منقولة
#دنيتي_تغيرت💔✨
حلقه ثلاثون🌸
"فارس..كنننك شن في
انا نضحك..شي شي نبصر
حط ايده وراء ضهري وحضني بقوه وحط راسه ع كتفي
فارس بصوت هادي..معش دسي عليا المره هذي مشيتها لكي
انا بهمس..مش حندس أخرى والله
باس كتفي بشويا بعدها وخر وقعد يبحت في عيوني وانا نبحت فيه
انا..عليش درت هكي
فارس..غلطانه ولا لا انتي
انا..عارفه والله عارفه بس والله نتحملش قسوتك عليا
وملامحي ارتخن..حط صبعه ع عيوني وابتسم
فارس..كان لازم نقسى ونعاقبك لانك غلطانه
انا بتجعوين..حرررام علييييك ي فيسو حبيبتك انا
فارس بهمس..اشششش
حضني بقوه وشمرني وخش لدار وحطني ع سرير ورقد جنبي وكرني لصدره
فارس..كيف عرفتي روحك حامل باه
انا..اختبار المنزلي بس لازم نعدو لدكتوره ونشوفو
فارس..ومن جابه لكي اختبار
انا حطيت ايديا ع وجي..نور
فارس..تي غير حولي ايديك عارفها نور
قعدت نمشي في صبعي ع صدره وهو حاط ايده ع شعري
فارس..بس اسمعي المره هذي مسكت روحي بالسيف مره أخرى مانعرفش شن اندير رد بالك ي ريان مزالت انبه فيك
انا..مره أخرى تضربني قصدك
فارس..انتي عارفه كيف عصبي انا وبعد شفتك خفتي ماقدرتش نمد ايدي عليك اصلاً ماتهونيش عليا
لفيت ايديا ع خصره
انا..اصلاً توقعتهش منك انا انقك تضربني بس وجعتني ايدك اكيده وجعاتك حبيبي صاح
ورفعت ايده شفتها ورفعت روحي وبحتت فيه
انا تنهدت..اسفه والله ما عمري دسيت عليك حاجه انا
حط ايده وراء راسه ويبحت فيا
انا..انت مزال مش مسامحني عارفتك انا
فارس بصوت هادي..لا مسامحك مش مستعد اني نخليك تبكي اخرى وانا دموعك مش متحملهن بس راقيلي شويا
قربت منه شويا وقعد نقرب وهو يرفع ف راسه رن تلفون
فارس كشخ..خرب الحظه نعن&$&
انا نضحك..رد ع فون بعدين نردو أخرى
رقدت ع صدره وهو مسك الفون
فارس..هااا ي عمر
عمر..عصااا ع ضهرك ي حيوان وينك
فارس..في شقه وين يعني
عمر..اسمع تبيك عمتي فاطمه قالت ريان تلفونها مقفل ومشغوله عليها
رفعت راسي وبحتنا ف بعضنا
فارس..قوللها كويس وقول لنور تسلم عليك واجد وبكرا جمعه توا نجو الفطور عندكم
عمر..باه تمام هيا وجك مش فاضي
فارس..انت الي ران مبرد دمك
عمر..اوكي
صكر من عمر وبحت فيا
فارس..شكلها نور دايره طواري عليك
انا نضحك..اكيده نشغلت مسكينه
فارس غمزلي..وين كنا نحن
انا ابتسمت..اسمع باه حبيبي
فارس..عيونااااته لكي احكي
انا..خلينا نعدو الدكتوره بيش نتاكدو من حمل وتشوف وضعه
فارس..باه صبي البسي هيا
صبيت انا ونطلع ف دبشي
فارس..العشاء فات علينا نصلي هنا وخلاص
انا..اها حتى انا بنصلي
خشيت توضيت وصليت وطلعت لبستي ولبست
فارس..رياااان
انا..نعم حبيبي
فارس..السير القهوي وين معش لقيته
انا ندير ف مسكرا..في دولاب قاعد
فارس..تعالي طلعيه ليا
انا..باه شويا
درت روج امتاعي وجيت فتحت الدولاب
انا..خربت منضر الدولاب الله يسامحك ي فارس
فارس بصوت هادي..ع مهم منمدش ايدي عليك
طلعتله السير وبرمت عليه وابتسمت
فارس رافع حاجبه..هذا شنو
انا..شنو حبيبي السير الي تبيه
خذا مني سير وعزقه ع سرير وحطني ع ساس وقعد يقرب مني وانا نقرب منه باسني بقوه
فارس..ايووواه حول هكي
انا..شنو
فارس..امسحي فمك خير ماناكله لكي ي فرخه
انا..هوووف والله هادي كنك
فارس فنص..هادي ولا مش هادي معش نبي لبز ع وجك
انا بصوت واطي..باه خلاص بلاش عصبيه بس
لبست وشاحي وهو يلبس في سير
فارس..هيا
مدلي ايده مسكتها وطلعنا"
"عمر..هو قالي هكي
نور..باه شكله وضعهم تمام الحمدالله
عمر..كنك شن في
نور..شي شي فوت موضوع بيني وبين ريان
عمر..هابا كله انتن ي البنات مافيش حد يقدر عليكن
نور تضحك..كيدنا عظيم ي حبيبي
قيص مخطم..تضحك عليك بشوي كلمتين وانت اقعد دلدل ف راسك وراها ي هبل
نور..قييص ي حيوان تخربي في حوشي ليش طيح سعدك
قيص..تي غير عدي اسكني فيه الحوش بعدها احكي عليك الي مستعجله
عمر..توا انت شن دخلك ي بارد
قيص..وحق ربي مافي ابرد منكم انتم اثنين عليك علاقه مسقعه مافيهش جو
عمر..روح ي مسخ روح
قيص يضحك..طالع ومش مروح
عمر..حناطه كريم فكني منها خيرلك😑
قيص..عجبتني هذكه اليوم غير ماعنديش نيه نحكي فهمت عليا
عمر..عارف كان ماتحول من قدام وجي نبرك فوق منك
قيص..نور فوتيه المتوحش هذا احتمال يضربك راهو
نور تضحك..نفوته ومن يجوزني بعدها انت انشاءالله
قيص..لاااااا شن دخلني بيك انا ادبسي ف امي فيك وانتي اكبر مني
عمر..معناها ريح روحك وحل
طلع قيص من تلاهم
عمر..متخريط هذا مش عارفه كيف يجوز ويفتح حوش
نور..ساهله حبيبي بالمفتاح وكان مش بالمفتاح يعتله وخلاص الله غالب عليه
عمر رافع حاجبه..اتحنطي انتي و لا كيف
نور..طلق عليا قيص
عمر..غير فكيني منه توا احكيلي ماشريتيش حاجه جديده
نور..لا دبشي واتي قاعد
عمر غمزلها..بس اكيده في ارواب نزلن جدد توا
نور فنصت فيه..عمرررر رااه والله نخش فكني منا الكلام هذا مانحبش
عمر يضحك..باه خلاص ي واعره انتي اصلاً صيورك تبي تقعدي حلالي
نور..عارفه انه بنقعد حلالك بس لازم علاقتنا تكون محترمه
عمر..ينعليا ي عاقله انتي
نور..اها حبيبي بعدين توا رمضان
عمر..مزال تلات اسبايع واخيراً طفح الكيل وانا نراجي في هالحظه
نور ابتسمت وتنهدت..ربي يخلينا لبعضنا ومايفرقنا
عمر ابتسم..انشاءالله مايفرقنا الا الموت
نور..يوم قبل يومك انشاءالله
عمر..تبيني نموت بعدك املا
نور..باه نعطيك رائ سمح نموتو مع بعضنا بيش محد يتوجع فينا
عمر..فكينا من سيره الموت خلينا فرحانين توا
نور ابتسمت..اممم صاح فكنا منها"
"كريم..تعرف فيش خاطري
قيص..فيش خاطرك ياابو الخواطر انت
كريم..تسفتر انت
قيص..تي والله لا احكي هيا وابدعنا بكلاماتك
كريم..خاطري نجرب الحشيش اززف صاح يخلي الواحد ينسى
قيص..لاااا هكي واجد انت شكلي بنرن ع هيثم ولا عمر يربوك
كريم..صكر فمك اززف قلنا خاطري بس خاااطري مش بنحشش
قيص..لا ونعدو لمزرعه ونجيبو كم بنت نكسدو عليهن شن رايك هكي خير
كريم..تي من الاخير اززف غير حرام بس كان هذا راني دايرها من زمان
قيص..وضعك معش يطمن انت؛بعد خطرها شن صار ف صاحبته ريان
كريم..مش عارف انا نسيت الموضوع وريان معش فتحاته ليا توا بكرا تجي ونسالها شن صار
قيص..باهي علي خير ي طيري
كريم تنهد..والله ماني عارف خايف نظلم البنت معايا وتقعد قصه بعدها وطلاق ومحاكم
قيص..سلم خي معش تفرج ع مسلسلات تركية ابدعتنا انت وخياليك ازف تي شنو هذا نقمعز تلاك تركبني كائبه
كريم يضحك..تحسني متاثر واجد بسلامتي
قيص..بكللل اخرى والله مافي حد فيه جو ف هالعيله غيري كلكم نكد ابدها من هيثم خوك
كريم يضحك..تي جنك وجن هيثم انت خاطري نفهم ليش حاطه ف راسك
قيص..لا حاطه ف راسي لا شي غير هو منكدي وحط معاه فارس بعد ترقاله انت اهو بادي فيك الجو طلقت عليك
كريم..اسكت ي فرخ الحرام خير مانبتلى فيك توا وتقعد جريمه
قيص يضحك..ويكتبو علينا ف الفيس وينزلو صورنا والبنات يقعدن يقولن طروف وووو طروف
كريم يضحك..خزي والله امسخ انت"
"مهاب..لعبه هيا بلاش عباطه زايده كان تبي تقعدي تزعلي هكي ماتلعبيش معايا انا نضامي تشليط راهو
ماريا..تي والله نوريك التشيط شن شكله ي مهاب ال&$&
مهاب يضحك..انتي تبي تفوزي عليا تي حتى ف الحلم ماصارت راهو
ماريا كشخت..بلا غرور زايد بس مش كويس يضرك بعدها
مهاب..متخافيش عليا مايضرش فيا انا
ماريا..راجي نجيب فواكه مكسرات نكسدو عليهن
مهاب..فواكه مكسرات مش حيصير من العب هكي
ماريا..اسكت بس انت
صبت تجيب ف فواكه وتمت تاكل
مهاب..ولعبه شن يصير فيها
ماريا..حبيبي والله جاي ف خاطري ناكل نلعبو مره أخرى
صبى قمعز تلاها وحط ايديه وراء ضهرها وهيا حطت راسها ع كتفه وتاكل
مهاب..اعزمي حتى بالكذب ازف
حطت ايدها ع بطنها
ماريا..حبيبي بابا يبي نعطوه ولالا؛انت جعان يعني نفوتو بابا باه الا زعلك ي عيوني
مهاب كشخ..اولاً هيا بنت راهو وبعدين هيا مش جعانه واجد انا سمعتها بلاش كذب ي ميمو
ماريا تضحك..عليك اهبال خوذ معايا مش قايله لا غير نسمط عليك
مهاب..بالك تدوي جديات بيش نقص لسانك
ماريا..وووو عليا منك ي هبل امسك ها
وعطاته التبسي
مهاب..توا نوكلك انا؛افتتحي فمممك هياا
ماريا..مهاب😒
مهاب..كنك ي عمري
ماريا..تي بلاش عباطه زايده
مهاب..امسكي كولي بروحك خساره فيك الدلع
ماريا تضحك..احسن حاجه انك مسرع ماتعصب
مهاب غمزلها..ونوعيتي مسرع مانتحمس
وباس كتفها
ماريا..مهااااب
مهاب..اشششش"
"دكتوره..مشاءالله وضعك تمام توا نكتبلك ع ادويا تاخذين
انا ابتسمت..انشاءالله
دكتوره..ماما عارفه ولا مزال
انا..لا مزال انا جايا بيش نتاكد بس
دكتوره..سلميلي عليها
انا..انشاء الله يوصل
طلعت لقيت فارس مصبي يراجي فيا جاني
فارس..شن صار معاك
انا..عاطتني ادويا هذينا
خذا مني روشيتا
فارس..توا ناخذوهن من طريق هيا
نزلت انا وياه الدروج وركبنا لسياره
فارس..تبي مكان أخرى
انا..لا حبيبي مانبيش نبي نروح ونتريح بس
مسك ايدي
فارس..كنك تحسي في حاجه
انا..لا لا بس بنرقد اها واسمع جيب معاك جولاطي
فارس..عادي يعني جولاطي البيبي مايجمدش
انا نضحك..عليك عباطه عنجد يجمد لالا مايجمدش ي فارس
فارس يضحك..وين نندري انا قلت مرات يجمد
نزل فارس جاب ادويا وجولاطي فتحت جولاطي وقعدت ناكل
انا..فيسو
فارس..نعم حبيبي
انا..انت فرحان بالبيبي ولا لا حسيتك عادي مش معدل
فارس..لا عيوني فرحان اكيده بس بعد عرفت ماكانش في لحظه نقدر نعبر عليها فرحتي فهمتي كيف
انا..اممم فاهمه عليك..وريت ناكل أخرى.. مسك ايدي وباسها
فارس مبتسمه..ربي يخليك ليا"
"ثاني يوم نضت ولقيت فارس طالع خشيت للمطبخ وبديت اندير في شيش بعدها خشيت لدار لقيت فوني ع كومدينا فتحته واتصلت بنور
انا..ايوا
نور..واخيراً فتحتي فونك شن صار معاك
انا..توا بعد نتلاقوا نحكيلك
نور..شو صار تاكدتي من حملك
انا..اها امس عديت لدكتوره وتأكدت
نور..باه الحمدالله
انا..خلاص سلامات مزال عندي حوسه
نور..تشاو
صكرت من نور ورنيت ع ايه
انا..ويه شنجو
ايه..تمام الحمدالله شنجوك انتي
انا..بخير بنسالك شن اديرين فطور
ايه..مكرونه بالمفروم وبراك وشربه كنك تسالي
انا..باه تمام انا دايره شيش
ايه..الله حسني جعت اززح
انا نضحك..باه وجك هيا مزال ماكملت
ايه..باي
صكرت منها ورديت اندير ف شيش
نفتح الباب طلعت راسي
انا..جيييت
فارس..اها كملتي حاجتك ولا مزال
انا..مزال شويا بس واصلاً قريب العصر نعدو بعد العصر
فارس..باه تمام
قمعز ع صالون ويتفرج ع Tv..وانا ندير في شيش حطيته ف صفره وغلفته وطلعت
انا..حبيبي بندوش راهو مش حنطول
فارس..باهي نراجي فيك ماطوليش
خشيت دوشت وطلعت لبست سروال قهوء وبلوزه سوده مخصره لعند ركبه وشاح دمي وكويش دمي
انا..هيا
فارس..باهي الي طلعتي
انا..والله ماطولت واجد
خذا مني السفره ونزلنا
انا..كنك درست
فارس..ناخذو بقلاوة
انا..باه
نزل خذا بقلاوه وطلعنا لحوش
انا..السلام عليكم
اعميمه..وعليكم السلام جيتي
سلمت عليها وخشيت للمطبخ
ايه..شنجوك
انا..تمام
خش فارس
فارس..هلا ي امي
اعميمه..كيف حالك
فارس..بخير؛امسكي ي ويه بقلاوة
ايه..الله بقلاوة شن مناسبه
بحت فيا فارس وابتسم
فارس..احكي
انا..لا انت خير
فارس..ريان حامل
اعميمه..لوووووووووللليييي مشاءالله مشاءالله مبروك انشاء الله من قسمكم
انا ابتسمت..انشاء الله
ايه..حي بنقعد اعميمه الله عليك جو
اعميمه..امك تعرف
انا..لالا امس كيف درنا التحليل
اعميمه..باه مشاءالله
خش عمر
عمر..كنكم شن في
ايه ابتسمت..بتقعد عمووو
عمر ضحك وخبط فارس ع ضهره..مبروك مبروك بتقعد بات ي طيري
اعميمه..قمعزي تريحي
انا..كملتو مافيش حاجه
ايه..لا لا مافي شي تعالي نهدرزو في صاله
انا..باه
طلعت انا وايه وقعدنا نهدرزو قبل ماياذن المغرب بشويا وتينا الطاوله..وفطرنا وخشيت انا وايه نلمو ف مطبخ
انا..شنجوك انتي وشن أخرى اخبارك
ايه..مافيش جديد
انا..منصف معش ضايقك
ايه..لالا معش ضايقني
انا..باه كويس
حطينا المواعين ف غساله
انا..فيسو
فارس..نعم
انا..ماشيه لهلي
عمر..سلميلي ع نور واجد
انا..ع ساس ماتحكيش معاها فكني من طروح😒
عمر ضحك..عادي سلميلي عليها وخلاص
انا..حاضر
طلعت انا وعديت لحوشنا دقيت الباب
كريم..اووووو اختنا الجميله تفضلي
انا..هلا شنجوك
كريم..تمام انتي ي فرخه شن صار في موضوع صاحبتك
انا..يييي نسيته بكل توا نحكي معاها بعدين ونرد عليك
كريم..باه تمام راجلك النكدي وين
انا..معش تغلط ف حبيبي انت
كريم..اوووو ربي يدوم عليك الفرحه
انا..تسلم العرب راقدين
كريم..صبايا خوتك اركبن وامك ونور في مطبخ
انا..باه وجك
خشيت جوا لقيت ماما ونور
انا..هلا ي عرب
ماما..اهلين كيف حالك
انا..الحمدالله كيف حالكم انتم
نور..تمام وانتي شن دايره..وغمزتلي
انا..تمام
قمعزت ع كرسي وقعدت نلعب بالولاعه ومرتبكه
انا..ماما امس كنت عند دكتوره عيشه صاحبتك
ماما نفجعت..كننننك شن في
انا..اممم
ماما..حااامل صااح
انا..اها
ماما..نجك ليا وخلاص
حضتني بقوه ونور مبتسمه
نور..ينعليا بنقعد خويله
انا ابتسمت..عقبالك
نور..انشاء الله
انا..خلاص ي ماما عدي تريحي وانا توا نلم الباقي
نور..نكلم مروه تجي تكسد معانا
انا..نباه تمام"
"ف ليل
مروه..نجك ليا ي خيه كبرتي
انا..عقبالك ي ميمي
مروه..انشاء الله ي رب
لميس..بنات نبي نقولك خبر
ايه..شنو احكي
لميس..في واحد معايا يبي يخطبني
انا..والله جد بتوافقي
لميس..يجي ونشوفو شروطه ويشوفوه
نور..مبروك مقدما ي عيوني فرحتلك والله
لميس..الله يبارك فيك
ايه..ينعليا قعدت انا مسنقله بروحي مع شله المطرشقه هذي
انا نضحك..توا تجوزي ي حنه لحقه ع الهم
نور..اااين اهم ينعليا غير نجوز بس مانشكي بكل
مروه..مش كلها رومانسيه عاد هيا"
"انا..نسلح بس ونجيك
سلحت البلوزه جاء حضني من لاوره ويبوس في رقبتي
انا بهمس..فاااارس
فارس..تسلحي قدامي وتبيني نتحمل
برمت عليه ومسكت رقبته وبست خده وهو مسك خصري
فارس غمزلي..مش ناويه تلبسي انتي ولا تغري فيا
انا..انلا بنلبس وبنكلم صاحبتي راه تقعد تنابش
فارس..باه تمام بس قبلها عطيني بوسه
بست شفايفه ولبست ورنيت ع مها
انا..شن اخبارك
مها..تمام وانتي وينك مختفيه
انا..تعبانه شويا كنت
مها..كنك شن في
انا ابتسمت..حامل
مها..نجك ليا ي روحي مبروك
انا..الله يبارك ع مهم قتلك
مها..شنو
انا..تعرفي كريم خويا شافك وعاجبتيه وقالي يبي يخطب
مها..اااه
انا..
"يتبع.."
رايكن💜
Mony Alriany✍🏻