تيليفون كيصوني...
عفراء: بونحوغ..
...: السلام بغيت ناخد موعد مع الدكتورة وجدان الا كان ممكن ايكون هاد الايام
عفراء:وي.. نقدر نعرف شنو الاسم ديالك ا لالة
...:(بعد صمت دامت مدتو 2 دقائق) رحاب.. رحاب العمراني
عفراء:واخا مدام رحاب.. الثلاتاء مناسب ليك
رحاب: اه اه مناسب معاش نجي
عفراء: مع 10:00
رحاب: شكرا..
عفراء: العفو نهارك مبرووك
جالسة فالمكتب ديالها فعمرها 25ديرا نضارات طبية مكياج سامبل عويناتها كباار و مشفرين فاللون الاخضر لون البشرة ديالها اسمر لابسا الطابلي ديالها..
وجدان:وي فهمتك ا امينة
امينة:ختي كيهددني فالتيليفون بلي ايقتلني ايلا مجبتش ليه الفلووس واخا مطلقيين
وجدان:معندك مناش تخافي نتي محمية من طرف الامن غيير ايقرب لييك عيطي للبوليس متردديش زوج المراات اوك
أمينة: شكرا ا دكتورة بلا بيك مكنتش انتخطا هاد المحنة
وجدان(ابتسامة خفيفة بينات الغمازة لي فوجهها): هادا واجب
توجهات امينة للباب ابتاسمت لعفراء لي ابتاسمت ليها هيا الاخرئ بدورها
عفراء(دقات زوج دقات خفاف فالباب)
وجدان:تفضل
عفراء: مدموزيل وجدان انا غادي نخرج
وجدان:وي عفراء داكوغ
عفراء:بسلامة
سدات الباب من وراها هزات وجدان تلفونها و شافت تاريخ اليوم لي كان الخميس السادس يوليوز
تكات وجدان راسها على الكرسي ديالها و سارحة فالافكار ديالها..
نهار الخميس ف السادس من يوليوز لابسة شوميز بيضة و سروال دجين و سبرديلة بيضة واقفة قدام بيرو د الاساسيدة و الضحكة قربات تخرج ليها من ودنيها
استاذة لمياء: مبروك النجاح وجدان تستاهليي
وجدان:ههه شكراااا
خرجات كتنقز فرحااانة و عنقات صديقة دربها
سلمى:(مبادلها العناق) مبرووووك عليناااا
وجدان: اااااه و الباااك فالجيييب
سلمى:هههههه مسطييية
تفارقو البنات كل وحدة توجهات ل دارهم
غادة وجدان لدارهم فرحانة باش تفرح وليديها بهاد الخبييرة
حلات الباب بالسارووت
وجدان:مامااااا... بااباااا (طالقة حلووقها كتغووت )
شوية كتشم ريحة الغاز خنقتها بزاااف
وجدان:كح كح مامااا... بابااا... كح كح اش هاد الرييحة...
مشات كتجري باش تحل السراحم و رافضة رفضا كليا هاديك الفكرة لي فبالها...
من بعد محلات السراجم د الدار كاملة
طلعات كتجري لفوق فين كينين البيوتا...
كطلب فنفسها ايكونو واليديها خارجيين
حتا كتصدم من المنظر لي قدامها
واليديها بزوووج متكين فوق الناموسيا و مكيتحركووش جثة هامدة
توجهات لعندهم ب خطوات بطيئة
وجدان(عينيها تغرغرو) م ماما... بابا... ماماتي انا جييت ههه ماماااا... فيقييي(كتعنق ف ماماها) ماما والله حتا جيييت تعطلت ا شوية فيقيي.. بابااا (كتحرك ليه فراسو) بابااا نووض راه جبت ااباااك
ناضت من حداهم و كتبكي
وجدان: لا لا لا لا لا لاااااااا لااااااااااااا (كتبكي بحهد) لاااااا فيقوووو اااااااا مامااااا.... هئ هئ هئ باببااااا مديروش هاكا لاااااا....
على هاد الغوتة صونا تليفون وجدان
مسحات دمعة نزلات عينيها
و جوبات ب صوت غالبو حزين
وجدان:الوو..
سلمى:وجدان.. صاڤاا
وجدان:ممم
سلمى:انا انجي عندك واخاا
وجدان: لا بلاش.. انا انتعطل شوية متسنينيش
سلمى:غادا للمقبرة
وجدان:اه..
سلمى:اوك انا انلحق علك
وجدان(يلاع بغات تمنعها و قطعات عليها الخط) : راسها قااصح
وقفات وجدان من على الكرسي حيدات الطابلي ديالها لبسات الڤيست ديالها قادات شعرها هزاات ساكها و خرجت
ركبات فطوموبيلتها لي كانت عبارة على jeep renegade فالاسود كتعبر على شخصية مولاهااا..
و توجهت للمقبرة
ف atelier فمكان راقي نزلات بنت فعمر 26 زوييينة بشرة بيضااء ملامح برييئة لا من عينيها العسليين و لا غمازاتها المحفوورين و لا حنيكاتها المنفووخين و لا فمها الحميمر كلها على بعضها
نازلة من atelier ديالها كتشرب فقهويتها حلات الطموبيل ديالها مرسيديس فالنواغ
ركبات و ديمارات نحو المقبرة غافلة على العييوون لي مراقباها
وصلات وجدان للمقبرة توجهات نحو قبر وليديها
بعدما خدات قرعة دالما باش تسقي القبر
وجدان:ماماا..باباا.. انا جييت هههه توحشتووني.. (كتلعب بالتراب دالقبر ... بقات ساكتة و نطقات )... عرفتي شنو ا ماما هاديك المرا لي كنت عودت ليك عليها طلقات من راجلها و شكرتني بزااااف هه فرحت ليها....(سكتات شوية و نطقات بصوت غالب عليه البكا) توحشتكم بزاااف و ربي لي عالم بياا..... انا.. انا مغنقوولكمش علاش مشيتو حييت دكشي قداء الله و قدره ولكن توحشتكم.. توحشت نبقا نلعب مع بابا.. توحشت نخرج معااكم... هئ توحشت الجلسة معاكم بزاااف والله (هزات راسها للسما و خدات نفس عمييق) ههه.. صافي منبككيش راه وليت بنت كبييرة ههه خاصني ا رااااجل كيما كيقول بابا..
ناضت هزات قرعة الماا و صقات قبر وليديها..
مسحات دموعها و خرجت
وجدان:(شافت ف ساعتها) ديك الحمقة مبقات جاات
ركبات فالطموبيل ديالها و ديمارات
وجدان:اويلي مال هادي (كديماري و والو) لا لا.. مديريش هاكا ماشي هنا ا صاحبتييي... (ضربات فالڤولون) فاااك زهري زييين و كنقوليه غني لياا بفوو
سدات عليها الطموبيل و عيطات لسلمى
سلمى(كدوي معصبة) : وييي
وجدان : ا بشوية ودني تقبتيها
سلمى:سكتي متزيديييش عليا
وجدان: شنو مالك
سلمى:درت اكسيدوون
وجدان : واااات.. و نتي بيخير دبااا
سلمى: بيخيير و الطموبيل گاااع تحكت من القدام واحد الحماار دخل فيااا
الشخص: راه نتي لي خرجتي لياا
سلمى:سكت سكت بحالك ايدويي.. تف
وجدان : ههه بردي ا صحبتي مهم خرجت طريفة
سلمى:و نتي لاش معيطة
وجدان : ويلي حالتي حريرة الطموبيل نسيت مدرتش ليها ايصانص و وقفت قدام المقبرة
سلمى: واواوا زهرنا زوييين
وجدان : و قلنا ليه شطح
سلمى: اوا اش اديري
وجدان : معرت الدنيا خاوية هناا اندربها على رجليي (شافت فرجليها لابسة الطالوون) نمشي علاش لا
سلمى:و عيطي للديباناج
وجدان :بحالا ايجيو طيريين انعيط و نمشي تيجيبوها لياا مهم تلاحي تنوصل
سلمى:take care of you ok
وجدان : اوكيي see you
سلمى (كتشوف فداك الراجل شاد راسو وا جالس فوق الكرسي) :لي ضرباتو ايدو ميبكي بففف اودي يا ودييي
رجعات كتشوف فطموبيلتها
سلمى:ااايي... كي ولات اييخ على زهر
نزلات وجدان من الطموبيل و دازت للكوفر جبدات سبادري حيدات الطالون و لبسات سبادريتها
وجدان : ممم بعدا نفعتي فشي لعبة هههه
سدات الكوفر ديال الطموبيل و سدات طموبيلتها من بعد معيطات للديباناج و بقات غادا
بدا الجو كيتبدل و السحب كتجمع كدل على ان الشتا غادي طييح
وجدان : (هزات راسها للسما) وا لا تانيي بففف
بدات كتزرب ف مشيتها
ولكن الشتا بدات كطييح
وصلات وجدان للتيرمنيس ديال الطرام و جلست كاع فازكة و بردانة
جا جلس واحد الدري
وجدان ريحتو حمقاتها كتشوف فيه ا بنص عيين
وجدان(عطست): ايي... الحمد الله
الشخص: رحمك الله
وجدان:(شافت فييه كيبان شاب ف ريعان شبابو زويين لحيتو مقادا كلو على بعضوو لابس كوير فالنواغ و بروتكان فالاسود مهم دارت ليه سكانييير بعينيها) شكرا
بعد صمت عودات عطسات تانيي
وجدان:ااييي...حمدالله
الشخص:(حيد الجاكيط ديالو و لبسها لوجدان) خودي ايضربك اابرد
وجدان:(نيفها حمار) لا لا.. شكرا
الشخص:(بابتسامة حزينة بين على وجهوو التعب و الحزن ) : و ترديها ليا فوجهي
وجدان:(بحكم عملها قلعاتو بييه شي حاجة) ميرسي..
مشا الشاب فطريقو و طلعات وجدان الحافلة
و كتفكر فهاد الشاب لي متكدبش عجبها لا من ناحية صوتو و لا الكاريزما ديالو..
وصلو سلمى و تسنيم فنفس الوقت قدام باب الدار كانت عبارة على ميني ڤيلا من تصميم سلمى
تلاقاو شافو ف بعضياتهم و بداو ايضحكو حالتهم كتشفي العدوو
سلمى:(كضحك على وجدان) اااا هههههه كرشي ا مالك قولي ضاربك رمووك
وجدان:هههههه (شادا كرشها) وااع و نتي الايلاينر داااب وليتي تباني بحال الباندااا
سلمى:هههههههههه كون تشوفي رااسك العكر تخمج (ضربات على سبادري د وجدان) فادت ف شي لعبة
وجدان:(كتمسح عينيها لي دمعو بالضحك) مم فااادت ههه
دخلو للدار شعلو الضو كانت دار عصرية و شبابية بامتياز مصممة بشكل راائع لا من ناحية الفراش و لا كلشي
حيدات سلمى صباطها و تلاحت فوق الكانابي
وجدان:اااف نهار زوييين هادا
سلمى:وياه ( شافت ف الجاكيط لي لابسة وجدان) وجداان
وجدان:ممم (كدلك عنقها)
سلمى: ديك الجاكيط تاعمن
وجدان:(شافت فالجاكيط) ااااه ا واحد الولد الله ادكرو بالخيير والله... (عودات وجدان ل سلمى)
سلمى:ممم صافي انا انطلع نبدل حويجاتيي... اااه مفيا لي ايطيييب جيبي شي لعبة ناكلوها
وجدان: ايندومي
سلمى:(كدوي من الفوق) مشاااات
طلعو البنات ل بيتهم دوشو و لبسو بيجاماتهم
و نزلو طيبو و كلاو
من بعد مقادو الروينة لي دارو طلعت كل وحدة ل بيتها
سلمى كي وصلت تلاحت تنعس داز نهار طوييل عليها لا فالخدمة لا فتصياب الطموبيل
و وجدان بقات كتشوف ف ديك الجاكييط علقتها مع حويجها و نعست
صبح الصباح فاقو البنات كي ديما مع السبعة د الصبااح
فاقت سلمى على عادتها دارت روتينها اليومي و خرجات لبسات
كوستيم و شورت ديالو فالخزي مع ديباربور فالابيض و طالون فالبيج صيبات شعرها سامبل و دارت مكياجها و خرجت من البيت تلاقات مع سلمى لابسة كسوية لاسقة عليها فالچري و سبادري و هازة ساك فالاسود و ديرا كو د شوڤال و مكياج خفييف
وجدان:صبااحو
سلمى:صباح النوور .. عرفتي مشهيية نفطر حدا البحر والله
وجدان:هههه هيااا اللولة يلاه
هبطو البنات ركبات وجدان ف الطوموبيل لي وصلاتها لبارح فالليل
ديماراو مخدمين الاغاني و ناااشطيين
مشاو خداو فطورهم وصلات وجدان سلمى l'atelier ديالها
وجدان:صافي مني تبغي تجي عيطي ليا واخا
سلمى:اوكي باااي
كسيرات وجدان للكابين ديالها دخلات سلمات على عفراء و دخلت باش تبدا فخدمتها....
داز النهار كأي يوم
حتى كيوصل نهار الثلات لي ايبتبدل فييه مصير البطلات ديالنا
فاقو كي العادة لبسو عليهم و نزلو فطرو بالضحك و النشاط تسالمو و مشااو
سلمى:(كدوي فالتيليفون) وي موسيو عهد عرفت انجي انشاءالله ليوم مع الربعة
عهد:واخا.. انا كنتسناك
سلمى:اوك (قطعت عليه) اوووف مفياش لي ايحضر
ولاء: وراك شادا ليه البللان قتليك من النهار اللول متقبليهش راه فيه صداع الراااس
سلمى:بفف صافي متزيديش عليا زيدي نتغدااو
هبطات ولاء و سلمى باش اتغداو
وجدان يلاه بغات تخرج باش تغدا حتا كدخل عفراء
عفراء: مدموزييل عندك واحد الموعد مع واحد المرا
وجدان:عفراء وقت الغدا هادا
عفراء:(هزات كتافها)
وجدان:اففف قليها دخل (جلسات عاود فوق الكرسي)
دخلات مرا كبيرة شوية فالعمر
المرا:السلام و عليكم
وجدان: وعليكم السلام
المرا:سمحيليا ا بنتي جيت فوقت مهوااش
وجدان:ماشي مشكيل باش نقدر نعونك
المرا : انا ا بنتي الام ديال رحاب العمراني لي كانت خدات معاك رونديڤو الحشيشة د قلبي مبقات كدوي مكتكلم غير ساكتة من نهار عيطات ليك كنت حداهاا و فاش وصل وقت الرونديڤو ديالها معاك ا بنتي مبغاتش تجي
وجدان:واخا ا لالا نقدر نعرف سميتك
المرا:رحمة
وجدان : واخا مدام رحمة انا خصني نشوف بنتك واش برااا
رحمة:لا ا بنتي حلفت لا جات و هيا مدوات وتكلمت من نهار جات من عند راجلها ا بنتي
وجدان:ممم فهمت
رحمة:ا بنيتي انطلبك و متريديهاشلي فوجهيي لميلاه معايا تشوفيها
وجدان:واخا ا الحاجة تفضلي معايا
هزات وجدان ساكها شافت شوفة بزربة فالمرايا و خرجت
وجدان:عفراء انا خارجة
عفراء:واخا
وجدان:معندي والو من ورا هاد المرا يااك
عفراء:لا ا مدموزيل
وجدان: اوك مني تخرجي سدي الباب
عفراء:اوك
خرجات وجدان من الكابين و ركبت فطوموبيلتها نعتات ليها المرا فيين وصلات لواحد الدخلة طويييلة فيها غير الشجر و باينا كدي ل شي دار كبييرة
وجدان:ندخل من هناااا
رحمة:اييه ا بنتي من تمك و سير گوووود
وجدان:اووك
بقات غادا و كتشوف مع جنابها الشجر و الطبيعة قول مشي كازا هادي
وصلات لواحد الڤيلا كبيرة ماشي ڤيلا قصر كيييير
وجدان حالة عينيها علجهد و كتقول ف خاطرها بابابابا شهاد الخير كاامل هدشي گاع ف كازاا ههه
رحمة:زيدي ا بنتي زيدي
وجدان (تابعاها)
تحلو بيبان القصر و اراااك للتواسع ايديرو فيه موسم هههه كبيير
لمياء:على سلامتك لالة رحمة
رحمة: الله ايسلمك ا بنيتي هادي الدكتورة وجداان
لمياء:مرحبا لالة
وجدان :ميرسي .. (شافت ف رحمة) فين بيت بنتك
رحمة:اه لفوق ا بنتي لفوق زيدي معايا
طلعو فالدروج و وجدان كتزيد تصدم من كبورية القصر
طلعو للطابق تاني و باقيين دروج مزال كيدل انه باقين طوابق اخريين
توجهو لواحد البييت حلات رحمة الباب
لقاو رحاب حالسة معنقة رجليها عند صدرها و كتشوف ساهية
رحمة:هانتي ا دكتورة هادي حالتها ا بنتي
وجدان: واخا ا لحاجة خلينا بحدناا..
رحمة:و واخا ا بنتي ا هيا سربي دبا ايجي خوها و موحالشي واش ايعجبو الحاال
وجدان (تعصبت فهاد اللحضة) : ههه و لا ايتعصب
رحمة:مكيحملش ا بنتي شي حد غرييب ايدخل
وجدان:واخا ا لحاجة خرجي خليني ندير خدمتي
رحمة:(جاتها مقزدرة) هاني خارجة
توجهات وجدان عند رحاب
وجدان : رحاب.. صاڤاا...
رحاب(بدون جوااب)
وجدان : (شافت الضربات لي فوجه رحاب) شكون دارليك هكك فوجهك همم.. راجلك يااك
رحاب:(نزلت ليه دمعة و واخا هكك مدواتش)
وجدان: شوفي ا رحاب راه ايلا بقيتي ساكتة تاحاجة مغادي تحل ا ختي اه كلنا كنسكتو ولكن فالوقت لي خصصنا نسكتو و الوقت لي خصنا نتكلمو خصنا نتكلمو حييت كتبقا هادي حياتنا و حنا مسؤوليين عليها نتي باقة صغييرة شوفي حالتك كي ولات قولي مرأة فعمرها 50 سنة علاش على قبل رااجل هاا لا ا ختي لاكان على قبل راجل راك (دارت ليها حركة بايديها) زييرو فهمتيني و حتا ايلا كانت شي حاجة اخرى راه متستاهلش ذبلي شبابك عليها واخا
رحاب:(بدون جوواب)
وجدان:انا انعاود نرجع عندك و نتمنا تكون هدرتي حركات فيك شي حاجة ... بسلامة
خرجات وجدان من عند رحاب ضورات عويناتها لخضرين فانحاء الطابق
نزلات للتحت و لقات رحمة
رحمة:هاا امدرا ا بنتي
وجدان : بنتك تعرضات لشي صدمة ا لحاجة دكشي علاش ساكتة و راه خصني نرجع مرة اخرى باش نشخص حالتها
رحمة:لا لا ا بتي خوها ميبغيش
وجدان: واش مكتشوفيش حالة بنتك كي ديرا و لا شنوو فيناهوا هاد خوها ندوي معااه
رحمة:واخا ا بنتي.. نتي تعرفي .لمييااااء
لمياء(جاية كتجري و تمسح ايديها فالطابلية لي دايرة) : نعام ا لالة
رحمة:دي دي الدكتورة لعند عثمان ا بنتي الله ايرضي علك
لمياء:واخة ا لالة (شافت فوجدان) اجي معايا ا لالة
وجدان : ههه (ضحكت من عفويتها) وجدان سميتي بلا لالة
لمياء:واخا لالة وجدان
وجدان:(هزة راسها كضحك)
وصلو للجردة كبييرة
لمياء:راه ا لالة واقف لهييه
وجدان:واخا شكرا
لمياء:عفوا ا لالة
وجدان:هههه حميمقة لالة قتلك
وصلات لعند عثمان لوهلة بقات ساهية ف ضهرو العريض و القاميجة لي لابس
وجدان :احم موسيو العمراني
ضار عثمان عندها
وجدان بقات ساهية فييه وجهو السميمر و اللحية ديالو شعرو الاسود عينيه الرصاسييين لي غير شوفة منهم كتخلعك
عثمان(هاز حاجب و مهبط لاخر): شكون نتي
وجدان (وعات براسها سهات فييه) : احم.. معاك الطبيبة النفسية وجدان الاسماعيلي انا جيت و شفت حالة الاخت ديالك رحاب و عاى طلب الام ديالك ف جيت باش نقوولك بلي ختك راه خصها حصص اخرين باش نشخص الحالة ديالها
عثمان(جاتو قصيرة تحنا لعندها) ديري ل بغيتي..
عرفها حيت عودات ليه رحمة عليها
Flash back
رحمة: عثمان ولدي جيتي
عثمان:(باس ليها راسها) جيت ا لواليدة ديك الطموبيل لي تمك تاعمن
رحمة:ا وليدي سمعني كي شتي حالة ختك و انا راه ضرتني كبدتي على بنيتي و مشيت عند الطبيية النفسية لي وصاتني عليها خالتك
عثمان(مغوبش): هيا هدرتي زيدا ناقصة عندك ا لوليدة
رحمة: لا لا ا وليدي ندرتك هيا كلشي ا وليدي ختك صامطة من نهار نزلت من بلجيكا او كي شتي راه مدوي متكلم او خفت عليهااا و قلت نمشي نشوف هاد الطبيبة ا وليدي دير ل ميمتك خاطرها الله ايرضي عليك
عثمان:وواخاا..
Back
مشا و خلاها
وجدان: اا..اا.. كيفاش وا قول علاقل غيير شكرااا ععع
عثمان مسمعهاش و مشا دخل فواحد الدخلة لي خلا فضول وجدان ايباان
تبعاتو المسخوطة و كون ا متبعاتووش
كان اصطبل كبيير بدات كتعلا ب طالونها باش تشووف بانلها عثمان واقف و شي واحد محني على ركابيه و كيطلب فييه
الشخص:عافاك ا سسيدي متقتلنييش عفااك كنترجااك عندي وليداات
عثمان:هههه ديك الهدرة كولها ا سيي انعود نسولك لاخر مرة شكون هرب عصام
الشخص:منقدرش نقولك ا سيدي ايقتلوني
عثمان(طرطق عنقو) : اووك (جبد السلاح من خصرو و هوبااا تيرا فييه)
وجدان على اثر الطلقة غوتات
عثمان شاف ف مصدر الصوت و خرج
وجدان تبلوكات يلاه بغات تهرب و هيا تشوف عثمان خاارج
وجدان لاحت الطالون و هربت كتجريي
و عثمان تابعها
وجدان:(كتبكي و تغوت) ااا سيدي ربيي هئ هئ اش شفت (كضور كتلقاه مزال تابعها) اااا هئ هئ باقي ورايا
عثمان( شدها من ايدها) : اش كين ا دكتوره همم
وجدان: والله والله منقول شي حاجة بالله كنحلف لييك
عثمان : تو تو تو... شفتي حاجة مكانش خصك تشوفيها ا دكتورة
وجدان:(كتبكي بجهد) والله منقول شي حاجة كنحلف ليييك بالله
عثمان:ششش قطعي حسسك زيدي قدامي
جارها و هيا كتملس ليه من ايدو عصباتو و هزها و هيا كتبكي من فوق كتفوو
دخلها لواحد البيت فالاصطبل لاحها تمك و سد عليها
وجدان : اااا هئ هئ عفاك عفااك كنحلف لييك منقول والو
عثمان:ششش سكتي صوتك صدعني قطعي حسسك
وجدان:اش.. اش ادير ليا
عثمان(ضحك ضحيكة) : سيربرييييز
مشا و خلاها اتسطااا
وجدان:اااا هئ هئ اش داني ا عباد الله (كضرب فراسها) فضوولي دارها ليا هئ هئ (كتقلب فجنابها) ساكي ساكي نعيط ل سلمى ااااا مكينش طااح هئ هئ اوووف يا ربي تخرجها على خيير مبغيتش نموووت
وصلات سلمى لفين دايرا مع عهد
لبسات اللباس ديال البني و دارت الطاقية
عهد:مدموزيل سلمى
سلمى:موسيو عهد
عهد:سمحيلينا ولكن راه سي العراقي هوا لي طلبك
سلمى:مم مول شيي بغاني
عهد:هه اه تفضلي معايا
تبعات سلمى عهد و دخلات للبيرو
للقاتو واقف داير ايدو ف جيبو و كيشوف فالاعمال
سلمى:موسيو العراقي
...:مرحباا بالمهندسة ديالنا
سلمى:(فخاطرها) ااش هادا هادا انسان ولا ملاك شعرو رطيطب و قهوي غادي للشهب عويناتو چريين مديرش لحية بنيتو الجسدية خطيرة و خصوصا ضحيكتو التيتييييز...
يتبع