.#جعلتني_رجلا
١٩_____٢٠
#جعلتني_رجلا
#مريم_السعدي
#بارت19
رضا-يعني بيوم الماحاجيج احس نقص واريد اعوض واكون متلهف لهواي كلام راح اكوله الج
مروه- لامه شفافي لداخل فتحه حلكي ومغمضه جر نفس كال
مروه خومدااضغط عليج خو مداخليج تفكرين بهمي واغثج
ابد همست
شنو البيننا مروه كوليلي انتي
بقيت ساكته كال
مروه صار شهرين تعلقت بيج حيل واضل ضايج النهار كوله اذا دزيتي رساله وكتيلي اليوم مااكدر احاجيك بالليل عود لحد كتخابرين يله ارجع لوضعيتي تدرين
مرديت
يعني جتي فتره هملت ذاتي وهندامي هسه رجعت وياج وياج ذوقج بلبسي واختيارج بانسيابيه وسهوله وعدم تكلف حتى العطر والساعه تختاريها يعني كانما
جر نفس بحسره كانما عايشه ويايه مروه دتفتهميني
امم
شون شسوي
شنو التسوي على شنو
تعلقت بيج مروه
موجوده قابل طايره. شوكت متريد اني حاضره. اساعدك
بصفتج شنو ممكن اعرف شحاسبتني بحياتج
جان صوته قريب الهمس يحجي بتعب ويسكت ويرجع يحجي من تطلع الكلمه احسها بصعوبه جاوبت
صديقه استاذ اعتبرني بنتك مو تكولي بنتي
استغفر الله.
شنو
انتي تشوفيني بمثابه ابوج
اني جريت نفس اني من اول ماشوفك ابويه كصديق اي
امم وهسه
شنو
يعني نبقى اصدقاء
تريد متحاجيني بعد تحس روحك ممحتاج صديقه كيفك
لالالا ابد اصلا احس روحي محتاجج اكثر من ما نور محتاجتج
بقيت ساكته كلبي يرجف وي كل كلمه كال
مروه الفرق بيننا15سنه
امم
هواي مو
يعني مو فد شي عجيب والاصدقاء مو بالعمر صح
امم صح
ماشي اني حروح ماما دتصيحني يمكن نور جتي وناسيه الفطاير بالفرن هسه احتركت
حتى لو احتركت اكلهن ههههه
يعني ادزلك ههههه هذا قصف رباعي
محاوله موفقه مو
اي هههه تدلل هسه ادزلك
اريد بالحبن ههههه اتريك بيها ههههههه والله عمي ناس ماستحي
لا العفو استاذ محشوم يله اترخص
الله وياج مراوي ماوصيج بنور
لتوصيني على بنتي استاذ هدير ونور اخسهم بناتي مو خواتي
محضوضات والله كاعذين وياج وشايفيج يوميه يله اخذي راحتج
الله وياك سديته وخليته على كلبي سرى تباوعلي من باب الحمام مال الغرفه متخوصره
شبيج لج
شحجه وياج خله خدودج حنها خدود ماروكو
اخ يمه اخخخخخ يكلي صديق لك ياصديق احلى كذاب والله العضيم
خههههه مخبله نزلت مروه ركض على نور اموت عليها من تفرح يلوكلها حبيبتي الفرح نزلت وره شوي اكبجلنا فطاير وجاي واسمع مروه ونور وهدير وصديقاتها يضحكون بالصاله ابتسمت مروه من تفرح حيطان البيت تفرح وياها الله يحفضج يارب طلعت رويده من الغرفه بيدها هدوم بابا النضيفه مكويات كالت
ماما
ها يوم
ماما هاي هدوم بابا
جيبيها اخليها بالكنتور
اوك
سرى- باوعتلها باوعتلي ودارت وجهه
رويده
همم
تعاي اكلي
مااشتهي ماريد ماما
ها
شوكت تكمل العده مالتي اختنكت بابا كال بس تكمل اخذج لكربلا والنجف
يمه بعد15يوم
خوش باوعت لسرى كالت
ترجعين للدوام
اي السنه التجي جريت حسره بداخلي بعدني اسافرله باحلامي بعدني اتخيله يحتاجني ويشتاقلي بعدني افكر بي يوميه وابجي قبل مانام شنو الصار معقوله الله مديشوف الصار بينا مو ذاكرها بالقران. يفرقون بين المرء وزوجه ولا يفعلون الا باذن الله يعني معقوله ينكلب هالكلبه وينسى. مصحى لزمانه رجزين من وكف كدامي ورمه يمين الطلاك شنو مهزيت منه شعره مبجه عبالك بغير عالم اني وين عنك نسيتني نسيتني حيدر الحب وين راح شسويت وهلكد جمدت ناحيتي
هذا جان حديث كل يوم والوب على تلفون بليل وحسين ياخذهن كلهن قبل لينام واني اتعذب بفراكه مشتاقتله وكلشي بيه يذركني بي يعني هو هسه عايش عادي مرتاح وي هند الدااعيشه اكبر مني بهوااااي هووواي اكبر مني نضرات الشفقه بعين اهلي سكطتني احس مااكدر افرح بعد هو كل فرحتي الماذيني شي واحد شون كدر ينسى حناني اني مشتاقه لاشتياقه الي والله محتاجه يحبني مو كسرني بله اهتمام اريد يمرغل روحه مثل قبل. بس كلشي انتهى بعد راح عدت الايام وعدتي خلصت اخذني بابا لكربلا وي ماما وهدير ورووف ومرت عمي رووف يضوجني بعيونه يراقب ويبتسم واني اضوج منه من يضل بس يباوع يابه شكو مخلي روحك بروحي والله لعبتها لروحي انت بكد جدي اباوع نشراته مو تبصبص شنو مقهور عليه من خرب بالوكت الخلاك وخله غيرك تشفق عليه النوب شارك حلكه لعبت روح امي دنقرض
ايام العده خلصت بس بعده بابا وحسين مانعين الطلعه عليه جنت قبل نوبات اروح للعطار وارجع هسه حتى هاي مانعيها عليه بديت اختنك واشتياقي يزيد ميخف تلفون ممنوع الزم الا اذا كعدت ماما يمي واذا لزمته وحدي حسين يكلب الدنيا عليهم مو عليه ميحاجيني بشي يجرحني بس نفس الوكت حاجر عليه وبابا نفس الشي واذا صارت مناسبه قرايه او حفله ببيت كرايبنا اروح والعيون عليه والتهامس لعبت روحي كمت مااطلع ابد اختنك وبليل اوف يالليل جان بالنسبه الي مجرد الوكت يليل تبدي دموعي تنزل وي كل ذكرى وياه واردد وي روحي معقوله نسيتني معقوله ابد مااجي ببالك فرعنا متطبه بعد ويحوز يجي ويطب واني ماشوفه منين اشوفه من سياج الحديقه اللي علوه لو من الشارع اللي مداشوفه وفجاه بيوم من الايام. بليل واني ابجي لزمني وجع ببطني رهيب تدمرت واني اتكلب رحت لماما جانت نايمه صعدت لمروه هي ذاك اليوم نطت لهدير صعدت طبيت عليهم جانو نايمين تلفون مروه بصفها مكدرت بعد طبيت للحمام مالتهم راحترالمغصه وطلعت جانو غافين جانت تقريب الساعه 1 بليل يمكن اكثر لزمت تلفون مروه وضميته ونزلت جوه كلبي يدك سريع ورقم حيدر براسي حافضته طبيت لغرفتي هدير نومتها ثكيله بقيت الوب قفلت الباب وكلبي يدم سريع وبطني تلويني متت على صوته بس اسمع صوته واسده بس شوي لزمته دكيت الرقم وي كل رقم ادوسه روحي ترجف كمل الرقم دكيت دك يايابه كلبي يمه ربي دخيلك شون شسوي حموت دموعي تنزل بلهفه واشتياق. رد
الوو
جان صوته مطبك عبالك لزمت التلفون كلش على اذني غمضت عيني قوي رجع كال همس احمم
الو
مرديت كال وجر نفس بحسره
ريحتج بالفراش بعدها وشالج البنفسجي ناسيته هنا
كمت اشهك وابجي بالزاويه سكت شوي وشهك ويايه اسمع شهكته فتت كلبي فت حصرت روحي واشهك كال
يوميه امر لبيت خالتي
جان يحجي وصوته يبجي كوه ينفهم بس داافهمه
يوميه امر لبيت خالتي بس كون المحج راح اموت
زادت شهكتي
شسويت بروحي اني شسوو بينا حبيبتي شون شسوي
حيدر
ياعمر حيدر وروحه
اريد اشوفك راح اموت ولو من بعيد
وين وشون بس كوليلي هسه اجيج
كح بقسوه صوته منتهي ورجع ردد هسه اجيج والله
ليش هيج سويت
مو بيدي انعميت عموني رويده عمووني
ومرتك
بعدها بس مدااكدر افوت لغرفتها صار شهرين انام بشقتنا اريد ريحتج وصوتج الشقه وحششه حتى الحيطان مشتاقتلج تعبان اني تعبان والله
مو. كدي اخ يابه كلبي ورجعت اشهك هدير كامت تتكلب لميت حلكي خنكت شهكتي كال
خنكتيني رويده اختنكت كافي مااستاهلج
ممشتاقلي احجي وابجي
لج يامامشتاق لج غير اشم حتى بحيطان الغرفه من خرب حضي الخلاني بنص هيج اهل
ابوك ممات
اموت اني وميموت هو
بقيت ساكته كال
قبل شهرين حسيت على غفله بليل شفتها نايمه يمي مثل الجنت نايم وفزيت من نومي اختنكت احتاجيتج وتذكرت كلشي كمت الوب بالسطح واركع بالحيطان رويده من اتذمر طلكت بكل برود اشتععل نار لااكدر اباوع بوجه اهلي لا اكدر اشتغل بس نار مستعره بيه
بقيت ساكته نشفت دموعي كال
مجنت واعي مجنت بالدنيا رويده وحق هو الله
شون
اني سالت رجل دين كال بهالحاله حتى طلاقك باطل
فكيت عيني كلبي رفرف صدك حيدر
حبيبي اني جنت استغفر الله والقران جنت منوم مغناطيسيا لج مخليت احد مدكيت عليه من اهلج ابوج ضاربني بلوك امج اخوج وذيج المره وصلت لبابكم دكيته طلعلي ابن عمج وراد يتعارك ويايه وامجد ابن خالتي توسل بيه اروح لان خزيتهم ورجل خالتي طردني من البيت كال لتوصل بعد
عززه هاي شوكت
صار شهر
وانت وين هسه
اني بالسماوه رويده رحت لبستان ابن خال امي دزتني من شافتني يوميه اتعارك وي ابويه واهلي
ومرتك شون
باقيه هناك من ساعه السوده ليش عفتيني اتزوجها ليش فهميني دتشوفيني مو طبيعي شون خليتيني اطلكج فهميييني
اننني شفتك تغيرت ووانسحبت بعدما ابحيست كمت من تصعد يمي تختنك همس
اي صح
ووايست منك بعد
خرب ---- اني شسوي هسه كوليلي شرعا لازم غيري يتزووجج يله ارجعج ولج اموووت اذا غيري لزمج والقران
حيدر مااعرف شون رجعت ابجي كال
اصبري ميخالف اشوف دبارها عدي بس خلي نشوف شون بس ماضل هنا بعد اسافر امي كالتلي انطيك ذهبي وروح اشتغل بي اسافر للخارج
خاف يرجعون يسوولنا
شسوي فهميني اكتلها لنفسي وارتاح لج مو متت ميت موته ابجي مثل النسوان اني ابجي من خرب بالوكت
لتصير عصبي
اووف ربي مشتاقلج راح اموت مداصدك خابرتيني شون طاج كلبج عايفتني كل هالمده محنيتي
محاصريني حيدر
حتى لو انتي اذا ردتي شي تسوي لو محصوره بقوطيه
حقك متدري باللي صار ابسط شي حسين يطب ويطلع يهدد بيه ميكولها بوجهي صح يكول لامي ويسمعني ادفنها اذا لزمت عليها شي بعد
تدمرنا. اتذمر الشقه وكعداتنا وحياتنا اموت
اني هم والله رجعت ابجي اني هم ا
المشكله مو هنا
شنو
المشكله العار حامل
سكتت محجيت شي بعد رجيت راسي عالحايط دموع نار تنزل من عيني مايسه كال
ميبعدني عنج بس الموت عمري انتي لتهتمين
مرديت بعد هدير كعدت سديته راسن رسلت عالشبكه لتخابر بعد حرجع الفون
كتب باجر نازل لازم اشوفج مدااكدر بعد مصدكت خابرتي
اوك احاول بس انتضر مني مكالمه
ماشي انتضر على نار
مسحت كلشي باوعت الرصيد صففر وكفت كدام المرايه باوعتلي هدير كالت بصوت منعس
رويده
هاه
شنو كاعده
اممم هسه حفوت الحمام وانام
اوك باوعتلها رجعت نامت صعدت بهدوء فوك ذبيت الفون بمكانه كعدت مروه باوعتلي مستغربه
ها رويده
اااردت حبايه بطني توجعني
هاه جوه بالباب مال ثلاجه حبايه خضره طولانيه اخذيها
اوك نزلت ورحت نمت وتفكيري بكلامه ومستعده اوكف بوجه المل بس ارجعله هسه يله ردت روحي وارجع اتذمر تهديد حسين يتملكني الخوف كلش واتخيل بابا اذا دره يمكن يموتني طلعت من راسي كل تفكير كمت بس اتذمر كلامه وارتاح نمت وثاني يوم لل11 يله كعدت اباوع لروحي بالمرايه وجهي تعبان بس عيوني بيها لمعه وفرحه عن قبل طلعت خواتي كلمن ملتهي بشغله امي كالت
ها ماما كعدتي يله تريكي واكوي هدوم ابوج
اوك ماما سويت الكلتلي عليه وعفيه النهار شطوله صاار واتخيل هو بالطريق ديرجع وروحي ترفرف متشوقه لليل كلش طب سليم وحسين للصاله من الشغل رجعو حسين كال
هدير سويلنا جاي
اوك هسه
مروه- كملت تركيب وصعدت لكيته داز رساله
العطله ملللللل
هههه طبعا ملل
ضوجه دتسوين
جنت داسوي اكل،
امم شركبتي
فاصوليا خضره ههه
ام بيت ممتازه اني الوالده سوت تشريب خطيه
الله يخليها فوك راسك
الله يسلمج يحفضلج والدتج اني بس الجمعه تجيني تدرين الفلبينيه تركب
اي اعرف وطبخها مطيب
اي حشه نعمه الله بس ينوكل بس تدرين الايادي العراقيه تختلف
امم صح ههه
يابه منسمع صوتج شنو
خاف سرى تصعد
اوك لعد خلينا هيج
نور دتسوي
نور دتحضر جنطتها وغراضها
ليش
مو راح اخذها لسليمانيه كم يوم علمود النيروز
سكتت مكتبت شي بعد
ها وينج
ها استاذ
شو خنستي
لا هيج ماعرف شكول ههه
راحرابقى على تواصل ويتج هالاسبوع لتكطعين بيه
اوك لا مااكطع
عاشت ايدج اي بعد
هاهي ههه
راح اتصل شوي واروح
اوك دك رديت
الو
ايييه هسه تمام تعلمت والله
مو خوش تعلوم كلتها وغنه راسن
ابد مو خوش تعلوم علمتك عليه --- تفاحات بخامه صوته حلوه سكت واني ساكته مصدومه بي طلع عالترابي حيل ممبين عليه من النوع اليغني وهالسوالف جان دومه رزن واموت على هالطبع البي كال
خوما اخترعتي
ههههههه لالا بس انصدمت ممتوقعتك هيج
يمعوده بالبيت هم نوبات من ضايج اطرب
ههههه بس حلو
صوتي حلو يعني اقدم بالمسابقه
ههههههه
ههههه اضحكي اضحكي
لا استاذ العفو
لا والله حلوه ضحكتج تحسسني مراهق
بقيت ساكته لكلمته
مروه
نعم
شغلتج اني مو عدج شغل
لا
اكيد
امم
زين متطلعون انتو متروحون سفرات
لا ليش هم نروح ياهذنا بابا مره لايران مره للشمال بالصيف ومره رحنا لبابل الاثار مال بابل ومره للناصريه مال اهوار تخبل
امم صح فعلا حلوه
،اي يعني طالعين بس مو دائما
عالفرغه يعني
اي
مروه؟
نعم استاذ. سمعته جر تنهيده وكال
صار شكد نسولف سوه
صار 4شهور
ممم صح هواي حواجز انهدت بيننا كمت اعرف قصدج وتعرفين قصدي مو تمام
امم
وتاكدت ماكو احد بحياتج تمام لو لا
اي ماكو احم ماكو لا
زين ااا ---
احجي استاذ ماازعل
يعني اخذ راحتي
اممم
زين اذا هالحجي زعلج لتنهزمين كوليلي سد الموضوع واسده ومافتحه بعد ماشي ونرجع مثل مااحتا اوك
اوك
زين احم مروه صرتي تعرفين الصغيره والحبيره مثل مكتلج قبل سبوعين عايشه ويانا كانما
اي استاذ كلت مستغربه شيريد يكول جر نفس وهمس
مراوي
بقيت صافنه اول مره يكولها بقيت ساكته
مروه
نعم
شنو مواصفات التردين تكملين حياتج وياه يعني اذا تقدملج شخص شنو شروط الموافقه عدج
بقيت ساكته كال،
الو
الو
اي مروه احجي
ماعدي شروط ان يكون رجل بس
ممم يعني شون رجل ههه عذرا للسوال
يعني مو اشباه رجال لا استاذ عادي
شنو قصدج اشباه رجال
استاد اني واعيه ووالدي وانت تعرفه واني هواي اكعد وياه واسمع منه بلاوي زركه بالناس الديصير بيهم استاذ
مفهمت ممكن توضيح ولو ضوجتج
لاعادي جريت نفس
المهم يكول رجل الي مو عليه غيره وخوف وحب يفهمني وافهمه ثقه صدك يعني مثلي اريده واضضضح ----احجي واتجسده اله بكلامي واخاف احجي اكثر واوصفه كمت اركز على كل كلمه تطلع من شفتي
بقه ساكت كال
العمر شكد تشوفي مناسب الج
بقيت ساكته معرفت ارد كال
ماراح ازعل
شنو قصدك بهالاسئله استاذ
بصراحه مروه
اي بصراحه. احنا متعلمين هيج ---- كلتها وكلبي يخفق
اكو استاذ جامعي شاب ويايه بمثابه اخويه ويريد يتزوج وكال اريد انت التختار لان خاطب قبل وفصخ لان شوفته الويلات خطيبته حاجيلج عنه استاذ جعفر
بقيت فاكه عيني اختنكت بعبرتي مكدرت بعد احجي كال
الو
احم همم
وينج شو سكتتي مكتيلي رايج
مرديت
مروه
نعم
ليش ساكته انتي تعرفيني كلش زين اني مااختارج ولاافكر بيج. اله اذا مواثق منه
محد طلب منك عريس كلتها ببرود
يعني متوافقين متردين بس بعدج مسامعه مواصفاته
سكتت كال
مروه شبيج زعلتي
لاعادي اني حروح اترخص
دوكفي خل افهم الولد منتضر رد مني
استاذ اني عدي اهل يجي عليهم شنو هالحجي نترت
بقه ساكت شوي كال
حقج عليه اسف اذا قللت من قيمتج
اترخص
غاليه مروه
سديته بوجهه وضميت وجهي بالمخده والله حتى الدمعه متطلع من الصدمه انعل ابوك لابو فرفحت روحي حتى غده متغديت
#جعلتني_رجلا
#مريم_السعدي
#بارت20
مروه- بعد لو تمرغل روحك ماارد من امدايه يوميه اكول اقتربت اكثر راح يعترفلي بحبه بس الضاهر لعبت نفسه من الزواج خوش حتى اعرف ناسي بعد اني صوجي طلعت من الطريق والله عرفت كل طريق اعوج نهايته المنحدر بس نقطعه ضعفي وضعفت كدامها
سرى- انقرض معد انقررض جتني فكره اروح لرووف وهالفكره صار سبوعين تفتر براسي وااتراجع وماسويها اليوم كملت محاضرات ومفروض ارجع للبيت ابو الخط مراح يجي فكرت اروح لرووف للمعهد يوصلني وياه لان بابا كال عود مري لرووف اذا شفتي نفسج وحدج بس اذا شفتي روحج وي لمه صديقاتج رجعي سوه وياهم بقيت منحرجه متردده افوت لو لا واذا فتت الكاه لو لا رحت وردت اكسر الشك عدلت هدومي وحجابي باوعت للمرايه مال حمام الجامعه راضيه عن نفسي وتوجهت للمعهد عبرت الشارع وفتت سالت عن استاذ رووف ودخلوني طبيت ادور بالوجوه يمكن اذا شفت رووف ماانتبه عليه لان دادور على غير شخص بقيت افر براسي طبيت للاقسام اجاني صوت رووف
هاا سراوي
التفتت ابتسم فازه ها هلو رووف
هاي شنو منوره المعهد
راح اورطك اليوم
ليش خوماكو شي
لا بس الخط ميجي وصديقاتي راحو كلت ارجع وياك
شكو منها امشي اكييف بيج بس ها معزومه على غده
لا وين بيتكم
لا ههه اني اليوم مسويه يخني مال عدس ههه واني اموت منه لا الاساتذه مسوين عزيمه بالمطعم تجين تغيرين جو واذا معجبج اوصلج وارجع ها شتكولين امشي غيري جو اكو ويانا استاذات هم
ابتسمت واتخيل اكيد معد وياهم هزيت راسي اوك بس اكول لبابا شلت الفون كال
لالا عيب من عمي اني اخابره اخذ الاذن تنتضرين هنا بالغرفه
لالا حطلع للحديقه حلوه
اوك براحتج هسه شوي واجي اشوف شوكت يطلعون
يله كلتها بلهفه شفته شال الفون وحجه وي بابا جانت عيوني تدور عليه بكل اركان المعهد ملكيته مشفته شفت كم قسم مسدوده بابهم عليهم توقعت يكون بوحده من الاقسام بقيت انتضر بالحديقه شوي وطلع رووف مبتسم كال
يله سروشه
اوك وكفت مشيت وراه
رووف خوما زحمه
هاي شنو سرى احنا ولد عم ورابين سوه ولج الاسبوع كله سليم يمكم ريوك وغده وعشه من غير اني وجياتي المفاجئه عيب هالحجي
اوك هههه طلعت وراه صار بطريقنا جماعته جانو راقين للاخير بس الضاهر يعرفون طيبته حيل يحبو تعرفو عليه رديت بابتسامه وبديت اايس انه مجاي شون اسال رووف لا عزه هسه يلكفني هذا نبيه كلش بقينا نمشي بمررات المراج واحد من الاساتذه مال
استاذ رووف هاي بت عمك رشيقه تعلم منها
لا مااتعلم ههههه مرتاح هيج اعلمها ومااتعلم مو سروشه
هههه كيفك بعد ابتسمت ضحكني وصلنا للسيارت وكلمن كعد بسيارته وجوي ويانا اساتذه 2الضاهر ماعدهم سيارات طلعنا وكطعت الامل انه مجاي جريت نفس هاهي شسوي بعد قابل كال واحد من الاساتذه
اكولك معد خابرتو.
وكف كلبي باوعت لرووف كال مبتسم
اياي وصل وحجز طاوله جبيره
زين عاشت ايده
كمل كلام ومغصتني بطني شون حشوفه شون حتكون رده فعله اللهفه ترستني ترس. وصلنا المطعم ونزلنا طب رووف وجماعته وبقت ويايه تمشي استاذه تطلع بعمر رووف عيوني تدور لجبالمطعم مموحود وينه ولمحته وكف يعد لجماعته لان تاخرو ورووف يكوله الله عليك كتلهم يستعجلون حموت جوع بعده مشايفني لحد الان من ابتعدو جماعته لمحت بنيه سفور جانت كاعده يمه وعرفهم على انها صديقته وشافني!!!!!
كلشي بيه فز من شفت البنيه جانت حيل معتمه بلبسها ورشاقتها ومكياجها وشعرها لدرجه من شفتها عدلت كوتي الطويل الساتر منحنيات جسمي حسيت بشي ياذي بكلبي فتح عينه كلها وجمدها عليه مستغرب ومصدوم ومتعجب كلها بنضره وحده بقيت اباوعله واباوع للي بصفه بله شعور عاكده حاجبي باوع لمكان نضرتي ورجع باوعلي رووف كال
هاي بت عمي اليوم خطها مااحه كتلها امشي ويايه تعاي سرى
فززني رووف من صاحني تقربت رجلي كوه اشيلها الوش هالاحساس هو قابل شصار وهلكد تاثرت باللي بصفه معدت يم رووف وخله كدامي بطل مي اما معد بقه على وكفته ونضرته من انتبه على روحه جر الكرسي وكعد وعيونه كلسا تصير عليه مرتبك بقيت منصيه راسي ومخنوكه منهاي تركني لاكيله بزونه واني عبالي ميت عليه والله بطرانه اني هو مرته عافها اجه الاكل والاساتذه وهوستهم وحجيهم بس اني وياه ساكتين رووف داخ بالاكل والتصنيف اشتغل مجنت اسمع ولا اضحك بس عيوني على ايده ساعته والمحبس والشعر الخفيف اللي بكف ايده الاسمر شاورته اللي منصه لاذنها وهز راسه بالقبول ورفع راسه باوعلي باوعتله التقت عيوننا مادري شبيه ودمعت عيني نصيت راسن بعد مشفته فك عينه وعكد حاجبه كمت الميز مكدرت اكمل اكل بعد رووف كال
وين سراوي
شبعت والله رووف
زين بالعافيه اشيله الج سفري
لالا اكله انت مطلبت شاورما تره كلش طيبه احجي واباوع عالجنطه مال البنيه الوي معد هلكد جانت انيقه تركت الطاوله ورحت للحمام غسلت وجعي وايدي اباوع لروحي بالمرايه واعدل بالشال كلسا اريد ابجي طلعت جان اكو حوض سمج يم الحمامات وراهن بقيت اتفرج عليه حلوات من يتحركون واحلى مابيهن ماعدهم عقل وتفكير وهم مثلنا فجاه سمعت صوته ورايه
شونج
التفتت بسرعه فازه رفعت حاجبي من شفته استقرت عيني بعينه مضيق عينه باستغراب هزيت راسي همست
زينه
شال ايده باوع لوره الحمامات خاف احد يجي ورجع باوعلي ضرب على فخذه شجابج اليوم وياهم
رحت لرووف للمعهد
اول تالي تفوتين معهدنا لو جيتي على غير شي
جنت منصيه من كالها رفعت راسي راسن برطمت خنكتني العبره درت وجهي كام يدور بوجهي اقترب ابتعدت بكد الاقتربه كال
شبيج سرى بس باعيني
هزيت راسي لا بله صوت ومنصيه راسي
اذيتج بشي احجي
ججج ----احجي ومنصيه
لعد ليش هلكد شايله بوجهج عتب مو كتيلي ابتعد ابتعدت
هزيت راسي مو يمك عفته تعديته اروح كال
مجاوبته عفته ورجعت للطاوله عرفته لعوب وارجع واتذكر حجي مها وشوكتها منه واتذمر اول رساله منه يابه هو مسقط اني الوش شاغله روحي بي بس شكول لكلبي كملت الكعده ومعد مشال عينه واني كضيتها منصيه راسي اخر شي واحد من الاساتذه كال
مسمعنا صوت بت عمك رووف عكسك تماما
ههه بنات عمي من النوادر اللي افتخر بيها بحياتي لدرجه اكتفي اعرف غيرهم صديقات
باوعتله ابتسم ودرت وجهي على معد اشوف ملامحه اباوعله صار نار عاكد حاجبه مزنبر نصيت راسي استاذ ثاني كال
الها شبه بالممثله التركيه لميس مو بله
كلهم كالو اي اي عفيه تشبهه
بقيت منصيه راسي واحد منهم كال
بس هاي محجبه ذيج سفور ههه
يابه غير تركيه هاي نسختنا العراقيه اصلا ذيج قالب ثلج متنحب سرى تنحب ابتسمت ورووف كال
كافي عيني شو اخذتوها تفصال عمي بعد ماجيبها تضربوها بعين رجعت باوعت لمعد يحرك باطراف اصابعه عالميز بتوتر وعصبيه ويزفر ونضراته عليه بعصبيه لحد منتبه رووف كال مشاورني
نرجع للبيت شتكولين
اي اي هزيت راسي وكفت ووكف رووف
يله يابه انشاء الله دايمه لمتنا واحلى اكل والله هههه
ولك رووف اكلت مال سبوع
باع هذا اني اصلا دافكر من اركع شكول لامي تسوي عشا بطران يكولي مال سبوع هههه احجي عن نفسك بابا
لك بابا خفف حتطك
خل اطك يابه شماخذين منها
سرى- لبست جنطتي سلمت وطلعت وطلع رووف ورايه طلعنا بالسياره وصلت للبيت بيني ويين نفسي اكرل هذا هو ماانطي حيز من كلبي وفكري بعد ابد
مروه- ثاني يوم محاجيته ولا الي نفس بعد جانت صديقتي تكول على حبيبها طلع من كلبي اكول معقوله اليحب يطلع من كلبه حبيبه فعلا دار الوكت ورضا بده يطلع من كلبي انسان مناقض كلسا باحساس لعب نفسي وشككني بروحي دك عليه كم مره مرديت رسايل اصلا مفكيتهاحتى ماعدي فضول شنو مكتوب بيها نور اتصلت عليه مرديت توقعت هو الديدك خليت سرى تجاوب بعد محجيتلها كلشي
سرى- الوو سمعت صوته بعصبيه كال
ليش مدتردين مو دااتصل بيج
االعفو استاذ اني سرى مو مروه
ها العفو العفو ااا والله اعتذر بنتي بس ااماادري شكول بس بنتي اجتي يمكم ووضل بالي ومن شفت مروه مدترد خفت بيها شي
لا استاذ عادي توها طبت نور
زين ست مروه موجوده بس علمود نور ردت احاجيها
باوعت لمروه واني فاتحه سبيكر كالت ماشره كوليله جوه دتدرس
استاذ مروه جوه دتدرس البنات
همم ممنون بنتي سلامي لوالدج
وصل استاذ
مع السلامه
اهلا بيك سديته وذبيت التلفون عليها ولج هذا ميت
وموتت اهل الكبور اني نازله
اوي واني شنو نزلت وتمددت صافنه على سكف الغرفه واللي صار اليوم يفتر براسي فعلا اكو عالم نحمد الله ونشكره مناطيهم مجال بحياتنا دائما الالتزام والعفه احسن خيار وكلام بابا صح ضيقي دائره اصحابج محد لاحد صح كلامه نزلت واقنع روحي انه اني مرتاحه وهمزين بين بس باعماق قلبي مقهوره ومكسوره من الصار نزلت يم رويده شفتها تسوي وجهه بالحافوفه استغربت
هاي شنو شعجب
هيج عجبني
ههه شكو منها بس انتي اليوم مزاجج حلو
الحمد لله
حروح اسوي شي حلو تاكلين
اي سوي اكل هسه اطلع وياج
طلعت لكيت ماما تمسح الطباخ مامي حسوي محلبي
لا يمه توني ماسحه الطباخ
والله ارجع انصفه وداعت عمار
هههه ديله كيفج حسبي حساب ابوج وخليله هيل يحبه
اوك مما يدلل بابا ومرته ههه سويت جديريه متوسطه طلعت مروه باوعتلي كالت راحو صديقات هدير بقينا بس اني ونور وهدير سوينا وياج
اوك كبرت الجدر وطب رووف وسليم وفرات
اهوو كبرته بعد وسويت صينيه طوس طوس بيها اجه حسين يمي كال
الله اريد
هسه داسوي
فدوه لسراوي والله توه اجه على بالي
تدلل حسون
فدوه لعينج والله انتي ومروه احسن خوات بس الباقين بالشط
هدير- ليش شمسويات عيني مو تلكه هدومك نضيفه ومكويه كل يوم وغرفتك تلمع
اسكتي ام لسان لو مخليلي فلبينيه متقطني كدج
خرب خضي هسه لو سليم اخويه جان قطيته كل يوم عالبارد المسكين ينطي وهو فرحان مو مثلك عينك بيها
دشوفي ياشريف ينطيج بعد
والله اكول لابويه
ومتكولين لابوج محلي هذا يابه باع هاي ها سرى صار
حسون بعده حار يبرد واجيبه الكم للحديقه
لا بالصاله امو لعبه
لاا مو البنات بالصاله
منو
نور ومروه
نور هنا ليش
اي باوعتله باوع لباب الصاله باوعلي كال شونها وره ماابوها طلك امها
زينه الحمد لله احسن بهواي
الحمد لله
مم الحمد لله ديله كاعد يم سليم وولد عمي وابويه بره تره ورووف هنا فد طاسه جبيره اله
هي هاي مالته باوع اشرتله على اكبر وحده بيها ضحك وطلع
انتي شون هيج تحاجين اخوج متستحين
مكلت شي اني
هدير والله اكوله لبابا يادبج ادبسز والله لو اني منه اسحلج
يدري بيه بس حجي ومااطلع من طوره.
مع هذا لازم تحترمين ماما عيب لتشوفين روحج مدلله تستغلين تره تنكرهين همست
اوك ونصت عت باوعتلي
شكو
خاف يسويها صدك ومينطيني اسبوعيتي
عزززه بعينج لج انتي شنو من بشر خرب. يومج الله يعين الياهذج
ماريد احد ياخذني ولا اخذ احد عيني
عفتها وطلعت وزعت عالولد فرات كال
تسلمين سرى شونج بالجامعه البارحه شفتج وي رووف
اي طلعني خطيه ههه باوعتله ضحك كال معوده كلشي مااكلت حتى السفري مرضت تاخذه عاد اني ضربته وره العشه
فرات-لاحضي شكال وره العشا يعني ضرب العشا ووراها ضرب السفري مالج ميصيرلك جاره
رووف- هههه الاكل نعمه واحلى نعمه اني من اضوج اندل معدتي
هههههه
اكل بالعافيه هاك هاي الحبير الك --بابا كال
كملت مروه بابا
اي راحورالبنات بقت بس نور
اي يمكن اجه ابوها سمعت هورن سيارته
مروه- دك تلفوني استاذ رضا باوعتلها لنور
حبيبي بابا اجاج
اوك يله ست بباي باي هدوره
باي عود خابريني حبابه الحاسوب نسيت الملخص
اوك هسه ادزه الج نصيت راسي اسوي قيطان البوتين نزل شعري السرح شفت رجلين كدامي رفعت راسي حسين ابتسمت
هلو حسين
هلو نور شونج
زينه رينه يله بباي
اوكفي باوعت وراها مروه رجعت طبت للمطبخ سكتت مكدرت احجي التفت كالت مجاوبه بفهاوه وشعرها علىوجهها توخره بهزه ر اسها بنزاكه جنها اجنبيه كالت
ها حسين
فدوه لخالشعر النازل على وجهه جوزي ووجهه وردي فدوه يمه نزاكه ومتنتبه على روحها شكد تاثر بيه بقيت اباوع بوجهه كالت شنو تريد. ببراءه
هيج هيج روحي
اوك بباي باي ست
اوكفي نور
نعم
هاج هاي طاستج باوعت لسرى بالهول
سرى مبقت وحده زايده
لا بس مالتج بالثلاجه
امم فتحت الثلاجه طلعت الطاسه مالتي غلقتها ورجع دك هورن ابوها طلعله بابا وضلو يسولفون بالباب غلفت الطوس وحسين واكف بباب المطبخ ونور يمي تبتسم صارت بيننا ميانه لدرجه تبين فرحتها من انطيها شي معجنات اوحلويات وهي هم تجيب كومه نساتل من تجي اخذت الطاسات ورجعت ليوره
شكرا ست بباي
حسين- واكف بالباب وهي بفهاوه ترجع ليوره تباوع لمروه تضحك افترت وافتر شعرها الواصل لعكس اي ها وشايله كدلتها حزء منها بماشه صغيره واكف بالباب انطخت بيه رجعت ليوره عليه جسمها طخ بجسمي اباوعلها كالت
العفو العفو
ركضت مستعجله واني وكعت بنار بقيت بس اباوعها من تركض شكو بيه احساس اشتغل وهي ممهتمه طفله عبالك واني دخت بكل تفصيل بيها فزيت على صوت مروه
حسين. وين وصلت
ها شنو
خويه انتبه البنيه امانه عدنا
هاا فكيت عيني شنو قصدج
عيونك فاضحتك انتبه ميصير
ااني مسويتلها شي
ميخالف لتشغلها بعدها صغيره تره
امم اعرف نصيت راسي خجلان من اختي الحبيره رفم الفرق بيننا4سنين بس احترمها حيل واعتبرها بعد امي بالبيت رجعت كعدت يم الولد ضجت من روحي واتذكر كلام مروه
البنيه امانه عدنا. بقيت ساكت
سليم انتبه
حسين شبيك
ماكو شي
غمزلي تقرب كال
نور مو
باوعتله متفاجا شنو السالفه هيج مبين عليه لا يابه ماعدي شي وياها صدك جذب رديت
شعليه منها البنيه امانه عدنا عيب سليم
اوك مكلنا شي طلعت هدير ابتسمت كالت
هلاو
هلو هدوره رد رووف اما اني اكتفيت بس ابتسم واباوعلها من تحجي كالت
بابا اريد اروح للاسواق
شعدج يابه
اريد اشتري اقلام خلصت
ذاك اليوم جبتلج تاكليها
حسين- تبيعها بابا تبيعها هاي كلشي اتوقع منها
هدير- حسين توني ترزلت من سرى ماراح ارد عليك اني احترم اخويه الجبير
حسين- اخ مداعرفج مغيريلها باترياتها بالجديد هاي
هدير- هفف ها بابا توديني
حسين كوم وياها
مابيه حيل لج باجر من ترحين للدوام اشتري
اييي داريد اكتب اي بابا
فرات- اني رايح امشي تجين امي رادت بيض
سليم- وكفت باه مااحس على روحي رووف كال
ها شبيك
لا اني هم اريد اخذلي مكينه مال زيان
فرات- لعد جيب وياك بيض وزبد لان رووف خلصه البارحه
رووف- هو شون زبد عمي لازم تجربه
ابو حسيت-يابه موزين عليه كولسترول
عمي غير عبالك مسك
الف عافيه يله هدير روحي بدلي يابه
اوك با با ركضت طبيت بدلت لبست شي عالبنطرون طويل وطلعت الف الشال على مغسله الكليدور شفت سليم يعدل شعره بشباك الصاله عباله مداشوفه بقيت اضحك عليه حاير بشعره ويعدل بهدومه خبلها لروحه طلعت باوعلي ابتسم ودار وجهه عالحديقه كال
يله امشي طلعت كدامه رحت لباباقطيته وطلعت وراه لكيته ينتضر بباب الحوش الدنيا مغربيه وبدت تضلم كمت امشي وهو بصفي كال
سليم- ردت اي شي يخليها تنتبهلي باوعتلها كتلها
طولانه هدوره بعد شوي توصلين لجتفي
ههه هو. احتا طويلات
هههه بقيت اباوع بعينها تلمع بالضلمه عبرنا الشارع لزمني من ساعدي كال متنهد
اوكفي سيارات خل نعبر
خلاني وراه وعبرنا باوعلي ابتسم ورجع دار وجهه متنهد شبي هذا طبينا للاسواق وكمت افتر شتريت اقلام ومساحات وحسين ورايه يمشي
هذا لو هذا
كيفج
لا انت اختار هذا القلم احلى لو هذا
ههه الاحمر احلى بقيت اباوع لبراءتها اخذت قلم جاف وبقينا نمشي وتاخذ احتياجاتها كالت
مااخذت بيض
امم هسه من نطلع
اوك
جربي القلم خاف ميكتب
اي والله صدك
فتحته وتدور على شي تكتلب بي تجربها
جريته من عدها جريت ايدها وكتبت ببطنها. سليم بالانكليزي انكتب باوعت بعينها ابتسم
طلع يكتب
وليش عود اسمك جريت ايدي من عده كال
لان انتي باسمي رفعت تك حاجب عكدت حاحبها دارت وجهه حسيتها فهمت كامت متباوعلي اخذت بيض والمكينه واشتريت نساتل وجبس من اللي تشتري دوم وحاسبت بقت صافنه حتى منطت فلوس ولاحجت شي مشينا سوه كلسا اباوعلها كامت متباوعلي
شبيج
باوعتله ودرت وجهي
زعلتي،
اييي
ليش شسويت وكفت بفرعهم اباوع بعينها احجي شبيج صفنتي
اني منسجله باسمك
لعد باسم منو ضيكت عيني
باسم بابا
امم ابتسمت بس وراها باسمي بس خليها ببالج
انت مثل اخويه واني مو زعطوطه تره افتهم بس اغلس
ادري واشعر بيج من تفهميني بقيت اباوع بعينها بقت عاكده حاحبها وتمشي سريع واني وراها تضايقت كلش تندمت تحركت هالخطوه وصلنا بباب البيت التفتت كالت
بعد ماحاحيك ابد
ليش
ماه
اوكفي هدوره
اني هدير مو هدوره تره اكول لبابا نترت بي بعصبيه
بقيت صافن عليها تركتها طبت للحديقه وطبيت وراها كعدت شفتها طلعت الفلوس من جيبها نطتها لابوها
ابو حسين-ها مشتريتي لعد
لا سليم دفع انت ادفعله باي حروح اكتب
سليم- تعاي غراضج شلت علاكه النساتل
مو غراضي هاي نترت بي
اي اوك كيفج كعدت كلبي انقبض حسين بصفي كال
ابويه يحاجيك
ها العفو عمو مسمعت
يابه الحساب شكد صار
عمي مو هواي متسوه
ماشي يابه مردوده
سليم- وكفو الولد ووكفت وياهم رجعت للبيت متضايق تندمت ومن ذاك اليوم ماعدت اروح لبيت عمي اوصل حسين وارجع يلح تعال فوت اكوله لا راجع لامي عدها مسواك كمت اخجل افوت خجلتني متوقعت رده فعلها حتكون هيج شنو يعني استنكفت مني مثلا. لو مخليه غيري ببالها مجرد فكره رجفت اعصابي اكتلها واكتل روحي وراها
يُتبع...