. . . هلاو شلونكم، 😚💜
اجه مصدر السعادة، 😅💛
هيج اي حرف من الكيبورد حتى عسريع يخلصن ال
.
.
💘💜
.
.
والتصويت نهاية كل بارت يعني اكو نجمة ضغطو عليها
.
.
💘💜
.
.
الله ينصركم ع جهالكم بجاه كل من عنده جاه، 😂🚸💘
يلا نبلش ب البارت، 🚸🔞😉
.
.
::_________::________::________
ﺭﻳﺎ .......... ﻛﻌﺪﺕ ﻋﻠﻰ ﺻﻮﺕ ﺣﻤﺰﺓ ﻳﻜﻌﺪﻧﻲ ﺑﺎﻭﻋﺖ ﺍﻟﺴﻴﺎﺭﺓ ﻓﺎﺭﻏﺔ ﻭﺑﺲ ﺣﻤﺰﺓ ﻳﻤﻲ ﻛﻮﺗﻠﻪ ﻫﺎﺍﺍ ﻭﺻﻠﻨﺎ
ﺣﻤﺰﺓ ......... ﻻ ﺣﺒﻴﺒﻲ ﻧﺰﻟﻮ ﻳﺴﺘﺮﺍﺣﻮﻥ ﻭﻳﺼﻠﻮﻥ ﺍﻟﻈﻬﺮ ﻭﻧﺘﻐﺪﺓ ﻭﻧﻜﻤﻞ ﺍﻟﻄﺮﻳﻖ ﻛﻮﻣﻲ ﺍﻧﺘﻲ ﺻﻠﻲ ﻭﺗﻐﺪﻱ ﻳﺎﻟﻠﻪ ﺷﻠﻮﻥ ﺻﺮﺗﻲ ﺑﻌﺪﺝ ﻣﺘﺄﺫﻳﺔ ﻣﻦ ﺑﻠﻌﻮﻣﺞ
ﺭﻳﺎ ......... ﻻ ﺭﺍﺣﺖ
ﻛﻮﻣﻨﻲ ﻭﻧﺰﻟﻨﺎ ﺳﻮﺓ ﻣﻦ ﺍﻟﺴﻴﺎﺭﺓ ﻫﻢ ﻛﺎﻋﺪﻳﻦ ﺑﺤﺴﻴﻨﻴﺔ ﺍﺧﺬﻧﻲ ﻟﻠﻤﻐﺎﺳﻞ ﻏﺴﻠﺖ ﻭﺗﻮﺿﻴﺖ ﻭﺭﺟﻌﺖ ﺩﺧﻠﻨﺎ ﺳﻠﻤﺖ ﻋﻠﻴﻬﻢ ﻭﺭﺣﺖ ﺻﻠﻴﺖ
ﻭﻛﻤﻠﺖ ﺍﺟﻴﺖ ﺳﺎﻋﺪﺗﻬﻦ ﺑﺼﺐ ﺍﻟﻐﺪﺍﺀ ﺟﻨﻨﺎ ﻣﺴﻮﻳﻦ ﺩﻭﻟﻤﺔ ﺑﺲ ﻣﺎﻃﺒﺨﻨﺎﻫﺎ ﺑﺎﻟﻠﺒﻴﺖ ﺟﺎﻳﺒﻴﻦ ﻭﻳﺎﻧﺎ ﻫﺬﺍ ﺍﻟﻄﺒﺎﺥ ﺍﻟﻤﺘﻨﻘﻞ ﻃﺎﺑﺨﺘﻬﺎ ﻋﻤﺘﻲ ﻟﻌﺪ ﺷﻜﺪ ﺻﺎﺭﻟﻬﻢ ﻧﺎﺯﻟﻴﻦ ﻭﺍﻧﻲ ﻧﺎﻳﻤﺔ ﻭﻣﺎﺍﺩﺭﻱ ﺷﻜﺪ ﻋﻴﺐ ﻳﺮﺑﻲ ﺍﻟﻤﻬﻢ ﺣﻤﺰﺓ ﺷﻔﺘﻪ ﻛﺎﻋﺪ ﺑﺲ ﻣﺎﻳﺸﺎﺭﻙ ﺑﺎﻻﻛﻞ ﺍﻋﺮﻓﻪ ﻣﺎﻳﺤﺐ ﺍﻟﺴﻠﮓ ﺑﺎﻟﺪﻭﻟﻤﺔ ﺻﺒﻴﺖ ﺑﻤﺎﻋﻮﻥ ﺻﻐﻴﺮ ﺧﻠﻴﺘﻠﺔ ﺑﺲ ﺍﻟﺒﺼﻞ ﻭﺍﻟﻔﻠﻔﻞ ﻭﺍﻟﻄﻤﺎﻃﺔ ﻭﺍﻟﺒﺎﺫﻧﺠﺎﻥ ﻭﺍﻟﺸﺠﺮ ﺍﻟﻤﺤﺸﺔ ﺧﻠﻴﺘﻬﻦ ﺑﻤﺎﻋﻮﻥ ﻭﺍﻧﻄﻴﺘﻬﻦ ﺍﻟﻪ ﻭﻫﻮ ﻣﺎﻳﺤﺐ ﻳﺎﻛﻞ ﻣﻦ ﻣﺎﻋﻮﻥ ﻏﻴﺮﻩ ﺍﻻ ﻣﺎﻋﻮﻧﻪ ﺻﺒﻴﺘﻠﻪ ﻳﺎﻟﻠﻪ ﺍﻛﻞ
ﺍﺭﺗﺎﺣﻴﻨﺎ ﺷﻮﻱ ﻋﻤﺘﻲ ﻭﺍﻡ ﺳﺠﺎﺩ ﺿﺮﺑﻠﻬﻦ ﺯﺍﻭﻳﺔ ﻭﺗﻤﺪﺩﻥ ﻭﺯﻫﺮﺍﺀ ﺻﺎﻓﻨﺔ ﻭﺭﻭﺍﻥ ﺍﺧﺬﺕ ﺍﻟﻤﻮﺍﻋﻴﻦ ﺗﻐﺴﻠﻬﻦ ﺍﺣﻨﺔ ﺻﺒﻴﻨﺎ ﺑﻤﻮﺍﻋﻴﻦ ﺍﺳﺘﻌﻤﺎﻝ ﻭﺍﺣﺪ ﺑﺲ ﺍﻟﺨﻮﺍﺷﻴﻚ ﻭﺍﻟﺼﻴﻨﻴﺔ ﻭﻛﺎﺳﺎﺕ ﺍﻟﻄﺮﺷﻲ ﻗﻠﻴﻼﺕ ﺭﺍﺣﺖ ﺗﻐﺴﻠﻬﻦ ﻧﻮﺭ ﻭﺳﺒﺄ ﻳﺴﻮﻟﻔﻦ ﻋﻠﻰ ﺍﻟﺒﻠﻮﺓ ﺍﻟﺴﻮﻧﻬﺎ ﺑﻌﻤﺘﻲ ﻭﺧﻮﻓﻨﻬﺎ ﻭﻧﻮﺭ ﺗﻀﺤﻚ ﺿﺮﺑﺖ ﺯﻫﺮﺍﺀ ﺧﻔﻴﻒ ﻭﻏﻤﺰﺗﻠﻬﺎ ﻳﻌﻨﻲ ﺷﻜﻮ ﻫﻲ ﻛﺎﻟﺖ
ﺯﻫﺮﺍﺀ ........ ﻣﺎﻋﻨﺪﻱ ﺷﻲ
ﺭﻳﺎ .......... ﻟﻌﺪ ﻟﻴﺶ ﺻﺎﻓﻨﺔ ﻻﺯﻡ ﺑﺒﺎﻟﺞ ﺑﻠﻮﺓ ﺟﺪﻳﺪﺓ ﺗﺮﺓ ﺻﻔﻨﺎﺗﺞ ﺗﺨﻮﻑ
ﺯﻫﺮﺍﺀ ........ ﻻ ﻭﺍﻟﻠﻪ ﺑﺲ ﺩﺧﺖ ﻭﻧﻌﺴﺖ
ﺭﻳﺎ ........ ﺿﺮﺑﻴﻠﺞ ﺭﻛﻦ ﻭﻱ ﺍﻟﺤﺠﻴﺎﺕ ﻭﻧﺎﻣﻲ
ﺯﻫﺮﺍﺀ ....... ﻻ ﻣﺎﺗﺮﻫﻢ ﻋﻴﺐ
ﺭﻳﺎ ........ ﺑﻜﻴﻔﺞ
ﺩﺭﺕ ﻭﺟﻬﻲ ﺷﻔﺖ ﺣﻤﺰﺓ ﻳﺒﺎﻭﻋﻠﻲ ﺍﺷﺮﻟﻲ ﺍﻛﻮﻡ ﻛﻤﺖ ﻭﺍﺧﺬﺕ ﺟﻨﻄﺘﻲ ﻫﻮ ﻛﺎﻡ ﻭﺭﺍﻱ ﻭﻃﻠﻌﻨﺎ ﺑﺮﺓ ﺻﻌﺪﻧﺎ ﺑﺎﻟﺴﻴﺎﺭﺓ ﻭﻇﻠﻴﻨﺎ ﻧﺴﻮﻟﻒ ﻭﻧﻀﺤﻚ ﺍﻧﻲ ﻭﺣﻤﺰﺓ ﻭﻃﺒﻌﺎ ﻣﺎﺗﺨﻠﻰ ﻣﻦ ﺷﻘﺎﻩ ﺍﻟﺰﺍﻳﺪ ﻋﻦ ﺣﺪﻩ ﻭﺻﻮﺭﻧﺎ ﺳﻨﺎﺑﺎﺕ ﺍﻧﻲ ﻭﻳﺎ ﺑﺎﻟﺴﻴﺎﺭﺓ ﺷﻮﻱ ﺳﻨﺎﺑﺎﺕ ﺣﻠﻮﺓ ﻭﺷﻮﻱ ﺳﻨﺎﺑﺎﺕ ﺗﻀﺤﻚ
ﻭﺷﻮﻱ ﻧﺘﻌﺎﺭﻙ ﻣﺎﻳﺮﻳﺪ ﺳﻨﺎﺏ ﻻﻥ ﺑﻲ ﺍﺫﺍﻧﺎﺕ ﻭﻫﻴﺞ ﻭﻣﺎﻳﻘﺒﻞ ﻳﺎﺧﺬ ﻭﺍﺧﺬﻧﻪ ﺑﺘﻠﻔﻮﻧﻪ ﺑﺲ ﺑﺪﻭﻥ ﺳﻨﺎﺏ ﺷﻜﺪ ﻇﻠﻴﻨﺎ ﺳﻮﺓ ﺳﺎﺩﻳﻦ ﺍﻟﺴﻴﺎﺭﺓ ﻋﻠﻴﻨﺎ ﻭﺑﻴﻬﺎ ﺑﺮﺩﺍﺕ ﻭﻣﺎﺧﺬﻳﻦ ﺭﺍﺣﺘﻨﺎ ﺷﻮﻱ ﻭﻓﺘﺤﻮ ﺍﻟﺒﺎﺏ ﻫﻮ ﺩﻧﻚ ﻳﻠﻌﺐ ﺑﺘﻠﻔﻮﻧﻪ ﻭﺍﻧﻲ ﺳﻮﻳﺖ ﻧﻔﺴﻲ ﺍﺩﻭﺭ ﺑﺠﻨﻄﺘﻲ ﻫﻮ ﺭﻛﺒﻮ ﻋﺎﺩﻱ ﻣﺤﺪ ﺣﺠﺔ ﻭﻛﻤﻠﻨﺎ ﻃﺮﻳﻘﻨﺎ ﻟﻠﻌﺼﺮ ﺏ 5 ﻳﺎﻟﻠﻪ ﺩﺧﻠﻨﺎ ﻛﺮﺑﻼﺀ ﺑﺲ ﻣﻦ ﺻﺪﻙ ﺗﺨﺒﻞ ﺍﺟﻮﺍﺀ ﺗﺨﺨﺨﺨﺒﺒﺒﻞ ﺍﻟﺠﻮ ﺑﺮﺩ ﻭﺍﻟﺸﻤﺲ ﻏﺎﺑﺖ ﻧﺰﻟﻨﺎ ﺑﺎﻟﻜﺮﺍﺝ ﻭﺗﻤﺸﻴﻨﺎ ﺍﻧﻲ ﻭﺣﻤﺰﺓ ﻧﻤﺸﻲ ﺳﻮﻯ
ﻫﻬﻬﻬﻪ ﺍﻟﺴﺎﻳﻖ ﻣﺮﺍﻓﻖ ﺍﺣﻤﺪ ﻭﻣﺤﻤﺪ ﻭﺭﻭﺍﻥ ﻭﺟﻬﺎﻟﻬﻢ ﻳﻤﺸﻮﻥ ﺳﻮﺓ ﻋﻤﺘﻲ ﻭﺍﻡ ﺳﺠﺎﺩ ﻳﻤﺸﻦ ﻭﻳﺼﻠﻦ ﻋﻠﻰ ﺍﻟﻨﺒﻲ ﺳﺒﺄ ﻭﺯﻫﺮﺍﺀ ﻳﻤﺸﻦ ﻭﻣﺪﺭﻱ ﺷﻴﺴﻮﻟﻔﻦ ﻭﺳﺠﺎﺩ ﻭﻧﻮﺭ ﻳﺴﻮﻟﻔﻮﻥ ﻭﺣﻤﺰﺓ ﺣﺒﻴﺒﻲ ﻻﺯﻡ ﺍﻳﺪﻱ ﻭﻳﻤﺸﻲ ﻭﻳﺪﻟﻴﻨﻲ ﻭﻳﺴﻮﻟﻔﻠﻲ ﻣﻦ ﺟﺎﻧﻮ ﻳﺠﻮﻥ ﻣﺜﻼ ﻣﺮﺓ ﺍﺟﻴﻨﺎ ﻣﻨﺎ ﻣﺮﺓ ﻫﻨﺎ ﻛﻌﺪﻧﺎ ﺍﻧﻲ ﻭﻓﻼﻥ ﺍﺟﻴﻨﺎ ﻭﻇﻠﻴﻨﺎ ﺑﻬﺬﺍ ﺍﻟﻔﻨﺪﻕ ﺳﻮﺍﻟﻒ ﻋﺎﺩﻳﺔ ﺑﺲ ﻋﻨﺪﻱ ﻛﻠﺶ ﺣﻠﻮﺓ ﻛﻌﺪﻧﺎ ﺑﻴﻦ ﺍﻟﺤﺮﻣﻴﻦ ﺍﺟﻮﺍﺀ ﻭﻻ ﺍﺭﻭﻉ ﻭﺍﺣﻨﺔ ﻧﺴﻤﻊ ﺍﻟﺘﻮﺟﻴﻬﺎﺕ ﺍﻟﺪﻳﻨﻴﺔ ﻭﺍﺻﻮﺍﺕ ﺍﻟﻤﺮﺩﺩﻳﻦ ﻭﺍﻟﺪﻋﺎﺀ ﺍﺟﻮﺍﺀ ﺗﺪﻣﻊ ﺍﻟﻬﺎ ﺍﻟﻌﻴﻦ
ﻇﻠﻴﻨﺎ ﻛﺎﻋﺪﻳﻦ ﻻﻥ ﺻﺎﺭﺕ ﺻﻼﺓ ﺟﻤﺎﻋﺔ ﻛﻤﻨﺎ ﺻﻠﻴﻨﺎ ﺑﺮﺓ ﻟﻤﻦ ﻓﺘﺤﻮ ﺍﻻﺑﻮﺍﺏ ﺍﻧﻘﺴﻤﻨﺎ ﻣﺠﻤﻮﻋﺘﻴﻦ ﺍﺣﻨﺔ ﺍﻟﺒﻨﺎﺕ ﺍﻟﻮﻟﺪ ﺩﺧﻠﻮ ﻭﺭﻭﺍﻥ ﻭﺟﻬﺎﻟﻬﺎ ﻭﻧﻮﺭ ﻇﻠﻦ ﻳﻢ ﺍﻡ ﺳﺠﺎﺩ ﻭﺍﻧﻲ ﻭﺯﻫﺮﺍﺀ ﻭﺳﺒﺄ ﺩﺧﻠﻨﺎ ﺯﺭﻧﺎ ﻭﻱ ﻋﻤﺘﻲ ﺣﻤﺰﺓ ﺣﺒﻴﺒﻲ ﻳﻤﺸﻲ ﻭﻳﻮﺻﻲ ﺑﺄﻣﻪ ﺗﻠﺰﻡ ﺍﻳﺪﻱ ﻻﻥ ﻣﺎﺍﻧﺪﻝ ﻭﺍﺫﺍ ﺍﺗﻴﻪ ﺍﻛﻌﺪ ﺍﻫﺒﺪ ﺑﻤﻜﺎﻧﻲ ﻭﺍﺭﻭﺡ ﻫﻴﺞ ﻭﺍﺭﺟﻊ ﻫﻴﺞ ﺩﺧﻠﻨﺎ ﺳﺒﺄ ﻭﺯﻫﺮﺍﺀ ﻣﺘﻜﺎﻭﺩﺍﺕ ﻭﻻﺯﻣﺎﺕ ﻋﺒﺎﻳﺔ ﻋﻤﺘﻲ ﻭﺍﻧﻲ ﻻﺯﻣﺔ ﺍﻳﺪﻫﺎ ﺑﺎﻟﻜﻮﺓ ﺩﺧﻠﻨﺎ ﺯﺭﻧﺎ ﻭﺻﻠﻨﺎ ﻟﺸﺒﺎﻙ ﺍﻻﻣﺎﻡ ﺍﻟﻠﻪ ﺫﺏ ﻋﻠﻴﺔ ﺑﭽﻲ ﻣﺎﺍﻋﺮﻑ ﻟﻴﺶ ﺍﺑﺠﻲ ﺣﺘﻰ ﻣﺎﺍﻛﺪﺭ ﺍﺣﺠﻲ ﺑﺲ ﺍﺑﭽﻲ ﺍﺭﻳﺪ ﺍﺷﻜﻲ ﻟﻼﻣﺎﻡ ﺑﺲ ﻟﺴﺎﻧﻲ ﻣﺎﻳﻨﻄﻖ ﺑﻴﻤﻦ ﺍﺑﺪﻱ ﻭﺑﺸﻨﻮ
ﻇﻠﻴﺖ ﻋﻴﻨﻲ ﻟﻠﺸﺒﺎﻙ ﻭﺍﺑﭽﻲ ﻭﻻﺯﻣﺔ ﺍﻟﺒﺎﺏ ﻋﻤﺘﻲ ﺩﺧﻠﺖ ﺗﻠﺰﻡ ﺍﻟﺸﺒﺎﻙ ﺑﺲ ﺍﺯﺩﺣﺎﻡ ﻛﻠﺶ ﻭﺧﻠﺘﻨﻲ ﻻﺯﻣﺔ ﺍﻟﺒﺎﺏ ﻭﻧﺒﻬﺘﻨﻲ ﻣﺎﺍﺗﺤﺮﻙ ﻭﺍﻧﻲ ﺑﺲ ﺍﺑﺠﻲ ﻣﺎﺍﻋﺮﻑ ﺷﺄﺷﻜﻲ ﻟﻼﻣﺎﻡ ﻋﻠﻰ ﺗﻘﺼﻴﺮﻱ ﻭﻱ ﺍﻟﻠﻪ ﻭﺍﻫﻞ ﺍﻟﺒﻴﺖ ﻟﻮ ﻋﻠﻰ ﺍﺧﻮﺍﻧﻲ ﻟﻮ ﺍﺗﺮﺣﻢ ﻻﻫﻠﻲ ﻟﻮ ﻗﻬﺮﻱ ﻟﻮ ﻇﻠﻤﻲ ﻟﻮ ﺷﻨﻮ ﻣﺎﺍﻋﺮﻑ ﺑﺲ ﻛﺪﺭﺕ ﺍﻧﻄﻖ ﻭﺍﺻﺮﺥ ﺑﺼﻮﺕ ﻳﺎﺍﺑﻮ ﻓﺎﺿﻞ ﺩﺧﻴﻠﻚ ﻭﺩﻧﻜﺖ ﺍﺑﭽﻲ ﺍﺟﺖ ﻣﺮﺓ ﺩﻛﺖ ﻋﻠﻰ ﻇﻬﺮﻱ ﻭﻛﺎﻟﺖ
......... ﺍﻃﻠﺒﻲ ﺣﺎﺟﺘﺞ ﻳﻤﺔ ﻭﺍﺑﻮ ﻓﺎﺿﻞ ﻣﺎﻳﻘﺼﺮ ﺍﻥ ﺷﺎﺀ ﺍﻟﻠﻪ ﻳﻨﻄﻴﺞ ﻣﺮﺍﺩﺝ
ﺭﻳﺎ .......... ﻫﺰﻳﺘﻠﻬﺎ ﺭﺍﺳﻲ ﻭﺑﻌﺪﻧﻲ ﺍﺑﺠﻲ ﻃﻠﺒﺖ ﻣﻦ ﺍﻟﻠﻪ ﺑﺤﻖ ﺍﺑﻮ ﺍﻟﻔﻀﻞ ﺍﻟﻌﺒﺎﺱ ﻳﺤﻔﻈﻠﻲ ﺣﻤﺰﺓ ﻭﺍﻫﻠﻪ ﻻﻥ ﻟﻮ ﺷﻤﺎ ﺍﺳﻮﻱ ﻣﺎﺍﻛﺪﺭ ﺍﺟﺎﺯﻳﻬﻢ ﻋﻠﻰ ﺍﻟﺴﻮﻭ ﻭﻳﺎﻱ
ﻭﺩﻋﻴﺖ ﺍﻟﻠﻪ ﻳﺤﻔﻈﻠﻲ ﺍﺧﻮﺍﻧﻲ ﻭﺍﻟﻠﻪ ﻣﺎﺍﻛﺪﺭ ﺍﺩﻋﻲ ﻋﻠﻴﻬﻢ ﻳﺒﻘﻮﻥ ﺍﺧﻮﺍﻧﻲ ﻭﻟﻮ ﺷﻤﺎ ﻳﺴﻮﻭﻥ ﻣﺎﺍﻛﺪﺭ ﺍﺷﻴﻞ ﺑﮕﻠﺒﻲ ﻭﺍﻟﻠﻪ ﮔﻠﺒﻲ ﻣﺎﻳﻨﻄﻴﻨﻲ ﺍﺩﻋﻲ ﻋﻠﻴﻬﻢ ﺍﺟﺘﻨﻲ ﻋﻤﺘﻲ ﻫﻢ ﻋﻴﻮﻧﻬﺎ ﻭﺍﺭﻣﺔ ﻣﻦ ﺍﻟﺒﭽﻲ ﻭﺯﻫﺮﺍﺀ ﻭﺳﺒﺄ ﻭﺍﻛﻔﺎﺕ ﻗﺮﻳﺐ ﻋﻠﻴﺔ ﺻﻠﻴﻨﺎ ﺻﻼﺓ ﺍﻟﺰﻳﺎﺭﺓ ﻭﻃﻠﻌﻨﺎ ﻭﺭﺣﻨﺎ ﺯﺭﻧﺎ ﺍﻻﻡ ﺍﻟﺤﺴﻴﻦ ﻋﻠﻴﻪ ﺍﻟﺴﻼﻡ ﻭﻫﻢ ﻋﺒﺎﻟﻚ ﻣﺎﺑﭽﻴﺖ ﺭﺟﻌﺖ ﺍﺑﭽﻲ ﻣﻦ ﺟﺪﻳﺪ ﻭﺍﻭﻝ ﻣﺮﺓ ﺍﺯﻭﺭ ﺍﻻﻣﺎﻡ ﺍﻟﺤﺴﻴﻦ ﻇﻞ ﻟﺴﺎﻧﻲ ﻳﻨﻄﻖ ﺣﺠﺎﻳﺔ ﻭﺣﺪﺓ ﻫﻲ ﺍﻋﺬﺭﻧﻲ ﺳﻴﺪﻱ ﺍﻋﺬﺭﻧﻲ ﺳﻴﺪﻱ ﻭﻫﻢ ﺻﻠﻴﻨﺎ ﻭﺭﺟﻌﻨﺎ ﻳﻢ ﺍﻡ ﺳﺠﺎﺩ
ﻭﺧﻠﻴﻨﺎ ﺍﻟﺠﻨﻂ ﻭﺍﻟﺠﻬﺎﻝ ﻳﻤﻨﺎ ﻭﻫﻦ ﺭﺍﺩﻥ ﻳﺮﻭﺣﻦ ﻧﻮﺭ ﻛﺎﻟﺖ
ﻧﻮﺭ ......... ﻭﻫﺎﻱ ﺑﻄﻨﻲ ﻋﻨﺪﻣﻦ ﺍﺧﻠﻴﻬﺎ
ﺭﻳﺎ ........ ﻫﻬﻬﻬﻬﻬﻪ ﻋﻮﻓﻴﻬﺎ ﻳﻤﺞ ﺍﺑﻨﺞ ﻣﺤﺪ ﻳﺤﻤﻠﻪ
ﻧﻮﺭ ........ ﻣﻜﺮﻭﺩ ﻳﺎﺍﺑﻨﻲ ﻣﻦ ﻫﺴﺔ ﻣﺤﺪ ﻳﺮﻳﺪﻩ
ﺍﻡ ﺳﺠﺎﺩ ......... ﻛﻠﻨﺎ ﻧﺮﻳﺪﻩ ﺑﺲ ﺍﻣﺸﻲ ﺧﻠﻴﻨﺎ ﻧﺰﻭﺭ
ﺭﻳﺎ ......... ﺭﺍﺣﻦ ﻫﻦ ﻳﺰﻭﺭﻥ ﻭﻋﻤﺘﻲ ﺗﺴﺒﺢ ﻭﺻﻮﺕ ﺍﻻﺩﻋﻴﺔ ﻳﺨﺒﻞ ﺷﻮﻱ ﻭﺧﻠﺼﺖ ﺍﻻﺩﻋﻴﺔ ﻭﺍﻧﻲ ﺩﻣﻮﻋﻲ ﺗﺼﺐ ﻭﻱ ﺍﻟﺪﻋﺎﺀ ﻋﺒﺎﻟﻚ ﻳﻨﻌﻰ ﻣﻮ ﻳﻘﺮﺃ ﺩﻋﺎﺀ
ﺷﻮﻱ ﻭﺧﻠﺼﻦ ﺍﻻﺩﻋﻴﺔ ﻭﺳﻜﺖ ﺍﻟﻘﺎﺭﺉ ﻭﺑﺲ ﺻﻮﺕ ﺍﻟﻨﺎﺱ ﻭﺍﻟﺠﻮ ﻛﻠﺶ ﺑﺮﺩ ﺍﺳﺘﺒﺮﺩﺕ ﻋﻨﺪﻱ ﺍﻟﭽﺎﻛﻴﺖ ﻣﺎﻝ ﺣﻤﺰﺓ ﺑﺲ ﺍﺳﺘﺤﻴﺖ ﺍﺧﻠﻲ ﻋﻠﻰ ﺍﻛﺘﺎﻓﻲ ﺑﺲ ﻣﻦ ﺷﻔﺖ ﺍﻟﻨﺎﺱ ﻋﺎﺩﻱ ﻫﺎﻱ ﺍﻟﻤﺘﻤﺪﺩﺓ ﻭﻫﺎﻱ ﺍﻟﻤﺘﻐﻄﻴﺔ ﺑﺒﻄﺎﻧﻴﺔ ﺟﺒﺖ ﺍﻟﺠﺎﻛﻴﺖ ﻭﺧﻠﻴﺘﻪ ﻋﻠﻰ ﻛﺘﻔﻲ ﺷﻮﻱ ﺩﻓﻴﺖ ﻭﻇﻠﻴﻨﺎ ﻧﺴﻮﻟﻒ ﺍﻧﻲ ﻭﺯﻫﺮﺍﺀ ﻭﺳﺒﺄ ﻭﺍﻟﺠﻬﺎﻝ ﺗﻠﻌﺐ ﻳﻤﻨﺎ
ﺷﻮﻱ ﻭﺍﺟﻦ ﺧﺎﻟﺔ ﺍﻡ ﺳﺠﺎﺩ ﻭﺍﻟﺒﻨﺎﺕ ﻭﻫﻢ ﻛﻌﺪﻧﺎ ﺳﻮﺍﻟﻒ ﻭﻫﻦ ﻳﺴﻮﻟﻔﻦ ﻋﻠﻰ ﺯﻳﺎﺭﺍﺗﻬﻦ ﺍﻟﺴﺎﺑﻘﺔ ﻭﺍﺟﻴﻨﺎ ﺑﻔﻼﻥ ﻭﻗﺖ ﻭﻱ ﻓﻼﻥ ﻭﺻﺎﺭ ﻫﻴﺞ ﻳﻌﻨﻲ ﻫﺎﻱ ﺍﻟﺴﻮﺍﻟﻒ ﻭﺍﺟﻮ ﻋﻤﻲ ﻭﺍﻟﻮﻟﺪ ﺳﻠﻤﻮ ﻋﻠﻴﻨﺎ ﺑﺲ ﻫﻢ ﻛﻌﺪﻭ ﺑﺼﻔﻨﺎ ﻳﻌﻨﻲ ﻣﻮ ﻭﻳﺎﻧﺎ ﻋﻴﺐ ﻣﻦ ﺳﺠﺎﺩ ﻭﺍﻟﺴﺎﻳﻖ ﺭﺍﺡ ﻣﺤﻤﺪ ﺟﺎﺏ ﻋﺸﺎﺀ ﻭﺗﻌﺸﻴﻨﺎ ﺭﺍﺩﻭ ﻳﺤﺠﺰﻭﻥ ﺑﺎﻟﻔﻨﺪﻕ ﻣﺎﻗﺒﻠﻨﺎ ﺍﺣﻨﺔ ﺍﺟﻮﺍﺀ ﻣﺎﺗﺘﻔﻮﺕ ﻳﺎ ﻓﻨﺪﻕ ﻳﺎﺧﺮﺍﺑﻴﻂ ﻣﻨﻮ ﺻﺎﺣﻠﻪ ﻳﻜﻌﺪ ﺑﻴﻦ ﺍﻟﺤﺮﻣﻴﻦ ﻭﻳﺮﻭﺡ ﻳﺪﻭﺭ ﻓﻨﺎﺩﻕ ﺑﻌﺪﻳﻦ ﺯﻫﺮﺍﺀ ﻛﺎﻣﺖ ﺗﻄﻔﻲ ﻧﺎﻣﺖ ﻭﺭﺍﺀ ﻇﻬﺮﻧﺎ ﻭﻏﻄﻴﻨﺎﻫﺎ ﺑﺒﻄﺎﻧﻴﺔ ﺍﻟﺠﻬﺎﻝ ﻭﺍﺣﻨﺔ ﺻﺮﻧﺎﻟﻬﺎ ﺳﺪ ﻛﻌﺪﻧﺎ ﻛﺪﺍﻣﻬﺎ
ﺷﻮﻱ ﺳﺒﺄ ﻧﻌﺴﺖ ﻧﺎﻣﺖ ﻋﻠﻰ ﺭﺟﻞ ﺍﻣﻬﺎ ﺻﺎﺭﺕ ﺏ 1 ﻇﻠﻴﻨﺎ ﺑﺲ ﺍﻧﻲ ﻭﺭﻭﺍﻥ ﻭﻧﻮﺭ ﻧﺴﻮﻟﻒ ﺭﻭﺍﻥ ﻋﻠﻰ ﺍﻟﺠﻬﺎﻝ ﻭﻧﻮﺭ ﻋﻠﻰ ﺍﻟﺤﺒﺎﻟﺔ ﺳﺄﻟﺘﻨﻲ ﻧﻮﺭ ﻛﺎﻟﺖ
ﻧﻮﺭ ......... ﺍﻧﺘﻲ ﻣﻦ ﺣﺒﻠﺘﻲ ﻣﺎﺣﺴﻴﺘﻲ ﺑﺸﻲ ﻳﻌﻨﻲ ﺗﺸﺘﻬﻴﻦ ﺗﻠﻌﺐ ﻧﻔﺴﺞ ﻣﻦ ﺷﻲ ﺗﻨﺎﻣﻴﻦ ﻫﻮﺍﻱ
ﺭﻳﺎ ........ ﻻ ﻛﻠﺸﻲ ﻣﺎﻛﻮ ﻋﺎﺩﻳﺔ
ﻧﻮﺭ ......... ﺍﻟﻠﻪ ﻳﻌﻮﺿﻜﻢ ﺍﺻﻼ ﺑﻌﺪﻛﻢ ﺟﺪﺩ ﺷﺘﺴﻮﻳﻦ ﺑﺎﻟﺠﻬﺎﻝ ﺍﻧﻲ ﻭﺭﺍﺀ ﻋﺮﺳﻲ ﺏ 6 ﺷﻬﻮﺭ ﺣﺒﻠﺖ ﻭﺍﻟﻠﻪ ﺿﺠﺖ ﺍﺳﺘﻐﻔﺮ ﺍﻟﻠﻪ ﻻ ﺍﻋﺘﺮﺍﺽ ﻋﻠﻰ ﺣﻜﻢ . ﺭﺑﻲ ﻭﺧﻴﺮ ﻭﻧﻌﻤﺔ ﺑﺲ ﺭﺩﺕ ﺳﻨﺔ ﺳﻨﺘﻴﻦ ﻳﺎﻟﻠﻪ ﻳﺼﻴﺮ ﻋﻨﺪﻧﺎ ﺍﻃﻔﺎﻝ ﺣﺘﻰ ﻧﺘﻮﻧﺲ ﻭﺗﻌﺮﻑ ﻋﻠﻰ ﺑﻌﺾ ﺑﺎﻻﺧﺺ ﺍﺣﻨﺔ ﺯﻭﺍﺟﻨﺎ ﺗﻘﻠﻴﺪﻱ ﻣﻮ ﻋﻠﻰ ﺣﺐ
ﺭﻳﺎ ...... ﺍﻧﻲ ﺯﻭﺍﺟﻲ ﻣﺎﺍﺩﺭﻱ ﺷﻨﻮ ﻻ ﻫﻮ ﺣﺐ ﻭﻻ ﺗﻘﻠﻴﺪﻱ
ﻧﻮﺭ ......... ﺍﻟﺴﺎﻟﻔﺔ ﻳﻢ ﺑﻴﺖ ﻣﺤﻤﺪ ﺍﻟﺨﺎﻧﺴﻴﻦ ﺣﺐ ﻭﺳﻨﺘﻴﻦ ﻧﻈﺮﺍﺕ ﻭﻳﺮﻭﺡ ﻳﻢ ﺍﺧﻮﻫﺎ ﻭﺻﺎﺭ ﺻﺪﻳﻖ ﺍﻟﻌﺎﺋﻠﺔ ﻟﺨﺎﻃﺮﻫﺎ
ﺭﻳﺎ ........ ﻫﻬﻬﻬﻪ ﻧﻮﺭ ﺗﺤﺠﻲ ﻭﺗﻐﻤﺰ ﻟﺮﻭﺍﻥ ﻭﺭﻭﺍﻥ ﻛﺎﻟﺖ
ﺭﻭﺍﻥ ......... ﺍﻳﻴﻲ ﻭﻋﻠﻲ ﺣﺘﻰ ﺣﻔﻈﺖ ﺍﻟﻮﻗﺖ ﺍﻟﻴﻜﻌﺪ ﺑﻲ ﺑﺎﻟﺸﺎﺭﻉ ﺟﻨﺖ ﺍﺩﺯ ﺟﻬﺎﻝ ﺍﺧﻮﻱ ﻳﻔﺘﺤﻮﻥ ﺍﻟﺒﺎﺏ ﻭﺍﻃﻠﻊ ﺑﺤﺠﺔ ﺍﺳﺪﻩ ﺍﺷﻮﻓﻪ
ﺭﻳﺎ ........ ﺍﻟﻠﻠﻠﻪ ﻭﺍﻟﻠﻪ ﺣﻠﻮﺓ ﻭﻇﻠﻴﺘﻲ ﺳﻨﺘﻴﻦ ﻫﻴﺞ ﺗﻄﻠﻌﻴﻦ ﺍﻟﺠﻬﺎﻝ ﻳﻔﺘﺤﻮﻥ ﺍﻟﺒﺎﺏ ﺣﺘﻰ ﺗﻄﻠﻌﻴﻦ ﺗﺸﻮﻓﻴﻨﻪ
ﺭﻭﺍﻥ ........ ﺍﻳﻲ ﻭﺣﺘﻰ ﺟﻨﺖ ﺍﺳﻤﻊ ﺻﻮﺗﻪ ﺑﻄﺎﺭﻣﺘﻬﻢ ﻳﻐﻨﻲ ﺍﻃﻠﻊ ﺍﺳﻮﻱ ﻧﻔﺴﻲ ﺍﻏﺴﻞ ﻃﺎﺭﻣﺘﻨﺎ ﻭﺍﺣﺎﺟﻲ ﺍﻣﻲ ﺍﻛﻮﻟﻠﻬﺎ ﻳﻤﺔ ﺭﺍﺡ ﺍﺻﻌﺪ ﺍﺷﺮ ﻣﻼﺑﺲ ﺍﺑﻮﻱ ﺧﻞ ﺗﺠﻲ ﻭﺣﺪﺓ ﺗﻜﻤﻞ ﺍﻟﻄﺎﺭﻣﺔ ﺑﻤﻜﺎﻧﻲ ﺍﺭﻳﺪﻩ ﻳﺴﻤﻊ ﺭﺍﺡ ﺍﺻﻌﺪ ﻭﺻﺪﻙ ﺍﺻﻌﺪ ﺍﻟﻜﺎﻩ ﻛﺪﺍﻣﻲ ﻭﻳﺴﻮﻱ ﺭﻭﺣﻪ ﻳﻘﺮﺍ ﻋﻠﻰ ﺍﻟﺴﻄﺢ ﻭﺍﻧﻲ ﺍﺷﺮ ﻣﻼﺑﺲ
ﺭﻳﺎ ....... ﻳﺎﺍﺍﺍﺍﺍﻱ ﺗﺨﺒﻞ ﻋﻼﻗﺘﻜﻢ ﻭﺍﻟﻠﻪ ﺍﻛﻮﻟﺞ ﻭﻻ ﻣﺮﺓ ﺣﺎﭼﺎﭺ ﻟﻮ ﺣﺎﻭﻝ ﻳﺤﺎﭼﻴﺞ
ﺭﻭﺍﻥ ........ ﺍﺑﺒﺒﺒﺒﺒﺪ ﻭﻻ ﺣﺮﻑ ﺣﺘﻰ ﺳﻼﻡ ﻣﺎﻳﺴﻠﻢ ﻋﻠﻴﺔ ﻏﻴﺮ ﺍﻟﻨﻈﺮﺍﺕ ﻣﺎﺑﻴﻨﻨﺎ ﺷﻲ ﻭﻣﺮﺍﺕ ﻳﻮﻛﻒ ﺑﺎﻟﻄﺎﺭﻣﺔ ﻣﺎﻟﺘﻬﻢ ﻳﺼﻴﺢ ﺑﺼﻮﺕ ﻋﺎﻟﻲ ﻳﻤﺔ ﺭﺍﺡ ﺍﺻﻌﺪ ﺍﻗﺮﺍ ﻓﻮﻙ ﻫﻨﺎ ﻫﻮﺳﺔ ﺯﻫﻴﺮﺓ ﻣﺎﺗﺨﻠﻴﻨﻲ ﺍﺭﻛﺰ ﺣﺘﻰ ﻳﺴﻤﻌﻨﻲ ﻫﻮ ﺭﺍﺡ ﻳﺼﻌﺪ ﻭﺍﻧﻲ ﺍﺻﻴﺮ ﻧﺎﺩﺭﺓ ﺍﺻﻌﺪ ﺍﺟﻤﻊ ﺍﻟﺒﻄﺎﻧﻴﺎﺕ ﻭﺍﻟﻔﺮﺍﺷﺎﺕ ﻻﻥ ﺍﺣﻨﺔ ﻧﺸﺮﻫﻦ ﻋﻠﻰ ﺍﻟﺸﻤﺲ ﻭﻳﺒﺎﻭﻋﻠﻲ ﻭﺍﻧﻲ ﺩﺍﻳﺮﺓ ﻭﺟﻬﻲ ﻭﺍﺧﻠﻲ ﻳﺪﻳﺮ ﻭﺟﻬﺔ ﻭﺍﺑﺎﻭﻋﻠﻪ ﻭﺍﺫﺍ ﺻﺎﺩﻑ ﻧﺒﺎﻭﻉ ﺳﻮﺓ ﺑﺴﺮﻋﺔ ﻧﺪﻳﺮ ﻭﺟﻬﻨﺎ
ﺭﻳﺎ ........ ﻓﺪﻭﺓ ﻻﻟﻠﻪ ﺗﺨﺒﻠﻮﻥ ﺍﻛﻮﻟﺞ ﻫﻮ ﺟﺎﻥ ﺳﺎﺩﺱ ﻟﻮ ﺷﻨﻮ ﺷﻮ ﻫﻮﺍﻱ ﻳﻘﺮﺃ
ﺭﻭﺍﻥ ......... ﻻ ﭼﺎﻥ ﻣﺮﺣﻠﺔ ﺭﺍﺑﻌﺔ ﻛﻠﻴﺔ ﺗﺮﺑﻴﺔ ﻟﻐﺔ ﻋﺮﺑﻴﺔ ﺑﻬﺎﻱ ﺍﻟﻤﺮﺣﻠﺔ ﻳﻤﻜﻦ ﺻﺎﺭ ﺍﺷﻄﺮ ﻭﺍﺣﺪ ﻣﻦ ﻛﺜﺮ ﻣﺎﻛﺎﻋﺪ ﻋﻠﻰ ﺍﻟﺴﻄﺢ ﻳﻘﺮﺍ ﻭﻳﻨﺘﻈﺮﻧﻲ ﺧﺎﻑ ﻳﺼﻴﺮ ﻋﻨﺪﻱ ﺷﻐﻞ ﻭﺍﺻﻌﺪ ﻋﺎﺩ ﻫﻮ ﻣﻮﺟﻮﺩ ﻭﻣﺮﺍﺕ ﺍﺻﻌﺪ ﺍﺗﺤﺠﺞ ﺍﺷﺮ ﻣﻼﺑﺲ ﺧﺎﻳﺒﺔ ﻣﺮﺓ ﻟﺰﻣﺖ ﺩﺷﺪﺍﺷﺔ ﺍﺑﻮﻱ ﻭﺩﺷﺎﺩﻳﺶ ﺍﻟﻲ 3 ﻭﺗﺮﺍﻙ ﺍﺧﻮﻱ ﻭﺛﻮﺏ ﺍﻣﻲ ﻭﺣﺠﺎﺑﻬﺎ ﻧﻀﻴﻔﺎﺕ ﻃﻠﻌﺘﻬﻦ ﻣﻦ ﺍﻟﻜﻨﺘﻮﺭ ﻏﺴﻠﺘﻬﻦ ﻭﺻﻌﺪﺕ ﺍﺷﺮﻫﻦ ﺑﺲ ﺣﺘﻰ ﺍﺷﻮﻓﻪ
ﺭﻳﺎ ........ ﺍﻧﺘﻲ ﺟﻨﺘﻲ ﺗﺪﺭﻳﻦ ﺑﻲ ﻳﺤﺒﺞ ﻭﻳﻨﺘﻈﺮﺝ
ﺭﻭﺍﻥ ........ ﻻ ﻋﺒﺎﻟﻲ ﻫﻴﺞ ﺻﺪﻓﺔ ﻟﻮ ﺷﺎﻃﺮ ﻭﻳﻘﺮﺃ ﻣﺎﺍﺩﺭﻱ ﺑﻲ ﻋﻠﻤﻮﺩﻱ ﻭﻫﻮ ﻫﻢ ﭼﺎﻥ ﻋﺒﺎﻟﻪ ﺻﺪﻓﺔ ﺍﺻﻌﺪ ﻟﻮ ﺑﺎﻟﺼﺪﻓﺔ ﺍﻃﻠﻊ ﻣﺎﻳﺪﺭﻱ ﺑﻴﺔ ﺍﺫﺍ ﺍﺩﺭﻱ ﺑﻲ ﻓﻮﻙ ﺍﻛﻮﻡ ﺍﺣﻮﺱ ﺍﻃﻠﻊ ﺷﻐﻞ ﻣﻦ ﺟﻮﺓ ﺍﻟﻜﺎﻉ ﺣﺘﻰ ﺍﺻﻌﺪ ﻋﻠﻰ ﺍﻟﺴﻄﺢ ﻣﺮﺓ ﺫﺑﻴﺖ ﻣﺎﻱ ﻋﻠﻰ ﺍﻟﺒﻄﺎﻧﻴﺎﺕ ﻭﻣﺮﺍﺕ ﺍﻏﺴﻞ ﺍﻟﻤﻼﺑﺲ ﻭﻫﻲ ﻧﻀﻴﻔﺔ ﺑﺲ ﺣﺘﻰ ﺍﺻﻌﺪ ﻭﺍﺷﻮﻓﻪ
ﺭﻳﺎ ........ ﺍﻟﻠﻪ ﻳﻌﻴﻨﺞ ﺳﻨﺘﻴﻦ ﻫﻴﺞ ﻭﺍﻟﻠﻪ ﺗﺨﺒﻠﻮﻥ ﻭﺑﻌﺪﻳﻦ ﻛﺎﻟﺞ ﺭﺍﺡ ﺍﺟﻲ ﺍﺧﻄﺒﺞ
ﺭﻭﺍﻥ ........ ﻻ ﺍﻛﻮﻟﻠﻬﺎ ﻣﺎﺣﺠﻴﻨﺎ ﺍﺑﺪ ﺍﻻ ﻟﻤﻦ ﺧﻄﺒﻨﻲ ﻭﻋﻘﺪ ﻋﻠﻴﺔ ﻳﺎﻟﻠﻪ ﺣﺠﻴﻨﺎ ﺍﺻﻼ ﻣﻦ ﺩﺭﻳﺖ ﺑﻲ ﺭﺍﺡ ﻳﺨﻄﺐ ﺷﺒﻌﺖ ﺑﭽﻲ
ﺭﻳﺎ ........... ﺷﻠﻮﻥ ﻋﺮﻓﺘﻲ
ﺭﻭﺍﻥ ......... ﺍﻣﻲ ﺟﺎﻧﺖ ﺩﻭﻭﻡ ﺗﺮﻭﺡ ﻳﻤﻬﻢ ﺗﺸﺮﺏ ﺟﺎﻱ ﺍﻟﻌﺼﺮ ﻭﻋﻤﺘﻲ ﻛﺎﻳﻠﺘﻠﻬﺎ ﻣﺤﻤﺪ ﻳﺮﻳﺪﻟﻪ ﻣﺮﺓ ﻭﺍﺭﻳﺪ ﺍﺧﻄﺒﻠﻪ ﺑﺲ ﻣﺎﻳﻜﻮﻝ ﻳﺎﻫﻲ ﻳﻜﻮﻝ ﺍﻧﻲ ﺍﻛﻮﻟﻠﻜﻢ ﺑﻴﻬﺎ ﺑﻌﺪﻳﻦ ﻭﺍﻣﻲ ﺣﺠﺔ ﻻﺑﻮﻱ ﻭﺍﺧﻮﻱ ﻭﺍﻧﻲ ﻛﺎﻋﺪﺓ ﻛﻤﺖ ﻭﻇﻠﻴﺖ ﺍﺑﭽﻲ ﻭﺣﺘﻰ ﺭﺩﺕ ﺍﺣﺎﭼﻲ ﺑﺲ ﺍﺷﻮﻓﻪ ﺭﺩﺕ ﺍﻛﻮﻟﻪ ﺗﻌﺎﻝ ﺍﺧﻄﺒﻨﻲ ﺍﻧﻲ ﺍﻗﺒﻞ ﺑﻴﻚ ﺑﺲ ﺧﻔﺖ ﻭﻳﻮﻣﻴﻦ ﻭﺍﺟﺖ ﺍﻣﻲ ﻛﺎﻟﺖ ﺍﻡ ﻣﺤﻤﺪ ﺗﺮﻳﺪﺝ ﻟﻤﺤﻤﺪ
ﺭﻳﺎ ......... ﻋﻠﻴﺞ ﺍﻟﻠﻪ ﺍﻧﺘﻲ ﺷﺴﻮﻳﺘﻲ
ﺭﻭﺍﻥ ........... ﺷﺴﻮﻳﺖ ﻛﻮﻟﻲ ﺷﻤﺎﺳﻮﻳﺖ ﻏﻴﺮ ﻛﻤﺰﺕ ﺑﻮﺟﻪ ﺍﻣﻲ ﻛﻮﻟﺘﻠﻬﺎ ﻋﻠﻴﺞ ﺍﻟﻠﻪ ﻭﺍﻣﻲ ﺍﺳﺘﻐﺮﺑﺖ ﺷﺒﻴﺔ ﻃﻔﺮﺕ ﻋﺎﺩ ﺣﺎﭼﻨﺘﻲ ﺍﻟﻌﺼﺮ ﻭﺑﺎﻟﻠﻴﻞ ﻛﻮﻟﺘﻠﻬﺎ ﺭﺩﻳﻠﻬﻢ ﺧﺒﺮ ﺍﻧﻲ ﻣﻮﺍﻓﻘﺔ ﻭﺍﻣﻲ ﺑﺲ ﺻﺎﻓﻨﺔ ﺑﻴﺔ
ﺭﻳﺎ ......... ﻫﻬﻬﻬﻬﻬﻬﻬﻪ ﻭﺍﻟﻠﻪ ﺣﻠﻮﺓ ﻋﻼﻗﺘﻜﻢ
ﺭﻭﺍﻥ ......... ﺍﻧﻲ ﻣﺎﺍﻋﺮﻑ ﺷﻠﻮﻥ ﺧﻄﺒﺞ ﺣﻤﺰﺓ ﺑﺲ ﻛﺎﻟﻠﻲ ﻣﺤﻤﺪ ﺑﻨﻴﺔ ﺩﺧﻠﺖ ﻋﻠﻰ ﺑﺨﺘﻨﺎ ﻭﻋﻘﺪﻧﺎﻟﻬﺎ ﻟﺤﻤﺰﺓ
يتبع،
ها شلونه البارت 🤕
🚸💜
لحد ينسى التصويت والتعليق😘💘
، 💙💛
ملاحظة / بس يوصلن التعليقات لل ٧٠٠ هسه انزل ما انتضر لثاني يوم وبكيفكم بعد 😁💘💛