#الدعسوقه😂.
الحلقة الاولى❤
Sajdah ahmed almozge
اني ماشية نتسلق ونجي مقلوبة من حيث لاادري وووه عليااا شن درت في عمري وووه ظهري تكسر قعدا صغيررره😭.
القط الاسود: جاي يجري تستاهلي إنشاء الله تتكسري
اني: انوض ونهجم عليه زي المجرمة ووك عليا ياااوخياتي من حرارة الروح ونعطيه كاف كيف يا ولد الشطانة.😂✌
القط الأسود : طلع يجري ووقف من بعيد ويحذفني برشادة على ضهري
اني: وووه عليا تكسرت ... يمااااااااا بنتك بي حاجة ليك
امي : جاي تجري وشاده حكة الطماطم....شن في خيرك اخلع فرايسك
اني: طحت من فوق
أمي : وشن اديري فوق
اني : نرقص ...تعالي غضروفي تكسررر
امي: انهارك اسود وعرس خوك من بيعول عليه
اني : اني نقولها ضهري وهيا تقولي عرس خوك ووووه عليا ارفعيني
أمي : مشت تجري ولعت سيارة بوي متع الخضره وحذفتني في الكنتر من الخلف
اني : انتي بتسوقي وزياادة كنترر
أمي : مش قلتي تكسرتي ....وركبت من القدام ولعت السيارة وانطلقت.
اني: حي عليا غير اوقفي غيريلي حوايجي لبسيني وشااح السترررر ياااناااس منمشي للعيادة بي قفطااان باااصمة وقعدت نعيط وامي واخده الدور وتجري قريب درنا حاذت لوحتني زي البطاطا من وراء
لين وصلنا
امي: جتني تجري شحتني ونزلتني
اني : يما لابسه قفطان بااصمة رااه.
امي: فيه بروده مش عادية ولونه بودري يهبل
اني: حي علي طوافتي....وخشيت قعمزت نستنا في دوري والناس تشبح وتضحك لين جتني بنت :
البنت: عفوا عادي تقعمزي بحدا الراجل هذاك لأن اني منقبة
اني : وشن قالولك اني رقااااصة
البنت: ههه لالا حشاك
اني: اقبلي وجهك مش نقصه على الي بيااا
الممرضة: مريضة رقم 5 خشي
اني: هي هي ونضت اااه يااظهيري
البنت : عفوا عادي نخش قبلك لأن اني مريضة
اني: وشن قالولك اني جاية منصبغ شعري.
البنت:😂😂😂 دمك خفيف
اني: شن الناس هاذي من صبح ربي وخشيت.
الدكتور : يشبجلي ومصدوم بي القفطان
اني: العفو خيرك تقول راكبك الصفير.
الدكتور: لاشي خشي نديرولك صورة
اني : انهاري اسود صورة شني بتحطوني في النت وطلعت نجري نسطرب وشاده ضهري زي المراء الحامل
Sajdah ahmed almozge
الدكتور : يشبجلي ومصدوم بي القفطان
اني: اللطف خيرك تقول راكبك الصفير.
الدكتور: لاشي خشي نديرولك صورة
اني : انهاري اسود صورة شني بتحطوني في النت وطلعت نجري نسطرب وشاده ضهري زي المراء الحامل😂✌
الدكتور: هييي يااابنت اوقفي
اني: ونجي مهبوكة في باب المشفى مرش مشفتاش.
امي: تعاااالي جاااي متحشميناش
اني : تي انتم الي حشمتوني جايبني بي قفطان بااصمة وردي فاااقع حتى ضوافري ملحقتش نزمطهم
امي: شدتني من شعري تكر فيا من بداية المشفه لين وصلتني لي الدكتور وحطتني على الكرسي خود الصورة ياادكتور
الدكتور: وين تحسي في الألم
اني : بتنرفيز....في ضهررري
الدكتور: انهضي القفطان شوية
اني: ياااعن بوك وبو القفطان تبيني نقعد على الشااارع لاااوالله مصارت
امي : تفنص فيا وتخبط على وجها
الدكتور: مشي قعمز على مكتبه...طبعا حاالتك مستعصية منعطيك بوماطة وادهنيه بيها لين تتحسن
اني : أعطيني بوماطة السحتوت😂
الدكتور: مقدرش يشد ضحكته وضحك ،،،تمام
اني: اتكيت على الكرسي ...هذا مناقص نوري جسمي
الدكتور: كتب اسمه في الورقة ومدهالي
اني: هذا شني متقولش حق المعاينة انت مدرت شي رررره اني قتلك شن ناخد حتى كشف مدرتش
الدكتور : لالا مش فلوس هذا اسم المرهم
اني: حذفت عليه الورقة مش لازم توا نقوله بوماطة السحتوت.
الدكتور: به تمام اطلعي خلي يدخل المريض آلي بعدك
اني : طلع روحك إنشاء الله ،،،،وطلعت نجري
امي : سبقتني هربت في الكنتر
اني: طلعت بشوية ومشيت لي امي في الكنتر من الروشن...يماا أعطيني 15 جني حق البوماطة
امي: قعدت تشوف في السيارات ملقتش...اركبي توا بعدين نبعت خوك يجيبه مافيش فلوس اهني
اني: لا ولا يهمك توا نوقف على المطب 5 دقايق بس ونجيبلك ضعف المبلغ
امي: بتوهبي😱
اني : مش اول مرة ديما وين ترقدي في القيلا اني والقط الاسود نوهبو
امي : من القط الأسود ؟
اني: اءءء....تي قطوسة شوية ونجي ومشيت نجري وقفت على المطب.
وبدو يفوتو عليا السيارات .. لله يااامحسنين....حتى دينار بس ليا تلاته ايام من غير ماكلة.
فات عليا ولد وبدي يسطرب بي سياارة.
Sajdah ahmed almozge ❤
اني: يراااه مقلوبه بيك ،...وقعدت نشبح من بعيد السيارة بكها في شجرة
مرابطيه😂 حي علما وطلعت نجري والناس تجمعت فتحت عليه الباب لقيته سايخ والدم ينزل من رأسه
اني: إنشاء الله تموت حشيت يدي في جيب السروال وجبدت ورقة 20
الناس : تعرفيه هذا
اني : لالا زيني زيكم جيت منشوفه. ..،ارفعوه المشفى قبل ميموت
الناس: بدو يطلعو فيه بيرفعوه
اني: حطيت العشرين في أيدي وطلعت نجري لي امي يماااا
امي: شن صار
اني : حصلت 20 دينار
امي: مسرع
اني : شكله الراجل معبي .
امي : به ....بسرعة بري خودي البوماطة.
اني: خشيت لصيدلية لقيت وحده مزيتة
اني: أعطيني بماطة السحتوت
البنت: شنوو
اني: بوماطة السحتوت
البنت: شن الكلمات الغريبة هاذي
اني: تكلمت بي استفزاز. ..جيبي بماطة السوداني
البنت : مفهمتكش
اني : به بماطة العريان بلا تبوديييع زايد طلعيها
البنت: هادم أنواع المراهم ترا طلعي الي تبيها
اني: وخري شوية وشحيت البوماطة...هاذي هيا كم حقه
البنت: اهاااا. ..12 دينار
اني: صرفي 20 وردي الباقي
البنت: هاك ومدت الكيسة وباقي 8 دينار
اني : خديتهم وطلعت نسطرب ركبت في الكنتر.
امي: خلاص نطلع
اني : أشهد ان لا له إلا الله انطلللقي
امي: ولعت السياارة وبدت تجري واني نشهد .
لين وصلنا للحوش واني مدروخه على خاطر في كل مطب ناكل هبكة على رأسي امي الله يهديها متبيش تخفض السرعة تسحاب روحه في سباق .
اني: قعمزت قدام الحوش وشاده بلووكه مش عادية
القط الاسود: يمشي هوا وصاحبه
اني : لووووكنت رجاااال اررررب ياااحريمه (الترجمة): لو كنت راجل قدم ياامراء 😂.
القط الأسود : حي شن صار فيك مش عاساس تكسرتي
اني : فشرررر الي قال اني تكسرت ونحذف البلوكه جت على
سيقااانه😂✌.
القط الأسود : ووه عليا سيقاااني
اني : شديته من رقبت السورية
القط الاسود: نزلي إيدك
اني : أنزل جداك تي كان ممرجتكش معاش نتسما الدعسوقة
القط الاسود: وكان مخليتش وجهك خريطة معاش نتسمى القط الأسود
اني: وخرت شوية ....ااارررب لكااان....يتبع
رايكم 😂😂❤ الحلقة الجاية نااار..