توضيح بسيط بس محمود مش اكتشف زين ولااحاجه هو رفض الفلوس عشان حاسس ان زين احسن منه وانه بيحسسه انه اقل منهم ف عشان كدا رفض مافهمش انه اختبار تمام😂😂
يونس في مكتبه واتصل بزين
زين رد عليه:الووو
يونس:كيفك.ياوالدي
زين:الحمدلله
يونس:الشغل عندك كيفه
زين:كله تمام الزرع اتحصد وبيتعبي دلوج عشان يروح لصحابه وجيه كذا طلبيه هجبلك ورجها وانا راچع
يونس:تمام....ابعت حد للمزرعه عايز تجرير مفصل عن 30عچل كيف ماعملت جبل سابج ويتسلموو ليا انهارده بليل
زين:مش.كاتير عليها دي يابوي
يونس ابتسم بمكر :من مِتي حديدك دي يازين وانك بتهتم مين اشتغل كتير ومين لع
زين اتوتر :مش.جصدي بس انا بجول
يونس:لاتجول ولاماتجولش انت تنفذ وبس
زين:اللي تشوفه يابوي
يونس:هو محمود جارك
زين:ايوه واجف مع الراچله اهناك في حاجه
يونس:بلغه اني منتظره انهارده ساعه5 وابجي اتصل بانس وبلغه
زين:حاضر يابوي
يونس قفل معاه وخرج من مكتبه لاقوت عشان يعرفها كانت قاعده مع هدي بيكلمو
يونس: قوت
قوت: نعم
يونس: اعملي حسابك انا بلغت محمود انه يجي انهارده
قوت بصتله: اللي تشوفه
يونس قال كلام اللي عايزه وخرج وهدي قعدت مع قوت واتكلمت بحزن: انتي موافجه علي كلام دي
قوت: حتي ولو مش موافقه يونس اخد قرار ومانينفعش اراجعه فيه يارب يكون خيررليها
هدي بصتلهاومعلقتش
قوت قامت وطلعت لبنتها عشان تبلغها كانت هي وساره قاعدين مع بعض
قوت خبطت ودخلت اما سمحو ليها :اي ياقمرات بتعملو ايه
ساره:بنزاكر
قوت ابتسمت:ربنا معاكو ياحبيايبي وينجحكم وراحت لفريده...تعالي ياديدا اقعدي جنبي
فريده قامت من علي مكتب اللي بتزاكر عليه وراحت لامها....في ايه ياماما
قوت:خلصي مزاكرتك بادري عشان تجهزي قبل ساعه 5
فريده بتعجب:هو في ناس جايه ولااي ياماما
ساره:ناس مين دي اصلا ومن امتي واحنا بنقعد مع بعض...وكملت بشك هو في حاجه ياماما
قوت ابتمت بتوتر لفريده...بباكي قال لمحمود يجي انهارده
فريده بسعاده مقدرتش تسيطر عليها:بجدددد
قوت:بتحبيه اوي كدا
فريده اتكسفت ووطت في الارض
قوت:ربنا يسعدك ياحبيبتي ويصلح حالك ويكون زوح صالح ليكي
فريده: يااارب ياررب.
قوت خرجت وساره فضلت بتبوصلها بضيق وفريده كانت بتلف حوالين نفسها في سعاده ووقفت وراحت لاختها
فريده:انا هسالك سوال وتجوبيني عليه بصراحه
ساره:ايه
فريده:انتي ليه بتكرهي محمود كدا
ساره:انا مش بكرهو
فريدة:بابا دايما يقول مانحكمش علي حد باحساسنا مش كدا نديه فرصه ونشوف ووقتها نبقي نحكم عليه اذا كان كويس ولاوحش لكن نحكم عليه من غير مانعرفه دا يعتبررظلم مش بابا دايما بيقول كدا
ساره:ايوه
فريده:طيب ممكن تديه فرصه صدقيني مع الايام هتعرفي انك كنتي ظلماه وان شخص كويس جدا
ساره:اتمني دا والله انا مش عايزه غير ساعدتك مع شخص يكون بيحبك وبيخاف عليكي
فريده:ومحمود بيخاف عليا اوي ياساره انتي عارفه مفيش مره احتاجته غير اما بلاقيه قدامي دا غير المره اللي اتصاب فيها بسببي صدقيني هو شخص كويس ولو مش كويس بابا كان هيرفضه صح بابا عمره ماهياذيني ويسلمني لحد مش هيحافظ عليا
ساره:عندك حق يالا بقي عشان نخلص مزاكره ونجهز
فريده حضانتها جامد...انا فرحانه اوي ياساره
ساره ابتسمت بحب:ربنا يفرح قلبك دايما
زين اتصل بانس عشان يبلغه وانس رد باقتضاب:ماشي هخلص واجي
زين:انا بجولك فرح خيتك مش عزا ايه صوتك مضايج اكده ليه
انس:لاعادي ضغط شغل بس انا هجفل بجي سلام
زين قفل معاه ودماغه شارده ياتري في حاجه هو مش شايفها ولاهو كره قديم بين انس ومحمود
زين اتصل علي رقم المزرعه وسعاده ردت عليه
سعاده:الووو
زين:ايوه ياسعاده انا زين اديني الدكتوره
سعاده:حاضر يابيه وندهت عليها وجت شرين....ايوه
سعاده:زين بيه عايزك
شيرين:الو
زين:كيفك
شيرين:الحمدلله وحضرتك
زين:الحمدلله عايزك تجدمي تجرير مفصل عن 30عچل وياريت يكون انهارده
شيرين:حاضر
زين:جهزيه وابعتيه مع سعاده علي سرايا وبكرا نبجي نشوف لو في اي حاچه محتاجه توضيح منيكي
شيرين:تمام
زين قفل وشرين اخدت نفس عشان تهدي من توترها ونزلت تشوف شغل المطلوب منها
زين بعد ماقفل مستغرب هي ليه كلامها قليل كدا وتفكيره اتقطع اما دخل محمود
محمودبغل :قاعد انت في تكيف اهنه واحنا باره بنسيح من شمس
زين استغرب طريقته:اجعد طيب مالك في ايه
محمود:مفيش
زين:طلبيات اتحملت علي عربيات
محمود:ايوه
زين:تمام ابوي بيجولك مستنيك انهارده ساعه 5
محمود:مستنيني ليه عاد
زين رفع حاجبه:لو مش عايز تيجي ماتجيش انت حر
محمود فهم انه معاد حدده يونس عشان يتقدم لفريده فمثل الفرحه: احلف ابوك هوواللي جالك تجول اكده
زين:ايوه
محمود:ياااابوي اخيرا دا انا لو مقدم علي قرض كان وصل
زين:انت مش طالب اي حد يامحمود دي فريده زينه بنات الصعيد كلهم يالا روح كمل شغلك وبعد اكده روح اتحمم والبس حاچه نضيفه وتعالي
محمود:5 بادجيجه هكون جدام باب سرايا
زين:ماشي يالا
الوقت مر بيهم وبعد مده كان محمود واقف قدام المرايه وبيلبس كلها ايام وهودع الفقر دي وهنبتدي حياه جديده مفيهاش رحمه وهدوس علي كل واحد داس عليا وراح طلي صوره بدر....انت اول واحد هدوج.انهارده چزء اصغير من الوجع وحرجه الجلب اللي كنت دايما بتحسسهالي طول عمرك وكله حسابه چاي بس بالدور وشال الصور وخرج كان زين واقف قدام الباب بيعمل تليفون واما شاف محمود قفل واخذه ودخل كان يونس قاعد وانس قاعد معاه.وباين عليه الضيق
يونس: اجعد يامحمود
محمود قعد وبصله بتوتر: طلباتك. ايه
يونس: انت مستعجل اكده ليه جدها لسه ماجش استني
محمود هز راسه وسكت
انس قاعد غصب عنه ونفسه يقوم يطرده بس ساكت احتراما لابوه وبعد دقايق جيه مصطفي وقعد
ومحمود بص ليونس
يونس: اتحدد
محمود:احممم حضرتك. طلباتك ايه
يونس: انا هعطيك جوهره عيله جوهري واغلي مااملك وهي مستحيل يكون ليها مجابل بس وعزه وجلاله الله لو في يوم بكيتها ولازعلتها لهوريك اللي عمرك ماشوفته
محمود بلع ريقه برعب: اااطمن ياعمي هتبجي في عيني
انس: هو عارف اكده زين ياابوي هو مش هيتجوز اي حد وانه لو مخه سمح ليه يعمل حاچه هو هيوجفها لان نار جهنم اللي هتتفتح عليه هو مش هيبجي ادها ولاايه يامحمود
محمود بصلهم وخاف من تهديدهم واتمني انهم كانو يرفضو احسن من كل دا
فبص لزين عشان يتكلم ويحسسهم انه هيبقي معاه بس زين رده كان غير مهو متوقع
زين: اطمن ياانس محمود عارف اكده زين... وخبط علي رجل محمود..... مش اكده
محمود هزراسه بسرعه: طبعا طبعا....واتحدث بينه وبين نفسه... ايه الوجعه اللي انا وجعت فيها نفسي دي انا هروح فيهم فين ربنا يستر... واخد نفس يهدي من توتره واتكلم مع يونس... انا عندي بيت بجهزو جدامه حوالي شهرين او تلاته بالكتير وهيكون جاهز
زين: ودي نفس المده اللي فاضله لفريده في دراسه باردو
يونس: تمام
محمود: طيب المهرروشبكه طلباتك اي
انس رد: ابوي سبج ورد عليك. وجالك ان احنا مش بنبيعها وحجات دي ماتفرجش. معانا دي تجدير منيك ليها
محمود:انا لو اطول.اجبلها نجمه من سما مش.هتاخر
انس بصله وومردش عليه
بدر جيه شافهم كلهم قاعدين فهم سر تجمع دا ولسه هيدخل ف محمود نده عليه
محمود:رايح فين يابدر اقعدانا چاي عشان اطلب يد فريده وناجص جرايه الفاتحه اجعد اقرا الفاتحه معانا ولا ايه ياچماعه
يونس:اجعد يابدر
محمود بضحكه كلها شماته وهو شايف بدر بيقعد في صمت والوجع باين في عنيه....زين انك.جيت انا ماعرفش انت اتاخرت اكده ليه حد يتاخر عن خطوبه خيته باردو يابدر
بدر اتكلم بصعوبه:كان عندي شغل والبركه في انس وزين
ياسين:طيب نقرا الفاتحه بقي ولااي
يونس:علي بركه الله
قرو الفاتحه
هدي وقوت والبنات قاعدين بعيد وهدي باين عليها الضيق بتحاول تبتسم.بس مش عارفه
قوت بعد ماسمعت قرأو الفاتحه حضنت فريده وباركت ليها
بدر:عن اذنكم الف مبروك.....وسابهم ودخل اوضته وقفل عليه ودخل الفراندا يحاول يتنفس لانه حس كانه بيتخنق وحس ان حد بيطبطب عليه فتح عينه واتلفت كانت امه ابتسم...في حاجه ياماه
هدي عنيها دمعت:حجك عليا ياوالدي ماتزعلش
بدر بتعجب:جصدك اي
هدي:انت والدي وفهماك اكتر من نفسك وبحس بيك
بدر:انا مش فاهمك ياماه عايزه تجولي ايه
هدي:عايزه اجول انك ليه ضيعتها من يدك.ليه ماجتش جولتلي او جولت لابوك انك بتحبها عمي يونس كان هيوافج دا بيحبك.كيف ولاده ليه ضيعتها منيك بدل العذاب اللي انت فيه دي
بدر بهروب:اي الحديد دي ياماه انا
هدي:انا سبج.وجولتلك انا بفهمك اكتر من نفسك فكرك اني مكنتش واخده بالي من عنيك.اللي دايما بتكون مراجبها ولا انك دايما بتمشي وراه عشان تتاكد انها بامان وانك مش بتحب تتحددت معاه عشان عنيك ماتفضحكش انت اه بتعرف تخبي عن كل لكن امك بتفهمك
بدر بصلها ومردش
هدي:اتكلم بلاش تفضل ساكت كدا
بدر:عيزاني اقول ايه عيزاني اجول انيي بحبها من يوم ماتولدت عيزاني اجول ان البنت الوحيده اللي كنت بحبها وشايفها بتكبر جدامي كل يوم عن اللي جبله جدام عيني وعشقي بيكبر معاها خلاص هتبقي مع غيري ان كل حاجه اتمنتها في لحظه بقيت سراب انا قلبي واجعني اوي ياماه نار اللي الجوايا ماتتوصفش حاسس كان روحي هي اللي اتخدت مني
هدي بحزن:طيب ليه ضيعتها منك ليه مطلبتهاش ليه ماجولتش لابوها عمي يونس عمره ماكان هيجولك لع دا كان هيرحب انا متوكده
بدر:كنت عايز ابقي واجف علي رجلي اما اخودها من ابوها اعيشها نفس عيشه اللي كبرت عليها ماتحسش اني قليت منها بالعكس كان نفسي اچيب ليها بيت كيف دي بس خلاص ربنا يسعدها
هدي اخدته في حضنها وطبطبت عليه وبدر غمض عينه وحاول انه يهدي نفسه...
هدي بصت للسما:يارب ياوالدي تبجي فريده من نصيبك. ويفرح قلبك
الوقت مر وشيرين بتتفذ الشغل اللي اطلب منها وخلصته كله علي بليل وكانت تعبت جداا
شيرين بتعب:بوصي ياسعاده معلش انتي هتسلمي الورق دا لزين بيه او يونس بيه ماشي
سعاده:حاضر ياداكتوره
شيرين:تمام وانا هطلع انام لاني تعبانه قوي
سعاده:ماشي تحبي احضرلك الواكل
شيرين:انا حاليا جعانه نوم.اما اصحي ابقي اكل المهم اعملي بس اللي قولتلك عليه
سعاده:حاضر
سعاده اخدت الورق ومشيت بيه راحت سرايا عند يونس كان زين واقف في مع الغفر راحت ليه
سعاده:اتفضل يازين بيه الورج دي الداكتوره جالتلي اسلمهولك
زين:ماشي ياسعاده
زين اخد الورق وقعد علي كرسي وابتدا يقرا كانت نفذت كل اللي طلبه وكل شئ ممكن حد يسال فيه هي كانت كتباه ودا عجبه اوي اخد ملف وطلع اوضته لان الوقت اتاخر وقرر انه يديه لابوه الصبح.
صباح يوم.جديد
زين نزل كان يونس قاعد بيقرا ملف
زين:صباح الخير يابوي
يونس:صباح النور
زين:الداكتوره شيرين بعتت الملف امبارح
يونس اخد الملف وبص فيه نظره سرييعه.....تمام
زين:هو انت اتفجت خلاص
يونس:ايوه وهنورد ليهم العچول انهارده بس بعد ماجرا الورج دي وعايزك تتدلي علي قاهره
زين بتعجب:ليه
يونس:تشوف الشركه انا مش فاضي انزل شوف الشغل وشوف هتجعد اد ايه وعاود تاني
زين:حاضر بس بعد خطوبه فريده ومحمود
يونس:علي بركه الله
زين:اناهجوم اشوف مهره عشان كان تعبانه
يونس:مالها
زين:ماعرفش غالبا عشان جربت تولد هشوفها واچي
يونس هز راسه وزين راح الاصطبل ووقف جنبها يطبطب عليها
سعادهواقفه بتجهز الفطار لشرين وسامعه الموبايل عمال يرن وفي اصوات كتير بتطلع منه اخررمازهقت دخلت تصحي شيرين
سعاده: ياداكتوره موبايلك عمال يرن
شيرين بنوم: سبيه
سعاده: دا بجالو كتير جوي جوي وبيعمل صوت اكده اها رن تاني
شيرين اخدت الموبايل وردت من غير ماتشوف الاسم.... الو مين
$اخيرا رديتي ايه انتي مقتوله ولااي
شيرين: عايزه ايه ياامل علي صبح كدا في ايه عايزه انام سبيني وبعدين نتكلم
امل: مصيبه ياشرين مصيبه فوقي كدا
شيرين قامت قعدت بقلق : في ايه
امل: محرم عرف مكانك وجايلك وزمانه علي وصول وانا من بادري بحاول اوصلك وانتي مش بتردي
شيرين قامت وقفت في صدمه وخوف.... ااانتي بتقولي ايه اذاي عرف مكاني
امل: مش. وقت اذاي دلوقتي انتي اهربي وبعدين هبقي اكلمك
شيرين عيطت: هروح فين انا معرفش حد هنا اعمل ايه واذاي وصلي اذاي ياامل
امل:انا عرفت صدفه ف حاولي تلحقي تمشي من المكان اللي انتي فيه وابقي ارجعي تاني
شيرين قفلت وهي تايها الدنيا بتبوظ حواليها وهي مش عارفه تعمل ايه
سعاده: في حاچه ياداكتوره انتي زينه
شيرين بصتلها وعيطت
سعاده: يبجي ماضيعيش وجت واطلعي علي دار يونس الجوهري
شيرين: مش هينفع انا خايفه
سعاده بشك: ماتجلجيش انتي اهناك في امان محدش هيجدر يجربلك
شيرين بلهفه : بجد
سعاده: انتي بتسالي ولااي انتي شوفتي جبل اكده بس دلوج ماضيعيش وجت
شيرين لبست بسرعه وخرجت تجري ومعاها سعاده ووصلتها لحد بيت يونس
سعاده:ادخلي انتي دلوج وانا هرجع تاني ولو حد چيه هبجي اطمنك
شيرين هزت راسها و فضلت واقفه قصاده مش عارفه تتكلم ولاعارفه تعمل ايه هتدخل تقولهم ايه ورده فعلهم هتكون ايه وبعد مده دخلت كان زين واقف مع محمود بيكلمو واول ماشاف شيرين بصلها بتعجب وراح ليها.... فيكي. حاچه انتي زينه
شيرين بصتله ومردتش
زين: فيكي ايه مالك
شيرين اتلفتت حواليها بخوف والرعب باين عليها
زين: طيب تعالي چوا واخدها ودخل وهو مش فاهم مالها بس قلقها دا قلقه
يونس اول ماشافها داخله مع زين استغرب: اهلا يادكتوره اتفضلي
شيرين بتفرك ايديها بتوتر مش عارفه تقول ايه وبتتلفت حواليها الكل كان موجود واتكسفت اوي ونفسها تخرج عشان الاحراج اللي هي فيه دا
يونس بص لزين وبصلها: في حاچه يادكتوره انتي زينه
شيرين لسه هتتكلم سمعت صوت زعيق باره ف تلقائي وقفت ورا زين تتحامي فيه وردت فعلها دي خلت الكل يستغرب
يونس: اي الدوشه اللي باره دي
زين اتلفت ليها: اطمني انتي هنا في امان
استووووووب✨✨
اي رايكم في البارت؟؟؟؟
وتتوقعو اي اللي هيحصل في اللي جاي 🙄
واي حكايه شيرين ومين الناس دي 🙄