اسيرة قدرك

البارت 52

اسيرة_قدرك..
بقلمي رسل..
البارت الثاني والخمسون..
واتباد rasolaa7

مرات
الحزن ينراد
شبكه
ايد ومسامر
حجي و غنوة..

-يحجي و وجهه يصب  عرك  وصار
اصفر وليد سكت ما حجه من شافه هيج انهار
اشر لمهاب و اخذوا بره نزلت دموعي كعدت
بتعب وعيني عليه شلون تعبان و شلون ساندينه
و يغسلون بوجهه هاي بداية عقابه الها
والله اليستر بعد شتشوف منه وكل هذا من
ايدها كل دلاله نكرته و جازته بحركان الدم
والحقد خلته فاقد للراحة..

-ارفد من بعد ما غسل وجهه و نكعه بالمي
التفت على سمر.. روحي جيبي منشفة و قميص
لخالج.. اخذتله ملابس ومنشفة وهو راح يسبح..

-مسرة سندت سماح و كومتها جانت منتهيه
وبس تون اني بس صافنه عليها شكد جان
يعصب و يكتلني بس اليوم شفت اسر ثاني
شفت وحش كبالي السلاح و النتالة و العصبية
اليوم حسيت اسر منهار و يمكن لوما الولد
يمنا و يكسرون الباب جان الله الي يعلم شصار..

-عمتي باوعتلها.. مستاهله وحيل بيج دمرتي
اخوج و مرته لو صاير عليه شيء بسببج..

-عفتهم و دخلت للغرفة كعدت على الجرباية
و اسمعه رجع يهوس عليهم هذا ما يخاف
على نفسه راح يدمر من الاعصاب وهو منا
ضغطه مرتفع كلش..

-اتقربت اكثر واسمعه صاح بيهم.. ما يبقن
ذني الحياية ما اريد اشوفهن لا هنا و لا ببغداد
لا يطلعن بوجهي ترى اخلص عليهن..

-جاوبه خاله.. ميخالف بويه اني اخذهن وياي
بس كافي عصبية راح تنجلط شبيك تخبلت
اليوم امشي ارتاح..

-هو دخل للغرفة واني رجعت كعدت على
الجرباية جنت خايفة منه كلش اخاف منه
من يتعصب اخذ فراش وفرشه بالكاع ومخده
ومدد.. وخر ايده الي جانت على عيونه.. شبيج؟!..

-ما بيه شيء..

-تعالي نامي مو الليل كله كاعدته ما بيه حيل
ترجعين تتخربطين عليه كومي حبيبتي..

-كمت مددت على الفراش وشوي بعيد عنه
هو كلب على جهتي.. ها يابه شو بعيد عني؟!..

-تقربت عليه و شبكته.. اخاف منك من تصير
عصبي لهذا ابتعدت شلون صرت؟!..

-باس كصتي و حضني بقوة.. كل شيء لا تحجين
روحي ما طايقها نامي ريا وبلا صوت تعبان وما اريد اسمع حجايه حقج واخذته و اله شويه تموت بيدي وهسه خلوني بس انام شوي..

-بس ما رضيت هيج تاخذ حقي والله اسر هذا
مو حل هسه ترجع عليه و تحقد علينا اكثر هو
صار عصبي.. كافي خرب كافي لغوه
راسي راح ينفجر كلمة ما اريد اسمع..

-نهضمت كلش على شنو محملني منيه ماخذ
حقي وهي اخته غلطانه و تستاهل سحبت
نفسي منه هو رجعني لحضنه.. نامي الخاطر
الله و بطلي العناد..

-جنت تعبانه وهلكانه لهذا ما ناقشته مهرة وريا جانو نايمات يم البنات قبل لا نغفه دكت الباب سمر علينا.. كعدوا و يردنج ما يقبلن يسكتن..

-اخذتهن واشم بيهن وابوسهن وهن مجلبات
بيه اسر كال..

-جيبيهن يمي خلاهن على صدره و يبوس بيهن ويضحكهن.. اوف شكد مشتاقلجن حبيباتي خلاهن ع ايده ويلعبهن وهنه مكيفات بي وهاي
مهرة تتخبل عليه..

-عفتهن يمه وردت اطلع..

-وين؟!..

- بره هسه اجي.. حجيتها هو صاح اكعدي رحمة لاهلج ريا مالي حيل مشاكل هسه بس يردن زله عليج و تعال اسر فاككهن انتي شنو
هذا العناد الي عندج من يروحن اطلعي يمهم..

-رجعت وهو راد ينام و يغفي ومهرة بجت تريد تطلع دزيت رسالة لسمر.. تعاي اخذيهن يريدن يطلعن اجت دكت الباب اخذتهن وطلعت..

-رجعت يمه خليت راسي على ايده و عيني
عليه شكد تعبان بقيت اتامله الى ان غفيت..

-فزيت بالليل حيل شكد نمنه باوعت على
اسر نايم ما انطاني كلبي اكعده طلعت فتحت
الباب على كيف و البيت صنطه ماكو احد
صرت مثل الحرامي اتلفت لا تطلعلي سماح
و تذب حركه اخوها بيه شفت سرور كاعدة وام مهاب رحت يمهم.. شو محد اكو..

-سرور حجت.. هلا بطلتج عيني هسه يلا
كعدت وتسال محد اكو..

-ام مهاب كالت بس دخلتو الغرفتكم خالي اخذ
وليد وسماح وام دنو مسرة ومرته رجعو
للنجف ومهاب و وارفد هم رجعو هذا
ارفد مرته حركت الجهاز عليه هم يردونه
خطية باوعت على سرور بس بقت هاي
المخبلة يمنا..

-لعد عمه وين.. هن كالن لا موجودة نايمه..

-تنهدت براحة همزين ما راحت و زعلت علمود
بناتها لان جان هسه اسر رجع عليه..

-هن سكتن شوي وحجيت.. اكيد كلكم كرهتوني وعبالكم اني وازته وداعت اخويه وغلات ماما عندي شكد توسلت بي يتركها بس هو ما قبل جان قافل واني ما ردت هيج يعاقبها بس
تعرفونه شكد عصبي..

-ام مهاب كالت.. وانتي شعليج ترى مرت اخوي
هم هيج جانن يسون بيها وياخذن المقسوم ويسكتن معليج تستاهل خلي شويه تتادب..

-هي غير تخبلت تكلهم راد ينتلني علمودها الساقطة ويضربني على ظهري كل لأجل عينها ضلت دعي عليج وانتي كلبج رهيف ومقهورة
عليها هي هم اختي بس خليها هيج احسن
ما يروح ينجلط اخويه من وراها..

-تدرين ريا كل هل ضرب الي شافته منه وتبجي تكول كلشي ولا اسر يتأذة تمشي وتوصي
بسمر خالج لايرتفع ضغطه راقبي ديرو بالكم عليه اعرف ضوجته..

-اعرفها تحبه وروحهن بي بس المفروض يحبني على حبه مو هيج يسوون هسه لا تحبني بس
مو تتهمني وهاي مو المرة الاولى قبلها
تهمتني و تعرفين ويامن وهسه تهمتني علمود
محبس شنو قيمته حتى اخذه من عمتي واسوي
هيج شبيه الهالدرجة ما شايفه اني لو احب
الذهب جان ما بعته علمود اسر جان ضميته..

-ضربتني خفيف ام مهاب.. ندري بيج لا
تكدرين خاطرج سالفة انتهت وهي تحاسبت
خليها تولي شنو الفايدة تحبه و شالعة كلبه..

-بعدها سألتهم موقف عمتي شنو جنت خايفه
بس تنهدت براحة من سرور كالت.. شبعتهن غم وحجي ودافعتلج ما قبلت على الي سونه..

-الحمدلله من فهمتوني حجيتها وجان تجيني
غمه من سرور..

-وثول اجينه نتونس وطلعونا نشوف العالم
هنا نطلع حدايق تالي دخلتونا حرب بين
الجنه و حماتها شبيجن انتن تذكرتن ويانا..

-ام مهاب جاوبتها اشبعج دياحه جنج على
ونسه بس عوفي البنية خطية كمت منهن
بعدما سمعت صوت اسر يصيحني رحت ركض اشوفه فتحت الباب لكيت الاضويه طافيات بعدهن وهو كاعد..

-سألني عنهم ومنو موجود اني خفت اكله ويعصب.. ماكو شيء راحوا بس حجيتها هو بسرعة رفع رأسه.. امي اخاف راحت وياهم؟!..

-لا موجوده بس نايمة مد ايده.. كوميني..

-لزمت ايده واني مبتسمه من كل عقله اكدر
واني يمه عصفوره.. هو سحبني عليه وكعني على صدره و بسرعه كلبني وصار فوكايه..

-باس خشمي.. شلون صرتي اخذتي علاجج..

-لا بعدني.. هو صاح خرب اهلج ليش الا
اني اشربج بيدي ليش هيج متهاونه بصحتج
ريا تعرفين يعني شنو كلبج تعبان يعني عناد
و فهاوه بطليها علاج اخذي بوكته شلون اضل
اركض وراج..

-اي حبيبي اخذ ما نسيت بس غير اكل يلا
كوم يلا ترى جوعانه و منتظرتك..

-يخسه الجوع حجاها و باسني من شفتي
ورجع بوس خدي عيوني خشمي اخذ خصلات من شعري يشمهن..اوف يا ريحتج ترد عافيتي
نزل على ركبتي يشم ويبوس اني جنت كلش مشتاقتله بادلته وهو انجن.. اسر..

-روحه وكلبه لاسر..
احبك هواي واكثر من كلشي بهالدنيا شكرا
لان اخذت حقي و وكفت وياي وما صدكت بيها
والله اليوم افتخرت بيك هواي عرفت عندي
سند الله لا يحرمني منك..

-واني هم ما اشوف الدنيا بدونج شسويتي
بيه و هيج اخذتي عقلي و كلبي.. ريا صح السويته غلط بس بعد ما اتحمل احد يأذيج
حضني بقوة اختنكت بقيت ادفع بي احس
النفس ضاق عليه.. اسر نفس اريد راح اموت
هو بسرعة ابتعد خطيه ظل يفرك صدري تنفست
ورا شويه يلا حسيت براحه..

-تعبتني هل حالة احس الاوكسجين ميوصل بعد وينكطع عندي الهوا تعبت منها اسر..

-باس كصتي وحضني.. ما اسكت عنج اعالجج ان شاء الله حبيبتي خله راسي على ايده.. ارتاحي بعدين نكوم نتعشه..

-بقيت تقريبا عشر دقايق على ايده وهو يمسح على راسي و كلبي.. يلا خل نروح ناكل جعت كومني طلعنا هو راح يغسل رحت اشوف شسوي سمر كالت روحي اني اسوي عنج ما قبلت بس هي اصرت طلعت كباب سوت ونواشف واني يمها اساعدها..

-جانت تسوي و تحجي وياي.. ريا اريد احجيلج
شيء..

-كولي..

-اذا سرور تحب رجال متزوج واكبر منها
بالعمر رغم هو عنده زوجه وجهال بس بعد همه حبوا بعض يصير..

-طبعا لا حرام عليها تخرب حياته وهو مستقر
شلون تبني سعادتها على هدم بيت غيرها
و تعاستهم وهي العوبه عافت العالم كلها
ركض على متزوج الي بس يحصل ليريده منها يتركها وما يسال بيها بعد يعني الي يخون
مرته ما راح يخونها..

-دخلت سرور سمر غيرت الموضوع وارتبكت هي كالت شنو تسون..

-اني جاوبتها بضحك نشيل غيبتج..

-سمر قاطعتنا.. ريا هاج اخذي بسرعة واني اسوي جاي اخذته منها ما اعرف ليش غيرت الموضوع وهي تكول لسرور اي نحجي عليج لان هواي تلغين حجتها بضحكة..

-باوعت عليها باستغراب وطلعت.. اخاف ما تقبل اطرق لخصوصيتها خل اسكت اخذت الاكل شفت اسر كاعد يم ام مهاب من شافوني سكتو ما اعرف بشنو يحجون.. تعاي عمري تعشي اجيت كعدت طلعت امه من الغرفة اسر بسرعة نهض وراح يمها باس راسها وتعذر منها على الي سوا..

-يمه هلمرة هي مستحقه لان تهمت بت الناس باطل وانه ما سكتت خليتهن يولن ويا خالك ونشوف شيصير تاليها..

-تعاي اكلي كالتله اكل وليدي ماكله قبلك كعدنا وضلو يسولفون وام مهاب كل شويه تضحك
على سماح من تحجي منفعله جانت فرحانه
لان هيج سوه اسر بسماح تكول تستاهل
ما خلت واحد مرتاح..

-عيني على سمر رايحه بغير عالم صافنه حتى متشاركنه الحديث و سرور جانت عاديه كعدت تفرك رجل عمتي كمت شلت صينيه اغسلها اجه اسر حضني من ورا..

-عوفيها البنات يغسلنها انداريت عليه كتله لا قليلات اجت مهرة تبجي اسر تخبل كلها منو وياج هي تبجي وتاشرله منعرف عليمن اخذها وراح
وسرور تضحك..

-ام مهاب كالت.. اسر ولك شبعتها عض وبجتها اجه اسر عليها كفشها من شعرها وهي تعيط
و تضحك عليه و على مهرة كالها هو هيج
يلعبون الطفلة وهي تضحك الفطيرة..

-كعدت يم عمه و عفتهم.. زعلانه مني ليش
وجهج احسه ثكيل عليه..

-لا يمه بس ضجت من رحتي فتنتي عليها يم اسر انه ست سنين ادري بيها تحبه وتريده ومسويه نفسي ما ادري و ما يوم حسست احد ومن ام مهاب ذاك اليوم بالعركة كالتلها على ابو اساور شفتيني شلون غشمت رويحتي لان امه هواي حجت ويايه وادري بي ما يوالمها..

-اعتذرت منها كعد يمنا اسر.. الله يديمها شون ثنين احبهم..

-اندك الباب ظل يندك اسر صاح اجينه صبر سمعنه صوت زلم وسلام طب اسر الوجه معبس كال البسن حجابات اشرلي ادخل جوه
قبل لا ادخل نصدمت من دخل ماجد
ركضت للغرفة لبست حجاب وطلعت..

-جان ماجد كاعد يم امه وحاضنها ويبوس بيها وهي فاحطه بجي عليه رغم سوالفه بس تحبه وهي فاقده ابن من 19 سنة عايفهم شلون
مثل الي متبري منهم هذا من بعد حمايه الجبير وبعدهم اسر وماجد انقهرت عليها من عاتبته..

-يمه ما ظل الي بس اسر ذاك بس المرته
والثاني عافني ودار ظهره كل هاي السنين
لا سال لا كال امي اخذ لهواها كلبه وعاف امه
اني هيج ربيتكم يمه وانت هم عفتني ليش
ما تفكرون بيه اطلع منكم بس اسر على كلبي
والباقي بس شلاع كلب..

-سلمت عليه و رجعت للغرفة لان جان
ابن خاله ويا و اسر يضوج اطلع دك جهازي
جانت نورهان رفعته و اجاني صوتها تبجي..

-ريا بابا طرد فارس....

يتبع....

اللهم صل على محمد وال محمد❤️