بقلم ازهار الجبوري
زهور في مستنقع الرذيله
بارت اثنين وثلاثين
بان.....ربط ايدية ورجليه حاولت افك روحي مكدرت ابد حبسني الحقير حبسني من التعب بمكاني وجسمي المشنج مدري شوكت وحسيت الباب اندك وسمعت اصواتهم هذا صوت بيبي والله صوت بيبي صح الصوت بعيد بس اسمعها تسال عليه والحقير صوته خشن اكدر اسمعه بوضوح يكلها ما مرت ولا شفناها النذل كمت ارافس وابجي بمكاني لمن غفيت من البجي كعدت الكاع حاارة صارت وحروره الكاع على خدي فزيت اباع الشمس قوية صايرة بالوسط صوت الأذان بعيد يأذن دنيا ضهر يمه شصار باهلي شصار بجهااالي اااخ ااخ يا سيف اني وياك والزمن طويل على هاي الدكه
.................
بدور....ولج باسمه بتج جلجل اليل وهيه ماكو وين وبت
باسمة...غير راحت لاخوتها طالب بحقها بس اشو تاخرت وين راحت
بدور.....خاف شو شسولها
باسمة...لا ما اعتقد شيسوون مثلا ....جهالها نطو هاي وين ولت بلا وكتها ولج زمن تعاي شوفي ابن اختج سكتي شوية رؤسنه انسطرت
بان ماكو مرت الساعات وبان ماكو
بدور...يمه راح البس عباتي وامر لبيت حسن اشوف البت وين راحت جهالها فرفحو
باسمة...اي اي روحي شو كلبي يلعب بان وين
..............................
سيف الابن الثاني لحسن من معصومه من بعد علاوي ابنه الجبير الي استشهد بحرب الكويت ..
سيف من مواليد...........تزوج بسنه ١٩٨٢ ابو زوجه لان علاوي الجبير رفض يزوج وامه اصرت واحد منهم يزوج وجزوجته وهو عمرة ١٨ سنه من بنت عمه داوود الجبيرة واول خلفته بنيه اسمها روان
من بعدها جرتها وسطرتهن بنيه فوك بنيه لمن صارت
طبعا خلصتها مشاكل ويا معصومه ودوم زعلانه واله شنو خلفتج بس بنات تريد حفيد للملك سليمان وهيه مخلفه درزن بنات وتتعارك ويا جنتها على خلفه الولد
وكلما تخلف بنيه تنطرد لبيت اهلها بس داوود جان يعاتب بحسن لان داوود بحكم الاكبر منه ولهذا بقيت هيج معلكه وسيف يسرح ويمرح براحته ميهتهم الي رجعت مرته لو لا وخاصه ويا كل بنيه يطردوها ومعصومه تتعارك وياها.....
بان....جنت صغيرة مواعيه من يتحرش بيه يعني بوقتها جان متزوج ويتحرش باخته جنت حتى ما اروحلهم اخاف بشكل منه نظراته ابد مو راحه وهاي هو اخوي .......بنته روان اصغر مني بثلاث سنين
من ظربني وحبسني كدام عينهم وكدام بناته وخواتي وكدام اخوي حيدر محد سوا شي سيف كلش قااسي وكلها تخاف منه
حبسني بالترك مال البيت وربطني بشباك البيت الي بصف بيتهم هم الهم همه مشتري بس محد ساكن بي همه بيتهم كولش جبير ومشترين الي بصفهم واتعدم يربطني بهذا المكان والبيت مالي سكراب وادوات احتياطيه يعني او اعيط منا لباجر محد يسمع
اسمع بيبيتي تحجي بصوت عالي تدور عني لمن عاطت بيها معصومه ... وطردتها ...
راحت واسمع حجيهم اخواته بحجن ويا سيف شراح تسوي بيها
اسمع صوت اسون يقرروون موتي بينهم اسمع خواتي يحجن بيناتهن اشون احصل مثلهن ورث واخوي علاوي يحصل مثلنه ورث حاله حال سيف اشون هيج اذا ابوي غلط مو معناها تشاركنه بورثنه بحقنه باي حق ذولي فضالتنه هواي عليهم
وسيف يكلهم عندي لتهتمون عندي خطة اتخلص منها ومن اخوها بس يراد شوية صبر اخوي حيدر اصغر من سيف رجل دجاجه لا يهش ولا ينش وحجاية وحدة من سيف اذا كله موت يموت
يوم جر يوم واني خواتي الي بقت بيهن تجي تنطيني خبز ومي وتروح وسيف بيدة ياخذني للحمام بس الصبحيه ياخذني قبل ليطلع للشغل ........
مجنت اعرف شضاملي مجنت اعرف شنو اللعبة الحقيرة الي راح يلعبها عليه مجنت اعرف الدم بالنسبه لمعصومه وسيف اخف من المي صار وركبته ما تعرك على عرضه وشرفه مجنت اعرف اللعبه ابد
....بقيت هيج اربع ايام لمن حسيت خواتي كلهن رجعن لبيوتهن جسمي كله اشنج ..لان مربطني رجليه وايديه
حسيت اريد اروح للحمام بس منو يذكرني منوو يجيني بقيت ادك راسي على الكاع واني بحالتي هاي افكر بجهالي ..اشون بيهم هسه ظليت اتلوى احصر نفسي
مكدرت ...صارلي اسبوع نفس الحطه حالي حال السكراب ...التراب اكل شعري وملابسي وصخه
الحمام ملايحني والدنيا حارة ...غمضت عيني اخر محاوله الزم نفسي ......
دمعت عيوني وبجيت لاني بهلوضع الحقير الي اني بي
بجيت ضيم وقهر من وضعي اااااااخ ...كلمه اااخ لمن تتوجع تكولها وهيه الاخ ...وينه اخوي الي خلاني بهلوضع ووووووينه ولك سيييف اننني وياااك الزمن طوووويل
استحقرت حتى اباع لروحي واني اشوف ملابسي تبللت .....مرت الساعات واني نفس الحطه ونيني ما سكت حليبي يدر على اطفال .....حسيت السركي مال الباب انفتح وصوت رجلين ناعمه تمشي اجتي بصفي شهكت اني مغمضه عيوني قوي
لزمتني ايديها ناعمه وكالت عمه ..
روان....عمه هاي ليش هيج عمه
بان...تحجي بصوت ناصي ..فتحت عيوني بت سيف روانه تبجي ودموعها تنزل وتكلي ليش هيج ملابسج ليش هيج مربطيج هاي شمسوين بيج
بان....كعدتني وسندتني تبجي تمسح بالتراب الي بوجهي ملابسي عمه شصاير بيج ليش هيج ...كاعد تحجي وصوت معصووومه عااااطت بيهاا
معصوووومه....هاا جيتي ولج اطلللعي شعدج طابه يمها شعدج اني اعلمج اكول لابوج شعدج كال محد يطب يمها ابد
روان ...بس اجيت اشوفها واطلع
معصومه...اي يلا طلعي بسرعه وراح اقفله بايدي
.....
روان ...اني روان بنت سيف الجبيرة مواليد ١٩٨٣ فتشت للدنيا وابوي وامي على خصام دوم لان تخلف بنات جدي حسن الي اعرفه مزوج بنت عمه بس مطلكها وعندة بنيه اكبر مني ب ثلاث سنين
من جانت تجينه جنت العب وياها بس ليش تخاف من ابوي ما اعرف ...اجتي مرتين لو ثلاثه وبعد ما شتفها بس التقي بيها بشارع حتى من اسجلنه بالمدرسه للعلم اقرب مدرسه جانت الي بيها بان هيه عمتي اخت ابوي يعني المفروض اقرب اني بت اخوها اني وخواتي بس جدي حولنه لغير مدرسه خال عمتي يصير ابن عم جدي اسمه وسام ....من جنه صغار دوم يلعب وياي وخاصه بشارع من نلعب يدافعلي
وسام مواليد سبعينات ....واني ثمانينات ......اكثر الايام الي اشوفه بيهن من امي تروح زعلانه لبيت جدي جان جدي داوود حنين ويانا كلش لدرجه شنو نريد يجيبلنه لو نكله شلع عيونك نريدهن
فجنت اطلع براحتي العب ويا خواتي والعبهن وسام جان يجي يمنه من بعيد جنت صغيرة اذكره ويا عمي علي دومه بس من استشهد عمي انكطع من شارعنه بعد ميجي لشارعنه ...يشتريلي ويكودني من ايدي ملمس ايدة لسه اذكره بس كلما اكبر ابتعد عنه كبرت شوية وكمت اتعمد من اروح للمدرسه امر بشارعهم بلكي المحه ...كبرت واني اشوف بوسام الرجال الصنديد الي يحب اخته وبنت اخته وجان حيل يحب عمتي بان
كبر فدشي بكلبي اله جنت ما اعرف شنو الي بكلبي ...
كل يوم اشوفه وكلبي يدك اله والطفوله صارت مراهقه وحب الطفوله صارت هوس المراهقه كبرت وكبرت مفاتني وصارت الصدريه تاكل وتشرب وياي
اطلع الصبح الكي منتضرني بركن الشارع يبقى يمشي وراي لحد ما اطب لمدرستي جان يخاف عليه من الهوا
دومه يكلي اذا الزمج فد يوم تحلمين تشوفين مدرسه
جنت ارفعله حاجبي بمعنى همزين مو عدك واضحكله
صار النظرات رسايل والرسايل هيام عايش بيه ليل ونهار حتى خواتي نتبهلي وحصرني بالغرفه منو هذا
وجن طير بكلبي جان محبوس وكتيت الاكو والماكو بيناتنه وهنه نططن عيونهم ولج ما لكيتي غير اخو مرت جدي متت ضحك عليهم كتلهن الكلب وما يهوى اني شسوي حب طفولتي هذا مو شوية
ابتسمت ونمت على احلامي ويا .....من يشوفني جان يجر حسرات واعرف حسراته من ابوية لان هو وابوية على كره وجدي لاصها لوص وبيبتي للاسوء
جان دوم يشدد يجي يوم واخذج من حلك السبع بس يراد اصيرلهم صياد ..صياد محد يوكف بوجهه جان يذب حمله على الدراسه
ااااه وساام يا وسام عشت ويا احلى اسام المراهقه مرات يتعمد يجي لبيت جدي ...يجي الضهاري علمود شغله ويا جدي بخصوص اخته باسمة... سواها اكثر من مره بطريقه اعرفي موعد جيتي ب٣ الضهر
فمن تصير عركه بين جدي وبين مرته باسمه ابقى انتضر اليوم الي يجي بي لان يبقه يمنه اكثر من ساعتين يمنه وجدي داود يخلي يمنه بالهول ميدخله بالمضافه لان هو ابن عمه مو غريب
هاي جانت شوفاتي اله اطير من يجي حتى امي تحس بيه احتار شخلي كدامه من فواكه جاي كليجه ونفاظة الجكاير ....
اكثر شي صعب عليه من طب كليه عسكرية ومن ينزل حتلو امي تكون عد ابوية اختلقلي فد مشكله واروح لبيت جدي داوود حتى اشوفه هناك بسنه ال ٩٨ من تعارك ويا جدي حسن وصارت مشاكل قوية بيناتهم اني سكنت عد جدي داوود يم بيبتي ابقى اداريها لان معصومه ميعجبها كثرة البنات بالبيت وتعيب امي
وهيه بطنها شالت اكثر من سبع بنات وبس ثلاث ولد خلفت ولسانها متر ويا امي فاتعارك وياها واروح لبيت جدي يم خوالي اشرف منهم ...هناك واجه
كلبي ويا دكه الباب جنت انتضرها صار اربع ايام من تعارك ويا جدي حسن ..اندكت الباب الضهرية ...فتحتها منطيني ضهره الدنيا ضهرية الجو حار خدودي صارن طماطه كدامي بجتافه العريضه مزين لحيته وشعره خفيف احنه مخلين بردة للباب ..صار شكد مشايفته عمري هنا ١٧ سنه ...
جنت اعرف محد راح يجي وراي لان دنيا ضهر والاغلبيه نايمه ...التفتلي وجر نفس قوي طب ورد الباب بيدة وخلا اصابيعه بين الباب حتى ليبين صوت طبكه الباب .....بلمحه عين خلا حضني من خصري ودناني اله محسيت اله يبوسني بقوووة وجر نفسس قووووي ..جن يملي ريته من هواي
وخر مني بعد ما دفعته عيونه مسبله ..نزل نظرة لشفايفي دنا باسني بسرعه وخر همس مشتاقلج كد رحمه الله .....روحي اني رايح اذا ابقى هسه اسوي مكسورة بس الله يدري بيها
فتح الباب وطلع بسرعه لزمت الباب واني بعدني مصدوومه هاي شصار شصااااار ظليت واكفه لمن قطرات العرك نزلت قطرت من وجهي على صدري وجتفي طلعت من صدمتي هاي باسني ....وساام باسني وجان حاضني احس جسمي جمر ...وتلمست خصري ومكان حضنته مكان ايدة كزبر جسمي
طلعت مرت خالي كالت منو دك الباب فزيت بسرعه وتلاحكت نفسي طلعت من البردة وكتلها ماكو خاله هاي جهال يدكون الباب يعرفون الناس نايمه
يااا جا تعاي فوتي من الشمس اجيت خاله جيت
بقيت اشتغل واني طايرة بغير دنيا اني وين اني وييين
اني ويا وسام ويا بوساته ولمساته ... قبل ليتوفى جدي داوود عزل امي من بيبتي معصومه لان شلغت كلبها عامود الخلفه وما فاتت حالها لمن خلفت امي سادس بطن واجه وريث العرش اخوية محمد هنا امي ترهت وهلشي خلانه نعزل بصف بيت جدي حسن
بقت ويا وسام بتواصل رسايل بيناتنه واني جنت ادرس ويا كله لمه عائيلع ببيوت عماتي او عملت وعمام ابوي وجدادي للن كلنه تقريبا مجمعين بمنطقه وحدة اشوفه ونلقتي عدهم وخاصه بعد مصار ظابط بالجيش كامت كلها تتلوكله كل يوم نزيد اني وسادم حب اعرف هلحب نهايته شنو لان ابوية وجدي ويا اهل بيبي باسمه واحد ميريد الثاني وابوية حيل يكرهم بس اني مخليه بالي امل ولو ضعيف بس تقويت من صار وسام بالجيش
.........................................
بان....روان راحت واني بقيت اتلوى اسمع حجيهم واشون معصومه حجت لسيف انو روان طبتلي وشافتني واسمع عياطه عليهم وعلى زوجته لعب بيهم لعب من عدة تهديدته بالذبح لكلك وحدة تحجي حرف ومعصومه تهدد بيهن سيف عدة خمس بنات ولازم تطلع حجايه اني من صوته خفت شحال هسه هنه كدامه شصار بيهن زوجته تبجي وصيح حرام عليكم حرام البنيه عدها جهال ..ما اسمع غير بس ضربة شنو اعتقد ضرب زوجته لان صوتها راح
بناتها يتباجن...معصومه مكيفه بابنها وزامط بي والسلطه بس الها صارتبعد موت ابوي املاك ورث والعائله كلها بيدها هو سيف بيدها ...
كل يوم يمر يجون اهلي يدكون الباب لحد ما كام يصيح سيف تراا بتكم نهبت ويا واحد شردت وياا بسيارة وناس اكدولي هلشي بعد ما مات ابوها استفحلت بس اسمعو اذا الكيها اخلي يصير ذبحها علني ...اسمه امي تتوسل بي تكله بان متسويهاا بان اخر مره اجتك وين وديتها وين بنتي
طرد امي ويصيح جايتني وهيه بتها ناهبه ما تعرفين تربين طلعي برااا ..
١٤ يوم بقيت بيت ابوي ويا سيف يطلعوني مره وحدة للحمام وغيرها ماكو لو ابلل نفسي عادي
روةن مرتين اجتني بالختله وكالت بس خلي اطلع من البيت ابوي خانكني خنك جنت اشوف جانب بعينها تريد تنقذني وجانب يرجف خايف من حجي ابوها
تبلع بريكها من تشوفني تشبع بجي وتكلي وسام يحبج حيل ويحب خاله باسمه حيل اذا يعرف اني ادري بمكانج راح يكرهني ..لشتها ترجف من تحجي شوية وتشرد ...
ورة يومين اجه سيف دنيا ليل عصب عيوني وعصب حلكي وشدشدني بس رجليه يمشن وغطة وجهي ردت اختنك اخذني سحل يسحل بيه هو واخوية الثاني حيدر ...رجل كرسي كلشي ميكدر يسوي صعدوني بالسيارة وبقت تمشي السيارة بينه هواي ..
بقينه فد ساعه نمشي وصلنه ونزلنه واني كلشي ما اشوف سمعت صوت ماي ريحه زرع وصوت جلاب
هوايش وطليان ....اني وين
سيف يصيح امشي فضيني عساج لا صرتي اجيتي للموت برجليج جايه دورين ورث هسه اروايج ورث ابوج عدل ....لا اوكلج تبن ....
الريحه خنكتني خنك الجوو يخنك حارة الدنيا ..دفعني وكعت بالكاع واخوي الحباب حيدر يكله على كيفك وياها مو هيج
اسمع سيف زمخ بي ولك انجب بسلا تريد تحن الها حتى واذرك
حيدر ....انته مقتنع بالي تسوي
سيف...اي مقتنع انته اطلع منها وخلي لسانك بحلكك ومالك دخل اني اصرف انته جبان وتبقى جبان تخلي هاي الشكولات تشاركك بورث ابوك
حيدر...مو توصلها للقتل ..للموت علمود فلوس
سيف....ابقى جبان اسكت خلي اكمل شغلي
بان...ربطني بعامود وريحه الحلال بكل مكان شكيت منطقه زراعه لشوية فل عيوني الدنيا كمرية
اصوات رجليهم صارت بعيدة نزلت نظري للكاع واشوف نفسي بحضيرة الطليان مليانن طليان .. معصب حلكي او حتى اذا اريد اعيط ما اكدر ومنو يسمعني ذابني مزرعتهم اعرل ابوية عندة مزرعه بالريف كل فتره بالربيع يروحون بيها ...سامعه بيها بس مشايفتها تتباهى بيها معصومه كد ما حبيرة مزرعه وبستان
وحدي ولل احد يمي روحي انسنحت من الجوع يتعمد يجوعني حتى مالي قوة اقاوم ...المكان يصفر من الناس والحيوانات ماليه المكان ..بجيت ونحبت ماكو فايدة ربي منو ينجيني منو ينجيني
ربي انته تشوفني حررني من ضلم سيف يا رب
يتبع ....
كلش مريضه من ضهري شكد متصورون الي بضهري طلع ورم دموي جبير مزاحم الفقرات ماذيني حيل وخلصتها بين الاطباء كلساع عد طبيب ادعولي لا انام مثل الناس ولا اكعد مثل الناس عايشه على المهدئأت
يلا يفكني الالم ......اعذروني