اسيرة قدرك

البارت 42

اسيرة_قدرك..
بقلمي  رسل..
البارت الثاني والاربعون..
واتباد rasolaa7

عگب عينك
وين ما اگعد غريب..

-خلص صبري وكل شيء ماكو بهاي
الليلة بقيت ادعي و اصلي اريد بس
ربي يطمني بخبر عنه للاربعة الفجر
دك جهازي برقم غريب ترددت ارفعه و
بداخلي خوف جبير..

-رددت.. يارب اسر لو خبر عنه يارب ورفعت خط واني اكو خوف بداخلي
اختلفت دكات كلبي من الخوف الى الاطمئنان
من اجاني صوته الي جان مو واضح بسبب
الهوسة الي اسمعها يمه..

-شلونكم بوية اسر اني..

-اني سمعته هيج حجه و اني صرت اشهك
ما مصدكة سمعت صوته راح يصير اسبوع
احنا ما سامعين شيء عنه و لا نعرف بي وين..

-صدك تحجي انت  شلوني يعني شسويت
بينه اسر شسويت مو حيلي هديته..

-وينك انت كل هاي الفترة ما تدري شصار
بينه عليك غير تتصل تطمنا مو روحي
خلصت ما يصير هيج..

-ماكو شبكة يا عيني اني مدمر عليكم بس
شسوي الشبكة مكطوعة هنا واجب و تدريب
وداعتج الخطوط كلها مسدودة وهاي كوه حصلتكم..

-المهم شلونج انتي البنات اهلي..

-زينين حبيبي اسر اخاف يمكم شيء لو خطر عليكم وين انت هسه.. حجيتها و كوه وصلني
صوته.. بكركوك احنا يروحي..

-احجي ويا وجان اسمع صوت طلق قوي
صحت بكل خوف.. اسر اسر شبيك جاوبني
فدوه..

-صاح.. لج شبيج على كيفج ويه نفسج
مو كتلج ميدان و تدريب لا تخافين ماكو شيء..

-شوكت تجي؟!..

-طلبت  إجازة يومين على  خطوبة مهاب خطيه ماريد اعوفه اذا كدرت باجر  العصر راجع
ان شاء الله..

-يلا انتبهي لنفسج ولبناتج حبيبتي..

- اسر دير بالك على نفسك لا تشغل بالي عليك فدوه ترى اموت عليك وحق الله ما اتحمل
يصير عليك شيء و مشتاقتلك هواي كافي عاد..

-صاح..اخ  ولج مو كده هل حجي وين انطي وجهي تالي ليل احضنمن حجاها بضحكة..

-ضحكت احضن سلاحك..

-اضحكي شرايحلج خلي ارجع واني اعلمج
يلا اني اروح و خابري على اهلي طمنيهم
خطية هسه ضل بالهم..

قبل لا اسده هو كال.. اوكفي اوكفي شلون هيج
تجاوبين على رقم غريب اني اعلمج..

-بس تعال وعود علمني شكد متريد بطران
انت اسر ما تدري شصار بيه يا رقم غريب
الي تحجي عنه اني وصل بيه الحال ايست..

-هو ضحك.. مو تدللين خلي ارجع و اعلمج
ما اخليج تكومين من حضني .. ضحكت مستخف حبيبي كلش اني وين وانت وين..

-ودعني وسديته منه صح بعد اكو خوف بداخلي لان ما شفته الا اشوفه واكف بطوله يلا ارتاح
بس رغم هذا الحمد لله من سمعت صوته
والله انتهيت من اختفى الف فكرة اجت على
بالي ربي لا تفجعني بي..

-من بعد ما سمعت صوته و اطمنت نمت مرتاحه عكس الخوف الي عشته بذيج الايام..

-كعدت الصبح بشرتهم على اسر ومهاب يضحك عليه.. يمه وجهه ورد من سمعت صوته شوفيها شوفيها..

-مسكين يا خالي من انت هنا مخلصيها علينا
توم وجيري ومن يروح تبجي عليك..

-فشلت منه ولو هو ما ينلام امه ضحكت
و سكتته كمت وياها علمود التحضيرات
لان باجر حفلتهم شوي و راحن يشترن ملابس كالولي تعالي ويانا..

-ما رحت جان مالي خلك اطلع و تعبانه
نورهان خابرتني..

-ريا تعالي ويا مهاب هسه راح يجي  عليه ونروح نشتري فستان..

-والله مالي خلك اروح اتخربط عليج روحي
باجر الصبح اجيكم..

-ضلت تسأل و ليش و شبيج كتلها هيج تعب
نفسي من وره اسر شسوه بيه هي خطية
كالت.. لعد ارتاحي ولا تسوين شيء واذا
تردين نوديج اني ومهاب للطبيب..

-لا عيني روحوا كملوا شغلكم ما عليه شيء..

-طلعوا و بقيت اني و ناز  بالبيت للعصر اندك الباب ركضت عليه و نار تضحك عليه كل
فكري اسر فتحته و جان يدخلن..

-سماح و نور و حماتي الثانية  وام اسر وحمايه الجبير ومرته اني شفتهم و اني كلبي نقبض
مردت انطيهم وجه واضحك بس
سلمت عليهم وهن كوه ردن السلام عمتي نطت..

-هو هذا احترامج الي من بعيد تسلمين والله
هواي مؤدبة مبين عليج..

-رجع حماي حجه..ترى  عيب عليج بلا اريد اشوف اسر يرضى السوالفج هاي هيج تسلمين
على امه و اهله..

-استغفرت بداخلي هسه انتم جايين تسممون
بدني بهاي سوالفكم لو جايين علمود مهاب
رحت يم عمتي.. وهذا راسج ابوسه شلونج حجيه.. هي ما حجت شيء.. دخلوا و اني عفتهم ورحت للغرفة..

-لا هلا اجوي و اجت  مشاكلهم اليوم راح يوغفون على كلبي الظاهر ناز  بقت يمهم
واني كل شوي و اطلع اشوف خاف يردون
شيء..

-دخلت عليه ام مهاب.. ولج امشي لا يسولج سالفة و يوزن رجلج عليج كومي اطلعي اكعدي يمي وما اخلي واحد يندك بيج..

-والله مالي نفس اكابلهم يمكن تزعلين من احجي هيج يبقون اهلج بس والله ما كابلتهم اذا ما سمموا بدني لو وزوا اسر عليه..

-حقج حبيبتي اني بتهم ما اجرعهن بس ما يصير يلا كومي..

-كمت بدلت وطلعت يمهم كعدت بصف ام مهاب هم يسولفون بعدها نور كالت..

-اكيد الحفلة على اهلج مو..

-جاوبتها بثكل اي اكيد كم نونه عدنا  مهاب اخذ مدللة البيت.. حجيت هيج لان اعرف قصدها
شكد يأذيني هذا الموضوع ودائما يجرحوني بي
صح اكابر و اردهن بس يبقى داخلي مجروح
لان فعلا اهلي شمروني شمر عليه..

-سماح حجت.. لعد شو انتي محد عبرج وسوالج حفلة اتذكر اهلج شمروج شمر على اسر ليش
انتي وحد عن نورهان..

-اني حبيبي مقصر وياي والحنه كوه يلا قنعته عليه شسوي هو ما انطه مجال لاهلي يدفعون
منهم..

- ام مهاب ردتها..  وانتي شعليج تذكرين سوالف عتيكه كافي ما اريد مشاكل خلنه فرحانيين..

-هي سكتت بس طول كعدتي هي تخزر و
اني متوترة وكاعدة على اعصابي لخاطر ام مهاب..

-شوي ودخل علينه مهاب وبيده  القاط  اول مدخل سماح ركضت عليه تهلهل..  وليدي راح اشوف خطبتك حبيبي من فدوه لهالوجه معرس يا بعد روحي وتبوس بي..

-وامه تباوعله بنظرات كلها حنيه كامت بوسته
و هو باس راسها..

-باركتله هو طلب اسويله كهوه سويت الهم وانطيته لزيد  يوديها عفت البنات يمهن لان بعد سماح متعوفهن ورحت للغرفة حضرت ملابسي و غراضي بجنطة اندكت الباب ودخلت مرت حماي..

-دخلت وضلت تلعب بغراضي و تحجي
ريا.. اسر شكد يحبج هنيالج عليه ذاك اليوم شسوه باهله حتى  منطاهم مجال يحجون هم يذكرون اسمج وهو يدافعلج لو من شافنه اشتره عبايه وكالهن مريتي تطلع كمر بيها تخبلن من الغيرة والحقد..

-اني ارتب بالغرفة وهي استمرت تحجي عليهن اكرهن خبيثات رغم احنه نفس العشيرة بس انتي ميحبنج تدرين ليش؟!..

-ليش؟!..

-هي ابتسمت.. لان غريبة انتي ريا وهن
ما يردن الغريبة لهذا حتى ابنهن ما مرتاح منهن..

-عادي محد جبرهم يحبوني ما اهتم المهم عندي رجلي وبناتي والباقي يحبوني يكرهوني ما اهتم..

-اريدها بس تسكت ماكو.. شكد مكروها تاخذ حجي اسر مانعني منها لان كلش خبيثه ولسان لهذا محد يكدرلها اني ما حجيت شيء طبقت
كلامه انو بس اسمع منها وما اخذ وانطي وياها
بالحجي لا تصيرلي مشكلة واحنا هسه يلا
تصافينا من مشاكلهم..

- دزيت رسالة لام مهاب.. تعالي خلصيني هاي بس تسولف وانتي تعرفينها بعد فدوه دزي عليها..

-شوي واجتي ام مهاب.. امشي ولج حفيلي وجهي واني اكول هاي وينها يريدنج البنات كوه طلعتها لزكه تريد تاخذ عني كلام وتروح تسوي فتنه اتجنبتها وام مهاب نقذتني من اخذتها..

-هنا شفت العجب يعشقن المشاكل و جيب كلام
وودي كلام..

-طلعت واتصلت على نورهان سألتها شوكت يطلعون لصالون هي كالت تعالي ويا ايهاب حبابه ريا.. اي اجي امكيج هم وياج مو بس انتي عروسه هي ضحكت و كالت انتظرج..

-تعشينا و كملنا وبعدها نمت من وكت حتى
بناتي ضلن يم عمتهن.. فزيت الصبح الساعة
بالعشرة على صوت الجهاز يدك رفعته و اجاني صوت نورهان تحجي بعصبية..

-ولج هذا وينه مهاب وينكم بشرفج باعي الساعة..

-ما اعرف هسه اطلع اشوفه.. سديته منها
وكمت غسلت وجهي وطلعت لكيتهم كاعدين ناس تحف وناس تشسور سالت ام مهاب عليه..

-هي كالت بالحمام بس يسبح و يوديكم
اجتني مهرة دنكت عليها ابوس بيها و حاضنتها وسماح وبيبيتها عينهن عليه تالي حجن..

-بناتج يبقن هنا ما تاخذيهن يتبهذلن هناك منو بحالهن واهلج هسه هوسه.. ما حجيت شيء
اخذت ريا هي ضحكت و تمسكت بيه..

-بس عمه ريا اخذها متبقى هنا وحدة يمكم وحدة يمي خطية تضل تدورلي..

-حجيت هيج لو هن بسرعة اعترضن وضلن يحجن وما تاخذينهن و بناتنا يمنه وانتي روحي ويه اختج..

-اجتي ناز.. ريا روحي بناتج يمي والله بامانتي
لا تخافين عليهن و لا تردين على بيبي نوب
تصيرلج مشكلة..

-تنهدت بقهر لشوكت يبقن هيج وياي باوعت عليهن بحقد وطلعت رحت حضرت غراضي وملابسي طلعت على صوت مهاب.. يلا خويه امشينا اختج ثبرتني..

-طلعنا وهن يهوسن لمهاب وهو فرحان
من صعدت بسيارة هو التفت عليه..

-ريا جبت كل شيء اهلج لا تخليهم يجيبون شي وفهمت اهلي كله منكم ما اريد تصير مشكلة
لنورهان..

-مابيها داعي اهلي الحمدلله ويا نورهان ميقصرون..

-اعرف بس اني مخليتها تكلفهم وهيج احسن..

-سكتت عنه بس ضلت غصة بكلبي انو كلهم
منتبهين شلون صار عرسي وشلون اهلي
رخصوا بنتهم بحيث مهاب متكفل بكل شيء
حتى بس ما تصير مشكلة لنورهان مثلي..

-وصلنا لبيت اهلي الي خطيه مخبوصين ينظفن
و يطبخن نزلت نورهان الي جانت لابسه بجامه رياضية وبوتين هو شافها مهاب لو تخبل..

- شنو هذا اللبس هاي شبيج تخبلتي وضل يدردم بس اختي لجبيرة طلعت وكالتله محد يشوف من السيارة لصالون لا تكبرها خوية..

-هو سكت من بعد ما هدته اختي طلعوا وصعدها يمه وشغل اغاني وهو لازم ايدها و فرحانيين
فرحانة لفرحتهم و ادعي كون حياتها حلوة
وصلنا هو نزلنا وهو يمشي وراها وبس يرزل
بيها على لبسها صدك طالع على خاله
الي اشتاقيتله كلش..

-ذبنا وراح بدينا نمكيج واني بالي يم اسر شوكت يجي ياربي بس لا ميكدر يجي لو ما يلحك خطية
هو كلش ملهوف يحضر عقد مهاب وفرحان
بي عبالك ابنه..

-كم ساعة واتصل عليه مهاب.. ريا اجي اجيب لفات الكم..

-لا اكو هنا مطاعم و نشتري هو كال ممنوع
اطلعين ترى امانة خالي انتي و ما يقبل هواي
وصاني لا تسويلي سالفة ويا..

-لا مو اني اطلع لا تشيل هم.. طمنته ما اطلع
هو سلم وراح..

-كملنا باوعت على نفسي المكياج يجنن شغلهن
كلش حلو رحت بدلت و نورهان طلعت حلوة اتصل عليه مهاب.. كملتوا..

-اي كملنا هو كال راح ادز زيد ويا عبايه
ريا نورهان فستانها كلش لفيها بالعباية ما
اوصيج خوية.. بقينا ننتظر الى ان اجه زيد طلعت اخذت منه العبايه لفيتها وطلعنا..

-وصلنا الفرع مالتنا صاير هوسه مهاب اجه علينه نزل نورهان فتحت الباب اريد انزل
اني شفت اسر لو جمدت بمكاني..

-سديت الباب وبقيت بالسيارة واني خايفه منه
وبنفس الوقت فرحت بشوفته حبيبي شكد مشتاقتله
حتى مدك وانطاني خبر يريد يفاجئني وصدك انصدمت صدمة فرح وخوف هو اجه اتقرب على السيارة همزين جنت لافه نفسي بالصاية و حجاب مطالع شي مني بس شكلي اجه من جهة بابي فتح الباب ونزلني.. تعالي منا احتركت عشيرتج شمسويه بنفسج..

-صار سد مشيت ويا وركضت للغرفة يم البنات
لان اذا يشوف لبسي يموتني فتحت شعري هو ماكو بس بنات اجه ابن اختي.. اسر يريدج فوك بغرفة سرى..

-دخلت للغرفة هو جان واكف يشرب  جكاره شافني بسرعة اجه باتجاهي جان اكو خوف بداخلي انو  راح يرزلني بس فاجأني من اجه اخذني لحضنه وباس راسي..

-شلونها حبيبتي مشتاقلج هواي احس جنت
مضيع روحي..

-حضنته بقوة.. اني هم حمدلله على السلامة عمري بس ليش ما كتلي..

-ابتسم.. ردتها مفاجأة الج باس شفتي ومسح
الحمرة ويباوعلي بنظرات اعجاب.. شطالعة
مريتي بس ريا ما اريد هيج اطلعين لان من صدك تأذيني وانتوا ما باقي واحد من عشيرتكم مجاي..

-ضحكت واحاول اقنعه.. شعليه بيهم اني يم البنات ما اطلع يمهم..

-صاح..  وذوله السفله ولد عمج ما يكعدون راحة منتبه عليهم كل شوي داخلين للمطبخ..

-معليه بيهم عفيه شبيك.. هو حضني.. يلا
ننزل بس ما اوصيج ترى  اذا شفتج تحجين ويا واحد ميحصل خير ريا وعلي..

-عدلت حمرتي ولبست شال على راسي
طبعا هاي اوامره نزلنا و وامه وخواته يباوعن علينا بنظرات ما تتفسر..

-راح يم الزلم  و صارت المشية و اتفقوا  بعدها كامت نورهان عقدوا هنا  ولد عمه لمهاب
يهوسون و حركوا الجو..

نورهان..

-علاقتي بمهاب كلها كم شهر بس هو كدر
بحنيته و باسلوبه ياخذ كلبي و يخليني افكر
بس بي تعلقت بي بشكل جان اسلوبه فكاهي
واحيانا جدي كلش بكلامه و تصرفاته..

-بالبداية جنت اضوج منه لان حتى رقمي
اخذه مني بشكل مستفز و جان يدزلي رسائل
واني اتجاهله بعدها هو كال ترى احنا اهل
وما عندي غاية وياج والله معجب بيج وانطيني
فرصة اعرفج عن نفسي وهيج صرنا كل يوم
نحجي وفعلا تعلقت بي رغم شكد جانت ريا
تخذرني منهم بس اني حبيته و جنت اشوفه
هو هواي يختلف عنهم..

-جنت صافنه عليه من دخل جان طالع حلو بالقاط و الشعر رافعة ليوره و عيونه عليه بحب نظراته
بعثن الطمانينة  لكلبي الي جان قلق و متوتر..

-كعد بصفي والهلاهل من كل صوب باس
راسي و لبسني الحلقة وهمس.. حبيبتي راح
انتظرج حتى ناخذ صور..

-جان قريب يمي و يهمس اجت سماح بوسته
وباركتله كالت.. بس لا انتي مثل ريا فاهية
وهم راح تشلعين كلب وليدي..

-ريا مو فاهية كل الندارة عدها بس اكو ناقصين
فهم ماخذين نظرة غلط عنها..

-هي احسها ودها تذبحني مهاب كرصني بخدي حجه بضحكة..

-امريتي ام لسان منو يكدرلها هي
هزت ايدها وراحت..

-هنا ريا جانت واكفة قريب و سمعتها ابتسمت
بوجهي.. هي اختي كلش فقيرة عبالهن اني
مثلها ما اردهن هي الي عالت و تستاهل
احد يردعها..

-الاغلبية راحوا و هو راح طلب من بابا نروح
ناخذ صور طبعا كوه قبل بابا لان اهلي من
نوع ما يقبلون طلعت ويا اخذنا صور و لقطات
حلوة و نزل جاب عشه تعشينه بالسيارة وهو
فرحان كلش سحبني عليه وباسني وهاي جانت
اول مرة احس هذا الاحساس خجلت منه كلش
ودفعته.. مهاب ترى يس عقد سيد شنو هالسوالف..

-هو ضحك.. لج حلالي حلالي منو يمنعني
ورجع باسني.. صحت ترى انزل هو كال
سويها وشوفي شبيج لج شنو بايكج من اهلج
منو قبل شوي عقد والحفلة..

-سكتت اني ورجعنا للبيت اهلي كالبين الخلقة
و اسر يصيح على ريا.. مفهمت شيء ضليت
بس اباوع على الوجوه اهلي لان تأخرت واعرف مهاب حرجهم بس ريا ما اعرف شبيهم..

-ريا.. خلص العقد و مهاب اخذ نورهان وطلعوا
كمت للمطبخ احضر بالعشة وياهن دخلوا ولد
عمي اخذوا الاكل من عدنا و يتشاقون و يضحكون اني ضحكت ما جنت اعرف باسر
واكف كبال الباب وعينه علينه..

-التفتت واشوفه خازرني هنا وجهي كام يذب
الوان هو اشرلي افوت جوه..

-دخلت واني خايفة منه هسه على حضي
من ضحكت صار كبالي..

-خلص العشة وكلها راحت صاح عليه  اسر 
رحت بخوف اعرفه ما ينسه شيء و لا يعدي سالفك دخلت هو كام.. اني شكتلج وشحذرتج لو متعرفين جلدج يحكج انتي ما تفتهنين من اكلج
على شيء ليش تعاندين..

-ضل يصيح عليه قبل لا احجي دخل   فارس على صوته وضل يحجي ويا و يهدي بي
هو صاح بيه..  جيبي عبايه لبسي ومكياجج ينمسح بقيت واكفه عاط اتحركي مو احجي وياج..

-فارس كال على كيفك هي تروح هسه
روحي خوية طلعت واسمعه يوصي عليه..

-مسحت المكياج واخذت عباية من ماما
وكفت يمه وهو كال.. يلا ام مهاب  نتوكل هنا مهاب و نورهان جانوا هسه راجعين..

-طلعنا للسيارة وهو بس يصيح.. ام مهاب كالت شنو هل لعبان نفس شدعوه على كيفك حتى
الحفلة طلعت من خشمها..

-اني صعدت ورا مردت اكون بصفه اخاف يضربني وام مهاب يمه وهو ما سكت وصلنا ركضت للغرفة نزعت و غسلت وجهي
الا يرزل هسه هم يضحكون وضحكت شصار..

-شوي ودخل شافني ضايجة جنت واكفه على ميز تواليت ارتب المكياج  هو اجه عليه بسرعة دارني عليه ورفعني كعدني على ميز وضل يبوس بيه..

-احتركت عشيرتج بسرعة تطنكرين  لج فهمتج  ما تطلعين ومحد يشوفج شنو معناها اجي و اشوفج كاسرة كلمتي..

-مو قصدي اسر بس هم جانوا ياخذون الاكل  وانحجت حجاية وضحكت شصار قابل..

-باس راسي كافي عاد كلبي طاك عليج وطالعة
حليوة وتاليها تحرك باعصابي ابتسمت وهو
اخذني بحضنه مدد وراسي على صدره..

-شكد صاير احبج شسويتي بيه ريا وعيونج
من اذيج ادعي على نفسي لان ما تستاهلين
اريد اتغير وياج بس بطلي عنادج لا تخليني
اتهور و اتندم..

-رفعت راسي اسر اذا صدك تحبني و تريد
تتغير اريدك تثبت هذا بشيء واحد واني وعد  بعدما اعاندك ولا اضوجك..

-هو حجه بلهفة شنو....

يتبع....

اللهم صل على محمد وال محمد❤️