. . . هلاو شلونكم، 😚💜
اجه مصدر السعادة، 😅💛
اريدكم تركعوني ب ٥٠٠تعليق
هيج اي حرف من الكيبورد حتى عسريع يخلصن ال ٥٠٠
.
.
💘💜
.
.
والتصويت نهاية كل بارت يعني اكو نجمة ضغطو عليها
.
.
💘💜
.
.
الله ينصركم ع جهالكم بجاه كل من عنده جاه، 😂🚸💘
يلا نبلش ب البارت، 🚸🔞😉
.
.
ﺭﻳﺎ ...... ﺣﻤﺰﺓ ﻭﺍﻟﻠﻪ ﺩﺍﻳﺨﺔ ﻭﺍﻧﺖ ﺗﻔﺘﺮ ﻭﺭﺍﻱ ﺭﻭﺡ ﻫﻨﺎﻙ ﺷﻮﻑ ﺧﺎﻑ ﺗﺮﻳﺪ ﺷﻲ ﻭﻧﺎﺳﻲ
ﺣﻤﺰﺓ ........ ﺧﻠﺼﻴﻨﻲ ﺭﻳﺎ ﺍﺭﻳﺪ ﺍﻛﻤﻞ ﺍﻟﺒﺤﺚ ﺍﺧﺬﻱ ﺷﻤﺤﺘﺎﺟﺔ ﻳﺎﻟﻠﻪ
ﺭﻳﺎ ....... ﻇﻞ ﻳﻔﺘﺮ ﻭﺭﺍﻱ ﺷﻠﻮﻥ ﺑﺎﻟﻠﻪ ﻭﺻﻠﻨﺎ ﻳﻤﻬﻦ ﺍﺭﻳﺪ ﺍﺧﺬ ﺑﺲ ﺣﻤﺰﺓ ﻭﺍﻛﻒ ﻭﺑﺲ ﺍﻛﻮﻟﻪ ﺭﻭﺡ ﻳﺰﻣﺦ ﺑﻴﺔ ﺷﻠﻮﻥ ﺑﺎﻟﻠﻪ ﺟﺎﻥ ﺣﻤﺰﺓ ﻧﺰﻝ ﺟﻴﺲ ﺑﻲ ﻫﻮﺍﻱ ﻟﻮﻧﻪ ﺍﺯﺭﻕ ﻭﻛﺎﻝ
ﺣﻤﺰﺓ ....... ﻣﻮ ﻭﺍﻟﻠﻪ ﺍﺩﺭﻱ ﻋﻠﻴﻤﻦ ﻻ ﺍﻧﺘﻲ ﻣﺎﺧﺬﺗﻬﻦ ﻭﻻ ﺍﻧﺘﻲ ﺣﺎﺟﻴﺔ ﺍﺫﺍ ﻋﻠﻴﺞ ﻧﻈﻞ ﻭﺍﻛﻔﻴﻦ ﻟﻠﻴﻞ
ﺭﻳﺎ ...... ﻳﺒﻮﻭﻭﻭﻭ ﻫﺬﺍ ﺷﻤﺪﺭﻱ ﻋﺰﺍ ﻭﺍﻟﻠﻪ ﻓﺸﻠﺔ ﻳﺒﻮﻭﻭﻭ ﻭﺍﻟﻠﻪ ﻋﻴﺐ ﻋﺰﺍ ﺑﻌﻴﻨﻲ ﻭﺍﻟﻠﻪ ﺑﻮﺩﻱ ﺍﻟﻜﺎﻉ ﺗﻨﺸﻚ ﻭﺗﺒﻠﻌﻨﻲ ﺣﻴﻞ ﺍﺳﺘﺤﻴﺖ
ﻫﻮ ﺍﺧﺬ ﺍﻻﻏﺮﺍﺽ ﺣﺎﺳﺐ ﻭﻃﻠﻌﻨﺎ ﻟﻠﺴﻴﺎﺭﺓ ﺍﺑﺪ ﻣﺎﺣﺠﻴﺖ ﺣﺘﻰ ﺍﻟﻨﻔﺲ ﻛﻄﻌﺘﻪ ﺍﺭﻳﺪ ﺍﺧﺘﻔﻲ ﻣﻦ ﻛﺪﺍﻣﻪ ﻭﻻ ﻫﺎﺍﻟﻔﺸﻠﺔ ﻫﻮ ﺍﻧﺘﺒﻬﻠﻲ ﺿﺤﻚ ﻭﻛﺎﻝ
ﺣﻤﺰﺓ ....... ﻋﺎﺩﻱ ﻋﺎﺩﻱ ﻏﻠﺴﻲ ﻳﺎﺑﺔ
ﺭﻳﺎ ....... ﻛﻮﻟﺖ ﺑﻜﻠﺒﻲ ﺷﻐﻠﺲ ﺍﻧﺖ ﻏﻠﺲ ﻣﻮ ﺍﻧﻲ ﻇﻠﻴﺖ ﺩﺍﻳﺮﺓ ﻭﺟﻬﻲ ﻋﻠﻰ ﺍﻟﺠﺎﻡ ﺣﺘﻰ ﻭﺟﻬﻲ ﻃﺎﺑﻌﺘﻪ ﺑﺎﻟﺠﺎﻣﺔ ﺍﺭﻳﺪ ﺍﻃﻠﻊ ﺣﺘﻰ ﺍﻻﻟﻢ ﻣﻦ ﺍﻟﻔﺸﻠﺔ ﺭﺍﺡ ﻫﻮ ﻛﺎﻝ
ﺣﻤﺰﺓ ........ ﻋﻠﻴﻤﻦ ﻟﻮ ﻛﺎﻳﻠﺘﻠﻲ ﻳﺎﺑﺔ ﺍﺭﻳﺪ ﺀﺀﺀﺀﺀﺀﺀﺀﺀ ﻭﺍﺟﻴﺒﻠﺞ
ﺭﻳﺎ ....... ﺣﻤﺰﺓ ﻛﺎﻓﻲ ﻭﺍﻟﻠﻪ ﻋﻴﺐ
ﺣﻤﺰﺓ ....... ﻭﺍﻧﻲ ﺷﻌﻠﻴﺔ ﻳﺎﺑﺔ ﻛﻮﻟﻲ ﻟﻨﻔﺴﺞ
ﺭﻳﺎ ....... ﺑﺠﻴﺖ ﻣﻦ ﺍﻟﻔﺸﻠﺔ ﻭﺍﻟﻠﻪ ﻫﻮ ﺿﺤﻚ ﻭﻛﺎﻝ
ﺣﻤﺰﺓ ....... ﻫﻬﻬﻬﻪ ﻭﻟﺞ ﺷﺒﻴﺞ ﺗﺒﺠﻴﻦ ﻳﺎﻟﻠﻪ ﻻﺗﺒﺠﻴﻦ ﺑﻌﺪ ﻣﺎﺍﺣﺠﻲ ﻭﻋﺒﺎﻟﻚ ﻣﺎﺍﺩﺭﻱ ﺑﺲ ﺍﺳﻜﺘﻲ
ﺭﻳﺎ ....... ﻭﻟﺼﻠﻨﺎ ﻟﻠﺒﻴﺖ ﻛﺒﻞ ﻧﺰﻟﺖ ﻭﺑﻮﺟﻬﻲ ﻟﻠﻐﺮﻓﺔ ﺧﺘﻠﺖ ﺑﻴﻬﺎ ﻭﺍﻟﻐﺮﺍﺽ ﺑﺎﻟﺴﻴﺎﺭﺓ ﻫﻮ ﻧﺰﻟﻬﻦ ﻋﺼﺎﻳﺮ ﻭﺣﻠﻮﻳﺎﺕ ﻭﺍﻟﺸﻐﻠﺔ ﺍﻟﻔﻀﻴﺤﺔ ﺟﺎﻥ ﻫﻮ ﺻﺎﺡ
ﺣﻤﺰﺓ ........ ﺭﻳﺎﺍﺍﺍﺍ ﺗﻌﺎﻱ ﺳﻮﻳﻠﻲ ﻛﻬﻮﺓ ﺭﺣﻤﺔ ﻻﻫﻠﺞ
ﺭﻳﺎ ....... ﻃﻠﻌﺖ ﻭﺭﺣﺖ ﻟﻠﻤﻄﺒﺦ ﺍﻟﻌﻼﻟﻴﻚ ﻣﻮﺟﻮﺩﺓ ﻛﻠﻬﺎ ﻋﻠﻰ ﺍﻟﻤﻴﺰ ﺭﺩﺕ ﺍﺳﻮﻱ ﻛﻬﻮﺓ ﺭﺟﻊ ﺻﺎﺡ
ﺣﻤﺰﺓ ...... ﻻﺗﺴﻮﻳﻦ ﺭﻳﺎ ﻻﺗﺴﻮﻳﻦ ﺭﺍﺡ ﺍﻧﺎﻡ
ﺭﻳﺎ ....... ﻋﺮﻓﺘﻪ ﻳﺮﻳﺪ ﻳﻜﻮﻟﻲ ﺍﺧﺬﻱ ﺍﻟﺸﻐﻠﺔ ﺑﺲ ﺑﻐﻴﺮ ﻃﺮﻳﻘﺔ ﺍﺧﺬﺕ ﺍﻟﻌﻼﻛﺔ ﻭﺭﺣﺖ ﺿﻤﻴﺘﻬﺎ ﺑﺎﻟﻜﺘﻨﻮﺭ ﻇﻠﻴﺖ ﻛﺎﻋﺪﺓ ﻧﺎﻋﻨﺪﻱ ﺷﻲ ﻭﻣﺎﺍﺩﺭﻱ ﺑﺎﻟﺪﺭﻭﺱ ﺭﺍﺳﻠﺖ ﺍﻟﺒﻨﺎﺕ ﻣﺎﻓﺎﺗﺤﺎﺕ ﻧﺖ
ﻛﻮﻟﺖ ﻋﻠﻰ ﻣﺎﻳﻔﺘﺤﻦ ﻧﺖ ﻭﻳﻨﻄﻨﻲ ﺍﻟﺪﺭﻭﺱ ﺍﻛﻮﻡ ﺍﺷﻮﻑ ﺷﺄﺳﻮﻱ ﺭﺣﺖ ﻟﻠﻤﻄﺒﺦ ﺩﻭﺭﺕ ﺑﺎﻟﺤﻠﻮﻳﺎﺕ ﺍﻟﺠﺎﻳﺒﻬﺎ ﺷﻔﺖ ﺟﺎﻳﺐ ﻛﺎﺭﺗﻮﻧﺔ ﺣﻠﻘﻮﻡ ﻭﺭﺣﺖ ﻃﻠﻌﺖ ﺑﺴﻜﺖ ﻃﺒﻜﺖ ﺍﻟﺤﻠﻘﻮﻡ ﺑﺎﻟﺒﺴﻜﺖ ﺍﺣﺐ ﻫﻴﺞ ﺍﻛﻠﺔ ﻇﻠﻴﺖ ﺍﻛﻞ ﻭﺧﻠﻴﺖ ﻟﺤﻤﺰﺓ ﻭﻳﺎﻱ
ﺑﻌﺪﻳﻦ ﺟﺎﻭﺑﺘﻨﻲ ﻫﻨﺪ ﻭﺍﻧﻄﺘﻨﻲ ﺍﻟﺪﺭﻭﺱ ﻭﺑﺪﻳﺖ ﺍﺩﺭﺱ ﻟﻠﻤﻐﺮﺏ ﻛﻌﺪ ﺣﻤﺰﺓ ﺻﻠﻰ ﻭﺍﻧﻲ ﺗﻮﺿﻴﺖ ﻫﻢ ﺍﺭﻳﺪ ﺍﺻﻠﻲ ﺭﺣﺖ ﺟﺒﺖ ﺍﻟﺘﺮﺑﺔ ﻫﻮ ﺷﺎﻓﻨﻲ ﺍﺳﺘﻐﺮﺏ ﻭﻛﺎﻝ
ﺣﻤﺰﺓ ....... ﺍﻧﺘﻲ ﺗﺼﻠﻴﻦ
ﺭﻳﺎ ...... ﻫﺎﺍﺍﺍ ﺍﻳﻲ
ﻳﺒﻮﻭﻭ ﻋﺒﺎﻟﻪ ﻧﺎﺯﻟﺔ ﻫﻲ ﻭﻳﻨﻬﺎ ﻏﻴﺮ ﺗﻨﺰﻝ ﻭﺗﺨﻠﺼﻨﻲ ﺻﻠﻴﺖ ﻭﺳﻮﻳﺖ ﻋﺸﺎﺀ ﻭﺗﻌﺸﻴﻨﺎ ﺍﻧﻲ ﻭﺣﻤﺰﺓ ﺑﺲ ﻣﺎﺍﻛﻠﺖ ﻫﻮﺍﻱ ﻣﻦ ﺍﻟﻢ ﺑﻄﻨﻲ ﻭﺍﺳﺘﺒﺮﺩﺕ ﻣﻊ ﺍﻟﻌﻠﻢ ﺍﻧﻲ ﻣﺎﻣﺘﺮﻳﻜﺔ ﻭﻻ ﻣﺘﻐﺪﻳﺔ
ﻛﻤﺖ ﻟﻔﺮﺍﺷﻲ ﻧﻤﺖ ﻛﻌﺪﺕ ﻗﺒﻞ ﺻﻼﺓ ﺍﻟﺼﺒﺢ ﺣﺴﻴﺘﻬﺎ ﻧﺰﻟﺖ ﻛﻤﺖ ﺳﺒﺤﺖ ﻭﺑﺪﻟﺖ ﻭﺭﺟﻌﺖ ﻧﻤﺖ ﻛﻌﺪﺕ ﺏ 6 ﻭﻧﺺ ﻋﻠﻰ ﺻﻮﺕ ﺣﻤﺰﺓ ﻳﻜﻌﺪﻧﻲ ﺍﺻﻠﻲ ﻛﻤﺖ ﺑﺲ ﺳﻮﻳﺖ ﺭﻳﻮﻙ ﻭﺑﺪﻟﻨﺎ ﻫﻮ ﺍﺧﺬﻧﻲ ﻟﻠﻤﺪﺭﺳﺔ ﻭﺭﺍﺡ ﻟﺠﺎﻣﻌﺘﻪ
ﺍﺑﺪ ﻣﺎﺟﺎﺏ ﻃﺎﺭﻱ ﺍﻫﻠﻪ ﻭﻋﻤﺎﻣﻪ ﺑﺲ ﻋﺮﻓﺖ ﻛﺎﻳﻠﻴﻠﻪ ﻟﻮ ﺗﻌﻮﻓﻬﺎ ﻟﻮ ﻻﺗﺤﺎﺟﻴﻨﺎ ﻣﺮﺍﺩ ﻣﺴﻮﻟﻒ ﻟﻤﻬﺎ ﻭﻫﻮ ﺑﺎﻗﻲ ﻳﻌﻴﻂ ﻣﺎﺍﻋﻮﻓﻬﺎ ﻭﺷﺘﺴﻮﻭﻥ ﺳﻮﻭ ﻋﻤﺎﻣﻪ ﻛﺎﻳﻠﻴﻠﻪ ﺍﻧﺖ ﻏﻠﻄﺎﻥ ﻭﻳﺎﻫﺎ ﻭﻫﻞ ﻣﺠﻠﺐ ﺑﻴﻬﺎ ﻫﻮ ﻛﺎﻳﻠﻠﻬﻢ ﻣﺎﺣﺎﺟﺔ ﺍﺑﺮﺭ ﺍﻟﺒﻨﻴﺔ ﻛﺎﺍﻋﻮﻓﻬﺎ ﻻﻥ ﺍﻧﻲ ﺍﺣﺒﻬﺎ ﻭﺷﺘﻔﻜﺮﻭﻥ ﻓﻜﺮﻭ ﻫﻮ ﺩﺍﺋﻤﺎ ﻳﺨﺎﺑﺮ ﺍﻫﻠﻪ ﻭﻳﺴﻮﻟﻒ ﻭﻱ ﺍﺑﻮ ﻋﻠﻰ ﻫﺎﻱ ﺍﻟﺴﺎﻟﻔﺔ ﻭﻳﻌﺼﺐ
ﻭﻋﻤﺎﻣﻪ ﻣﺎﻳﻌﺮﻓﻮﻥ ﺍﻧﻲ ﻭﻳﺎ ﺑﻨﻔﺲ ﺍﻟﺒﻴﺖ ﻻﻥ ﻣﺮﺍﺩ ﻛﺎﻳﻠﻠﻬﻢ ﻛﺎﻋﺪﺓ ﺑﺒﻴﺘﻲ ﻣﻮ ﻋﻨﺪ ﺣﻤﺰﺓ ﻭﻫﻢ ﻣﺎﻣﻘﺘﻨﻌﻴﻦ ﺑﺸﻬﺎﺩﺓ ﻣﺮﺍﺩ ﻣﻦ ﻛﺎﻳﻠﻠﻬﻢ ﺍﺟﺖ ﺑﺎﻟﻠﻴﻞ ﺗﺒﺠﻲ ﻭﻣﻀﺮﻭﺑﺔ ﻣﻦ ﺍﺧﻮﺍﻧﻬﺎ ﺑﺴﺒﺐ ﻓﺘﻨﺔ ﻋﻤﺎﻣﺔ ﻛﺎﻳﻠﻴﻠﻪ ﻟﻮ ﺍﻧﺖ ﻏﻠﻄﺎﻥ ﻭﻳﺎﻫﺎ ﻳﺎ ﺍﻫﻠﻬﺎ ﻻﺯﻣﻴﻨﻬﺎ ﻭﻱ ﻭﺍﺣﺪ ﺻﺪﻙ ﺍﻟﻤﻬﻢ ﻣﺎﻣﺼﺪﻛﻴﻦ ﻭﺣﻤﺰﺓ ﻛﻠﺶ ﻇﺎﻳﺞ ﻣﻦ ﻫﺎﻱ ﺍﻟﺴﺎﻟﻔﺔ
ﺩﻭﺍﻣﻲ ﻋﺎﺩﻱ ﺻﺪﻳﻘﺎﺗﻲ ﺍﺗﻮﺍﺻﻞ ﻭﻳﺎﻫﻦ ﺑﺲ ﻋﻠﻰ ﺍﻟﺪﺭﻭﺱ ﺍﺷﻮﻓﻬﻦ ﻫﻮﺍﻱ ﻳﺘﻐﺰﻟﻦ ﺑﺤﻤﺰﺓ ﻭﺍﻇﻮﺝ ﺑﺲ ﻫﻦ ﻳﺘﺸﺎﻗﻦ ﻳﻜﻮﻟﻦ ﻧﺮﻳﺪ ﻧﻐﻮﺭﺝ ﻭﻧﺰﻳﺪ ﻣﺤﺒﺘﻪ ﺑﻜﻠﺒﺞ ﻳﺴﺎﻋﺪﻧﻲ ﺑﻬﻮﺍﻱ ﺩﺭﻭﺱ ﻳﻌﻨﻲ ﻳﺸﺮﺣﻨﻠﻲ ﺍﻟﺪﺭﻭﺱ ﻭﺍﺑﺪ ﻣﺎﻳﺴﺘﻨﻜﻔﻦ ﻣﻨﻲ ﺣﺘﻰ ﺑﻮﻗﺖ ﺍﻟﻔﺮﺻﺔ ﻳﺸﺮﺣﻨﻠﻲ ﻳﻜﻮﻟﻦ ﺍﻧﺘﻲ ﻣﺘﺰﻭﺟﺔ ﻭﻋﻨﺪﺝ ﻭﺍﺟﺒﺎﺕ ﺭﺟﺎﻝ ﻻﺯﻡ ﻧﺴﺎﻋﺪﺝ ﻋﺮﻓﺖ ﺍﻟﺼﺪﺍﻗﺔ ﻣﻮ ﺑﺘﻌﺪﺩ ﺍﻟﺴﻨﻮﺍﺕ ﻭﻻ ﺑﺎﻟﻄﻮﻝ ﺍﻟﻤﺪﺓ ﺍﻟﺼﺪﻳﻖ ﺍﻟﺤﻘﻴﻘﻲ ﺍﻟﻴﺴﺎﻋﺪﻙ ﻣﻦ ﺗﺤﺘﺎﺟﻪ
ﺍﻣﺘﺤﻨﺖ ﺷﻔﻬﻴﺎﺕ ﻭﻛﻌﺪﺕ ﺍﻗﺮﺃ ﺣﻤﺰﺓ ﻫﻢ ﻳﻘﺮﺃ ﻳﻜﻮﻝ ﺍﺭﻳﺪ ﺍﺧﻠﺺ ﻣﻦ ﻇﻴﻢ ﺍﻟﻘﺮﺍﻳﺔ ﻻﻥ ﻣﺎﺑﻴﺔ ﻳﻮﻣﻴﺔ ﺗﻌﺎﻝ ﺍﻗﺮﺍ ﻭﻋﻴﺪ ﺧﻞ ﺍﺧﻠﺺ ﻣﻦ ﻫﺴﺔ ﻫﻮﺍﻱ ﺍﻧﺘﺒﻬﻠﻪ ﻳﺼﻔﻦ ﺑﻴﺔ
ﺑﺼﺮﺍﺣﺔ ﺍﻧﻲ ﻫﻢ ﺍﺣﺐ ﺣﻤﺰﺓ ﻭﻣﻦ ﺍﺷﻮﻑ ﻭﺣﺪﺓ ﺗﺒﺎﻭﻋﻠﻪ ﺍﻣﻮﺕ ﻣﻦ ﺍﻟﺤﺮﻛﺔ ﺍﺣﺲ ﻫﻮ ﻣﺎﻟﺘﻲ ﺍﻟﻲ ﻣﺎﺍﻗﺒﻞ ﻳﺒﺎﻭﻋﻮﻟﻪ ﺍﻟﺒﻨﺎﺕ ﺩﺍﺋﻤﺎ ﻧﻄﻠﻊ ﺍﻧﻲ ﻭﻳﺎ ﻧﻔﺘﺮ ﻭﻧﺘﻮﻧﺲ ﻗﺒﻞ ﺍﻻﻣﺘﺤﺎﻧﺎﺕ ﺏ 4 ﺍﻳﺎﻡ ﺟﺎﻥ ﺷﻬﺮ ﺷﻌﺒﺎﻥ ﺍﻟﻌﺎﻟﻢ ﺗﺘﺠﻬﺰ ﻟﺮﻣﻀﺎﻥ ﻃﻠﻌﻨﺎ ﻧﻔﺘﺮ ﻭﻧﺘﻮﻧﺲ ﻣﺜﻞ ﻛﻞ ﻣﺮﺓ
ﻃﻠﻌﻨﺎ ﻟﻠﺤﺪﺍﺋﻖ ﻧﺘﻤﺸﻰ ﻭﻧﺴﻮﻟﻒ ﻫﻮ ﻻﺯﻡ ﺍﻳﺪﻱ ﻭﻧﻀﺤﻚ ﺳﻮﺍﻟﻔﻨﺎ ﻛﻠﻬﺎ ﻋﺎﺩﻳﺔ ﺑﺲ ﺣﻠﻮﺓ ﻳﺴﻮﻟﻔﻠﻲ ﻋﻨﻪ ﻭﻋﻦ ﻃﻔﻮﻟﺘﻪ ﻭﻋﻦ ﻣﺮﺍﻫﻘﺘﻪ ﺟﺎﻥ ﻭﻛﺢ ﻭﻣﺎﻳﻨﻜﺪﺭ ﻣﺮﺓ ﺣﺎﺭﻙ ﻧﺎﻳﻠﻮﻥ ﺑﺤﺪﻳﻘﺘﻬﻢ ﻭﻣﺸﺘﻌﻠﺔ ﺍﻟﺤﺪﻳﻘﺔ ﻭﻣﺨﻠﻲ ﺍﻟﻌﺎﻟﻢ ﻃﻔﺎﺭ ﻳﺮﻛﻀﻮﻥ ﻫﻴﺞ ﻭﻳﺮﺟﻌﻮﻥ ﻫﻴﺞ
ﻭﻣﺮﺓ ﻛﺎﺗﻞ ﺍﺑﻦ ﺟﻴﺮﺍﻧﻬﻢ ﻭﻛﺎﺳﺮ ﺳﻨﻪ ﻻﻥ ﻛﺎﻳﻠﻪ ﺟﻴﺐ ﻃﻮﺑﺘﻚ ﻧﻠﻌﺐ ﻭﺍﻟﻮﻟﺪ ﻣﺎﻗﺎﺑﻞ ﻛﺎﻳﻠﺔ ﺍﺑﻮﻱ ﻣﺎﻳﻘﺒﻞ ﺍﻃﻠﻊ ﺍﻟﻄﻮﺑﺔ ﺑﺎﻟﺸﺎﺭﻉ ﺣﻤﺰﺓ ﻻﺯﻡ ﺍﻟﻮﻟﺪ ﻣﻜﺴﺮﺓ ﺗﻜﺴﺮ ﻛﺎﻳﻠﺔ ﺗﺨﺎﻑ ﻣﻦ ﺍﺑﻮﻙ ﻣﺎﺗﺨﺎﻑ ﻣﻨﻲ ﻭﺗﺎﻟﻲ ﺣﻤﺰﺓ ﻣﻨﻬﺰﻡ ﻟﻠﺠﻮﺍﺭﻳﻦ ﺧﺎﺗﻞ ﺑﺒﻴﺘﻬﻢ ﺣﺘﻰ ﻻﻳﻠﺰﻣﻮﻧﻪ ﺍﺑﻮ ﻭﻋﻤﺎﻣﻪ ﻫﻮ ﻳﺴﻮﻟﻒ ﻭﺍﻧﻲ ﻓﻄﺴﺖ ﻣﻦ ﺍﻟﻀﺤﻚ
ﻛﻮﺗﻠﻪ ﺣﻤﺰﺓ ﺍﻧﺖ ﺑﻠﻮﺓ ﻣﻦ ﺟﻨﺖ ﺻﻐﻴﺮ
ﺣﻤﺰﺓ ...... ﻳﺎﺑﻠﻮﺓ ﻭﻟﺞ ﻣﺴﻮﺩﻫﻦ ﺑﺎﻟﻌﺒﺎﺱ ﺍﻣﻲ ﻋﺎﻳﻔﺔ ﺍﺧﻮﺍﻧﻲ ﻛﻠﻬﻢ ﻭﺗﻔﺘﺮ ﻭﺭﺍﺀ ﺑﺲ ﺗﻐﻔﻞ ﻋﻨﺪﻱ ﺣﺴﺒﻲ ﺻﺎﺭﺕ ﻣﺼﻴﺒﺔ ﻣﺮﺓ ﺍﻣﻲ ﺗﻐﺴﻞ ﻣﻼﺑﺲ ﻭﺍﺣﻤﺪ ﺻﻐﻴﺮ ﻋﻤﺮﻩ ﺍﺷﻬﺮ ﻭﺍﻧﻲ ﺍﻛﻞ ﺑﺮﺗﻘﺎﻝ ﻋﻮﺩ ﻋﺎﻗﻞ ﺑﺲ ﻛﺎﻣﺖ ﺍﻣﻲ ﺟﺒﺖ ﺍﻟﻜﺸﻮﺭ ﻭﺍﺩﺣﺲ ﺑﺤﻠﻚ ﺍﺣﻤﺪ ﻭﺍﻟﻜﺸﺮ ﺣﺎﺭ ﺍﺧﺘﻨﻚ ﺍﺣﻤﺪ ﻭﺍﻣﻲ ﻛﺎﻣﺖ ﺗﺪﻙ ﻋﻠﻰ ﺭﺍﺳﻬﺎ ﻭﺗﺼﺮﺥ
ﻭﺗﺪﻙ ﻋﻠﻰ ﻇﻬﺮ ﺍﺣﻤﺪ ﻭﺍﺣﻤﺪ ﻏﺎﺹ ﺑﺎﻟﻜﺸﺮ ﻭﺍﻧﻲ ﻋﻔﺘﻬﻢ ﻭﻧﻔﺲ ﻛﻞ ﻣﺮﺓ ﺍﻓﻠﺖ ﺑﺎﻟﻘﻄﻌﺔ ﻣﺎﻝ ﺟﺮﻳﺎﻧﻨﺎ ﻟﺤﺪ ﺍﻻﻥ ﻣﺎﻳﺪﺭﻭﻥ ﺟﻨﺖ ﺍﺧﺘﻞ ﺑﺎﻟﻘﻄﻌﺔ ﺍﺷﻮﻓﻬﻢ ﻛﺪﺍﻣﻲ ﻳﺘﺮﺍﺩﻣﻮﻥ ﻋﻤﺎﻣﻲ ﻭﺍﺑﻮﻱ ﻳﺮﺩﻭ ﺑﺲ ﻳﻠﺰﻣﻮﻧﻲ ﻻﻥ ﻛﻞ ﻣﺼﻴﺒﺔ ﻭﻻ ﺍﻟﺜﺎﻧﻴﺔ ﺗﺴﻮﺩﻧﻮ ﻣﻨﻲ
ﺭﻳﺎ ....... ﻫﻬﻬﻬﻬﻬﻬﻬﻪ ﺣﻤﺰﺓ ﻛﺎﻓﻲ ﻛﺎﻓﻲ ﻭﺍﻟﻨﺒﻲ ﻣﺎﺍﺗﺤﻤﻞ ﺑﻌﺪ ﺍﻧﺖ ﺗﺤﺠﻲ ﺻﺪﻙ
ﺣﻤﺰﺓ ....... ﻭﺍﻟﻠﻪ ﻭﻣﺼﺎﻳﺒﻲ ﻭﻱ ﻧﻮﺭ ﻭﺯﻫﺮﺍﺀ ﺍﻭﻭﻭﻭﻭ ﻭﺣﺪﺓ ﻛﻠﺒﺘﻬﺎ ﻣﻦ ﺍﻟﺤﺠﻠﺔ ﻭﻭﺣﺪﺓ ﻏﺼﺼﺘﻬﺎ ﺑﺮﻣﺎﻥ ﻣﺼﻴﺒﺔ ﺍﻧﻲ
ﻣﺮﺓ ﺷﺎﻳﻞ ﻧﻮﺭ ﺍﻣﻲ ﺗﻔﺘﺮ ﻭﺭﺍﻱ ﺣﻤﺰﺓ ﻋﻮﻑ ﺍﻟﺒﻨﺖ ﺣﻤﺰﺓ ﺫﺏ ﻧﻮﺭﺓ ﻣﻦ ﺍﻳﺪﻙ ﻛﻮﻟﺘﻠﻬﺎ ﻳﻤﺔ ﺍﻧﻲ ﺷﺎﻳﻠﻬﺎ ﻏﻴﺮ ﻫﻲ ﺍﺧﺘﻲ ﺟﺎﻥ ﻋﻤﺮﻱ 7 ﺳﻨﻮﺍﺕ ﻭﻧﻮﺭ ﻋﻤﺮﻫﺎ ﺳﻨﺔ ﺑﺲ ﺗﺄﺧﺮﺕ ﻣﺎﺗﺰﺧﻒ ﻭﻻ ﺗﻤﺸﻲ ﻟﻴﺶ ﻣﺎﺭﺣﺖ ﺍﺷﺘﺮﻱ ﻭﺍﻋﻮﻓﻬﺎ ﺑﺎﻟﺪﻛﺎﻥ ﻭﺭﺣﺖ ﺍﻟﻌﺐ ﻃﻮﺑﺔ ﺳﺎﻋﺔ ﻫﻴﺞ ﻭﺭﺟﻌﺖ ﻟﻠﺒﻴﺖ ﺍﻣﻲ ﺷﺎﻓﺘﻨﻲ ﺳﺄﻟﺘﻨﻲ ﻋﻠﻰ ﻧﻮﺭﺓ
ﻛﻮﻟﺘﻠﻬﺎ ﻣﺎﺍﺩﺭﻱ ﻛﺎﻣﺖ ﺗﻠﻄﻢ ﻭﺗﺪﻭﺭ ﻭﺍﻧﻲ ﻧﺴﻴﺖ ﻭﻳﻦ ﺧﻠﻴﺘﻬﺎ ﻟﻤﻦ ﺍﺟﺖ ﺍﻡ ﺍﻟﺪﻛﺎﻥ ﻛﺎﻟﺖ ﺍﻟﺒﻨﻴﺔ ﻧﻄﺖ ﻣﻦ ﺍﻟﺒﺠﻲ ﻭﺍﻧﺘﻈﺮﺕ ﺣﻤﺰﺓ ﻳﺠﻲ ﻭﻣﺎ ﺍﺟﺔ ﻭﺟﺒﺘﻬﺎ ﺑﻴﻮﻣﻬﺎ ﺻﺎﺩﻭﻧﻲ ﻣﺎﻛﺪﺭﺕ ﺍﺷﺮﺩ ﻭﺍﻧﻜﺘﻠﺖ ﻣﻦ ﺍﺑﻮﻱ ﺑﺲ ﻣﺎﺗﺒﺖ ﺯﺩﺕ ﺻﺪﻛﻲ ﺑﺎﻟﺴﺎﺩﺱ ﺍﻋﺪﺍﺩﻱ ﻳﺎﻟﻠﻪ ﺷﻮﻱ ﺧﻠﺼﻮ ﻣﻦ ﻣﺸﺎﻛﻠﻲ ﻭﺣﺘﻰ ﻣﻦ ﺭﺣﺖ ﻟﻌﻤﺎﻣﻲ ﻋﻠﻤﻮﺩ ﺳﺎﻟﻔﺘﺞ ﻛﺎﻟﻮﻟﻲ ﺣﻤﺰﺓ ﺻﺎﺭﻟﻨﺎ 5 ﺳﻨﻴﻦ ﻣﺮﺗﺎﺣﻴﻦ ﺭﺩﻳﺘﻠﻨﺎ ﺑﺒﻼﻭﻳﻚ ﻣﻮ ﺗﻮﻧﺎ ﺗﻨﻔﺴﻨﺎ
ﺭﻳﺎ ...... ﻓﻘﺪﺕ ﻣﻦ ﺍﻟﻀﺤﻚ ﻳﻌﻨﻲ ﻣﺎﻛﻮ ﻫﻴﺞ ﻛﺎﻣﺖ ﺩﻣﻮﻋﻲ ﺗﺼﺐ ﻣﻦ ﻛﺜﺮ ﺍﻟﻀﺤﻚ ﻭﺑﻄﻨﻲ ﺗﻮﺟﻌﻨﻲ ﻣﻦ ﺍﻟﻀﺤﻚ ﻛﻮﺗﻠﻪ ﻛﺎﻓﻲ ﻋﻠﻴﻚ ﺍﻟﻠﻪ ﺑﺲ ﺍﺭﺗﺎﺡ ﺑﻄﻨﻲ ﺗﻘﻠﺼﺖ ﻭﻛﺎﻣﺖ ﺗﻮﺟﻌﻨﻲ ﻛﺎﻋﺪﻳﻦ ﻧﻀﺤﻚ ﻭﻧﺴﻮﻟﻒ ﻭﺍﺟﺖ ﺑﻨﻴﺔ .............
ﺭﻳﺎ ......... ﻃﺎﻟﻌﻴﻦ ﻭﻣﺘﻮﻧﺴﻴﻦ ﻭﺳﻮﺍﻟﻒ ﻭﺿﺤﻚ ﺍﺟﺖ ﺑﻨﻴﺔ ﻋﻮﺩ ﻣﺤﺠﺒﺔ ﺧﺸﻨﺔ ﻭﻻﺑﺴﺔ ﺑﻨﻄﺮﻭﻥ ﻭﻗﻤﻴﺺ ﻭﺣﺠﺎﺏ ﻣﻄﻠﻌﺔ ﺷﻌﺮﻫﺎ ﻣﻦ ﻛﺪﺍﻡ ﺍﺟﺖ ﻭﻛﻔﺖ ﻛﺪﺍﻣﻨﺎ ﻛﺎﻝ
....... ﺑﺲ ﺑﻼ ﺯﺣﻤﺔ ﺍﻧﺖ ﺻﺪﻳﻖ ﻫﻤﺎﻡ
ﺣﻤﺰﺓ ......... ﺍﻳﻲ ﺍﺧﺘﻲ ﺍﺗﻔﻀﻠﻲ
........ ﺩﺍﺍﺗﺼﻞ ﻋﻠﻰ ﻫﻤﺎﻡ ﻭﻣﺎﻳﺠﺎﻭﺏ ﺑﺼﺮﺣﺔ ﺷﻔﺘﻚ ﺍﻛﺜﺮ ﻣﻦ ﻣﺮﺓ ﻭﻳﺎ ﻭﺍﻋﺮﻓﻪ ﺻﺪﻳﻘﻚ ﺍﻧﻲ ﺣﺒﻴﺒﺘﻪ ﻫﻮ ﻣﺎﻳﺠﺎﻭﺏ ﻋﻠﻴﺔ ﻻﻥ ﺯﻋﻼﻧﻴﻦ ﻣﻦ ﺑﻌﺾ ﺍﺟﻴﺖ ﺍﻃﻤﺄﻥ ﻋﻠﻴﻪ ﻭﺍﺳﺄﻟﻚ ﻋﻨﻪ
ﺣﻤﺰﺓ ....... ﻭﺍﻟﻠﻪ ﺻﺎﺭ ﻓﺘﺮﺓ ﻣﺎﺷﺎﻳﻔﻪ ﺑﺲ ﺍﻟﺤﻤﺪﻟﻠﻪ ﻫﻮ ﺯﻳﻦ ﻭﻣﺸﻐﻮﻝ ﺑﺎﻟﺒﺤﺚ
........ ﺷﻜﺮﺍ ﻳﺎﺭﻳﺖ ﺗﺴﻠﻤﻠﻲ ﻋﻠﻴﻪ ﻭﻛﻮﻟﻪ ﻧﻬﻰ ﺗﻜﻮﻝ ﻣﻮ ﺑﻴﺪﻫﺎ ﺍﻟﺼﺎﺭ
ﺭﻳﺎ ........ ﺍﻟﺒﻨﻴﺔ ﺳﻠﻤﺖ ﻭﺭﺍﺣﺖ ﻭﺍﻧﻲ ﺻﺎﻓﻨﺔ ﻛﻮﺗﻠﻪ ﺷﻨﻮ ﻫﺎﻱ ﺣﻤﺰﺓ ﺷﻨﻮ ﻣﺴﻮﻳﺘﻚ ﻣﺮﺳﺎﻝ ﺑﻴﻨﻬﺎ ﻭﺑﻴﻦ ﺣﺒﻴﺒﻬﺎ
ﺣﻤﺰﺓ ......... ﻣﻌﻠﻴﺞ ﻫﺬﻭﻝ ﻭﺍﺣﺪ ﺍﻧﻜﺲ ﻣﻦ ﺍﻟﺜﺎﻧﻲ ﻫﻲ ﺗﺤﺒﺖ ﻏﻴﺮﻩ ﻭﺗﺴﻮﻱ ﻧﻔﺴﻬﺎ ﻣﺠﺒﻮﺭﺓ ﻭﻫﻮ ﺍﺻﻼ ﻣﺎﺣﺒﻬﺎ ﻭﻳﺴﻮﻱ ﻧﻔﺴﻪ ﺯﻋﻼﻥ ﻛﻮﻣﻲ ﺧﻞ ﻧﺮﺟﻊ
ﺭﻳﺎ ...... ﻭﺍﻟﻠﻪ ﻋﺠﻴﺐ ﺻﺪﻙ ﺟﺬﺏ ﻻ ﻭﻫﻮ ﻛﺎﺷﻔﻬﻢ
ﺭﺟﻌﻨﺎ ﻟﻠﺒﻴﺖ ﻋﻜﺲ ﺷﻜﻠﻨﺎ ﻣﻦ ﻃﻠﻌﻨﺎ ﻣﻦ ﻃﻠﻌﻨﺎ ﻧﺴﻮﻟﻒ ﻭﻧﻀﺤﻚ ﻣﻦ ﺭﺟﻌﻨﺎ ﻇﺎﻳﺠﻴﻦ ﻭﺑﺲ ﺻﺎﻓﻨﻴﻦ ﺣﻤﺰﺓ ﻛﺴﺮ ﺍﻟﻬﺪﻭﺀ ﻭﻛﺎﻝ
ﺣﻤﺰﺓ ...... ﻭﻟﺞ ﺷﺒﻴﺞ ﺷﻮ ﻇﺠﺘﻲ ﻫﻬﻬﻪ ﺷﺒﻴﺞ
ﺭﻳﺎ ........ ﻣﺎﻛﻮ ﺷﻲ ﻫﻴﺞ ﻳﻌﻨﻲ ﺧﻠﺼﺖ ﺍﻟﺴﻮﺍﻟﻒ
ﺣﻤﺰﺓ ........ ﻫﻬﻬﻬﻬﻬﻪ ﺍﻟﺞ ﻳﻮﻡ ﺍﺧﻠﻴﺞ ﺗﻌﺘﺮﻓﻴﻦ ﺑﻜﻠﺸﻲ ﻣﻮ ﺑﺲ ﺍﻧﻲ ﺳﻮﻟﻔﺘﻠﺞ ﺑﻼﻭﻳﻲ ﺍﻧﺘﻲ ﻫﻢ ﺗﺴﻮﻟﻔﻴﻠﻲ ﺑﻼﻭﻳﻴﺞ
ﺭﻳﺎ ....... ﻫﻬﻬﻬﻬﻬﻪ ﻣﺎﻣﺴﻮﻳﺔ ﺑﻼﻭﻱ ﺍﺑﺪ ﺑﻄﻔﻮﻟﺘﻲ ﻫﺎﺩﺋﺔ ﻭﻋﺎﻗﻠﺔ ﻭﻛﻠﻬﻢ ﻳﻜﻮﻟﻮﻟﻲ ﻣﻦ ﻫﺴﺔ ﻣﺘﻜﺒﺮﺓ
ﺣﻤﺰﺓ ........ ﺍﺣﻠﻰ ﻣﺘﻜﺒﺮﺓ ﻭﺍﻟﻠﻪ
ﺭﻳﺎ ....... ﺩﻧﻜﺖ ﻭﺍﺑﺘﺴﻤﺖ ﻭﺻﻠﻨﺎ ﻟﻠﺒﻴﺖ ﺍﻧﻲ ﺍﺻﻮﻡ ﺣﺘﻰ ﺍﻗﻀﻲ ﺍﻟﻄﻠﺐ ﺍﻟﻌﻠﻴﺔ ﻭﺣﻤﺰﺓ ﻣﺎﻳﺼﻮﻡ ﻳﻜﻮﻝ ﻫﻮ ﺭﻣﻀﺎﻥ ﻭﺑﺎﻟﻜﻮﺓ ﺍﺻﻮﻣﻪ ﺗﺮﺩﻳﻦ ﺍﺻﻮﻡ ﻫﺴﺔ ﻳﻜﻮﻝ ﺍﻟﺜﻮﺍﺑﺎﺕ ﻣﺎﻟﺮﻳﺪﻫﺎ
ﺍﺑﻘﻰ ﻛﺎﻋﺪﺓ ﻟﻠﺴﺤﻮﺭ ﺍﻗﺮﺍ ﺍﺗﺴﺤﺮ ﻭﺍﺻﻠﻲ ﻭﺍﻧﺎﻡ ﺧﻠﺼﺖ ﺍﻳﺎﻡ ﺍﻟﻌﻄﻠﺔ ﻭﺑﺪﺍﻧﺎ ﺍﻻﻣﺘﺤﺎﻧﺎﺕ ﻫﻮ ﻳﻘﺮﺍ ﻭﺍﻧﻲ ﺍﻗﺮﺃ ﺍﻟﺒﻴﺖ ﻫﺪﻭﺀ ﻭﻻ ﺗﻌﺐ ﻭﻻ ﺷﻲ ﺑﺲ ﺍﻟﻔﻄﻮﺭ ﺍﻧﻲ ﺍﺳﻮﻱ ﻣﺎﺍﻗﺒﻞ ﻳﺠﻴﺐ ﻣﻦ ﺑﺮﺓ ﻻﻥ ﺗﻌﻠﻤﺖ ﺍﻃﺒﺦ ﻭﻣﻬﺎ ﺗﺴﺎﻋﺪﻧﻲ ﻣﺮﺍﺕ ﺗﻨﺰﻝ ﻫﻲ ﻭﻣﺮﺍﺩ ﻳﺠﻴﺒﻮﻥ ﻓﻄﻮﺭﻫﻢ ﻭﻳﻔﻄﺮﻭﻥ ﻳﻤﻨﺎ ﻭﻣﺮﺍﺕ ﺍﺻﻌﺪ ﺍﻟﻔﻄﻮﺭ ﺍﻧﻲ ﻭﺣﻤﺰﺓ ﻭﻧﻔﻄﺮ ﻭﻳﺎﻫﻢ ﻣﺎﻳﺤﻠﻰ ﺍﻟﻔﻄﻮﺭ ﺍﻻ ﺑﺎﻟﻠﻤﺔ
ﻣﺮﺕ ﺍﻻﻳﺎﻡ ﻭﺧﻠﺼﻨﺎ ﺍﻣﺘﺤﺎﻧﺎﺕ ﺍﻭﻭﻭﻑ ﺭﺍﺣﺔ ﻧﻔﺴﻴﺔ ﻛﻤﻨﺎ ﻧﻄﻠﻊ ﺑﻌﺪ ﺍﻟﻔﻄﻮﺭ ﻟﻮ ﻣﺮﺍﺕ ﻧﺮﻭﺡ ﻟﻠﻤﻨﺘﺰﻫﺎﺕ ﻫﻨﺎﻙ ﻧﻔﻄﺮ ﺍﺣﻨﺔ ﻭﺑﻴﺖ ﻣﺮﺍﺩ ﻭﺑﻠﻴﻠﺔ ﺍﻟﻌﻴﺪ ﻃﻠﻌﻨﺎ ﻧﺘﻮﻧﺲ ﻭﻧﻔﺘﺮ ﻟﻬﻨﺎﻙ ﻭﺍﺷﻮﻑ ﺍﺧﻮﺍﻧﻲ ﻭﻋﻮﺍﺋﻠﻬﻢ ﻇﻠﻴﺖ ﺻﺎﻓﻨﺔ ﺟﺎﻧﻮ ﻣﺮﺍﺩ ﻭﻣﻬﺎ ﻣﺨﺒﻮﺻﻴﻦ ﺑﺄﭬﻮﻧﻲ ﺯﻋﻞ ﻭﻇﻞ ﻳﺒﺠﻲ ﻭﻳﺴﻜﺘﻮﻥ ﺑﻲ ﻭﺣﻤﺰﺓ ﻳﺤﺎﺟﻴﻬﻢ ﻭﺟﺎﻥ ﻻﺯﻡ ﺍﻳﺪﻱ ﻣﻦ ﻭﻛﻔﺖ ﺩﺍﺭ ﻭﺟﻬﻪ ﻋﻠﻴﺔ ﻭﻛﺎﻝ
ﺣﻤﺰﺓ ....... ﻫﺎﺍﺍ ﺷﺒﻴﺞ ﻟﻴﺶ ﻭﻛﻔﺘﻲ
ﺭﻳﺎ ........ ﺣﻤﺰﺓ ﺍﻣﺸﻲ ﻧﺮﺟﻊ
ﺣﻤﺰﺓ ...... ﺷﺒﻴﺞ ﺭﻳﺎ ﺣﺒﻴﺒﺘﻲ ﻟﻴﺶ ﻫﻴﺞ ﺧﺎﻳﻔﺔ ﺑﺎﻭﻋﻴﻠﻲ ﻭﻳﻦ ﻋﻴﻨﺞ
ﺭﻳﺎ ........ ﻋﻴﻨﻲ ﻋﻠﻰ ﺍﺧﻮﺍﻧﻲ ﻭﻫﻮ ﻳﺤﺎﺟﻴﻨﻲ ﺩﺍﺭ ﻭﺟﻬﻪ ﺑﺎﻻﺗﺠﺎﻩ ﺍﻻﻧﻲ ﺍﺑﺎﻭﻉ ﻋﻠﻴﺔ ﺷﺎﻓﻬﻢ ﻛﺎﻋﺪﻳﻦ ﻛﺎﻝ
ﺣﻤﺰﺓ ....... ﺗﻌﺎﻟﻲ ﻭﻳﺎﻱ ﻭﻣﻌﻠﻴﺞ ﺑﻴﻬﻢ ﺍﻣﺸﻲ
ﺭﻳﺎ ....... ﻟﺰﻡ ﺍﻳﺪﻱ ﻭﻣﺸﻴﻨﺎ ﺍﺧﺘﻨﻜﺖ ﻣﻦ ﺍﻟﻌﺒﺮﺓ ﺑﺲ ﺷﺴﻮﻱ ﻇﻠﻴﺖ ﺑﺲ ﺍﺑﺎﻭﻉ ﻋﻠﻴﻬﻢ
ﺣﺎﻭﻟﻮ ﻳﻐﻴﺮﻭﻟﻲ ﺟﻮ ﻣﺎﻛﻮ ﻣﺎﺩﺍﻡ ﻛﺎﻋﺪﻳﻦ ﻛﺪﺍﻣﻲ ﻇﻠﺖ ﻋﻴﻨﻲ ﻋﻠﻴﻬﻢ ﺧﻄﻴﺔ ﺧﺮﺑﺖ ﻭﻧﺴﺘﻬﻢ ﻭﻃﻠﻌﺘﻬﻢ ﺑﺴﺒﺒﻲ ﻭﺭﺟﻌﻨﺎ ﻭﺍﻧﻲ ﻇﺎﻳﺠﺔ ﻧﻤﺖ ﻭﻛﻌﺪﻧﺎ ﺛﺎﻧﻲ ﻳﻮﻡ ﺍﻭﻝ ﺻﺒﺎﺡ ﺍﻟﻌﻴﺪ ﻃﻠﻌﺖ ﻣﻦ ﺍﻟﻐﺮﻓﺔ ﺍﻟﺴﺎﻋﺔ ﺏ 8 ﺣﻤﺰﺓ ﻫﺴﺘﻮﺓ ﺩﺧﻞ ﺷﻔﺘﻪ ﺍﺑﺘﺴﻤﺘﻠﻪ ﻭﺭﺣﺖ ﻋﺎﻳﺪﺗﻪ ﻛﻮﺗﻠﻪ ﻛﻞ ﻋﺎﻡ ﻭﺍﻧﺖ ﺑﺎﻟﻒ ﺧﻴﺮ
ها شلونه البارت 🤕
🚸💜
لحد ينسى التصويت والتعليق😘💘
، 💙💛
سؤال :مع ام ضد الكشمش ب تمن😂
ملاحظة / بس يوصلن التعليقات لل ٥٠٠ هسه انزل ما انتضر لثاني يوم وبكيفكم بعد 😁💘💛