منقـولة
#دنيتي_تغيرت💔✨
حلقه العاشره🌸
طلع رصاصه من جيبه وحطها ع قلبي وانا نبحت فيه ونرعش.
فارس..عارفه كان توافقي ي ريان بهذي ننهي الموضوع
انا بصوت يرعش...اااااي باه حوول خلاص مش حنوافق
مسك ذراعي بقوه
انا..فارس ايدي حوول كنك هكي خلااص عاد
فارس فنص فيا..معش تلعبي خيرلك
طلق ايدي وانا خشيت نجري جوا
انا..احم احم..اعميمه يوسف يراجي فيكم برا
امه..باه انشاءالله معرفت خير
ماما..انشاءالله
طلعن وانا خشيت لدراي ولحقن عليا البنات.
نور..كنك ترعشي😳
انا..حي عليا مطرشق ي بنات
مروه..كنك شن في
انا..طلعلي رصاصه وقالي......؛
نور تضحك..هههههه تستاهلي عارفته انا فارس مجنون
مروه..بس خوفها مش هكي عاد
انا..والله ماني مشيتها له توا يشوف الحيوان هذا
نور..شن تبي اديري من مصبيه ياوجه المصايب
انا..مش دايره شي
مروه..اطلعن معايا نلمو الكوجينه
انا..نسرين ركبت ولا مزال
نور..لالا تهدرز مع ماما برا
انا..اها باه اطلعن وتوا نغير دبشي ونلحق عليكن
طلعن البنات وانا لبست توته وطلعت معاهن نضمو في حوسه.
مروه....يييييييييي
بيت غلاي خيوطه فضّة 👏🏻
انا ونور..خيوطه فضه💃
مروه..ياخيووطه فضه واعر علي يريد يقضه
نور...يااااااااايييييييي👏🏻
غير آمتى امتى ياربّي 💃
انا ومروه..امتى ياربي👏🏻
نور..زول عزيز عليا يصبي💃👏🏻
انا..وووووو ووووو👏🏻
هيثم يصفق معانا..فرقه شنو هذي
انا ضحك..فرقه عيت ال&$&
قمعز ع كرسي وخذا صفره قعد يدربك
انا..خاشاش الصحراء الطويلة ..انشالله مايطفى قنديله👏🏻👏🏻
ع خاطرك ي هيثم💃
نسرين...وووو ووووو ع جرح💃
ماما..طح سعد العار انت ي هيثم
نور ضحكت..حتى نحن مصدومين بس مشينا الجو
هيثم يضحك..مره مره شوي اهبال مش ديما نقعد عاقل
مروه..طرشقنااه ورانا
"مهاب..تعالي نطلعو جو ع مغرب حلو
ماريا..راجي نلبس طاقيتي بس الجو مصقع برا
مهاب..باهي حبيبي نراجي فيك
لبست طاقيتها وجاته
مهاب مد ايده لها..هاتي ايدك
بحتت فيه وابتسمت ومسكت ايده
ماريا..توا نقدر نمسك ايدك وندير الي نبيه بدون مانخاف من حد
بحت فيها وحط ايديه لاخرى ع ضهرها وهيا حاطه راسها ع كتفه.
ماريا..حي في دراجيح
مهاب ابتسم..بتلعبي
ماريا..ياريت
مهاب..تعالي توا ندرجح بيك
قمعزت ع درجاحه وقعد يدف بيها
مهاب..انحبك
ماريا..انا اكثر
مهاب يضحك..لا اكثر اهو قاعد ندرجح بيك
ماريا.. ههههههه توا ننزل وندرجح بيك عادي
وقف وجاء قمعز تلاها وقعد يدرجح
مهاب..قتلك
ماريا تدرجح..نعم
مهاب..نحضرو عرس مروه ونعدو
ماريا..باه تمام عادي
مهاب..ماهو اصلاً توا تزعل وبعدين هذي اول بنت فباتي يبي كل حاجه حلوه
ماريا..توا انا قلت حاجه ينعليا منك؛بعدين هذا اول عرس لعربي
مهاب.. ههههه صار عربك قلتي
ماريا..عدي مسمطك؛باه بنسالك
مهاب..اسالي بس حاس روحي عرفته السوال
ماريا..انت تهدرز مع بنات عمك وتشفط عادي
مهاب..مش واجد اصلاً انا بطبعي ساكت ومانحبش الدوه واجد
ماريا..الساكت ناكت
مهاب فنص..شن قصدك ي حيوانه
ماريا..حيوانه أخرى وأخذ راحتك واجد😒
مهاب صبى..توا تشوفي راحتي شنو
ماريا صبت تجري
مهاب..وقفي نعن شكلك مش نبدري قلتي مش خايفه انت حلالي
ماريا تضحك..كذبه مش انا
مسك ايدها وعثر هو وراها وطاح فوقها.
مهاب بصوت هادي..عليش تهربي اه
ماريا بصوت واطي..حول ثقيل راك
حط خشمه ع خشمها وحركه..وأنفاسهم اختلطن مع بعضهم
ماريا بصوت واطي..خلينا نخشو صقع هنا
مهاب..كان خشينا معش يصير خير جوا وتطري ديري دوش في هالصقع
ماريا ضحكت..تفكيرك ديما خارب
طبس عليها وباس شفايفها بهدوء
مسكها ايدها وصباها..."
كريم..كنكم تصحكو
حمادي..فاتك العرس الي دراه بابا ي عمو توا وهو وعميماتي
مسك حمادي وشمره
كريم..عرس شنو ي حمادي
حمادي..اعميمه ريان ترقص ونور تصفق ومروه تعيط وهيثم هييي قصدي بابا يدربك وامي تفرج عليهم وتضحك وماما معاهم
كريم يضحك..هيثم شنو الموضوع حسيته كذب
انا..لا والله ماكذب هيثم دار جو احسن حتى منكم هيي
كريم..من ورانا وقدامنا غير اعصاب
بابا..سلام عليكم
كلنا..وعليكم السلام
حمادي..جدو جدددو
بابا..تعال حبيب جدو انت
مسكه في غمره
بابا..شنو صار جو الجماعه
ماما..اها جو
بابا..هيثم حضر ولا كريم
ماما..فرقت هما اعيالك هربو خش معاها فارس
بابا..توا انا مش وقضتكم
هيثم..كنت عابي ع كريم
كريم..حتى انا عابي ع هيثم
بابا..استغفرالله معقوله قدام الناس هكي توا شن بيقولو علينا
هيثم..في نصيب باهي ومافيش قاعده في حوش هلها لين يجي نصيبها
بابا..ع مهم شن قالو العرب هما والراجل شن قال
ماما..تعال غير دبشك ي حاج وساع نحكيلك
انا..بتكسدو بعدين برا
هيثم..انا بنرقد
كريم..وانا ماشي مع اصحابي
نور..ماشيه لدراي
انا..انا بنعدي لحوش عمي يوسف تعدي معايا مروه
مروه..لا عدي بروحك
انا..باه اوكِ
صبيت طلعت من حوشنا وعديت لحوش عمي.
انا..سلام
ع احلام..وعليكم سلام تعالي ي ريان قمعزي
انا..اعميمه من في هنا
عمر طالع من داره..اوووو ريان هنا شنجو
انا شيرتله بيدي..تمام وانت
عمر..كويس
انا..ايه وين
ع احلام..في دارها
انا..اها باه
ع احلام..نديرلكن قهوء ولا كاكو
انا..ماتعبيش روحك ياعميمه عادي
عديت لدار دقيت الباب وفتحتها
انا..عادي نخش
ايه مسحت دموعها..خشي
قمعزت تلاها ع سرير وقعدت نبحت فيها وساكته
ايه..كنك
انا..ليش دسيتي عليا
ايه..مانقدرش نقولك اصلاً بعدين منصف كنت نحكي معاه ع ساس صديق وهكي بعدها في مره دزيت صورتي نشفطو عدا هو رقبها ع حاجات مش تمام وقعد يجيني في الكليه ويهدد فيا
انا..كان دويتي لكريم
ايه..كيف حاله كريم
انا..كويس قاعد
ايه..عارفه روحي خاينه وحقيره والي درته ماينغفرش بس ماكنتش نيتي حقيره في اول والله ي ريان
انا..خلاص ماتبكيش الله غالب قصه وعدت في حالها وانتم مش نصيب بعضكم مرات فيها خيره لكم
ايه..له هو اوكِ بس انا ماحتى بعد الي درته مزال ربي يبي يوريني خير
انا..من يعرف غيري
ايه..لميس بس
انا..اها
ايه..ريان انا كنت داسه عليك حاجه بس ماكنتش قادره نقولها لكي
انا..شنو
ايه..كنت عارفه بعلاقه هناء وعلي
انا صبيت..كيف دسي عليا حاجه كيف هكي كيف ي ايه
ايه بدت تبكي..اسفه اسفه عارفه روحي غلطت واجد بس كنت خايفه عليك تنهاري انا خايفه عليك بس والله
بحتت فيها وحطيت ايديا ع وذاني
انا..اسسسس اسسسس ي كذابه لعند امتى وانتي تكذبي علينا كنك حيوانه هكي انا شن درتلك بس شن درتلك انا ليشش ي ايه ليييش معتبرتك كيف اختي اديري فيا هكي
بحتت فيها وطلعت نجري من حوش وحاطه ايدي ع فمي..
فارس..كنك ماتحقي ياحماره😡
بحتت فيه وعديت سيبته
فارس..هااااي نحكي معاك انا
مسكني من ايدي بقوه
انا دموعي ينزلن..حوول ايدك انت حووول توجع فيا توووجع راااه توجع
فارس من بين سنونه..ووووطى صوووتك وووطيه معش تعلي صوتك ي فرخه م تشوفيش خير بعدها
انا..شن تبي ادير ااه شن تبي قول مش خايفه
فارس..مش خايفه تمام بكل اوووكي توا تشوفي وجه الجديد ي ريان
انا عليت صوتي..ي اخي مانحبكش انا مانحبكش كنك هكي انت اه بيش تفهم وريه الوجه الجديد عاادي
فارس..عارفك تحبيني ماتنكريش
فكيت ايدي بقوه وعديت قمعزت تلا المسبح وقعدت نبكي..
"انا..هالحيوان هذا ناقصه انا
قعدت ربع ساعه هكي وصبيت خشيت نرقد
في صبح ساعه 11:00
كريم يكر في ورغان..نووضي ي مخمجه
انا..كريم اززف خلي الواحد يرقد وهو متريح
مروه..نوضي اليوم بنغلفو دبشي
انا..صاحو مش مزال بدري
مروه..بدري من عمرك نوضي
انا..ييييي باهي جايات البنات
مروه..اها جايات نحن سته مشاءالله نكملوه اليوم
انا..اها باه اني نضت
كريم..البسي لبس طلوع
انا..عليييش
كريم..ماهو تبن شاش
مروه..وانا نوثق في ذوقك
انا..باه من يبي يعدي معايا
مروه..محد
انا..باه برا هي
كريم..وانتي ديما تلزي مبردك
طلعو من دار وانا وتيت لبستي.."سروال اسود وبلوزه سمايه لعند نص الفخده وجاكه بيضه طويله وكويش ابيض وشاح مخربش سمائ باابيض واسود"
طلعت من دار خشيت دوشت وطلعت صليت ولبست لبستي..
انا ناكل في بشكوط..هيا كيمو
ماما..اشربي حليب
انا..لالا وقت
كريم..يجيبي معاك تزداني ع طاوله
انا..باه اوكِ؛توصو ع حاجه أخرى
ماما..جيبو معاكم مفروم وبصل
انا..باه عطيني فلوس مرات الي عند كريم طشه
ماما..نور يجيبي من درج
عدت نور لدار جابتلي وجت
انا..سلام بعدين نتلاقوا
طلعت لقيت فارس مقمعز تلا سواق
انا..انت ماشي معانا
فارس..ليش عندك مانع
انا كشخت..لا
ركبت من لاوره
كريم..ها وين المكان
انا..في شارع دبي في محل تغليف اكيده نلاقو عنده شاش وجو هذا
كريم..مش تشحوري باامي اكديلي
انا..تي امشي وانت ساكت حستتني بعيد واجد علينا
انا..وليش تكي ع محل الخضرا ومحل الحم ومحل مواد غذائية لانه بنفطر
كريم..زكري
فارس..وكنك مافطرتي في حوش
انا..مدخلكش انت تقول هو الي يسوق مبرد دمه
كريم..مافالحه غير في جلاطه
درس ع محل الخضرا
كريم..انزلي هيا
فارس..لالا شنو تنزل ومحل معبي راجل
كريم..باه شن تبو
انا..توا ننزل لانه نبو عمر حاجات
فتحت الباب ونزل في جرتي فارس
انا..معليش ي عمو نبي كيلو بصل ونبي كيلو طماطم ونبي كيلو برتقال
كريم بصوت واطي..ماعنديش فلوس واجد راهو
انا..جبت معايا انا
كريم..طلعتي تفكري والله باه كويس
كريم..خلاص هاتي الفلوس وعدي اركبي توا نسلك
انا..باه
برمت لقيت فارس يبحت فيا وراقيله
ركبت لسياره وهو ركب معايا
فارس برم عليا..معش تنزلي ي فرخه مانبيش ندير مشكله لانه كريم معانا وخايف يشك بس وانا نبهتك
انا..قاري فيا فاتحه وانا منعرفش
فارس من بين سنونه..رياااان
انا كشخت ونعايب عليه..ررريان
ركب كريم..امسكي الشكاير؛توا وين نعدو
انا..محل الحم بيش تنزل انت راهو نبو مفروم اربعه كيلو لانه نبو نديرو سفير يوم الحنه
كريم..عليك سريب كله ليبين
انا..كان قلت لقيص خير تي شنو هذا ازف؛ودابين ماشين لشارع دبي بنشوف كندره مزال ماشريت
فارس..نبي نعزق روحي من عالروشن انا
انا..ههههه دمك خفيف واجد ضحكتني
فارس..عارف روحي
"نور..مزال نبي نطلع نشري قفطان ليوم الزفه ونبي نشري قونه وبلوزه اليوم الحنه ويوم تفريش حتى هو سرريب سرريب ومعش قعد في وقت واجد
عمر..باه نطلع انا وياك بعدين لانه حتى ايه تبي دبش ع عرس
نور..لا مانقدرش لانه بعدين نبو نعلفو الدبش فهمت كيف
عمر..اها معناها ماتنديرش ايه
نور..نبدري عديت دويتلها
عمر..اها هيا امس قالتلي اصلاً
نور..اها مرات كان كملنا بعدين بكرا نطلع لانه الأحد تفريش واليوم خميس فيش وقت واجد
عمر..مزال كيف ماهو مقاسك
نور..عليش تسال!؟
عمر..نسأل لانه نحس فيك ناقصه بس
نور ضحكت..اها نقصت كيلوين
عمر..اسمعي البسي الدبله في عرس فكيني توا يقعدن العيون عليك
نور..لا مانقدرش ي عمر لانه مهاب فرحه مالشي شي وبعدها مروه طول وانا ننخطب فكنا والله العين حتعلق معانا
عمر..ي عليك قصه ازف
نور..انت وين قاعد توا
عمر..ف جنان
نور..باهي راجي نجيك لانه امس وماشفتكش وبنحكيلك شنو صار امس
عمر..شن في امس حسيتها كارثه
نور..نحكيلكش توا نقولك
صكرت منه وطلعت لماما في كوجينه
نور..تبن حاجه نديرها
مروه..لالا مافي شي الحوش مضموم وكوجينه عليا
ماما..وين ماشيه
نور..بنهدرز مع عمر شويا برا في جنان
ماما..راه يفطلك حد
نور..مافيش حد في وقت هذا
طلعت برا لقت عمر ماسك المفتاح ويلعب بيه..
نور..بست عموري
عمر رفع رأسه..جيتي تعالي قمعزي
قمعزت تلاه وتبحت فيه
عمر..باهي احكيلي امس شن صاير
نور..امس ريان......؛عموماً خوك اطرشق وتزيد طرشقه ريان
عمر يضحك..اختك هذي دين ام العناد ازف
نور..بكللل محد يغلبها
عمر..بس فارس يمص في غضبها نشوف فيه كيف يتعامل معاها تقول يتعامل مع طفله
نور ضحكت..تي خليهم يهبلو بعضهم
عمر..توا خلينا منهم خليني فيك انتي
مسك ايدها وباسها
نور..عموري حول خلااص خير مايشوفنا حد
عمر..والله انحبك انا
نور..بس انا نحس في الحاجز بينا
عمر..وحتى انا
نور..السبب هو انه كل مانحكوا نذكر في ماضي انا ونحس فيك حتسيبني في اي لحظه
عمر تنهدت..انا وياك تبيلنا دكتور نفسي يفهم حالتنا
نور..لميس اهي دكتوره نفسيه وشاطره ليش مانحكوا معاها لعند نحوزو بالك نحن اثنين نلقو حل
عمر ابتسم..باهي تمام ي #نور_قلبي ع مهم انتي تريحي
نور..انحبك ي حنون
عمر..لو كان مانحنش عليك ع من نبي نحن
نور..انشاءالله طول العمر نقعدو مع بعضنا.
عمر..يارب
نور..شقتنا الي زمان شن صار فيها
عمر..مانبيش نسكن فيها حنسكنو في العماره الي في حدائق
نور..وووو نسيتها بكل عماره هذي
عمر..اها بنسكنو فيها انا وياك وفارس وكريم
نور..اها باه تمام بس مش شايفه الشقق الي غادي انا
عمر..حلوات بس هنا وكبار فيهن تلات ديار ودار نوم فيها حمام وكوجينه بار وحمام في صاله وصاله كبيره ومربوعه كبيره بحمامها.
نور..اها مشاءالله
عمر..ونبي نبرم عليها زواق وثريات واضاءات فهمتي كيف
نور..اها تمام"
"فارس..هاكي شكلاطه سنكر وعصير
انا..تعبت روحك والله
كريم..وين المحل امتاع الكنادر
انا..امشي بس وتوا نقولك درس
كريم..معاك فلوس
فارس..انا عندي فلوس
انا..مش طالبه منك شي عندي
كريم..انتم كنكم اليوم
انا..هو بارد اصلاً؛عموماً درس هنا اهو المحل
نزلنا كلنا
فارس..عندي معاك كلام بعدين
انا كشخت..فيش بينا كلام
فارس فنص
كريم..ها مزال م لقيتي
فارس..اهيا حلوه وتمشي معاك
كانت كندره فرناز ف ذهبي
انا كشخت..مش حلوه مش ستايلي
كريم..باه هيا صقدي ورايا شغل م لقيتي شي هنا دوري من يشيلك
انا..اوووف باهي عليك طلعه
قعدت نبرم وفارس ورايا
انا برمت..باه بناخذ راحتي ممكن
فارس بصوت هادي..راحتك معايا
انا ابتسمت بدون م نحس وقلبي يدق
فارس ابتسم ورفع حاجبه
برمت وقعدت مبتسمه
كريم..ها هيا ي ريان وقت عليا
انا..اهممم باه خلاص نزل الي اختارها فارس
فارس غمزلي نزلها وسلك حقها
وروحنا
انا..نزلو معايا هيا
نزلنا الحاجات وخشيت لحوشنا وتغدينا.
لميس..بنولع المنضومه راهو تمشي الجو
جديده..فكينا منها ي بنيتي صداع لرأس
لميس..ي امي عرس كنك
جديده..هابا عليك جيل
لميس ولعت منضومه اغنيه زيدي سنه
ملاك..حيي حيي
مروه..مش تقعدن ترقصن وتنسن الدبش
انا..مش ناسين ووو عليا
لميس..يانمشيله ونجي خلاوني مايطرلي شي خلاوني💃💃👏🏻👏🏻
انا نضحك..ولا الله تروحي منه حامل ي حنه
لميس..عدي ي مسوسه
بحتت في ايه لقيتها تغلف وساكته
مروه..حي مرودي يرن توا نجيكن نور أشرفي عليهن
ملاك..امشي ي تيسه
"مراد..هلا حبيبي
مروه بدت تبكي..انحبك اننحبك اننحبك
مراد..كنك تبكي ي روحي شن في
مروه..اليوم نغلفو في دبش امتاعي
مراد..وليش زعلانه باهي مش تبي تجي لحضني وترقدي عليه وتفرحي عليه وتبكي عليه
مروه ابتسمت..انحبك انت ونبي حضنك انت بس توجعني انه بنطلع من الحوش الي تربيت فيه وعشت فيه كله ايامي سواء حزن ولا فرح انت مش حتفهم عليا
مراد..لا ليش مش حنفهم حتى اختي بعد اجوزت دارت هكي
مروه..بس فرحانه لاني بنعيش مع حبيبي الي انحبه
مراد..تي واخيراً قلتي حاجه حلوه
مروه..اسمع خلاص معش بنحكي لعند يوم زفه
مراد نفجع..ليش اززف
مروه..بيش تقعد متلهف عليا يوم الزفه
مراد..عليك طروح يارا
مروه..خلاص خلاص بنصكر
صكرت الخط عليه وقفلت الفون "
انا..مطولتيش غريبه
مروه تضحك..صكرت عليه وقفلت الفون مانبيش نحكي معاه لعند يوم الزفه
ملاك..اها هكي خير بيش يقعد متلهف عليك وادير فيك العمايل
ايه تضحك..قليله ادب طح سعدك
ملاك..امتى بس امتى يجي رمضان والعيد بيش نجوز😢😹
لميس..هانت هانت
ملاك..بنجووووز
نور..اصبري خليك كيفي صبوره
ملاك..مافيش حد صبر كيف صبرك انتي بصراحه ماشفتش وحده قويه كيفك
نور ابتسمت..حمدالله بقد قوتي ربي فرحني
Messenger:~
عمر..اطلعي نبيك برا جنان ومافيش حد راهو
نور..باه راجي
نور..توا نجي بنشرب ميه
طلعت نور من باب مطبخ لقت عرم اكياس وعمر مصبي تلاهن
عمر..تعالي
نور..شنو هذينا
عمر..غير تعالي بس
جاته نور وصبت قدامه وهو قمعز ع ماده وفتح شكاره كان فيها سروال ازرق هااافت ومن لوطه فيه سوسته وبلوزه بيج لركبه ومن ايدين فيها خط دمي ومن رقبه فيها دنتيل ومن نهايه ايدين دنتيل وكندره دميه وشاح دمي..
عمر..مش تبي لبسه ليوم تفريش
بحتت فيه وابتسمت
نور..تهبل تهبللل ي عموري
عمر ابتسم..كان ماعجبنكش نعدو نغيروهن
نور..لا حبيبي يهبلن
فتح شكاره لأخرى كان فيه قفطان سود توب كيف الحمال شرت لنص الفخده و معاها كعب ازرق.
نور..حبيبي واجد عليا هكي
عمر..ماقدرتش ناخذ قفطان يوم زفه مرات مايعجبكش ذوقي
بحتت فيه وحضناته وتمت تبكي.
عمر ارتبك..اششش ليش تبكي كنك
قعدت ماسكه في سوريته من لاوره وحطه راسها ع كتفه وتبكي وتشهق..
عمر..فرغيها فرغيها وابكي كيف ماتبي
وخرت وقعدت تمسح في دموعها ومنزله راسها
عمر حط ايده تحت وجها ورفعه وقعد يمسحلها دموعها بصبعه..
عمر..ليش تبكي ليش انا مزعلك في حاجه
هزت راسها ب لالا
عمر..باه ليش تبكي ي نور
نور تبكي..كان خاطري نبكي ع حضنك وفي صدرك كنت نراجي فيها لحظه هذي من زمان ي عمر كنت محتاجه حضنك أكثر من كل شي
خذاء راسها وحطه ع صدره وتنهد
عمر.. اسف ي نور اسف مهما تاسفت مش قادر نحول الوجع الي عشتي فبه بسببي مهما حاولت نسعدك نحس في حاجه انطفت جوا انطفت بينا ي نور
نور رفعت راسها وبحتت فيه وابتسمت ومسكت ايده وحطتها ع قلبها.
نور..شايف قلبي هذا مش قادر لا يشيل عليك ولا يحقد عليك ولا يكرهك القلب هذا يحبك بس ويعشقك انت بس
بحت فيها وعيونه دموع وصبى بسرعه
ونور لمت الشكاير وخششتهن لدار ومسحت دموعها وجتنا في دار..
في صبح ساعه..10:00..
ماريا ماسكه شعرها وتمشي فيها ع وجه مهاب بحب..
ماريا بصوت واطي..حبيبي العصبي هيا نوض نحبك انا
مهاب فتح عين وحده..تعالي هنا انتي الي تنابشي
وكر ايديها وخلا راسها ع صدره..
مهاب..معش تنابشي وانا راقد لانه ديما نوض وننفصل بس لانه اول مره مانفصلتش
ماريا زعلت..نباه تمام خلاص عش نوعيك وعي نجي شورك اسفه
وجت بتصبي كرها وخلاها تحته
مهاب..نبصر معاك ي هبله كنت نبي نشوف فمك كيف يقعد بعد تزعلي نتعب معاه
وطبس عليها وباس شفايفها..
وهيا مسكت في رقبته وباسته ع رقبته
ماريا..عش تزعلني ي سامط
مهاب يبحت فيها ومبتسم
ماريا..خلاص خلينا نصبو بيش نديرو فطور
مهاب..قصدك اديري
ماريا..وراسك حبيبي وراسك ساعدني فيه نديرو جو
ومدت فمها قدامها
مهاب ضحك..شن قلت ع حركه هذي نتعب معاها انا
ماريا مبتسمه..بيش تساعدني ماهو
مهاب..باهي صبي هيا
صبيت هيا وياها وتو الفطور وطلعو برا فرشو مفرش ع ارض وقمعزو يفطرو..
ماريا..الجو خيااالي بكللل والهواء نضيف
مهاب..بيش توتي روحك اه بنعدو نبرمو في شرق شويا ونتغدو برا
ماريا..الله عليك جوو ي حبيبي
مهاب..ع مهم انتي تفرحي وتنبسطي وانا مانبي شي بعدها
ماريا..ربي يخليك ليا ولا يحرمني من طلتك
مسكت ايده وباسته في كفه بهدوء.
"ايه..حرام عليك ي منصف حرام عليك ادير فيا هكي والله نحس انا انسانه في نهايه بكل وعندي مشاعر ومش ساهل الي انت تطلب فيه مني والله ماساهل
برمت لاوره....
ايه طاحت على الأرض.
"يتبع.."
رايكن💜تفاعلن هيا✨
Mony Alriany✍🏻