اسيرة قدرك

البارت 59

اسيرة_قدرك..
بقلمي رسل..
البارت التاسع والخمسون..
واتباد rasolaa7

وٲنة وياك
واحد وَطن
للثاني..

-شوي واجه مهاب وساند نورهان الي
مضمدين راسها ركضت عليها واخذتها
منه..

-وهنا مهاب رجع تخبل من جديد
صياح وفشاير يدور على سمر وليد وكف
يحجي ويا وجان يطلع زيد يركض
وبيده حديدة..

-ركضوا عليه ارفد وأصدقائه و منعوا
يتهجم عليهم ارفد دخله للبيت وما قبل عليه
صاح بي.. تريد تفضح اختك انت واني
حتى جماعتي ما يدرون جذبت عليهم بغير
شيء..

-كم ساعة و فعلا جارهم الي ضحك على
سمر اخذ عائلته و قفل بابهم  وراحوا ارفد
كال هذا جبان بتهديد واحد طفر يعرف بس
يضحك على بنات العالم وهن مثل الهوش
بسرعة يصدكن..

-مهاب عصبي بشكل يمكن لو سمر موجودة
جان ماتت على ايده و نوب كملها ويا زيد
الي مفرفحة روحه وهو يحجيلهم..

-الله رجعني البيت وشفتها انتم ما شفوا
شلون لحت عليه  زيد تتاخر
وشوكت ترجع وين رايح النذلة طلعت لاعبتها
صح ومخليتنا وره ضهرها..

-خفت عليها وضل بالي يمها ورجعت
واشوف البيت فارغ بقيت ادور عليها اخر شيء صعدت واشوف هل شوفه..

-مهاب التفت على امه وحجه باعصاب.. هي
هاي  تربيتج وتربية خواتج ذيج مو ناز عبن متربيه يم ابويه احسن تربية تفكر بس بمستقبلها ومحد يضحك عليها بس هاي لا طيحتي
حضها..

-حجه هواي وهي خطية ساكته بعدها
كال وينها هسه تحجون وين وديتوها..

-حجه ارفد .. وينها  تريد تعرف مو حتى
تفضح نفسك اكثر معليك بيها بامانتي..

-مهاب اعترض.. اختي واريدها اربيها 
بامانتك شنو هسه تحجون لا احرك  البيت
عليكم..

-نورهان راحت يمه.. مهاب كافي الله يخليك راسي راح ينفجر شكد صيحت ما راح
ينحل الموضوع اذا تبقى هيج..

-هو باوعلها بقهر و باس راسها..  عساها ايدي نكسرت ولا جايه بيج الضربة مو الج كون
لذيج الادبسز بس ما ادري شلون وكعت بيج..

-ارفد ترخص وطلعت ورا ام مهاب
قبلها همستلي.. انتي و اختج لهنهم ما اريد
يطلعون وراه و يندلونها بس خلي اودي
على بيت صديقتها وارجع..

- مهاب نورهان اخذته للغرفة يمها
بحجه راسها و بقى زيد رحت يمة.. مهرة كلش مصخنه بلكت تجيب شراب قبل لا يعزلون..

-هو طلع و ارفد وام مهاب راحوا
اخذوا سمر وراحت ويه ارفد لبيته تبقى يم
زوجته..

-يوم عشنا بتوتر و قلق نوب مهاب طلع
لامه بسالفة لازم نكول لابوي..

-وهي خطية فرفحت روحها.. ولك مهاب
استر اختك امي حرام تشهر بيها ونوب ابوك ما تنعرف ردة فعلة وهم يرجع عليها و ننفضح غلطت وصغيره بعدها اني اطيح حضها بس
يمه لا تحجي لابوك..

-هو صاح.. صغيرة شنو بس كولي خفيفة
كولي عقلها  مشغلته بسوالف طايح حضها..

-كوه قنعته يسكت و ارفد هم يعرفونه ثقة
ما يحجي ابد..

-مر كم يوم بين القلق و الولد كوه امهم
تهديهم من يسالون عنها وأسر ولا يتصل زعلان واني ملتهيه مالي خلك اخابره بس يتصل على مهاب يسلم ويسال علينا عرفته زعلان مني
بعده لان ابد ما يتصل عليه..

-اليوم مجتمعين كلهم و مخبوصين لان
راح يجي ارفد و بعد ابن اخت ام سر هذا
ابن اختها الثانية اسمه سامر هو الظاهر
سامع من ارفد عن الموضوع لان شوي
وحجه وياهم كالهم البنية غلطت واكيد تندمت وحسب ما عرفت من ارفد هو طايح حظ
ويضحك على عقول البنات واني احجيها
الكم من الاخير البنية من زمان رايدها
مو قصدي مخلي عيني على عرضكم لا وداعتكم
بس شايفها كم مرة و كلت بس تكبر شوي
اني اطلبها منهم وارفد يعرف بهذا الشيء..

-ويابه اني اليوم جاي اعرف منكم اذا
تنطوني مرة اعتبروني جايب اهلي واتقدم و
الحمد لله من السالفة مطلعت وترى ارفد حجاها بس الي واحنا اهل خاف يضل بخاطركم اني الي لحيت عليه اعرف بعدما لمحلي اخطب ولح
تالي عرفت..

-مهاب كال.. والله ونعم منك ما يصير
خاطرك الا طيب و انت واهلك على راسنا
هلا بيكم..

-بعدها اتفقوا  انو سمر لسامر  رادوا يلملمون سالفتها لان مهاب يريد يخلص عليها هو
اترخص منهم  و مبين فعلا فرحان يمكن
صدك جان رايدها..

-ارفد حجه ويه ام مهاب وكاللها امشي ويايا لبنتج نحجي وياها هاي لا اكل ولا شرب راح تنتهي
انتي اقنعيها هي لبست عبايتها وراحت ويا..

-اسر محد كاله على شيء مهاب كال
من ينزل اني احجي ويا لان اعرف خالي
يتخبل اذا احد ضم عليه شيء..

-من رجعت ام مهاب جانت مقهورة من وعلى
سمر من حاجين وياها على سامر
هي ضاله تعيط..

-ما اتزوج ولا اريد سامر
سامر ما اريده تالي امها  ضاربتها..

-تحجيلي بقهر.. ولج ريا فوك صخام وجهه  متريد سامر  وهو الف وحدة تتمناه رجال
ومعدل بس وكفته ويانا وشلون حجه ويه
اخوانها تسوه راسها..

-تالي امها جابرتها على سامر لان  خافت منها تسوي الاكبر من هالشيء..

-انقهرت عليها ابد مو حل الزواج اجباري
لان ما راح يتفاهمون بس مجان عدهم
حل ثاني وامها بس تريد تخلصها من مهاب..

-تالي من بعد كلام و ام مهاب ترزل بيها
اتفقوا على الخطبة وانو اتم بيت جدها اهل اسر..

-مشت ايامنا عادية بس يسودها القلق
والنفسية الي متدمرة من وره سمر مهاب
خطية حاير بنورهان و هو منا منتهي هو
وزيد من وره سوالف سمر بس امهم تهدي
بيهم..

-كعدت الصبح واني كلبي يم اسر مشتاقتلة
هواي اليوم يجي وينور بيته شايل هم وخايفه
منه لان زعلته على شيء تافهه..

-من كعدوا شوي وطلبت من مهاب يرجعني  لبيتي ما قبلوا.. لا يا بيت اني اريد خالي
يجي هنا اريده بموضوع سمر..

-ام مهاب هم ما قللت كالت اريده يقنع ابوها اخاف يعترض.. سكتت و بقيت انتظرة..

-كم ساعة ودخل علينه شكد مشتاقه لهل طول والوجه احس صار اشهر ما شايفته عيني عليه كالب الشعر ليوره ولابس بدي زيتوني
طالع حلو حبيبي شكد مشتاقتله..

-اتلكته ام مهاب تسلم عليه ومهاب اني اجيت اسلم عليه بس انقهرت وجهه ثكيل عليه  اتقربت ابوسه هو بس حضني حضنه خفيفة وكال شلونج رجع كعد ولا كانو مشتاقلي..

-طلعت روحي بتصرفه باس الكل وام مهاب من راسها واني لا أعصابي صارت عبارة عن نار
يعرفني شكد اضوج من يبوسهم من راسهم
واني لا وتالي يقهرني اخذ البنات ويحضن بيهن كدامي واني كلبي يغلي من القهر..

-طلعت نورهان سلمت عليه هو باوعلها
بصدمة.. شبيج خويه هاي شصاير..

-مهاب بسرعة حجه..  خالي اني افهمك
بس هو حسيته ضاج صاح.. لك مهاب اخاف انت ضاربها كواد..

-مهاب حجه.. خالي شو سويتني كواد هسه انت
شفهمت مو كتلك افهمك..

-هو باوع عليهم.. شصاير شضامين عليه
والبنية منوا سوه هيج براسها..

-هم حجوا اله السالفة بس هو جان قمة البرود
و يستمع الهم كم كملوا كالهم..

-انطوها لسامر معدل وين تلكون مثله
وهذا كله صوج ابوها الي هاجركم  العار
ما يدري لا بيته ولا بخلفته..

-مهاب حجه وجان مستنكر كلام خاله
على ابوه..  لا خالي  امي متعرف تربي وهذا كله نتيجة دلالها الي طلع عيون سمر وخلاها تدك هل دكة الناقصة..

-اسر صاح بي بغضب.. الكواد شلون يحجي
حجي اكبر من راسه لعد منو سواك بكد الثور بيضت عيونها لحد مكبرتكم وطلعتكم اوادم
وهسه جايني صوج امه..

-مهاب زعل من اسر وشوي اشتد بينهم الكلام
هو كللهم بتكم عدكم ما مسؤول عليها اني ذاك ابوها و هو يقرر..

-اترخص منهم والتفت على ام مهاب.. معليج
بكلام هذا الساقط و اني حاضر شتحتاجين
بس كولي وتدللين بعد اخوج..

-زيد جلب بي يبقى هو ما قبل.. لا خالو رايح لبيبيتك ابات يمها اليوم..

-باوعت عليه بس هو ولا كانو شايفني دغيت ام مهاب تسأله وريا؟!..

-هي سألته عني هو مجاوب تالي كالت  خويه لعد عوف ريا والبنات  يمنه نو كال عوفيهن احد كال خل يجن رايح لهلي ما راجع للبيت وخل اداري اختها حجاها وطلع..

-جنت افرك بايدي دليل على انو أعصابي وصلت آخر مرحلة ويا نورهان انتبهت عليه..ريا
انتي مريضة على كيفج ويه نفسج خلي يروح شنو يعني قابل هسه انتي بالشارع بعدين ابقي يمي
اني احسن من ذاك العصبي..

-حسيت نفسي اختنكت دمي يفور  رحت لغرفة نورهان واني اروح واجي لزمت جهازي و ضربته  بالكاع تفلش واغلط على نفسي
امداني واحبه الأناني حتى ما يباوع بوجهي
صوجي اني الي منتظرته من الصبح وهو
ولا كانو اني كباله..

-طلعت كعدت يم مهاب هي حجت باسى من
شافتني عصبية.. ريا اتحملي ولج اتحملت ضيم محد شافه وتاليها باعني وراح عايش يم أهله
وهاي كدامج بعدما تعبت و وصلتهم ابني
قبل الغريب يذب اللوم عليه خليج صبورة..

-ليش بعد جم دوب اتحمل مو حتى صبري
خلص عفتها ورحت يم نورهان واني حتى
روحي ما طايقتها وهاي خطية بقت تهدي بيه..

-ريا كلبج مو زين عليه وانتي بس تحمسين
بروح خل يولي شبيج يرجع وهو الي يبوس
ايدج بعدين انتي مو زعلانه شكو بعد تردينه..

-اجه مهاب اني  رحت بغرفة سمر
خليت راسي على المخدة واني روحي تعبانه ومقهورة بجيت هواي تارة اكول مو اني الي
زعلته وتارة انقهر من معاملته الي اليوم
و كانو وجودي ملغي..

-لليل اندك باب الغرفة فتحته طلعت ام مهاب خفت كتلها صاير شيء؟!..

-هي ابتسمت بوجهي..ماكو شيء بس حضري نفسج اسر جاي يكول آدك عليها ومغلق
جهازها وخابرني جاي ياخذج..

-ما اروح مو لعبة بيده اني شوكت ما يعجبة
يروح ويرجع ولا كانو مسوي شيء هو
مو كال خلي تبقى شكو راجع عليه..

-ريا لا يروح يضربج هسه اله تسوين
مشكلة حضري نفسج يا عيني..

-اي هو متعلم.. عاندت انو مااروح وهي تقنع
شوي ودك جهازها باوعتلي.. اكيد وصل
يلا لا تخلينه يهوس علينا..

-ركضت على الجربايه وسويت نفسي
نايمة ما اريد اشوفه وهي راحت تفتح الباب اله..

-حسيت عليه اتقرب يمي صاح.. ريا كومي نرجع ماجاوبته هو اتقرب اكثر حضني وخله
راسه بركبتي..

-امشي يروحي لا تعبيني يلا كومي.. عفته يحجي
ولج بلا صلافه امشي مشتاقلج من ما جاوبت
هو باسني دفعته وحجيت بقهر..

-وخر مو لعبة بيدك ابقي تعالي انت مو كلت
لام مهاب خليها تبقى هنا شكو جاي عليه..

-اش لج احس امشي ومتيه روحي يلا كافي
عاد كومي شنو انتي جنت ضايج منها عود
تالي ضجت لان ما احذتها بحضني كومي
حبيبتي مشتاقلج..

-كمت لبست صايتي واخذت غراضي هو شال البنات كلت لام مهاب باجر اجي على نورهان..

-صعدت وهو يشاقه ويحجي..بلا تمثيل مو عفتني ورحت..

-انجبي ماعفتج جنت ويا ارفد وسامر وهذا بعد يومين يجيب أهله بس وجهه يطيب وتروح
اثار ضرب زيد الها..

-احبها لسمر غلطها الجبير من تختلت  بالسطوح ويا رجال بكد ابوها لو الزمها افصل راسها هل 
ادبسز على هاي سوايتها..

-صغيرة وغلطت حرام تجبروها خطيه
احجوا وياها علموها اقسوا عليها بمعاملتكم
وياها بس مو تجبروها خطية اسر احجي وياهم وياسر عصبي خاف ما يتوالمون..

-معليج انتي ابوية اهلها يعرفون يتصرفون وياها لزم ايدي.. اي ست ريا وهسه احجيلي وين طبيتي وين طلعتي من اني مو هنا..

-مطلعت لمكان هو رجع حجه..  متأكده ؟!..

-جاوبته اي.. خفت لو يدري بيه من رحت
لصديقة سمر يضل يحجي  وصلنا نزل
البنات ودخلنا..

-نومتهن ورحت بدلت هو جان يسبح
دخل للغرفة اني ركضت حضنته وخليت راسي على صدره.. شكد مشتاقتلك..

-حضني واني اكثر حبيبتي  احبج بقى يعرف شلون يطلع اشتياقه بالغزل أخذني لعالم حبه وضعت بحضنه الدافي..

-خليت راسي على ايده وحجيتله على كل الي صار بيت ام مهاب هو  صار عصبي طلبت منه اروح يم نورهان هو كال لصبح اني اخذج..

-الصبح رحنا عليهم وجان ابو سمر موجود
ما مفهمي السالفة بس كايليله سامر
يريدها واحنا وافقنا لان كشفها اخوها
تحب اخو صديقتها..

-ابوها جان متخبل من سامع بيها وتالي قانع بسامر من بعدما شاف ولده مقتنعين بي
وهم الي قنعوه عليه..

-نورهان كالت اسر اخاف ضربج البارحة؟!..

-لا زعل حبايب وصالحني..

-وره الغدة وأسر كال.. امشي انتي وام مهاب لسمر شوفوها..

-رحنا لبيت ارفد وتلكتنا مرته تجنن عبالك لعابه و محبوبه كلش ملاكاها حلو شفنا سمر  وشوي خاف الزراك بوجهه..

-ليش هيج سويتي مو حجيت وياج مو كتلج
ما يفيدج؟!..

-حجت بقهر.. ضحك عليه ابد ما جنت متوقعته هيج انتي ما تدرين شلون جان يحجي وياي
لو شلون وعوده تالي ريا ضحك عليه..

-حضنتها.. المهم تتعلمين من غلطج وسامر
حلو وشخصية الله عوضج بي ويحبج مبين..
احجي وياها وهي لا حول ولا قوة مضطره تقتنع انقهرت عليها اسر ما سلم عليها وهي خجلانه منه صاح بيها.. لمي غراضج بساع..

-هي لمتهن وطلعنا اخذنا  ام مهاب البيتها
بس سمر اخذناها ويانا لان عكب باجر خطبتها..

-بقت يمي ضليت اقنع اسر يرضيها خطيه انقهرت عليها جانت مقهورة كلش هو اجه باس راسها.. ولو اني هسه اريد بس الزمج اكسرج
بس ما تهونين على خالج..

-هي حضنته وبقت تبجي بصوت هو هم
شبكها.. كافي خالو تعرفين معزتج بس غلط السويتي بلا نفسج ما فكرتي بيها لان لو مفكرة
جان ما سويتيها بس ما فكرتي باهلج باخوتج
الي اذا نفضحتي راح تنزلين روسهم..

-هي جانت بس شابكته و تبجي اخذتها
حاولت اغير نفسيتها حفيتلها وجهه  وشسورت شعرها و اسر ما عافها حبه غلب على غضبه
منها وهي هم زيد ما جان مقصر وياها
بس اسر اكتفى برزالتها وبعدها حجها وياها..

-اجه يوم خطبتها ما عزموا  احد بس اهلها وخالاتها سماح همزين مجتي لان جانت
يم بيت خالها   نورهان عدها فستان لبسناها ومكيجناها هي حلوة جنها هنديه سمره وعيونها حلوات خالاتها ميعرفن شنو السالفة محد
حجه الهن لان يتشمتن بام مهاب بس عمتي
اسر كايللها..

-اجوي بيت سامر دخل هو كاشخ و جايبين كم
زلمة  وياهم وامه وخواته والسيد..

-اتفقوا وبعدها عقدولهم  هو جان  فرحان بيها مهاب على اعصابه بس الحمد لله عدا اليوم
على خير رغم حزن سمر وعدم فرحتها..

-اسر كالهم  تبقى يم بيبيتها مترجع هناك مهاب يموتها عوفوها لما يصير العرس وتروح
خلي اخوها يهدا..

-حددوا  موعد العرس اقل الشهر وياخذونها
لبيت رجلها شوي ورجعنا للبيت..

-اتصلت على سرى  اسال على فارس
كالت عمر مبتلي بي بس هو يعاند شالع كلبه
دعيتله ربي يشافي ويهدي ويبعد عنه الشر..

-كم يوم مر حياتنا شوي هدوء
بالليل جنت مشغلة التلفزيون وكاعدة على مسلسل دخل اسر باسني وجايب حلويات
كومي رتبيهن.. رحت حضرتهن  واجيت يمه هو مبتسم باوعتله مستغربة كعدت هو كال..

-حبيبتي رتبي وضعج بعد شهر مسافرين باجر نروح نكمل الجوازات وارتب وضعي..

-وين.. حجيتها هو ابتسم كمل طلب لجوئي
حضني خلينا نسافر علمود نسويلنه طفل هناك..

-اسر تحجي صدك وين نروح اهلك واهلي خطيه
بعدين شلون نعيش بالغربة..

-اعرف فراكهم صعب بس هي فرصة واني مخطط بيها لهواي شغلات وصار هواي
منتظر هاليوم ولا تهتمين نرجع  هنا زيارات طويلة لعيونج..

-دمعت عيني.. الغربه تكتل هو باسني
لج جماعتي يتمنوها وكوه حصلتها صدك
تحجين خلي نطلع شوي وتتعودين..

-وشغلك شلون تسافر؟!.. هو كال بلكي
اشوفلي واسطة واذا كلش وكفت على شغلي
اقدم استقالة..

-ما اكدر اعترض بعد واني اشوفه فرحان
رغم ضجت الغربة صعبة..

-الصبح  بدلت نروح نطلع جوازات اسر فرحان لان جماعته يسووله واهس وهيج العيشة حلوة
و شلون يحجون عن الامان و الاوضاع شلون تختلف عن هنا.. كعدني على مصطبة  وراح يستنسخ  اجه ولد شاب كعد بصفي  هو اسر شافه لو عيونه صارت تجدح اجه حجه بحده ويا خويه بلكت تكوم شفتها مره كاعدة اجيت
وركضت هنا..

-اخزر بي اريد ماكو غيرته كلش الولد خطيه اخرس ضل يأشر تعذر وكام انوب انقهرت
عليه ما طلع كبال الا اسر..

-رجع صاح  بيه..  انتي ثوله شبيج ما عرفتي تكليله لا تكعد..

-شبيك اسر شدراني قابل اعرفه هسه
هو شسوه.. كومني رحنا كملنا المعاملة انطونه موعد يصير بيها الاستلام رجعنا واحس روحي طالعة معقولة اعوف اهلي ونعوف هالوطن
ونعيش بمكان يختلف وما نعرف شيء هناك..

-مشت الايام واني نورهان الي مهونه عليه تجي يمي لو اروح يمها بس مكلت لاحد اسر كال
من نكمل كل شيء..

-كملنا كل امورنا وكال راح اكلهم بعد
صار الوكت..وديني لا اهلي حباب صار
هواي ما رايحة.. هو اخذني و نورهان وداها مهاب شايله هم شلون اكلهم رحت شفتهم
واني روحي تعبانه من هسه عليها..

-كتلهم و فارس يباوعلي بقهر حضنته وابوس بي هو باسني بس خامل وروحه مو مثل قبل تضحك حتى ويايه جان لا يسولف ولا يضحك
تعبان كلش..

-امي تبجي عليه بقيت اهدي بيها و اضحكها
ترى اخذج ويايا وهناك اخليج ترجعين ثلاثينية صاكة وحلوة..

-هي كالت شو متسكتين يمه هو انتي هديتي
حيلي بهاي سالفتكم وين ترحين عني
واني شلون اعرفج هناك مرتاحة لا محتاجتنا
هو اني هنا وكلبي يمج..

-بوستها سرى ضحكت الله ربج راح تشبعين ونسه كم يوم راح تبقون..

-تنهدت  شلون اشرحلهم خطيه كتلهم لا راح اسافر كم سنة ويمكن نبقى هناك امي ضربت على خدها وبسرعة نزلت دموعها ونورهان كالت لاتتخبلين هو هذا شقى..

-زادوا القهر عليه.. لا يا شقى بس غير
اسر صار متمني هالشيء..

-الحزن و الكابة غيموا عليهم انقهرت كلش وماما كوه سكتتها واقنع بيها ضلت تدعي متصير كالت يمه وين رايحه العيشة صعبه..

-ماما اسر مرتب كل شيء وخطية فرحان..

-هي بجت وتعوفيني اهون عليج؟!.. حضنتها
اني اغلى من روحي يا تهونون غير روحي
مفرفحة عليكم..

-دكت عليه ام مهاب.. راح يجيج زيد وخاله ياخذكم تقصد حماية الجبير بسرعة تعالي
ويا..

-حجيت بخوف ليش شكو؟!..

-كالت امي اسر كايللها على موضوع السفر ومرتفع عدها الضغط و متخربطة....

يتبع....

البارت بدون مراجعة غلسوا ع الاخطاء..

اللهم صل على محمد وال محمد❤️