.#جعلتني_رجلا
بقلم
#مريم_السعدي
٤__________٨
#بارت٤
لج اليوم اجتي مرته ودعتنا وهاي مالت مديقبل معد اسولف وياكم لتزعلون مني وراحت
هههههاي والله شكلها هي الخبله
لا بابا هي بس تشكي منه
حبيبه اللي تطلع اسرار بيتها شيسموها هاي سكتي عمي اصلا انتو موصديقاتها كاعده تخرط هيج سوه وهيج سوه على يامال بقت بس شسوه بالفراش مكالتها
ههههههه ايع كبر غميتها
والله
باعي هي مو طبيعيه بالذات ويايه بس اجي تشتغل الشكوى منه واني مصارلي اعرفها غير هالسنه واني تدرين ابد ماجاوبها ولا اناقش بس استمع
احسن
اي يمعوده على كوله رووف البيوت اسرار بس هو مبين عليه يخوف لو اشوفين من اطلع شون يباوعلي من فوك ليجوه يكرم الله حتى على جواريبي يباوع جنت قبل مااهتم اذا تك وتك اكول هي سوده متبين هسه لا لازم التكين صح مالي خلك اصير علج. على لابسه تك وتك
ههههههههه خرب يومج سرى زين انتي ليش متلبسين بيجيه
اكو احذيه يلوك وياها السوده واكو يلوك بيجي
ممم صح
اكولج صدك انطاج بابا سبوعيتج
اي ليش
اني هم طاني ههههه بس بيها حوافز
شنوو ليش يمه
لان اني دااكوي. هدومه وهدوم حسون عيني عيني
اهووو والله بعد كاعرف هدمه وصخه يوميه افر الغساله واشرهن زين هدير طاها
لا كال معاقبه هاي اختج تالي وياها لاشغل لاتنضيف لادراسه مكابله المرايه وكاعده،والله خايفه عليها
خافي على روحج مكهونه ومتورشعه ابوج بالطلبات اكثر وحده صرافه
لج عمرها راح وهي لاوصلت ولا تعلمت من غير سوالفها شايفتها شون تباوع على سليم وذاك دايخ بس الف وفطاريه هدير ام فليس
ههههه تدرين ذاك اليوم تريد تحشك الفلوس بالدخل متطب كالت هاي شبي الدخل كتلها شكو شو جيبي تكول مدتفوف الفلوس كتلها عزه بعينج متروس جان تنتره مني وتباوعلي تغمني تكولي خمسه وخميسه كتلها الله عليج شكد جامعه صار ست سنين تجمع كالت والله كلها خرده
اذا هي تاخذ اسبوعياتها من بابا وخسين وتضمها ومن تريد شي تخمط من جزدان امج وامج معلسه تكول المهم متصرف
ههههه مدري عليمن طالعه ههه
يله حبيبه حروح اقره وانتي هم اقري حتى تتخرجين وتخلصين والحكج اني
اسكتي شايله هم باوعتلها بحيره اذا تخرجت شسوي،تعلمي طبخ هههههه
والله العصيم ديله روحي
مروه- تعمقت بحياتهم لدرجه كمت اعرف شيحب ويكره اكله شربه طريقه لبسه املكن اللي يروحلها الكه روحي اسال بين الدراسه عنه كمت احس روحي عايشه وياهم
كمت احب مركه الفاصوليا ثخينه لان يحبها هو هيج وكمت اكلب دوم بكافتريا الوزان لان دائما من يكعد الضهر يروح بيها وي الاساتذه اصدقاءه. لكيت روحي ادخل على الصفحه مال كافتريا ويوميه بلكن اشوف منزلين صوره بيها هو مع العلم يوميه اشوفه بالدوام بس حياته العامه احب اتطرقلها بفضول قاتل للتفصيل الممل. لكيت روحي احب الرصاصي لان كل تراكاته رصاصيه نور فطيره تخرط الاكو والماكو بحجايه واني اتمعن بكلامها باجر اخر يوم ادرسهم لان حتبلش تدرس بقيه الدروس وبالنسبه للفيزيا خبتنها الهم دااكنس بالصاله ولكيت سوارها حسين جان نايم عالديوان التفتلي من طفيت المكنسه كال مبنجتسم
هاي مال نور ضلت تدور عليه
اي ادري
اشو
هاك باوعتله يكلب بي مبتسم باوعلي السوار هم مثلها نزاكه تحسيها اذا عطستي يمها تموت
ههههه خرب ببليسك هي نازكه وفاهيه وبشرتها شفافه وورديه
اي شفتها هه يله خلصتي اريد انام........بيج قصص عراقيه حقيقيه من واقعنا.روعه الطائي
اي هسه كملت كنس وطلعت باوعت للسوار مكتوب لومياء بالانكليزي بخط ناعم وي نعومه السوار يمكن اسم امها ضميته بجنطتي الحمد لله لكيت حجه احاجي بيها داومت ثاني يوم اخذنا محاضرتين مو اله جانت بقيت انتضر فجاه سمعت صراخه بالعماده تقربت اسمع الطلاب ملمومين صافنين شكو وراها طلع طالب وجهه فشلان بعد مسمعنا كلنا صوت طرده وتلقين قيده نصه راسه مسرع وطلع من الجامعه بقيت اباوع طلع الاستاذ نتر كال
يله كلمن لقسمه شنو هالهوسه ابتدائيه انتو اني فلتت قبل ليشوفني بس شكله جان اشرد يخوف رجعت لقسمي وكلسا اتذمر وجهه الاحمر وصياحه من يمي اخاف طبلنا واخذ محاضره كمل ديطلع صاح
مروه عادل.
كمت فازه
بنتي من رخصتج دقيقه
اا اي استاذ صار طلعت وراه امشي وهو يمشي سريع للمكتب مالته طب ودار وجهه رافع تك حاجب والابتسامه غايبه عن وجهه مبين مغثوث مغثه اخت الجذب كال
تفضلي صاح
ابو محمد جاي جاي رحمه لاهلك
اي استاذ صار
باوعلي كال تشربين
لالا تسلم كعدت باشاره منه عالقنفه كال
شونج محتاجه شي قبل الامتحانات
لا استاذ ممنونه شرحك وافي كعد وفرك وجهه
انت ذكيه بابا وهز راسه بالموافقه رفع حواجبه الثنين ليفوك محاوله منه لاعاده التركيز كال
شونها وياج نور
شطوره نور ابتسمت ونصيت عالجنطه كال
انتي مدرسه فذه
همسها وطب ابو محمد بيده الجاي باوعلي ابتسم كال
مشكور عالضرف مروه اجه بوكته
بالعافيه عمو
بقه الاستاذ صافن عليه وعليه قاطب حاجبه طلع ابو محمد كال
شنو ياضرف
كالها مستفهم ونصه عالجاي يخوطه جاوبت
لا هيج مردت احجي بيها ماما تمول اجرها يروح اذا حجيتي بيها اقصد الصدقات كال
ويباوع على ايدي الدتخمخم بالجنطه
يابه بيش نضايفج ولو متحبين الجاي انتي
رفعت راسي متفاجاه كال مبتسم ونصه راسه
عرفت من نور تحبين الكوفي وتكون حلوه زياده مو
ابتسمت ونصيت
اي استاذ. طلعت السوار عكد حاجبه كال شنو السالفه ههه
هاي سوارها نسته البارحه
شكد فاهيه
هي نزاكه اخذه مني تلمس الاسم وجر حسره كال
تعرفين هذا سوار والدتها
هزيت راسي مبتسمه خمنت هالشي ابتسم هز راسه بالمرافقه كال
اني هم جايبلج هديه اليوم هه
طلع من المجر مال مكتبه علبه مربعه حمره استغربت وقدمها كال
ياريت متخجليني وتقبليها
شنو هاي فتحتها كلاده كلش حلوه وراقيه موديلها دارج ملاك نازل من الزنجيل باوعتله استاذ هاي هواي
لتزعليني منج مروه قبليها مني ولتخجليني اكثر
لا فدوه خليتها عالميز وكفت استاذ انت تعرف حاله بابا والله لو اختاج اخذ
ميخالف بابا حتى متنسيها لنور.
ليش نور تنسي استاذ عفيه لبسها لنور من تنجح احلى هديه عدي
اذا مقبلتيها ثقي بامتحاناتها ماجيبها
بقيت اباوعله وكف جر نفس وشال العلبه وقدمها مره لخ جان مبتسم تك خد اخذتها ونصيت كال
متاكد حتكون كلش حلوه بركبتج
فكيت عيني ونصيت راسي صدووك جذب احمم خليت العلبه بالجنطه وشلت اللفكس كال
مضيفتج
ميخاف عالجايات استعجلت مرتبكه كال
كلش طيب الكواسون الدزيتي بيد نور
هاه عكدت حاجبي كال مبتسم رافع حاجبه
انتي سويتي
بقيت صافنه عليه هزيت راسي اي ابتسم كال
كلش طيب عاشت ايدج حتى خفيف
هزيت راسي مرتبكه احس هواي عليه الدااسمعه طلعت من يمه مترخصه مهزومه ورجعت للقسم جتني سرى كالت
يله ست
اي همست
سرى-شكو شو باعيني مروش
ها سرى جريت نفس وزفرته كالت
شكو حاجاج. طلعت من جنطتها علبه وخلتها بيدي فكيتها ضحكت ههه وهاي شنو عربون فيزيا
هه كال هديه وقبلتها لان لح
هاي هي تعبج هذا
ضجت
لاعادي متريديها طينياها هههه
عابت طلعنا اباوع لسرى وجهه على غفله راحت الابتسامه بعد ماجانت تسولف وتقشب على هاي التقشب على رجلها باوعت على مكان نضرها شفت واحد عاكد حاحبه يباوعلها ويدير وجهه رافع تك حاحب
شبي هذا
همست
رجلها
وشبي يمه كاتلين ابو
شمدريني كلما يشوفني هيج يخزرني
دخلي يولي عابت وين مامو شكول شكول جايه علينا صعدنا بالخط والولد صدك بس يباوعلها ويخزر جتي مرته يمه نتر بيها فضيها باوعت مرته لسرى وصعدت ساكته صعد الولد بسيارته ولبس مناضره الشمسيه والتفت باوع لسرى الكاعده يم الشباك وعيونها كبل يخزر بيها وطلع صدك نرفزني
هذا شبي
واله مادري مروه يعني حاله غريبه مو بالله
اي خل نكول لرووف
لالا ماريد اكببله زفره متسوه
اي والله صح علاج الجاهل التجاهل-------
عذروني تاخرت منا وهيج كلما اتاخر اتعاقب ببارت ثاني
يُتبع...بارت5
#جعلتني_رجلا
#مريم_السعدي
مروه- رجعنا طبينا البيت شفت رويده كاعده بالحديقه عالميز تدرس وهدير جوه بالمطبخ عالميز وماما تدرسها قواعد وجوه حسين وسليم توهم طابين من الشغل بالصاله عاللعبه مال برشلونه ---
رويده- سياج الحديقه مالتنا موكلش عالي ومن يم الشجر مشبك محجر حديد مدري شطفر عليه من الخشيش وكمزت اصيح وانفض بهدومي لكيتها دوده فارسيه هفف يمه كلبي مدت راسها ماما لابسه المناضر مال كتابه وبيدها كتاب هدير فرت بيدها كالت مخبله ورجعت طبت وكفت نفضت الحرجف الجنت فارشته بالكع خاف اكو نمله لخ داارجع اخلي الكتب لمحت البيت المقابيل بيتنا ولد شاب واكف بالباب باوعلي ابتسم كال بصوت متوسط العلو
شنو بريعصي
وضحك عكدت حاجبي كعدت راسن حتى مابين صورته انخزنت ببالي اول مره اشوفه مو ابن جيرانا بيت ام محمد ماعدهم هالشكول الحلوه بقيت اكلب بالكتب وافكر بي رفعت راسي على كيف جان واكف بالباب هو وامجد بيت جيراننا ومنتجي على سيارته السنتافي كلبي راح واني اباوع لكشخته وموبايله واحمد كباله يحجي وياه منتبهو عليه وهناك التفت ووكف عدل جمد راسن باوع لامجد حتى مينتبه وكام كلسا يباوعلي لميت كتبي وطبيت خفت مااعرف ليش يمكن جيف جيراننا بس بقه ببالي كلما اتذكره كلبي يدك سريع ورجعت تذكرت احمد اللي حبيته وعافني وانقهرت من تذكرت حجيه صار 3سنين راسبه متستحين متضوجين اشتعل واطفا. وارجع اكلب بالكتب عطلت من وكت مع العلم اني رابع بس اتحضر لامتحاناتي عسى ولعل اطلع منها شديت حيلي وكلت لازم اطلع وفعلا بديت ادرس جانت اختي مروه تتوسل بيه تدرسني وامولها ماريد مااحتاج اخاف تعرف بيه كلشي مفاهمه وتنلاص بس لكيت روحي من لا جاره اصعدلها وراسن فهمتني وكعدت تقريني باسلوب هزلي حلو دتقريني ودك التلفون مالتها شفتها ارتبكت وردت
مروه- استغربت من شفتها لنور متصله بعد مكملنا المنهج رديت
الو 2
هلو نواره هاي حبيبي
هلو ست عادي اجي تدرسيني رياضيات
ليش عدج شي مفاهمته
اي عدي فصل واحد مال حدوديات
ها اي تعاي شكو بيها
اوك راح يجيبني بابا هسه
اوك يله سمعت صوته كال
كوليلها خلصت دراستها هي جاوبت
كوليله اي كملت. من الصبح ابتسمت سدته نور شوي وجتي وكمت ادرسها هي ورويده اللي فرحت بطلبهاز
اكولج هاي شون صارت هيج كالت وهي تحاول تبعد خجلها ومنزله روحها وفشلانه منهالشي واني راسن اخذتها وبدينا ندرس شوي وجتي هدير والتمو سوالف ودراسه وحل لليل واستاذ رضا كلسا يدك وهي ترد
بابا بعد ممكملين
بابا ثارت دنيا ليل
والله عادي كاعدين فوك اخذته منها طيني خل. احاجي
الو هلو استاذ
هلو هلو بنتي شونج تعبناج اليوم
الحمد لله لالا اصلا كلش متونسه
والله خجلان منج بس مدتفهم عليه صرت اعصاب وهي بس تبجي
لا استاذ اي شي تحتاج خليها عليه
متقصرين مروه بس عفيه ديري بالج عليها ولتشرب جاي بليل
لا استاذ مشربت بس واحد العصر لتخاف
ممنون بنتي. مااعرف شون اشكرج
ازعل منك والله
لا زعلج عزيز عليه الله يدري يله اترككم شكد بقالكم
بس هالتمرينين وخلص
لعد نص ساعه وامر
اوك هله بيك ورجعت للبنات كملنا تمارين ودك ابوها كالت حنزل بباي
هدير لحكتها وبقينا اني ورويده رويده جانت راسبه باربع مواد من عرفت سويت روحي منهتمه رغم نار صارت بكلبي ادري سنه ثانيه شمنتضره بس لودت عليها بدراستها وبليل اني ادرس تعبت حيل هدير الحمد لله معتمده على روحها واني وسرى على رويده وفعلا امتحنت قبلنا اجابتها جانت متوسطه بس هي جانت طايره بيج قصص عراقيه حقيقيه من واقعنا.روعه الطائي
رويده- خواتي متركوني ويايه ويايه باخر يوم امتحانات داارجع من المدرسه مكيفه باجابتي طبيت فرعنا وثكل يمي واحد التفتت اشوف منو واشوف نفس الولد ابو الموبايل كلبي راح نزل جامه سيارته ابتسم
بقيت صافنه عليه وهو يبتسم وانتبهت على روحي اني واكفه بالشارع اني شكو وكفت رجعت انشي والتفت اباوعله وهو يمشي ورايه بثكل وصلت للباب نصيت افتحها نزل من سيارته الطبكها بباب بيت جيراننا وتوجهلي بعد ما تلفت يمنه ويسره كلبي كام يدك سريع خوف واستغراب باوعتله عاكده حاحبي ابتسم نزع المناضر خل بنص دفتري ورقه وغمز وراح عبر الشارع وطب لبيت جيراننا بقيت متبسمره بمكاني وكلبي يدك رجعت فتحت الباب وطبيت ركض للغرفه فتحت الدفتر لكيت رقمه وكاتب
حيدر اسمه اخ كلبي طلعت تلفوني القديم من الكومدي مالتي وفكيت القفل لان كمت مااحتاجه بعد مراح احمد وخفت لاتشوفه هدير خزنت الرقم باستعجال وضميت الورقه وصميت التلفون جوه المندر بقيت صافنه على روحي صدك يحجي يتشاقى شون جراه طبت سرى كالت
بشري
مجاوبه احم جاوبت
شبيج وجهج مخطوف
لالا زينه والله
يله تعاي شون حليتي هذا
احجي واشرد بخيالي وارجع بقت سرى تباوعلي رافعه تك حاجب مستغربه وره شوي طلعت تمددت وروحي فرحانه واتذمر شكله يطلع ب24سنه شون شكله صاك سماره ولبسه وكشخته يمه فديت متحملت طبيت للحمام ودكيت رقمه طلع عده فايبر واني ماخذه الرمز مال راوتر مكنكه من زمان راسلته
الو
شوي ورسل
تفضل
اني بنيه
لعد ليش صوره اسد انتي منو
اللي طيتها الرقم
هاااا هه راح ادك
لالا يسمعوني اهلي
فوتي حمام شي خل اسمع صوتج
اوك اني بالحمام بس حفتح دوش
ماشي
دك وفتحت الدوش قفلت باب الحمام عليه
الو
يفدوه لهالصوت مثل متخيلته ادري شبيج كمت تصيحين وتكمزين شطفر بحضنج
هههه دوده فارسيه
ههههاي جبانه
اي اخاف من الخشرات
اوووي فدوه
هه
شسمج
رويده
فدوه حتى اسمج يخبل انتي من ياكوكب جايه شو بيضه حيل وترفه وعيونج هالوسع والحاجب مرسوم وطولج فرع شنو كامله والكانل الله
بقيت صافنه ساكته كال
الو
الو
ضجتي مو شسوي من شهر افكر بيج ويوميه امر ماطلعتي للحديقه بعد
امم
رويده اني حيدر بيتنا وراكم بكم فرع وجيرانكم بيت خالتي
امم
اي اشتغل بمعمل مال احذيه وي عمامي وابويه تره اني ابن شيخ العشيره
هههه
والله ليش تضحكين
لا عادي
امم انتي شمكمله
متوسطه واذا نجحت اصير بالخامس
ها يعني بله. بله. يعني 17 بس مبينه اكبر
اي مو راسبه
كم سنه شمد عمرج من الاخير
19
توقعت هلكد اييه بعد احجيلي عنج
شحجي
كلشي. حسين وسليم اخوتج
لابس حسين سليم ابن عني
ها ها اي تذكرت
اي
زين ابوج شيشتغل
محامي بابا
ممم جميل
انت مكمل دراسه
لا خربج متوسطه وابويه اخذني للمعمل مااحتاج شهاده عدنا معامل وخير من الله
اممم
رويده هههه رويده والله اسمج يشبج خرب عرضج شكد حلوه
شكرا
عفوا يوميه هيج وكت تره المي حيخلص هههه
اي نسيته
باعي مااكدر احاجيج بليل
مو اختي تنام يمي
جوه البطانيه
اوك
عفيه سبعه روحي هسه وشوي واخابرج
اي ينامو اهلي واخابرك حتى الفون يشحن زين
يله هاذ هوه بس مو تغلسين
لالا
عفيه
سديته منه وركض غسلت وشحنت فوتي وضميته نامو اهلي وحسين طب لغرفته وخواتي كلمن بغرفتهم هدير نامت وفكت حلكها تشكر دكيت عليه لكيته مشغول تركته تمددت شوي ودك عطيت راسي بالبطانيه رديت
الو
هلو رويده اسف جنت احجي وي صديقي
امم مسالتك وياكن دتحجي
ها هههه يعني ميحتاج ابرر
امم
زين عدج احد بحياتج تحبي
ممم لا
ها هه يعني مجربتي الحب
ماادري اذا جان يتسمى حب
ها شنوه يعني حاجيه وي ولد قبل
اي حاجيه
ها اي ووين راح
راح يقره وبعد مرجع
هههههه هذا موت روحه من الدراسه هههه
اممم ههه
تلفونج شنو رويده
شنو يعني
نوعيته قصدي
كلكسي
ممم يانوع
شمدريني
بيش اخذتي
والله مااعرف
منو جابه الج ابوج لو اخوج
لا الجنت احجي وياه كلتها وبقه ساكت شوي وكال احجيلي شون صارت علاقتكم
هاه اخته ويايه بالمدرسه وجتي كلتلي اخويه يكول عليج نازكه اني بوكتها جنت بس اريد اجرب هالاحساس وابتسمت من كالت هيج وره فتره طلعت اشتري من المحل اليم المدرسه وطب خله بالجيس مالتي رقمه وكاتب خابريني
اووووو جريء
هههه مااعرف
اي
اي فرجعت خابرته من فون ماما ووراها كتله مااكدر احاجيك جابلي فون هو وكال حتى نتخابر
اممم زين شسمه اا متقرب منج
شون يعني
يعني لازم ايدج اكثر
هاه هه لا راد مره يقترب ولزمونا شرطه
صدددك
اي والله هههه
تالي
تالي اخذونا مركز وخابرت ابن عمي وطلعني ومحجه لاحد خطيه
هاا منو سليم
لالا سليم عصبي يخوف واحد اهبل وعبيط
تدرين هذا ابن عمج يحبج اللي محجه
لا جبير اكبر مني 12سنه
واذا يعني
لا بابا مخربط هذا شنو شكله مو نضامي
هههه بس تدرين انتي صريحه بشكل مشفت هيج وحده من الاخير حابتها تالي شون تعاوفتو
هو وره المشكله هاي رزلني وكال لتتصلين بعد والتهي بدراستج وهانني كال متستحين من 3سنين راسبه
ايبااخ
اي والله انقهرت ومن وراه كمت اقره
ومن وراه شفتج بالحديقه
اممم
تدرين جنت كل اسبوع اجي بيت خالتي كمت يوميه بلكن المحج
ليش يعني
غير تخبلين شون هيج ترفعين راسج مو امجد واكف يشوفج
انت مو شفتني
اني وحد وامجد وحد
سكتت
الو
الو
صدقج وصراحتج سطرتني بريئه بجراءه
ندمانه لان طلعت وياه تدري من اتذمر اكره روحي
ميخالف واحد لازم يتعلم من اغلاطه الحمد لله مصار شي بينكم
لا والله حتى ايدي ملزمها
الحمد لله اي يارويده
اي
شنو تردين تعرفين عني
كيفك
يعني انتي عرفت عنج كلشي بكل بساطه متردين تعرفين شي
كيفك
اوك اسمعي مثل محجيتي احجي لان اريد ابقى وياج علاقه
اوك
اني حاب قبل وحده لحد الموت وتالي نهى عليها ابن عمها واخذها بالنجف
عزه خطيه
اي راحت بعد حاولت حاولت رغم ابويه مقابل وتعاركت وي المل تالي اهلها رفضو ونهه عليها ابن عمها مامو اختفت من بغداد كلبت الدنيا عليها ماكو صار 3سنين
اممم خطيه انت
هاهي الحمد لله وهسه مجلبيلي تعال اخذ بت عمك واني اموت منهم ويوميه متعارك لحد الان اختي ماحاجيها من وراها لان يوميه مسويتلي سالفه يوم اجيبها من المدرسه ويوم خطيه مريضه نوديها طبيب وخابرتني كالت خل حيدر يجيني واني لعبت نفسي تعارمت وي اختي المتزوجه اخوها حتى متحاجيني بعد
الله يساعدك ليش متحبها
تلعب نفسي منهم ملعبات مو بريئات وموحلوت مو مودي ابد
ها حقك
اي
اي
بعد
هاهي هههه
شوكت نتايجج
بعد سبوعين
ممم عدج خوات
اي بالجامعه ووحده اصغر مني متوسطه
امم امجد مخلي عينه عليها
عليمن هدير
اي يكول مامو هيج عاقله ورزنه ناوي من يتخرج يتقدملها
بقيت ساكته غرت من هدير كال
شو سكتتي
لا هيج
ضجتي مو
لا ليش اضوج عادي
بس انتي احلى منها بهواي من اباوعلج عبالك اباوع لمرايه ناعمه ونضييييفه هاي ليش انتي هيج
مادري
شنو انتي شكد طافيه ياالله بهليه
يعني شنو
يعني من اهل الله ههه
تثاوبت
حتنامين
نعست كلش
ديله رىحي نامي خطيه باجر نحجي زين
اوك
طيني بوسه
هللو هاي شنو
هههه اتشاقه
بقيت ساكته
ها تردين هاج عمي امووواح
سديته بوجهه دز رساله
هالمره سويتيها مره لخ تلكيني بالباب مالكم اذا سويتيها عيب اني رجال مو زعطوط تسدي بوجهي
اوك اسفه بس لتعيدها
اوك متنعاد يله احلام سعيده
شكرا
بارت6
#جعلتني_رجلا
#مريم_السعدي
رويده- سديته وتمددت ارجع اسوي علاقه اخاف هم يعوفني واتاذه بقيت اتكلب وافكر تذكرت من كال امجد يريد اختج باوعت لهدير شنو بيها يفضلوها عليه احلى مني لااني احلى صحيح اعقل مني رجعت خليت راسي عالمخده واتذكر حجيه جراته ونضره عينه كلبي يرجف من اتذكره نمت وكلبي متروس فرح لان هيج تغزل بيه كعدت الصبح مروه بلشت امتحانات وي سرى ىبعد كم يوم امتحانات هدير جانت مخبوصه وكل حجايه تكذع دراستها تكول
والله اذا انجح بمعدل اخلي بابا ينطيني 50الف وحسين25
واحنا نضحك عليها
حسين- هدير انجحي والله كريم يجوز انتي تكومين تصرفين علينا هههه
هدير- يمه اسم الله لا عيني ماانطي ولا فلس كلمن يصرفها لفلوسه على روحه وانتو تصرفون فلوسكم عليه
حسين- بالحالتين مقطوطين هههه يابه شوفلك جاره لبنتك منا لسنه التجي اذا بقت على هالحاله حتخل ميزانيه العراق عههههه
سليم- وين دتوديهن
اجمعها يمه خمسه وخميسه منكم
مروه- لك سليم البارحه تكولي شو هاي الفوس مدتفوت للدخل وجانت تكمز عليه هدير خلت ايدها على حلكي متقبل احجي
هدير- عليج القران اسكتي اسكتي مررروه حبابه
مروه- شتنطيني
والله انطيج الف
حيييل هواي هههه
سليم- بقيت صافن اضحك اريد تكمل الحجايه خمنت دخلها متروس مدتفوت الفلوس بي بقيت اباوعلها بس تكمز وتضحك حتى عالقنفه صعدت حضنت عمي واني اراقبها ماامل من مراقبتها اضحك جان عيوني تلحك برائتها وحسين كلما اباوعلها يباوعلي من يشوف نضرتي ميهتم لان يعرفني مراح انصر نضره نكسه اخذت حسين وطلعت بسياره رووف للشورجه اليوم. جاي تاجر البهارات من الهند وجايب خوش بضاعه وزعها عالسوك وشكم شغله خاصه النا محد يجيبها مثل البخورات شغل البهارات ميوكف سوكه ابسط مابي الاعشاب الطبيه متوكف وحسين هالشهر طور الشغل واشترى معصاره مال سمسم لزيت السمسم والراشي وامي خطيه كامت تكبس دبس وابيعه كيف حسين كال يخبل الدبس الناس تكيف عليه لان مال بيوت واشتغلنا حتى عالخل البيتي وصار واردها لامي وارباحها بالنص حيل مرتاح وي حسين رغم الاشكالات بيننا واحد يطب الصوج باللخ بس كلمن يعرف غلطه مو جهال رغم صغر سني بس واعي وافهم كل اخوتي رووف اخويه الجبير قبط 30 ومديتزوج محد تقبل بي شون اخلي يتغير هذا شون طلع هيج شو احنا كلمن خشته شكبرها وشايفين روحنا عالماكو شو فرات عالماكو شايف روحه وهو خلك مكوي صح طالب هندسه الكترون بس عمي بس الله الجبير المهم وعلاوي ثالث هالسنه ويشتغل عماله خطيه. بدوام شفت مسائي والله ساترها بس هو من اخوتي عبالك خبل ومحد يعرفه غير اني واني وعمي كلبه ابيض حيل وخايف عليه لايصفه وحده هسه الحمد لله بدت الدنيا تضحكله اشتره سياره ومشتغلها تكسي وي راتبه ومن غير الاجار مال محلات ويدرس خصوصي الولد مكاعد ملهي روحه جنت دائما من اصفن يكولي
سليم شبيك يابه محتاج شي لتصفن
لا رووف سالفه براسي اباوعله شرد اكولك. اووف 20 وشايل همك دائما انصحه الكاه يجيبلي غير موضوع والضحكه على وجهه هالاهمال لزجروحك ليش يااخي حتى ريحه بحلكه اكو اسنانه ميفرشها رغم هو مو وصخ بس ممهتم واليدمرني اكثر من اشوف فرات ينكر كونه اخوه بالحامعه من يسالو يكولهم لا مو اخويه وهو سمع مره باذنه ومهتم اجه يضحك لامي يكولها يوم فرات يكول مو اخويه عليه نترت امي بي وهو مقبل
يمه مصار شي عادي حتى محد يجي يتوسط عدي على انه اني صديق اخوك
فرات- لتزعل مني رووف باوع لروحك بالمرايه وشوف شنو فتيده الفلوس خويه وانت متصرفهن على روحك ومبهذل نفسك
رووف- هههه عادي فرات اني ممهتم يله يوم رايح انام تعبان
روح يمه الله وياك
ولك انت صدك متستحي
يمه متروحين دباعي جنه خبل هذا استاذ هذا هذا استاذ يمه موضوع الونسه بالجامعه صاير همزين الله ميدرس عدنا جان انفضحت
بنات عمك مو وياك شو يفتخرن بي
اي همه نسوان مو اني اللي يفشلني بلبسه المرعبل وسمنه لخاطر الله لحد يعاتب عبالك اني مكيف من اشوف اخويه هيج مو ميت مره حاجيته يكولي الدنيا متسوه. بله متسكتون
سليم- باوعت لفرات عافنه وصعد نام جريت حسره التفت علي على امي كال
يمه هو بي شي من حان صغير رووف
لا يمه مثل الورده شبي مو كدامك
والله يمه شو ضحكته المتفاركه حتى بوفاه بيبيتي يضحك خزانا ولبسه وسمنه واكله المفرط يعني خاف بي شي والله يمه اني احبه واموت عليه بس اخاف عليه
يمه كلشي مبي هو فطير وعلى نيته
سليم- عوفو براحته الدنيا تغيره يله يوم بستها من راسها كعديني ب5فدوه حسين ينتضرني
علي- ااا سليم
ها يابه كول
اكولك شنو مروه دتدرس خصوصي
ها لا بس صديقه هدير اعتقد علمود عمي ليش
علي- مو صاحبي اخته تريد تدرس ووكال بت عمك مدرسه جيرانهم يصير
سليم- واخت صاحبك انت شلك غرض بيها متروح تدورلها مدرس باوعتله مضيك عيني ارتبك وباوع لامي واصبعه باذنه يحكها بارتباك
علي- لا مو يخافون عليها عد مدرس وهاي فكالي بلكن بت عمك
هو الكالك لو انت الكتله باوعتله رافع تك حاجب اضحك ضحكلي ونصه راسه ورجع رفعه محرج
اني الكتله
هاااه اي شكو منها عود خابر عمي وكوله شتكول ولو امتحاناتهم بدت
لا موهي موجله علمود وفات ابوها خطيه وكالت عالدور الثاني بلكن تدرسها
كالت
يبووو كال كال صديقي اخوها
ههههههه الله يعينه لصديقك على فطاريتك خويه خابرهم وكولهم ماعرف اني شنو ثالث متوسط
لا سادس
همم مادري والله
اوك عود اخابر عمي
هاهي خابره وافهم يله تصبح ن على خير يمه لتنسيني ب5
اي يمه فهمت
---
رويده- ايام تمر وحيدر يوميه نتخابر اتونس لسوالفه وضحكه ابد مكام يحجي حجي موحلو
الو رويده
هلاو
هلاوات عيوني هدير كاعده
لالا نامت
اييي همزين اي شونج
زينه الحمد لله
وانت
اني متكسر اخ يابه ضلوعي
سمله شبيك
بلشت حديد يابه ههه
صدوك بس انترضخم ميحتاجلك وطويل
اممم ميخالف حتى يترتب هندامي ميت جوع تدرين
ليش عزه ماعدكم اكل
مونضام غذائي لازم بروتين وبدون دهون واني متعلم بليل اضوب باچه ههه بعد عرب وعدج الحساب
هههههه اني احب سوبها
اخ صددك
اي والله
سجلها بالتاريخ اول نثيه تحب الباجه
هههه واحب الممبار هم
لالا مداصدك يعني هم يجي يوم تسويلنا ونامل سوه
ممم محتمل
اممم يارب
شنو يعني مفهمت
اني رايدج الي. تره خليها ببالج
شون مصارلنا 3شهور
ليش انتي متعلقتي بيه كدما تعلقت بيج
مااعرف تعودت بس مااعرف
يعني محابتني مووو احجيها وارتاحي ههه
لالا والله تدري حيدر اصلا اني مااعرف احساس الحب بس احب احاجيك وهذا هو
مممم تدرين شنو احساس الحب
شنو
من انسان متتحملين تشوفي متاذي لو من تسمعين صوته يدك كلبج سريع لو جريت نفس لول ولول ولوه. شوفو بحالي شسوه هههه
ههههههه والله ياحيدر
اسكتي تعاركت وي امي صارت بالجلاليق وعفت البيت وطلعت
عززززه ليش خطيه
اي والله واني هسه دايح بيت نسيبي لج اني الخطيه اهلي يردون يمشوني كيفهم
شون يعني
اووووف شحجي ابويه مجلب اخذ بت عمي وهي جنها بغل معليه بالشكل اني ماحبها اصلا مثل امها مخليه عمي مثل الخروف وراها شتكوله يكولها اي والله مره زلم زلللم مشوربه كعدنا وحجينا يابه هذا البيت يصير وقف باسم جدي والعمام كلها وافقت وهو هم وره ساعه اجه كال لا بطلت يمعود اتفقنا لتكفرنا لا ماريد ام حسن متقبل يايابه كفرنا ببوكتها صدك متحملت عفت الصاله وطلعت خروف النذر شايفته هذا عمي ويردوني اخذ بنته اللي هي نسخه من امها
الله يساعدك
لا بابا لو يموتون مااخذها كل عقلهم اييي باجر تخابرني تصالحني هي وابويه
انشاء الله
اممم رويده
ها
كولي نعم بابا عيب
ههههه نعم
تعاي فركيلي جسمي
ههههه
والله شبيج
كول لاختك
لاماريد اريد انتي اريد اشوف شاحس
حيدر متنام ترتاح
ههههه انهزمي انهزمي اوووف يجيج يوم واعصرج بحضني
بقيت ساكته
يابه مكتلج اليوم كلت يجيج يوم
مرديت
رويده وينج نمتي
اي نعست
ها صلوات طلع صوتها ديله يابه نامي باجر نتحاجه مو تشتليني مثل اليوم
اوك
ديري بالج عروحج
اوك انت هم واكل زين
فدوه لحلكج اوك ادعيلي
ماشي
باي
هلاو حيدر سديته وضميت الجهاز وبعصر كل يوم اطلع للحديقه اشوفه يبتسم وارجع افوت ركض للبيت واخابره هدير شافتني مره وتخبلت من لكت بيدي تلفون كعدت وياها وحجيت وتوسلت متحجي وصارت قريبه مني تسمع الحجي النحجي تضحك لضحكنا وتندمج مثلنا بالسوالف حيدر عرف بيها تدري جان من يخابر تقفل الباب خاف احد يسمعني علاقتنا زادت كلش واستلمت النتيجه ناجحه جابلي هديه ورده كلش حلوه طبيعيه وشمرها بالحديقه شكد فرحت بيومها وكلبي نبض بحب واهتمام جديد وفجاه اختفى حيدر
تخبلت وينه ليش ماكو ممتصل بالنت سبوع واني تخبلت تالي كلت هذا مل مني مثل احمد بس بقيت كلسا عيني عالتلفون وهدير تروح وتجي تكول متصل
واني اكول لاا
توقعت انه تزوج اللي اهله رادوها اله تركت التلفون لان تعبت من كدما اشوف كلسا كمت التهي وي امي بالمطبخ وسرى ومروه وهذدير يمتحنون
مروه- بلشت امتحاناتي جنت اشوف دكتور رضا عيونه اكثر شي عليه يباوعلي بقلق ويفتر وايده خلك ضهره. وعيونه اكثر تركيزها ويايه ومن اخلي عينه بعيني يعكد حاجبه واني انصي بلا موبالاه اني متفوقه مااحتاج بس احب اهتمامه واحب طوله من يوكف بصفي ويكمل مشيته بعد ميباوع لورقتي احب عطره واحس كل خليه بجسمي تجمد لحضه اليوكف بصفي واتي كاعده اكتب اضيع حروفي ويتحرك مبتعد من يلاحظ ارتباكي وبيوم الامتحان الاخير جانت الماده مالته وزع الاسءله وعينه عليه جنت ممتريكه ملحكت ووجع براسي مال السهر قبل بيوم لاحضت اهتمامه اكثر من كل يوم تقرب وباوع بعيني بقلق خله يمي بطل مي كال اشربي مي ارتاحي وراها رجعي ركزي عدج وكت هواي بقيت اباوع بعينه ابتسمت رفع راسه كال
منو يريد مي حتى يبعد الشبهه كملت امتحاني وطلعت افتر بالسنتر وكفت يم سروه وهاي البنيه التشكي من رجلها شفناها ميته بجي وبنات يواسوها وسرى تباوعلها من بعيد مستغربه وكفت بصفها باوعتلي
شكو شبيها
تكول ضربني وطردني من البيت بنص الليل
زين شون تحجي مشاكلها للبنات
صديقاتها يابه
حييل كلهن صديقاتها بابا ميصير امشي خلنروح
اوكفي خل افهم
شتفهمين بابا بيناتهم قابل صديقتج
لا بس اعرفها ودائما تحجي بمشاكلها الله عليج خل افتهم غير اموت من الفضول
خرب ببليسج حروح اشرب كهوه انسطرت
اوك وعود رجعي لهنا نطلع سوه
اوك
سرى- بقيت اسمع. شكواها لمها وعيونها تباوعلي وتكمل حجي كالت
هو صار فتره يشرب ويضربني سالوها ليش كالت
لان ميخلف جهال يطلع الصوج بيه بقيت اباوعلها مستغربه زين ليش باقيه وياه هاي ----احجي وي روحي
نضراتها الي مو طبيعيه تركتها وطلعت وي مروه وصار بوجهي رجلها لابس النضارات الشمسيه من شافني نزعها بقه فاتح باب السياره ديريد يصعد ووكف نصيت راسي لمحت رووف ابتسمت عبر رووف وسلم علينا
هلو شونكم بنات عني
الابتسامه تارسه وجهه
هلو رووف شونك
مروه- هلو رووف
اوصلكم جاي بسيارتي
لالا تسلم جايين خط
لا اليوم اخر يوم
كالها وشال ايده ورانا يسلم
هااا معد الله يساعدك
هلو رووف
ها رايح
اي والله اشوفك بخير عود لتكطع يويل
الله كريم يله فيماللا
الله وياك
يله بنات انشو اني اوصلكم اريد امر لعمي
مروه- اوك دنتعبك
لا عادي اني اكيف من انتو ويايه. احسن ما وحدي هههههه
سرى- من رووف شال ايده التفتت باوعلي معد بغضب رجعت درت وجهي ورجعنا للبيت جان كل شوي نلتقي بالازدحامات هو بسيارته واحنا بسياره رووف يلتفت يباوعلي رافع تك حاجب شنو العدك ويايه بقيت مخليه عيني بعينه واتذكر نضرات مرته سالت رووف
اكولك معد شنو طلك مرته
اي شمدريج
اليوم جانت دتحجي
مااعرف شنو البينهم بس الولد كلش خلوق مااعرف بعد شعلينا اسرار بيت. رويده شطلعت صدك
نجحت جاوبت مروه بفرح
ااايي الحمد لله. طبعا لان انتو درستوها
اي والله الحمد لله
سرى- دزتلي صديقتي رساله كتبت
سرى وصلتي
لا بعد بالطريق شكو
اول متوصلين وتكنكين تنطين لمها بلوك من الكروب خلتولي
ليش اني مو صديقتي بس يعني خاف عيب
سرى مها موخوش تحجي عليج وعلى سالي ورمق. موخوش حجي. اني شفت كلامها عنكم بخاص بنيه بالحاسبات صدمتني
هاي يابنيه بابا انتي تضلين تصدكين يتهو الخان
بابا بنيه صديقه اختي الروح بالروح وشوفتلي اختي الرسايل كالت شنوسرى شعدها وياها وتحجي هيج عليها
هاه بقيت صافنه اني بحياتي ممناقشتها من تحجي برجلها ابد بس استمع الها شنو الشافته مني وهيج تحجي وصلت للبيت سويت الكلتلي عليه صديقتي بلوك الها وصافنه ليش تحجي عليه وشنو نوع الحجي شغل بالي هالتفكير بيج قصص عراقيه حقيقيه من واقعنا.روعه الطائي
مروه- كملت هدير امتحانات. بعد مستحيل اشوف نور واعرف اخباره مرت كم يوم وبده الملل يتسلل النا اني و سروه وهدير رويده مموتتني بس تتصفن ونايمه شغلها كلش قليل وبدينا اني وخواتي نتعلم طبخ وتنضيف ونكعد هواي يم ماما وبابا بس الوكت ميمشي كمنا نسوي معجنات كيك العصريه ونطلع للحديقه انتبهت على رويده من نطلع للحديقه تضل واكفه وعينها على بيت ام امجد بقيت صافنه معقوله عينها على امجد كم مره حجيت وياها اكولها ليشوفوج وتكعد نتذمره وعصبيه اخر شي حاجيت حسين كتله غلفه السياج جوه الشجر يشرف وقبل ووهو وسليم لزموها وسووها كلها كمنا نطلع براحتنه فتره ورويده رجعت لوضعها كامت تسولف وتضحك عادي بالكوه تشر الهدوم بالكره تكوي مموتتني وبقى بابا مكيف بينا من نسوي معجنات بيت عمي ضلو يترددون يمنا لان عطله مرت عمي والولد فرات وعلي ورووف عادي دائما يم بابا وفتح علي موضوع ويايه
مروه عدي اخت صاحبي ثالث تكدرين تدرسيها هي دور ثاني سادس علمي
ها والله مادري سادس مسووليه علاوي
والله انتي كدها وجربي مكدرتي عوفيها وتعذري
هي شنو راسبه
لاخطيه توفت امها ومكدرت تمتحن واجلولها الامتحان مع العلم هي شاطره والولدكال بلكن تدرسها بت عمك
خطيه اي شكو بيها. خل تجي واشوف بس ماواعدك هي شسمها
ورده
كال اسمها وعينه لمعت اباوع سليم وجهه احمر من الضحك كاتم الضحكه باوعتله وباوعت لعلي يخزر بي هزيت راسي اوك ماشي كولها تخابر نصه راسه علي واتصل بصاحبه ونطاه رقمي. عرفت من لهفته وحرصه عليها انه حابها
سروه- كاعدين بره نسولف اني وفرات وماما ومرت عمي فرات حيل كشاخ وانيق ومكوي شغلته وهالسنه تخرج جان يحجي ويصنف عالنواقف بالامتحانات واحنا نضحك على سوالفه رووف كال
سراوي فدوه جيبي ترمز المي رجلي خدرت
فرات- من الشحوم الزايده
رووف- هههه محتاج كم كيلو بس كول
سروه- ضحكت وجبت الترمز وصبيتله بعمري مشفت نضره ولد عمي النا غير نضره خوات الا سليم من يباوع لهدير لا اراديا عينه تلمع ويبتسم لسوالفها ولو جان الكل يسولف من هي تسولف يسكت يتصنتلها وهي تباوعله وتحجي جانو برائه ونقاوه وسليم رغم مو حبير بس حيل شهم واخو خيته ولو كلهم هيج للتسعه بليل بدينا نكلي ومرت عمي تلكط خضره بابا جان عازمهم عالعشا ببيتنا لان صار هواي مملمومين ومروه تخلط باللبن وماما تسوي الزلاطه فرشنا بالحديقه تعشينا
رووف- رويده البله
رويده- ها نترت شكد اضوج من يحاجيني يكزبر جلدي
طيني من يمج خبزه
فرات- كافي رووف هاي 3خبزايه
رووف- باوعتله وانحرجت عمي كال
اكل عمي معليك اكل هذا يغار منك
فرات- هههه علموده اني عمي
سروه- تلفوني عالميز جان واحنا كاعدين عالسفره اندزت رساله تركته مهتميت كملنا اكل ونضفنا وراحو بيت عمي وطبيت للغرفه ارتاح مروه طبت راسن نامت غمضت وتذكرت فوتي لزمته لكيت رساله من رقم غريب
بيش تطلعين
بقيت صافنه يعني شنو بيش اطلع مفتهمت ومنو هذا بقيت صافنه بلحضتها اندزت رساله لخ
---
يُتبع...
جعلتني رجلا ****
.#جعلتني_رجلا
#مريم_السعدي
بارت7
الو
رسلها عالفايبر قبلته اريد اشوف منو رديت
تفضل
برزت الصوره صوره سياره بي ام اخر موديل كانت من النت مبينه رد
ليش مرديتي سالتج بيش تطلعين
يعني شون اطلع
يعني تبياته بيش
شنو يعني انت منو اصلا وكلشي مداافهم
ههه لتغشمين روحج بعدين تعرفين منو هسه اني حالي حال غيري بيش تطلعين بس كولي الرقم
يارقم
شكد تردين بس سععري
بقيت اباوع وراسي مديستوعب عبالك غلطان
يمكن انت غلطان بالرقم اني مداافهم اي شي تحجي عن موضوع مبهم ومبين وي غيري وغلطان بالرقم
اوك هاي انتي لو لا
ودز صوره الي بعرس صديقتي سالي جنت كاعده ومسشوره شعري ورجل على رجل وفستاني الذهبي الطويل بس بي فتحه مكياج هاديء والفستان مغلق بس بي فتحه تصل لرجلي واني جدا ملتزمه لدرجه يسموني معقده اني شغت الصوره اللي بوكتها كالو ممنوع تلفونات وجسمي قشعر مصدوم من الشفته كعدت عدل ارجف شوصلها شجابها يمه اصلا جنت رايحه وي خواتي رسلت
منينلك هاي الصوره احجي
هسه هاي انتي يعني
اي اني احجييي منيلك اكتب وكل حرف ميت مره اعيده وامسح لان داخربط من الصدمه وكفت اكعد مروه خفت حيل تراجعت والوب بالغرفه كال
حالي خال غيري بيش تطلعين
شنو يعنيييي اطلع خرب حضي شوف اكولك هالسالفه مراح تعدي راح انزل لابويه واكوله واسويها عشاير مو. اني التطلع صورتي واتهدد بيها
هسه اني هددتج ليش ابوج موجود ممتوفي
اي موجود ومحامي جبير يعني اطلعك من سابع كع واخذ حقي منك
يله سبعه انتي اذا سويتيها لعد ليش لغيري حلال وعليه حرام هم حالي حال غيري
شنووو قصدك لك احجي اذا انت رجال احجي
رجال غضبا عنج سافله مو حياتج بيدي مو ارسلها لاخوج واخلي يعرف سوالف سرى دولار
من كال هيج فكيت عيني كلها النفس ضاق حيل ولشتي ترجف رديت
شنو قصدك احجي
احجي بالقلم العريض
احجي
اني اعرف عنج كلشي
شنو مفهمت شنو التعرفه
يعني كلشيييي. وكتلك من اول رساله اني حالي حال غيري شكد تردين للطلعه والتبياته
توضحت عدي الامور نمل جسمي
انت منو
اهووو
احجي تره اني ماعدي هالسوالف غلطان
زين براحتج لعد اني رغبت بيج وكلت اتونس وياج وانطيج التردي وهم ارجع واكولج حالي حال غيري وهم سرج ببير لاتهديد ولاغيره
مكدرت اوكف بعد نزلت جوه والوب لكيت بابا واكف عالمغسله ينعم لحيته بس شافني بالمرايه راسن التفت عكد حاجبه اني راسن بجيت
شبيج بابا شكو
بابا والله ماذري منو والقران
ذب المكينه وتقرب راسن اخذ الفون الولد جان راسل
ها سكتي
اباوع بابا فك عينه كلها لزم محجر الدرج وكعد عالقنفه الجوه الدرج لشتي ترجف بابا منصي عالتلفون طلع نضارته. وبقه يكلب ويتنفس سريع رفع راسه من كمل قراءه كال بثقه وابتسامه طمني بيها
بابا ليش خايفه
بابا اني ليش تجيني حجايه واني ماشيه عدل
بابا لان الناس غلط مالج دخل انتي حبيبتي اني واثق بيج ومدام جيتي حجيتيلي لتخافين بعد الموضوع يمي عوفي تلفونج يمي بابا اليوم
اوك
صعدي نامي حبيبتي
بقيت اباوعله احواله تخربطت واني مثل اللملمت الغرفه من هوستها وخليت الهوسه كلها بله ترتيب بالكنتور هذا وضعي صار بابا هو. الكنتور الخليت هوستي بي وواني الغرفه المرتبه تمددت والخوف ممتلكني سمعت بابا يحجي بهدوء كمت راسن مديت راسي على الدرج اسمعه جان بمكتبه الضاهر اتصل بالولد سمعته
بابا انت وين تريد توصل وياك المحامي ---- اعتقد سامع بيه.
ابني انت منين جايب هالصوره مو اروح اعزل اهل الحفله عالمعازيم حبيبي انت تعرف شدتسوي تعرف رقمك اجيبه واجيب معلوماتك نفسك انت متعرفها لو لا
بابا انت منين تعرف بنتي هالسوالف عدها احجي
ماشي ابني مره لخ تاكد والصوره العدك امسحها وخاف على اهلك ماشي بابا. لان الدنيا دواره زين سبع يله شوي وسده طبيت راسن للغرفه وسديت الباب. على كيفي حسيته صعد دك الباب وكفت فتحتها كال هاج بابا ماكو شي بس عدج سوء اختيار بصديقاتج منا وهيج اي صديقه متوصلين لبيتها ولا تتصورين وياها واجلاتوصلين حفله مفهوم
نتر
اي بابا مفهوم شنو قصته
بابا وحده من صديقاتج الماعدها اصل كايلتله موخوش وجرب حضه تعذر وتوسل كال مخايف على اهلي لو من تهديدك بس جدا اعتذر توقعت الكلام صح وراح
بقيت اباوع بوجه بابا صافنه كال ها الضاهر عرفتيها لهالبنيه
هزيت راسي اي بابا
كال هذا هو تركيها واذا عالصوره ممبينه هاي انتي بجيت منصيه راسي الدنيا شكد سخيفه لا اذيتها لا حتى حاجيتها ليش هيج سوت بيه
بابا الناس بيت بله كلما قلت علاقاتج كلما احسن الج حبيبتي هاهي بابا لتخافين موضوع وانسد
اوك
يله تصبحين على خير راح بابا وسد الباب لكيته حاضر الولد وماسح كلشي اخ ربي الله لا يحرمني منك نمت بين المرتاحه وبين القلقه الصار هزني من صدك كعدنا الصبح
مروه- للعصر هدير حجت وي نور وكالتلها تعاي يمي وتتوسل بيها سمعتها تكولها لتبجين ميخالف بقيت واكفه يمها ايدي على كلبي لحد انتهاء المكالمه وسدته باوعتلي كالت خطيه
شبيها شكو
ابوها يريد يتزوج
جان وقع السمعته مثل الضربه على راسي بقيت اباوعلها فاكه حلكي منو
خالتها وهي متحبها تكول حقيره من اول تغار من امي هسه يكول لاهي خالتج تكون مثل الام ولان هي ارمله وعدها ولد صغير فبيبيتها كايلتله اخذها حتى تكون فوك راس نور وتدير بالها عليها شون متكون خاله مثل الام مو مثل الغريبه التعلعب طوبه بيها
بقيت صافنه كلبي وجعني رضا انتهى يعني راح شكد حبيته ورتبت حياتي علموده معقوله هيج توقعت اثرت بي توقعت نضراته مهتمه بيه مااخفي تاذيت كلش بيومها واسبوعها وحتى شهرها نور كامت من تجي انهزم منها التهيت وي ورده الدزها علاوي ووياها بنات2 لكيت روحي ادرس ومنهمكه ويفتهمون بس من انام مامو غير طيفه واتذمر كل حوار دار بيننا اباوع لسرى صافنه حجيتلها جر نفس كالت ميفيدج مراوي لتفمرين بي لزمت كلادتي وتنهدت هزيت راسي فعلا ميفيدني مجنت من النوع اللي بس اريد اتزوج لا بالعكس جنت احب حياه بيت اهلي كلش لان نضاميه وهم تجيني نوبات اتصنت واسمع لهدير من تحجي لماما عن نور وشون منرتاحه وي خالتها وبس تنتقدها وتقلد عليها هدير تعلقت بنور كلش. وكامت حتى بجي تبجي عليها رضا مجان يقبل تجي عدنا فهدير مره راحت لبيتهم بعد توسل نور مرت نص ساعه وخالرت على بابا تعال اخذني وراح بابا جابها اول مطبت كامت تغلط على خالتها جننا ملمومين بالهول وداسوي لفات للعشه كباب تكلاه شفت سليم وحسين يكلبون بالحاسبه. ويسوون حسابات طبت هدير تصيح وتعيط وتغلط باوعت لسليم وكف منتفض يباوعلها بقلق عاكد حاجبه وهي تحجي
الحقيره الادبسز
يمه منو وياج
هاي الكلبه خالتها
شبيها رديت ووكفت قريبه عليها شكو
الادبسز داسولف وياها واضحك طبت رزلتها كدامي وتصيح وتعيط لان نور طارده ابنها من غرفتها لج عيني ابنها فدجلب كمل النساتل مالتنا كلها الشتراها بابا الي باوعت حسين نتر
اي ابوها ويييين شنو عايفها
خطيه ماما كامت تبجي. نور خجلت جان خالتها اخذت التلفون مالتها وطته لابنها الصغير وتكوله حبيبي لتنقهر اخلي بابا رضا يجيبلك احسن منه نور ضلت تبجي وتشهك وخجلت مني
خطيه ياعيني
مروه- مااعرف شصار بيه تمنيت اروح املخها رغم عزيه دمتور رضا بس نور حانت تحرك كلبي اباوع حسين جممر ويباوع لامي كال
يمه ميصير ابويه يحاجي ويكوله على مرته ويكولها كيفها وياها خطيه هاي نازكه امي كالت
يمه شعلينا بينهم وهدير بعد متوصلين
ماما خطيه صديقتي والله احترك دمي بس تصخر بيها تخبلت من جيت وكامت كلسا تسمعها حجي على جايفه وجايفه وهي خطيه البيت متعوفه من جان ابوها ممتزوج حتى ويدالخدامه تشتغل وهسه خالتها مطرده الخدامه وهي تاخذ الشهريه وتخلي التنضيف عليها وعلى نور وهذا الحقير ابنها بس يزبل حتى بوك يبوك ماما بايك من نور سوارها
يااا عززه
حسين- مال امها الضيعته بالصاله
اي
تالي مرجعه
لا حاجت ابوها وخلاه يرجعه يكول لان هي تضربني وهي نور اصلا تخاف منه هو جنه ثور ولازعبالك صف اول ابتدائي هالسمنه اشرت على جسمي اباوع سليم ضحك ودار وجهه ضحكت ورجعت ابجي ماما شون عفيه خطيه نور
يمه شعلينا يله امشي بدلي وتعاي ساعدي اختج بسع سروه يمه اللبن طركتي
اي ماما
ذيج وينها رويدددده خانم
مروه- دتكوي الهدوم عوفيها الله هاديها علينا اشتغل وايدي ترجف مشتعله نار اعصابي تلفت اكاجلت نص لفه وصعدت فوك اكلب بالتلفون باوعت لرقمه مو مال اخابره واحاجي يدير باله عليها حسبي الله ونعم الوكيل يتيمه يا الله وشكد جان مدللها تلكي حاير بينها وبين مرته وطبعا تميل الكفه لمرته لان تنكطع عليه الامدادات خرب بالرياجيل
سرى- شبيج تدردمين
مردتني نور
الله يساعدها---
رويده- فتره مرت شهرين ونص بديت اتالف وانسى كلشي ورجعت ضميت التلفون رغم كل يوم اشحنه ولخلي جوه راسي اخاف يتصل هدير اكثر وحده ارتاحت جانت تكولي جنت ميته خوف لا ننلكف ويكتلوج تمددت وصافنه بعد حتى مشفته وين ممكن يكون منعقوله مات لان ناطيني حضر من كل البرامج مثل القبله غفيت واتي افكر دك تلفوني رجه حسيت اباوع عالشباك بده الجو يجهجر باوعت رقمه فزيت رديت
الو
ساكت
الو حيدر
جر نفس وذبه
شونك كحيت لان جان صدري فد مره بقيت اكح اسمعه همس
اسم الله عليج بيه ولا بيج شربي مي
احم شربت مي ورجعت رديت وغطيت راسي
الو
الو
شنو اختفيت صار شهرين
جر نفس وذبه كال
لتسالين شي ولا تحجين عن الغيبه مشتاقلج
بقيت ساكته غمضت عيني كلبي يدك سريع مشتاقه لهالدكه كال
احجي
شحجي
ممشتاقتلي
مااعرف
حموت واشوفج ليش مسيجين الحديقه
اخويه
حقه عده كمر يخاف عليه
بقيت ساكته احس مااعرف شحجي وياه والحان بيننا بس تعويد وخلص واريد اتركه ضجت من كل واحد يترك على غفله كال
ضايجه مني
اي
تردين اروح وبعد مااتصل
اي ياريت لان ماعدك عذر توقعت عدك عذر حتى اسامحك كتلي لتسالين هلص هاهي روح منين مجيت
عدي عذر واقوى مني بس مراح تتفهمي
جربني
خطبت بت عمي
ههه حلو عذرك كلش
مراح تساليني ليش خابرت لعد
صدك ليش لعد متصل
لان فصخت
شنو فلمك ههه لعبه
اي لعبه لعبتهم مثل ملعبوني اهلي
شنو شون
اهلي ضلموني رويده لتضلميني انتي هم
بقيت ساكته
جبرني ابويه سحب شغلي والسياره والتلفون وكلشي حتى من المعمل طردني
بقيت سامته
لان مخطبت بت عمي ومدااقبل وطلعت كعدت يم صديقي لحد مخلصت فلوس ورجعتله اتوسل بي وشرط اخطب وخطبتها مر شهر ولكفتها عده علاقه وي غيري مااخفي اني الصوج بيه لان مبين عليه مجبور حتى روحه ماروح تلفون ماشيل واخابر خليت واحد من جماعتي يصادقها ووديت لابويه مكالماتها ورسايلها وصورها وكتله افصخ لو افضحها كال افصخ
عزه بعينك
هاي هيه وحده بوحده
زين وهي
يطبها طوب. ماتت بجي ولطم بس متعرف صاحبي ومن عرفت خابرت وضلت تدعي وكالت لتخاف الا اندمك اخليك تمشي وتتلفت اني مو سهله تره
يممه
ههه متخوفني مره حبيبتي
شنو هالحجي
اي حبيبتي وكلبي وسويت كل هذا علمودج كلت افرغلج واجيج رويده اني رايدج بعد الي مكان بكلبج بجلو انترس بغيري
هههه لا ممحاجيه غيرك
اني اكثر من ميت مره اختبرتج وراسلت بس مجتي تردين راسن بلوك تسوين وزاد تمسكي بيج
اني اخاف وماريد بعد احاحي اي احد لان كمت اتاذه
اسف اذيتج بس لمصلحتج مردت تنضلمين
بقيت ساكته
مشتاقلج
اني هم كلتها وغمضت شهك كال
احبج رويده اموت عليج
سكتت كال
هالاسبوع بالزايد اتقدملج
فكيت عيني كلها بلعت ريك كوه سكتت روحي كال
موافقه عليه
كمت اتنفس سريع
رويده مواثقه بيه حبيبي حقج بس ثقي بالله راح اثبتلج انه اني استحقج
اوك
------
#جعلتني_رجلا
#مريم_السعدي
بارت8
رويده- مجنت اعرف معنى كلامه ومن اصفن بيني وبين نفسي احول شون غيرته سمحتله يخلي واحد يحاجي بت عمه في سبيل يفضحها كدام ابوه تذكرت رووف من خابرته شون وكفلي وعزمني بمطعم وكعد يحجيلي عن بابا وحبه النا بحيث كرهت نفسي وحرمت اعيدها للطلعه. بقيت بخوف من حيدر وغرابه موقفه بس سرعان مانسيت بعدما رجل تواصل ويايه بحبيات وغراميات. وختمها بان يدز امه واخته لبيتنا
الو حبيبي
ها حيدر شونك
تدرين شكد احبج
سكتت
ليش تسكتين
شكول لعد
كوليلي اموت عليك
بقيت ساكته
اوف رويده جوهرتي الثمينه عمري انتي
شكرا كلبي رجف بحجيه كال
منو بالبيت عدكم
كلهم ليش
الكم خلك تستقبلون خطار
ههه مفتهمت
راح اجيب امي واختي خطابه
انصدمت بقيت ساكته كال
بدلي يله مسافه الطريق بيتنا تره بعد كم فرع
اوك
اوكفي
همم
شو مفرحانه
لا ليش بس مصدومه
ميهم حلوه الصدمه عليج يله حبيبي هياي نفسج حتى امي تشوفج
اوك سديته هدير جانت دترتب الوانها بالمجر وكلسا تباوعلي وتنصي تكمل ترتيب باوعتلي صافنه كالت
شكو مات
باوعتلها جريت نفس حيجون يخطبوني
صددددك كمزت على جربايتها واركص حيصير عدنا عرس
كعدتها راسن جريتها من ايدها باوعتلها هدير شلبس مااعرف شسوي
هههه لبسي ثوبج الازرك غير يشك عليج وي بياضج يشتعل
اذا البسه ماما وخواتي ينتبهون ميكولون شكدريج حيجون
اي صح زين باعي لبسي تراكج الجديد ها خوش فكره
اي خوش حكوم البسه واضفر شعري كمت راسن فرشت اسناني وغسلت وجهي وضفرت شعري ولبست وطلعت افتر بالبيت ماما كالت
شو الله يخبل عليج
صدك ماما
والله بس مو كلتي مو هسه ادشنه على عيد ميلادج
اامتحملت
يله بالعافيه ماما يخبل عليج
اندمت الباب كلبي وجعني واللهفه ترستني مروه دتثرم مهجعدنرس للتبوله التفتت على ماما كالت
يووم صيحي حسين
حسين ماما تعال شوف منو
رويده- بقيت اباوع منا واباوع منا طلع حسين ووراه سليم باوعلي ودار وجهه مستغرب وكفتي صافنه عالباب من باب المطبخ اباوع على باب الطرمه شوي ورجع حسين كال
يووم هاي نسوان عليج
سليم بقه عاكد حاجبه ورافع تك يباوعلي مستغرب دار وجهه وفات
سليم- من شفتها بهالوكفه واكفه ومبدله وشفت النسوان ربطت يمكن حسين مو فطن مثلي وميلكفها بس اني فهمت والسوال ببالي يدور شون عرفت جاييها ناس الا اذا عدها علاقه باحد عفيه رويده من دون بنات عمي الثلاثه ماارتاحلها ابد الله يستر عليها
رويده-طبو النسوان من باب المطبخ واني فلتت للهول فكيت الباب طببتهم ماما باوعتلي بخزره المره كصتني كص هي وبنتها بس نضرتها تخوف طلعت من الهول شوي وسرى طببت الحاي والكعك وضلت تسال مروه منو مامنو مروه ممهتمه تشتغل بالمطبخ تكولها شمدريني طببت سرى الجاي وطلعت كالت وعاكده حاجبها
امي تريدج
احم بلعت ريك طبيت للهول ابتسمت ماما وباوعتلهم
ام حيدر هاي رويده بعدها صغيره اني الكبار ممزوجتهم اكول بعدهم صغار خلي يتوضفون يصيرلهم سند
والله ام حسين احنا البنيه بس تفر ننطيها بعد
تحجي وتباوعلي من فوك ليجوه معاجبتها امي ردت
لا حبيبتي احنا نشبعها دلال خطيه من همه صغار احنا شبعنا ضيم همه هم مثلنا نخليهم
والله بنات عمه يخبلن جنهم ورود بس هو غير
التفتت امي باوعتلها مستغربه كالتلها
اي جان خطبيتيله لعد
ميرضى موتني ومرضني هاهي شسويله
تحجي وتباوعلي و وتنود بجسمها ليوره وليكدام تحجي بغل وتدير وجهها وعلى بتها كالت
انتي شكد عمرج جاوبت ماما عني بنتره
19روحي ماما ساعدي خواتج بالمطبخ
طلعت واني على اعصابي دزلي رساله
حبيبي
نعم
راح اخابرج
اوك طبيت للغرفه هدير دترسم جانت
الو
ها عمري شونها امي واختي حبيتيهم
جريت نفس غرغرت عيني
الو
ها حيدر
شبيج حبيبي
امك مدري شون تحاجي ماما وتباوعلي ماما مااتصور تقبل
ليش شصار نتر
مادري ضلت تكولها بنات عمه فلعت كمر هو ميريد مرضتي ومرض ابوه واني شعليه قابل حتى من تباوعلي هي واختك معاجبتها عبالك
عمري معليج حقهم مشايفين هيج جمال معليج منهم اني احجي وي امي.
اوك سديته منه ورجعت استغربت شون هيج يحجي على امه حيدر غريب هواي تصرفاته تصدم
سرى- راحو الخطار وطلعت امي تعد وتصف بهدوء
شكو ماما
يمعوده مادري جايين يخطبون لو يتعاركون عاب هالناس همزين راسن كتلها ماعدنا بنيه للزواج عبالك محملتنا منيه ابنها يزوج بنتي متدري اباوع على طولهن وجمالهن من يفترن بالبيت
هههه
مروه- ام حسين لتهتمين انسي
ختولي بنات عمه يخبلن متروحيلهم امداا ج اي والله اسلوب ماعدهم عرب جول
هههههه ماما نزلت حدر عليهم
سروه- كملنا عشه وصعدنا فوك ننام مروه نامت وهي تقره كتاب لابراهيم الفقي كاتلتني بي كتل واني داكلب بالتلفزيون جتي رساله عالفايبر لتلفوني رقم غريب
الو سلام عليكم استاذ عمار
كعدت عدل
منو
اني مراجع عدك على قضيه
بقيت صافنه بابا مراجعينه شعليهم بتلفوني رديت
عذرا اخي هذا مو تلفون الوالد تكدر تتصل عليه برقمه الخاص
كتب
هلو شونج بس ردت اتاكد التلفون مو يم والدج
بقيت صافنه عرفته نفس الولد اللي قبل سبوعين راسل بس مراسل من غير رقم مرديت كتب،
مرايد شي والله مجرد اعتذر
مرديت اصلا اخاف ارد رجع كتب
ضميري من يومها يانبني وفعلا لو اني رجال ماصدك مره كذابه
جريت نفس واني اباوع عالكتابه منو ممكن يكون من الكروب اللي حاجيه بي عليه رجع كتب
ارتاح من دااشوف الدااكتبه مراي حتى لو متردين بس ردت تبريلي الذمه خربطت بذاك اليوم وياج هواي
انت منو
معرفتيني لسه
عرفتك اللي راسلت بس ردت اعرف منو من جامعتي
هاا ههه ميحتاج تعرفين بس ردت اعتذر وخلص
زين بس سوال
جواب بس قبلها عادي اتصل لان مداشوف ومالي خلك البس نضارتي
لا مراح ارد عليك
ماشي لعد دقيقه البس النضاره
اوك انتضرت كتب
اسالي حاضر وخادم
العفو خادم ربك بس ردت اسالك الكروب الحجت بي عليه كم شاب بي سنه التجي اداوم واخجل اباوع بالووجوه
ممم ماعرف شنو تقصدين بس اني مااعرف الحروب التحجين عنه
مها موصلتلك الحجي مو
بالضبط بس متسوه تتعاركين وياها تره
دمعت عيني كتب
الو
مرديت دك فصلته رجع دك رديت
الو
ساكته مسحت دموعي كال
الو اسده لو تحجين
مجاوبت كال
لعد اني راح احجيلج لان عرفت التردين تعرفي شنو حتى ترتاحين جر حسره كال
جانت دائما تكول عنج انج يعني العفو من جنابج موزينه واني على كلامها اخذت وكمت كلما اشوفج واشوف وقارج اتخبل اكول حرامات باسم الدين وهي شغلتها
شهكت وبينت شهكتي شكد حاولت اكتمها بس مكدرت بينت سكت مكمل جر نفس سمعت طكه جداحه وجر نفس كح وسوه احمم كال
حرامات هيج وحده تبجيج بس الصوج بيه اني،
رديت وصوتي يرجف من البجي
بس اريد اعرف شمسويتلها والقران كلمه ممحاجيتها كلمه شنو محاجيه عليها شكد تكعد تحجي وتقشب وتعيد وتصقل اخاف حتى اشاركها او احجي حرف واحد سمعته ضحك وكال
صوتج حلو
بقيت صافنه اني حجيت بله مااحس كال
حرامت هيج وحده تهزج وتبجيج بس تدرين لانج اشرف منها
مرديت كال
تغطي عيوبها بيج لان الكل يقدروج ويحترموج
جر نفس كال
استاذ رووف شيصيرلج
بقيت صافنه همست ابن عمي
اووو والله مااعرف وين اودي وجهي منه
وين تعرفه
الجامعتين تعرفه اخلاقه عاليه وبسيط وصاحب ابتسامه
اممم زين تكدر تحجي وي الكروب وتكولهم جذابه عفيه لان شون حداوم ومااعرف شكايله عني
سرى
بقيت صافنه من كال اسمي
سرى سمعيني امشي صح يحتار عدوك بيك لتهتمين لاكبر راس بيهم المهم انج ماشيه صح
بقيت ساكته رديت
اخجل اطب بالجامعه بعد
المثلج تتشرف الجامعه بيها لتخلين الندم وتانيب الضمير ياكل بيه اكثر
مرديت كال
والله صار سبوعين منايم زين بس افكر بيج واكل بنفسي شون اذيتج هيج
عفيه صورتي
،مسحتها وحق هذا الله وروح امي
اوك زين من تلفونها شون سكت مرد
اني خايفه منها، كال
تلفونها مكسور مفلش لتخافين بس اني قبل يوم اخذته ونقلت كل البي لجهازي
شنو قصدك شون طتك جهازها شتصير منها انت افترت الدنيا بيه هذا معد مستحيل كال راسن
اااني احد اقاربها
بقيت فاكه حلكي كال
الو
انت زوجها
سكت جر نفس كال
وصلتي
انت زوجها عزه بعيني اني كلشي ممسويه ولا محاجيتها وطلعت عليه حجي يشيب الراس عاد احاجي رجلها عزه بعيني
سابقا زوجها سابقا
عفيه الله يخليك بعد لتتصل
اسمعيني سرى
ماريد اسمع
ليش هيج اواعدج مااذيج ولااخليها تاذيج
الله يخليك شرايد مني احجي واحرك بدمي بهدوء ضاغطه على روحي كال
بس اهداي اهداي جري نفس
،كمت اتنفس سريع وراسي قببط اتذمر نضراته الحقيره وخوفي منها كال
سرى اني اسف
سديته رجع دك رجعت فصلته رجع دك كتب تره ماعوفج ومرايد شي منج
هاهي عوفني شتريد مني بعد مبري الذمه وسامحتك بسدلتخابر بعد ولا تراسل
ماشي
شكرا
ديري بالج على روحج ورفعي راسج بشموخ محد يكدر يمسج بكلمه كل الحجي التافه جوه رجليج والناس تعرفها شنو من شي لتشيلين هم الها ابد
بقيت اتنفس برجفه مسحت المحادثه ضننا مني بعد ميراسل مسويتله حضر تركته رجعت لفراشي وجسمي يرجف
رويده- اتصل حيدر بليل مرديت حيرتي طبعه اتصل اكثر من عشرين مره واني مارد حسيت روحي تعبانه كلش اريد ارتاح من هوسته موضوع اهله كلما اتذكره انشال لا الله وانطب ثاني يوم من ال11 جتي امي واخته مره لخ وهالمره يتوسلون بامي ويتعذرون بقت امي صافنه ومخليه ايدها جوه فكها ومطلعو الا اخذو كلمه منها انها تكول لبابا وفعلا هذا الصار للعصر اجه بابا وكلتله راسن كال
بعدها صغيره ورجعو حجو هو وماما كال بيتمن وماما حجتله الموضوع جر وعر وحسين عرف وبابا وكله يسال عن حيدر واني رجعت احاجي حيدر واسولف وياه رجعت احبه من جديد واخيرا وافق بابا بعدما حسين جاب اخباره وحيدر اكثر من مره اجه لبابا وي عمه الصغغير وامجد وابو امجد ويبقون يحجون بالصاله اسمع صوت حيدر يحجيله عن شغله ووضعيته ورضعيه ابو يفهم بابا جانت الفرحه باينه عليه شافوها خواتي وفرحولي ومضه اسبوع و بعد سبوعين ردينا خبر رغم تخوف بابا منهم بس شافني فرحت ووافقت كال هاي هي الله يسعدها وهمه اللحو ومابيهم عيب ويكفي انهم كرابه ام مجد امه اختها يعني بيت خالته وفعلا صارت المشيه كلهم جايين بس ابوه وواحد من عمامه مااجوي بس خواله كلهم جده ابو امه هم ونسوانهم كلهم اباوع الوحوه مكلبه ومن قرو الفاتحه هلهلت بس وحده منهم مااعرف حتى منبين اخته بعذين عرفت هاي خالته الصغيره فرحت حيل انتبهت ماما على اعصابها راحو الناس كلهم وكالت
اني هيج مشيه مشايفه شبيهم مبوزين،
مهتمين تركتهم وطبيت خابرني وبقينا نحجي لليل جنت طايره وياه وكلامنا كله عالعرس وشنسوي من حركات ووين نسافر وشون حنعيش بشقتنا اللي هي طابق ثاني من اهله --------
يتبع