قوت

البارت الاخير

فريده اتاكدت ان شيرين خرجت وقامت وقفت طلعت علبه دوا وفضتها في ايديها وعيطت..... انا عارفه ان دا غلط بس انا السبب في كل اللي حصل ليهم دا بسببي زين كان هيموت وكنت هفتقد بابا انا كنت هدمر كل حاجه وفضلت تعيط واخدت البرشام كله

شيرين دخلت اوضتها كان زين واقف في البلكونه وماسك وبيدخن بشرود 

شيرين: احمممم

زين انتبه ليه.... عايزه ايه

شيرين: مش عايزه حاجه بس عايزه اتكلم معاك

زين: انا مش رايج دلوج بعدين

شيرين: احناوفي البعدين دلوقتي ولفته ليها حقك تزعل وتبقي مش مصدق عشان انت قدمت ليه كل حاجه كويسه وهووقابل عطفك دا بسوء بس انت ربنا بيحبك. عشان نجدك منه قبل فوات الاوان

زين ضحك بحزن: فوات الاوان اكتر من اللي هو عمله

شيرين: اه يازين اكتررمن كدا اكتر انه كان هيولع الشونه وانت فيها وربنا ستراها مضاك علي تنازل عن كل حاجه يملكها بابا

زين:الحمدلله بس انتي عارفه ايه اكتر حاچه مجصره فيا ان كل حظرني منيه وانا كنت بجول لع دا مستيحل يكون اكده حتي انتي چيتي وجولتيلي علي حجيجته وانا كدبتك ومصدجتكيش

شيرين: احنا كلنا بنغلط وانت مش اخر واحد يثق في حد ويطلع غلط عادي يعني اكنك روحت تشتري جزمه عجباك وطلعت صغيره ورمتها ماتكبرش الموضوع

زين بصلها وضحك: چزمه

شيرين: اه مالك مستغرب ليه عادي يعني مش انت كويس وصحتك كويسه وعيلتك كويسه تولع اي حاجه تانيه

زين: انتي شايفه اكده

شيرين: اه طبعا ماتشغلش دماغك بحد واختك كمان محتاجك اوي هي حاليا مدمره ومحتجاك تقف معاها

زين: ماشي هي صاحيه

شيرين:انا سيبتها كانت نانت روحلها بقي وحط همك علي هما وعيطو سوا انت تقولها اه ياختي صاحبي طلع ندل وهي تقولك اي ياحبيبي خد قلبي وفلسع اه يانا

زين ضحك بصوت.....انتي مشعجوله انتي بتجولي ايه

شيرين:ايوه حط همك علي هما بقي كلب جربان دا يعمل دا كله شوفت مع ان حرام اشبه حتي بالكلب يالا بقي هنعمل ايه

زين بيضحك:انتي طلعتي مصيبه

شيرين:داانا ملاك وانت ظالمني

زين:كلمه ساره دي عارفها وفجاه سمعو صوت صريخ قوت خرح يجري هو وشيرين

انس:في ايه مين بيصرخ كدا

زين::مش عارف دي صوت امي

قوت:الحقوني الحقني ياانس فريده

انس وزين دخلو يجرو عليهم كانت فريده واقعه في الارض انس بيبص كان جنبها شريط برشام فاضي

يونس برعب:مالها ياانس في ايه

انس شالها....دي انتحرت يالا بسرعه نچري بيها علي مستشفي

زين   نزل بسرعه يشغل العربيه ويونس وانس نازلين وراها

بدر بخوف:في ايه مالها فريده

انس:اخدت برشام وسع

كلهم طلعو علي مستشفي وانس دخل بيها علي طول  عشان يعملها غسيل معدي وهما فضلو منتظرين وبعد مده خرج

يونس برعب:طمني ياولدي

انس:الحمدلله عدت علي خير

يونس:الحمدلله ولسه هيزخل ليها انس وقفه

انس:هي غلطت بس االي مرت بيه مش جليل يابوي براحه عليها

يونس مردش عليه ودخل وكلهم وراه كانت هي بتفوق

يونس بحده:حمدلله علي سلامتك

فريده بتعب:الله يسلمك

قوت:كدا يافريده حرام عليكي تعملي في نفسك كدا انا كنت هموت من الخوف عليكي ياحبيبتي

فريده وطت ومردتش

ساره:هي واضح بس انها عايزه تعرف احنا بنحبها اد ايه اه ياستي بنحبك وكلنا خوفنا عليكي قومي بقي

فريده ابتسمت بتوتر ومردتش

يونس:انا مش هجولك عملتي اكده ليه بس اكيد انتي عارفه انه حرام عايزه تجابلي ربك وانتي كافره انتي جنيتي تموتك نفسك عشان عشان دا انتي اتجنيتي

فريده بصوت مخنوق بالدموع :انا السبب في كل اللي حصل

يونس:السبب في ايه بجي

فريده:اللي حصلك واللي حصل لزين

يونس بانفعال:انتي حجيجي اتجنيتي انتي السبب كيف وانتي ضحيه ليه ذيك.ذي اخوكي موضوع دا يتجفل انتي سامعه ومايتفتحش تاني وحسابي معاكي بعد ماتخرجي من اهنه...وبص لانس..هي هتخرج مِتي

انس بصله:هتفضل ساعتين تحت الملاحظه وبعد اكده هروحها

يونس:ماشي يالاياقوت انتي  وشيرين

قوت:لاانا هفضل معاها هنا

يونس:انا جولت يالا جومي محدش هيفضل هنا معاها ساره يالا

قوت:انا بس

يونس:انا جولت يالا ومش هكرر كلام تاني وسابها وخرج

زين:يالا ياماه هي زين وانس جال انها ساعتين وچايه خلاص بجي يالا

قوت:طيب

زين قبل راس فريده:الف سلامه عليكي ياحبيبتي 

كلهم خرجو بس بدر فضل في المستشفى

ساره:ماتزعليش من بابا هو خايف عليكي مش اكتر

فريدة:انا بوظت كل حاجه انا عملت مشاكل كتيره

ساره قعدت جنبها وحضانتها...ياحبيبتي ماتحمليش نفسك اكتر من طاقتك انتي ذي بابا ماقال ضحيه هو الله يسامحه بقي ضحك علينا كلنا انسيه وشوفي مستقبلك وامتحانتك اللي قربت

فريده:صعب ياساره انتي مش عارفه انا حاسه بايه

ساره:حاسه بيكي بس ربنا دايما بيختار لينا الصالح ولو كان خير كان بقي والحمدلله ان الموضوع اتقفل بادري قبل ماكنتي اتعلقتي بيه

فريده ابتسمت بحزن:قبل ماتعلق بيه

ساره:الحب اللي مابني علي غش مش بيدوم ابدا وبكرا هتقابلي واحد يحبك فعلا من قلبه وهيكون عوض ليكي

فريده:كفايه لحد كدا انا مش عايزه

ساره:بس ياهبله و...ايه دا استني كدا وقامت وقفت شافت بدر واقف تحت ف خرجت ونزلت ليه وخبطت علي كتفه

ساره:انت بتعمل ايه هنا

بدر اتوتر:ها عادي كنت بس

ساره:ايوه ايوه اه سامعه كمل

بدر:انتي اي اللي چابك اهنه دلوج

ساره:اشوفك ياعسليه

بدر:اطلعي ياساره وغوري من وشي

ساره:ماشي بس هاتلي عصير انا وفريده وطلعهم فوق

بدر:حاضر حاچه تاني

ساره:يعني هات شويه مسليات بقي شيبسي وومولتو وبسكوت شوكليت كدا يعني

بدر:انتي راحه رحله وبعدين فريده تعبانه هتاكل دا كيف

ساره؛ومين قالك انه لفريده دا ليا انا اصل انا اتعودت اخد حقي مقدما

بدر:حجك في ايه

ساره:روح هات الحاجه وحصلني يالا تيكر يابيبي

بدر خبط كف علي كف...دي بنت يونس وقوت كيف بس

ساره طلعت وقعدت ولاكانها عملت حاجه

فريده:انتي كنتي فين

ساره:واحده صاحبتي بتشتغل هنا كنت بسلم عليها

فريده:هو دا وقته يعني

ساره:الله مانتي ذي الفل اهو وبعد دقايق كان الباب بيخبط

ساره بسعاده:ادخل

دخل بدر ومعاه شنطه كبيره ساره اخدتها منه...ونبي دا راجل قمر

بدر بصلها:شكرا

ساره:اقعد خود نفسك.ياحبيبي اقعد

بدر:لالا انا همشي

ساره:ابدا مايحصلش اقعد انت جبت الحاجه دي ليه بس وتعبت نفسك مالوش لزوم التعب دا وابتدت تفضي الحاجه

بدر بيبصلها ووبيضحك علي شكلها

ساره:اوووبس

فريده:في ايه

ساره:حمممام ماتعرفيش الحمام فين

فريده:لا

ساره :طيب انا هخرج ادور علي حمام خليك معاها يابدر عشان لو احتاجت حاجه وانا مش هتاخر وهي بتقفل الباب بصت لبدر وغمزتله وضحكت وخرجت وبدر  بصلها وابتسم.عليها

بدر بتوتر:انتي كيفك دلوج

فريده :الحمدلله

بدر:ينفع اللي عملتيه في نفسك دي ليه اكده نفسك مش غاليه عليكي

فريده:لا

بدر:بس هي غاليه عندي احممم جصدي يعني عمي يونس بيحبك ووالدتك واخواتك بيحبوكي ليه تفارجيهم وعشان واحد كيف دي تضحي بحب الناس دي كلها ليه

فريده:بس انا سبب في وجعهم

بدر:انتي ليه محمله نفسك ذنب مش ذنبك طيب نجولها بالعجل من وجت ماوعينا علي دنيا واحنا شايفين محمود دي معانا   في البيت مش اكده وشوفتي ياما زين اتخانج معاي انا وانس بسببه مش اكده

فريده هزت راسها باه

بدر:وهووجابل كل دي بايه بجي صان العشره صان اللي عمي يونس عامله معاه عشان تريحي نفسك هو كان عايز يوصل لحاچه محدده ف استغلك انتي وزين لكن انتي مش السبب وبلاش تجولي اكده

فريده بصتله ومش بترد

بدر:كله هيعدي

بدر:انا هجوم اشوف ساره باين ليها تاهت ولااي

فريده ابتسمت...ماشي

بدر خرج كانت ساره قاعده علي كرسي مربعه وبتاكل

بدر:انتي بتعملي ايه

ساره ببراءة:باكل

بدر:انتي عايزه تججنيني افرض اخوكي خرج دلوج يجول ايه

ساره:هقوله في عصافير كانريا جوا بيصوصو مع بعض

بدر ضحك:انتي بتچيبي الحديد دي منين

ساره:بشتريه من البقال المهم العصفور نطق ولالسه

بدر:نطج كيف اذاي

ساره:يختتتتاي تصدق انا هقول لبابا يجوزها عشان تفضل انت اخرس كدا

بدر:هو انتي لسانك دي مش هيسكت ابدا وبعدين

انس:بدر انت اهنيه

بدر اتلفت:ايوه في حاجه ولاايه

انس:لا مفيش زين انك.موچود روح فريده وساره عشان انا جت حاله ولازم اعملها عمليه ضروري لو المحلول خلص ياساره شيلي ليها كانولن وروحو عشان انا لازم ادخل العمليات دلوج

بدر:حاضر

انس مشي وساره خبطت وضحكت....ولعانه معاك اهو ياك طنطق بعد كل دا

بدر:انتي عارفه لو ماتكتميش انا هعلجك باره علي باب المستشفى جدامي

ساره:ماتتعصبش بس كدا لاحسن يجرالك حاجه ياعسليه

بدر:الصبر من عندك يارب وسابها ومشي ودخلو اوضه فريده شالت ليها الكانولن وساعدتها تقوم

ساره:انتي تعبانه

فريده:شويه

ساره:اخلي بدر يشيلك شيلها يابدر

بدر بغيظ:اتحشمي ياساره

ساره:يوه مش ذي اختك هي ولا مش اختك هي

بدر بصلها بغيظ وخرج

فريده:عيب كدا ياساره اي اللي بتقوليه دا والناس تقول علينا ايه انا همشي لوحدي

ساره:ماشي ياستي براحتك وساعدتها تخرج وبدر كان مستنيهم وفاتح ليهم العربيه ركبو ومشي

ساره وصلت موبايلها بالعربيه....هشغلكم اغنيه جامده

بدر:ربنا يستر منك

ساره:لاتقلق  وشغلت اغنيه (مش قادر ابعد عنك) لسامو زين

الاغنيه اشتغلت وبدر ضحك عليها وبص علي فريده في المرايا  ساره خبطته علي كتفه.....منووور نحن هنا

بدر:انزلي ياساره احنا وصلنا

ساره نزات ونزلت فريده وهمست في ودان بدر....عد جمايل

بدر:كتر خيرك

قوت سمعت صوت العربيه عرفت انهم جم....يونس جم

يونس:طيب

قوت:وبعدين بقي يايونس حرام عليك.ماتبقاش انت والزمن عليها مش كفايه اللي هي شافته

يونس:انا مجدر كل دا بس هي تخيلت شعوري اي وانا شايفها متخيله احساسي وانا حاسس انيي هفقدها بسبب كلب ذي دا روحي شوفي بنتك ياقوت وسبيني انا في حالي

الايام بتمر عليهم وفريده حزنها مش بيقل طول الوقت ساكته ومش بتتكلم مع حد وزين مبين للكل انه تخطي الموقف ومش فارق معاه لكن بينه وبين نفسه حزين اوي وصعبان عليه من صاحبه

اكرامي جيه ليونس وسلم عليه وقعد

اكرامي: القضييه اتقفلت واتحكم عليه 25سنه سجن

يونس: هواللي عمل في نفسه كدا ودي نتيجه افعاله

اكرامي: صح وبص لزين.... انا كنت هاجي ليك من فتره عشان اقولك انه طلب يقابلني وكان عيزني احممم اني افتش ورا حماتك وافضحك بس انا رفضت لان دا عرضك واللي ماقبلوش علي نفسي ماقبلوش علي غيري بس كنت متردد اجيلك عشان عارف انك كنت بتعتبره صاحبك واما بدر جالي وعرض عليا الادله انا عملت كل اللي اقدر عليه عشان مايلقيش مخرج

زين اتنهد بحزن.... كتر خيرك

اكرامي اخد نفس طويل وبص ليونس.... انا عارف انه مش وقته بس بصراحه انا كنت عايزك في موضوع كدا

يونس: موضوع ايه خير

اكرامي: انا طالب ايد بنتك الانسه ساره

يونس بصله بتعجب..... ساره !!

اكرامي:ايوه حضرتك مستغرب ليه كدا

يونس:مش اكده بس انت شوفتها فين

اكرامي:في المستشفى كنت رايح لدكتور انس شفتهاوعجبني ادبها واخلاقها وكفايه انها تبقي بنت حضرتك

بدر بهمس:يزين ماخترت واالله وانت ابن حلال وتستاهل كل خير

زين كتم ضحكته وبصله

اكرامي بيبص ليونس وسكوته دا قلقه

يونس:ماشي مالك جلجان اكده ليه هفكر وهرد عليك

اكرامي طلع كارنيه من جيبه....دا في تليفون والدي وعنوانه عشان لو حابب تسال عني

يونس:وانا هتحاج حاجه توصلني ليك انا لوعايز اعرف حاجه عنك هعرفها

اكرامي:انا عارف دا بس يعني اسهل عليك الامور ويوم ماحضرتك توافق هجيب والدي ووالدتي ونيجي نتقدم ليها

يونس:اللي في الخير يجدمه ربنا

اكرامي مشي ويونس باصص عليه

زين: هوانت هتوافج عليه

يونس: هسال عليه ونشوف بجي وجتها

زين: كيف بس يابوي  انت مش شايف شكله دا ساره جنبه عيله جنبه

بدر:مهو دا اللي يجدر علي لسان اختك هتخاف تنطج جصاده

ساره:انا سامعه اسمي لعله خير يعني

بدر:هو انتي اسمك بيتجال غير في الخير

ساره:اممممم انت بتتريق عليا ولاانا فاهمه غلط،

زين:لع فاهمه صح

ساره:انا عارفه هو دا بيقول فيا حاجه عدله ابداا

يونس:الواكل جهز ولالسه

ساره:اه انا كنت جايه اقولكم بس نسيت

يونس سال علي اكرامي وعيلته وعرف انه ابوه كمان ظابط شرطه وحاد جدا في تعامله مش بيتفاوت واللي صدمه اكتر ان قرار نقله صعيد كان عقاب ليه من ابوه وعرف انه شاطر في شغله ف دا خله يقتنع بيه

في سجن زين قاعد في المكتب ودخل العسكري وهو معاه محمود

محمود:كنت متوجع انك هتكون انت ايه اللي چابك جاي تشمت فيا

زين بصله بلوم:عمري ماشمت فيك

محمود:امال چاي ليه اكيد مش جاي تتطمن عليا

زين: ليه عملت اكده انا مجدمتش ليك غير كل خير

محمود بغل وكره :عشان طول عمري بحس انك احسن مني كل حاجه عندك مش عندي عشان انت اتولدت في سرايا يونس بيه وانا ابوي كان ولد السواج بتاعكم دايما تحسسني انك احسن مني وباخد منكم صدقه عشان اكده كنت عايز اخد منكم كل حاجة عشان اذلكم كيف ماعملتم معاي بس ابوك انقذكم بسبب الخاين اللي باعني ليه

زين باصص ليه بحزن ومحمود بصله بضحك....ايه كنت فاكرني هكون ندمان علي اللي عملته وهجولك سامحني يازين...وكمل كلامه بجبروت....لع يازين انا مش عايزك تسامحني عشان لوخرجت هعمل فيك اكتر من اكده بكاتير جوي

زين خرج من عنده وهو حزين علي صاحب عمره وكميه الكره اللي جواه دي رجع بيت وكان حزين اوي وشيرين قابلته واخدته وقعدو في جنينه....صممت باردو ورحتله

زين:انتي مين اللي جالك اني روحت ليه

شيرين:سمعتك وانت بتتكلم بتطلب الزياره حسيت انك متردد بس اتفجئت انك روحت

زين: كنت منتظر اشوف في عنيه نظره ندم. وانا كنت هطلعه وانا هتحدد مع ابوي بس هو

شيرين: هو كدا وهووعمره ماهيندم ودا مكانه الوحيد  انساه يازين وتخطاه عشان تكمل حياتك فريده ابتدت تنسي وتتعامل عادي انساه انت  كمان انا عارفه انه صعب بس انت قوي واكيد مش هتسيب الفرح وتركز في الحزن

زين:فرح ايه

شيرين:بابا يونس وافق علي اكرامي وقال لساره وحددو معاد انه يجي هو اهله

زين:بجد طيب كويس

شيرين:كان نفسي تشوف شكل ساره اول ماعرفت تنحت وبعد كدا ضحكت واول بابا مااتلفت قعدت ترقص

زين ضحك:مجنونه

شيرين:واضح انها بتحبه مفيش احسن ان الحبيب هو اللي يبقي نصيب

زين بصلها:انتي شايفه كدا

شيرين:انا هقوم اشوف ماما بتعمل ايه

زين بصلها....ياتري بتحبيني كيف مابحبك ياشيرين ولا ايه مشاعرك نحيتي

الايام بتمر واكرامي جاب اهله وخطبو ساره والفرحه اخيرا دخلت البيت بعد كل اللي مرو بيه وكانت البيت كله بهجه

شيرين كانت واقفه قصاد المرايه بتسرح شعرها وزين قاعد بيقرا ورق في ايده ف شغلت اغنيه (واقف علي تكه) علي موبايل وغنت معاها

  حيرتك مداريها في تكشيرتك وتفرح اما بجيب سيرتك عمال تضعف تدريجي وفضلك ثانيه وتيجي 

زين  قام. واقف وبصلها وابتسم وخرج وهي استغربت رده فعله دي

الايام بتمر ويبقي الحال كما هو عليه

قوت كانت قاعده ومعاه هدي بيتكلمو وعرفو ان في واحدا جايه

قوت:اهلا نورتي اتفضلي ياام صابر

ام صابر:بنورك ياغاليه كيفك

قوت:الحمدلله تشربي ايه

ام صابر ضحكت:شربات باذن الله

قوت بصت لهدي بتعجب....خير في ايه

ام صابر:خير طبعا انا جاايه عشان اطلب يد بتك فريده لوالدي صابر ولو افجته چوزي هيجي ليونس بيه وهنچيب كل حاجه و

هدي بسرعه:ياريت والله بس انتي چيتي متاخر فريده اتخطبت

قوت بصتلها بتعجب:ايه

ام صابر:اتخطبت امتي محدش سمع عن حاجه انا عرفت ان اللي اتخطبت ساره

هدي:جريب احنا جرينا فاتحه بس لكن الفرح هيكون جريب اوي

ام صابر:اه خساره يالا ربنا يسعدها وقامت مشيت

قوت:انتي ايه اللي قولتيه دا

هدي:مهو انا هخطبها منك

قوت:تخطبيها لمين

هدي:لبدر ابني

قوت بصتلها وهي مش مستوعبه اللي بتقوله.فضحكت

هدي:انتي بتضحكي ليه ماله ابني بجي

قوت:مش قصدي حاجه بدر دا ابني ذي مهو ابنك بس الطريقه نفسها غريبه وياستي انا مش هلاقي احسن من ابن اخويا بس راي ليونس باردو

هدي:انا هخلي ياسين يكلمه

في المكتب عند يونس بدر بيكلم معاه ويونس ملاحظ ان تعابير وشه متغيره

يونس:عايز تجول ايه

بدر:ها

يونس:عنيك فيها كلام وبتحاول تداريه اتكلم عايز تجول ايه

بدر اتوتر اكتر....هوانا باين عليا جوي اكده

يونس ضحك:اه

بدر:بصراحه انا عايز اتچوز فريده

يونس:وعشان اكده انت متوتر

بدر:انا مش.عارف اجبهالك اذاي

يونس:تجولها كيف مابوك جالهالي امبارح

بدر:ابوي

يونس:ايوه وانا مش هلاجي واحد يحب بنتي 21سنه من غير ماينطج كيفك ومش هامن عليها غير معاك انت لاني متوكدا انك هتحطها چوا عنيك

بدر ضحك وحضن يونس....انا بحبك جوي.وانا اوعدك اني هحطها چوا عنيا وهحاول اسعدها علي جد مجدر

يونس:وانا متوكد من دي ابوك جالي انك بتبني بيت وعجبال مايجهز انتم هتعيشو معانا اهنيه

بدر سعادته ماتتوصفش وخرج هو يونس

يونس:جرايه فاتحه بدر وفريده انهارده وكتب كتابهم الاسبوع الجاي

هدي بصت لقوت وزغرطت بسعاده من سعادتها ان ابنها اهد اللي بيحبها وفريده وطت في الارض واتكسفت وطلعت اوضتها

صباح يوم جديد

شيرين صحيت من نوم وبقت تتلفت حواليها هي فين وخرحت تجري كانت في مكان غريب

زين: انتي صحيتي

شيرين: انا فين

زين: صباح الخير الاول

شيرين: صباح النور بس هوواي اللي حصل انا كنت نايمه في البيت  احنا فين

زين اخدها وخرج... اي رايك في المكان دا

شيرين: حلو اويي بس احنا فين

زين: قوت

شيرين ابتسمت بصدمه: بجد هو دا قوت

زين: ايوه المكان السري ليونس وقوت ودا المكان اللي كل مده يكبر فيه حبهم ف انا حبيت ان دا يكون نفس المكان اللي يتولد في حبنا انا وانتي ونكمل حياتنا سوا عارف ان ظرف جوازنا كان غريب واللي احنا مرينا بيه كان مش سهل بس كله فات

زين بصلها بتعجب... انتي ساكته ليه ماتتكلمي

شيرين بصدمه... هوانا مش بحلم صح

زين: لا

شيرين: يعني انت بجد

زين:بحبك

شيرين ضحكت بسعاده...انا مش مصدقه ان اخير نطقت وانا كمان بحبك اوي اوي اوي

يونس كان بيكلم في الموبايل وقفله وهو مبتسم

قوت: في حاجه ولاايه

يونس:زين اخد شيرين وراحو قوت

قوت:اي دا بجد

يونس:ايوه الغفير لسه جايلي دلوج ولجيت البيه باعتلي رساله كتر خيره

قوت ضحكت:ربنا يسعدهم يارب

يونس:مايسعدهم في اي مكان ملجاش غير دي بس عرف مكانه كيف دي

قوت:ابن الوز عوام

يونس ضحك:الحمدلله اني اطمنت عليهم ناجص انس نفسي افرح بيه هو كمان

قوت:ربنا يخليك لينا ويطولنا في عمرك وتشوف ولادهم وتفرح بيهم

يونس:ياااه دا كتير جوي

قوت: ايوه

يونس:المهم عندي انك انتي تفضلي جنبي يااچمل حاچه في حياتي 

꧁꧁꧁꧂꧂꧂

وتوته توته خلصت الحدوته

اتمني تكون عجبتكم وحبتوها وشكرا علي كومنت اتكتب منكم بجد كان بيفرحني اوي ويشجعني اني اكمل بحبكم.كلكم ويارب دايما تفضلو معايا

وماتنسوش بقي فوووت وكومنتات كتير دا اخر بارت والمفروض تسيبو حاحه حلوه😍😍😍