بقات وجدان جالسة تمك حتا دخلات واحد الطموبيل منيرة و وقفات فجنب خرج منها واحد الولد سميمر الطولة و القلدة لابس كويرة كحلة و سروال كحل داير نضاضر الشمس
رقية جايا تجري و تزغرت قفزات وجدان
رقية:وليدي منييير جاا وليديي حبيبييي..
منير عنق مو باس ليها راسها
منير:الحنانة تواحشتااك
رقية:الله يا وليذي و طولتي فالغيبة يا وليدي و شحال توحشتك يا حبيبي (تبوس ليه فراسو)
منير:ههه مكين حد فالدار
رقية:زيد كينا خالتك
منير:و ولد الخالة مكينش
رقية:منيير عاد جيتي ا وليدي سخن بلاصتك
منير:(هز ايديه) هانا ساكت
مشاو معانقين الام و ولدها تا جات عينيه على وجدان
منير بقا سااهي فيها و هيا كتشوف قدامها
زاد دخل و عقلو مع وجدان عجباااتو بل هبلاتو ههه اوليدي راها تاع ماليهاا ههه
دخل الداخل و سلم على خالتو و جلسو على براذ اتاي
رقية:اوا ا وليديي.. شتك جيتي بايديك خاويين فين العروسة لي قلتي ليا
منير:لا لا انا انديها مغريبية
رحمة:اوا هنا دويتي هههه شكون هيا عروستنا
جات داخلة وجدان سلمت من بعيد و طلعات ل بيتها
بقا متبعها ب عينيه و دوا
منير:ايجي ولد الخالة و ديك ساع ندويو فالعروسة هه
رقية:واخا ا وليدي طلع ترتاح..
منير:واخا ا ميمتي
طلع منير للبيت لي موالف مني كيجي كيبقا فييه بدل حويجو و تكا كيفكر فشكون ديك البنت
طاح الضلام و نزل منير للتحت باش اياكل سلم على ختو و بقاو جالسين كيدويو مع منير و ايعاود ليهم
وجدان كانت كطل من البالكو تا شافتو جا دخلات للداخل سدات البالكو
و نزلت التحت
دخل عثمان سمع الهاراج فالصالون مبغاش ايمشي تا شافها داخلة للصالون و تبعها
مشات قالت السلام عليكم و جلسات
رقية:اييه معرفتيش وجدان
منير:مم سمية زويينة هادي بحال مولاتها
رحمة:(اناري ايسمعك راجلها ايقبرك) ههه ايه ايه
عثمان(سمعو اش قال) : و عندها ماليها
ضارو شافو فيه كاملين تا وجدان
منير:اهلا اهلا بولد الخالة شرفتيناا
عثمان:الشرف لييك
دخل عثمان و جلس حدا وجدان لايح ايديه موراها
وجدان معرفت مالو دار هكا بقات ا ساكتة
منير:اوا ا ولد الخالة كي غادي مع الاشغال
عثمان:مزيان و نتا كيدرتي بيخير
منير:كولشي مزييان
عثمان:شنو سباب هاد المجية
منير(كيشوف ف وجدان) : باغي نكمل دينيي
عثمان شافو فين كيشوف القرودة بداو ايشطحو ليه فوق راسو
عثمان:وي مقلتي عييب اهيا شوف شوية بعيد
منير:هه و علاش انا راه حاط عيني على وحدة
عثمان:وشكون هاد الوحدة(تعصب ديال بصح)
منير:وجدان
وجدان خرجات عينيها فييه و ضارت تشوف ف عثمان لي داير ضحكة ديال الغذايذ
رحمة:ويلي ويلي على الملعووق مبانت لييه ا وجداان
منير:هه اش قلتي ا ولد الخالة.. .
عثمان(ناض واقق تا كولشي وقف معااه) : مراتي هاديك ا سي جمع عينيك
منير:اوو كاالم مكنتش كنصحابها مرتك..هه ا حيت زوينة
عثمان صافي هنا كملات اصلا مكيحملش منير و دبا زاااد بهدرتو تلاح عليه كيضرب فييه
وجدان شدات فمها بالخلعة
وجدان(كتغوت): عثماان طلق منووو ويليي... عثمااان
رحمة:طلق منووووو ويليييييي خمجو خمجوو
رقية:اااااااااا ميمتتتتتي ايقتل لياااااا الدرييي
وجدان مقداتش علييه تلاح عليه بحال اللصقة مشات كتجري عيطات على ليكارد جاو فرقوه عليه بزز
عثمان(كيغووت): يا تجمممععع عينييييك يا خروووج تقاااود من داااري ا زاااامل مرااااتي خط حممممممرر
كيدوي كينهج
منير طايح فالارض و فمو عامر دم
تنتر من ليكارد جرها من ايدها و طلعها للبيت معصب
حل البيت بجهد طلق منها بنترة و سد الباب
عثمان:مخليااا الزوواااامل كيتمنضروووو فيييك
وجدان (عرفاتو غاار ضحكها ولكن خصها تسكت ليخمج ليها وججها) : انا مدرت والوو والله
عثمان:منييي ايكون شي واحد غريييب فالدااار بيتك متنزليييش منوووو فهمتيييي...
وجدان:صافي برد منزلش منوو والله
عثمان دخل معصب للدوش كيدوش
وجدان مشات كتلوا جلسات فوق النموسية فرحانة هههه حمقة برب
وجدان:هيهي غار غار
خرج عثمان من الدوش لاوي عليه فوطة شافها كتفرنس ضرب فيها و زااد
دخل لبس عليه بوكسور كحل شورط و تيشيرت و خرج
لقاها كتمسح ف ماكياجها مشا تكا فوق الناموسية مقابلها
وجدان:قبلتي رانية فالخدمة
عثمان:ممم
وجدان:فاش خدام
عثمان:انا(بطنز)
وجدان:و شكون
عثمان:ياك واكلة شاربة عندك دار فين تنعسي اوا مسوقكش فاش خدام
وجدان:(ضارت عندو) يااك واخا..
مشات مخنزرة دخلات للدريسينغ بدلات عليها لبسات بيجامة
و خرجت كدير ف كريمات للحمها
و مشات تكات حداه بنترة
عثمان ضحكاتو كان بغا ايرد ليها الصرف فاش كان هوا معصب هيا كانت كتفرنس دبا العكس
عثمان:كنصيب الطموبيلات
وجدان:مم مزيان
عثمان:نخدمك
وجدان:لا باراكة علك ا رانية انا بخدمتي تاع راسي
عثمان:(هز ليها ايدها لي فيها الخاتم) لا ماشي تاع راسك
وجدان شافت فيه و هبطات لفمو كتشوف فيه و سكتت
عثمان شافها اش دارت و هوا اهزها جلسها فوقو
وجدان صدمها كي دار هزها
وجدان:من نيتك لا
عثمان:علاش مالي كندير شي حاجة حراام.. مرتي و رزقيي.. ندير لي بغييت
وجدان:مم مرتك و رزقك (بغات تنزل من عليه و هوا ايشدها من جنبها)
عثمان:اتنوضي من هنا ميعجبك حاال (غمزها)
وجدان ضربت الطم و بقات تلعب بايدياتها
وجدان:عثماان(بصوت حنين)
عثمان:ممم(كيشوف ليها ف عويناتها)
وجدان:بغيت نرجع لخدمتي
عثمان:وعلاش
وجدان(شافت فيه) : كنقنط فالداار معندي لا فون لا والو و نتا حابسني هنا مكتخرجني ما والوو الصيف هادا ممشيتش للبحر (سكتت شوية و نطقت) تخايل وليت كنبقا نسمع لهدرة ماماك و خالتك ويلي شرفت
عثمان:هههه(ضحك تا عويناتو تسدو) اوا مالك تعلمي منهم حروب النساا
وجدان(كتشوف فيه ف عينيه) : ههه لا راه هوما لي كيتعلمو منيي
عثمان:مم عارف مرتي حارة
وجدان: ودبا بلاما دوخني امتا نرجع للخدمة(قلبات عينيها)
عثمان:تنشوف
وجدان:وا امتاااا
عثمان:تيقولها ليا راسي
وجدان:وا عطيني تيليفووني
عثمان:راه قتليك هرستووو
وجدان:حيد نعس (تقلقت)
عثمان:تؤ مبغييتش
جرها عندو عنقها طفا الضو
وجدان بقات ساكتة و كتسمع قلبو كيضرب جاتها الضحكة الله ايستر
بقا كيلعب ليها ب شعرها و ساكت حتا داتهم عينيهم بزووج
صبح الصباااح على ابطالناا
فاقت وجدان فحضن عثمان
فرحانة حيت علاقتهم بدات كطور شوية على شوية
متكذبش بدات كتحس بشي حاجة من جيهتو
ولكن معارفاش واش تاهوا كيبادلها نفس الشعوور ولا لا
تسلتات منو بشوية و ناضت دارت روتينها اليومي دخلات للدريسينغ بدلاات عليها خرجات لقاتو مكينش دخل للدووش
مشات صيبات شعرها مشهياه ويڤي
دارت مكياجها كي العادة كلوز خفييف رشات ريحتها و مشات كطل من البالكو كتسناه باش اينزلو بزووج
خرج من الدوش و دخل للدريسينغ بدل عليه لبس سيرڤيت فالچري و سبادري كحلة رش ريحتو و خرج عندها
ضارت وجدان عندو اول مرة اتشوفو ب ستيل سبورتيف
ذارت ضحيكة و خرجات
عثمان:(طلعها و نزلها و يلاه بغا ايدوي)
وجدان:ولا لا منبدلش
عثمان:معندي منتسالك وليتي عارفة شغلك
جرها من ايدها و خرجو
رانية(شافتهم مشادين) : صباح الخير
وجدان:صباح النوور
جرها عثمان و هبطو للتحت
جلسو فالطابلة و منير كيشوف ف عثمان شوفة القتيلة لي تا عثمان معطلوش
عثمان(كياكل): لبااس
منير: بيخير
عثمان:حمدالله
وجدان كتشوف فهاذ الزووج الله ايعفوو
رحمة: وليدي دينا ليوم عند الذهيبي صاحبك نشريو لعروستي شي حاجة مجاتش مجبنا ليها لا دهاز لا والو
وجدان فرحات فاش تفكرتها ولكن صاحب دعوتها وحل ليها فرحتها
عثمان:ممساليش الواليدة خارج
هبطات وجدان قنينفاتها
رحمة:هاو فيين ياك ليوما ا سبت
عثمان:اه و منخرجش
رحمة:لا لا خرج خود راحتك
كمل فطورو و شاف ف وجدان
عثمان:طلعي جيبي ساكك و هبطي عندي كنتسناك
وجدان:احم واخاا..
طلعات جابت ساكها و نزلت عندو
وجدان(مدرقة عينيها على الشمس): فين غاديين
عثمان:خارجيين
ركبات وجدان حداه
وجدان:ايي حلف اتخرجنيي
عثمان كيشوف قدامو مدواش معاها
بقاو غادين فالطريق حتا كتشوفو خرج على طريق كازا و غادي للمحمدية
وجدان:فين انمشييو
عثمان:اتسكتي متسكتيش نزل مك هنا و شوفي شكون ايرجعك
دارت خمسة على فمها شوية و هيا دوي
وجدان:وا خدم شي اغنية (شافت فيه) هااء نسيت نتا مكتسمعش ليهم
شافيها بنص عيين و خدم الموسيقى من البلوتوت
خدمات اغنية تركية ديال (Buray (sen sevda misin
بقات وجدان كتسمع و بحكم قرايتها و تعلم اللغات فهمات شوية الاغنية و كلماتها..
كتشوف فيه بنص عيين و كتقول مع راسها(واش دابا هادا راجليي.. ولكنن واش كيبغيني ولا باقي كيبغي مرتو القدييمة) بقات ساهية و هيا تقول تاني
وجدان:واا جبتي ليا الكآبة ب هادي
طفات ليه الاغنية و دخلت لليوتيب خربقت شويا و هيا تبدا الزدحة فالطموبيل
سميت الاغنية هيا C'est pas bon
بدات كتشطح و تحرك فشعرها بحال الهبيلة عااايشة حياتها ههه
كيشوفيها كفاش واخدة راحتها و كتشطح و تلعب بايديها ضحك ضحيكة خفيفة و كسيرا للمحمدية
سلمى وصلات ل atelier ديالها دخلات و عقلها مع هدرة حمزة البارح كفاش قولي لصاحبتك تحضي راسها اش كيعني
تخربقت ديال بصح حتا دقت عليها ولاء
ولاء:زيني صاڤاا
سلمى:دخلي..
دخلات ولاء لعند سلمى
ولاء:مالك كتباني ماشي حتال لهييه
سلمى:ها لا ا العيا و صافي..
ولاء:خودي كونجي راه الصيف هادا و اصلا l'atelier ديالك سدييه و وقفي الخدمة و سيري صافري شي يامات مع وجدان
سلمى:وجدان راه مع راجلها
ولاء:no way تزوجاااات
سلمى:مم
ولاء:اوااه و بيمن معرضتش علينا للعرس
سلمى:عثمان العمراني
شدات ولاء فمها مصدوومة
ولاء:هاداك التيتتيييز وااااو كي دارت ليييه
سلمى(خنزرات فيها) : حركت ليه المجامر
ولاء:(قمعتها) لا حيت زعما هاداك رجل اعمال و وجدان غير طبيبة زعما هه
سلمى:ومال رجل الاعمال مكيحزقش ولا شنو
ولاء(شافتها معصبة) : مهم قوليها مبرووك هه تندوز عندها
سلمى:اوكي تنقولها ليها
مشات ولاء و سلمى بقات كتفكر تاني و قررت تعيط ل رحاب
رحاب:الووو
سلمى:صاڤا
رحاب:اه سلمى بيخير و نتي
سلمى:حمد الله قولي وجدان فالداار
رحاب:لا ا ختي خرجت هيا و عثمان
سلمى:ااه صافي تاتجي و دوزيها ليا ندوي معاها
رحاب:اوكي نتي مغتجييش ؟
سلمى: لا لا مكنضنش
رحاب:اوكي see you
سلمى:بااي
عند ابطالنا وصلو لوحد البلاصة فالمحمدية فيها بزااف اليخووت
عثمان:اجي
مشات وجدان حداه كتشوف ب عويناتها
هوا غادي بكل رجولة و فخامة و هيا لاسقة فيه بحال المشة
وصلو حدا اليخت ديالو و طلعو
وجدان:(فرحانة) ايي انمشيو فييه
عثمان:واه
مشا عثمان طلع للبلاصة التحكم و خدم اليخت وجدان كتشووف فيه اول مرة طلع فييخت
عثمان:هبطي ضوري التحت
وجدان:اوااه كين التحت
نزلات بالجري تشوف شنو التحت لقات النص التحتاني كولو زااج و كيبين البحر حلات عينيها ب صدمة عجبها بزاااف
مشات دخلات لواحد البيت لقات فيه ناموسية كبيييرة و دووش تاهوا بالزاج
خرجات من البيت دخلت للكوزينة عجبتها صغيورة و متيولة
بقات كضور تمك عحبها و طلعات عندو الفوق لقاتو جالس محيد التريكو و كيتشمش
وجدان(القلوبة ايخرجو ليها من عينيها) :زوييين بزااف ههه
مشات كتجري تاني طلات من اليخت على البحر
وجدان:بغييت نعووم
عثمان:سخني ا بلاصتك
وجدان(مشات جلسات حداه مربعة رجليها و كتشوف فيه داير نضاضرو): ولكن معنديش حويج العومااان
عثمان:عومي بلاش
وجدان:اويلي..
هبط نضاضرو و شافيها
عثمان:اش اويلييي(كيعيب فيها)
ضحكها كيدار عوج فيها
وجدان:وا خصني حوييج للش مقلتيهاش لياا نجييبهم معايا
عثمان:اوا عومي بلا بيهم فين كين المشكييل
وجدان:ااف
ناض عثمان و وقف اليخت فبلاصة زوينة الما نقي مبااااعد على الهاجيج
هبط التحت حل اابلاكار و لبس شورط ديال العومان و طلع لقاها كتشوف فيه
مشا تلاح فالبحر
وجدان:(كدوي من الفووق) الماا زوييين
عثمان:اوا هبطي و شوفي
مشا كيعوم و يدرع بايديه وجدان شهااها فالعومان مشات لطواليط شافت ليغيكل ساللت منها اصلا مكتجيهاش كثيرة حيدات حويجها بقات ا ب دو بياس لي لابسة فالموڤ
وجدان:(كتشوف ف المرايا) اوا ا نعووم بيهم مالها شفيها.. اصلا راه رااااجلك
مشات لقاتو مكينش فالما قلبت عليه فاليخت
وجدان:عثمااان..فيينك.. عثمااان(كتقلب ب عويناتها)
خلعها ديال بصح مفكرتش زوج المرات و تلاحت كتقلب علييه
محسات براسهت الا و هيا مهزوزة الفووق
وجدان:هييييه خلعتيني ا زمر
هبطها من فوقو و شدها بين ايديه
عثمان:عاودي عاودي زمر
وجدان:وا نتا نتا..
عثمان(غمزة استفهام) : انا شنوو..
وجدان : وا مشفتكش و هبطت للما و صافيي
عثمان:ممم (كيشوفيها اش لابسة و صدرها كاع مزلع قدامو)
وجدان شافتو فين كيشوف و بسرعة هبطت غاطسة تحت منوو
عثمان عرفها حشمات ههه
بقاو كيعومو فالما و عثمان فينما ايشد وجدان ايخطف بوسة من حنكها بسالات ههه
طلعو من الما فازكين
وجذان كتقفقف
وجدان:فوطة فوطة..
مد ليها فوطة تكلكمات فيها بحال البريوة
بدا ايضحك عليها نشف شعرو و صدرو من الماا
و مشا هبط للتحت جاب ليها تيشيرت ديالو تلبسوو
عثمان:(مد ليها التريكو) لبسي علك باش ميفرعكش البرد
وجدان:اوكي
نشفات وجدان لحمها و لبسات عليها
وجدان:فيا الجووع
عثمان:اوا هبطي صيدي الحووت
وجدان:داوي بصح
عثمان:و حنا كنضحكو هنا و لا كيفاش
وجدان:ربي ربي مكين ميتكال
عثمان : لا كين ولكن انا مشهي الحووت
وجدان:اوا صيدو ا خويا انا نمشي نطيييب ليااا منكوول
عثمان:ههه
مشات للكوزينة جبدات الخضرة شافت ستيك جبداتو
دارت المقلة تسخن و دارتو فوق المقلة
صيبات صالاد بالمايونيز و الماييس
و باركة تنقب من دكشي لي صيبت
جا عثمان جبد الحوت من الثلاجة
وجدان:هاء دغيا صيدتي
عثمان:من نيتك راه جبدتو من الثلاجة
وجدان:ااه عرفتك مفيدكش
عثمان(حط الحوت فوق البوطاجي و كالاها معاه)شنو شنو عاودي
وجدان:(ضحيكة صفرة) ههه مفيذيييش كبيت الخل كامل ههه
عثمان:ممم كبيتي الخل
وجدان(كتصرط ف ريقها) : ااه الخل مسكيين مفيدووش
عثمان(كيقرب ليها كثر و كثر و كيدوي بشوية بصوت مبحوح) : داك اللسان شي نهار نقطعو لمك من الجذر
وجدان حطات ايديها على فمها
حيد من عليها و مشا كيصيب باش ايقلي الحووت
كملو الغدا و هدشي ب طبيعة الحال مع بسالات عثمان
حطو تغدااو شبعو كريشتهم جمعو الروينة
وجدان:اوا اش نديرو دبا
عثمان:شوفي نتي
وجدان(تفكرات واحد الحاجة) اااه ارا تيليفونك
عثمان مد ليها تيلبفوون
دخلات للكوكل و شارجات واحد الابليكاسيون
وجدان:ههه انلعبو صرااحة و لي مبغاش ايجووب ايحكم على حسااب الحكمة لي هنا داكووغ
عثمان: مم صافي سيري مشات
وجدان:السؤاال اللول (شافت فيه) شحال من بنت بستي
عثمان بقا ساكت مجوبهاش
وجدان:هه مالك سكتي
عثمان:(شافيها)لا كنحسب فيهم
وجدان:(خنزرات فييه)
عثمان:ههه اري نوبتك دابا
عطاتو التلفوون قرا السؤال و شافيها
عثمان:شحال من مرة قلتي كلمة كنبغييك
وجدان(سمعات ديك الكلمة شدتها التبوريشة )
عثمان:جوبي
وجدان:عمرني قلتها
عثمان:ممم
وجدان:ارا تيليفون
بدات تقلب فالاسئلة و هيا تشوف فيه ب مكر
وجدان:كتبغي شي بنت دبا
عثمان:(شافليها ف عينيها هوا براسو معارفش شنو هاد الاحساس و مبغاهاش تبقا تعيش فالاوهام باقي متعلق ب مرتو القديمة واخا باغي انساها ولكن مقادرش..) حكمي
وجدان:(بغاتو ايجووب باش تشوف واش غير هيا لي كتحس ب شي حاجة جيهتو ولا لا) جاوب
عثمان:حكمي
وجدان شكوكها بداو ...علاش مجوبش يعني باقي كيبغي ياسمين
وجدان:(تنفسات بجهد) اوكي انحكم.. ختار رقم من 1 حتال 10
عثمان:9
وجدان(خرجات عينيها من الحكمة)
عثمان:شنو..اش ندير
وجدان:لاء ختار رقم اخر
عثمان(خدا ليها تيليفون و قرا الحكمة و هوا ايضحك) : تگعديي..
وجدان:(كتشوف الفوق) لاا
عثمان:هوما لي قالو ماشي انا يلاه نوضيي..
وجدان:واا بدل الحكمة ا صاحبي راه بحالل انا لي محكوم عليها ماشي نتااا
عثمان هز كتافو ب مسوقيييش
ناضت وجدان لعندو و تقابلت معااه
كانت الحكمة هيا تبووس الشخص لي حداها لي هوا عثمان
بقات كتشوفيه و هيا تزرب عليه شدات ليه حناكو بزوج و باستو ف جنب فمو
وجدان(رجعت للور): ههه صافي
عثمان (جرها عندو بجهد تا جات جالسة فوقو و حط فمو على فمها كيبووس فيها بشوية و مرة بجهد حيد فمو من عليها و دوا) هادي هيا البوسة اما هاديك لي درتي قبييلا راه ا هريتيني بيهاا
بدا كيضلام الحاال
عثمان:يلاه نتحركوو
وجدان:(حشمانة من البوسة) اوكي واخا
ناض عثمان كيقاد فاليخت باش ايرجعو فحاللتهم
عثمان:وجدان هبطي جييبي ليا حويجي من البلاكار راه حطيتهم تمك
وجدان:اوكيي
هبطات لبسات حويجها و مشات كتجبذ ليه فحويجو تا كيبانو ليها واحد الحويج فالجنب جبدتهم ب فضوول لقاتهم حويج بنت
بداو القرودة كيشطحو فوق راسها
شماتهم لقات فيهم ريحة بنت
طلعات صاخطة عندو لقاتو جالس كيكمي
لاحتو عليه مغوبشة
وجدان:تاعمن هادا
عثمان(حيد عليه التريكو و حط الكارو كيشوف ف تريكو) : فين لقيتي هادا
وجدان:التحت فالبلاكار.. دوي ديالمن
عثمان مشاات من بالو حويج ياسمين باقين هنا
وجدان:(شافتو سكت) ديالها ياك (ضحكة د الغدايد)
عثمان:شكون..!
وجدان:مرتك القدييمة
يتبع....