Mari feels like she own the place. Sa araw-araw na ginawa ng Diyos, nandoon siya sa Bluehills para mamili ng kung ano-ano. She loves spending and spending and spending. Kung inaakala ng iba na nanghihinayang siya sa mga ginagastos niya ay nagkakamali ang mga ito. Bakit naman niya panghihinayangan ang mga ginagastos niya kung hindi naman niya hinihingi ang mga 'yon?
"I'll take this. Ilang colors mayroon nito?" tanong niya habang hawak ang isang set ng two-piece mula sa bagong collection ng Amore, ang paborito niyang swimsuit boutique. "Alam mo na naman ang size ko, 'di ba?"
"Yes, Ms. Mari. Dalawa lang po ang design nito. Ikukuha ko po ba kayo ng tig-isa?" tanong sa kanya ng sales lady na nag-aasiste sa kanya.
"Yes. Ito rin pala." sabay abot ng pulang two-piece suit dito. Paghawak niya pa lang ng tela ay talaga namang nagustuhan na niya. "Bagay kaya sa akin itong red?"
"Lahat naman po, Ms. Mari, bagay sa inyo."
"I know, right?" nakangiting sabi niya rito. Nagulat na lang siya ng makitang ito ang suot ng endorser ng Amore. "Wait, ito 'yong best design ng collection?"
"Yes, Ms. Mari. Rogue po ang pangalan niyang swimsuit. Best seller po namin siya kaya pina-endorse ni madam. Maganda po ang tela, 'di ba? Tsaka mura lang siya, ma'am. Kaya po marami talaga ang bumili n'yan."
"Mukha ba kong magsusuot ng ganyan ka-cheap?" hinila niya ito at ibinalik sa rack. "Maghahanap na lang ako ng iba pa. Ayaw ko ng red. Hindi bagay sa kutis ko 'yong kulay. Kulay mahirap."
Hestia calling...
"Hello, Ate Ynez. Anong kailangan mo? Namimili ako." pagsagot niya sa tawag ng panganay na kapatid.
"Umuwi ka na. Theia is getting married."
"Ano naman kinalaman ko kung magpapakasal na si The— what?!" eskandalosa niyang sabi bago naglakad palayo sa mga sumusunod sa kanya. "Is she pregnant?"
"Ano bang pinagsasasabi mo, Mari Seraphina? Go home. Now! Papá needs us. Theia is getting wild."
"Wait," natatawa niyang sagot sa ate niya. "si Theia ang pinag-uusapan dito, Ate Ynez. Astraea Denise Mondragon tapos wild? That's the funniest thing I've ever heard in my entire life."
Mula sa mga narinig sa kapatid, ipinagsawalang-bahala na ni Mari ang mga sinabi nito at bumalik na sa pamimili ng mga swimsuit. Hindi naman niya binaba ang tawag nito, pinakikinggan niya lang ang mga sinasabi ng kapatid pero hindi niya ito iniintindi. "I'll take this, 7 sets lang ba 'yong kulay nit– what was that, Ate Ynez?" kunot-noong pagsigaw niya sa telepono niya ng may marinig na ingay sa kabilang linya.
"I told you, Theia is getting wild."
"That was Theia? Sandali!" humarap siya sa sales lady na nakasunod sa kanya at inutusan na i-bag na lahat ng pinamili niya. "Miss, paki-bag na lahat at palagay na sa sasakyan ko. I have an emergency at home."
"Sure, Ms. Mari."
"Ate, pauwi na ko. Can you calm that tigress down? Wow, gusto kong maabutan 'yan. For the books." pagbilin niya kay Ynez habang natatawa pa ng mahina.
"Pwede bang mag-seryoso ka muna ngayon? For the books, for the books ka pang nalalaman dyan, nagwawala na nga 'yong kapatid natin dito?"
"Exactly! Of all the sisters, si Theia ang nagwawala. From the sweet little girl, who would've thought that Theia can be wild? That growl... God, ate! Akala ko may inuwi kayong tigre."
"Mari!"
"I'll hang up. Going home!" mabilis niyang tinapos ang tawag at nagmamadaling sumakay sa sasakyan niya. Excited siyang makauwi. Kung ang nagwawalang Theia ang aabutan niya sa bahay, worth it ang pagputol ng mga ito sa pamimili niya.
"I'm back!" masiglang bati niya pagpasok ng mansyon. Tahimik na noong dumating siya pero hindi siya pinanghinaan ng loob.
I am a Mondragon. I bring life to anything.
Kumpleto ang mga kapatid niya. Ang Papá niya ay malayo sa mahal nitong si Theia na masama ang tingin dito. Katabi naman ng Mamá niya ang ate Ynez niya. Si Dom at Yana ay nakahawak sa magkabilang braso ni Theia. Ang mga ito siguro ang pumipigil sa huli para sugurin ang Papá nila. Samantala, tahimik lang na nagmamasid sina Iris at Kalli sa mga ito. Palagay niya ay kanina pa inaawat ng mga kapatid niya si Theia. Sa tindi ng katahimikan, ang mabilis na paghinga lang ni Theia ang maririnig sa paligid. She was always calm and charming, ngunit sa itsura nito ngayon, gusto niyang sumigaw na sino ang babaeng ito at bakit kamukha ito ng kapatid niya.
"Congratulations on your wedding day, bunso. Here's my gift for you!" nakaka-isang hakbang pa lang siya ng sabay-sabay nagsigawan ang pamilya niya. "Mari!"
"What?" mabuti na lang at mabilis siyang napaharap. Napanganga siya ng makitang susugurin siya ni Theia. "Theia? What's wrong with you?"
"Lumapit ka dito, Ate Mari. Sasampalin kita. Bitawan niyo ko, sasampalin ko 'yan. Ate!" nagpupumiglas ito sa mahigpit na kapit nina Dom at Yana.
"Theia, kumalma ka. Hindi si Ate Mari ang kaaway mo." mahinahong sabi ni Dom.
"Ilayo niyo nga si Ate Mari kay Theia. Baka hindi ako makapagpigil, ako sasampal kay Ate Mari." nanggigigil naman na sabi ni Yana.
"The hell, Yana?"
"Astraea." lahat sila ay napalingon ng marinig ang pagtawag ni Andrei sa bunso nila.
"Babe, can you take Theia somewhere else para kumalma siya?" maarteng utos ni Yana dito. Ang mas nakakabigla, tahimik lang na lumapit ang binata dito at binuhat si Theia. "What the hell, Andrei?"
"Ibaba mo ko, Andrei! Susuntukin ko 'yong mukha mo." namumulang sigaw ng kapatid na nakapatong sa balikat ni Andrei na parang tuwalya. "Damn you!"
"Don't... move! You'll fall, Astraea." ngingiti-ngiti si Mari sa narinig. May naisip siyang solusyon sa problema ni Theia.
"Wait... Theia, I have a suggestion." natawa siya dahil lalong namula sa galit ang kapatid niya. "Maganda kaya itong naisip ko. Why don't you guys elope?" turo niya sa dalawa.
"No!" hiyaw ni Yana. "Mari!" sabay-sabay naman na sita ng mga kapatid niya. Ngunit ang pinakamalakas na sigaw sa lahat, ang sigaw ng Papá niya.
"Seraphina!" napatayo pa ito at masama ang tingin sa kanya. "Talagang tinuruan mo pang makipagtanan ang kapatid mo sa harap namin ng Mamá niyo?"
"Theia is 25 now. Anong masama kung makipagtanan siya kay Andrei? I mean... look at that. He's hot."
"Pigilan niyo ko, sasabunutan ko na 'yang kapatid niyo." naiiritang sabi ni Yana. "Pero hindi ka naman wrong, ate."
"Right? Hindi naman sila alangan ni Theia. Andrei may be our driver but he doesn't look like a driver at all. Tsaka we are rich naman. Wala naman magiging problem kung magkatuluyan sila ni Theia. Kung gusto niyo bigyan niyo na lang sila ng pre-nup."
Naiinis na nag-walk out ang Papá niya na mabilis namang hinabol ng kanyang ina. Ang mga kapatid niya ay tahimik lang na nakatingin sa kanya. Walang kumibo sa mga ito. Tanging si Ynez lang ang naka-pormal sa mga kapatid niya. Lahat nakasimangot, lalong-lalo na si Yana.
"Sumobra ka, Mari." pagputol ni Ynez sa katahimikan. Tinanguan nito si Andrei na mabilis namang inilayo si Theia sa kanila. Naririnig niya pa ang papahinang reklamo ng kapatid bago tuluyang tumahimik ang paligid.
"Bakit? Ano bang mali sa sinabi ko?"
"Everything! Lalo na 'yong utusan mong magtanan si Theia at Andrei." sabat ni Yana. "God! Gusto kitang sampalin. Kung hindi lang kita ate."
"Papá announces Theia's engagement. Siya at ang Mamá ang nagplano ng kasal ni Theia. It wasn't Theia's choice." biglang nagsalita si Iris na umirap pa sa kanya bago umalis.
"She was arranged to be married. Kung ako si Theia, malamang nagwala rin ako kung sa akin sinabi 'yon ng Papá." mahinahong paliwanag ni Kalli. "Excuse me, babalik lang ako sa kwarto ko."
"Sorry," nakokonsensyang sabi ni Mari. "Hindi ko naman kasi alam."
"Kaya nga dapat hindi ka na lang nag-suggest." mataray na sabi ni Yana.
"Yana!" sita dito ni Dom. "Anyway, ate, hindi lang si Theia ang ginalit mo. Pati sina Papá. I suggest... mag-sorry ka sa kanila."
Sabay-sabay umalis ang natitirang mga kapatid niya at iniwan siyang mag-isa. Hindi makapaniwala si Mari sa inasal ng mga ito. Naiinis siyang umupo sa sofa sa gilid niya at padabog na inalis ang sapatos niya.
"Inistorbo 'yong pamimili ko para dito tapos iiwan niyo ko mag-isa!" kinuha niya ang phone niya at mabilis na nagtipa. "Makapag-shopping na nga lang."