اسيرة قدرك

البارت 58

اسيرة_قدرك..
بقلمي رسل..
البارت الثامن والخمسون..
واتباد rasolaa7

طبعا نشرت اكثر من مرة ما اعرف
شبي الواتباد قبل ساعة من كملته..

يا مملوح
يا ريعان عمري
شزعلك وياي..

-لج ابويه انتي شلون تبقين وحدج
والله اخاف عليكم اتصلت على امي شوي
وتجي يمج..

-سديته منه شوي وندك الباب طلعت
فتحته دخلت عمتي وراها  ام دنو وبنتها..

-اني شفتها واني تخبلت والله تعبت منهن
هن مو ما يردن ريا شكو كل يوم كاعدات على
كلبي دخلتهن جوا واني روحي طالعة من
جية ام دنو..

-اخذت جهازي واني حتى اسر كارهته دزيتله
رسالة.. انت ما تعوفني مرتاحة ابد لازم
بكل شيء وخليت اهلك كتلك عوفني شنو عليه
هسه لو الا انغث ويطيح حضي يلا ترتاح.. دزيتها و ذبيت الجهاز..

-ام دنو جانت يم الثلاجة سدتها والتفتت عليه..

-اكلج باجر دنو تبقى يمج واخد ريا وياي
صديقاتي يردن يشوفنها..

-تبقى نايمه ريا وخاف تضوج وهم تضوجج.. حجيتها هي كالت اي اكعدها اني لا معليج
خليها تتونس وياي..

-تنهدت و عفتها شكد اكرهن هي وسماح
بس الصراحة هن يحبن بناني والبنات هم
ما يستغربن منهن ولا يضوجن..

-حجيت ويا خاله شويه واترخصت دخلت غرفتي لكيت اسر داك ودازلي رسالة.. ريا رحمة على والديج لاتعبيني واني طايح حضي هنا ما
جاي العب هن كم يوم و ارجع اتحملي حبيبتي زعلج ميهون عليه..

-شمرت التليفون اصلا هالفترة كلش مو طايقه احد واريد بس مشكلة ويا اسر مللني باهله كلمة وثانية اهلي وهم اهله ياريت محترمين نفسهم
اشو حتى صحتي راحت من وراهم..

-عفته ما جاوبت كافي ذلة وكرامة معدومة
وهو بس بالحجي فالح وكل مرة اوكع بمصيبة
ونفس الشيء خليت راسي على المخدة وانفجرت بجي اعتب على حضي الي تعبني لو ماخذه
واحد بعمري يفهمني يمكن ما جان عشت هالعيشة يمكن جان هسه حياتي غير وتفاهم
ويمكن مو عصبي ولا غيرته بخبال ضحكت
على روحي من بعدما ارتاحيت من بجيت
هذا هو بعد شسوي رغم هو وياي زين
بس اختنك من هيج يسوي ويفرض اهله
عليه اني مو نحسه بس خلصت طاقتي من
مكايدهن و بلاويهن..

-دكيت عليه نونه جاوبتها وحجيت وياها
هي كالت باجر نجي يمج..

-هلا بيكم.. دعيت الله يسعدها ويا مهاب
صح عنده خبالات من خالة بس هواي احسن
والحمد لله على هذا الشيء هو حتى عصبيته
بضحكة وراها بشوي يبدل ويضحك..

-الصبح كمت كعدت ريا غسلت الها وضليت ابوس بيها كبرانه حبيبتي وصايره تخطي خطوات صايرة تنكرط كرط لبستها نفنوف ابيض وأصفر ورتبتها و اخذتها عمتها
وياها وصيتها عليها..

-بعد ما رجعت انام كمت نضفت وراي
طبخ الغدة هم دك اسر.. صباح العافية
يعافيتي..

-صباح النور حجيتها بنبرة واحد ضايج..

-شبيج ليش هيج تحجين بعصبية؟!..

-ماكو شيء حجيتها هو بقى يلح..

-كافي شكد تسأل مو زعلانه عليك.. هو جاوبني على راحتج ابويه الظاهر كلش مخبله اليوم
سلم و سده..

-احسن هيج لان لو باقين نحجي شوي بعد نتعارك سويت ريوك ودنو تدلل عليه اريد هيج وهيج آخر شي طفرت روحي خزرتها هي سكتت
وره شوي اجوي نورهان ومهاب سلم على بيبيته ويا دخلتهم اجتي ام دنو نونه تتخبل منها طبيعة نورهان متبوس اي احد تكرهه سلمت عليها من بعيد بقت هنا دك جهاز مهاب كال هذا خالي
بقوا يحجون اني اخذت نورهان ورحت للغرفة
هي بس دخلت صاحت.. اوع شلون جارعتهم شجابهه هاي الغثة يمج..

-ضحكت.. شسوي مثل ما انتي جارعه مهاب..

-لا عيني ابو فضل نبض الكلب هذا ويختلف
لا تخليني اخلصج عليج..

-ضحكت عليها اعرف شلون استفزها..
الله يخليلج ابو فضل نتشاقه عيني..

-بعدها اتصلنا على سرى سألتها على فارس
هي كالت.. تعبنا من فارس يشرب ويهوس وعمر حاير بي لا ينام وحتى دوامه عافه باقي
يمه ومنا فارس وتمارة مو صلح كل شوي يتعاركون وهو تعبان وهاي خبيثة لا تعوفه
بحاله ولا ترحم بي مريض..

-تنهدت بقهر.. حسبي الله عليج تمارة شكد
حاقدة..

-بعد العشة جنه كاعدين ونسولف مهاب حجه..

-يلا ريا ويانا تجين خالي كال اخذوها يمكم
لا يبقون بالبيت وحدهن ضوجة..

- لا ما اكدر عمة يمي وام دنو هو ما قبل
كال خالي يصير عصبي امشي احسن
بعدها نورهان هم توسلت نروح وياهم..

-عمتي كالت روحي يمهم واني ارجع لشقتي متعلمة على فراشي ومكاني..

-كمت لميت غراضي ورحت وياهم مهاب وصل بيبيته وام دنو للشقه وبعدها رحنا لبيتهم
نورهان فرحانه بينا وصلنا و اتلكتنا ام مهاب تبوس وترحب سمر اجتي باستني.. الله جابج ولج ضوجة وهم ردت استشيرج بموضوع همست
حتى محد يسمعها..

-دخلت وبقيت ويا البنات نسولف ونورهان لزكت يمنا مهاب كل شويه وجاي عليها يريدها
وهي تكله هسه آخر شي عاط بيها.. لزكتي خوما لزكتي امشي ادبسز ادري اني اعرف العروس
تلزك بغرفتها مو تكابل اختها..

-شالها شيل هي نورهان رشيقة بس طويلة
وهو ناصب عليها يكلها عبالك شايل زرافة
وهاي طنكرت عليه واحنا نضحك عليهم..

-من راحوا سمر اقتربت مني ريا اريد
احجيلج شيء..

-جنت صافنه عليها و منتظرتها تحجي اشو هاي
صدمتني من كالت.. ريا اني احب واحد ابد
ابد ميرهم عليه بس احبه مو بيدي..

-شلون صدك تحجين انتي؟!..

- شوفي مو هو جبير وبكد بابا بس احبه..

-ضربت على خدي.. شتحجين سمر يا حب
هذا ولج شلون هيج تسوين..

-بعد حبيته مو احنه جيرانه اهل نطب عليهم
ويطبون علينا وعلاقة حبيت اهتمامه بيه وخوفه عوضني هواي ريا عن اهمال اهلي انتي
تدرين بابا اشوفه بصدف وحاير بنفسه وبالبخل وماما حايره بنفسها وتحب تشوف نفسها حلوة وصغيرة رغم ما مقصرة وياي وهي صديقتي وناز كل وين يله اشوفها..

-اني حجيت وياج لان محتاجه لنصحية لو احد يرسيني وانتي اقرب وحدة الي..

-زين احجيلي عنه.. كالت هو عنده بنيه بكدي وثنين ولد واحد بالجنوب و متزوج وعايش يم اهل مرته واحد هنا وهو زوجته بكد ماما بعدها حلوة بس هو وكع بحبي واني هم حبيته..

-حرت شلون انصحها وهي عافت الكل
والتجأت الي وخفت عليها تظلم نفسها.. حبيبتي
سمر لا تبررين لنفسج بسبب اهمال اهلج
انتي واعية وتفتهمين وهذا الشيء غلط ما فكرتي
بنفسج لو باهلج و انتي مو جاية تكولين نصحيني
نصيحتي الج عوفي هذا ما يفيدج وبقيت احجي وياها تعوفه بس هي حسيتها ضاجت غيرت الموضوع بقيت خايفة عليها بس شبيدي
عليها نصحتها وان شاء الله تصحى على نفسها..

-كمت منها واني فكري مشغول عليها
وهم مقهورة من اسر لا دك ولا سأل بعد
هو اني صح زودتها ويا بس المفروض يفهمني
و يتحملني شوكت ارتاح التفكير تعبني..

-وره كم يوم اهلي عزموا العرسان   وأهل مهاب
تحضرنا  نروح اسر لا اني الي نزلت نفسي اله ودكيت ولا هو رغم اعرف اني الغلط لان
ذبيت حركة كلبي بي من شفت ام دنو..

-مهاب خابره و انطاه خبر نروح  وياهم
وهو اقتنع طلعنا  وزيد  كال ما اكدر اجي متواعد ويا صديقي وسمر هم تعذرت كالت نعسانه ومالي خلك مهاب مقبل بس همه قافلين طلعنا وهم
بقوا بعدما اصروا رغم مهاب ما جان قابل..

-وصلنا وتلكونا بابا وماما حضنوا  نورهان مشتاقيلها سلمت عليهم ودخلت كلبي طاك
على فارس سألت عليه سرى كالت.. 

-عمر اخذه يغيرله جو تعبان ونفسيته متدمرة..

-انقهرت عليه كلش همزين عمر حاير بي
رجعت يمهم بابا مندمج ويا مهاب ويحجيله
على القضايا وذاك مندمج ويا بعد اختصاصه..

-حضرنا الأكل خطيه امي كل شيء جانت  مسويه هي واختي مدينا السفرة كلنا تجمعنا اكلنا شوي ودك موبايل ام مهاب اترخصت وكامت جاوبت اشو هاي وجه  يذب الوان اشرت لمهاب وكامت بسرعة..نعتذر منكم بنتي شوية تخربطت كمنا وياها و اهلي جلبوا بيها ما قبلوا تطلع
بس هي مبين صاير شيء ويه زيد لو سمر
لان وجهه ما يبشر بخير..

-اجيت عليها.. شبيج ام مهاب شكو؟!..

-هي حجت بصوت ناصي.. مصيبة ريا مصيبة و وكعت على راسي سمر زيد راح يخلص عليها مدري شمسويه خلي الحك عليها..

-رحت لماما فهمتها و نورهان صاحت مهاب
وكالت خلي نروح هو باوع على  امه..

-شكو شبيج يوم فشلتينا هستونا كعدنا..

-انت ما تسكت اني بمصيبة  ولك اختك..
هو قاطعها بخوف.. شكو شبيها؟!..

-ما ادري يمه بس خلي نلحك زيد راح
يخلص عليها  متخبل يصيح اذبحها هل ****..

-ترخصنا منهم وطلعنا مهاب يسوق بسرعة
و يدك عليه وماكو وصلنا ونشوف زين فاقد اعصاب وجهه يريد ينفجر مهاب صاح
بي لك شكو شبيكم؟!..

-هو حجه بغضب.. اليوم اذبحها ****
ومبين متخبل عليها..

-اني و نورهان عفناهم و ندور على سمر
لكيناها بالغرفة ومقفولة دكينا عليها وفتحت الباب وهي كوه تمشي اخترعنا من منظرها الوجه ماينعرف من كثر كدمات البي والشعر مكفش  وملابسها متمزقة..

-ركضت عليها.. شكو ولج ليش هيج
وشبي زيد..

-هي بس تبجي وجان يجينا صوت زيد
يصيح بقهر.. ****  لزمتها بسطحنا لابستلي صلوخ ومكياجها وهي وتحجي ويا بالسطوح مافكرت احد يشوف ما فكرت بوجهه المصخم
لو بينا نوب ويه هل كواد هذا الي مصادق نص بنات الفرع الي بعمرها و يضحك عليهن
اليوم اخلص عليها لو مو توكفون بوجهي
ولكم لابستلي الصلوخ و بالسطوح..

-مهاب هنا فقد و يرعد بصوته ركض يريد يكتل سمر اني قفلت الباب بسرعة ونورهان طلعت يمه تهدي و صارت سد علمود ما يكسر الباب
بس هو فقد وحقه الشيء الي سمعه جان يسطر
الراس حتى عليها  تخبل امهم ركضت تتوسل بيهم بس ثنينهم ثاروا لان الموقف مو شويه بالسطوح والظاهر احد شايفهم وهي لازمه ايده ويتغزل ويباوع على جسمها هذا الي فهمنا
من زيد وكلامه خله اخوه يثور عليها ويا
رغم هو جان كاتلهه نتوسل بيهم بس ولا كانو
نحجي وياهم الموقف جان كلش ماذي زيد
وخايف لا يتعير بأخته اكتفى ان بس يضربها  و ما كادر يروح  يهد على العالم يكل المهاب..

-لك انتظرتك تجي واني اعصابي تعبت
من هاي الكلبة ما ادري شلون صبرت
روحي وما رحت هديت عليه و انفضحنا..

-بعدما كدرنا نوكف بوجهم كانو  ثيران وداخلين سباق كسروا الباب من كد الأعصاب مهاب ديضرب سمر بخشبه واجتي الضربة
بنورهان لان جانت تريد تدفعه عنها وهاي بسرعة انتهت والدم يصب منها..

-هو شاف الدم مهاب وتخبل عليها جرها شاف راسها مفتوح جرح جبير نوب تركت
سمر و ركضت عليها واصرخ منظرها
دخل الخوف لكلبي الدم جان هواي مهاب
اخذها و ركض بيها هو وزيد للمستشفى..

-احس طاقتي خلصت هبطة وره هبطة
شفت ام مهاب انتهت على بنتها تالي
كمت وياها استغليناها فرصة تخلص سمر
منهم لان هسه هم مو بعقلهم والقتل مو حل
هي صغيرة واكيد هذا لعب بعقلها..

-امها دكت على وليد مرتين وهو ماكو تالي هو اتصل بس جاوبت صاحت.. الحكلي راح يذبحوها لسمر وليد فدوه الحك فهمته مختصر و هو
كالها مسافة الطريق واني  يمج.. 

-احنا خفنا لا يجون وهو بعده ام مهاب باوعتلنا .. اخذيها يم مروة صديقتها واني اروح اشوف
هذا الكواد الي ضحك عليها اليوم اطيح
حضه وانعل هالجورة هاي بكد بنتك وتلعب
عليها امده رجولتك..

-لبست عباتي عفت البنات بالبيت بس خفت عليهن ترددت تالي انقهرت عليها كلت
خلي اوصلها وارجع بسرعة هي صديقتها
مو بعيد بيتهم..

-اخذتها لصديقتها ومروة اخترعت شكو
وهاي منو وياها وصيتها عليها و كتلها
مو وكتها هسه عود بعدين بس خليها يمكم..

-رجعت ركض على بيت وشفت ام مهاب جاي تتعارك هي ومرته بالباب مالهم وذيج لسانها وصوتها شعلوا ركضت عليهن جريت ام مهاب..

-لاتفضحين بنتج كافي العالم راح تطلع
على صوتجن وبعد شيخلصج من لسانهم..

-دخلتها للبيت و كلوبنا نار شويه و
اجه وليد ام مهاب حجت ويا و فهمته وهو
ضل يغلط على سمر حتى امها فشلت منه
بس ما حجت هو حقه تمسهم..

-بعدها حجت ويا وهي مفرفحة.. ولك هديت عليهم و نذل كاعد ياكل بكل برود وينكر يكول روحي شوفي بتج ويامن حاجيه مو تذبين بلاها علينا وضال يغلط على سمر وناكر كل شيء..

-هنا وليد عيونه صارت براسه.. طبعا اذا الحقيرة مخليتكم وره ظهرها اكيد هيج ينكر اني اله الساقط.. وسمر وين هسه؟!..

-فهمنا انو وديناها  يم صديقتها لان اخوتها
كلش متخبلين عليها هو تنهد وكعد ينتظر
جماعته يجون لان اتصل عليهم الظاهر
خوش راح يادب هذا جارهم..

-بالي يم نورهان ومنظر الدم الي براسها
ما يروح من بالي ضربته جانت قاسية كلش
خطية هىو نهبط بلحظتها فززني صوت
ام مهاب..

-لمي غراض سمر بسرعة ادزها ويا وليد
يوديها بغير مكان هذا تخبل مهاب اخلصها
منه من زيد  ذول مايسكتون يخلصون عليها
يلا يرتاحون..

-رحت لملمت حاجاتها و هو اخذهن
و اجوي  جماعته بسيارة عسكرية مهاب دك
واسمعه يرعد..اليوم  اخلص عليها هل ساقطة بس خلي ارجع وحجي ورجع عليها
وعلى تربيتها فرغ قهر كلبه بيها..

-سحبت الجهاز منها.. شبيك مهاب امك تعبانه هو هيج و نورهان شلونها..

-هو صاح.. اسكتي ريا بس خلي ارجع
و اختج خيطوها 11 خياط راسها مفتوح فتح والله لذب حركة كلبي وهبطتي اليوم بيها الضربة المفروض بهاي **** مو الها..

-نزلت دموعي على نورهان حبيبتي
شلون متاذيه راسها مفتوح فتح مدري اخاف
عليها مدري على سمر حتى فكري تعب..

-طلعت على اصوات عالية وشرطة
واسمع صياحه لجارهم ويتوسل بيهم جرجروا
رادو يركبوا السيارة عسكرية هو هنا
ضل يرجف و يتوسل وليد صاح بي..

-تشيل من هاي المنطقة كلها ما اشوفك
هنا اذا  بقيت اشيلك من الدنيا كلها طايح
الحظ يضحك على العالم الجبان..

-هو بس يهز براسة مرته طلعت وراه
وصوتها يلعلع صاح بيها بصوت عالي
وليد هي بسرعة نخرست..

-خطية وليد ام مهاب تباوع و تدعيله
كالت هذا يخاف على مهاب و زيد وتصرف
ويا قبل لا تصير مشكلة اكبر ويصير بينهم
دم وقتل..

-شوي واجه مهاب وساند نورهان الي
مضمدين  راسها ركضت عليها واخذتها
منه..

-وهنا مهاب رجع تخبل من جديد
صياح وفشاير يدور على سمر وليد وكف
يحجي ويا وجان يطلع زيد يركض 
وبيده حديدة....

يتبع....

حبايبي رجاءا تصويت وتفاعلوا تفاعلكم
ميسوي واهس اكتب..

اللهم صل على محمد وال محمد❤️