'ညီ ထတော့လေ 10နာရီ ထိုး နေပြီ ဘယ်လောက်ထိ တောင် အိပ်ချငိနေတာလဲ
'ကိုကို ကလည်း ကျောင်းပိတ်ရက်လေး အိပ်ရတာကို
'ထဆို ထ တော့ ...
အိပ်တာ များ ရင် လူက ထိုင်းမှိုင်း သွားလိမ့်မယ်
မနက် 10 နာရီဆို တာ တော်တော် လွန်လှပြီ
9နာရီ ကတည်းက နိုးမလို့ သနားလို့ မနေ့က အဆော်ခံထားရလို့ အလိုလိုက်ပြီး ပေးအိပ်ထားတာ
မင်း ဟာ လေ ...နည်းနည်းလေး အခွင့်အရေး ပေးရင် ရောင့်တက်လာတာ
'ကဲ ထပြီ ကိုကို ရေ ထပြီ တကတည်း လူပျိုကြီး လို့ မပြောရဘူး ပွစိ ပွစိ နဲ့
'အောင်မာ အောင်မာ ဒင်း နဲ့ ၃လ လောက်လေး ကွာတာများ ....
သွား မျက်နှာ သွားသစ် ..... လဖ္ဘက်ရည် ဆိုင် အတူမထိုင်တာ ကြာပြီ မလား ....
'ဟုတ်တယ် ဟုတ်တယ် သွားမယ် ကိုကို ...ခနလေးပဲ စောင့်
ဟင် လက်ဖက်ရည်ဆိုင် ဆိုလို့ ဆိုင်ရှင် အကြွေးတောင်းရင် ဒုက္ခ
'ဟာ ဆက်သွင် တို့ ပါလား လာကြ ဟေ့
ညီအကို နှစ်ယောက် တူတူ မလာတာ တောင် ကြာပြီပဲ
'ဟုတ်တယ် ဦးအောင် ရေ ကျွန်တော် မအားနေတာနဲ့ မထိုင်ဖြစ်တာ
'အေ့ ကွာ မင်း သာ မလာ ဖြစ်တာ မင်း ညီ တော့ ရောက်ပ
ဟိတ်ကောင် ရဲရဲ မင်းအကိုဆီက တောင်းရမှာလား လက်ဖက်ရည်ကြွေးတွေ..
သွားပြီ ကိုကို့ ကို ကွယ်ပြီး ခြေဟန် လက်ဟန် ပြကာ မပြောရန် တားမြစ်နေသော မိမိအား မကြည့်ပဲ အလိုက်ကန်းဆိုး မသိ စွာ စွတ်ပြောနေသော
ဦးအောင် ရဲ့ စကားအဆုံး မှုန်သုန် နေသော ကိုကို့ရဲ့ မျက်လုံး တစ်စုံက သူ့ဆီ ဒိုင်းခနဲ ရောက်လာသည်
ရဲဆက်သွင် ရေ မင်း ဘဝ တော့ ဆုံးပြီ ဟ
'ဘယ်လို ဖြစ်ရတာလဲ ညီ ,'
လူကြား ထဲမို့ ဒီလို လေသံ ခပ်အုပ်အုပ် နှင့် ပြောခြင်း ဖြစ်သည်
ရင်ထဲမှာ တော်တော် ပေါက်ကွဲ နေမှာ သူအသိဆုံး
သူ ဘယ်လောက် အချိုး မပြေပြေ လူကြားထဲ ဘယ်တော့မှ အော်ဟစ် ကြိမ်းမောင်းခြင်းမရှိ အိမ်ကျမှ ဆူချင် ဆူ သတ်ချင် သတ်မည်
'ရဲဆက်သွင် ...'
'ဗျာ ဗျာ ...'
အမြန် 'ဗျာ' လိုက် ရ သည် စိတ်မရှည်လျှင် လက်ထဲက လက်ဖက်ရည်ခွက် သူ့ဆီ ရောက်လာနိုင်သည်
အကြည့်.... အိမ်ရောက်လျှင် သေပြီဆိုသောအကြည့်
'ဟို ညီ သုံးတာ နည်းနည်းများသွားလို့ နည်းနည်းလေးပဲ အကြွေးတင်တာပါ ကိုကိုရဲ့ ...ဟီး'
'ဘလောက်လဲ .... ဦးအောင် ...ကျနော် တခါတည်း ပေးခဲ့လိုက်မယ်....'
'မများပါဘူးကွာ .... 12000 ထဲပါ ...
တစ်ခွက်မှ 800 ကို 12000 ဖိုးတောင် အကြွေးယူထားတယ်ဆိုတော့ ညီ့လစာ တွေ ဘယ်ရောက်ကုန်လဲ
ခုမှ လကုန်ဖို့ 10ရက်တောင်လိုသေးတယ်
ဈေးဖိုးက ဖေဖေတို့အပ်ခဲ့တဲ့ ပိုက်ဆံတွေ ဘဏ်ထဲအပ်ထားရာက ရတဲ့ အတိုးနဲ့ ဖေ့ဖေ့ပင်စင်လစာတွေနဲ့ တစ်ပတ်စာ ရက်တွက်ပြီး သူထုတ်ပေးနေတာ
တခါတလေ သူ့လစာထဲက မုန့်ဖိုးပေးတဲ့ အပတ်တွေကရှိသေး
180000 က သူတစ်ယောက်တည်းအတွက် လုံလောက်တာထက် ပိုတယ်
ရဲဆက်သွင် ရဲဆက်သွင် သူပြန်မလာဖြစ်တဲ့ weekened တွေ သူလိုက်မပြောနိုင်တဲ့ week days တွေမှာ ဘာတွေလုပ်နေလဲ
လူက အလယ်တန်း ကျောင်းဆရာ ကျောင်းမှာတော့ သူ့ကို ခလေးတွေ ချစ်ကြောက်ရိုသေကြသတဲ့ အိမ်မှာဆိုရင်တော့ ပုဆိုးကွင်းလုံးချွတ်ပုံတာကအစ သူလိုက်ပြောနေရတယ်
သူဆူလိုက်ရင်လည်း ဖြစ်သွားတဲ့ရုပ်က သူ့တပည့်ခလေးတွေအသက်အရွယ်လောက်ကို ဖြစ်သွား
သူ့ခလေးတွေဆီက ဓာတ်ကူးလာတာမျိုး
အိမ်ကျရင် တွေ့ပြီပေါ့ကွာ
ထိုစဉ် ညီ့ ပုခုံးကိုပုတ်ပြီး ဟိုဘက်ရပ်ကွက်က ဖြစ်ဟန်တူတဲ့ ညီ့အရွယ် ကောင်းလေးနှစ်ယောက် ပြောလိုက်သော စကားကြောင့် သူရှင်းရှင်းလင်းလင်းကို သိသွားလေပြီ
'ဟျောင့် ရဲရဲ ဒီည ပွဲကောင်းတယ်နော် အပေါ်ကြေးလား အောက်ကြေး လား
ဒီနေ့တော့ သေချာလုပ်ဟ မင်း ဟိုနေ့က ထိထားတာ မနည်းဘူးမလား
ညီ့ မျက်နှာကို လှမ်းကြည့်လိုက်တော့ အပျက်ပျက်အယွင်းယွင်းနဲ့ သူ့ဘော်ဒါကို မျက်စမျက်နနဲ့အချက်ပြနေလေရဲ့ ထိုကောင်လေးတွေကလည်း ပါးနပ်ပုံမပေါ်
သူ့ကိုလည်း မသိ သူကလည်း အပြင်မှ သိပ်မထွက်ဖြစ်တာ
သူ့ရှေ့ကျရင်တော့ ညီက အိမ်နဲ့ကျောင်းပဲ သိတဲ့ ကောင်လေး တကယ်တော့ ဒင်းက ကုတ်ကမြင်းဖြစ်နေတာ
သူ ထိုကောင်လေးတွေဆီက ထပ်သိရမှ ဖြစ်မည်
' ထိုင်လေ ညီတို့ အကို ဒကာ ခံမယ်
အကိုက ရဲရဲ ရဲ့ အကို ဖြိုးဆက်သွင်ပါ '
ထိုအခါမှ တချိန်လုံးတိတ်နေသော ညီတော်မောင် က
'ကိုကို သူတို့က သွားစရာ ရှိ ရှိ...
မင်းပါးစပ်ပိတ်ထား ဟူသည့် အကြည့်တချက် လှမ်းကျွေးလိုက်တာနဲ့တင် တခါတည်း ငြိမ်ကျသွား
သူနဲ့ ညီ က ထိုသို့ပင် တစ်ယောက် နဲ့ တစ်ယောက် လူကြားထဲဆို အကြည့်နဲ့တင် အဆင်ပြေ
ညီ တခုခုပြောချင်လာလို့ သူ့ကို ကြည့်လျှင်လည်း သူ အဓိပ္ပာယ်ပေါက်သည်
ထိုင်ရမလို ထရမလို ဖြစ်နေတဲ့ကောင်လေးတွေ ဘက်လှည့်ပြီး
'ဘာစားမလဲ မှာလေ ... ဒီည ဘာနဲ့ဘာလဲကွ
လက်ဖက်ရည် တကျိုက်ကျိုက်ရင်း ဟန်မပျက် စကားဝင်ထောက်တော့
'မန်ယူ နဲ့ အာဆင်နယ်လေ အကို
ရဲရဲ မန်ယူဘက်ကပဲ လောင်းမှာလား
ပြီးခဲ့တဲ့ အပတ်က အကို့ညီလေ 30000 လောက်ထိထားတာ
ကျနော်တို့ပြောတယ် ကျနော်တို့လိုလောင်းဆိုတာကို ပြောမရဘူး '
30000 ကြားလိုက်တော့ လက်ဖက်ရည်ကိုင်ထားတဲ့လက်က တဆတ်ဆတ်တုန်လာသည်
သူ့ကို လှမ်းခိုးကြည့်လိုက်တာနဲ့ မျက်လုံးချင်းဆုံတော့ ချက်ချင်း ခါးကိုမတ်ပြီး ခေါင်းကိုတန်းငုံ့သွားတာများ
သူ့ဘော်ဒါတွေကိုလည်း ပိတ်မနိုင်တော့ဘူးထင်ပါတယ်
'အင်း ဟင်း ဒီကောင်က အရမ်းခေါင်းမာတာ
ညီလေးတို့ရော ဘာအလုပ်လုပ်ကြလဲ '
'ကျနော့် အလုပ်လား ... ဟီး လည်ရာ ပြန်စားရေး အကို ...'
'ဪ ဪ အလုပ်မရှိဘူး ဆိုပါတော့ ... မင်းကရော '
' ဟို ... ကျနော်က အိမ်ကကျွေးနိုင်တော့ အလုပ်မရှာသေးဘူး .... အကို ... ဟီး'
'ဪ ... အိမ်ကကျွေးထားတော့ လောင်းကစားလေးလုပ် လက်ဖက်ရည်ဆိုင်ထိုင် ဖြုန်းကောင်းတုန်း ဆိုပါတော့ ...
'ဟီး .... အ့လိုလည်း မဟုတ်ပေမဲ့ အ့လိုတော့ ဖြစ်သွားတယ် အကို ...
'အင်း အင်း .... မင်းတို့အရွယ်တွေက တိုင်းပြည်အတွက်သိပ်ကိုအဖိုးတန်တယ်
တိုင်းပြည် အနာဂါတ်က မင်းတို့လက်ထဲမှာ
အကို တကယ် နှမြောတယ်ကွာ
အလုပ်လုပ်ချင်စိတ်လေးများ ဖြစ်လာခဲ့ရင် အကို့ကို လာရှာနော် အချိန်မရွေး ကူညီပေးမယ် '
'ဗျာ .... ဟုတ် ဟုတ် အကို
အခြေအနေ မဟန်တော့ အချင်းချင်း မျက်စပစ်လျက်
'ဟိုလေ အကို အိမ်က ခိုင်းထားတာလေး ရှိလို့ ..... အ့ဒါ ခွင့်ပြုပါဦးနော်
လစ်ကြပြီလေ
'ရဲရဲ ငါတို့ ငါတို့ သွားမယ်နော် ... ဖုန်းဆက်လိုက်နော် ညကျရင် ....
သူတို့ယောက်ဖကိုလည်း နှုတ်ဆက်ဖို့မမေ့
သူ့ရှေ့မှာတောင် ဖုန်းဆက်ချိန်းနေသေး
'ဒီညတော့ မင်းတို့သူငယ်ချင်း မင်းတို့နဲ့ အတူတူ ပိုက်ဆံဖြုန်း အာ sry ဘောပွဲလောင်းဖြစ်မှာမဟုတ်ဘူး ညီတို့ပဲ လောင်းလိုက်ကြတော့နော်.... အဟင်း '
'ဗျာ ... ဟု ဟု အကို ကျနော်တို့ပြေး အဲ သွားတော့မယ်နော်
'ကောင်းပါပြီ ..'
ညီ့ကို တချက်ကြည့်လိုက်တော့ ချွေးစီးတွေတောင် ပြန်နေရှာပြီသူ့ဘဝသူတော့ သိသား
'ဦးအောင် ရေ ကျွန်တော် ဒီမှာ ခုဖိုးရော ဒီကောင့် အကြွေးတွေရော ရှင်းခဲ့ပြီနော် ....
နောက်ကို အကြွေးမရောင်းနဲ့နော် ဦးအောင်....ကျွန်တော့်အကြောင်း ဦးအောင် သိတယ်နော်
ပိုက်ဆံပါမလာရင် ဆိုင်ရှေ့မှာပဲ မျှော်ခိုင်း ဆိုင်ထဲတောင် ဝင်မထိုင်ခိုင်းပါနဲ့လို့
'ဟေ .... အေး ... အေးပါကွာ... ငါ သဘောပေါက်ပါပြီ....
သူပြန်ဖို့ထတော့ ထမလာ
လက်မောင်းကိုဖျစ်ညစ်ပြီး ထခိုင်းတော့မှ ကိုယ်တော်က လေးကန်ပြီး ရပ်သည်
သူ ရှေ့ကသွားတော့ နောက်က ပါတော့ ပါလာရှာသည် မပါလာလို့လည်း ရမလားနော်
......
နည်းနည်းနားမယ် ခလေးတို့
ဒါနဲ့ ယူတို့ အဆိုးလေးက အမွှေစိန်နော် ...