♛ ♛ ♛ ♛ ♛ ♛ ♛ ♛ ♛ ♛
"شفاه مخملية" 💋
بقلم: زهراء السلامي.
عُثمان يگول:
من گَتلي شبيك شو چنك حِزين
وشايل الدنيّه اعله متنك !
آنه مرتاح بوكَتها ...
وچنت حزنَان أعله حِزنك ...
♛ ♛ ♛ ♛ ♛ ♛ ♛ ♛ ♛ ♛
"هجران"
كملنه مراسيم الزفه واني ادور ؏ جواهر ماشفتهه وشهد ثبرتني تسأل عليهه وتوترت كُلش تالي أيست اللكاهه ورجعت لسيارة عميد الدين لگيتهه گاعده وحدهه، فتحت الباب وطبيت..
-هجران: جواااهر وينچ انتيي هلكت واني ادورر
-جواهر: هاااا
-هجران: هاي شبيهه مفهية وينچ شوكت رجعتي للسيارة؟
-منزلت اصلاً
-ليش؟؟
ابتسمت وغطت وجهها، هزت راسهه وگالت بفرحة...
-جواهر: عميدي يغار عليه
-چذااابه
-ونبيي محمد
-هجران: شلوون شصااار؟؟؟ احچيليييي
-جواهر: مو هسه بالبيت نسولف هاي عمه دلال ورهف اجن للسيارة
سكتنه وعمه دلال طبت گعدت بالصدر ورهف يمنه، وره شويه اجه عميد الدين..
الطريق هدوووء وكل شويه اللتفت ؏ جواهر الگاهه مبتسمه وضامه حلگهه هاي شبيهه يبووو يفضولچ يهجران مارتاح اله اعرف!!
وصلنه لنص الطريق وعميد فتح اغنيته اليحبهه، چان يدندن بيهه بصوت ناصي لكن واضح، ومن وصل لمقطع...
"احبها ولا تلوموني ؏ حبها گلبي من الصغر ذاب بعشگها
شما اوصف فلا اوصل وصفها.. شما اوصف فلا اوصل وصفها..
گلبي اليحبها مو بديه... كلبي اليحبها مو بديه".....
چان يهز براسه ومنسجم لأبعد حد يممممه انوب الفضول زاد عندي هاي شصااير هنا واني مادري..
وصلنه للبيت وجواهر دخلت وعيونهه ؏ عميد بَـس هوه كالعادة مباوعلنه، واول مادخلنه لغرفتهه جريتهه وصحت...
-يللللله احچيليييي شصااار
-جواهر: هههه خليني اخذ نفس شبيچ
-يله نبدل واحچيلي
-ماشي
بدلنه ملابسنه وهيه اخذت هدوم وراحت تسبح واني اخذتهه فرصه انيم زينب، همزين نامت بسرعه ماعذبتني..
اجت جواهر لابسه برنص وردي فاتح وشعرهه الاشقر ذابته ؏ ظهرها مكيفه وريحة الغسول تعط منهه،، گعدت ؏ السرير وتنهدت ولهانه..
-هجران: جواهر احچي حبابه حَ طگ
باوعتلي وبدت تحچي وتبرم بشعرهه ومن وصلت لمقطع من گللهه..
"انتي مو تحبيني شلون يهلچ ترحين لغيري"
غطت وجهها وضحكت بخجل واني صافنه وفاتحة عيوني هايي شنو الرومانسيه..
-هجران: اييييي وشصار وراهه؟؟
-جواهر: مصار طلع من السيارة وبعد ماحچة شي
-ماگال غير شيي ابددد مگال احبچ لو اعترف لو...
-جواهر: ابددد كلشي مگال بَـس قبل ليطلع گال لو صدوك تحترميني ومتردين تأذيني لتنزلين من السياره لان قيس واگف بره چان
-هجران: يممممااا اويليييي ولچ يحبچ يحبچ يحبچ عاااا
-ههههههه اييي موووو؟؟ يغار يعني يحبني اكيييد مووو
-هجران: اييي لچ ميرادلهه السالفه بَـس أتوقع هوه من النوع الحياوي ومؤدب وماحب يگولچ احبچ بشكل صريح
-اييي ادري اني هم گلت بگلبي اويلااايييي
-زين لحظه تعاي صدُك رح تنخطبين لهذا ابو القاط البنفسجي قيس؟
-لااااع يروح هوه واهله وعشيرته فدوه لسبحة عميد الدين اني مخبللله افففف يمممه حموووت من الفرح رح يوگف گلبي هجراااان
-لا لا يمعوده اصبري هسه تعاي برأيچ رح يخطبچ هالايام؟
مالحگت تجاوب لان اجت رهف وگالت تريد تنام يمنه، جواهر غمزتلي حتى نسكت ومن تنام رهف نكمل..
ماطولت هواي ونامت لان گالت تعبانه، واحنه رجعنه لموضوعنه...
-جواهر: مادري هجراان مادري احبببه لچ اموووت عليه تعرفين شنو يعني امووووت
-ههههه لچ ؏ كيفچ شكوو تموتين
-جواهر: هههه حبيبي هذا ميدو مالتي اشوفه اتسرسح خو عطره اويليييي لچ بحياتي مشايفه هيچ رجال نضيييف اربعه وعشرين ساعه مرتب وعطره يخبللل يعجبچ بَـس تبوسين بي ههههههه
-هجران: هههههه الله يجمعكم ويه بعض
-اووووف اميييين والله يوم منى هذا والله اذا خطبني عميد الدين مانام الليل واني ارگص
-يارب اني متفائله كُلش واحس رح تنجمعون سوه
-هففف اصدگ لچ اصدددگ لاا ماصدگ ههههه
-هههه لچ خبله هاي شبيهه تخبلت
-جواهر: هشش يله رهوفه خاف تگعد يماااي هيه هم احبهه
-بعد بنت الحُب هاي
-جواهر: اييي فديتهه وفديت ابوهه (نمنه كلنه ؏ السرير وهجران بسرعه غفت واني الوب مدا اگدر اغفى واني افكر، عطشت مي وگلت انزل اشرب واجيب فد مرة خاف وحده من البنات تگعد عطشانة..
اول مانزلت ووصلت للصاله ونزيت من شفته، صحت...
-عاااا انته شبييييك
هز راسه وتنهد، گال بتعب...
-عُثمان: عادي تعودت تخترعون مني
-هففف مو قصدي بَـس شمگعدك هنا وحدك؟
-عُثمان: مو جايني نوم
-امم اني هم، جوعان؟
ماعرف ليش سألته هالسؤال وهوه ضحك بَـس مبين عليه كُلش تعبان، هز راسه بـ "لا" وظل ساكت، عفته ورحت للمطبخ طلعت قوطيتين ببسي فتحت وحده واخذت قصبة وشربت ووديت وحده لعثمان..
-عُثمان: احييي قصبة وكذا
-ههه ماگدر اشرب من دونهه
-عُثمان: يابه نازكة مو بيديِك
-هااا هااا شو دتزحفف
-عُثمان: جايني مود الزحف ماعرف شبيه
ضحكت ؏ حچايته بَـس چان يحچي بجديه، گعدت بصفه ؏ القنفة وبالي اريد اسأله شبي ويه هجران اليوم وليش هلگد چان قاسي وياهه..
-جواهر: عُثمان اسألك سؤال؟
-عُثمان: قبل السؤال زنايب نايمه؟
-اي
-تگدرين تجيبهه؟
-لا مو گتلك نايمة
-ميخالف بَـس شويه ورجعيهه حبابه مشتاق لهلصرگعانه
-ماشي بَـس واذا گعدت؟
-امهه نايمه صح؟
-اي
-عُثمان: عجل مايهم حتى لو گعدت أنَا انيمهه
-هلووو وانته شمعرفك هههه
-اعرف ويله جواهر بسرعه
-ماشي
رجعت فوگ اخذت زنوبه ؏ كيفي ونزلتهه لعثمان، انطتهيا وهوه جرهه حظنهه وشمهه من رگبتهه المنظر يجنن خصوصاً من لزم ايدهه الصغيرونه ويبوس ويشم بيهه...
-جواهر: ليش هلگد تحبهه؟
رفع راسه باوعلي ورجع نظراته ؏ زينب، همس...
-بنيتي هذي شلون ماحبهه
تنهد وعيونه تتابع تفاصيل وجهها البريء وهيه نايمه مثل الملاك، بَـس فاجأني من همس بحسرة...
-عُثمان: ياريتني ابوا (ابوها)
-جواهر: شنووو؟؟؟؟
رفع راسه مستغرب، حركه بمعنى شبيچ حچيت متسائله...
-جواهر: ليش تتمنى تكون ابوهه؟!!!
-عُثمان: لان احبهه
-ايي خو افتهم تحبهه بَـس ليش تريد تصير ابوهه؟
-لان بكر مايستاهل
گالهه ورجع نظراته عليهه، دفن وجهه برگبتهه الصغيره ويشمهه ومبتسم.. تحركت زنوبه ويبووو گعدت وصارت تبچي..
-عُثمان: لا لا بنيتي لا بابا ليش تبكين اششش
-جواهر: يبوو عُثمان گعدتهه
-ميخالف هسة اطلعهه تجين؟
-وين؟
-هيك نفتر شوي واغيرلهه جو
-اووّك لحظه البس جبه ونطلع
هزلي راسه واني صعدت لبست شالي بطريقه عدله وجبه اسلاميه واخذت حذاء لزنوبه من جنطه هجران وجبت موبايلي خاف تگعد ومتلگه زنوبه اكيد تدگ عليه، صراحة مردت اطلع وياه بَـس لسه مسألته بخصوص تصرفه..
طلعنه من البيت وهوه سألني خاف اهلي ميقبلون شوف حظي عساس رح يهتمون لو اصلاً يدرون بيه طلعت ماما وبابا يذبون ارواحهم من ينامون من التعب وحلاوة اصلاً طالع هوه وزيد يباتون بره..
تمشينه شويه وزنوبه سكتت وتفرفر بعيونهه، دخلنه لعطار واشترالهه باكيت حليب وبسكت ورحنه نگعد بحديقه قريب بيتنه..
تفاجأت من عُثمان گعد ؏ الثيله بالگاع وگعد زنوبه بحظنه ويوكلهه، گعدت بصفه وصافنه ؏ الانسجام والتجاوب البيناتهم وزينب كل شويه يوگع منهه حليب وبسكت وهوه يمسحلهه وينظفهه، من شافني صافنه عليه ابتسم وگال...
-عُثمان: مو گتلِك هيه بنتي
-مبين عدك خبرة
-تقريباً كل يوم احنه هيك اطلعهه اشتريلهه بسكت وحليب واوكلهه
هزيت راسي وابتسمت كملت وبعد متقبل تآكُل ورادت تگوم تفتر، هدهه ومشت گدامنه تمشي وتدير وجهها تباوعله وهوه يضحكلهه وهيه تبادله انوب يسوي روحه رح يگوم يركض وراهه وهيه تشرد وتضحك..
مدد رجليه ليگدام ومد ايده ليوره وسند جسمه عليهن وتنفس بعمق وزفره بهدوء ورويه..
-جواهر: عُثمان شبيك ويه هجران اليوم؟
-شبيه؟
جاوبني وهوه ؏ نفس گعدته، اردفت..
-جواهر: شلون صرخت عليهه من چانت تبچي ليش هيچ خطيه وانته تعرف هيه حساسه
-حتى تتعلم ما تبكي ؏ اقل شي
-اي هيه هيچييي
-تتغير
-لا متتغير من يوم عرفتهه لسه هذا طبعهه ام دميعه
-تتغير
-هواي واثق
-ممم
انزعجت من بروده وسكتت، همس بصوت مسموع..
-عُثمان: ماحب اشوفهه تبكي
اللتفتتله ومحچيت هوه كمل...
-عُثمان: جواهر أنَا ماريد هجران تتركنه وتروح
-ليش؟
عدل گعدته وتربع مثلي باوعلي وجر حسره..
-عُثمان: اريدهه تروح وماريدهه
-مدا افهم
-عُثمان: لان...
قاطع حديثنه اجو رجال ومرة كبار بالعمر ذوله شمطلعهم بنصاص الليالي وانوب شلون يباوعولنه هاي شبيهم، استغربت من عُثمان اشر عليه وع زنوبه وگال بصوت عالي...
-عُثمان: حبيبتي جيبي زنوبه هينا
-همست: عزا هاي شبيك
غمزلي وعظ ؏ شفته واللتفت ؏ الرجال والمرة...
-عُثمان: تنگ اله تريدني اطلعهه واطلع البنت بنص الليل اكلت راسي وماتقبل تگعد حالهه حال النسوان
فتحت عيوني عززاا هذا شديسوي والضحكني اكثر من الرجال هز راسه وگال بحسره...
-نفس مُعاناتي
-عُثمان: ماگول غير الله يساعدنه بَـس شنسوي نحبهن
-الرجال: ههههه اي والله، الله يحفظهه الك
ابتسم وهز راسه واني جريته من ايده ونترت بهمس...
-جواهر: عُثمان هاي شبيك شنو هالخرططط
-عُثمان: بشرفِك جواهر؟؟ يولي ماعرفتِك غبيه!! ماشفتي نظراتهم علينه عبالك گاعدين بفندق ليلي
-جواهر: اي عابت ذوله شبيهه ومدا يشوفون الطفله ويانه، المهم هسه معلينه بيهم انته كمل
تنهد وسرح يباوع لزنوبه تلعب وتفتر وحدهه، ظل هيچ وتوقعته مراح يحچي فَـہ مضغطت عليه بَـس فاجأني من گال...
-عُثمان: جواهر انلاصت عليه
-شنو؟
-ماعرف شبيه
-مفهمت؟
احچي وياه وگلبي بده يدگ ماعرف ليش هالشي اجه ؏ بالي، تنهد مرة ثانيه وباوع بعيوني..
-عُثمان: ماريد اتعلق بيهه اكثر لان اتعب ؏ فراگهه
-عُثمان شبيك شنو تتعب ؏ فراگهه ليش هيه مرتك!!
-لاء بَـس متعلق بيهه وبزنوبه
-وع أي لساس تتعلق بيهه؟؟؟!
-عُثمان: مو گلتلِك مليوصه عليه
-هسه غير يفهمني يربي راسي افتر
-دحگي أنَا ماعرف شبيه بَـس الاعرفه ان مشاعري غلط ولازم ابتعد
-يا مشاعر؟!! عُثمان انته تحبهه!!!
-عُثمان: لاااء لاااء شبيكي انتي بَـس ماعرف شنو احساس بداخلي من اشوفهه لهيك أنَا رح ارجع للانبار حتى ماطوخ علاقتي بيهه
فاتحه عيوني متفاجأة هذا ديحس شديگول بَـس لا واضح مدا يعرف او ممكن ديكذب ؏ روحه..
-جواهر: زين ليش هيچ قاسي وياهه؟
-أنَا ماقسيت اله لمصلحتهه اولاً هجران كثير اتكاليه ومن رفضت اتصالهه بحنة سلمان ردت ادحگ شَنو رح تتصرف رح تعتمد ؏ روحهه وتسكت زينب وحدهه لو مثل كل يوم ماتتحمل وتنزلهه الي؟! هاي واحد، ثنين من ما اخذتكم بالزفه اساساً أنَا متفق ويه عميدي ياخذكم ماردتكم تجون وياي ومن حكيت هيك وياهه ردت اشوف شَنو رح تسوي؟! كان من الممكن تشيل موبايلهه وتتصل ؏ أي احد فيصل، احمد، عميد الدين ويجوهه واكيييد يجوهه بَـس هيه فضلت تظل واگفه تنتظرني وتعرف مايهلي اعوفكم هيك وبكر الي هوه رجلهه العاار عافهم وراح، دحگي جواهر هاي كلهه اشارات ان هجران ماعدهه ثقه بروحهه وشخصيتهه مهزوزه ولازم نبنيهه لان بعدين رح تندااس
-بَـس هيه فعلاً مديوسه من قِبَل بكر
-الله يلعنو هالبكر مو واعي ؏ حالو انو عندو جووهرة والله جووهرة
-جواهر: اي والله بَـس هوه غبي وماخذه الهوا ويعرف اذا يرجع حتكون موجوده
-ولييش هالشي؟؟ مافكرتي بينِك وبين نفسِك؟؟ لان هجران معطيتو مجال دحگي أنَا ماحارب المرأة التهتم برجلها لاا بالعكس شي كثير حلو بَـس كلشي يزيد عن حدو ينگلب ضدو
-ههههه عُثمان والله ماعرف شگول
-أنَا مادافع لأي واحد منهم بَـس بكر غلطاااان من ساسو لراسو ومال بعدين يندم ؏ هجران والله ولا يندم وهذا وجهي وگولي عُثمان گال ومن كنت اگوللهه يندم اريدهه ترجع ثقتهه بروحهه مو سالفه جد رح يندم لانو بلا احساس
-اني هم احسه ميندم
-لانو غبييي غبي لدرجة هامل بنت مثل هجران بَـس اخخخخ اخخخخ يالقهررر
زفر بقوه وضرب فخذه واني هم سكتت حتى اهدأ لان عصبت واني اتذكر تصرفات بكر.. گام شال زينب وگال يله نرجع..
مشينه والشارع هدووء وزنوبه بيد عُثمان حاطهه ؏ چتفه ويطبطب ؏ ظهرها حتى تنام وفعلاً شويه وغفت، طبينه للبيت وانطاني زينب واخذتهه ونيمتهه بصف امهه واني فرشت فراش بالگاع ونمت لان چربايتي متكفي بعد..
حاولت انام واني افكر بكلام عُثمان يربي ممرتاحة واحس اكو شي غلط بَـس فعلاً احسن شي يسوي يبتعد حتى هم يسلم ؏ نفسه وهم ؏ هجران ومتصير مشاكل خصوصاً هيه مرت اخو!!!
**
"هجران"
حسيت الصبح بالتسعه، باوعت بصفي زنوبه ماكو گمت بسرعه ادور بعيوني الغرفه چانت جواهر نايمه بالگاع ورهف وزينب مو هنا..
بسرعه بسرعه لبست جبتي وشالي ونزلت جوه، چانو گاعدين يتريگون بالصاله وهم زنوبه ماكو سألت عمه دلال...
-عمه شفتي زنوبه؟
-دلال: اي عُثمان مطلعهه بالحديقه
-هاا ماشي
طلعت للحديقه وشفتهم من بعيد مگعدهه ؏ چتافه ويفتر بيهه وهيه ساعه تهمش بأوراق الشجرات الي يتعدون من يمهن وساعه تكفش بشعره، عفتهم ورجعت جوه صبتلي خاله انتصار ريوگ واكلت بسرعه ورهف وغزاله بصفي گالو رح نطلع هسه..
-رهوفة زينب شلون نزلت من فوگ؟
-رهف: انه نزلتهه لان صحت تبچي
-ياا هاي شوكت شو محسيت اني
-رهف: اي چنتي نايمه حتى من البارحة جواهر خذتهه لعثمان ماحسيتي
-هاي شوكت؟؟
-رهف: بالليل كللش شفت جوهرة خذتهه ونزلتهه رحت وراهه وعاينتلهم گاعدين بالصاله ويه زينب
-هاااا
گمت ساعدتهم بشغل المطبخ ورحت فوگ بدلت ملابسي وتحظرنه للطلعه، جواهر لسه نايمه امهه تگول تتأخر ياله تگعد فَـہ طلعنه وهيه متدري..
وگفت بباب البيت وحرت ويامن اروح لان محد گالي تعالي بسيارتنه وسياره عميد قبطت وحتى سيارة مرتضى بَـس عُثمان گاعده وياه عمه دلال بالصدر بَـس مارحتله لحدما هوه يگول تعالي..
حسيت بي يباوعلي ومچتف ايده، اخيراً گال وهوه رافع تك حاجب...
-عُثمان: علويه مادخلين يمي لو تحتاجين عزيمة؟
گلبت وجهي ورحت اگعد ليوره وهوه اجه ورانه صعد والطريق كله هدوووء وعمه دلال نامت استغربت زيد ليش مو ويانه بَـس ماسألت، القطع الهدوء عُثمان گال...
-زنايب نايمه؟
-لاء
-عجل مالهه حس؟
-هجران: اي ساكته
-مممم، رح ترجعين لأهلِك؟
-اي
-ايمت؟
-هجران: هوه اول منوصل اتصل ببابا يجيني حتى يتفق ويه بكر
-بَـس بكر ماراح يجي اليوم
-شنووو ليش عوود؟؟؟
-؏ كيفِك هوه گال البارحة
-لييش؟؟؟
-لان عندو شغل حسب كلامو
-شنو هالشغل الميخلص عُثمان ترا اني بزعتتت
-شَنو بيدي
گالهه ورفع كتافه، فررت ومتت من القهر لا اني البيه اتصل بي لان متعاركة ولا البيه اگول لعثمان خلي يجي غصباً عليه لان اصلاً هوه وبكر علاقتهم مو شي انوب يتعاركون حتى تكمل..
نزلنه استراحة وتغدينه ورجعنه، عمه دلال رجعت نامت وعثمان ساكت، زينب بدت تلوب وتنحست وكل شويه تكفخني لو تخرمشني بأيدي وعثمان يباوعلنه من المرايه ويضحك، ضجت كُلش واخير شي طگيت ماتحملت...
-هجران: كاااافي شبييييچ لعبتي بيه خللقه خاف اني عايزه!!!
زادت بالبچي وعثمان وگف السيارة واللتفتلي اخذ زينب من ايدي ونزل بيهه يفتر كل هذا يصير وعمه دلال نايمه نيالهه متحس، سكتت من طلعلهه چكليته من جيبه ووكلهه بوسهه ورجعو للسيارة انطانياهه وهمس...
-عُثمان: لا تصرخي عليهه بعد
-هجران: طلعت روحيي شسوي
-غلط نصيح ؏ طفل بهيك عمر رح تزيد وكاحتو ومو عبالِك يهدأ
-اي شسوي ضجت اني
-حقِك بَـس هم ؏ كيفِك وياهه أنَا اتذكر امي الله يرحمهه ابد مارفعت صوتهه عليه لو ؏ بكر حسب كلامو لأبويه هيك يگول وحتى أنَا اتذكر هالشي
-عزا شلون تحملت
-امي كانت كثير هادئه ومسالمه ماتحب العركات والهوسات وكانت تحبنه كثير وعايشين عيشه راغدة
-هجران: الله يرحمها حتى عمو خليل مرة ذكرهه بموقف گال چانت توكله بيدهه غده وعشه هههه
-عُثمان: اي صح اتذكرو هالشي كانت توكلنه كلنه ياله هيه تاكل الله يرحمِك يوم
-الله يرحمهه اكيد تشتاقلهه لان بكر هواي يحب امكم ودليل سمه زينب ؏ اسمهه
-عُثمان: اكيد اشتاقلهه ما حنّ عليه احد نفسهه بَـس انتي
باوعلي بالمرايه ونزل عيونه..
-هجران: اني هذا طبعي احب اهتم ويگولون عني حنينه
ابتسم وگال...
-عُثمان: والله انتي رب الحنية
-شكراً، صدُك امكم ماتت وهيه شابه صح؟
-اي اسم الله عليكي
-ممم الله يرحمهه
سكتت وبعد ماحچيت بشي لان حسيته خنگته العبره وگوة يحچي واتوقع حتى بچة لان مسح عيونه، اني اتذكر بكر من حچالي ؏ امه وشلون ماتت چان يبچي مثل الطفل وكأن البارحة ماتت..
الله يرحمهه ماتت غرگانه وهيه عمرهه 24 سنه لحگو عليهه وهيه تجر اخر نفس وتبچي وتصيح بأسم عُثمان لان بكر يگول كُلش متعلقه بي چانت ودائماً يگول عُثمان فاز بحب امي واني فزت بحب ابويه..
سندت راسي ؏ الشباك وبعد محسيت بالطريق لان اني وزينب ثنينه نمنه صحيت عمه دلال چانت تگعدني تگول وصلنه..
نزلت وبوجهي لغرفتي وماطلعت اله وره يومين واني بهاليومين آكُل روحي بروحي ومحظره كل غراضي حتى بَـس يرجع بكر اتصل ببابا يجيني وحتى امتحانات نهاية السنه قربت ومدا افكر بيهن حايره بضيمي..
باليوم الثالث رجع بكر چان كُلش تعبان ومابي حتى يحچي، چنت متمدده ؏ الفراش ارضع زنوبه سلم واجه عليه واخذهه يبوس بيهه ويحظن ويناغيلهه..
رجعهه بصفي بدون ميگول شي وراح للحمام يسبح وطلع بدل ملابسه واجه ؏ الفراش تمدد، نهضت روحي وحچيت...
-بكر اليوم رح اتصل ببابا يجيني
-خوش
جاوبني ببرود وحاط ايده عيونه، اردفت..
-اي ويريد يحاچيك بموضوع
-الي هوه؟
-ماعرف هوه يجي وتتفقون
-خوش
گوة يجاوب هذا شبي وشنو هالبرود المستفززز عفته وگمت من الفراش طلعت من الغرفه كلهه ماعرف وين انطي وجهي يارب ارحم بحالي ياارب خليني اصير قويه واگدر احارب نفسي وگلبي..
ظليت گاعده انتظر بابا يجي ولو هوه مو اليوم گال ؏ السبت يعني بعد يومين لان صادف عنده شغل وهوه طبعاً لسه ميعرف سالفتي ويه بكر گلت لماما اني اسولفله من يجي هنا..
لليل وسمعت عيطه گبت جوة اهوووو والله مليت من المشاكل ومابيه بعد بَـس الخلاني استغرب هذا صوت عميد الدين يعيط وهوه نادراً يطلع صوته وهسه ديصيح بكر..
گمت من مكاني بسرعه اشوف شكو وگفت ؏ المحجر اباوعله وجهه احمممر شايط ويعيط بكر ويغلط عليه، ثواني واجه بكر طاير وگف ؏ المحجر يباوعله وعميد صاح بي...
**
"رهف"
من ردينه من بغداد وانه الوب حچي جواهر مجاي يروح من بالي معقوله جواهر تحب ابوي؟! سمعتهه من چانت تحاچي هجران وعبالهه انه نايمه بَـس ليش ابد ماحسيت بهالشي وابوي هم بحبهه لو شني بالضبط!!
رحت لحجرة ابوي احاچي وبلكت اگدر اسحب لسانه، چان گاعد ؏ السرير ويتصفح بموبايله..
-بابااتيييي
رفع عيونه وضيگهن، ضحك وحرك براسه "شكو" كملت...
-رهف: بابا حبيبي خلينه نسولف
-عميد الدين: اي بنيتي نسولف ليش مانسولف
تنهدت وماعرف منين ابدي وشلون ابدي..
-رهف: البارحة حاچيت جوهرة چانت كللش مريضه
-شمالهه مريضه؟؟
-هههه بابا شمالك عادي البت مرضت يعني شلون
-عميد: مو بابا بالي يمهه خطيه هاي بالاقسام وحيدهه
-اي والله خطيه ليش ماترد لبيتنه
-بابا هيه ماترضه بنياتي شبيدي انه
-رهف: انه احب جوهرة كللش هواااي
هز راسه وظل ساكت، كملت.،.
-رهف: بابا جواهر جميله كللش مو
هز راسه وهم سكت..
-رهف: اويلي شني من شكل يجوز احلى بت شايفتهه بحياتي انته شتگول؟
-شگول؟
-تشوفهه صاكة؟
-عيب رهف شني هالحچي
-عادي بابا اعتبرهه نفس بنتك اساساً انته اكبر منهه تقريباً بـ 14 سنه
-حتى لو عيب
-بَـس بابا حييييل حلوة
-اي بابا ادري
-رهف: يعني انته هم تشوفهه حلوة؟!!
-عميد: بابا بَـس الاحول مايشوف جواهر حلوه
-اييي خوب عيونهه اويلااااييي
-عميد: غير يكتلن
-اي والله ايييي يسطرن بعلي
-عميد: لونهن كللش حلو وغريب هوه الميزهه
-خوب جرتهن وشلون تحط كحل يممااا تسحل الگلب
حط ايده ؏ شواربه وسرح، اي اي وصلت للاريده كملت...
-رهف: بابا جواهر تحبك
باوعلي وفتح عيونه متفاجئ ظل ساكت وانه كملت...
-والله والله انه سمعتهه تسولف لهجران تكول انه من اشوفن عميد اتسرسح
ضحك خفيف ومسح وجهه
-عميد: رهف عييب اسكتيي
-بابا شمالك هسه ياهو موجود احنه مو اصدقاء ونسولف دائماً
-اي بَـس مانسولف بهيچ مواضيع
ماهتميت لكلامه وكملت..
-رهف: وترا تگول عنك ريحتك تموتهه تتمنى بَـس تبوسك
-رهففففف اسكتييي بسچ عيييب
-بابا تره عاشگتك البت وانه احبهه واتمنى تتزوجون
-اسكتي گلت
-ماسكت ماااا
-ام لسااان وعلي اكظچ واذا كظيتچ ماعوفچ
گمت ابتعدت عنه وامدله بلساني...
-هه ههه هه ههه تحبككك تحبببكك جوهرة تحبكك تزووجهه حباااب فدوووه تزوجهههه
تفاجأت من گام يضحك ويحرك براسه يأسان حط ايده ؏ لحيته واستمر يضحك هذا شبي ابوي تخبل والزيد حيرتي من سألني...
-عميد: بابا رهوفه صگد انه ريحتي طيبه؟
-رهف: ههههههههههه هههههههههههههههههههههه ههههههههههههههههه
-وجععع شكوو
-بابااا متتتت ههههه ااخخخ بطني شني هااي ههههههه
-خلص انطمي ماريد اعرف
-ههههه لا لا اكول اي بابا ريحتك كللش طيبه وانته كلش نظيف
-اي هم عبالي
-خخخخهه يي
-يله ولي بره صايره ما مأدبه
-ليش بابا ترا عادي
-فوگاهه تلاسن خايبين انه بنيتي ليش ماعدهه حياء
-بعد قسمتك هاي يا ميدو
-شنييي ولچ!!!!
-بابا ترا جواهر تصيحلك ميدو
فتح عيونه مصدوم صخاام بعيني رح انعلس اليوم
-عميد الدين: ميدووو؟؟؟ شني هازه كاروكي!!!
-بابا انه شعليه فوگما البت تحبك وتدلعك
-رهفففف ولي بره
-يله موليه
طلعت من حجرته اضحك بَـس ماعرفت هسّ هوه يحبهه لو شني اووف لازم اعرف اليوم..
رحت للمطبخ اساعد غزاله بالعشه چانت لابسه گلادة جديده كلش حلوة..
-رهف: غزاله هاي منيلچ الكلادة ماشايفتهه عندچ؟
-غزاله: مرتضى اشتراهه البارحة
-الله تجننن
-اي
-وانتي شمالچ مبوزه؟
-غزاله: مابيه شي بَـس تعبانه كلش
-اي حگچ والله صارلچ تلاث تيام البيت كله ؏ راسچ
-غزاله: ميخالف خطيه هجران تعبانه خليهه ترتاح
-اي وذني مادري شمالهن فتحو ونرجس مايشتغلن
-غزاله: هههه ولچ عيب هاي عمة ابوچ
-عععع خيولن اموت منهن چنهن تماسيح
-امشي ولي يله جاي اشتغل
-يله انه اروحن انظف الديوان
-عفيه يله روحي
رحت للديوان انظفه هوه مرتب لان كل يوم غزاله تنظفه وتمسح وتكنس يعني كله عليهه، جبتلي وصله ومسحت الطبلات وانفتحت الباب جفلت..
-زيد: رهوفه شلونچ
-رهف: اووف يمه والله وگف گلبي عبالي اجو خطار
-زيد: لااا يا خطار وهيچ يدخلون قابل
-ايي هم صح
-زيد: المهم شلونچ مشتاقلچ ليش متبينين
-رهف: والله يا زيود انه وعدت نفسي ما اعاند ابوي بعد ولا ازعله من يوم طاح علينه لسه
-اي ميخالف بَـس اني...
سكت وجر حسره، رفعت راسي عليه مستغربه..
-رهف: زيود شني شمالك متكدر(ضايج)
-زيد: رهف اريد اگولچ شي واتمنى متستعجلين بالجواب حبابه
-اي گول
تقرب عليّ وگف گبالي وانه گاعده ؏ ركباتي بصف الطبله، نزل گعد مثلي وصار مقابيلي بالضبط مايفصلنه غير كم سانتيم، جر نفس حسيته جاي يستنشق عطري وطلع صدك هالشي خصوصاً من گال...
-زيد: اعشق ريحتچ
خجلت كلش ونزلت راسي، گلت بحياء..
-رهف: شمالكم ويه العطور انتم
-منو احنه؟
-رهف: لا هيچ انسى
هاي شمالني گمت اشخبط همزين ماحچيتله ؏ جوهرة من گالت ابوي ريحته طيبه، ظليت ساكته وهوه يتفحص وجهي..
-رهف: زيد شمالك؟
-زيد: احبچ
توسعت عيوني وحسيت مثل المي بارد ذبو ؏ راسي، گلبي گام يدگ وانفاسي اضطربت بلعت ريگي وحتى عيوني شكلت بوجهه ماجاي اگدر انزلهم، اردف...
-زيد: من چان عمرچ 12 سنة وحسيت گلبي دگلچ رهف تعبت واني اباوعلچ من بعيد ومدا اگدر حتى اسولف وياچ! روحي تسعر بيهه نار من اشوف الخطاطيب يجولچ ويخطبوچ من ابوچ واني واكف مكتوف اليدين مبيدي شي بَـس اليخفف عني ابوچ يرفضهم
-زيد انه...
-لتحچين خليني اكمل.. رهف اني اشتغل ليل نهار حتى اوفرلچ عيشه تليق بيچ وحتى قبل فتره اشتريت قطعه ارض بمساعده امي وكم فلس عندي ودا ابني بيهه هسة حتى من اتقدملچ اكون جاهز واذا متقبلين بيه لان اعرج كُلش عادي ترا مازعل والله
-لا زيد انته ليش هيچ تكول انه بَـس متفاجأة
-هاا اي حقچ وترا اني ماريدچ تجاوبيني هسة حبابه فكري وعليچ الله حطي ببالچ احبچ وراح ابقى احبچ طول عمري ودا اسوي كلشي لخاطرچ حتى شغلي معاجبني بَـس لان هاي مهنة ابوچ وعمامچ اني هم اشتغل نفسهم
-رهف: بَـس زيد انته تلعب روحك من الدمايه
-ميخالف ميخالف اتحمل بَـس هالفتره بينما يطلع تعييّني
-بَـس ترا مايلوگلك گصاب ابد هههه
-زيد: اي ادري اني من قبل سنه ردت اخطبچ بَـس صارت سالفتي وانوب اللتهينه بعرس سلمان وامي كالت مو وكتهه واصلاً زين من اجلتهه لان مبقه شي ويطلع التعييّن واصير محامي معروف واعيشچ اميره بَـس گولي اي رهف گولي اييي
نزلت راسي ووجهي احسه يطلع نار، عفته بالديوان ورحت لغرفتي افكر گلبي بعده يدگ واحس عبالك روحي جاي يسحبوهه ماعرف شني هالشعور المخربط الي جاي أحسّن بي انه احب زيد بَـس مو حُب حبيب اشوفه صديق مو اكثر بَـس صدك لو كال عمو عُثمان ماترهم صداقه الولد ويه البنت لازم طرف منهم يوگع بيهه...
تعبت من التفكير ورحت ؏ موبايلي اگلب بي وتذكرت ستار اوووف شني هاي مشتاگة لسوالفه كل يوم مثل هيچ وكت يدزلي كليشه شني سوه بيومه ويغرگني بالغزل وانه بَـس اقره وماجاوب بَـس هم مادري بروحي احبه لو بَـس هيچ..
طلعت كتبي وگعدت اقره احسنلي لا حب يفيدني ولا بطيخ اهم شي الشهادة مثل ما يگول ابوي، كملت واجباتي ورديت لحجرة ابوي چان بيده دفتر وقلم وفلوس هواي يمه..
-رهف: بابا شجاي تسوي؟
-جاي احسب ارباح الشهر
-هاا زين بابا انه ضايجة طلعني
رفع راسه يباوعلي ونزله ؏ الدفتر..
-عميد: حبيبتي ؏ عگب باچر اليوم هواي عندي شغل
-رهف: خوب باچر طلعني
-باچر جايلي خطار من البصره
سكتت وهوه كل شويه يسحب ظبه فلوس ويحسب وانه صافنه عليه، رفع بَـس عيونه يعاينلي وضحك، جر خمسه وعشرين وانطاني..
-رهف: هاي شنو؟
-عميد: هاي الچ بابا اشتري بيهه چبس وهالسوالف
-هههههه بابا اشتري بخمسه وعشرين الف
-اي ميخالف ظمي الباقي بدخلچ
اخذتهه منه وبوسته، كل شهر ينطيني مصروف هاي ما عدى كل ماروح للمدرسه هم ينطيني..
وانه گاعده بحده تذكرت كتله جواهر من عمو بكر وانقمت گلبي ماعرف اگول لأبوي حتى ياخذ حگهه لو اسكت بَـس خطيه ماتحمل اشوفهه متعذبه وهذا بكر الحقير يفتر هيچ ولا چنه مسوي شي ومايتعافب..
-رهف: بابا اريدن اگلك سر
-گولي
منزل عيونه ويحسب بالفلوس، اردفت..
-اوعدني ماتگول لأحد
ذب الفلوس من ايده ورفع تك حاجب..
-عميد: انه يمته اگولن انتي تگليلي؟ حتى عركة غزاله ومرتضى من گلتيلي انه رحت استفسرت من امي وافتهمت الموضوع بكبره وماجبت طاريچ
-اي بابا بَـس هالمرة تختلف السالفه صاير بيهه تهديد
-تهديد؟!
-اي، اوووف بابا عمو بكر كتلهه
گلتهه بحسره، ابوي سكت وماحچة شي رجع سحب الدفتر وگال بجمود...
-عميد الدين: بابا عيب نتدخل احنه مايخصنه
-بااابااا شووون وانته تدريي؟؟؟
-لا مادري بي كاتلهه بَـس اعرف متعاركين
-اييي وتسكت انته ماتتدخل؟؟؟
-عميد: رهف شمالچ شني من يمته انه اتدخل بين زلمه ومريته عيب مو حلوة بحگي اذا اجالي وگال شيخصك انته
-عااااا شنيييي مريته بااابااا انته شلووون ترضى من يمته جواااهر مرت بكررر
جحظت عيونه وحرك راسه متسائل...
-عميد: منوو؟؟؟ گلتي جوواهرر؟؟؟
-ايييي چا ياهي عبالك؟!!
-عميد: معلليچ احچي شمسويلهه؟؟
حچيتله كل الصار وحتى من سمعنه بكر وهوه يهدد بيهه يذبح اخوهه اذا حچت لأبوي وهوه عيونه تگلبن من العصبيه ووجهه انگلب احممر بركاان، گام وطلع من الغرفه وهوه يعيط...
-عميد: بكررررررر ايااااا نذللللل بكررررررر
يرعد بصوت خلسني وخله الكل يطلعون من غرفهم حتى زيد اجه من بره لهدرجة صوته عالي!!
وگفت هجران ؏ المحجر تعاينلنه وشويه واجه بكر، عاط بي ابوي...
-عميد: وللللك گو*** اننننه الكككك اليووووووم شلوووون تكظهه تعاااال يميييي انعلللل ابوووك لابوو.......
ونزل غلط ومسبات حتى ؏ عمو خليل يغلط حسيت ابوي فقد وبكر صافن حتى مايحچي شي عاط بي ابوي حتى ينزل واجه وگف گدامه وماشفت اله ابوي انطاه بوكسي بوجهه...
**
"هجران"
الموقف سطرني هاي شديصير؟! عميد هجم ؏ بكر ويضرب بي وبكر هم يعاركه وصارت حلبة مصارعه هنا ماعرف شسوي والنسوان يعيطن حتى يبطلون وزيد يحاول يفاككهم وعميد صاح بي حتى ميتدخل والمشكله كل الزلم بالمحل ما اجه ببالي غير اتصل بعثمان الف الحمد لله عساس هوه اليوم يرجع للانبار بَـس توسلت بي يبقى لحدما يجي بابا حتى هوه هم يحاچي وبلكي يگدرون يأثرون ؏ قرار بكر..
ركضت للغرفه واتصلت بي جاوب وره دگتين..
-عُثمان: الو..
-عثمااان وينك انته تعاال حيموتوون بعضضض
-عُثمان: شنوو؟ منوو؟؟؟
-بكرر وعميد الدييين
سد الخط بوجهي بدون ميگول شي، شلت زينب لان گعدت تبچي وطلعت للصاله وهمه واحد لازم الثاني من خوانيگه ويتعاركون باللسان، دقيقه ماطول عُثمان واجه ماعرف شلون وشبسرعه وزينب فحطت بچي وهيه تسمع العركة وحرت ماعرف شسوي..
وگف عُثمان بيناتهم وگووة دفع عميد عن بكر بطلاع الروح ثنينهم ضخاام واقوياء واني مجربه ايدين بكر شگد ثگيله وقويه..
فتوح لزمت بكر من ايد وزيد بالايد الثانيه وعثمان نام نيوم ؏ عميد حتى ميگدر يگوم وخاله انتصار ودلال وبيبي يصيحن ويلطمن..
-حجية عطيه: ايااا معزايين شمااالكم انعل ابوكم لابو الجابكم شنييي ديوووچة
-عميد: حجييييييه لا تخبلييييني وتلعنييين بأبووووي
-حجيه عطيه: چا لو ابوك هين وعلي يمرعدكم شنييي هاي نهايتهه ولد عم ويتذابحوون شمااالكم ماتحچوووون
عميد دفع عُثمان عنه بعدما وعده ميهجم ؏ بكر، اللتفت عليه وعاط بعلو صوته...
-عميد: حقييير گو**** طااايح الحظظظظ انته يااااهووو وتكظ جوووهرة وتكتللللههه
بكر وجهها انگلب اصفر وحتى مجاوبه وبيبي شهگت وصاحت...
-حجية عطيه: صخااام شني ياهو كاتل جواهر؟
-عميد: هالزبااااله الواگف هييييين ولللللك انه شگللللت موووو حذرتتتك ما تندگ بيهه ورووح ابوي يا بكررر وانه ماحلف بروحه چذب لندمك واحرگ گلبك مثل ماحرگت گلبيييي بكتلتهه
-بكر: عمييد انته افتهم بالبدايه انه ليش كتلتهه
-عميد: وانته ؏ ياااا اسااااس تمد ايدك الي مال الكسررر وهيه دخييييله ببيتي هنتني وفشلتنيييي وانه انطيتهه الاماااان من تففف عليك وع تربااايتك السزززز الله يطيح حظك فوگما هوه مطيح حظك يا عاااار
-بكر: عميييد شمااالك البت غلطططت وطلعت عاشگه وتحب وانه ادبتهه ؏ هالشي
-عميد: عسى مااا زانيه انننته ماااايخصككك اننننه اتفاهم ويااااهه انته ياااهو وتدخل ولك عثمااااان اتركنيييي ولك وخرررر
يصرخ ؏ عُثمان يهده وهذاك مچلب بي راحت عمه انتصار وگفت گدامه حتى يهدأ وهوه اصلاً مو يمهم، گوة اتملص من عُثمان ووگف بمكانه، مد اصلعه موجه لبكر وحذره...
-عميد الدين: اسمع ولك انه حاالف وگايل هالبت ماتدنالهه لخاااطرك وامي چم مرة تفتح موضوع تخطبلياهه بَـس انه اگول اخوي يريدهه وارفض بَـس انه حذرتك بكررر وگلتلك لو اندگيت بجواهر ولو سمعتهه حچااايه تغثث والعباس ابو فاضل اعقد عليهه وبااااچر مشيتهه واخذ احسن واوجه شيوخ وياااي
-بكر: عميييد شني تسودنتتت شلون تسوي هيچ بيه
-عميد: انطمممم طمك الله انه گايل ولو مامحذرك اگولن ايي بَـس حاچي وانته گلت اييي ما اتدنالهه وكسرت وعدك وانه راح انفذ حلفاااني باااااچر بكرررر بااااچر امشي عليهه وعقد السيد والدخله نفسسسس اليوووم وماطلع شيييخ عميد الدين اذا ماسويتهه
بكر ظل يعيط ويتعارك ووصلت بي يتوسل وعميد معاند وعثمان ساكت ما حچة حچايه، طلع بكر من البيت وهوه يسب ويلعن بالبيت وبكل اصحاب البيت وعميد وگف بنص الصاله يلقط انفاسه وفجأة ماشوف اله خاله انتصار هلهلت هلهوووله خلتني اصير مثل الطرنه هاي شبيهه!!
واليعّجب اكثر عُثمان ضحك وراح لعميد وگاله...
-عُثمان: مبروووك شيخ اخيييراً
عميد باوعله وابتسم بتعب، جره لصدره وباركله وبوسه واني صافنه ذوله شبيهم!!! وعمه انتصار تهلهل وتصفگ وتردح بنص الصاله وبيبي عطيه هم رفعت عوچيتهه وفرحانه وتصيح...
-حجية عطيه: وهاااي الرادهه وهاي التمناهه بت الدكتور لابن الشيخ جبناهه
وخاله انتصار تگول من جهه..
-انتصار: هوه الرادهه وهوه النعجب بيهه وهوه الگالي يمه روحي خطبيهه كللووووووششش سبببع سعاااداات يمممه جوهرتك واجت لحظنك يبعد هليييي كلوووووووش....
يتبع💋..
••
عميد الدين يگول:
عيونج تكسر وتجبر تهد الحيل و ترده
يَ بت گلبي يَ مالكته
يجنج ورده ومنها النده تبده
يجنج غنوة السبعين بكل وكت تنحبين
و تجافين مَ تجافين مكانج بالكلب والعين
يبعد الشيخ و چفونه
يَ جوهرته و ضوه عيونه
يَا كلشي بحياته انتِ ❤️
بقلم مبدعتي Shahad_alhsnawe
♛ ♛ ♛ ♛ ♛ ♛ ♛ ♛ ♛ ♛
هااا شخباركم♥️ حبيتو القفله اليوم محبيتوهه بشروني🌚 وچنتو متوقعين هيچي حيصير🙈؟
وبالنسبه لليگولون هجران قليل تطلع بالبارتات اني مشيت ؏ رأي الاغلبيه وهمه طلبو نحچي بقصص كل البنات وهيچ رح نسوي♥️.
واتمنى منكم تدعمون هالكاتبه وتفرحوهه بمتابعه حبايبي💋 jnwn_myw2021