🍇🍇 MIJIN AMMINA NE SILA🍓🍓
(A heart touching story)
written by Noor Eemaan✍😊
Page 37-38
Mummy bata damu da yanda taga Abrar na gudun ta ba, ta kamo hannun Aaban tace "son na yarje mana auren ta, amma akan dalili daya tak, matukar ta dawo hayyacinta yanayin nutsuwarta be mun ba toh dolenka ka kara aura, kasani cewa babu wata uwa a duniya komai lalacewarta dazata so dan cikinta ya auri macen da bata tare da mutuncinta, amma na yarda da kaddara ina muku fatan Alkhairi" tana fadin haka ta sa hannu ta share kwallar daya zubo mata...
Murmushin da har jerarrun fararen hakoransa suka bayyana yayi kana ya bawa mummy wani Sumba mai tsayi a goshinta kana cikin muryansa dake bayyana halin zallan farincikin dayake yace
"thank you so much mum na yarda da sharadin ki"
tsalle hadi da ihun murna Hannan ta daka ta rungumi mummy cikin farinciki, mummy ma rungumeta tayi batare da tace komai "mummy ina me tabattar miki sai kin yabi halin Abrar da bakin ki is just a matter of time, but mummy please ki bani dama na fada muku dalilin daya sa Abrar shiga wanna halin"...
"Zanso jin hakan ko hankalina ze kwanta da wanna auran, amma ba ke nakeson ki gayamin ba, ita Abrar din nakeson jin komai daga bakinta"...
"but Mummy... bazata iya yin wani bayani ba, domin bata a cikin hankalinta yanzu" Hanan tace cikin damuwa.
"Nasani, zan jira ta samu lafiya, kuma matukar naji dalilinta be gamsheni ba, ko kuma da amincewarta hakan ya faru toh dole dana ya rabu da ita, domin yanmmata na irin haka da amincewarsu za'a keta musu mutuncinsu daga baya su fake da cewa fyade aka musu ko kuma kaddara ce ta fada musu".... Mummy na gama fadin haka ta bar wajen cikin yanayin da suka kasa ganewa, Amal dake cike da jin haushin amincewar da mummy tayi da aura ta bar wajen...
Daddy murmushi yasaki, murmushin so hadi da alfahari da matarsa domin yasan fadan da yayi mata ya yi matuk'ar shigar ta...
Yayinda su Aaban suka bi Mummy da kallon suna kuma saka ran zata sauko gaba daya musamman idan ta fahimci wacece asalin Abrar...
Daf da kunne daddy Aaban yace "dad please ka aura min ita da wuri, domin in kula da ita, gashi inason fitar da ita India a sati nan" yana gama fadin haka ya ja hannun Abrar suka bar wajen fuskar nan ba alamun wasa kai baka ce shi yayi wanna maganar ba"...
Dariya daddy yayi kana girgiza kai, tabbas soyaayya ko yace mace kan sanja namiji, be taba tunanin cewa Aaban ze iya wanna rudewar kan mace ba, amma adalilin ta har magana me dan tsayi take yi sabanin da, ze fara sanar da yan'uwansa duk da abun yazo a kurarren lokaci, amma zesa abuga kati tunda yau talata sai su sa ranar daurin auran ya kasance ranar asabar da Wanda tunanin ya mike domin yana da appointment da wani abokin kasuwancin sa nan abujan....
Sai lokaci Hanan tace "daddy me ya Aaban ke rada maka akunne dazu"
"Je ki tambayeshi mana, ya baki amsa" Daddy yace yana mata hararan wasa...
Zaro ido tayi tace "ni Daddy! ya Aaban ya balla ni"
Dariya daddy yayi sai yace "wato ni kika raina ko?"
"A'a Daddy kayi haku'ri " ta fada itama cikin dariya...
Daddy na fita ta haura saman Aaban domin so take ta taya shi murna sosai...
Zaunen yake a gabanta ya k'ura mata idanunsa kamar ko yaushe, yayinda fuskar'sa ke fitar da wani murmushi da shin kanshi be San yana murmushin ba, imaging kawai yake gata ta samu lafiya suna shimfuda soyayyarsu, a yau jinsa yake a farinciki mara mitsaltuwa, burinsa ya cika mummy ta amince yanzu fatansa daya Allah ya bata lafiya ya nuna mata zazzafan kaunar dayake mata...
Abrar kuwa sai wasa take da wayarsa ta juya ta nan ta juya ta can bata ma San yanayi ba...
Kallonsu Hanan ke yi kallon so hadi da murna, taji dadi da Abrar ta samu me sonta tsakani da Allah ba dan wani Abu daya gani a jikinta ba, ya kuma kasance yayan'ta ne ke mata wanna tsananin son, domin tasan halinsa kaf, tabbas Abrar na bukatar farinciki domin irin wandan'da suka fama da irin wanna kaddarar na bukatan abokin rayuwarsu ya kasance mai son su fisabilillah ba dan wani abu nasu ba, saboda kaucewa wulakanci, amma idan ba haka kullum suna cikin damuwa kadai'ci Wanda ze cigaba da hargitsa kwakwalwarsu, za kuma su dinga ji ajikinsu tamkar sun bambanta da sauran al'ummah duniya... Ajiyar zuciya me tafe da k'walla Hanan ta saki kana ta karasa wajansu.
"Ya Aaban"... ta kira sunanshi
"Yes little" ya fada yana dan waiwayo wa domin Sam be ji shigowarta ba.
"yaa Aaban am so happy for you, can't wait in ga ka auri bestiena"...
Murmushi ya sakar mata hadi da cewa
"soon little, soon in sha Allah"
"Murmushi farinciki itama ta sakar masa, hannun Abrar ya kamo yace " little kin tuna wanna zoben?"
Dan waro ido tayi tace "yes! ya Aaban wanda ka siyomin ne, be mun daidai ba, amma how comes ya zo hannu bestie?"...
"Good" yace kana ya sauke ajiyar zuciya ya cigaba "da ring dinnan hadi rigar jikinta kinsani ke na siyo wa, amma ina yawan manta rigar a asibiti, nina sanya mata, wanda bansan dalilina na yin hakan ba, ashe matsananci sonta ne ya kama ni..."
Dariyar murna hanan keyi, ba shakka Abrar ko tace soyaayar Abrar na neman sanja ya Aaban, yau ya Aaban ke bata labari, ta fahimci duk rashin son maganarsa amma idan Abu ya shafi Abrar ya kan daure yayi magana.
"Amma ya Aaban nayi mamaki sosai ace duk shekarun nan muna tare da Abrar amma ban taba lura da ring din hannunta ba? Ikon Allah" tace tana jinjina kai sai kuma ta motsa wajen Abrar sosai kana cikin wasan tsakona ta kamo hannunta hadi da cewa "gaskiya bestie ciro min kayana da ring dinnan ai kin mora ya isa haka"...
Abrar ihu tasa ta shiga dukan hannun Hanan hadi da turo dan tsut din bakinta kai kace Hanan din yankar ta tayi, idanunsa alumshe yace " I swear Hanan kika bari hawayen decent one ya zuba ko kadan ne sai kinyi kukan kema"...
Dariya hadi da rufe baki Hanan tayi tana barin dakin, dama tsokanarsa tayi so take taji abunda ze ce.
"Haba Mummy dan Allah ya zaki yi haka? ya zaki amince da auran wanna mad girl din, bayan bakya sonta da ya Aaban, ni wallahi banason zamanta a gidanan mummy so kike muji kunya dan Allah?"... Amal ta fada cikin zuga mummy.
'Hmmm Amal ya zanyi? Duk sun kasa fahimtata, ga Aaban na shiga damuwa duk adalilinta da dalilin kin amincewata ina lura da shi sarai, you no inason farincikin dana banason damuwarsa, ga daddy'nku is angry at me, idan ba haka nayi ba, kina tunanin hankalina ze kwanta ne Amal?"....
Turo baki Amal tayi cikin jin haushi, tana kuma fatan Allah yasa Abrar ta kasa cika sharadin mummy'n ayi waje da ita...
Bangaren alhaji shettima kuwa, yana zaune yana jiran aiken daya yiwa PA dinsa, yana zaune a office din sa yana aiki kai kace mutumin kwarai ne, kwankwasa kofar aka yi, ya bada izinin shigowa ganin tahir ne PA jikinsa yasa shi cewa
" yawwa tahir ka gani ko?"
"Yes yallabai ai baya boyayyen wuri kan gado na ganshi" tahir ya fada yana Mika masa cikin girmamawa...
Har tahir ya juya ze fita sai ya juyo cikin sauri domin so yake ya sanar da alhajin Shettima'n kila yayi masa kyautar ban girma.
"Yallabai ashe ka kulle madam a daki ka manta, dana je wallahi naji bugun kofa na bude mata" ya karasa cikin washe 32 teeth's (hakoran) dinsa...
Alhaji Shettima jiyayi tamkar an buga masa guduma, kana ya tsaya cak! Daga bude file din, take idanunsa suka yi jajawur, mikewa yayi ya zagayo daidai saitin inda Tahir ke tsaye cikin wata murya dake nuni da matsanancin fushi yace "Tahir ka bude mata kace?" Ya fada yana cakuman kwallar rigar Tahir din, cikin zaro ido tahir ya ce "eh na bude mata tace kai ka rufe.... Ai Tahir be kai aya ba alhaji ya bashi wani kyakyawan naushi kana ya shiga sauke duk wani fushinsa akan tahir din, sai dan kanshi ya sake sa hadi da cewa " wallahi yau zaka bar kamfanina, tunda aikin da ba'a saka ba kake yi, ka fita na sallame ka, zan turo maka kudinka na aikin rabin watan dakayi" yana fadin haka ya dau wayarsa yana kokarin kira....
"Yallabai ka taimaka min dan Allah ka rufamin asiri, ina da iyali da ya'ya ya zanyi ga rayuwa tayi tsada, ga samun aiki da wahala, bazan kara ba ka taimakeni dan Allah!!!" Tahir yace cikin kuka me ban tausayi tamkar dan karamin yaro
Dago jajayen idanunsa yayi yana ya sauke su akan Tahir ko kad'an ya ki jin tausayin sa, duk da shi din abin tausayi ne, cikin wata murya dake nuni da yana daf da aikata komai yace "ka fita a office dina idan ba haka zan kasheka, zanyi iya kasheka TAhir, kasan asarar daka ja min kuwa? Toh kasani bazan taba iya dawo da kai ba, kai ko matsayin masu goge-goge bazaka samu a company'n SHETTIMA ba!" Ya fad'a muryansa har wani amsa amo take yayinda bakinsa ke kumfan bala'i ...
Sum sum Tahir ya juya ya fita ganin alhaji ya burkice tamkar wani sabon kamu, shi yanzu yazasu rayu da iyalansa shine damuwarsa da wanna tunanin ya bar company din....
"Hello kwaro kana jina inaso ku zagaya abuja da kewanta ku nemo.... Ai kafin ya karasa manu ya warce wayar yana cewa " alhaji da matsala fa, mun ga yarinyar nan, amma kwaro yaki amincewa ita ce da shegan mutsu bala'in sa, daga baya dai muka fito domin ganin ko ita ce mu kwamusheta, sai muka ga wayam motarsu babu alamarsu...
Cikin fushi hadi da fitar hayyaci alhaji Shettima ya buga wayarsa da bango, rigar jikinsa ya cire ya shiga fiffita da ita, duk da Ac daya cika office din amma jiyayi iska hadi da sanyi dayake shaka tayi masa kadan! Ya sani ammi ta gudu, sai kuma ya saurin cewa "a'a nasan bazata gudu ba, Rahilat na sona sosai" yar karamar wayarsa ya dauka ya kira security akan kada su bar ammi ta fita, take security ya sanar da shi "ai ta fice tun dazu alhaji"... Ihu yasa ya shiga wulli da takardun dake kan table, komai yazo ya kwabe masa alokaci daya shi yanzu ta ina ze fara neman uwar da yar.....
SHARE✔
COMMENTS✔
VOTE✔
EDIT❌
Tnx all da soyaayyar da kuke nunawa books dina, noorEemaan loves you all.💞