يوم جديد، تبدأ فيه الدوامات، بالفصل الثاني
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الأحد
الصباح
ببيت البدر
قامت دانة من النوم بنشاط، اليوم اول يوم دوام لها بكلية الاداب، بعد م قدمت اوراقها وصارت مساعد محاضر علم نفس، طبعا اهي تخصصها علم نفس، ولأن خالها هاني مدير مدرسة رتب لها بوحدة من الكليات اللي يعرفهم
دشت واخذت شاور واحتارت شتلبس، بعدها لبست
حطت ميكب خفيف ولبست كعبها وشالت جنطتها ونزلت تحت
شافت بنت خالها رفيف اللي اليوم اول يوم دوام لها بالروضه بعد م اقنعوها، بس للحين خايفه
هاني بحنان: حبيبي ترا الروضة حلوه، وبعدين بتتعرفين على وايد بنات هناك بيكون عندج رفيجات
رفيف ببراءة: بس اهم عندهم ماما، انا مو عندي
هاني ضمها له واهو يتذكر شهد، زوجته وحبيبته، نزلت دمعته بغصه وو: وانتي بعد عندج بابا، وعندج عمتو دانة
دانة بلعت ريجها، شهد كانت حيل حبوبه والكل يحبها، وخالها كان يعشقها، مرت ٣ سنوات وللحين يتذكرها بكل شي،
قوت نفسها وراحت لهم بابتسامه: حبيبتي رفوف اليوم مع منو بتروح عمتو دانة، والا بابا
رفيف طالعتها وقعدت تفكر، وبعدها نطت بحضنها: ابيج انتي، عشان اقول لهم انج ماماا
هاني لف عنهم م قدر يتحمل، دانة حست فيه، وباست خدها: زين حبيبتي روحي حق لوسي تحطيلج سندويتشات وتعالي عشان نروح انا وانتي
ركضت رفيف بفرحة ووببراءة، ودانة راحت حق خالها
شافت دمعته نازله، ومسحتها بأصابعها: خلاص خالي لا تسوي جذي بنفسك
هاني: م اقدر دانة، اشوف برفيف شهد، براءتها وجمالها حتى تصرفاتها مثلها
ضمته بقوه: ادعي لها خالي، شهد محتاجة دعائك
ضمها له وباس راسها: م انساها، يلا روحي لا تتأخرين على دوامج، واذا م تقدرين تاخدين رفيف انا باخذها
دانة: لا خالو، اول بوصلها وبعدها اروح مو مشكلة
هاني بحنان: اوكي عيل ديرو بالكم، وكلميني اول م توصلين
باست خده: إن شاء الله،
طلع هاني وراح لدوامه، ودانة اخذت رفيف وراحوا مع بعض
ببيت الفارس
قامت من النوم بحماس، اليوم اول دوام بأخر فصل لهم بالثانوية، حيل متحمسة تشوف رفيجاتها
دشت تاخذ شاور، وطلعت لبست مريولها
وطلعت وراحت غرفة أختها اللي من جم يوم انتقلت لغرفة بروحها حسب رغتبها بعد موافقة فارس،
أبتسمت واهي تشوفها غرقانه بالنوم: لمى قومي
لمى مو حاسة فيها كلشش
سحبت الكَمبل وصرخت: لمووووه
فزت لمى بخرعة: يمااااا شصار منو مات
سما ماتت من الضحك: ههههههههه شنو منو مات، قومي م تبين تروحين المدرسة
لمى قامت وطقتها: اففف سموو شنو هذا
سما: يلا يلا قومي بسرعه
طلعت سما، ولمى تمددت وغمضت عيونها، وبعدها قامت بكسل وأخذت شاور ولبست مريولها ونزلت واهي للحين فيها النوم
بلعت ريجها واهي تشوف اخوها فارس قاعد اهو وسما ع الريوق، قالت بربكة: صباح الخير
فارس طالعها: صباح النور، ليش متأخرة
قعدت لمى: كنت قاعده اتلبس
فارس بحدة: اختج من الصبح قاعده وسوت الريوق، وانتي نايمه بالعسل
لمى سكتت وما ردت
فارس: سما اليوم لا تسوين شي، كل شي بالبيت عليها
سما باعتراض: بسس...
قاطعها بحدة: اظن سمعتي اللي قلته
هزت راسها بأيه، ولمى شوي وتبجي
قام فارس: يلا خلصوا وتعالوا، انطركم بالسيارة
طلع فارس، ولمى صرخت بقهر: شفتي اخوج
سما بهدوء: اخوج مثل م اخوي، وبعدين لمى يعني انتي م تعرفينه لازم تعاندين جذي
لمى قامت: افف خلاص قومي لا تقعدين تسوين لنا محاضره انتي الثانيه
سما هزت راسها وقامت وطلعوا مع بعض
بالجامعة
كانت قاعده بالكانتين، واهي تتأمل جامعتها، هذي ثاني سنة جامعية لها، م عندها رفيجات قراب منها، بس زميلات بالدراسة
قامت واهي تعدل نفسها، كانت لابسة
شعرها القصير اللي لين جتوفها، حاطته ع طبيعته الناعم وصايرة حيل كيوت
شافت ساعتها، وكان باجي ٥ دقايق ع المحاضره
رزان بشهقة: اففف شلون م انتبهت ع الوقت
قامت بسرعه وشالت جنطتها وكتبها، وراحت بسرعه
كانت بتروح بالاصنصير بس وايد زحمه وماكو معاها وقت، شافت مكان القاعه وكانت بالدور الثاني
قررت تصعد بالسلم اسرع لها
راحت بسرعه، وصلت للطابق الثاني، َوووو
رزان اخترعت: هئ
البنت تفاجأت: هئ اسفة اختي م شفتج
رزان بطيبة: لا عادي حبيبتي، بس انا كنت مستعيله وما انتبهت
البنت ضحكت: ههههه وانا نفسج
رزان تطالعها: اممم شكلج يديده هني
البنت بحيا: ايه اول يوم لي بهالجامعة، منتقلة من جامعة ديرتنا، والحين معاي محاضره ومو عارفة وين القاعة
رزان: وريني جدولج اشوف
البنت طلعت جدولها: هاج شوفي
رزان ابتسمت: حلوو امشي معاي لا نتأخر
البنت مشت معاها ومستغربة: شنو وين القاعة
رزان: انتي معاي بنفس المحاضره، امشي بسرعه لا يطردنا الدكتور، ماكو وقت
البنت ابتسمت ومشت معاها
دشو المحاضره، بس الدكتور طردهم لانهم متأخرين
طلعوا مع بعض واهم منقهرين منه
البنت: اففف هذا شفيه، م يسوا علينا ٥ دقايق
رزان ضحكت: ههههه خليه يولي زين، اصلا اول يوم م عنده شي مفيد
البنت: صج احنا من الصبح نسولف، م قلتيلي شسمج
رزان طالعتها: انا رزان، وانتي
البنت ابتسمت: وانا نهال
رزان: شرايج نروح نقعد بالكانتين
نهال: يلا معاج لاني ماعرف شي بهالجامعة
رزان: هههههه يلا
بكلية الآداب
دشت مكتب المعلمين، وقطت كتبها: اففف
وحدة من المحاضرات: ههههه شفيج
دانة: وااي صج تعب شنو هذا، ولا الدكتور م صدق اكون مساعدته حط كل شي على راسي
وحدة غير: حبيبتي لازم تتعودين جذي
دانة ابتسمت: شنسوي بعد، بس بعد شوي معاي محاضره مع الدكتور سعد، تعرفونه؟
الدكتورة شهقت: هئ حلفي مع الدكتور سعد
دانة: ايه ليش، لا تقولين عصبي بعد
الدكتورة: بالعكس رزة وجمال وكل البنات طايحين عنده، وفوق هذا حنون وما يرد اي احد
دانة: زين ريحتيني اهم شي مو نفس المصري
قطع عليها صوت الفون وابتسمت واهي تستأذن منهم
طلعت برا وردت: هلا خالوو
هاني: هلا فيج شلون اول يوم شغل
دانة: حلو، بس حده تعب، قطوني مع دكتور مصري وما صدق، حط كل شي علي واهَو قاعد
هاني: هههههه م عليه حبيبتي، جذي الشغل لازم تعب، صج شلون رفيف
دانة: ايه والله، لا تحاتيها، صج بالأول خافت بس بعدها راحت والمعلمة حيل حنونة واهتمت فيها
هاني براحة: الحمدلله، يلا عيل اخليجج
دانة؛ اووكي، بااي
سدت منه، وراحت لمكتب الدكتور سعد، لان ماكو باجي عن المحاضرة، وبعدها تروح معاه المحاضرة
طقت الباب، ودشت: السلام عليكم
د. سعد عقد حواجبه: هلا اختي
دانة طالعته وارتبكت من جماله: احم دكتور سعد؟
د. سعد: ايه نعم، تامرين بشي
دانة: انا مساعد محاضر دانة محمد
د. سعد واهو يشوف الاوراق، ابتسم وقام لها ومد ايده: يا هلا دانة نورتي، سوري بالاول ع بالي وحدة من الطالبات
دانة مدت ايدها بحيا: لا عادي دكتور
د. سعد: زين قعدي شوي، علما اخلص الأوراق اللي بايدي وبعدها نروح المحاضرة
هزت راسها وقعدت واهي متوترة حيل
بالمالديف
كان الوقت معاهم ظهر، وكانوا طالعين للمطعم يتغدون مع بعض، ريماس كانت لابسة
سعود حاط ايده ع خده ويتأملها، صار لهم اسبوع من تزوجوا بس مو قادر يمل من جمالها، يحس كل يوم تحلى اكثر
ريماس بحيا واهي ملاحظة نظراته: سعود خلاص
سعود: والله مو قادر، انتي شنوو قوليلي، شخليتي من الجمال للباجين
ريماس مسكت ايده: هذا الجمال بس لك حبيبي
سعود تنهد واهو يحط ايده ع قلبه: اااه ي قلبي
ريماس ضحكت عليه، واهي حيل مستحية من حركاته وكلامه
سعود طالعها بتأمل وو: ريماس
رفعت عيونها له: هلا
سعود بجدية: تحبيني؟
ريماس بلعت ريجها بحيا وبهمس: ايه
سعود: قوليها ريماس وريحي قلبي اللي ميت فيج
رفعت عيونها وطالعته، واهي صج تبي تقولها له من قلبها، مع انها م توقعت تحبه بفترة قصيرة: أحبك سعود
سعود صرخ بصوت عالي: ي روووح سعود انتي
ريماس حمرت خدودها لأن كل اللي بالمطعم طالعهم
سعود ضحك ومسك ايدها: ومتى ناويه ترحميني
ولعت من الحرارة واهي تدري شقصده، من اول ليلة لهم واهو مو قادر يقرب منها بعد اللي صار بأول ليلة لهم ليما اهي تبدا بروحها وتكون مستعدة، وريماس مو قادره تبدأ حيل تستحي منه: خلاص سعود
سعود ابتسم ع حياها، ومستعد يصبر اكثر دام واثق من حبها له، وهذا اهم شي: ههههه خلاص حبيبتي
بعدها وصل الغدا وقعدوا يتغدون، وسعود للحين يحرج ريماس وميت ع حمرة خدودها
بمدرسة الثانوية
بنهاية الدوام
بالقسم العلمي
سما كانت قاعدة تسولف مع رفيجتها شوق
سما: وااي حدي اشتقت لج شوقوه
شوق: ههههه وانا اكثر حبي، تدرين اني اكره المدرسة بس لما اكون معاج اموت فيها
سما بضحكة: ههههه ايه صدقتج
قطع عليهم صوت فطوم رفيجتهم: هااي بنات
قاموا يسلمون عليهم واهم يضحكون
سما: امبيه فطوم شحقه متأخرة اليوم
فطوم بلا مبالاة قعدت: افف م قدرت اقوم من النوم، صراحة تعودت ع العطلة
سما: ههههه لو معاج اخو مثل فروس، م بتعرفين طعم النوم
شوق حطت ايدها ع قلبها: وه فديته بسسس
فطوم: وييع انتي على منو ميته، على فروس
سما طقتها: حرام عليجج
فطوم: جب انتي تدافعيين عنه بعد
شوق: هييي الا فروس م اسمح لج
فطوم: ابي أعرف انتي على شنو ميته علييه
شوق بحالمية: رزة وكشخة ورتبة، ااه فديت العسكري
سما وفطوم: هههههههه لا هذي رايحة فيها
كملوا سواليفهم واهم حيل مستانسين باللقاء
بالقسم الادبي
كانت قاعده بملل، اليوم رفيجتها مو حاضره
قطع عليها صوت: هاااي لمويتي
لمى بعصبيه: انتي وبعدين معاج، قلتلج لا تيين صوبي
قعدت يمها: انتي ليش تكرهيني جذي
لمى: ياخي م اطيقج خلاااص وخري عني
سوسن بغيرة: ايه لو ريمووه هني م قعدتي جذي
لمى: وانتي شلج هااا شكو فيني وفيها
سوسن: انا ابيج تكونين رفيجتي، شفيني اناا
لمى: سوسن خلاص روحي
سوسن بجت: حرام عليج لمووي، ليش تسوين جذي
لمى تنهدت، سوسن من اول م دشو هالمدرسة واهي تحاول تتقرب منها، بس رفيجتها ريم تقولها لا تحتك فيها لانها عليها سوالف وحركات واهي م تحب جذي
بس حيل كسرت خاطرها: اممم خلاص سَوسن
سوسن مسكت ايدها: ادري تسمعين عني كلام مو زين، بس صدقيني انا مَو جذي
لمى ابتسمت لها: خلاص سوسن قومي نروح برا
سوسن استانست: يسس يلا
لمى ابتسمت لها، وتحس انها ظلمتها وراحَوا مع بعض
بمكتب المحاماة
كان قاعد واهو مركز بشغله وبالقضية اللي معاه
قطع عليه صوت صراخ، عقد حواجبه بازعاج م يحب يشتغل جذي يحب يكون المكان هادي
بس زاد الصراخ، وتضايج وقام من مكتبه وطلع
شاف واحد من المحامين: شصاير ليش هالصراخ
المحامي رد عليه: مادري شصاير
راح المحامي، وفواز قرب من الصوت، وفجأة طلع من واحد من مكتب المحامية لولوة ومبين انه معصب
طق المكتب ودش، وتفاجأ واهو يشوف لولوة تبجي
فواز راح لها: لولوة شصاير، منو هذا
لولوة ببجي: طليقي
فواز تفاجأ حيل، لان مبين للحين صغيره: شيبي
لولوة: يبي ياخذ ولدي مني بعد هالعمر
فواز: شلون ياخذ ولدج لعبة اهي
لولوة تبجي: مو قادره ادافع عن نفسي، انا اللي ادافع عن كل الناس مو قادره ادافع عن قضيتي
فواز مسك ايدها: خلاص لولوة لا تسوين جذي، اكيد راح نلاقي حل، بس قوليلي ليش ياخذه وليش طلقج
لولوة تنفست عشان تهدي نفسها ووو: أهلي زوجوني من لما كان عمري ١٨ سنة، كنت مو فاهمة للحياة، اهو اكبر عني ب ١٠ سنين، وايد كانت بيننا مشاكل وانا بحكم صغري كنت م اقدر اتحكم بأي شي، حملت منه ويبت ولد، وبعدها كثرت بيننا المشاكل، وطلقني بعد م تعلقت فيه
ربيت ولدي بروحي، ودرست قانون عشان بس أدافع عن اللي يصير لهم مثلي، واليوم بعد ٥ سنوات وبعد م كبر ولدي ياي يهددني يا ارجع له او ياخذ ولدي، قولي شسوي شسوي
فواز: خلاص لا تحاتين واذا تبين انا راح اخذ القضية
لولوة: لا فواز مابي اسبب لك مشاكل، راح ادافع عن نفسي واخذ حقي منه
فواز هز راسه: زين خلاص لا تبجين
لولوة مسحت دموعها: مشكور فواز
فواز ابتسم: على شنو، سمعي اي شي يصير معاج قوليلي، واذا تعرض لج باي مكان بلغيني
لولوة ابتسمت له: ان شاء الله
بالجامعة
كانت رزان قاعده بروحها بعد م خلصت محاضراتها، تنطر باجي البنات عشان ترجع البيت
نهال شافتها من بعيد وراحت لها: رزان شتسوين للحين قاعده مو قلتي انج خالصة محاضرات
رزان: ايه بس تدرين انطر الباص والبنات للحين م خلصوا
نهال؛ مو من صجج قاعده من ذيج الساعه، قومي قومي اوصلج بطريجي
رزان بحيا: مابي اكلف علييج
نهال؛ شدعوه رزوون، يلا قومي بس
قامت رزان وشالت اغراضها وصعدت مع نهال بسيارتها
نهال: ايه صج م قلت لج، حذفت وحدة من المواد، وحطيت جدولي مثل جدولج بالضبط عشان م نفترق
رزان اللي ارتاحت حق نهال من اول م شافتها: زين سويتي،
نهال: هاا ومن يوم رايح انا اشيلج واييبج
رزان: لا نهال شنوو...
نهال: جب جب اصلا م صدقت الاقي رفيجه مثلج، والله م اهدج
رزان: ههههههه حبيبتي والله
نهال ابتسمت: يلا دليني ع الطريج، تدرين ماعرف وايد أماكن بهالمنطقة
رزان: ولا يهمج، واذا تبين بمشين بكل مكان
نهال: ايه ابي اكيد، واصلا بالويكند بيي معاج، ابي اعرف عنج كل شي سامعة
رزان: ههههههه من عيوني
نهال بمززح: واااي احبج
رزان: ههههه شدعوه عليج من اول يوم حبيتيني
نهال: ايه حبيبتي شعبالج، وبعدين اللي ينحب من اول ساعة بعد مو محتاج وقت وايد
رزان ابتسمت: وانتي الصاجة، تصدقين انا م عندي رفيجات وقراب وما اكون صداقات، بس انتي مادري شسويتي فيني
نهال بغرور: حبيبتي انا نهال، اجذب اللي م ينجذب
رزان طقتها: هههههه ترا مو لايق عليج الغرور
بعدها وصفت لها بيتهم، ووصلت
رزان: ايه بس هني، كاهو بيتنا، مشكورة حبيبتي
نهال: ولوو قلبي، باجر بمر عليج لا تروحين اوكي
رزان: إن شاء الله
نهال: وصج بدق عليج كل وقت
رزان: ههههههه اوكي، يلا باي
نهال: هههههه باي حبيبتي، بعد م دشت رزان،،
نهال راحت بيتهم واهي مستانسه من اول يوم وانها تعرفت على رفيجة وتتمنى يصيرون اكثر قراب
وصلت بيتهم، ودشت...
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
نتعرف على نهال وعائلتها (عائلة العلي)
( بيت مكون من دورين، راقي حيل وفخم، وله حديقة كبيره ومسبح كبير)
أم نهال: هندية، تزوجها بو نهال وبعدها طلقها بعد م صارت بينهم مشاكل واهي سافرت الهند
أبو نهال: متوفي من سنة، وكان معاه شركات وأموال،
رائد اخو نهال: عمره ٢٥ سنة، خريج إدارة اعمال، مسك شركات ابوه بعد وفاته، حنطاوي ووسيم ومعضل وطيب حيل، اخته نهال عنده بكل الدنيا
نهال: عمرها ٢٠ سنة، حلوه وكيوت فيها جمال هندي على امها، شعرها اسود لين خصرها، جسمها حلو وطويله، تخصصها اقتصاد نفس رزان، وتموت ف اخوها رائد
منتقلين من اسبوع من منطقة ثانيه، بحكم شغل اخوها بالشركة اللي بهذي المنطقة وراح يستقرون هني، واهي سجلت بجامعة يديده،، اللي اهي نفس جامعة رزان
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
دشت البيت وشافت رائد اخوها قاعد بالصالة ونطت عليه بقوه وباست خده: رئوووودي
رائد تفاجأ: ويعه إن شاء الله كسرتيني
نهال بدلع: كييفي، وبعدين انا خفيفة
رائد ضحك: ههههه والله اللي يشوفج الحين م يقول انج هذيج اللي الصبح مبوزة وما تبي تداوم
نهال واهي تلعب بشعرها: تدري ليشش
رائد: لا والله مادري،
نهال بحماس: صار عندي رفيجة، قمر قمر وهاديه حيل وتنحب
رائد: اففف اف مسرع شفتي كل هذا فيها
نهال قامت عنه: والله عاد كيفنا، المهم بروح أبدل وبنزل نتغدا حدي تعبانه ويوعانه
رائد: هههههه زين روحي
العصر
ببيت الفارس
قامت سما من النوم، بعد م اخذت غفوة اول م ردت من المدرسه، اليوم حيل استانست مع رفيجاتها اللي م التقت معاهم من شهر، وطبعاً مع فارس م يصير يكون عندها فون بالمدرسة، يعني م قدرت حتى تتواصل معاهم
ابتسمت بكسل، وقامت خذت شاور، طلعت ولبست
نزلت تحت وما شافت احد
دشت المطبخ، وحست ان بخاطرها كيك
جهزت المكونات، وقعدت تسويه واهي تغني ومتحمسة
دش فارس وعقد حواجبه: سما
سما تفشلت: احم هلا فارس
فارس: من تخلصين، روحي المجلس ونظفيه الحين بيي رفيجي، وبعدين سوي قهوه
سما هزت راسها: ان شاء الله
طلع فارس وسما طقت نفسها بفشلة، وقعدت تكمل كيكتها وبعدها سوت بخور، وراحت تنظف المجلس
حطت البخور، وقعدت تنظف المكان بروقان
كان ببالها اغنيه، بس م قدرت تغني تخاف لا يطب عليها فارس مره ثانية وتتفشل
نظفته وشالت الاوساخ، وصار المكان نظيف وريحته حلوة
ابتسمت واهي تطلع، شهقت واهي تحس انها صدمت بشي قووي، رفعت راسها وانصدمت....
انتهى