ناضت وجدان مباغا دوي مع حد لا عگوزتها لا ختها لا بناتها
خرجت جلست فالجليسة لي حدا المسبح كتعجبها
جات رحاب و جايبا معايا ثلاتة الكيسان دالعصيير اصلا الصهد
جات سلمى يلاه بغات دوي و هوا ايصوني ليها التيليفون
سلمى(هازاه):نجوب و انا معاكم
البنات:اوكي
بعدات شوية
سلمى:الوو
حمزة:اهلا المهندسة ديالنا صاڤاا
سلمى:موسيو حمزة لاباس
حمزة:امدراا كملتي الخدمة لي كفلتك بيها
سلمى:هه و على هاذي فيها شك
حمزة:غدا فقهوة ***** مع 5 دالعشية
سلمى:اوكيي...
قطعات معاه سلمى و مشات حدا البنات
.......
سلمى:مالو دار هكك البارح جعر ولا شنو
وجدان:حيت عصيت كلمتو دكشي علاش جا معصب
رحاب:خويا ماشي من النوع لي كيخليك تشرح و خصوصا نتي مرتو راه خاف علك كيف قال
وجدان:لي كيخاف مكيضربش..كاع طراصا ليا وجهيي تفوو..
سلمى:مقالكش فين ايدييك
وجدان:تؤ..ايلوحنط فشي ديبو تاني.. ههه
رحاب:لا ويلي.. ايديك ا لطبيب واقيلا على قبل ايديك
شدات وجدان كرشها و خصرت ملامح وجهها
سلمى:امالك
وجدان:افف..الكافرة بالله اتجينيي
رحاب:شنو هيا الكافرة بالله
سلمى و وجدان فنفس الوقت: ليغيييكل
رحاب(جابو ليها الضحكة): ههههه حمقاات.. بغيتي الدوااا
وجدان:لا لا ماما الله ايرحمها كانت كدير ليا غير البيض و حبرشااد و لا القرفة و الما سخوون باش تكالميها لياا الدوا مكنشربوش فاش يلاه كتبداني
رحاب:اوا نتي تعرفيي...
عند عثمان فالشركة
هشام:واش مكتشوفش الاسهم ديالنا گااع طاحو للارض شي واحذ فالشركة كيوصل الخبار اي بروجي كنخدمو عليه كتلقاوه فالشركات المنافسة
عثمان(كيلعب بالستيلو و عقلو ماشي معاه)
هشام:عثمان معاك داوي
عثمان:الودنين لي كسمعو ماشي العينين سمعتك..و هادا لي كيوصل الهدرة طلع للسما تنزلو هبط للارض طلعوو..
هشام:واخا
خرج و خلا عثمان كيفكر شكون هادا لي كيلعب معاه ايلا لقااه ايقبروو مفيها شك
وصلات الزوج دالعشية حطات رحمة الغدا كانو ديرين الحووت مقلي و الشلايظ الطابلة عاامرة بخير ربيي
رحمة:بسم الله بداو
بداو كياكلو البنات تا رانية بدات تكحب وحلات ليها شوكة
وجدان:بسم الله عليك (كبات ليها الما) بشوية كولي بالمهل مغاديش ايطير هدشي
رانية:كح كح.. ا شوكة وحلت ليا كح..
سلمى:اوا عودي شوفيي..اش كتصيفطي لفمك
رحاب: هههه
كملو غداهم طلعات وجدان ل بيتها و سلمى مشات للدار باش تكمل للبلان
رحاب طلعات تاهيا للبيت تنعس
وجدان جاها المللل ناضت كتبقشش فالبلاكارات تا طاح واحد الجوا
هزاتو بفضول و حلاتو
لقات صور ديال عثمان مع واحد البنت ملامحها زوينين تعطيها لاج ديال 25
معانقا هيا و عثمان اول مرة اتشوفو ضاحك و فرحااان
ضورات التصويرة و لقات مكتوبة
#احبك يا غاليتي
عرفات وجدان بلي هاذ البنت لي فالتصويرة هيا ياسمين لي كيدويو عليها
رجعات الضرف ل بلاصتو و مشات جلسات فوق الناموسية مربعة رجليها
وجدان(نافخة قنانفها) : ملي مزال كيبغيهاا لاش مزوج بيا اناا..
بقات ساهية كتلعب بايديها تا دقات عليها لمياء
لمياء:لالة مرات سيدي.. سيدي كيتسناك التحت قالك نزلي
وجدان:هاا..واش عثمان
لمياء:اه ا لالة
ومات ليها وجدان ب راسها و ناضت هزات ساكها..
لبسات سبادريتها و خرجت
هبطت التحت لقاتو كيتسناها فالطموبيل كحلة زوييينة
مشات وجدان حلات الباب و طلعت
ضرباتو ريحتها ضور راسو فيها لقاها كتشوف فيييه
عثمان:مشينا
وجدان:فيين
عثمان:انخطفك
وجدان:هاا
عثمان:ديري الحزام
دارت وجدان الحزام و كسيرا غادي بيها
الطريق كاملة و هيا ساكتة كتشوف فيه ا من التحت
شاد الفولون بايد وخدة و ليد لاخرة مخرجها من الشرجم
عروقة دايدو باينين
شي نص ساعة تاع الطريق تاوصلو لعند طبيب العضم
نزل عثمان و تبعاتو وجدان
شد ليها فايدها و زادو
دخلو لعند الطبييب
عثمان(كيدوي مع المساعدة) : عندي موعد مع سي البنداري عثمان العمراني
المساعدة(فخاطرها:احح شهاد الزيين كاامل يا ربيي) : واخا واخا تسنا ا سيدي لهيه
وجدان شافتها كي دارت فاش دوا معاها هزات ايديها لي فيها الخاتم و لاحت شعرها على ضهرها زعما شوفيني راه مزوجة بيه واقيلا هههه
شافها عثمان جابتلو الضحكة بهاذ الغيرة ديالها
مشاو جلسو فقاعة الانتضار
كانت خاوية فيها ا واحد الدري كيبان قد عثمان فالعمر زينو عادي
وجدان:انحيدها صافي(كتخبش فجبيرتها)
عثمان:منعرف(و عينيه فذاك الدري ليشوف ف وجدان)
غير سمع داك الذري وجدان دوات هز عينيه شافيها باباباباا شهاد الزيين كامل جالس قداموو
عثمان شافو كي دار فيها ف الشوفة و هيا اشد وجه وجدان عندو و خربق ليها شعرها شعككها
وجدان:اييي وا زمر تسطيتي
عثمان:ا صيبتو لييك
وجدان:اش صيبتي فيه و نتا شعككتيه تفوو
عثمامن:تفو!!(هاز ححبانو)
وجدان:هاا..لا لا.. متفووش
عثمان:هه وا هكك
شاف ف داك دري لي عرف بيناتهم شي لعبة و نزل راسو كيقرا ف كتابو
عيطات المساعدة على عثمان
المساعدة:العمراني عثمان
عثمان:نوضي
تبعاتو وجدان و غادا كتقاد ف شعرها تا وقف عثمان و دخلت فييه
وجدان(شادة نيفها) : ايي وا دير الضو بلي اتوقف
عثمان:كاميو انا..قدامي
وجدان:(بالحس) وراك تران بلا فران ماشي ا كاميو
دخلو لعند الطبيب لي شاف ايد وجدان لقاها تحسنات
وجدان:دكتور انحيد الجبيرة يااك
عثمان:(ضربها ل راسها) زميه
دكتور:اه ا مدام اتحيديها ولكن انعطيك شي دوايات شربيهم باش متعطيكش الصدااع
عثمان:واخا..
خرجو وجدان و عثمان من عند الطبيب و طلعو للطموبيل
وجدان:اندوزو ل شي حانوت عفاك
عثمان:علاش
وجدان:باغا واحد الحاجة
عثمان:قولي ليا انا نجيب لييك
وجدان(فخاطرها:هاد المقزدر هادا) : لا صافي بلاش
عثمان:دبا واش اه و لا بلاش
وجدان: بلاش ا سيير
مشا عثمان حتا وقق حدا سبيرمارشي
عثمان:نزلي ناخدو اش باغا
وجدان:وا والو سير للدار مبقيتش باقا
عثمان:واش باغا اولويز
وجدان(خرجات عينيها) :هاا...
عثمان:وا سولتك اش باغا
وجدان(حشمانة): ممم
عثمان:اوكي خمسة دقايق و انا جايي
نازل تا شداتو من ايدوو
عثمان(اول مرة تزعم عليييه):مالك
وجدان:انزل تانا..
عثمان:يلاه زيدي زيدي
نزلاات وجدان من الطموبيل كتنقز بحال شي بعلوكة صغيورة
عثمان:وجدان اجي لهناا
هيا مشااات سابقااه رجعات عندو
وجدان:هاا
عثمان:تزاذو فيك 10 شدي فيا
وجدان:وا علاالش خليني(هبطات شنينفاتها)
عثمان مشا راجع : اووكي بلاش منذدخلو
وجدان (تبعاتو) : صافي صافي (شدات فييه) هه يلاه زيد
بدا كيضحك عثمان و دخلو للداخل كيتساراو
لي شافتو غنو بغات منو
شيبس خداها ليها
الشكلاط خداه ليهاا
مسكة خداها ليهاا
بحال شي بنت صغيرة قول ماشي مرتو
خداو اولويز و خرجو فرحانة بداكشي لي شراات حطو داكشي فالكوفر و كسيراو للدار
الطريق كاملة و هيا دودوذوذوذوذ مسككتتش و مشكيلة مكتقول تا حاجة مفيدة ا داوية هاد :هاد القهوة كنت جيت ليها واحد المرة و كبيت عليا القهوة.. هاد البلاصة كنت جيت ليها... جنناتو بهدرتها مسككتش
وصلو للقصر خرجات هازة ذكشي ديالها و طلعت للبييت كانت وصلات ديك 8 دليل
طلعات لبيتها حطات دكشي فوق الناموسية هزات اولويز و دخلات دارتها بدلات حويجها لبسات بيجامة د الدار و خرجت
لقاتو كيحيد فسباطو
عثمان:اتنزلي للتحت
وجدان:اه و نتا
عثمان:تؤ
وجدان:هااء متعشاش
عثمان:لا (كيدوي معاها و كيسلت فحويجو) تا طلعي ليا نتيا شي لعبة
وجدان:واخا انا نازلة
مشات خلاتو كيحيد ف حويجو و هبطت لقات البنات مجموعين التحت كلات معاهم جمعو الطابلة و مشات للكوزينة
وجدان:لمياء حبيبة فين المقلة
لمياء:راها ا لالة التحت اش بغيني نطيب لييك
وجدان:لا لا انطيب غير ل عثمان شوية ليباط
لمياء:انطيبهم ا لالة انا ا سيري نتيا
وجدان: لا غير وريني فين المقلة و الكوكوت صافي
وراتها لمياء فين دكشي و بدات كتقطع فالبصلة
جبدات لاداند دارتهوم مع واحد لاصوص فوق المقلة
سلقات ليباط و حطات دكشي ف طبسيل
هزات موناضا و طلعات بيهم للفوق
دخلات للداخل لقاتو محيد تريكوه و جالس فالبالكو كيكمي
حطات البلاطو فوق لاطابل و مشات حداه
شمها ا من ريحتها
وجدان:افف لوح الزمر (حيداتو ليه من ايدوو و لاحتو عفطت علييه)
عثمان:جعرتي ولا مال مك..
وجدان:وا ممزيانش لييك او اجي تاكل
عثمان:مبغيتش
وجدان:هاا و علاش طلعت ليك العشا كي قلتي لياا
عثمان:مشاتلي الشهية..
وجدان(دلات قنينفاتها و مشات): واخاا..
شافها كي دارت و هوا ايضحك
عثمان:اش جبتي ليا تمك (كيطل ب راسو)
وجدان:ا شوية ليباط
عثمان: نتي ليطيبتيهم
وجدان(بفخر): ااه انا
ناض عثمان هز فورشيط و بدا كياكل
عثمان:ممم بنينين
وجدان:هيهي..حلف
عثمان:والله بغيتي..
وجدان:ااه انذووق
هز شوية ب فورشيط و يلاه قرب ليها ل فمها و هوا ايخشيها ف فمو
وجدان: وااا..(ربعات ايديها مغوبشة) دوقنييي
عثمان:لاءح سيري جيبي ليك ديالي هدشي
وجدان:وا انا لي طيبتهم ماشي نتااا
عثمان:اوا انا قتليك طلعي ليا عشايا ماشي عشاااك
وجدان:وا ا شويكيك ا نذووق كي جاااو
دار ليها خاطرها و عطاها ذاقت
وجدان:ممم الله ايعطيني الصحة
عثمان:ممم قالتها شكارت راسهاا ههه
بقات تاكل معاه شوية ليه و شوية ليها تا ساللو الطبسييل
وجدان:اح الله عمرت الكرييشة هيهي
عثمان: ههه.. الله ايعطك عقل اجي ندير ليك الدوا
وجدان: اه واخاا
مشا جلسات حداه
عثمان:حيدي الفوقي
حيدات وجدان الفوقي بقات ا ب ديباربور فالاسود
دهن ليها البوماد ل ايدها
مشا غسل ايدو لقاها غبرت
عثمان:وجداان..فينك
شوية سمع التخرشيش فالدريسينغ مشا ايشوف لقاها الحمقة دوجدان كتاكل فالشكلاط
عثمان:مال ملتك فاش كنعيط ليك مكتجوبييش
وجدان:(كدوي و فمها عامر ) وا كنت كنااااكل (شوية خصرت ملامحها بالم)
عثمان نزل عندها مخلوع : مالك ضاراك شي حاجة
وجدان:ممم فيا وجيعاات
عثمان:جاتك (بتعجب)
وجدان(حركات راسها باه)
عثمان : نوضي من الارض راه باردة علك
ناضت وجدان من الارض و مشات جلسات فوق الناموسية
عثمان(كيشوفيها): اوا نعسيي
نعسات وجدان و باركة توجع
مشا عثمان حداها : اجي هناا
مشات وجدان حداه و كتشوفيه اش ايديير
حط ايدو على كرش وجدان و هيا حالة عينيها فيه مصدومة
بقا كيدير ليها ف ماساج فكريشتها
وجدان لقات الرااحة و تكات على صدر عثمان
عثمان:رتاحيتي
وجدان:ممم
بقا كيدير ليها ف الماساج تا حس ب التنفس ديالها نتاضم هبط بعينيه شافيها لقاها نعساات تكا على المخدة و مخليها متكيا علييه
بقا متردذ شحااال و حط ايديه على شعرها كيلعب بييه
هيا بهاد الحركة لي داار زادت تمخشاات فييه بحال المشة و نعست
صبح الصباح فاقت سلمى بكريي لبست عليها ديباردور فالاسود و ڤيست فالزيتي و سروال تجيين طالون طلقات شعرها سامبل مشات عند لمياء سلمت عليها
سلمى:مني تفيق وجداان صيبي ليها ا ختي القرفة واخا
لمياء:واخا ا ختي جلسي تفطري
سلمى: لا لا تعطلت خصني نخرج يلاه باااي (دارت ليها بوسة فالهوا)
خرجت ركبت فالطموبيل و مشات تقضي شغالها
وصلات الساعة 10 دالصباح فاق عثمان معنكش ايديه كضرو من التحت و كيحس بشي حاجة فوق منوو هبط عينيه لقا وجدان متكية علييه من البارح
بقا كيشوف فيها تا بدات كتخصر فوجها كيدل انها بدات تفييق
شافت فيه وجدان و ضحكت ضحيكة زوييينة
وجدان:هههم صباح الخيير
عثمان(:كيشوف ليها ف فمها و كيدوي) : صباح الخيير
وجدان (كتكسل) : اااا خخخخ (كتاوب) اااا
ناضت كتحك فكرشها دخلت للدوش غسلت وجهها قضات حاجتها و خرجت
ناض عثمان تاهوا دوش خرج لقا وجدان لبساات و واقفة كتصيب ف شعرها
شافها شلابسة مدواش
داز دخل ايلبس تاهوا و خرج لقاها كتعكر ف فمها ب الحممر
خلاها تااا سللات و لبسات سبادريتها و بغات تخرج يلاه حلت الباب و هوا اوقفها و سد الباب بايديه تكاها علييه و تلاح على فمها ب البووسان كيجر فقنانفها اكمل من هادي و ايدوز لاخرة
كان مششهييهم من اخر مرة باسها
وجدان كدفع فيه و هوا والو متزعزعش بقا تا مسح ليها العكر كامل لي كانت ديرا و حيد منها
وجدان(كتمسح ف فمها) : مريض لا من نيتك لاش بستيني..اييخ
عثمان(كيمسح فمو) :عاودي عاودي شقلتيي
وجدامن:ولاش تبووسني اوو(كتمسح ف فمها)
عثمان:تي معكرة ديك تعكيرة د شيخاات مسحتو لييك
وجدان:(كتشوف ف فمها فالمراية كاع عضو ليها) ففف ايي فميي.. وعتيني اييخ مرض
عثمان:انجي نعاود ليك تاني شي وحدة فمك كياكلك
سكتت مجوباتوش و بغات تعاود تعكر
عثمان:تعاودي تعكري نعاود نمسحوو..
وجدان: شافت تا عيات و حطت عكرها و هبطت كا ضرب برجليها الارض
نزل عثمان من وراها كيفرنس فرحان باش دار
مشاو جلسو فطرو كي ديما
رانية:احم عثماان(لحنتها)
شافيها عثمان بمعنا شنوو
رانية:مم..تعقل كنت دويت معاك على قبل الخدمة عندك فالشركة
عثمان:اه عقلت
رانية:اوا اشنو بقيتي درتي..
عثمان:حتا دوزي عندي ليوم للشركة و نعطيك شغلك
رانية(الضحكة اتخرج ليها من نيفها):واخاا معاش نجي
عثمان:جي مع 12
رانية:ههه اوكي
وجدان كتشوف مع راسها راجلها و معارفاش فين جات شركتو و لا تا فاش خدام
بقات كتلعب ب الفرشيط فايديها و عثمان لاحظ كيفاش سهات
عثمان:يلاه نخليكم..(شاف ف مرتو) وجدان اجي معاي
وجدان(بحالا فيقها من سهوتها) : هااه واخا
ناضت تابعاه وقفو برا حدا الباب..
عثمان:ايلا خصاتك شي حاجة عيطي ليا
وجدان:فاش انعيط ليك
عثمان:راه كين تيليفون الفوق فالبيت
وجدان:اوكي (مشات و هوا ايجرها جات لاسقة مع صدرو)
عثمان(مصغر فيها عينيه) : مالك
وجدان:(متوتوة قريب ليها بزااف) و واالو
عثمان:لا بك شي حاجة
وجدان:احم لا ممالييش
طلق منها عثمان:ممم داكووغ .. يلاه انا مشييت...
وجدان:داكووغ
مشات و خلاتو
عثمان:زعما راني راجلك ا لحمقة علاقل قولي ليا ا بسلامة اودييي..
مشا لطموبيلتو و كسيرا للشركة
دخللات وجدان للداخل و لقات رحاب اتخرج
رحاب:نااري كون ا سولتيه واش ايخليك تخرجي معايا
وجدان:لا لا ميبغيش اصللن مفيا لي ايخرج
رحاب:وا نتي تعرفيي.. مهم نجيب ليك معايا شي حاجة
وجدان: انا و ياك كنلبسو قد قد لي عجباااتك جيبي ليا معاك شي كسيوات هاكا لعيبات واخا
رحاب:صافي ا زيين يلاه انا مشييت
مشات رحاب ركبات ف طموبيلتها
وجدان غادا تا وقفتها رحمة
رحمة:ا عروستي اجي اجي
مشات عندها لقاتها جالسة هيا و ختها على براد اتاي
رحمة:اوا ا بنيتي..
وجدان:نعام ا خالتي
رحمة:مشفت والو
وجدان:ههه اش مشفتيش تاني
رقية:ياكما عاگرة
وجدان:الله ايستر ا ماالك عليها ا خالتي
رقية:وا بنيتي نتوما نهار و ماطال مخشيين فالبييت قلنا صافي طاحت الذبانة فالكاس
وجدان:ههه(ضحكوها مفراسهومش هيا باقا بنت) باقي الحال على الوليدات ا خالتي
رحمة:ا خويتي انا باغا نشوف وليدات ولدي قبل منمووت
وجدان:ههه تشوووفيهم و نتي دگي و دردكي ا لحاجة متخافييش
مشات وجدان كضحك عليهم
طلعات للبيت الفووق و هوا ايبان ليها بيت رانية محلول مشات طل لقاتها كدوي فالتيلبفوون
رانية:واا دبا قوليليا واش هاد الكسووة ولا هاديي
ريماس:تفوو واللهمنقووليك ملقيتي ايمتا تمشي عندو حتا نكون انا مكيناش فالدار
رانية:وا صافي دبا دوي دوي
ريماس:لبسي هاديك الحمرة
رانية:ااه كتجيني خطيييرة مع طايتي صافي هيا لي انلبسهاا اححح ليوم ليووم نطيحو فالشبكة
وجدان بقات كتشووف فيها..بغات ضور ليها بالرااجل
تعصبت و مشات دخلت ل بيتها خبطاتو
وجدان:اييه اييه تبارك الله انا مدخلا معايا القحبات ل قلب الداار بغاو ايضورو ليا بالراااجل مزيييان تبارك الله انا تا من شريكتو معارفاها فيين... مرتتوو ا عباذ الله و معارفا والو علييه.. (بقات كتفكر شوية و هيا تخرج لقات رانية معكرة تعكيرة دالشيخات و طالون لابساه لي شافها قول خارجة من شي دار القحااب )
وجدان(كطلع و تنزل فيها) : ههه سيري ل كازينو **** كيعودو عليه زويين
رانية:هه كيفاش
وجدان:ياك غاذا ل كازينو بعذا
رانية:(محملتهاش) لا ا حبيبة غادا للخدمة
وجدان:ويلي هاكااا
رانية:اه اش فيهاا
وجدان:لا مفيها والو ههه..
مشات و خلاتها
خرجات رانية ركبات فالطاكسي وصلات للشركة دخلات
رانية:بونجووغ
السكرتيرة : (كطلعها و تنزلها ب عينيها) بونجووغ
رانية:ههه عندي موعد مع عثمان العمراني
السكريتيرة:ياكما تغالطت ليك الشركة مع البار لي التحت
رانية تقررصت
رانية:لا.. راني بصح جايا عند عثمان
السكريتيرة:اوكي ا حبيبة تتسناي لهيه
مشات السكريتيرة عند عثمان لي بدورو قاليها دخليها
السكريتيرة: دخلي
رانية(كتمشي فالسما) : شتيي ههه
مشات كتلوز ب ديك الترمة عدها دخلات
رانية:هانا جيييت
عثمان خنقاتو الريحة لي دايرا طلعها من رجليها تال راسها شافها اش لابسة كون كانت وجدان كون خمج ليها فم مع عين
عثمان:جلسي
جلسات رانية دايرا رجل فوق رجل و كتشوفيه باعجااب
عثمان(كيشوف ف السيڤي ديالها) : مم مزيان ولكن واش عند اللغة
رانية:ها اه اه كنعرف
عثمان:ماشي قتلك واش كتعرفي ولا لا واااش عندك
رانية(ا زمطك فهادي ا الشعيبية) : هه شوية و صافي
عثمان:مم اوكي اوكي
بقا ساكت شي نص ساعة و دوا
عثمان:الشركة كتحل مع الستة.. السبعة تكوني هنا بكونك موضفة ماشي بنت خالتي
رانية:اااه واخاا(الفرحة الفرحة)
عثمان:تقدري تمشي
ناضت رانية وقبل تحذرت تا صدرها تزلع كامل فوق البيرو
عثمان كيشوفيها شبغات تصنع
و تمات غادا
عثمان:رانية
هنا رانية فاش عيط ليها بدا كتفكر ف ليبوزيسيون لي ادير فاش ايكون كيكوي فيها ههه خيال واسع ا بب
رانية:ويي
عثمان: اخر مرة تجي بهاد اللبس راك فخدمة ماشي بار (مع غميزة)
رانية:و واخا صافي
مشات و مرضااتش فاش قاليها هكك ولكن فرحانة حيت اتولي تخدم عندو
وصلات الخمسة مشات سلمى للقهوة الموعودة
دخللت لقاتو جالس بفخامتو
كيشرب ف قهوتو
سلمى:ياكما تعطلت
حمزة:شوية و صافي(كيشوف ف ساعتو)
سلمى (قلبات عينيها و دوات) هاوا البلان
حمزة:مم كيدرتي دخلتي للقصر
سلمى:مرتو صاحبتي
حمزة:(تصدم) عاود تزووج
سلمى:ااه علاش
حمزة:لا والو (كيفكر و ساااكت)
سلمى:كيجاك البلان
حمزة:مزيان..مزيان.. كنشكروك مدموزييل
سلمى:هاذا واجب
ناضت واقفة باش تمشي و ووقفها ب صوتو
حمزة:قولي ل صاحبتك تحضي راسها معامن هه راه كترو الجرائييم
سلمى(ضارت عندو) : كفااش
حمزة:والو (ناض) بسلامة
مشا و خلاها كتشوف فيه : مال هاذا اويلي
جات رانية للقصر لقات وجدان كتشرب ف قهيوة دايرا رجل فوق رجل
رانية:هاااي
وجدان:هاي
رانية:هه عرفتي تقبلت فالخدمة
وجدان:اوا مزيان الله ايكمل بالخيير
رانية:احم اميين
مشات و خللتها
وجدان:(كتشوف قدامها معصبة) بالسسييف شاف الصيگان و الصدر مقنبل و ميقبلكش فالخدمة
يتبع....