بقلم : ايات السند
السلام عليكم
لا تنسون التصويت والتعليقات استمتعو ♥️
كأنني امتلك شخصين بداخلي، أحدهما يريد أن يرى العالم، والآخر لا يريد أن يغادر غرفته
_________________
جمان
أحمد كال لابوية : اليوم واكفين انا وأسر بالشارع شفته ورحت احجي وياه اشو ما اشوف الا عبدالله اجا بس شفته مشكوكة وخده بي جروح كتله شبيك كال ما بية شي هاي هيج بس ردت اكلك انا بس بعد ما لية خلك التزم وخط وسيارتي عطلانة وانا عندي دوام ف دور لجمان غير خط مع السلامة
وراح استغربت منه واسر كال انا اخذها واجيبها وياية احسن من الخطوط وانا كتله لا خاف تعطلك ومدري شنو كال لا حتى اختي انا اوديها للمدرسة واوصل جمان وياية كلت تمام ع راحتك
ابو احمد : لا اجر الها خط جوز الولد ما يكدر يلتزم بيها وعيب من العالم شتكول وهما بعدهم ما متزوجين
أحمد : يابة ما كدرت ارفضه وبعدين احسن من الغريب شعلينا بالعالم هيا صارت مرته بالشرع وثاني شي اخته وياهم
ام جمان : هاهية احسن
بابا محاجة شي بس ضلت ببالي شلون عبدالله هيج حجة شنو سواله اسر
ضليت كاعدة ويا اخواتي سهرانين ونحجي ونضحك حيل تونست وياهم
وبعدها نعسنا كمت طلعت ملابس قبل ما ينامون وعلكتها واجيت انام كلت خل اشوف الموبايل خاف صديقاتي دازيلي شي من العصر ما شلته شفت بس كروب الشلة جاي يحجون وطيبة دازتلي وينج،
شو ماكو،
ضل بالي عليج
جمان :رديت عليها مبية شي حبي بس وصلت تعبانة اليوم ولتهيت ويا البنات
طيبة : اي عمي هول كلمن ينخطب يصير ثكيل هيج
جمان : متتتتتت خاب متنجبين
طلعت اشوف الكروب هم شفت اسر دازلي رسالة : شلون صرتي
لا تضلين تفكرين بهذا الحثالة علمته شلون يكرب يمج بعد
ترا شفت اليوم ما لابسة الحلقة لبسيها باجر اذا شفها ماكو اكسر اصابعج الحلوات
يلا نامي وانتضريني الصبح
ابتسمت من شفت رسايله ما رديت شي اصلا يمكن رايح قبل ساعة الرسايل نمت وما رديت بشي
الصبح انا بسابع حلم واجتني ماما الي تشتغل بمكافحة النوم :ولج يول يجمانة راح يجي أسر وانتي بعدج نايمة
جمان : بس ٥ دقايق شبيج
ام جمان : بس فهميني هوا شنو راح يستفاد منج غير النوم والاكل
جمان : يعني ماما بشرفج جايتني من الصبح تكوليلي شنو يستفاد مني
ام جمان : طبج مرض ضلي نايمة ويروح عليج الدوام
لا ارادي غفيت نعسانة الموبايل دك لا اله الا الله دحكت اسر فتحت ورجعت نمت وما حجيت كال : بس لا بعدج نايمة
جمان بنعس : اممم (اي)
اسر :طاح حظج كومي هسه راح اجي عليج وايات وياية راح تتاخر ع دوامها
جمان وهيا نايمة : ايي
اسر : شنو اي ولج بعدج نايمة هسه اجي الكاج مكملة
جمان : اي
سديته صدك اليوم قافلة ع النومة ابد ما شبعت نوم بس لازم اكوم حتى باجر بعرس زهراء ما اداوم
كمت ركض ودست ع النايمين كامو يصيحون كلت : شسوي الكم اذا واحد بصف الثاني نايم عبالك جثث منين اطلع
رحت للحمام غسلت وجهي ورحت ع ملابسي بسرعة لبست سمعت صوت هورن برا عزا العزاج جمان بسرعة لفيت الشال اي شي واخذت دفتري واقلامي وطلعت
ردت افتح الباب الورا دك ع جامت الباب الكدام وفتحه كال تعاي هنا
صعدت ومشى كال :عيني صباح الخير
جمان :صباح النور
اسر : ان شاء الله على هذا الحجي يطردونا من الدوام
جمان :لا بس اليوم تاخرت
اسر : نشوف دحك ع ايدي وداس بريك
جمان راد راسي ينضرب بالجامة الي كدام :هاي شبيك
دار ورجع ع البيت كلت :ليش شكو راح تاخر ع المحاضرات
اسر :والله جان فكرتي المحاضرات من جنتي نايمة حدري لبسي الحلقة وتعالي شنو كتلج البارحة وترا شفتج شفتي الرسايل
جمان : يمعود على هاي رجعتنا
اسر : اي على هاي يلا فضي راح يروح علية دوامي
نزلت بسرعة ورحت لغرفتي وطلعتها ولبستها ماما اجتي وراية تكول شبيج ليش رجعتي
جمان :ماما هيج بس نسيت دفتري
طلعت وصعدت رفعت ايدي بايده ونزلتها وتافافت : يلا امشي
اسر : عاد هم لو تأفأف زين جان رزلتج عليها حتى الاف بنزاكة بابا تعملي تأفأفي زين مثل البشر حتى تستاهل الرزالة
جمان كتمت ضحكتي ما حجيت
اسر : اشو ما سئلتي ايات وين
جمان : صدك وينها
اسر :وصلتها واجيتج غير انتي نايمة
جمان : حرامات عود بالرجعة اشوفها
سكت شكلها خلصت سوالفه
وخلصني ومد ايده بيها فلوس
اشرت براسي بمعنى شنو هاي
اسر : هاج مصروف
جمان : شسوي بي
اسر : الواحد شيسوي بالفلوس غير تحتاجيها بالكلية
جمان : عندي
اسر : ميخالف اخذي
جمان : بابا ناطيني شبيك
اسر : بعد لا تاخذين من ابوج صرتي مرتي يولي
جمان مستحية مستحيل اخذها : اي خوش
اسر حطها بنجنطتي : ترا اخرتيني عن دوامي يلا في امان الله جماني
جمان نزلت شفت طلاب قسمي يدخلون ع المحاضرة الحمدلله لحكت دخلت ومن طلعت ضليت احجي ويا طيبة وكتلها : مو تنسين تجين بليل ع الحنة اصلا ماكو احد بس عرف
طيبة : لا يولي اليوم الولد (إخوانها) عدهم شغل ما اضن يقبلون يجيبوني
جمان : لا امانة شبيج طيبة حاولي وياهم
طيبة :مدري اشوف واحد منهم
جمان : واذا مقبلو اجي انا واحمد عليج ها شتكولين
طيبة : اشوف شيكولون واكلج
جرت ايدي شافت الحلقة كالت : عزاا اليوم لابستها تخبل
جمان : يمعودة مو هوا صار يوصلني فكال لبسيها والا انا اضوج منها
طيبة : ي عمييي ناس تجي ويا الحبجية وناس تجي ويا ناس تلعب النفس
جمان ضحكت عليها : عاد هوا شلون حب امشي امشي للنادي جوعانة
دخلنا وشفت البنات اشرولي وكريم وصديقه كاعدين وياهم استغفرالله ربي ابتسمت مجاملة ورحت كلها باركولي ع الخطبة لان شايفين ستوريات طيبة ناشرتلي وشافو حلقتي هم
صديق كريم : الف مبروك جمانة شايفة كل الخير
جمان : الله يسلمك
كريم : مبروك جمان ربي يوفقكم وشايفين كل الخير
جمان ابتسمت : الله يبارك بيك يوم الك ان شاء الله
كريم : لا مناوي انا
جمان انقهرت علي مبين حيل مقهور : تنوي بعدين محد يستاهل ربي يسد باب يفتح الف باب
سكت والباقي يدحكو باستغراب وما اهتمو كالو : شنو عن حب تقليدي عرف لا
جمان ضحكت بمجاملة : ماكو داعي تفاصيل هسه خل اروح اكل جوعانة
رحنا كعدنا وناكل ونسولف وخلص الدوام طلعت ع الباب لكيت اسر وجايب ايات كاعدة ورا كعدت يمها هوا دحك بالمراية ورفع حاجبه درت وجهي ع آيات ضل ساكت كتلها : ها شلونج ولج
ايات : الحمدلله وانتي عبالي اشوفج الصبح بس تاخرتي
اسر :اي والله خوية شايفة تنبل مال نوم
جمان : والله الي يريد يوصلني يتحمل اني هيج
اسر : نتحمل يابة شعدنا
ايات : جمانة الكلية مالتكم حيل حلوة مبينة من برا مداخلة الها انا
جمان : صدك عود فد يوم ما عندي محاضرات كوم واخذج وياية شتكولين
اسر : لا الدروس تفيدها شلون تغيب وتروح وياج
ايات : لا اشوف يوم ماكو دروس كوم واخذ اجازة واروح وياها امانة اريد اتونس وعود افهم الدروس من صديقاتي هوا يوم ما يأثر امانة اسر
اسر :ي نشوف الله كريم
ايات همستلي : مدام الله كريم بهدوء يعني اروح يلا شوفيلي فد يوم فديتج مرت اخوية
جمان ضربتها بخفة :ادبسز
شوي و كتلها : مو تنسين تجين بليل ع الحنة
ايات : ي عود اشوف ماما ونجي
جمان : انتضرج حبيبي
وصلني انا اول كال : محتاجة شي
جمان : لا سلامتك نزلت وفتت للبيت تغديت كلت الهم راح انام عود من تبلشون تتحضرون كعدوني
نمت كعدت ب ٥ تقريبا لكيت بس مبلشة ب زهراء هاجر الي راح تنصبها مقبلت تروح صالون وهية هاجر حيل شاطرة بهيج سوالف وحتى هية نصبت اختها بلشت بتسريحتها
انا كتلها بعد وكت انا بساعة اكثر من كاملة
اليوم بس زهراء عزمت صديقاتها ع الحنة واحنا انا عزمت طيبة لان معتبرة هية من العائلة وماما خابرت ام اسر عزمتها ومن الكرايب اجتو بنات عمي ٣ بس هذول الي نحجي وياهم الباقي من أهل ابوية قاطعين تواصلنا وياهم
كعدت ادحك شلون تشتغل هاجر واكل جبس
صارت ب ٦ كمت اتحضر انا بلشت بشعري نص ساعة كملت تسريح و مكياجي العادي بس عيون وحمرة خفيف وحلو بس العيون بارزة
صارت ب ٧ دزو ع لفات و ماما كالت اكلو وبعدين بدلو ترا العالم من ال٨ حتبدي تجي
أكلنا و كملنا كامو يحطون حمر متتت ضحك عليهم
كامو يلبسون ب ٨ احنا كملنا وشغلنا الديجي صرنا ناخذ صور
شوي وبدو يجون صديقات زهراء واجت طيبة كمزت عليها : عااااا عبالي مراح تجين
طيبة : شلون ما اجيج ونركص ولجججج
جمان ضحكت : لك كفوو ضلعتي
دخلت و وراها دخلت ام اسر وايات كمت سلمت عليهم
ام اسر : شهل جمال بنيتي ديري بالج عمة ترا الحساد كوم
جمان : فدوة لعمرج خالة لا تخافين ماكو احد اصلا
فاتو كعدو رحت يم طيبة شاورتني كالت: منو هذول
جمان : هاي ام اسر واخته
طيبة : اممم يعني هاي عمتج مبينة حبابة بس لا تنكلب بعدين
جمان : ما اتنكلب ولا شي فال الله ولا فالج انصمي
اجو بنات عمي وكمت يمهم سلمت وجانو يحجون ويا زهراء يكولوها : وج مو تعرسين وتنسينا
زهراء : هههههه اصلا بعد ما اعرفكم
وضلو يحجون وياها وانا كمت اركص زهراء كوموها صديقتها وصارو يركصون حيل تونسنا وهاجر شالت الحنة وصار تفتر عليهم وحطت الهم ع ايدهم و رغد وياها تشد ع الحنة وردة وبيها خيط حيل صارت مرتبة الحنة ومثل ما جانت مخططك زهراء وحاطين كدامها هاي الحنة والياس وال ٧ البيض مدري شنو والشرايط بسلة ع صفحة وع الصفحة الثاني سلك بيها توزيعات جلكيت بجيس مال توزيع (شرح جمان صفر بس ان شاء الله فهمتو)
ب ١٠ ونص صاح أحمد علية كال اخو طيبة ع الباب
رحت عليها : يولييي هاي شنو بعد حتى ما لحكنا نتونس
طيبة : والله شسويله هوا اجاني
جمان : زين دباتي
طيبة : لا والله ميقبل هاهية حبيبتي
جمان : زين تعالي باجر
طيبة : والله مدري جمانة اشوفهم بس تكيد مراح يقبلون لان راح تصير هوسة وولد
جمان : زين هذا ياهو الجا من اخوانج
طيبة : يمكن حسن لانو هوا جابني
جمان : انا اعرف حسن هسه من تطلعين اكله جيبها باجر
طيبة : بكيفج يلا
رحت لبست عباية وشال وطلعت وياها ع الباب هية طلعت طلعت راسي من الباب : شلونك حسن
حسن :هلا خيتي الحمدلله
جمان : اكلك جيب طيبة باجر ع العرس
حسن : والله جمانة مراح تشوف شي من العرس كبل زفة و ولد ما نعرفها ف ما اخليها تجي اجت ع الحنة كافية
جمان : تجي وياية بسيارة ابوية وانا وياها ها
حسن : لا عود ع عرسج ههههههه سمعت انخطبتي
جمان بخجل : اي والله
حسن : شايفة الخير خيتي يلا مع السلامة
جمان : الله وياكم اشرت لطيبة باي ودخلت
من ردت اسد الباب شفت أسر جاي باتجاه بيتنا
قبل ما اسد الباب لزمه ودخل : منو هذا الي جنتي وياه ع الباب...........
يتبع.......