عشق وعذاب

الفصل الاول

عشق وعذاب....بقلمى اروى الشرقاوى
#الفصل الاول 💥
الشخصيات
عائله مراد عز
مراد عز:راجل اعمال مشهور يعتبر من اشهر
رجال الاعمال فى مصر ومعروف بقسوته وجبروته وجشعه وحبه للمال وحب السيطره

مهاب عز :ابن مراد شاب فى الثلاثين من عمره خريج هندسه ويعمل مع والده وهو وسيم وجذاب والفتيات تعشقه وهو لايراهم فهو ذو جسد رياضى وعضلات مفتوله

مايا عز :ابنه مراد عز وهى فتاه جميله ورقيقه وترتدى الحجاب ولا تتتعامل مثل الفتيات التى توجد فى طبقاتها ولاتنظر للناس بتكبر
فهى جميله ذو عيون عسليه ووجه ابيض وشعر اسود ناعم ومن يراها يعجب بها

برلنتى هانم :زوجه مراد عز ووالده مهاب ومايا وتنظر للناس بتكبر ولاتهتم سوى بجمالها ومكانتها الاجتماعيه وسط سيدات المجتمع الراقى
**************
عائله القاضى
مروان القاضى :مهندس معمارى صديق مهاب ويملك نفس وسامته ويعمل معه فى شركة والده فهو صديق عمره وترك له والده عماره ويسكن فى احد شققها هو واخته ومبلغ فى البنك
رويدا القاضى :اخت مروان وتدرس اخر عام فى الطب فهى متوسطه الطول وذو بشره بيضاء وجسد ممشوق وعيون زيتونيه ورقيقه وجميله
*****************
هايدى الغنام :صديقه رويدا وهى فتاه جميله ورقيقه ومرحه جدا وتتمنى ان تعيش قصه حب مثل التى تراهم فى الروايات
**************
بقيت الشخصيات هنتعرف عليها فى الروايه
*******&
فى قصر عز الدين
الذى يتميز بالفخامه وبذوقه الرفيع وكل شئ
فيه مميز وكأنه لوحه فنيه
فى الصباح مجتمعين على مائده الطعام
مراد عز يوجه كلامه لمهاب
مراد :عملت ايه فى الملف الى اديتهولك تدرسه
مهاب :راجعته يابابا ومن رأى هتبقى شراكه ممتازه وخصوصا ان توفيق الصياد معروف وشركاته مشهوره
مراد بسخريه وعجرفه :معروفه مفيش حد فى مصر مشهور غير شركات مراد عز ولو الشراكه دى هتم هتبقى بشروطى مكسب ليهم انهم هيشاركو مراد عز

مهاب :ايوا طبعا يابابا بس انا عند رأى ان الشراكه ديه ممتازه

روما :هو ايه انتو مبتتكلموش غير فى الشغل مش معقول كده يابابا
مراد بنبره حنونه فاروما فتاته المدلاله:
حبيبت بابا زعلانه ليه من زعل القمر بتاعى

روما :بابا انا عيد ميلادى كمان اسبوع وانتا كالعاده يابابا مش فاكر زعلانه والهى

مراد :معقول انسى عيد ميلاد القمر بنتى العسل والهديه هتوصلك بكره احسن اسواره وفستان من احسن المصممين العالمين وحفلة عيد ميلاد متعملتش

روما اتنطط من الفرحه وقامت راحة باست باباها
برلنتى هانم :بنت اكبرى واعقلى مش معقول كده
روما :حاضر يابرلنتى هانم انتى تؤمرى
برلنتى :بنت
روما:اسفه مامى
ووجهة حديثها لمهاب
روما:وانتا بقا يامهاب هتجيبلى هديه ايه
مهاب :طول عمرك ماديه حقيره
روما:عارفه مجبتش جديد هتجيبلى ايه يعنى
مهاب :عملهالك مفاجأه ياقمر
روما:اشطا بقا ولعت معايا بحب انا جو المفاجأت ده
برلنتى :انا هقوم علشان شكلى كده هموت منكم بقى ولاد برلنتى هانم يتكلمو كده بالاسلوب ده
وقامت برلنتى (ياله ارتحنا منها 😂😂)
مراد يوجه كلامه لمهاب:
مهاب خلص وحصلنى على الشركه انا هسبقك ووصل اختك فى طريقك
مهاب :حاضر ياباشا
وقعد مهاب وروما مع بعض يتكلمو
**************
وفى نفس الوقت فى شقه فى احد الاماكن الراقيه
يرن المنبه وتستيقظ رويدا
وتقوم تدخل الحمام وتتوضئ وتصلى فرضها
وبعد ذلك ذهبت لاعداد الطعام ليها هى ومروان
وبعد ذلك ذهبت وصحت مروان ولكن بطريقتها الخاصه قامت بسكب الماء عليه ليقوم مروان مفزوع
مروان :ايه فى ايه ايي الى بيحصل البيت وقع
رويدا وهى هتموت من الضحك :اصل السكان الى فوقنا وقعو علينا مايه شوفت
مروان قام وجرى وراها فدخلت غرفتها واغلقتها عليها
مروان :بقا الجيران الى وقعو المايه ان موريتك يادكتورة البهايم انتى

رويدا :دكتورة بهايم بقا انا دكتورة بهايم طبعا بهايم مش هعالجك

مروان :يابنت ال......ماشى اما تطلعى هتفضلى جو علطول يعنى ماشى قاعدلك

رويدا:اه هفضل وروح البس اتإخرت على شغلك المدير هيرفدك ومش هلاقى حد مستغنى عن نفسه ويشغلك عنده

مروان:انا ماشى وحسابنا بعدين يادكتوره البهايم

رويدا:انا حطالك الاكل على السفره يارب يتمر فيك
مروان :ماشى حسابك معايا
وذهب مروان ليرتدى ملابسه للذهاب للعمل
وخرجت رويدا وذهبت للجامعه
***********
فى الشركه يدخل مهاب ومروان ويخطفون الانظار
يدخل مروان مكتبه ويذهب مهاب لغرفه الاجتماعات لاتمام الشراكه مع توفيق الصياد
ويتم عقد الشراكه بشروط مراد عز
توفيق :مبروك ياعز الشراكه
مراد :مبروك ليك ياتوفيق طبعا انتا الى مستفاد من الشراكه دى انك شاركة مراد عز ده انجاز
مراد :انا عندى فكره احنا نحتفل بالشراكه فى حفله عيد ميلاد روما بنتى
توفيق :الحفله عليا انا ياباشا
مراد :دى هتبقى حفله عيد ميلاد بنتى وهنحتفل فيه ياباشا طبعا هيحضرها جميع رجال الاعمال والوزراء ده عيد ميلاد بنت مراد عز وطبعا داليا هانم تكلم برلنتى هانم مراتى ويتفقو ماشى ياتوفيق

توفيق :ماشى يامراد اتفقنا
مراد: اتفقنا
ومشى توفيق وتبقى مهاب مع والده
مراد لمهاب :ايه رأيك الصفقه تمت بشروطى ولا لأ
مهاب :انتا استاذ يابابا ازاى عملت كده
مراد:هو شركاته ممتازه بس ينقصها الاسم بتاع شركات عز بس هو وافق علشان كده وانا كنت عارف ومشيت شروطى عليه وهو هيكسب بردك من ورانا نفع واستنفع

مهاب:طول منا عايش هستفاد منك ياباشا

مراد :بس لازم تتعلم بسرعه لان كل ده انتا الى هتشيله لازم اسم عز يفضل فى السوق زى ماهو مش عايزه يتهز فى يوم من الايام

مهاب :اكيد ياباشا
وذهب كل منهم من غرفه الاجتماعات
ويذهب مراد يبلغ الجميع بميعاد الحفله
ويذهب مهاب ليبلغ مروان بالحفله
مهاب :ازيك يامارو
مروان:مارو قولتلك ياد انتا مبحبش تدلع اسمى هلاقيها منك ولا من دكتورة البهايم الى فى البيت دى
مهاب وهو يضحك :هى اختك عملت فيك ايه تانى صدق انا نفسى اشوف الشخصيه الى مدوخه مارو حبيبى
مروان :الاحسن متشوفهاش
قولى كنت جايلى ليه
مهاب :نسيتنى يخربيت شكلك فى حفله يوم الاتنين الجاى فى بيتنا عيد ميلاد اختى روما
وعقد الشراكه مع توفيق الصياد
مروان :وحضرتك جاى تعزمنى هشوف جدول اعمالى وارد عليك

مهاب :اعمال مين يابو اعمال احنا هنتصب على بعض دنتا صايع

مروان :بس يخربيتك انتا هتسيحلى هنا
خلاص جاى حاجه تانيه ياسيدى

مهاب :بالله عليك تجيب اختك معاك هتسيبها لوحدها وبالمره نشوف الشخصيه الى مدوخه مروان القاضى

مروان :هسألها الاول واشوف اصلها بتموت فى الدح بعيد عنك والمذاكره هشوفها ويارب تيجى تخرج بره جوه الكأبه ده

مهاب :خلاص الى تشوفوه انا ماشى لحسن مراد عز يسوحنا

مروان:امشى ياله اصلك معطلنى بقولك يامهاب هو انا هجيب هديه طبعا لاختك

مهاب:ليه هديه انتا معزوم علشان الشراكه
مش لازم هديه سلام ياخويا
ومشى مهاب وساب مروان
مروان لنفسه :طبعا هجيب هديه انا اصلا جاى
علشان اشوف القمر الى هموت من ساعة مشوفتها
فلاش باك
مروان وهو داخل الشركه خبط فى روما
مروان :اسف مكنش قصدى يا انسه

روما : مكنش قصدك ازاى يعنى كل الكتب وقعت وكمان البحث اتفك والورق اتفرد

مروان :قولنا اسفين خلاص وبعدين انتى الى ماشيه مغمضه

روما:ماشيه مغمضه اما انسان بجح وكمان انتا الى بتزعق
اتفضل لم الحاجات لو سمحت مش معقول انا الى هنزل المها وهوطى فى مدخل الشركه والناس رايحه وجايه

مروان:هلمها علشان اخلص من لسانك الى عايز يتقص ده مش لايق على شكلك القمر خالص

روما :لم الحاجات وانتا ساكت انتا هتسبل كمان
مروان:هلمها علشان خاطر عيونك ياجميل
ولم مروان الحاجات وادهالها
(ومشيت روما وهى طبعا كأى بنت مصريه اصيله اعجبت بمروان بس محبتش تبينله ده 😂😂😂)
مروان فضل باصص على روما لحد
مااختفت
(الواد وقع وطب ومحدش سما عليه 😂😂
وفى هذا الوقت اتى مروان من الخلف وخبطه
مهاب :فوق يالا بتبص على ايه
مروان :حتت بت يالهوووى عليها قمر يخربيت جمالها وعليها لسان مبرد عايز يتقص

مهاب:حتت بت دى الفاظ مهندس هتشيلنى والله ياله على الشغل ياخفيف

مروان :ياله انا جاى معاك مكتبك عايزه اكلمك فى حاجه بخصوص المشروع ياله
مهاب :طب ياله على المكتب
وذهبو لمكتب مهاب
وفى اثناء حديث مهاب ومروان دخلت روما وهى بتقول انا جيت ياناس انا جيت ياهوبا
وطبعا مش شايفه مروان
وبعدين اخدت بالها من مروان الى مركز عينه عليها
روما :انتا
مروان :انتى
مهاب :ايه ده انتو تعرفو بعض
مروان وروما فى صوت واحد :لا
مهاب لمروان :دى روما اختى
مهاب لروما :وده صاحبى مروان الى بحكيلك عنه مهندس معانا هنا
روما :ده مهندس
مروان :مش عاجبك
روما :عادى مش فارقه كتير انا ماشيه ياهوبا
سلام
باك
مروان لنفسه :ده كان احسن يوم فى حياتى لازم اما اروح اسال رويدا هجيب هديه ايه
************£
عند رويدا فى الجامعه
تجلس مع احد صديقاتها
نعم فهى ريم اعز صديقاتها ورفيقه عمرها
(ريم بنت جميله وطيوبه ورقيقه ومرحه وترتدى الحجاب ايضا مثل رويدا)
رويدا :انا زهقت من الدكتور الزفت ده
ريم :ليه بس ده معجب عاشق ولهان ومغرم بعيونك ياجميل
رويدا :والله تسكتى طول المحاضره باصصلى ولفت نظر الطلاب ليا مش عارفه
بيفكر ازاى ده
ريم :طيب اسكتى علشان جاى لينا اهوه
رويدا :سيبينى عليه علشان انا على اخرى منه
ويأتى دكتور حازم
حازم :ازيكم يابنات
ريم :الحمدلله بخير يادكتور
حازم :ازيك يا انسه رويدا
رويدا :بخير حضرتك كنت عايز حاجه
حازم :كنت عايز اكلمك على انفراد بعد اذنك
رويدا :اتكلم انا مبخبيش حاجه عن ريم
ريم :لا يادكتور انا ماشيه هستناكى فى الكافيه يارويدا
وتمشى ريم ورويدا طبعا نفسها تقتلها
حازم بدون مقدمات :انسه رويدا انا معجب بيكى وعايز اجى اتقدملك
عايز اعرف رأيك
رويدا :انا اسفه يادكتور انا مبفكرش فى الموضوع ده دلوقتى انا كل الى بفكر فيه دلوقتى مستقبلى انما الحب والكلام ده مش وقته وبعدين انا فى سنه الامتياز محتاجه مجهود ومذاكره
حازم :يعنى معنى كده افهم انى مرفوض
رويدا:انا مش رافضه حضرتك انا رافضه المبادئ نفسه
حازم :شكرا يا انسه انا بتمنالك كل خير

رويدا :العفو يادكتور واتمنى لحضرتك الخير
واكيد هتلاقى الانسانه الى تحبها وتحبك

ومشى حازم وذهبت رويدا لريم
ريم :كان عايز ايه منك دكتور حازم
رويدا :كان بيطلب ايدى للجواز شوفتى
ريم :بجد يابختك يابنت المحظوظه ده موووززز
رويدا :انا رفضته خلاص بلاوجع دماغ دمه تقيل ورخم مووت
ريم:يابنت المفتريه وقولتيلوه كده
رويدا :قولتيلوه مبفكرش فى الجواز دلوقتى اما اخلص السنه دى الاول
ريم :ياله ريح استريح بلا وجع دماغ
رويدا :يخربيت شكلك مش كان موز من شويه
ريم :هو موز اه بس ساقع وعنده فلوس ولا العربيه الى راكبها لوحدها تهبل يابخت الى هتتجوزه
رويدا :طب ياله يا اوختشى بالتناقض الى عايشه فيه ده نلحق المحاضره دكتور حسام مبيدخلش حد بعده
ريم بنحنحه :حسام طب ياله
رويدا :ياله يامنيله هتفضلى تحبيه من بعيد لبعيد كده
ريم :اعمل ايه بارد هيموتنى هيشلنى
وذهبوا للمحاضره
******&&*&
ياترى روما ومروان هيحصل معاهم ايه
ومهاب ورويدا هيتعرفو على بعض ازاى
وياترى دكتور حازم هيكتفى بالرفض ولا هيعمل ايه
عايزه رأيكم اكمل ولا اوقف الكتابه