موصيبتي مع الكوميسير

32

🐞مصيبتي مع الكوميسير🐞
🍇الجزء32🍇
🐼بقلم:
منال برنيش🐼
سعيدة مسحات دموعها:هادشي لكاين اشاف قصدناك نت والمقصود الله راه معندنا لحنين لا رحيم مبغينا والو غير هدا لضرب ختي ياخد الجزاء ديالو ويتحاكم
أشرف ببرود:كبقات سندس دابا
سعيدة:مزال معرفناش حنا دابا من صباح وحنا فلكوميسارية معارفين منديرو
أشرف:شو في غدا مع 7:00ديال الصباح نلقاك قدام الكوميسارية غادي نزل للكازا
سعيدة:غتعاونا ناخدو حق ختي ياك اشاف
أشرف:صافي كوني هانيا كلشي ايتقاد وانا بيدي غنوقف على هادشي
سعيدة فرحات:الله يرحم ليك الواليدين الله يسهل عليك
أشرف:صافي نخليك دابا
غير قطع خبط الطبلة ومسح على وجهو وهو معصب بربي لخلاها فيه برهوش طايش عينيه زايغة كلشي عارفة فيه ولكن حتى للحكرة لااا ولكن هادي غادي يخرجها منو هادشي لكان كقول فخاطرو وكفكر وعاد أنه ممشاش لشخص عادي بالنسبة ليه هو وهااادشي لشاعل ليه العافية هو
سمع التيليفون كصوني زاد جعر على هدا مين معلموش وموصيه يجيب ليه خبارها فهاد المدة لغايب طلبوه باش يجي يحقق فواحد القضية غير جاوبو تفركع عليه علاش معلموش بلي هادشي وقع حتى عرف بلي داك البولييسي مو طاحت مريضة هادشي لخلاه يتدها وميبقاش حاضيها وميعلموش زفر وناض هز الساروت وخرج ركب فالطوموبيل وهو ساخط وغادي نازل للكازا ديك ساعة ميمكنش يتسنا
نوال:شفتي قلت ليك غادي ينفعنا غير نجربو
سعيدة:حمد الله ولكن عنداك خفت زعما يكون غير قالي هكاك عنداك يخوي بينا دابا معولة عليه
نوال:صافي ربي معانا وشاهد على كل واحد وانشاءالله يكون مسيفط هدا فطريقنا يعاوننا وحق سندس مغيضيعش