البارت 9
فاقو كلهوم الفجر ولكن البنات ومحمد كانو فايقين من قبل صلاو القيام وخا فالغابة صلاو الفجر جماعة وبقاو مجمعين حتا قربات تشرق الشمس او طلعوا لواحد لبلاصة عالية شافو الشروق من بعد جمعو باݣاجهوم ورجعوا لديورهوم ونعسو
دازت الايام عادية ليان دفعات تقرا تصميم الازياء او اية كتوجد مشروع التخرج ديالها ادم خدام فالشركة مع باباه او خدام حتا علا شركتو الخاصة محمد مقابل شركتو ونوح قرب اسالي قرايتو فالثانوية(الباك زعمة)
بقات الايام روتينية حتا تسالا العام اية تخرجات او نوح جاب معدل واعر قدر بيه ادخل لكلية ادارة الاعمال وبمناسبة النجاح ديالهوم قرروا امشيوا رحلة المغرب طبعا غير الشباب جا نهار الرحلة ركبوا فالطيارة او اخيرا وصلوا لبلادهوم العزيزة ليان توحشات المغرب او رقية وبوجمعة مو الحانوت حتا هو، محمد او اية توحشوا غيثة صديقة او حبيبة الطفولة والمراهقة
ليان: اااه توحشت المغرييييب
ادم: بسيف راه 10 سنين مجيتي او اصلا ياك نتي ديما كتقولي محملاش تجي
ليان: ا لا كولشي تبدل دابا
محمد: بما انه معندكوم فين تجلسوا فغنسكنو فدار ماما وبابا الله ارحمهم فالبلاد
ليان عاقت: لا بلاش غنشدوا غير شي اوتيل هنا
اية: عفاك يلاه معيا او بغيت نعرفك حتا علا الصديقة ديالي المقربة او خطيبة خويا
ليان تصدمات وطلعات معاها سخونية: خخخطيبة خخوك
اية: ههه مالكي اه خطيبتو صراحة ماشي خطيبتو نيت ولكن البنت لي كيبغيها
ليان: هه ااه وخا اوا مبروك مقدما
محمد: الله ابارك فيه
ليان عينيها غرغروا ولكن حبسات لبكية
نوح: فين جات داركوم
محمد: نواحي الرباط
نوح: اممم صافي
ادم: اوكي يلاه
مشاو كولهوم او ليان غير ساهية
ادم: مالكي ساكتة مموالفاش ليك
ليان: ا والو غا عييت
ادخ: اممم صافي هدشي لي كاين
ليان: اش غيكون غيروا
ادم : واالو
وصلو لدار والدين اية محمد واللي كانت عبارة علا واحد الرياض كبيير فالوسط نافورة وجوج شجرات او الجناب فيهوم البيوتة
اية: اااه شحال توحشت هنا دوزت فيه اجمل اوقاتي
ليان او غيثة فالداخل ديالها: انا نيييت شحال مدخلت لهنا مني مشاو منو حبسوني نجي مرة خرا يااه كون تعرفي شحال عارو فيا او نزلو من كرامتي للارض
Flash back
غيثة: اهئ اهئ خالتي عفاك غير نشوف اية
عمة اية دفعاتها: سيري المنحوسة مني شنا كمارتك عمر النهار ماداز بيخير عمرك ترجعي سيريييي او كضرب فيها بواحد العصا: سيري فحاالك سيري
مشات غيثة او جسمها كلو زرق بالعصا
يوم اخر
عمي اية ومحمد فيناهما بغيت نهضر معاهم
صرفقها حتا رعفات: عمرك ضوري فهاد رياض مرة خرا نهار الكحل نشوفك فيه غنقطعك طراف طراف او لوحك الكلاب اتغداو بيك
هادشي كامل داز علا بنت فعمرها ما بين 12 او 14 عام او وخا هكاك ما خلاتش الضروف تخليها تنحارف بقات متمسكة بحياتها او دينها بسنانها او رجليها ماشي بحال دبا تلقاي الشباب عندهوم شوية المشاكيل مقارنة بللي رجليه مقطوعين واللي مكيهضرش واللي مشرد.. ويجي اقوليك الظروف لي حكمات لا نتا لي كتحكم الرسول صلى الله عليه وسلم كلشي تخلا عليه حتا من عائلتو ولكن وخا هكاك صبر والصحابة لي كيضحيو بولادهم وفلوسهوم وبلادهوم باش اوصلو لينا الاسلام ويجي واحد فاللخر اسب الدين
Back
ادم : ليان مالكي علاش كتبكي
هزات ليان ايدها او لقات دموعها هابطين: ا معرفت امكن غير مع تبدل عليا الجو عينيا دمعو بوحدهوم
محمد غير هاضيها : زعما ولكن مستحيل لا لا هادشي غير فعالم الخيال مستحيل غيتة تولي ليان
الموهيم هداك النهار تفرقو شي كيسيق شي كينفض الغبار شي كيجمع حتا سالاو الدراري خداو الطبقة الفوقاينية او البنات لتحت او تافقو اقسمو النهار علا لابسين البنات فالعشية او دراري فالصباح (مع الرياض كان خوا كلشي خلا داك الدوار)
البنات خرجو فالصباح كيدورو فهديك البلاصة زعما باش اية توري لليان البلاصة فين عاشت 12 عام فعمرها ولكن معارفاش بلي راه ليان عارفة البلاصة كتر منها
ليان: اية نديك لواحد البلاصة
اية: فين او نتي ما عارفة حتا بلاصة هنا
ليان: ا لا كنت شحال هادا شفتها فواحد الموقع او كانت زوينة
اية: صافي
هزو الطنوبيل او علمو خوتهومو لي قالو ليهوم راه غيلحقو عليهوم بعد شوية توجهات لمدينة بالضبط فين كانت ساكنة حنتاش هاديك البلاصة كانت فيها واحد السويقة
اية: واو هاد الحي زوين
كان مزين بالضواو او الورد والرسومات هادشي كامل كانو تجمعو ولاد الدرب لي من بينهوم غيثة او صاوبوه
(هادا حي الانعاش فطنجة كنت كنقلب او لقيتو تبارك الله علا ولاد الدرب🥰)
ليان: قلت ليك غيعجبك
بقاو كيتساراو تما او ليان كتشوف فناس حومتها لي كانو حنان عليها كتر من جداها بقاو غادين حتا شافو واحد المنظر كوانساهوم فبلاصتهو
ليان عينيها غرغرو بالدموع: مستحييييل
اية شدات ليان قبل ما طيح جاو الشباب لي كانت سيفطاط ليهوم ليان لينك البلاصة او محمد تصدم من المنظر قدامو
ستوووب فنظركون اشنو شاف محمد ليان او اية او خلاهوم اتصدمو بحال هكاك نتلاقاو فالبارت الجاي🥰