اسيرة_قدرك..
بقلمي رسل..
البارت الثاني والثلاثون..
صَير مِثلي شِما احَبك
حِبني اكثر..
-اسر كوم ربتت على كتفه هو فز وطفر
على حيله.. شصاير شبيج حبيبتي؟!..
-مخنوكه اسر صدري يوجعني..
-عيونه عليه بقلق.. ليش ابويه انتي
فرك صدري اخذني للمغسلة غسل وجهي
وهو هم غسل و خطية من النعاس كوه مفتح
عيونه انقهرت عليه كلش خوفته و قلقته
و كعدته بعز نومه..
-ها شتحسين هسه لا تخوفيني عليج؟!..
-لا تخاف حبيبي خنكه شوي و تروح..
-امشي لبسي شيء خلي نطلع تشتمين هوا .. لبست صايه
و طلعنا مهاب جان يخابر بالحديقة من شافنا
اجه علينا..
-خو ماكو شيء خير وين؟!..
-ماكو شيء ريا شوي مخنوكه شوي ونرجع
هو كال سلامتج خويه اجي وياكم..
-لا خالي ما يحتاج هسه هنا شوي ونجي..
-صعدنا بالسيارة هو شغلها و التفت عليه..
-ها ريا شبيج شتحسين اوديج للمستشفى؟!..
-حضنته بقوة.. احبك اسر اموت عليك
من حجيت هيج هو ضحك.. ها خير ومنو
الي من اجيت لما نمت هي تتعارك..
-والله احبك هواي اسر مدري شبيه والله ما اعرف
تفهمني لو لا صايره اغار هواي عليك
و هيج احمس بروحي و هاي سماح هم زيدتها
عليه و تقهر بيه و انت ما تحس بيه و بس
تصيح عليه..
-باس ايدي.. اني الج و روحي بيج بس ثوله انتي وهيج تحجين لج مو بس
احبج اني اعشكج انتي مرتي و حبيبتي وهم
اهلي واجب عليه احترامهم و حبهم لا تضلين
هيج بهذا عقلج و تحمسين بروحج ترى
تتعبين هواي جاي تشوفيني مداريج و احبج
ومقدرج ليش تنكين و تكرهيني بيج و تالي
اتزوج عليج مرة تشاركج بيه وانتي ضلي
بهاي عقليتج حجاها بضحكة..
-اموتك غير وداعة امي بس تتزوج لا تحجي
هيج و تأذيني اسر مو كتلك اني والله ما اعرف
ليش هيج اغار منهم عليك وها حتى ما اعرف
ليش هيج اسوي والله اسر يمكن تخبلت
من وراكم..
-هو حضني اقوى و باس راسي.. اذا هيج تحبيني
لعد ليش تخليني اصير عصبي عليج و ليش
خليتيني بموقف هيج كدامهم من كومت سماح
لخاطرج و صحت عليج شكو طنكرتي..
-مو ضجت كلش و طلعت..
-عرفتج ولهذا اني اخذت فراش و نمت برا الغرفة
لان ما ردت تكبر المشكلة و انتي اعرفج راح
تضلين تنكين و تلحين واني تعبان من الطريق
احسن من ما امد ايدي عليج نمت هناك..
-بقيت ساكته هو كلامه صح صايره الح
بس مو بيدي من اشوف سماح احمس بروحي
افترينا و هو يتغزل و يحاول يعدل من نفسيتي
وكل شوي وكال ها بعدج مخنوكه واني اكله
راحت هو لو يدري هي خنكه بسيطة جان
خنكني هنا و عافني وراح..
-رجعنا للبيت بناتي يم سماح
هو مدد واحذني لحضنه.. يلا خليني انام
بعد لا تتعيقلين عليه و لا تخلين هاي افكارج
تطيح حضج حضنته ونمت..
-كعدت الصبح هو بعده نايم عفته خطية تعبان
طلعت جانوا كاعدين ام مهاب ومهاب و سماح
صبحت عليهم هم ردوا وهي كالعادة ما ردت
اتجاهلتها اليوم قررت لو شتحجي و تحاول
ما راح اغث روحي لو اسر..
-سويت لفة وكعدت يمهم هي ضحكت وكال..
-شبيج البارحة من رجلج صاحلج عفتي
و رحتي لو هاي عياره بس ردتي تكوميني
اخاف تخافين على راعي بيتج..
-اي ليش ما اغار انتي كلتيها راعي بيتج
اغار عليه و احبه واريده بس الي..
-هي تضحك وتباوع عليهم.. لا خيه لا تريده
وحدها احنا هم اهله..
-كمت.. اي الله يحفظكم لاسوري..
-وره مدة كعد سويتله ريوك و انطيته وهاي
تحاول و تحجي عباره عن مغثه احسها احتركت
لان تجاهلتها..
-اخذت الماسحة و طلعت برا هو كال وين؟!..
-انظف الطرمه.. عوفيها اني اكمل و اغسلها..
-لا انت تعبان واني اريد التهي بيها ما
عندي شيء..
-طلعت و بديت اغسل بيها شوي والباب ندك
صحت منو اجاني صوت.. اني..
-استغربت هالصوت سامعته عاد حجه
مره ثانيه اني فارس.. هو كال فارس واني
كلبي فز ركضت للباب و صوت اسر يصيح
وراي.. وين رايحه ولج منو..
-فتحت الباب وصار كبالي فارس حتى عيوني
دمعت هو دخل واني شمرت نفسي بحضنه
ابد ما متوقعه جيته احس طرت من الفرح
هو يبوس بيه و اني ما مصدكه اسر اجه سد
الباب.. يمعودين فضحتونا وانت شنو جلبت
بريا مو كبالك احنا حجاها بضحكة..
-هو ضحك وسلم على اسر.. والله تعنيت
و قطعت كل هاي المسافة علمودها طك
كلبي عليها..
-دخلنا واني فرحانه بي مهاب تلكاه.. هلا
بابو الفوارس لك شجابك منو دلاك؟!..
-هو كال اخذت العنوان من نورهان والتفت
عليه انتي مو منطيتها العنوان بالضبط..
-باوعت على مهاب ضام ضحتكه وكتله اي صح
اني انطيتها العنوان..
-تركتهم و رحت للمطبخ اجيبله مي سماح
وكفت كبالي.. خير ان شاء الله لازم كل يوم
واحد راح يجي من اهلج..
-اهلي ذول البيت بيتهم و يجون غصبا على
كل واحد هاي العايزة والله اطردهم واكلهم
لا تجون..
-هي اشتعلت بنار تركتها ورجعت يمهم
كعدت يم اسر همست..
-ليش ما كلت راح يجي فارس و فرحتني؟!..
-والله و لا ادري بي جاي اكيد هاي سوالف
مهاب..
-شوي وكام رحت وراه كال اني راح اجيبلكم
غده لا تسوون شيء طلعت ويا للباب هو
صفن عليه.. احجي مبين عندج شيء..
-ها لا ماكو شيء.. هو ضحك علينا احجي
حبيبتي..
-اسر والله مو قصدي اغثك لو شيء بس
ترى سماح مصختها من الصبح لهسه تغث
بيه واني الخاطرك سكتت ما يصير هيج..
-معليج بيها خلي تحجي لا تغثين روحج
واني اتصرف وياها اذا تجاوزت ما اريد
مشاكل حبيبتي..
-هو طلع واني دخلت احس روحي مرتاحه
اليوم بشوفه اخوي وهو فرحان و مخلي بناتي
يمه عفتهم و رحت للغرفة دكيت على نورهان
بس سألتها كالت اني معليه هذا مهاب هو دزلي
العنوان و من فارس راد يجيج اخذه مني
كتله هي دزته الي..
-وليش ما اجيتوا ويا انتي امي والله مشتاقة الكم..
-مو عمر ما قبل و سواله عركه و تالي فارس
اجه وحده..
-تنهدت.. شترجى من عمر مو هذا فارس
ما تحمل و اجه يشوفني وذاك الحقير حتى
انتم حرمني منكم..
-حجيت شوي وياها و سديته واني ضايجة
من عمر كلش يحرحني هالشيء واني والله
ما مسويه اله شيء وهو محاربني..
-وره الغدة فارس ابتسملي و حجه.. من رخصتك
ابو مهرة اريد اطلع ويه ريا و البنات هنا شوي
و نرجع..
-هو كال مرخوص ابو الفوارس وانطاه السويج
فارس ما قبل كال هو هنا قريب بس اسر
ما اصر..
-بدلت و بدلت لبناتي سمر رادت تجي ويانا
بس امها ما قبلت كالت يمكن اخوج عنده
كلام لو شيء خاص بينكم كملت و اسر يبوس
بالبنات و يوصي..
-ريا عينج عليهن لا تروحون بعيد مهرة
لا تيهه..
-طلعنا و فارس فرحان بينا كال مشتاقلج
هواي و حتى للبنات عبالك مفاركتنا سنه
لو تشوفين امي تبجي بجي عليج وهذا عمر
الكلب ما قبل تجي وياي تلاغينا و طلعت..
-فترينا بالحديقة الي قريبه على بيتنا
البنات انطلقن ويه خالهن بعدها كعدنا شوي
واني الوب بين الي اريد احجي بسالفة السفر
و من جهه مترددة لان اسر ما يقبل تالي
كتله فارس اريد اكلك شيء..
-خير كولي..
-بس ما تحجي لاي واحد لان اسر ما يقبل
بس اني ضايجة و اريد احجي والله فارس
اختك طالعة روحها من هذا الموضوع بس
ما اكدر احجي ويه اسر خطية هو علمودنا
وهم اخاف عليه..
-خوفتيني يمعودة ما تحجين بيكم شيء
لحكوكم لهنا..
-لا مو هيج هنا احسن بس فارس اسر يريدنا
نسافر يريد يطلب لجوء و يترك كل شيء
ونروح نعيش برا انتم امي شلون بعد اشوفكم..
-هو بس حجيت هيج احس اوضاعه تخربطت
حجه بحنيه.. شلون و وين تروحون لخاطر
الله هو اني هنا و كلبي طاك عليج والله
نوب تطلعون..
-شفته انقهر غيرت الموضوع.. هسه بعدنا ما مسافرين اسر منتظر خبر من ابن خالة المهم انت شلونك الحب شلونها..
-هو ابتسم.. سافرت للموصل يم خوالها
وعافتني هاي هم طالعة عليج..
-ضحكت الله يرجعها بالسلامة و يجمعكم
بحلاله حبيبي..
-حجينا و اشتره للبنات و تعشينا برا ورحعنا بطريق الرجعة
سألته شكد يبقى هنا هو كال باجر راجع
ضجت كلش..
-لا فدوه ابقى كم يوم والله ما شبعت من
شوفتك هي هاي جيه..
-ما اكدر عندي شغل واجيت علمودج
اجيج والله ما اعوفج وان شاء الله اجيبلج
امي تشوفينها..
-رجعنا و لكيت اسر على نار هو من اطلع
هيج طبعه يضل يلوب لو يتصل عليه
كل شوي يكول خجلت من اخوج وما دكيت
عليج..
-ام مهاب كل شوي وكالت ورد وجهج
بشوفة اخوج جنتي كالبة الخلقة ذيج الايام
سماح عوجت حلكها ما عاجبها الحجي..
-كمت منهن ابد ما اريد اغث روحي بعد
بسببها طلعت اشوف فارس لكيتهم مسوين
كعدة بالحديقة و النركيلة و ضحكهم دعيت
الله يحفظهم الي هم فارس وهم اسر الي
الله عوض صبري و تحملي بي وصارلي
سند من بعد كل الخوف الي عشته ويا..
-للوحدة اسر صاح عليه.. فرشي لفارس
وراه طلعه من الصبح فرشتله و مهاب
بقى يمه..
-رجعت للغرفة اسر جان متمدد نمت بحضنه
هو كرصني من خشمي..
-اليوم ناسيه عندج رجال خلصتيها ويه اخوج
وما سألتي والله عمي طلعتي بذاته..
-بسته بشفته بخده.. انت حبيبي وهذا اخوي
صار شكد ما شايفته لا تغار منه..
-هو حضني.. نامي نامي اغار من اخوها
ضحكت ونمت..
-كعدت من الفجر لكيت فارس كاعد سلم
عليه وطلع واحس اخذ روحي ويا حتى
بجي بجيت واسر يحجي عليه..
-دخلت للغرفة اريد اصلي دك تليفوني
-رفعت الخط و اسمع صراح و بجي
حيلي نهد اريد احجي كلمة ما كدرت انطق
جسمي احسه نشل من الحركة وكلبي نقبض و
احس فقدت اعصابي اصرخ بعلو صوتي
و اضرب على وجهي كلهم اجوي على صوتي..
-مهاب اخذ الجهاز من ايدي.. شصار ريا..
-اسر ركض عليه حضني وهو بس يريد
يعرف شكو..
-كوه من بين شهكاتي حجيت اسر امي
امي موزينه هي واختي راح يروحن مني
اسر واني ما شايفتهن..
-هو يصيح عليه.. ريا لج شكو شبيهن
مهاب حجه بقهر.. مسويات حادث....
يتبع.....
بسبب الضغط ما كدرت اكتب اكثر
بس تستقر حالتي اعوضكم حبايبي..
لا تنسون التصويت و التعليق ع الفقرات❤️..
اللهم صل على محمد وال محمد❤️