذا بجيت ابجي لان حبيته بيوم
واذا نقهرت انقهر على كل لحضه ضيعته وياه
اذااحن واشتاك مواله
احن لراحتي
لفراشي
لدراستي
ولمسات ايدي
بغرفتي
بمطبخي
بكل شبر بشقتي
مو سهله حياه كامله عايشته بيوم وليله تروح منج
ليغير مجانو يوم يلوب يلوب يله يتعود على مجانه لجديد
وانه شيعودني
تفاصيل كلكم تشوفوهه تافه واشوفه كلشي بلنسبه الي فرتي بيتي
كعدتي من الصبح
ارتب واكتر
وخلي بكل مكان لمسه
كل هذا تبخر وعفت الجمل بما حمل منهزمه بروحي
ولازم اسكت
ماابجي
اعيش
ماانقهر
تعاي كليلي منين اجيب هذا لكلب ؟
رفعت راسي عينه بعينه مليانه دموع ترجف حضنته صارت تشهك واشهك وياهه ليحد ماتعبت ونامت مكنفه
غطيته روحي عليها معصوره والله لعضيم تجيني ساعات اريد اتحسب على اخوي من لمسوي بيها وارد استغفر واسكت
نار
نار بصدري من كل لجهات مشتعله وماعرف شلون اطفيها
افك الكتاب الهي روحي اقره وبلنهايه حرف مايفوت مخي وكله ينمحي وكت الاسمع خطواته تفوت للغرفه وتطبك لباب روحي تنطبك واضل الوب
تنفست ارجف وتالي ماتحملت طلعت بكلي يحن بكلي يحس
كعدت على درج ايدي على راسي احس ماعدت أفكر كل همي يفهمني
شبي وياي
شبدر مني وشسويتلو تايعاملني هيج بس ماكدت بس حسيته طك قفل الغرفه ماهانت عليه نفسي يشوفه مشموره عليه
ركض لبدت جوه الدرج وطلع بطرك لداخليات فات للحمام
وكفت اريد ارجع وداخلي رافض
لالا اكعد هين و الله صوت مايطلعي
بس اشوفو
اطفي شوكي
لهفتي
وبس ماريد شي
ارجف
ارجف أفكر
بيدي مكعوره روحي
طلع ينزل بفانيلته ندار وكف على مغسله يغسل
وينصي ينفض ايده بلمغسله ويرجع يرفعه على رأسه يخليها على شعره مشابك يصفط اطراف شعره من وره روحي تنخرط
مركزه حتى بوبو عيني راح يطلع كد مايدحك بي
وندار بحركه سريعه حتى ميشوفني رجعت جسمي ليوره نطخيت بسطل الحصه
عضيت شفتي مغمضه وفكيت عيني على وجه منصي ايده لازمه حافه لدرج يدحك بيه
كل شعور مضل عندي
متتت
وتمنيت اتبخر
رفع رأسه وكف متخوصر ورد نصى يهز براسه
اطلعي يابه اطلعي
ااااااويلي شصار بيه
من فشلتي
من قلت حيلتي
كعدت على حيلي كل قوتي ابجي صامه حلكي
مدلي ايدي من معصم ايدي جرني كل جسمي اجه بيدي كد مو مخنطله من الفشله
وكفنه منزله راسي ساده وجهي بيدي هوه كبالي منصي متخوصر من فتحات اديه اشوف شلون رجله تهز عاوج وحده من رجليه لشحاطه مكلوبه صفح
حركه تعلن توتره وايدي لصامه وجهي تعلن توتري تنفس بصوت مسمع ومشى وخرت ايدي ميل رأسه يأشر على الديوانيه مشيت وندار فات لغرفته لتفتت هز رأسه
بس البس
فتت كبله كعدت نفسي سريع
نوبه اكول شلون فشله
ونوبه اكول شيصير يصير بس حط عينه بعيني أفكر هيج
وفات لابس بجامه والتشريت بركبته يلبس بي كعد بصفي بعد شبر وصوتنه ماطلع لثواني وثنينه دحكنه بعض
برطمت وتنهد
شبيج
انت شبيك
بيه جثير
وانه شذنبي
عجل خطاب مو اخوج
اي بس مالي ذنب بفعالو
واختي شذنبه بلسواه
مادري همه بينهم
شلون بينهم تريديني اكعد اغازلج وتلهف عليج واختي مكسوره كلب وخاطر
فكيت عيني كله خنزر بهدوء نترت
كتلك مالي ذنب كل واحد مسئول على افعالو وانه مامسئوله على أفعال اخوي
مشكلتج هاي مو مشكلتي
شقصدك
سكت
ثامر شقصدك
مجاوب وكف يهز برجله يفرك حيل بصفحه وجه نصيت راسي دموعي تسرسحو ثنى جدامي عكوس اديه على رجليه ميل رأسه
بثينه اذا واحد اذى مريم ومريم ماعدهه غيرج متحاميه بيج وتشوفج انتي سندهه الج عين بعد تحاجين من اذاهه ؟
بس انه مو خطاب
ولاانه اكدر اكسر كلب اختي
يعني شنو ؟
يعني لاتتوقعين اكعد احبج وتمعشك وياج واختي دحك وتشوفني اسوي العكس
تشوف اخوج شلون خانه
وانه شلون احبج
تشوف اخوج شلون ذله
وانه اركض وراج وره حبج
تشوف اخوج شلون اذاهه
وانه شلون ادور حبج ورضاج
ابد ابد هيييينوب ماسويه
خنزرت مصدومه من كلامه شال ايده عصر اطراف شعره من وره حيل ونزله بعصبيه هم ديمشي بتقطيع من بين دموعي وجلماتي مكطعه كتله
ح ح حرا امات حبيتك
ندار مزنبر نتر
وحرامات امنت اختي بيد اخوج النكس
هزيت راسي امسح بدموعي نصيت وفتت من يمه
قبض ايده كل قوته حتى دمارتو بينت بس متحرك
منطه رده فعل
محرك ساكن
هذا ليرجف من قربي
ليموت بخطواتي تحول صخره
ملامحه جامده
جامده كل حب مابيه
من يومه
من لحضته عرفت احنا نتهينه
خلص ابد مادوس نفسي
ولا ادوس كرامتي
لميردني ماريده
يستحيل بعد ينول نضره مني
ورقه
ورقه وحركته بعد من هذا ليوم
اي اي
ثامر ورقه وحركته
اديان ... ايهم تحفظ لو شلون
ماما ولله حافظ
اقره يله
قل هوه
ها ها ها هاي شكلنه مو كلنه نسمي بلاول
نثيت يله .. بسم الله الرحمن الرحيم قل هوه الله الصمد
اااااايهم الله احد مو فقعت مرارتي
ضحك صام حلكه بيده نترت .. هيه مو مال ضحك هذا قران حرام حبيبي يعني ميصير هيج سبوع صارلنه بسوره الاخلاص شوكت نحفظ لباقي يعني هاي لو اغنيه جان ركض حفضته
اي ثوفي شلون حافظ ....
جيناك بهايه ها هاا واهلك وفايه ها ها بث اثر بيدك وثوف نجيبه ليمك متثوف احنا من ثاحب من عوف احنا مابينه مخربط
يغني يكمز يسوي بيه حركه مجتف ايده متت ضحك حتى فارس مبتسم
شوف لشيطان شلون منعول ايه صار سبوع محفضها واغنيه طشت من يومين كل شويه يطلعها بلتاب وحفضها
جريته بحضني يكركر شاورته تحفظ لو ازعل هز رأسه يضحك
اي اي احفظ
بسته
عفيه بلسبع حتى اسويلك كاستر وجلي وتراب الملوك وكلشي تحبه
ركض شال لتاب وفات يوتيوب طلع طلب البحث شلون يسوي حركات يقرب لتاب على حلكه بعد شويه يفوت راسه بي يهمس
قل هوه الله الصمد
اباوع عليه مبتسمه مرتاحه حيل هل فتره داحس بروده بااايامي لخاليه من كل كلشي ومابيه غير ايهم وفارس
الكل بتعد خاصه بلفتره الاخيره من صار موضوع سجى وخطاب
لوضع توتر مجنت اشوفهم ولايجون بس هاي لكم دقيقه لتخابر لحجيه بيه لو لبنات توضح كلشي
بتعدو مشاكهلم اخذتهم منه حتى فيصل قليل يجي نص ساعه ويروح
اطلع اسلم واقدم جاي بعينه ماباوع يكعد يم فارس يسولف ويتصفحله بلفون حتى لو فارس ميحجي شويه ويطلع
وهيج مرت الايام حتى مراجعه عد فارس مكدت اخذه لااندل ولااكدر وحدي وما عندي جرى احاجي فيصل بقيت ساكته وهم مطمئنه لان علاجه مخلص ومواضبه دانطي منه
ايهم ديسمع للايه واني كمت طبخت الغده كملته
وجيت على فارس وياي كرسيه لمتحرك خليته كباله لملمت لجرجف من عليه دشداشته مرفوعه نزلته مجرد ايدي تلامس جسمه يكزبر يتئاثر
بس ايدي لامست فخذه حبحب بتسمت منصيه
مستمره انزل رجليه وداخلي يكلي
لو مو يعوفج
لو مو يرجع مرته ويحطه مره عليج
يضل هوه هوه فارس ليرجف يرجف بقربج
رفعت راسي لزمت ايده سانده ضهره رفتعه كعدته على كرسي واخذته للحمام سبحته وضيته جنت كل يوم اسويله هيج
نشفته وعطرته امشط بشعره ومرخي جسمه مرجع رأسه على حافه الكرسي مغمض
وكفت لثواني بقه مغمض خليت ايدي على جتفه
فارس نمت
فتح عيونه مثكله
يله نصلي
مديت ايدي كبرت غمض ندرت
فارس فك عينك كدام ربك حتى لو متكدر توكف تصلي بحواسك صلي بعيونك بلسانك
يله عفيه مو كل يوم اعيد نفس الكليشه
هدت ملامحه
بديت اصلي مثل كل يوم اربع ركع الضهر وكعدت اسبح طبيعتي من اصلي افصل عن كلشي وين اله ندرت لكيت وجه مطعون طعن
تنفست استغفر كمت غسلت وجه ورحت صبيت الغده غديته وأخذ علاجه بس ممرتاح يلوب براسه فاك عيونه
عرفته راح يتقيى ركضت جبت سطله وتقربت بس رفعت رأسه من يم ركبته تقيى كلشي بطنه
تعب يلهث شفته ترجف مسحت وجهه ومددت حتى دموع من عينه طلعت
ربي شسوي والله اريده يطيب
غمض ولملمت كلشي يمه فوني يتصل رحت للغرفه جاوبت عذراء سلمت ونطيتي ماما بس كالت شونج
عبالك داست على جروحي
يوم تعبت
بنتي الج الله شتسوين بعد
يوم ديختنك خاف على غفله يخنكه ويموت
ميخنكه لقران اقوه منه قريتي اليوم البقره لو لصافات
البقره يمه الصافات غير يتخبل
وج بعد احس بلكي يطلع منه ولنه متعافي وج امي حتى العافيه ترجعه هذا مسيطر عليه حتى علاج مديمض بي
لعد اليوم بليل اقراهه
امي المغرب
ماما والله اخاف
وج اديان كد القطره لاتخافين انتي ايمانج قوي هوه يخاف منج
شكد مااخاف
شكد ماكلام ماما يترسني قوه واردد يطيب والله يطيب استمر بلداسوي وعلى يوم اشوفه يصلي بدون خوف
بدون ميتخربط
ايهم غفه خليته بفراشه غطيته وطلعت مددت كباله على قنفه لحد مغفيت وكعدت لمغرب جان دقايق بعد ويصير الاذان
ركض ركض توضيت حتى الأيهم مباوعت جبت المصحف واجيت يم راسه اقره كعد مخنزر يعن براسه ولاهتميت
اقره واقره ختمته وبعده صليت كباله جيت داكومه اخذه افوته حمام واوضي مقبل لازمه ايده لسليمه يجرهه مني
اتوسل واقنع قفل داير وجهه
حيل تعبني ماضغطت عليه عفته
لليل بين عشاه وعلاجه وايهم تااخر لوكت وعينه مغمضت عرفته شد وياي حتى اعوفه ابطل اوضي
ابطل اخلي يصلي
وابطل اقره القرآن يم راسه
كم مره لاحضته أكثر شي من اقره سوره الصافات لو سوره الدخان هيج يشد وياي
ماانكر خوفي لان ادري مو هوه هيج ديسوي ويرجع كلام ماما يدك براسي انتي ايمانج اقوه
بيومها نمت مرهقه
خوف على قلق حضنت ايهم عبالك احتمي بي
لنص ليل تحسست لمساته على وجهي بقيت مغمضه بس كاعده
مكاني بصف سريره فيت جواه حتى اذا يحتاج حمام بليل بس يدق جتفي افز
اليوم موصل جتفي ايده تمشي على وجهي اصابعه تتلمس شفتي
بلعت ريك اخاف حتى صوته يطلع
وووين رجعني
وين وداني
اخذني لفارس مال قبل ولديان القديمه
ايدي لجوه لجرجف حيل حيل ضاغطه على دوشك كمت اكطع بلنفس عزه حفضح روحي
تحركت احسسه كعدت جر ايده كمت لحيلي مرتبكه
لحضه ردته
حنيتله
بس من ركزت بعينه لملمت روحي وعيت
كمت الم بشعري وكفت اخلي كذلتي وره اذني
عينه متشكله عليه
فارس تروح حمام
هز رأسه اي نصيت كفيت لفراش وجبت كرسيه
جان نفسه نار جسمه مخنطل
مجرد رفعته رتمه على جسمي وجه صار مباشره يم عضم كتفي حتى فكت حلكه وسدته من بلل شفته حسيت بيه
تخربطت احولنا تلاشيت كلشي خليتا على كرسي يفر براسه وين ماعيني تروح نصيت يم رجله اخليه على مسند منصي وياي وكفت اندار ندار رأسه وراي عيني صارت بعينه باوعني متوسل
لأول مره من تمرض يريدني
يريدني بعيونه
يردني بحاله وبوضعه هذا
عرفته من جسمه ليرجف
من ايده لقابضه
من حراره شفته من صارت على كتفي
سكتت وكتفيت انصي وادير لكرسي للحمام وصلته ردت انزله من لكرسي قوه روحه
فارس شبيك
عكض دار وجه
عرف ملنت
عرف فهمت عليه ومطاوعته
فارس
مرفع رأسه
تروح للحمام لو لا
هز رأسه منصي مخنزر على كاع لا
فريت لكرسي رجعته مقبل ينام بفراشه
عفته ورجعت لفراشي مغطيه راسي
اااياج تضعفين
اااياج ترضخين
اياج واااياج
مداريته اي
بس زوجه اله بعد الصار لا
مددت جسمي يختض مثل السعفه صامه حلكي عبالك ديسمع نفسي لمضطرب
لحضه مغفيت
ولارفعت راسي اباوعله لحد مطلع لصبح تحرك فراش ايهم كعد كف الغطه وراح يدودو ويصعد بحضنه وينزل عاد كمت شافني ركض بحضني بسته ورحت غسلت وجهي وسويت ريوك
بيومه متريك
ويومين ميباوع بوجهي رجع يستنكف من مساعدتي اله حيل حيل يضطر
من تخابر لحجيه ولبنات يدير وجه والحجيه تبجي
سوده عليه ادري بيك زعلان بس لوتدري شديصير وانت ماكو جان ماعتبت
موالك النومه يبييي موالك النومه يخيي ول والله من نام الحيد كلها تفرعنت
يسمع عيونه تريد تنط اترخص واسده انوب يخنزر يريدهم واني مابيدي شي
كل جهد ابذل حتى اخطي خطوه وياه ليكدام يرجعني كومه ليوره
اكله قل
علاجه يصم حلكه يشلع كلبي اله يشربه
تدهور وضعه وخفت خابرت لبنات كالت ام ثامر بنتي فدمره نفسيته مدمره ماكدر اعوفه راح تجيج ام خطاب
كتله عنده مراجعه فدوه خل نودي كالت بااسرع وكت همه يمج سديته وشفت شعندي نواقص
من البلكونه صحت ابو علي اجه نطيته ورقه كاتبته تسوكلي خطيه كومه
لحوم ومخضر صدانيك مي ترست الثلاجه والمجمده حتى من يجون ماحتاج شي
يومين وره مخابرتي ويه ام ثامر وانصدم بجيتهم وياهم ميسون روحي تفركطت
الحجيه اول فوتته عليه تماسكت روحي كدامه تلكيته برحابه صدر اي شي مبينت كدامه
ميسون وتبارك ركضن يبوسن ويسلمن على فارس واني بعدني استقبل لحجيه حضنتني حيل تبوسني منا وتردني منا
كمشت ايده وصلته ليمه بتعدت ميسون والحجيه بس صار كباله وكعت عوجيته من ايده نامت فوكاه صوت بجيها شك كلبي وفارس لدموع بعينه تلالي
ام خطاب بعد ماتسالمنه عيونه جانت تتنقل بيني وبين ميسون بس جنت بارده حيل مهتميتله رغم ماسلمت وتباوعلي بحق مبادلته حتى النضره
عفتهم ورحت للمطبخ طلعت صينيه وخليت كلاصات الماي لحكتني ام خطاب تتبلعم
عذرينه خيتي والله جت من غصبا علينه فضحته لمصكوعه لسانه شطولو وركبت رأسه اله تجي
ندرت ورديت ببتسامه.. ام خطاب لايضل بالج جايه على رجله وبيت رجله اني شكو تتعذرين مني
سكتت منصيه فكيت كلاص الماي نطيته وطلعت
الحجيه تنحب يم راسه
يوليدي ويخيي عليش هيج صار بيك ول والله كسرت ضهري هاي نومتك لو انه بمكانك ولا انت
فك عينه حيل عيونه مغوركه ثامر جرهه جوه جتفه يسكت بيه
جده يزي انتي مريضه
نطيته مي شربت وتترحم على والديه واني اردهه والديج يمه
ميسون بس تخوزر وتبارك صاعده يم فارس على سرير حاضنته وبيده لسليمه لافها
تقربت مسحت عيونه نترسو دمع محبوس نطت ميسون بصفا الشال على وجهه دكله
عمت عيني عليك يابو بيتي ان شالله لعدوينك هاي لنومه ان شالله للفاتو بيني وبينك والله على عصابي ماجيتك وروح المرحوم مايخلوني اله انه كتلت روحي يابعد اهلي انت شعندي غيرك انه شو لاام لا اب ولا احد ماتهون عليه هاي وكعتك ولا اتكون عليه عشره ست سنين وفتنه بسنه السابعه وانت خيمه على راسي شلون مااحترج عليك
اسمع منصيه بداخلي اكول شتغلت رحمه الل
ه
اول جفصه
اول خنجر
اول مسمار
ست سنين وفتنه بلسابعه
والحر تكفي الاشاره
عستها ام خطاب ندارت جاره عينه وكامت كعدت يم رجله تفرك بيهم
خليت وكمت للمطبخ
مطلعت بعد منه اله صبيت الغده وتغدو وشربو جاي اله مددت بلغرفه شويه جاني ايهم مبوز نومته على ايدي استفسر منه
حبيبي شبيك
برطم
كعدت لحيلي
ايهم منو وياك
اشر على هول
حتركت شسووله
جريته من ايده للممر من بعيد كتله منو اشر على تبارك الي ماتحركت من يم فارس
ثنيت كباله .. شبيها
تتلتني
ليش ؟
دول ابويه هذا لا تدعد يمه انت ماعندك ابو
ميخالف حبيبي معليك بيه لتروح يمها اني مو امك؟
هز رأسه اي
لعد هذا هم ابوهه وانت ابوك فوك يم الله بلجنه
سكت مقهور
اخذته نيمته وطلعت الشقه صنتى بردات الممر مجرورات على هول من مريت مشافوني شربت مي ورجعت واسمع ميسون دكول لام ثامر
يولي هاي هايطه بفلوس اخوج حدري افتحي الثلاجه والمجده وشوفي التبذير والبذخ والله تلكيها مكوشه على كل فلس عندو
ردته
اي تبذير شوفت عينج ماعدهه هين احد تتسوك وتخلي بلبيت مو هل جينه وماخلت شي ماحطتو جدامنه قابل اله تراها للبيت وللخطار
اي ومنيلها شو اخوج مكرم وكاعد
يااا وانتي شعليج شتقصدين بهذا كلامج ميسون انجعمي وهيدي وليرحم اهلج وج محفظته من وكع مليانه فلوس ضلت يمي ومن جبناه هين توسلت بيه تاخذه مارضت
اله كتله موالج يابه خليهن للبيت نحنا بمحنه وخطار رايح جاي واريدله علاج واكل خليهم اصرفي منهم عليه وهل جاي تصرف لاتخلين بختج البنيه ماكو منها قابل منين تريد تروح تجيب
سكتت مطلع حسه
رجعت للغرفه كعدت اقنع روحي
سكتي عيب
لاتحجين ولاتفكين حلكج وهيج شكول توقعي كلشي يطلع منها
وفعلا صرت شسمع اسكت وهيه ماخذه راحته بلبيت تفتر وتتلزك بصف فارس وتبارك مفاركته
اباوع ولتزم لصمت وكل ماعيني تصير بعين فارس انصي كنما اكله
هذا غلطك
وخذلانك كدامي وبيتي وعلى كلبي كاعده برضاي أو غصبا عني
بيومه بليل حرت وين انام وشلون اذا كعد بليل منو يمه ثامر مدد بلهول كلت اخذه بلغرفه حتى ميزعجهم
زنبرت ميسون وين ماخذته
وين تريدين بي
هوه وين حيلو تايكوم
عليش مسحسلتو شنو بس انتي حرمتو تره حالي من حالج
هم يحقلي إداري عجل عليش جايه قابل اتونس
حدري حدري نامي بغرفتج ونحنا اهلو كليته يمو
خجلت صرت شكدوتني ثامر صافن عليها والحجيه دكله شجاج نفتحتي لبنيه موزين منها شايل هم كعتو
سكتت تفر بيده
عفته ورحت للغرفه من صدك داحس داجمع عليه
لثاني يوم لصبح جوي بيت فيصل كلهم وكفت فد وكفه بلمطبخ
ميسون كدامهم متحركت ولا كامت كضته يم رجلين فارس تفرك بيه للعصر وراحو ثامر جان حاجزله عند الدكتور لملمت علاجه واورق مراجعته نبصت نفسه اني اروح عاد لهنا وكفت كدامه كتله
لااني لروح
اني لصار شهور مراقبه وضعه
اني لعرف علاجه وقته و شنو لصار بي بهاي لفتره
ثامر ايد كلامي نخلست وطلعنه اني وثامر وام خطاب العجبني شغله وحده
رغم كل الصار بين العائلتين بس الاحترام موجود ثامر ويه ام خطاب
كد مثكيل
كد ممحترم
خاله وخاله وهيه احسه هواي خجلانه بس مبيدهه شي
بيومه جيكه لدكتور وللاسف اي تحسن بحالته ماكو العلاج عبالك مديمض بي سئلني انتي زوجته جاوبته اي نطلني هواي تعليمات
اكله شربه
رياضه لرجليه
ومساج لوجه حتى حلكه يرجع لمكانه وبعد هواي نقاط رجعنه لمغرب لحجيه على سجادته تدعي خليت فارس بصفه بكرسيه ضلت تقراه ايات وتسمح بي
حيل رتحت هوه ملامحه مرتاحه من شاف اهله ولمتهم داير مدايره
ثاني يوم ثامر وام خطاب رجعو وميسون بكل عين وكحه وكفت كبالهم تصيح
رجلي
رجلي
وماعوفه
كل عقلكم
تبارك تبجي مجلبه بي ماعوف بابا وهوه بس عيونه فاتحه
ام خطاب حجت رادت مسمعتله ولا اني فتحت حلكي
الحجيه هم بقت وراحو بعد ايست ميسون تعوفنه
مبينت حركان دمي
مقويه روحي متحمله وجودهه وكل سوالفه
رجعت اتصرف كنما هيه مموجوده
بس مدح الحجيه ودعواته اليه كافيه
تبارك لسان حيل وكل ميفوت ايهم للهول تطرده يبجي واجيبه للغرفه الزمه لتاب واقنعه كم يوم ويرحون وهم اقنع روحي
اربع ايام على هذا الحال ميسون بكلشي حاطه روحه ماهتمله فيصل كام كل يوم من يجي من شغله الضهر يمر شويه ويروح
واليوم بعد ماغديت فارس اخذته للحمامات مجنت ناويه اسبحه بس شفت ضهره منطعن أحمر كد النوم كلت خطيه خل اسبحه نزعته ملابسه وبلدوش لرشاش غسلت كل جسمه
جان مسترخي مغمض هل فتره كد ممرتاح عيونه دوم متروسه دموع مادري شمعناهه
سبحته كامل وطلعت دجيب ملابسه صارت بوجهي ميسون باوعتلي من فوك ليجوه هدومي جان بيه مي شويه لاطشه عليه خنزرت معبرته فتت طلعتله لداخليات ورجعت لبسته لدشاشه بيدي توني اخليه بركبته
عاط ايهم صوت كل حيل مضل بيه طلعت بدون عقل اركض والكاه لازم ايده مفرفح تلمسته اصبعه ازرك مثل النيل
اكلب بي لك امي شبيك ميجاوب فقران يشهك
عقلي طار واريد اعرف بيمن تعور وكفت تبارك فوك راسي دكلي اني عورتو اخذ التاب مالي واخذته منا لحكني دفعتو بلغرفه وجاي أسد الباب مد ايده ونسد على اصبعه
ماحجيت كلت جاهله ومامتعمده بوسته وسكته واسمع عياط ميسون هرج الشقه
فكيت عيني اريد اكوم ماكدر فيصل فات للحمام يركض وهيه تصيح
يبووووو يبووو الحكي عمه الحك ابو حسن يولو لو تلحكون لو ماتلحكون هل ما تخاف الله موته الرجال بلحمام
يبووووووَ
يتبع ..... 🖤