- السَلامُ عَليكُم .
- 8 / 8 منـہ 2021
- الـأحـد .
— — — — — —
| - شكد عُمرج/ك ؟
- ١٦-١٧-١٨-١٩ سنۿ ..الخ
|- لَقحت/ي !
- ﻼ ما لَقحت
| - ليشـہّ ؟
- يمعودة تريدينا ننكلب زومبي ؟🧟♀️🥲
- والله يكولون يسَوي عَقم
- بَـ؏ـد سنتين نموت
- يمعودة ﮼هذا الاوربيين سوو وهمة ميريدون النة الخير
- ماكو ههيـچ حجي ﮼هذا اللقاح جذب ومستحيل القح
- انتَ احد العُلماء ودارسين مكونات اللُقاح .؟
- ﻼ ؟
- باحث ؏َـن اضرار اللُقاح وفوائدة ؟
- ﻼ
- طَبيب دكتور ؟
- ﻼ
- اذاً شمدريك ههـوة ههيـچ ؟
- والله يكولون .
- طَيب ع اي ده الكَلام يَفندم ؟🤌🏻
البَشرية(العراقيين) وصلت حالة تدخل وتشكك بكَلام اطباء عالَميين وكلهم يتفقون ؏َ حَل وتعارضهُم بسبب كَلام الاعلام والتَواصل ...
ندخل ونشوفكم شـטּـو ههـوة لُقاح كورونا ؟
واضرارة وفوائدة وشنو سالفته لهاللُقاح ؟
يَـلا
___ ___ ___ ___ ___
- اول شيـَہ اللقُحات الحالية لِفايروس ڪُورونـا ما ينصَح بيها ﻼ مُدرس ولا مهندس ولا مُحامي ( يعني كَ اختصاص )
ولا واحد يصور فيد كاعد ويكلك هيهٰۃ ڪُورونـا شِني ڪُورونـا .
لُقاح ڪُورونـا حالة حال اللُقاحات اللي تَمت اكتشافها بالسنوات الماضية ضد الامراض المُعدية او غيرها منـہ اللقاحات
ينصح بيها مو طبيب وطبيبين ينصح بيها اغلَب الاطباء الدارِسين حول العالم والعراق كافة
- انتَ كَـ انسان عاقل تصدك كَلام عُلماء واطباء ودراسات طبية والاهم احد اكبر شركات الادوية بالعالَم . او تصدك كَلام اعلام وتواصل وخَزعبلات ؏َ كولتهم مال انترنيت🤝 ؟
وحابة قبل ما ادخللكم بالموضوع بشكل اعمق اكول انو علاج ڪُورونـا لساعة مَـہ تم اكتشافة ولا احد ينتضر يتم اكتشافة حالياً لان المرض كاعد ينتشر ودتصير بي سُلالات و بالقادم اللّٰـه اعلَم
( تتذكرون لمن كتبت موضوع ؏َـن الـ cpr او الاسعافات الاولية وكلت بيدكم تنقذون حَياة احِبائكُم ...
وهنا هَمات مراح تنقذون بسـہ اللي تحبُهم وانما تنقذون بشرية كاملة ( صح الموت والحياة بيد رَبنا الاكبر لكن رب العالمين ممكن يدزلكُم وسيلة لاعادتكُم للحياة او العَكس ، فَـ كونوا هالوَسيلة ) )
___ ___ ___ ___
اكثر كَلث لُقاحات ينصح بها الاطباء داخل الععَࢪاق حالياً 🧬🦠
- فايزَر : جُرعَتين
- واللُقاح الصيني (سينوفارم) : جُرعتين
- استرازينيكا ( الامريكي) : جُرعتين
اكثر انتشاراً بالمَرتبة الاولى " فايزَر "
لُقاح فايزَر تَمت ابتكارة احد اكبَر شَركات الادوية بالعالَم ( شركة فايزر العالمية)
- طبعاً شنو كوكل ههـوة يكول الاطفال تحت الـ ١٦ ميلقحون هاللُقاح بسـہ الاطفال بعمر الـ ١٦ يلَقحون اني مَعليه هوة يكول🦦.
- واللُقاح الصيني (سينوفارم)
وهنا يتم تلقيح منـہ عُمر الـ ١٨
- ويَليه اللُقاح الامريكي ( استرازينيكا)
يتم تلقيحه منـہ عُمر ١٨ فَما فَوق .
( + هواي كَلام يخُص هاللُقاحات اللي يريد يبحث عنهن اعمَق يكتب ؏َ سَفاري او كوكل راح يطلع هواي مواقع وراح تتأكدون منـہ كلشي )
_-_-_-_-_-_-_-_-_-_-_
|- زين يكولون ترجع تصيبك كورونا بعد متاخذ اللُقاح ؟
- هَالشي اساساً صَحيح لان ههـوة اللُقاح مو عَلاج لكُورونا ولا يقي جسمك منـہ عودة ڪُورونـا الها
- بسـہ اللي يختلف هنـْاا الانسان اذا انصاب بكورونا قَبل اللُقاح فَـ حتكون نسبة اصابتة مَثلاً " ٧٥٪"
اي فَـ يصاحبها صخونة نحول وصُداع واسبوعين ؏َ هالحال وممكن توصلكُم الى الخَطر اذا مو النسبة كانت اكثَر اللّٰـه يبعدكُم
اما اصابتَكم بَـ؏ـد اللِقاح اكثر شيـَہ فَـ تكون نسبة الاصابة هيهٰۃ "٢٥٪"
|- هاي شلون صارت ؟.
- اللُقاح خلة قوة بجسمك لـ مُجابهة المَرض والاهم زَيد مناعة جسمك
[ . لان توجد فوق سطح فيروسات كورونا كياناتٌ شوكية الشكل اسمهة بروتين S. تعطي لقاحات ڪُورونـا المستندة على الحمض النووي الريبي المرسال للخلايا تعليمات عَن كيفية صنع جزء غير ضار من أحد بروتينات S. بعد التطعيم( اي التلقيح ) ، تبدأ الخلايا بصنع أجزاء البروتين وإظهارها على أسطح الخلايا. راح يُدرك جهازك المناعي أنو البروتين دَخيل، وحَيبدأ بتكوين استجابة مناعية وصُنع أجسام مضادة] .
يعني خلي نمثلها
لمن يدخل المَرض للجسم حتكون اجسام المَناعة منتضرة يفوت اول ميفوت المَرض تاخذة الاجسام المَناعية وتلعلع عضامة راح كورونا تحاول تتخلص منهن وما تكدر لحد ما تكضي الحرب يومين ويقضون ؏َ الكورونا بحيث ڪُورونـا تكول اني شجابني شوداني هنـْاا شسويت بروحي💔🗿 .
ثاني شيـَہ : يقلل منـہ نسبة انتقال الفيروس للاخرين + ونقله الك ايضاً .
|- زين شـטּـو الاثار الجانبية لفايروس ڪُورونـا بلا احجيلنا ؟
-
ڪُـل هَذني والبَعض ممكن متصيبة الاعراض حَسب .
|- يكولون المنطقة مال اللُقاح تكوم تجذب الاجزاء المعدنية ( اي تكون مُغناطيسية) ؟
- هالشي جداً رفضة الاطباء وكال ههـوة عبارة ؏َـن هُراء الكتروني ، لان اللقاح ما يحتوي ؏َــلى المنيوم . وممكن يصير هالانجذاب بكافة الجِسم بنسبة قليلة لان اساساً جسم الانسان ههـوة مُغناطيسي ولا فايزر ولا استرازينيكا يحتوون على اي المنيوم
بالاضافة هلشي من الطبيعي ايضاً يصير بسبب العَرق واي شيـَہ تخليه ؏َ الجٍسم حَ يلتصق . 🤷🏻♀️
واكرر مفيش كلام زَي كِدااا تكدرون ايضاً تبحثون وتتأكدون منـہ هَالنُقطة .
|- زين واذا متنا بعد سَنتين وطلع صحيح ؟
- انتَ بنفسك اللي تسأل ﮼هذا السؤال
ضامِن عُمرك منا الخَمس دَقايق ؟🗿.
| - زين اذا ضَرنا اللقاح ؟
- لحد ۿسۃ ماكو اي شخص ملقح و وراها صايبة مرض او ميت او غيرها
لڪـن في حالة ممكن يكون الشخص عندة حَساسية منـہ احد مكونات اللُقاح لذلك الافضل تسوي تحاليل قبل انو تلَقح
ومن هاي المؤشرات التَحسسية اللي ممكن تضهر الك
- طَفح جِلدي
- تَورم الشفتين او العَينين
- واخيراً ازيز الصَدر
حتى وان شعرتوا بيهن بشكل مؤقت الافضل تستشارون طَبيب لڪـن مو معناها خَطر وانما رَد فعل تحسسي تجاه مكونات اللُقاح .
|- ممكن يأثر اللُقاح ؏َ الخصوبة ( العَقم)؟
- ﻼ وماكو اي دَليل ؏َ اي لُقاح ضد الفايروس يسبب مشاكل بالخِصوبة ممكن بالهرمونات ايضاً شيـَہ طَبيعي بسـہ مؤقت .
|- عادي الحامل او المرضعة تاخذ اللُقاح ؟.
- حالياً اذا احتاجت للقاح فَـ حسب البحوث الاخيرة ما يعتبر ضَرر الها فَـ عادي ومع ذلك بَـ؏ـد تحتاج دراسات ؏َ هالوَضعية .
|- اذا لَقحت استغني ؏َـن الكمامة والمُعقم ولا اخذ احتياطاتي وارجع انسان طبيعي 🤡 ؟ لان تعبت منهن واللهي .
- ذكرت فوك انو اللُقاح مو معنى مترجع تنصاب هاي اولاً
وثاني شيـَہ بَـ؏ـد اسبوعين منـہ اخذ اللُقاح انتِ تعتبرين مُلقحة بالكامل فَـ هنـْاا ممكن تمارسين نشاطاتج الطبيعية وشي طبيعي بكونج مُلقحة
بسـہ بنفس الوَقت حالياً افضل نضل ملتَزمين .
وبَس
اي سؤال ثاني تريدون تعرفوا ؏َـن اللُقاح كتبوا .
لان واللهي خبلتني هاي الفئة ...
شكد تناقشت وياهم وكل واحِد يكول شِكل
احجي واكول يمعودين انطيني دَليل
يسكتون 🗿🤝.
انطيكُم مثال
حلو زين احنا كلنا نخطأ مو.؟
زين رب العالمين همات كاتبلج تخطئين ؟ كاتب للناس تكون مو اوادم وناس تكون اوادِم ؟ ربنا كتبلنا امتحانات ومواقف واحنا بنفسنا نختار الطريق الصح منـہ الغَلط ،
بعدين احنا لمن نتمرض ليشـہّ ناخذ عِلاج وحبوب وأُبر ؟
ومنكول هاي مال ( قل ﻼ يصيبنا الا ما كتب اللّٰـه لنا ) ؟ والنعم بَالله بسـہ سؤال لاصحاب هالكَلام.
وبالمناسبة اذا ههيـچ لحد ياخذ علاج بَـ؏ـد لان اغلب العِلاجات اللي دتشربوها هيهٰۃ مَصنعها هاي الشركات 🤝 .
_ _ _ _ _ _ _
كل اللقاحات كالسمم افتهمتوا 🔪_
_ _ _ _ _ _ _
مـטּـو الرايح منـہ الناس عيني .
_ _ _ _ _ _ _
.....
- ملَقحين ؟
( نعَم _ ﻼ )
- واذا ﻼ ليشـہّ . ؟
_ _ _ _ _ _ _
وبس مرة ثانية
رجاءاً اقروا البارت كامِل ماريد اي شيـَہ ثاني ،
لان معلومات اللُقاح هواي وهذا مُختصر ، عرفوا هالجزء المُختصر دتستافدون وتفيدون غيركُم بالنَصيحة .
____
وهسة سوو مِنشن للي تعرفوهم
وخلوهم يستفادون ويقرونة ساهموا بنشر الوَعي وخلي غيركم هَمات يستفاد ويقرا ♡ .
ونصغر الخَط
ونكول ان شاء اللّٰـه استفاديتوا وتغيرت نضرتكم ؏َـن الُلقاح
و
#لَقحوا_لأجل_سلامتكُم .
مَعـسلامـۿۃ .