عند مريم
راحت مريم محل قديم ومهجور..المحل ده كان مكتبه بتاعه والدها المتوفي..فتحت مريم المحل وطبعا كان مليان تراب..دخلت مريم المكان وفضلت تتمشي فيه وبتفكر تفتح المحل ده ايه..وقعت عنيها علي برواز صغير فيه صوره بس مش واضحه بسبب التراب اللي عليها..شالت مريم الصوره وطلعت منديل من شنطتها..الصوره كانت لشابه صغيره في السن..الفتاه دي تبقي والده مريم...ابتسمت مريم بحنين واترحمت علي والدها ووالدتها..خرجت مريم من المكان وراحت لقهوه قريبه من المحل..القهوه اللي كان والدها بيحب يقعد فيها هو وصاحب عمره...بصت مريم للقهوه ولقتها قهوه قديمه بس لسا جميله♡♕
مريم:السلام عليكم
القهوجي:عليكم السلام يا استاذه...اي خدمه
مريم:لو سمحت انا كنت بسأل علي عم بلال النجار
.....:ايوه يابنتي
التفتت مريم لمصدر الصوت لقت راجل عجوز قاعد علي تربيزه لوحده في اول القهوه قريب من الشارع...راحت مريم عنده وهي مبتسمه
مريم:ازيك ياعمو بلال
بلال:الحمد لله..انتي مين يابنتي
مريم:انا مريم..بنت سلامه السيد
بلال:سلامه السيد مين؟
مريم اتصدمت..مكنتش متوقعه انه ينسي ابوها وصاحب عمره
مريم بصدمه واستغراب:ازاي ياعم بلال مش فاكر ابويا....ابويا ده صاحب عمرك...ده انت اللي وقفت جمبه لما جيه من الجيزه بلدنا للقاهره هنا..انت بجد مش فاكره ياعم بلال
*بان علي وجه بلال الحزن الشديد وهو بيحاول يفتكر الشخص اللي بتكلم عنه ومش قادر يفتكر
بلال:متأخذنيش يابنتي..السن بقي وعاميله..انا بحاول افتكر اللي بتقوليه او الجدع اللي بتكلمي عنه مش عارف
مريم بحزن عليه:ولا يهمك ياعمو بلال..متزعلش
بلال والدموع في عينه:انا زعلان عشان مش فاكر صاحب عمري اللي بتقولي عليه ده...طب هو فين يابنتي يمكن افتكره
مريم زعلانه عشانه:الله يرحمه
بلال:الله يرحمه يابنتي
.....: جدو
بلال: تعالي ياحبيبي
عمرو: سلام عليكم
مريم: عليكم السلام.... ده حفيدك ياعم بلال
بلال:ايوه يابنتي.. ده حفيدي الكبير عمرو..عنده 19سنه..في اولي هندسه
مريم:ماشاء الله... اكيد انت ابن الاستاذ مجدي
عمرو بدهشه: انتي مين؟!
بلال بحزن: دي مريم.. بنت صاحب عمري
عمرو عير الموضوع لانه شاف حزن جده: انا جبتلك ياجدو الجرنال ي حضرتك عايزه.. وجبت كمان الدومنه عشان نلعب سوي
بلال: ربنا يخليك يابني.. ويستر طريقك.. ربنا يفرحني بيك يارب
عمرو باس ايد جده.. وبلال فتح الجرنال.. عمرو شد مريم وبعد شويه عن بلال
عمرو: شكلك تعرفي جدي كويس وتعرفي العيله كلها كمان
مريم: انا مريم.. ابويا كان صاحب عمو بلال الله يرحمه.. انت اكيد متعرفناش بس ابوك وعمتك عافينا كويس
عمرو: طبعا جدي معرفكيش
مريم: للاسف اه معرفنيش ولا عرف صحبه
عمرو: اعذريه.. هو حالته تعبانه شويه.. ده الحمدلله انه عارفنا اصلا.. هو تقريبا مشافكوش بقالوا كتير عشان كده مش فاكركوا
مريم: فعلا بقالنا يجي اكتر من 20سنه مشفناش.. من ساعه ما ابويا الله يرحمه مات.. وووالدتنا خدتنا ورجعت بينا الجيزه... انا بجد زعلانه اوي عليه
عمرو: ادعيلوا ربنا يشفيه
مريم: يارب
عمرو: بس انتي ايه اللي فكرك بيه
مريم: انا كنت جايه افتح محل ابويا ده"وشاورت علي المحل" وقولت اجي اشوف عمو بلال عشان واحشني اوي..كان صاحب ابويا الروح بالروح..ليا معاه ذكريات جميله كتير
عمرو:مادام انتي هتفتحي المحل بتاعك..ابقي تعالي اقعدي واتكلمي معاه..هو اكيد هيفرح..ويمكن تحصل معجزه من ربنا ويفتكر اي حاجه
مريم:بإذن الله اجي اشوفوا كل شويه..وهبقي اجي اسلم علي والدك وعمتك
عمرو بإبتسامه:حضرتك تقدري تشرفينا في اي وقت
مريم بإبتسامه:تسلم يابشمهندش🌳🌳🌳🌳🌳
عند عز الدين
كان راكب عربيته ورايح المُدريه..وفجأه شاف ان البنزين خلص ومفيش بنزينه قريبه يفول منها..بس كان في موقف مكروباسات قريب من المكان اللي واقف فيه..ملقاش حل غير انه يركب من الموقف ده عشان ميتأخرش عن شغله..قفل عربيته وراح ركب ميكروباس...قعد في الكرسي اللي ورا السواق..وفي الكرسي اللي وراه كانت قاعده بنت مليانه جسديا..المهم الميكروباس حمل والسواق ركب..بس قبل ما يطلع التفت للبنت المليانه...
السواق:يااستاذه حضرتك هتدفعي تمن كرسين
الفتاه بإحراج:ليه يسطا..مانا قاعده علي كرسي واحد
السواق بضيق وعصبيه خفيفه:لا معلش..انا مرضيتش اركب الكرسي اللي جنبك عشان انتي لموأخذا تخينه..واللي هيركب جمبك مش هيبقي مرتاح...وكفايه اوي الست اللي كانت هتركب جمبك ولما شافتك رجعت في كلامها..فانتي هتدفعي تمن الكرسين
*كلامه ضايق بعض الناس اللي في الميكروباس ومنهم عز اللي كان هيدخل..بس سكت عشان يشوف رد فعل الناس..واقسم انه هيدفعه التمن لما يوصل..وبالنسبه للفتاه فكلام السواق جرح قلبها...وخلاها تحس بالخجل من جسمها وكانت هتعيط..فسكتت
السواق:ها يا استاذه هتدفعي ولا هتنزلي
الفتاه:خلاص هدفع
../لا مش هتدفعي
*ده كان صوت راجل كبير قاعد جمب السواق..من هيأته وطريق كلامه تقول انه صعيدي
السواق:ليه بقي ان شاء الله
الراجل:عشان هي قاعده علي كرسي واحد..هدفعها تمن الكرسي اللي جمبها ليه
السواق:عشان زي ماقولت..اللي هيقعد جمبها هيتحشر
الراجل بصوت عالي:اتحشم يا كلب..كيف تقول عليها اكده ياللي تتحشر في نار جهنم
السواق:اللللل وليه الغلط بقي
الراجل بصوت عالي:عشان انت عمال تكلم من الصبح..ومحدش من الرجاله اللي قعدين رد عليك..ايييه..مبقاش في نخوه يامصاروه ولا اييه..الرجاله بقت شايفه البنات بتتهان من الجرابيع اللي زيك وتعمل نفسها خارسه...وبعدين فيها ايه البنت..البنت ميعبهاش الا فساد اخلاقها...وهي اللهم صل ع النبي لبسها محتشم...ولا عشان لبسها محتشم ومغطي جسمها فبتتعامل معاها إكده
السواق بستفزاز:لا عشان تخينه وضيعت عليا زبونه
الراجل:البت اللي لبسها محزق ووشها مليان بوهيا وقرف..اللي كانت عينك هتاكلها من غير حيا وخشا منك او منها
السواق بنفاذ صبر:بقولك ايه انت هتقعد تديني في حكم ومواعظ..ده ميكروباسي واعمل فيه اللي انا عايزه..وانت مدام الرجوله وخداك اوي كده ادفعلها انت
الراجل:لا ده انت باين عليك ملقتش اللي يربيك
*ورفع ايده ونزل بيها علي وش السواق..وخلا كل اللي في الميكروباس يتخضوا وينبسطوا من رد فعل الراجل ده..ده كل والبنت عماله تعيط من غير صوت..السواق اتعصب ومسك الراجل من جلبيته وبالايد التانيه طلع المطوعه
السواق بغضب:وحياه امي..لتكون اخرتك علي ايدي انا
الناس بدأت تصوت وعز طلع سلاحه ونزل من الميكروباس بغضب... وراح ناحيه السواق وفتح باب الميكروباس ومسك السواق شده جامد نزله..وضربه بضهر المسدس في وشه وقعه ع الارض
'عز بغضب من السواق وكلامه ومن كلام الراجل الصعيدي
عز بغضب:انا بقي هعرفك ازاي تحترم غيرك يا 🤬🤬*وضربه بالرجل في بطنه
الناس اتجمعت حوليهم..وكان في واحد سواق بردو كان عارف عز
السواق2:المقدم عز الدين..هو في ايه ياباشا
عز بصوت عالي وهو بيخبط جامد ع العربيه:في اني هطربق الميكروباس ده علي دماغه وحسر قلب امه عليه وعليك انت كمان
السواق2 بخوف:حقك عليا ياباشا
السواق3وكان راجل كبير في السن شويه:في ايه ياباشا..ايه اللي حصل
*عز اتحكم في عصبيته شويه عشان راجل كبير
عز بغضب:في انه بيقل ادبه علي بنت محترمه..وبيرفع ايده علي راجل كبير ومحترم زيك ياحاج
سواق3 بإبتسامه:ربنا يحميك ويحفظك يابني..شوف انت عايز تعمل ايه وانا هنفذوا...لو عايزني امشيه من الموقف كله امشيه ياباشا..ولو انه بيجري علي ناس غلابه يابني
عز:خلاص مادام كده يبقي هسيبه ياكل عيش...لو عرفت انه كرر غلطته تاني..ورحمه الميتين كلهم لكون ماسح بيه الموقف ده كله
سواق3:حقك ياباشا حقك
*عز شد السواق اللي مرمي ع الارض من هدومه ووشه كله دم وزقه جامد ع الميكروباس
عز لسواق1:يلا عشان انت اللي هتوصلنا..ومس هتعالج وشك غير لما توصل الناس دي كلها..وابقي اسمع حسك طول الطريق
سواق1بخوف وتعب:حاضر ياباشا امك
عز رجع الميكروباس تاني بس ملقاش البنت اللي كانت راكبه وراه ولا الراجل الصعيدي..فبص حوليه لقاهم واقفين علي اول الموقف بيتكلموا والبنت لسا بتعيط..فراح لهم
الراجل الصعيدي:خلاص بقي متعيطيش..حقك حالك اهوه..والخروف اتمسح بيه الارض
الفتاه:دن مد ايده عليك بسببي
الراجل الصعيدي:انتي وي بنتي وكان لازم اوقفه عند حده مهما كانت النتيجه
الفتاه:انا اسفه اوي ياعمو
الراجل بإبتسامه:ولا يهمك ياحبيبه عمو..بس انا مش عايزك تزعلي نفسك خالص..انتي كده كده جميله.. سواء تخينه او رفيعه..انا عارف احساسك دلوقتي..عارفه ازاي
الفتاه بحزن:ازاي
الراجل بإبتسامه حنونه:لان حب عمري زيك بالظبط..هي في نفس وزنك بالظبط..بس ده عمري ماخلاني محبهاش او اضايق منها..بالعكس انا حبيتها لانها طيبه وهاديه ونعمه كده...طول عمري مرتاح معاها..دايما مخليا بالها مني..ده غير اخلاقها طبعا...عمري ماخليتها تحس بالخوف من اني ممكن اسيبها في يوم واتجوز واحده تانيه..دايما اخليها تحب نفسها وشكلها..بس دايما تقولي انها بتحبني اكتر من نفسها بكتير..ومستعده تعمل اي حاجه عشان ترضيني...عمرها ما زعلتني ابدا....هي جميله زيك بالظبط كده
الفتاه بإبتسامه:ربنا يخليكوا لبعض يارب..هي محظوظه بيك...حضرتك مفيش منك في الزمن ده
الراجل بمرح:شكلك بتحسديها...كل الناس بردو بتحسدها عليا
الفتاه ضحكت:ربنا يكفيكوا شر العين
الراجل بإبتسامه:انا عايزك يابنتي تحبي نفسك..انتي مش وحشه..هو ربنا بيخلق حاجه وحشه
الفتاه:لا
الراجل:ان الله جميل يحب الجمال..فبتالي بيخلق كل حاجه حلوه وجميله...اتأكدي يابنتي اللي هيحبك..هيحبك عشان جوهرك...ولو حتي متحبتيش معأن ده مستحيل...بس خليكي جدعه وقويه كده ومتحتاجيش لحد..متخليش اي كلمه تهز ثقتك في نفسك..ممكن ميكنش ليكي نصيب في الحب..بس ليكي نصيب في الشغل..في الاهل..في الاصحاب...يعني انتي تسيبي كل حاجه علي ربنا
الفتاه:ونعمه بالله ياعمو...الشكر جدا ع النصيحه
الراجل:العفو ياحبيبتي
*كل ده وعز واقف سامع كلامهم..حرفيا كلامهم اثر فيه جامد...البنت شافت عز واقف قريب منهم اتكسفت منه ونزلت وشها في الارض..قرب عز عليهم
عز بإبتسامه:ايه بقي مش هتركبوا ولا ايه..ده انا حتي مسحت بكرامه اهل الواد الارض عشانكوا
الراجل الصعيدي:تسلم ياولدي..كلك شهامه ورجوله...انا كنت مستغرب بردو ازاي واحد زيك شايف الموضوع من الاول وساكت
عز بأسف:انا بعتزر ليكوا علي اللي تعرضتولوا ده...واسف اني ادخلت متأخر..انا كنت هاخد موقف لقيت حضرتك ادخلت
الراجل:حصل خير يابني..اهوه خد جزائه
عز للفتاه:انا اسف جدا ليكي ع اللي حصل..وصدقيني حسابه معايا لسا مخلصش
الفتاه بخجل:شكرا جدا ليك ياحضره الظابط
عز بإبتسامه: العفو ده انتي اختي الصغيره.. بس مش هنركب بقي ولا ايه..انا سايب الواد بينزف ومش هيتعالج غير لما يوصلنا..وهو مستنينا
الفتاه:لا انا همشي وكفايه اللي حصل
الراجل:لا طبعا بتقولي ايه..انتي هتروحي تركبي وراسك مرفوعه...انتي جالك حقك ولسا كمان
عز بنرح:وبعدين انا مش هركب غير لما تركبي..ده غير اني متأخر ع الشغل..ولو حصل حاجه انتي هتشيلي ذنبي بقي
الفتاه:لا وعلي ايه هركب معاكوا
الرجل الصعيدي:اتفضلي يابرنسيس
عز والفتاه ضحكوا ضحكه خفيه وراحوا التلاته ركبوا الميكروباس
🌴🌴🌴🌴🌴🌴🌴🌴🌴
في المكتب صباح
كانت قاعده بتلوم نفسها علي تفكيرها طول الليل في عز...هي مش فاضيه للحب والكلام ده..هي عندها طار ولازم تخده...ده غير ان شغلانتها متسمحش بالحب والحاجات دي..هي في اي لحظه معرضه للاستشهاد
صباح لنفسها:انا لازم ارجع اركز في شغلي من تاني..كفايه اوي اللي حصل لحد كده..لازم ارجع صباح من تاني..انا ستحيل اخلي قلبي يتحكم فيا ويضيعني
ورجعت تفكر في اللي مواقف اللي حصلتلها النهارده
صباح:مين الواد اللي ظهر واختفي فجأه ده...ده مش واحد عادي..اكيد في ورا حاجه مريبه...واللي كانوا عايزين يقتلوني النهارده..ياتري تبع مين...ونرمين بنت عتمان اللي اختفت ومس لقياها...وعتمان اللي هربان ومش عارفه اجيبه...لا انا محتاجه اركز اكتر من كده...لازم كل حاجه تبقي تحت ايدي...يارب عيني علي انا فيه ده يارب..انت اللي عالم بحالي😢🤲🏿
طق طق طق...دخلت حسناء
حسناء بإبتسامه:صباح خير ياصبوحه
صباح بإبتسامه متعبه:صباح النور ياحسونه
حسناء:مالك يا صباح..فيكي ايه؟!
صباح:شويه مشكل بس..ده غير الشغل..حاسه ان كل حاجه متراكمه عليا
حسناء:كل حاجه وليها حل..وانتي مفيش حاجه تصعب عليكي...انتي بس محتاحه خروجه كده حلوه عشان تفصلي شويه..وبعد كده ترجعي لمشاكلك وتحليها كمان...وخروجه النهارده علي مازن...وده بيخرجنا خروجات ميه ميه..هتنبسطي اوي
صباح بتعب:ياريت ياحسناء..زه افصل شويه
طق طق طق
صباح:ادخل
دخل مازن بمرح:صباح الحلويات
صباح وحسناء بإبتسامه:صباح الفل
مازن قعد:جاهزين لخروجه النهارده
حسناء:جدا...عايزن بقي نظبط صباح..دي اول خروجه ليها معانا...عايزن نفصلها عن الدنيا
مازن:بصي ياصباح انا عايزك تسيبيلي نفسك خالص وانا هخليكي تنسي نفسك والدنيا كلها
صباح:لما نشوف
•••••••••••••••••••••••••••••••••••
في مكان ما
البوليس متجمع والناس متملين حولين البوليس والحدث..وبيرددو"لا حول ولا قوه الا بالله"
الظابط بيتكلم في للاسلكي:ايوه يافندم...لقينا جثه لفتاه مجهوله المصدر😱