السلام عليكم❤️..
حابه احچي بخصوص القصه لان هواي تعليقات دتجي وديحچون بكيفهم ووضيفتهم فقط "الانتقاد" واني ممضطره اشرح شي ولا ابرر لكن السالفه طلعت من ماعونهه مثل منگول بالعاميه!
نبدي بأول شخص المحتل القصه واغلب التعليقات عليه وهوه "عُثمان" ماكو أي شي يوحي ان الرجال وگع بحُب هجران والتعليقات مال شلون يحب مرت اخو انتو شمعرفكم هذا حُب؟ ممكن فقط حب حنيتهه واهتمامهه اله وشفتو الحديث الدار بينه وبين جواهر هوه بنفسه ميعرف شنو هالمشاعر.. بَـس حس الموضوع خطر وشلون عالج الموضوع؟! "بالابتعاد" مارجع شافهه ودار بيناتهم حديث اله من ؏ اساس تطلقت من بكر..
ومن يريد يطلقهه من اخو هذا فعل رجال ان يخلص بنيه بريئه من وحش كاسر مثل "بكر" وميريدهه تروح بين رجلين اخو الظالم الميخاف الله بيهه!!
نجي لثاني شخص وهيه "جواهر" وين الغلط بنيه تزوجت بدون عرس؟ هالشي عيب لو حرام؟ وذكرنه عميد الدين انطه خبر لأهلهه ووافقو وهالشي صار كُلش هواي بنات محبو يسوون عرس لان ميهمهم هالشكليات ويردون ينجمعون بأزواجهم!!
والتعليقات الي شلون عايشه ببيت كله زلم ورغم البطله تعحبت من مضاجت من التعليقات لان گالت معاشو الي عشته ببيت اهلي وماشافو الضيم الشفته من زوج اختي والتحرش الچان يتحارشه بيه!!
غير عن اهلهه المُهملين الي اكبر دليل عميد الدين ذكره يشوفهه تلعب بالشارع وهيه بنيه شابه وحدهه!! وين اهلهه عنهه؟؟ البنيه رادت تهج من البيت ومالگت انسان يستقبلهه ورحب بيهه ودگلهه ؏ صدره غير عميد الدين ليش نظل نجرح بالكلام ومنهتم لمشاعر البطله وهالشي كُلش يحز بالخاطر من منكون بمكان البطل قبل لا نحچي وننتقد!!
ثالث انسانه وهيه "هجران" التعليقات والغلط الي عليهه عجـــــــيبه!! أي أُم بدالهه چان سوت نفس الي سوته هجران وياما امهات ضحن بحياتهن وشبابهن وعاشن بنص حشاكم "القرف" لخاطر اطفالهن بالعكس هجران لازم نرفعلهه القُبعة ؏ التضحية القدمتهه لبنتهه والمفروض زينب من تكبر وتقره هالقصة تشوف امهه شنو من انسانه طيبه وتخاف ؏ بنتهه!! والتصرف الي تصرفت بي هجران ابد ماله أي علاقه بالشخصيه، نسااء قويات وانحطن بمكانهه هم يسون نفس الشي!
والشغله مال القانون ياخذ حقهه كلنه نعرف القانون بالعراق شلونه والعشاير تحچي وذكرنه زوجة "غيث" اخو بكر مرّت بنفس التجربه وحرموهه من اطفالهه بعد وين العَجب؟!
هالشغلات ردت انوه عنهه واسفه ؏ الاطاله بَـس هواااي تعليقات غريبه عجيبه وكأن الناس جايين من غير كوكب ومعايشين بالعراق رُغم الاحداث جداً منطقية ومتأكده هواي ناس عاشو نفس معاناتهم وهواي اجتني رسائل بالخاص يگولون قصتي تشبه فلان بطله..
مو شرط تكون حياتچ تشبه حياتهم البيوت مليانه اسرار ومن الابطال فصحو عن اسرارهم وسلموهه الي حتى انتو تقروهه رادو ينطوكم رساله واني من خلال كتابتي للقصه هوااي تعلمت منهه وهواي تغيرت نظرتي لهواي امور❤️.
واذا متعحبكم القصه ماكو داعي تكملون حبايبي هالشي راجع الكم🥰 واني اسفه لان حچيت بهالطريقه لكن امشي وامسح بالتعليقات حتى ميشوفهه احد الابطال ويزعلون علينه❤️❤️.
وردت انوه ؏ شي القصه رح تتوقف بسبب امتحاناتي كُلش قربت وصراحة امتحاناتي اهم فَـہ اتمنى تدعولي بالتوفيق والنجاح وان شالله اكمل امتحانات ونرجع نكمل القصه احبكم واايد وااايد😍🦋🦋.
اختكم: زهراء السلامي.❤️