1. اللهم انك عفوٌّ تحب العفو فاعف عنا.
2. اللهم اعتق رقابنا من النار.
3. اللهم بلغنا ليلة القدر.
4. اللهم صل وسلم على نبينا محمد.
5. سبحان الله وبحمده سبحان الله العظيم.
6. استغفر الله واتوب اليه.
7. اللهم اغفر لي وارحمني وارزقني.
صلوا على شفيعنا يوم القيامة 🌺⚡
كانت عبير تجلس هي والدتها يتحدثون بخفوت كي لا يسمعهم آحد هتفت أميرة
-_ يعني فهد عاوز يتجوز نور
اؤما عبير برأسها بايجاب وهتفت بتأكيد
-_اه والله وكمان آدم وافق
انتفضت اميره من مكانها وهتفت بذعر
-_ لا مينفعش احنا مصدقنا خلصنا من ملاك........ لا عمر ده ما هيحصل
نهضت عبير من مقعدها و يرتسم علي وجهها علامات الخبث و التخطيط و هتفت
-_ ماهو مش هيحصل زي ما طفشنا ملاك هنطفش نور.......... لا و مش كده و بس هخلي ملاك تكره آدم أكتر
عقدت اميره ما بين حاجبيه بأستغراب وهتف بتساؤل
-_ ازاي.......؟!
جذبتها عبير من يديها أجلستها على الفراش وهتفت بمكر
-_ تعالي بس اقعدي كده و ريحي أعصابك بصي يا ستي هنعمل..........
ثم أخذت تسرد ما سوف يفعلوه تهلهلت أسارير أميره انتهت عبير من حديثها ثم هتفت عبير بخبث عندما رأت ملامح والدتها
-_ ها رأيك اي.......؟!
نظرت إليها أميره بفرحه وخبث وهتفت وهي تربت على ظهر ابنتها
-_ جدعة يا بت عرفت اربي
ضحكت عبير بخبث ثم هتف
-_ طب يلا ننزل بقا نقول لهم
ثم هبطوا الي أسفل كي يخبروا الجميع
________________________
في المكان الذي يتواجد به الد أعداء عائله السيوفي سوف تعرفوا سبب هذه العداوه لاحقاََ
كان يجلس طارق الشرقاوي و أمامه أيمن الذي يطالعه بأستغراب و حيره هتف طارق ببرود
-_ مالك بتبص كده ليه
ابتلع أيمن ريقه بصعوبه و هتف بتوتر وهو يعلم أن هذا هدوء ما قبل العاصفه
-_ اصلك يعني يا باشا......... ساكت ومفيش جديد ولا اي
ضحك طارق ضحكه سخريه و هتف بغموض وخبث
-_ انت تعرف عني كده برضو........ انا بس مستني لحد ما دنيا تهدي و انزل التقيل
هتف ايمن بتساؤل
-_ اي هوو.......و بعدين الهانم فين بقالها كتير مش بانيه
رمقه طارق بحده ثم هتف ببرود
-_ مالكش دعوه....... هتعرف كل حاجه في وقتها
_________________________
بقصر عائلة السيوفي يجلس الجميع بلا استثناء في الأسفل القصر التي كان كئيب، بارد لكن الآن اتي من احياه ملؤه بالحب و السعاده
كانت ملاك تهبط على السلم هي و الفتيات بمجرد ما رأوا محمد نظرت للفتيات بخبث ثم هتفت فجأه
-_ ابو احمااا خدني الكوافير...... ابو احماا دفعتي كتيررر
هتفت بطوط بغناء
-_ ابو احما عاينلي شوفير........ ابو احما شقته على النيل
هتفت نور بغناء
-_ ابو احمااا فتح التلاجه....... ملقاش فيها حاجه....
هتفت شمس بغناء
-_ ابو احماا اقفلها وراك....... ابو احما واطلب من ماك...... ابو احماا اكتبلي الشقه...... ابو احماا اوعي تقول لا.........
هتفت تلا بغناء
-_ ابو احمااا يلا على مارينا....... ابو احماا و شاليه بجنينه
نظر لهم محمد بغيظ ثم هتف بعصبيه
-_ بس يا بت منك ليها هي عيلت ولا اي
ثم التفت الي احمد التي يكتم ضحكته بصعوبه وهتف بتهكم
-_ اضحك اضحك ونبي لاتبرا منك كان يوم اسود منقط في كحلي يوم ما سمتك احمد
ضحك عمر بصخب ثم هتف بمزاح
-_الله مالك يا ابو احما ده حتي اسم أحما عسل و قمر مش كده يا أم احما
ضحكت امل بصخب ثم هتفت بمرح
-_ اه صحيح ماله احمد يا أبو أحمد
غمز لها محمد بعينه ثم هتف بمشاكسه
-_ لا انتي طالعه منك عسل يا عسل انتي
صرخت ملاك فجأه
-_ يا اختي ابو بيسبل لأمي واحنا قاعدين مش مكسوف معاك اطفال أبرياء
رفع عاصم حاجبيه وهتف بتعجب
-_ في الأطفال دول عدم الامؤاخذه
أشارت بطوط عليهم ببراءه وهتفت
-_ احنا شوف البراءه
هتف مازن بسخريه
-_ انتم أبرياء انتوا....... انتوا ابليس بيتعلم منكوا
هتف فهد بضحك
-_ بس يا عسل منك ليها....... فاكرين الميكب الارتسيت....... ده ابليس وقتها كان بيعيط منكوا
هتفت نور بضيق
-_ ونبي بلاش تفكرنا باليوم الأسود
رمق آدم فهد بحده كيف يذكرها بهذا اليوم المشؤم ثم نظر الي ملاك التي تلهو بهاتفها او انها تتظاهر باللهو بالهاتف يعرف انها لن تنسى له هذا
ثم هتف ببرود
-_ بتكلمي مين......؟!
اشارت ملاك على نفسها بأستغراب اؤما آدم برأسه
هتف ملاك باستفزاز
-_ وانت مالك امك يسطا
هتفت حنان بضحك
-_ شكراََ يا بنتي
شهقت ملاك بخجل وهتف با ستنكار
-_ اي ده انتي هنا معلش بقا...... العتب على النظر
هتف أحمد بسخريه
-_ليه يا اختي عندك 99 سنه واحنا منعرفش
هتفت تلا بسخريه أكتر
-_ لا يا خفه عندها استظراف زيك كده
هتفت شمس بضحك
-_شكلك بقا ويحشش
ردت نور بمرح
_- يسطا روح افتحلك تربه
ضحك الجميع بصخب ثم صدموا بشده عندما سمعوا ما هتفت به أميرة
-_ في عريس متقدم لعبير
لم تكمل جملتها ونهضت ملاك واخذت تزغزدط واتجت نحو عبير و عانقتها وهتفت
-_مبروك يا بيبو الف مبروك عقبال جوازك
انصدم الجميع من رده فعل ملاك لكن آدم والفتيات يعلموا كانوا يكبتون ضحكتهم بصعوبه
أدركت ملاك نفسها واتحرجت ونظرت الي آدم وجدته يكبت ضحكته اخذت تلعن نفسها بداخلها كيف تفعل هذا لكن لا يهم المهم انها سوف تخطب وتتبعد عن آدم لا تعلم تلك البرئيه ماتخطط له تلك الافعى و والدتها ثم هتفت بخفوت
-_ يا ختي انفضحت يخربيت كده
هتف عمر بعدم وعي واستغرب
-_ اي ده من وافق انه يخطبك
وكزه أحمد بجانبه ورمقه بتحذير ثم هتف بتوتر
-_ قصدي يعني وافقتي اصلك مكنتش بتوافقي
هتف مازن بهمس سمعه آدم وفهد
-_يعني هو كان في حد احنا هنكدب على بعض
ضحك فهد و آدم بخفه
هتفت عبير بخبث وهي تنظر لآدم التي يطلعها ببرود
-_طبعاََ لازم أوافق ما هوو انا مش هفضل مستنياه علطول
رمقه آدم ببرود وبينما ملاك لم تستريح الي هذه الفتاه وتعلم انها سوف تفعل شئ لكن ما هوو لا تعلم بارك الجميع الي عبير ماعدا آدم التي يجلس بهدوء
هتفت عبير بمكر
-_ مش باركتلي يعني يا آدم......؟!
رمقها آدم بسخريه وهتف ببرود
-_ اسمه ايه...؟!
توتر كلاََ من عبير و اميره اجابت اميره بارتباك
-_ ليه يعني يا آدم.....؟!
ثم اكملت حديثها بسرعه
-_ ده حسام ابن الهام صحبتي
هتف فهد بخبث
-_ الاه مش ده الي اتقبض عليه بتهمه الاغتصاب
اردفت عبير بتوتر
-_ لا ما هوو خد براءه طلع مظلوم
اؤما آدم رأسه بغموض ثم اردف عمر فجأه
-_ عاوز اتجوز
ضحك الجميع بشده بينما نظر لهما بأستغراب ثم هتفت ملاك بضحك
-_ عمر حبيبي تجوز مين دانتا لو اتجوزت وخلفت وهتتخانق انت و ابنك على العجله اسكت يا ابني اسكت
ضحك عمر بصخب وادرف بمرح
-_ يعني انتي الي عدله اووي
َبينما تلا كانت شارده مِن مَن يريد عمر أن يتزوج...؟! لماذا هي حزينه هكذا...؟! كادت دموعها ان تهبط وهي لا تعلم السبب نهضت وهتفت ببسمه
-_ انا هطلع اريح شويه بقا
اؤما الجميع ببسمه وبينما نظر عمر في اثرها بحب
ثم اكملوا جلستهم و صعد كل شخص الي غرفته
____________________________
ملاك بملل
ـ_مالكوا ياعيال مبوزين كدا ليه وهاديين
بطوط بمزاح
ــ_ النبي ما أعرف يا اوختشي الا يكونشي معمولنا عمل
شمس بملل
ـ_ أيه الملل ده يجدعاان مالكوا بقيتوا مملين كده ليه
نور بضيق
ـ_نعملك ايه يعني نرقصلك به انا لاطيقاكي ولاطايقه نفسي ولا طايقه صنف البني آدمين كلوا فا اتهدي بقي
شمس بغضب
ـ_في ايه ياحجه نوور ماتظبطي كدا جتك القرف
نور بغضب
ـ_ به انا مش طايقه نفسي قسما بالله اجيبك من شعرك انا علي آخري
بطوط بإشتياق وغضب
ـ _ بسسسسس اتهدوا بقي ياجدعان انا بابا وماما وحشوني عايزه اشوفهم مليش دعوه
ملاك بإشتياق مصحوب بالحزن
ـ_ وانا كمان متدايقه اووي من غيرهم
شمس بحماس
ـ_طب مستنيين ايه يلا نروحلهم عايزه اروحلهم وحشوني اووي
اردفت نور بحمااس
ـ_ طب يلا نقوم نلبس بسررعه عشان نلحق عايزه اقعد معاهم كتير
اردفت بطوط
ــ_ استنوا بس انتوا نسيتوا هنقولهم ايه واصلا هيرضوا يخلونا نروح
هتفت ملاك
ـ_وهما مالهم هما يلا يلا قوموا البسوا هوا تكونوا هنا
ذهبوا جميعا وبدلوا ثيابهم بسرعه خرجت نوور من غرفتها والابتسامه لاتفارق وجهها كالطفله لانها ستري والديها رآها فهد نظر لها بحب وظل شارد في هذا الوجه الملائكى خرج كل من بطوط وشمس وملاك من غرفهم
ملاك بإستفزاز
ـ_مش كنتي مشطايقه نفسك دلوقتي ايه اللي اتغير
نور تقلد عبله كامل
ـ_انتشي مااااالك ازعل افرح انتشي مااااالك
ـ_نينينينى
خرجوا بسرعه وكل منهم لاتمشي علي الأرض بل تطير كالفراشه وتحول الملل والحزن الي سعاده وأخيرا وصلوا الي منزلهم موطنهم الحقيقي بالنسبه لهم حيث الدفء...الحنان...الحب...الامان...اشخاص يحبونهم دون مقابل
ركضت الفتيات على السلم ذهبت كل منهم الي شقتهم اخذت ملاك تطبل علي الباب كعادتها وتغني
ـ_ياماما ابابا بابا يبابا يباابا لولولولي
فتحت لها مني الباب ولم تصدق عيناها عندما رأت ملاك امامها لمعت عيناها من الفرحه اخذت تنظر لهما بينما ملاك نظرت لها بإشتياق وارتمت في احضانها حيث تشعر بالأمان ضمتها مني بشده ولاتريد ان تتركها
ملاك بتهكم واشتياق
َـ_وحشتيني اووي ياماما
مني بإشتياق
ـ_وانتي كمان ياحبيبتي وحشتيني
ملاك بمزاح
ـ_بس ايه الحونيه اللي ظهرت فجأه دي مش متعوده علي كده
هتف محمود
ـ_مين يامني دا كله بتف.......
صمت وتسمر مكانه لعده دقائق كان قد ظن ان ملاك نسيته وانها لن تعود اليهم مره اخرى لايعلم ان لاحياه لها بدونهم نظر لها بعتاب
ركضت ملاك تجاهه وارتمت بأحضانه في صمت لم تلفظ كلمه واحده حتي لاتترك حضنه الذي اشتاقت إليه كثيرا ونزلت دموعها رغم عنها وبكن هذا من فرحتها شعرت بالأمان
محمود بعتاب واشتياق
ـ_يا حبيبتي وحشتيني وحشتيني اوي كدا كدامتسأليش علياا دا كله
ولكنه قلق جدا عندما لم يجد ردا من ملاك وكان الرد هو دموعها التي تتساقط دون توقف
ـ_ماالك مالك ياملاك فيكي ايه قلقتيني عليكي
اجابت ملاك ومازالت دموعها تنزل دون توقف
ــ_ تعبانه اوي يا بابا ومش قادره اعيش من غيركوا مضغوطه طب انا لما كان حد بيزعلني كنت بجيلك دلوقتي اقول لمين
اجاب محمود وهو مصدر امانها
ــ_ تجيلي بردوا وقت ماتعوزيني اكون عندك وبعدين انا متعود عليكي قويه من امتي وانتي كدا
ملاك بحزن وألم قلبها
ـ_عشان اول مره الوجع ييجي من قلبي جرح وعمره ماهيتقفل وهيتقفل ازاي وانا شايفاه قدامي ثم اكملت بحقد مش هيرتاح غير لما اشوفه مزلول واكسره زي ما كسرني
محمود بحنان
ـ_جرحك مش هيشفيه الا انك تحاولي تنشي اقولك مترجعيش هناك تاني خليكي هنا خليكي معايا
ملاك بكره وغل وحب ومشاعر مخربطه لاتعلم ماهى ولكن كل ماتعلمه ان السبب في تدمير قلبها وسعادتها هو آدم وسوف يندم
ـ_ مش هسيب حقي وهندمه علي كل دمعه نزلت مني هيندم اشد الندم بس انا مش زيه مش هأزي اللي حواليا من غير سبب
محمود بقلق وتوسل الي الله ان يريح قلب ابنته
ـ_انشاءالله ربنا هيريح قلبك ماتخلي ربنا هو اللي يجبلك حقك اصبرى واتفرجي علي عقاب ربنا ليه
ملاك بقهره
ـ_ مش قادره استني قلبي اللي اتكسر وقهرتي هدفعه التمن والعين بالعين والسن بالسن والبادي اظلم
محمود بحزن
ـ_طب وهتعملي ايه
ملاك بشر وكره
ـ_هبكيه بدل الموع دم انا فكرت اقتله بس لو قتلته ابقي ريحته وانا مش عايزه يرتاح بس مش عارفه ليه ساعات قلبي مبيطاوعنيش
نعم ياساده قلب ملاك المجروح يتمرد علي عقلها ولاول مره تشهد ملاك صراع القلب والعقل
هتف محمود
ـ_ يمكن لسا بتحبيه
هتفت ملاك بسرعه وبألم نابع من قلبها
ـ_ لاء مبحبوش بكرههههه ومكرهتش حد قده انا بكرههههه
ظل محمود يهدأها ببعض الكلمات وهدأت قليلا
ظلت تلتفت حولها عيناها تبحث عن شخص ما فهتفت بلهفه
ـ_هو ادهم فين وحشني أدهاااااااام
دق جرس الباب
هتف محمود بمزاح
ـ_اهو جه اهوه جبنا فسيره القط جه ينط
فتحت له مني الباب
هتف ادهم بتبلد
ـ_مساء الخير يماما ودخل كعادته اصبح هكذا منذ ان تركتهم ملاك يفعل الأشياء وكأنه مغيب جسد بلا روح وبينما هو في طريقه لغرفته لاحظت عيناه من تحب رجع للوراء ليتأكد ان كان حلما ام حقيقه فعلاً ملاك
ركض تجاهها بفرحه كبيره وطاار قلبه من الفرحه ضمها ودفن وجهه في عنقها وبكي وانها دموع الفرحه
هتف بسرور بالغ
ـ_وحشتيني اووي ياحبيبتي انتى كويسه فيكي حاجه حد عملك حاجه
ملاك بمزاح
ـ_ ايه يلا مالكوا بقيتوا حونينين فجأه كدا وحشتني والله يااه يالعبدالصمد كان نفسي اشوفك حونين
هتف ادهم بمزاح
ـ_ياشيخه اتلهي هي دي اشكال حد بيقي حونين عليها غوري
هتف محمود بمزاح
ـ_ماهو من لقي احبابه نسى اصحابه هتفضلوا تحبوا بعض كتير
مني بفرحه
ـ_ دا كويس انه نطق دا انا شكيت انه اخرس كان علطول ساكت
ملاك بمزاح
ـ_ ليه الشكمان كان معلق ولا ايه
ادهم بتساؤل
ـ_بتاخدي الودا فمعاده
اجابت ملاك بضيق
ـ_آه باخد الزفت مش كفايه عليا نور
____________________________
عند نور
هتفت كريمه بحب
ـ_ ياحبيبتي وحشتينى متعمليش كدا تاني متبعديش كل ده
هتفت نور
ـ_آسفه والله يماما بس عما اتأقلمنا عالجوو بس بجد مش عارفه اعيش من غيركوا حياتي ملهاش طعم
هتف كرم بحب
ـ_ياحبيبتي احنا معااكي وهنفضل دايما جمبك ووقت ماتحتاجينا احنا معاكي
هتفت نور بحب
ـ_حبيبي يابابا ربنا يخليك ليا انا عايزه افضل معاكوا ومسيبكوش أبداً
كرم بحب وحنان لم يطيق ابتعاد ابته وحيدته عنه
ـ_خلاص خليكي هنا ومتمشيش اوعي تسيبينا
هتفت نور
ـ_ هو بس موضوع ملاك يخلص ونرجع تاني
هتفت كريمه
ـ_ عملتلك كل اللي بتحبيه
هتفت نور بمزاح
ـ_ ايوا كدا دلعناااااي العيال هينقضوا ع الاكل وبالذات شمس المفجوعه
هتفت كريمه بحنان
ـ_ عامله حسابهم وبالذات شمس عارفاها بتحب اكلي
هتفت نور بمزاح
ـ_ لا كدا هغير هي مين فيما اللي بنتك
هتف محمود
ـ_وانتوا هترزحوا امتي
هتفت نور بمزاح
ـ_ الاه الاه عايزني امشي ولا ايه
هتف كرم
ـ_لا والله انا مش عايز الوقت دا ييجي اصلا انا مش عايز اسيبك يابنتي
هتفت نور
ـ_ولا انا والله عايزه اسيبكوا
_____________________________
وعند شمس وبطوط
هتفت بطوط لشمس
ـ_ يابت سيبي بقا بقالك ساعه حاضناه جتك القرف ابعدي كدا
هتفت شمس بتمسك كالاطفال
ـ_لا مليش دعوه مش هسيبه ها هفضل مع بابا
هتف حسين بحنان
ـ_وماله ياحبيبتي براحتك
هتفت بطوط بغيره
ـ_ الاه لييه مخلفتش غيرها ولا ايه نسيتني ولا ايه ياحج
هتف كريم بمزاح
ـ_خليكي انتي فحضني ياحبيبتي الشباب يفوز دائما
هتفت إحسان
ـ_ وانا يولاد الجزمه وقعت من قعر القفه
ذهبت بطوط واختضنتها وهتفت
ـ_لا طبعا دا انتي حبيبتشي امى وقره عيني والله وحشاني
هتفت احسان بحنان
ـ_وانتي كمان ياحبيبتي وحشاني اووي
ذهبت اليها شمس واحتضنتها وهتفت
ـ_ قلبي وحشاني اووي
هتفت احسان بمزاح
ـ_وحشك قطر بقالك ساعه حاضنه ابوكي ولا عبرتيني ياجزمه
هتفت شمس
ـ_ طب والله حبيبتي ووحشاني
هتفت بطوط بقرف
ـ_ اخيرا سيبتيه جتك القرف بت ملزقه
هتف حسين بمزاح وحب
ـ_ اهيه فسحتلك الطريق اهوه تعالي
ذهبت اليه وعانقته بشده كم اشتاقت اليه والي حضنه
ـ_ وحشتني اووي والنبي ما تسيبني
هتف كريم بمزااح
ـ_ تصدقوا طلعتوا بتحسوا زينا كنت بحسبكوا مبتشموش
هتفت شمس
ـ_ ليه هو حد قالك ان اسمنا كريم
هتفت بطوط بشماته
ـ_ شكلك وييحييش
________________________
في قصر السيوفي
هتف محمد بقلق
ـ_ هما فين البنات مش شايفهم
هتف عاصم بتأكيد
ـ_ آه صحيح هما فين مش باينين
هتفت امل
ـ_ كانوا قاعدين مع بعض يمكن ناموا خليهم نايمين
هتف محمد بإطمأنان
ـ_طيب خليهم براحتهم
_______________________
عند ملاك بعد ان جلسوا مع اهلهم تجمعوا جميعا عند ملاك
هتف حسين
طب والله اللمه دي وحشني
هتف ادهم بمزاح
ـ_هو انا لي حاسس ان انا والغلبان ده (كريم)أبجورات
هتفت ملاك بمزاح
ـ_ حاسس لأ اتأكد ياحبيبي
هتف كريم بمشاكسه
ـ_ يابت دا احنا الاصل والباقي سلطه
ضحكت شمس ضحكه رقيعه
هتفت ملاك بمزاح
ـ_ اديلوااا يا ابلتي
هتف كرم بمزاح
ـ_ الله اكبر راقصات المستقبل
هتفت نور بمزاح
ـ_ ومعانا الحج كرم صاحب الكباريه ونقول الوووز
هتفت مني بمزاح
ـ_ وانتوا كنتوا بتعملوا ايه يعني عايشين ازااي
هتفت شمس تغني
ـ_ انا عاايش و مش عاااايش
هتفت ملاك بصرااخ
ـ_ اكتمي يلعن دا صووت
هتف حسين بمزاح
ـ_والله وحشني صووت البقر داا
هتفت شمس بصدمه
ـ_ قره عي....اييه
هتف كريم بمزاح
_ يعيني دا اتسدم
هتفت بطوط بمزاح
-_الصدمه ردت فقلبها قتلته
هتفت ملاك بجديه مصطنعه
ـ_ نجاوب علي مني بجد بقا كويسين كل مانحس اننا هنفصل بنجيب كرت فكه هقهقهق
انتزعت مني ابو ورده وقذفته في وجهها
هتفت احسان بمزاح
ـ_ ونعم الترحيب والاستقبال
هتفت نور
ـ_ شوفتوا حوار جوناثان دا اللي قالب الفيس
هتف ادهم
ـ_ خايفين من زيت اطفال اي التفاهه دي
هتفت ملاك
ـ_ طب والله انا نفسي اكلمه
هتفت شمس بمزاح
ـ_ احسن خليه يطلك من تحت السرير
هتفت ملاك وبطوط في صوت واحد
ـ_ سريرى مقفول نن
هتفت نور بخوف
ـ_ تخيلي تبقي فالحملم وهو اللي يديكي الفوطه
هتف كريم بمزاح
ـ_ طب والله الراجل متعاون مزلووم
هتف محمود بمزاح
ـ_ هي الرجاله كده دايما حقها مهدور
وظلوا يتحدثون حتي جاء موعد النوم
هتف محمود
ـ_ انتوا هتروحوا ولا هتعملوا ايه
هتفت ملاك
ـ_ لا احنا هنبات هنا علي قلب
هتفت احسان بحب
ـ_ ومالوا تنوروا قلبنا
_____________________________
هتفت امل بقلق
ـ_الحقواا البنات مش موجودين دورت عليهم فكل حته مش باينين
هتف عاصم بغضب
ـ_ هيكونوا راحوا فين يعني دوري كويس
شعرت حنان بشيء يخنقها مستحيل ان تفقد ابنتها مره اخري هل حدث لها مكروه وواخذت تبكي وتعالت شهقاتها هتفت ببكاء
ـ_ بنتي بنتي جرالها ايه هتكون فين دور عليها عايزه بنتي مش عايزه اخسرها تااني بنتي ياعاصم
خرج آدم من غرفته علي صوت البكاء
ـ_ في ايه مالك يماما ايه اللي حصل بتعيطوا ليه
هتف محمد بصوت بتهكم
ـ_ البنات مش لاقيينهم
صمت آدم شعر بروحه تسحب منه هل سيفقد حبيبته لا لن يحتمل هذا من الممكن ان تكون قد اخطفت او حدث لها مكروه لا لن تذهب شعر بقلبه يتمزق قام وهتف بغضب
ـ_ هيكونوا فين يعني دوروا فكل حته اقلبوا عليها واطيها ثم ذهب لوالدته وهتف بحنان
ـ_ متقلقيش ياحبيبتي هنلاقيهم
دخل فهد ووجدهم في هذه الحاله فهتف
ـ_في ايه اي اللي حصل
هتفت امل ببكاء
ـ_ البنات مش لاقيينهم خايفه عليهم
هتف فهد ببرود
ـ_ يجدعان قلقتوني انا شفتهم وهما خارجين الصبح
هتف عاصم
ـ_اكيد راحوا عند محمود
هتفت حنان بلهفه
ـ_ طب ايعت هاتهم
هتف محمد بعقل
ـ_لا سيبوهم براحتهم
______________________
وبعد ان نام الفتيات بإرتياح لم يناموا هكذا منذ ان ذهبوا وقاموا تناولن الافطار وذهبوا الي بيتهم الجديد
هتفت نوور بإستعجال
ـ_ يلا يجدعان مش قادره اقف اخلصوا ايه السرعه دي البيض هيتكسر يا حجه انتي وهي
هتفت ملاك ببرود
ـ_ براحتنا مستجعله عالجنه اوووي يا اختي
هتفت نوور بضيق
ـ_ دا انتي بت بارده اخلصي ياخراا الشمس وجعت عيني
هتفت بطوط ببرود
ـ_ ياستي براحتنا هي الدنيا هتطير
هتفت نور
ـ_طب هسبق انا وسبقتهم هي الي الداخل كان الجميع غير موجود لم يكن هناك سوى اميره
هتفت اميره بغل وحقد
ـ_ اهلا وسهلا شرفتي ياست نور كنتي فين ياسنيوره
اجابت نور
ـ_اناا كنت ع... قاطعتها اميره قائله بمكر
ـ_ اقولك انا مهو واحده زيك لا نعرف اصلها تربيتها وكانت بره طول الليل يبقي بتعمل ايه
كادت نور ان تبكي وهتفت بصوت مبحووح
ـ_ ق.... قصد حضرتك ايه
هتفت اميره بوقاحه
ـ_ هيكون ايه يعني ياحلوه واحده بايته بره البيت ومقالتش لحد وراجعه تتنختر يبقي اكيد عملت حاجه متعملهاش غير واحده قذره زيك
صدمت نوور من الكلام ونزلت دموعها لم تعهد ان احدا حدثها هكذا من قبل انها تتهمها في شرفها يلا وقاحتها
اكملت اميره وهي تنظر لها بسخريه
ـ_ اي ياحلوه اتصدمتي ولا انتوا تعملوا العمله وتيجوا تعملوا شرفا علي...
قاطعه صوت انتفضت من مكانها بسببه صوت مرعب ولم يكن سوى فهد هتف بصوت جوهري
ـ_امييييرررررره لو قولتي كلمه زياده هدفنك مكانك نور خط احمر انتي فاهمه
ثم ذهب بإتجاه نوور وامسك بيدها ليمدها بالقوه ويعلمها انه بجانبها
هتفت اميره بوقاحه
ـ_ دي بت مش مت...
هتف بغضب جامح
ـ_ اميييره كلمه زياده ومش هبقي علي اي حد وهدفنك بجد وقولتلك نوور خط احمر ومسمهاش بت اسمها نور هانم فااااهمه وانتي عارفاني مبحبش اعيد كلامي مرتين
دخل الفتيات علي هذا الصوت
هتفت شمس بقلق
ـ_ في ايه في ايه مالك يانور
ازدادت دموع نور وارتمت بأحضانها
هتفت ملاك بقلق
ـ_ في ايه ياقلبي مالك اي اللي حصل
هتفت اميره بوقاحه
ـ_ اللي حصل اللي حصل انكوا مش متربيين وبنات سافله
هتفت ملاك بقوه علي عكس نوور بتردح
ـ_ آااه مين دي ياعنيا دا ادفنك مكانك روحي يا اختي شوفي بنتك اللي بتترمي عالرجاله وبعدين اتكلمي ولما تيجي تتكلمي عن ملاك السيوفي او اي واحده مننا تتكلمي بإحترام وتعملي حساب كل كلمه بتقوليها
هتفت بطوط بغضب
ـ_ وانتي مين اصلا عشان تحكمي علينا انتي نكؤه ولا حاجه وقسما بالله نور لو ما هديت لأقتلك يابتاعه انتي
هتفت شمس بغضب
ـ_ كان نفسي احترمك والله بس للاسف شكلي هعلملك تتكلمي بأدب ازااي
هتفت اميره بغضب
ـ_ انتي انسانه زبااا....
لم يعد فهد يحتمل نفذت كل ذره عقل تطاولت علي معشوقته واخته لقد طفح الكيل اخرج مسدسه اطلق رصاصه فالهواء صدع الصوت في ارجاء المكان خرج الجميع علي هذا الصوت وجه فهد مسدسه صوب رأس اميره نزل عاصم بسرعه فهو يعلم فهد لن يتراجع
هتف عاصم بخوف عليه
ـ_فهد ارجع نزل مسدسك هتروح فيها
هتف فهد بغضب واصرار
ـ_ هقتلها يعني هقتلها واللي هيقرب خطوه زياده هيكون جسه جمبها
ذهب عمر بسرعه لانه يعلم لن يسيطر علي فهد سواه دخل غرفته دون استأذات وجده نائم سحبه من زراعه
هتف آدم بغضب
ـ_ في اي يازفت عالصبح هدفنك مكانك ياعمر لو طلع حاجه تافهه
هتف عمر بخوف
ـ_ مصيبه فهد رافع المسدس علي اميره وحالف يقتلها ومحدش عارف يوقفه ونور بتعيط
هتف آدم
ـ_ ينهار اسود لو كنت اذت نور يبقي الله يرحمها
ركض آدم سريعا الي الاسفل وهتف
ـ_ نزل السلاح يافهد نزل سلاحك واهدا وصلي ع الني كدا خليك عاقل
هتف فهد بغضب
ـ_ قولت هقتلها يعني هقتلها وابعد يا آدم مش عايز اذيك
اقترب منه آدم بحزر وحاول انتزاع السلاح
ـ_ سيب السلاح فكر فأختك وف نور هتبقي قاتل ع آخر الزمن
انزل فهد سلاحه وهتف
ـ_مش هقتلك بس هحاسبك ع اللي قولتيه
هتف عاصم بغضب
ـ_ ممكن نفهم بقا ايه اللي بيحصل
هتفت ملاك بغضب
ـ_ اللي حصل اننا اتهنا البني آدمه دي بتتهمنا فشرفنا وبتقول اننا بنات مش كويسين
هتفت شمس مكمله
ـ_واللي قالته لنور كان اوسخ قالتلها كانت....
هتف محمد بغضب
ـ_ كانت ايه
هتف فهد بغضب
ـ_ فيما معناه انها كانت بايته مع ولد
بمجرد ان سمع آدم هذه الكلمات غضب ولم يعد يستطيع التحمل وهتف بغضب
ـ_ لا بقا دا انتي محدش هيقتلك غيرى انا اللي هدفنك يعني مش كفايه عليتي صوتك علي مرااتي ودي حسابها عسير لاوكمان بتتهمي اختي فشرفها محدش هيقتلك غيرى
هتفت نور ببكاء
ـ_ والله احنا كنا عند بابا ولو
هتف عاصم بحنان ابووي
-_هششش مصدقك ياحبيبتي دا احنا حتي مرضناش نتصل بيكوا عشان تبقوا براحتكوا احنا واثقين فيكوا وضمها اليه واخذ يهدأها
هتف مازن لبطوط
ـ_ متزعليش احنا والله واثقين فيكوا متأكدين انكوا متعملوش كدا أبداً هي اميره اللي صفرا
هتفت بطوط بغضب
ـ_ دي كركم بغل بس انا مسخرتها هي نور اللي غباانه
هتف احمد لشمس ولاحظ حزنها رغم تظاهرها القوه
ـ_ بجد متزعليش سيبك من العقربه دي احنا
واثقين فيكوا اعتبري كلامها هوا متزعليش نفسك
هتفت شمس
ـ_مش زعلانه عارفه انها حربايه بس الكلام مينفعش
هتف فهد بحنان
ـ_ ممكن تهدي بجد قلبي وجعني متزعليش منها دي حربايه وانا هندمها
اومأت نور ولم تتحدث لكن نظراتها كانت كافيه
هتف آدم بغرور
متدايقيش نفسك هي كدا كدا مستحيل تضايقكوا بعد اللي انا قولتوا
هتفت ملاك بغضب
ـ_ هي مين دي اللي مراتك ياللي تتفقع مرارتك وبعدين مش محتاجاك تطمني بعرف اجيب حقي
ثم ذهبت إلى غرفتها وذهب الجميع الي غرافهم
__________________________
كانت الساعة الثانيه بعد منتصف الليل كانت ملاك تغط بنوم عميق استيقظت على صوت هاتفها يعلن عن اتصال أحدهم بها
نهضت بانزعاج وكسل و اردفت بنعاس و غيظ
-_ ايوه مين في حد بيتصل في الوقت اي راوعو شعور ميتين امي عاوزه اتخمد
بينما على الجهه الاخري استغرب الرجل من هذه المجنونه اردف بتعجب
-_ معايا مدام ملاك السيوفي
هتفت ملاك بصراخ
-_ مدام في عينك يا بغل انسه قال مدام قال
اردف الرجل بنفاذ صبر
-_ يا انسه المهم استاذ آدم مدهول الدنيا هنا تعالي الشركه متبهدله
انتفضت ملاك من مكانها بذعر وهتفت بخوف
-_ آدم ماله هوو فين انطق
اردف الرجل بسرعه
-_ في الشركه يا انسه بسرعه بس
اغلقت ملاك الهاتف ثم ذهبت ارتدت ملابسها بعجل ثم خرجت من القصر و دلفت الي السياره وبعد فتره ليست طويله وصلت أمام الشركه هبطت من السياره ثم ركضت الي الداخل وهي تدعو ان يكون آدم بخير فهي لا تستطيع أن تعيش بدونه مهما فعل اخذت تلتف حولها لم تجد آحد الشركه فارغه تماماََ ثم ذهبت الي مكتب آدم لم تجد آحد فتحت باب المكتب كادت ان تتحدث انقطع النور فجأه اردفت بشهقه
-_ يلهووي هو يوم اسود من اوله كان اسود منقط في فوشيا يوم ما عرفتك يا ابن حنان
فجأه الباب انغلف ركضت اليه سريعاََ كي تفتحه لكن لا يجدي نفعاََ اردفت بحسره
-_ مش وقتك يسطا عليا الطلاق ازعلك
لكن تسمرت مكانها عندما سمعت صوت تعلمه جيدا
-_ ماتحاوليش مش هيفتح
التفت الي مصدر الصوت صدمت بشده.......؟!
استتووب خلصنا البارت الي جاي ضرب نار 💃
تكييررر ي اخووات 😂💃