1. اللهم انك عفوٌّ تحب العفو فاعف عنا.
2. اللهم اعتق رقابنا من النار.
3. اللهم بلغنا ليلة القدر.
4. اللهم صل وسلم على نبينا محمد.
5. سبحان الله وبحمده سبحان الله العظيم.
6. استغفر الله واتوب اليه.
7. اللهم اغفر لي وارحمني وارزقني.
صلوا على من جثي على ركبتيه يواسي طفلا عصفوره مات ⚡🌸
اخذت ترمش باهدابها لدقائق كي تتعود على اضاءه الغرفه اخذت تفتح اعينها ببطئ وجدت نفسها في المشفى ويجلس آدم على الاريكه التي بجوار الفراش شعرت بآلام تفتك برأسها
تحاول أن تتذكر ماذا حدث لكن لا تتذكر شئ ثواني اخذت تتذكر كل شئ تدريجياََ عندما أخذهم آدم لكي يشتروا الأشياء ثم ذهب لكي يجلب لها شئ وأتت الرساله على هاتفه تذكرت خيانته لها كيف يفعل هذا........؟! هل كل هذا كذب........؟!
اخذت تنفي برأسها بعدم تصديق تناسبت دموعها بشده وشهقاتها تملئ ارجاء الغرفه
انتفض آدم من مكانه ركض إليها وتحدث بلهفه / مالك يا حبيبتي.......حاسه بحاجه......... انادي الدكتور
انتحبت ملاك باكيه /خايف عليا يا خاين مااشي يا آدم انا هعرفك ازاي تخني ثم اكملت حديثها هي تصرخ بألم / طلقنييييييييييي
نظر لها آدم بصدمه من جنونها ثواني انفجر من الضحك
نظرت له بدهشه على ماذا يضحك هذا المجنون.....؟!
تحدثت بغضب جامح/ بتضحك على اي يا خاين بتقولك يا بيبي بنت المقشفه الله يرحم ابوها كان بيشرب الشوربه بخرطوم الغساله يا بتاع الستات يا معفن
ضحك آدم بصخب وتحدث من بين ضحكاته /لا انتي مجنونه فعلا.............. خرطوم الغساله
هدأ من نوبه الضحك غمز لها وتحدث بمشاكسه / احمدي ربنا اني بتاع ستات
ضحكت ملاك بشده وتحدثت بمزاح /اه يا ريمبوو يا وسخ
تحدث آدم بمرح وهو يجذب الكرسي ويجلس بالقرب من الفراش / مش قولتلك
ضحكت ملاك ثم شهقت بفزع وتحدثت بصراخ / دانا نسيت تعالي هنا يالاا
ثم امسكته مثل اللص من ملابسه واكلمت بصراخ /بقا بتخني يا ابن حنان لو مفكر انك ثبتني بضحتك الحلوه دي لا انسا يابا وبتقولك يا بيبي دانا ذات نفسي لسا مقلتلكش يا بيبي عااااااااااااااا
وضع آدم يده على أذنه من شده صوتها المزعج
ثم صرخ بها /بسسسسس يا بنت المجانين في اي
تحدث ملاك بسخريه وهي تلعب بأظافرها / لا عاددي يا بيبي بس بتخوني
تحدث آدم بسخريه أكثر/ومين قالك اني يخونك اصلا
تحدثت ملاك باستهزاء/ شوفت بوداني وسمعت بعيني
هتف آدم ببرود / انتي عبيطه يا بت علفكرا بقا دي كانت خطتي انا و مازن بنعمل فيكي مقلب
تحدثت ملاك بغضب وشرار يتتطير من اعينها / يا برودك يا آخي بتعمل فيا مقلب شوف أخرت المقلب الأسود مركبيلني حاجات بتمص دمى
ضحك آدم بصخب وهتف/ بتمص دمك اي انتي كمان دي كالونا يا حبيبتي وبعدين مكنتش اعرف ان قلبك خفيف كده
تذكرت ملاك شئ وشهقت بفزع و تحدثت بخوف / آدم البنات فين
عقد آدم حاجيبه بتعجب وهتف بأستغراب /مالك يا بت هما برا مع الشباب
تحدثت ملاك بلهفه / نادلهم واطلع برا
رفع آدم حاجبه أدركت ملاك الموقف وتحدثت مصححه حديثها / قصدي يعني ورينا عرض كتافك تلعثمت في الحديث ثم تحدثت بصراخ / ما تزفت تخرج وتنادلهم
نهض آدم سريعاََ وغادر الغرفه وهو يتمتم ببعض الكلمات
بمجرد ما خرج آدم نهض الجميع بسرعه وتحدثت بطوط بخوف ووجهها محمر من شده البكاء / ملاك مالها هي كويسه
تحدث آدم بضحك / كويسه زي القرده جواه اهي ثم اخذ يقلد ملاك / ماتزفت تخرج وتنادلهم
تحدث فهد بضحك / حتى وهي عيانه مش طايقه نفسها
تحدث عمر بلهفه وخوف لا يدري من أين أتوا / آدم هو انا ممكن اخش اشوفها
تحدث مازن بأستغراب / ممكن اي الآدب ده ياض
تحدث آدم ببسمه / البنات بس يخشوا الأول وبعدها شوفها
اومأ عمر بإيجاب ثم دلفوا الفتيات بمجرد ما دلفوا تحولت ملامح آدم الي غضب وشر وكور قبضه يده وعيناه حمراء من شده الغضب
هتف بهدوء مرعب / فهد وصلت للرقم
تحدث فهد بخفوت وبعض الخوف يعلم أن صديقه لن يصمت / لا الخط متشفر
تحدث آدم بعصبيه وعروق يده بدأت تبرز/ فهدد انت هتخيب اي متشفر ده من امتى بتقف قدامك حاجه زي دي
تحدث أحمد بهدوء/ آدم اهدي احنا في المستشفى في ناس تعبانه
تحدث مازن وهو يفكر في شئ / الحكايه دي وراها انّ
تحدث عمر بتساؤل / هو انت قولت اي لملاك
تحدث آدم ببرود / قولتها ان انا ومازن بنعمل فيها مقلب
تحدث مازن بحسره / يلهووي ملقتش غير مازن البت مش طايقاني لوحدها
وكزه احمد بجانبه ونظر له بتحذير
تحدث آدم ببرود / بتقول حاجه يا مازن
تحدث مازن بخفوت / لا ولا حاجه يا كبير بمسي عليك
بينما في الداخل بمجرد ما دلفوا الفتيات تحدثت ملاك بخوف / اوعووا يكون عرف
تحدثت شمس نافيه / لا هو اصلا اول ما خرج الدكتور دخل الاوضه جري
تحدثت نور بدموع / بس الدكتور بيقول ما ينفعش نستنى اكتر من كده لازم تعملي العميله
تحدثت بطوط برجاء وبكاء / عشان خاطري اعملي العمليه
تناسبت دموع ملاك بصمت وتحدثت بجمود / انسوا انا مش عامله عمليات الي كتبه ربنا هيكون
تحدثت بطوط بغضب / انتي انانيه انتي مش بتفكري فينا ليه هااا عارفه ليه عشان انتي انانيه
نظرت لها ملاك بصدمه هل هي انانيه حقاََ........!!؟
هي تعلم أن نسبه نجاح العمليه ضئيله لا تريد أن يتعذب احد بسببها هي خائفه ان تمووت لكن لا لن تفعل العمليه
حاولت شمس ان تهدء بطوط وهتفت / اهدي مينفعش الكلام ده هنا هي تعبانه دلوقتي
نظرت لها ملاك بعتاب ولوم وهتفت بوجع / سبيها تتكلم على مزاجها انا فعلاََ انانيه
تحدثت نور بدموع وصراخ وهي تضع يدها على اذنها / بسسس كفايه انتي وهي ملاك مش هتمووت ملاك كويسه مش هتسبني لااااااا
انتفضت الفتيات من مكانهما حاولت ملاك ان تنهض لكن لن تستطيع بسبب المصل اخذت تلعنه في سرها
حضن كلاََ من شمس وبطوط نور واخذوا يهدؤنها
بعد دقائق هدأت نور ثم بعدت عن احضان شمس وبطوط وذهبت الي ملاك وارتمت بأحضانها اخذت تبكي وتنتحب على اختها هما تربوا معاََ منذ الصغر لا يمكنها ان تتخيل انها سوف تفقدها الي الابد
دق باب الغرفه ازالوا الفتيات دموعهم سريعاََ اذنوا للطارق بدخول دخل آدم والشباب
نظر مازن الي ملاك بخوف وهو يحاول ان يختبئ خلف أحمد
ذهب عمر في اتجاه ملاك بخطوات سريعه وتحدث بلهفه / انتي كويسه فيكي حاجه
نظرت له ملاك بحب اخوي فهي تعتبره أخيها تحدثت بمزاح / انا كويسه انشف ياض شويه
نظر لها عمر بضيق وهتف بغيظ / غورري يا به بت فصيله
تحدث فهد بمزاح / ابو الملاليك عامل اي
تحدثت ملاك بسخريه ثم أخرجت لسانها له/ احسن منك هقهقهق
هتف فهد بغيظ / انا غلطان اصلا اني سألتك بت بارده
كاد احمد ان يتحدث قاطعته ملاك وتحدثت بمرح / والنبي ما انت مكمل انا كويسه وزي الفل فل ولا ياسمين هقهقهق
ضحك آدم بصخب وهتف / بتغني وترد علي نفسها
ابتسمت ملاك بشر عندما لاحظت مازن الذي مازال يختبئ خلف احمد
تحدثت ملاك بخبث / اطلع يا مازن متخفش مش هعمل حاجه الي حصل حصل
اخرج مازن رأسه فقط وتحدث بشك / مش مستريحلك وبعدين اي يا بت الحنيه والطيبه دي من امتى
تحدثت ملاك ببراءه / تؤتوتؤتؤ انا حنينه طول عمري
خرج مازن من خلف احمد واخذ يعدل من ملابسه وتحدث بثقه / علفكرا بقا انا مكنتش خايف
تحدثت بطوط بسخريه / واضح اووي
هتف مازن ببلاهه / يخريبت حلوتك
تحدثت بطوط بقرف / يخريبت تناحتك
ضحك الجميع ثم اتي الطبيب وقال لا داعي للبقاءها ويمكنها الذهاب ذهب الجميع الي منزل ملاك
في مكان ممتلئ بالخبث والكره صدع صووت ضحكات انتصار وشر
تحدث طارق باستمتاع / ولسا يا ابن السيوفي لما تشوف المفاجأه الكبيره
تحدثت المجهوله بتساؤل / اي هي المفاجأه دي
غمز لها طارق وهتف بخبث شديد / اديكي قولتيها مفاجأه لو قولتها مش هتبقى مفاجأه اعرفيها مع الباقي
تحدثت المجهوله بكره / اما اشوف اخرتها معاك بس اهم حاجه اشوف آدم مكسور ومذلول
تحدث طارق بغموض وكره / متقلقش بذات في الحته دي بستنى اليوم ده بفارغ الصبر
دلف أيمن وعلى وجهه علامات الفرحه والخبث
تحدث ايمن بخبث / كله تمام يا بوص
ضحك طارق باستمتاع واخذ يتذكر ما كلف ايمن به
F. B
كان أيمن يختبئ خلف أشجار الزينه التي تتواجد في المول وامامه الفتيات
مسك هاتفه واتصل بشخص بمجرد ما أعطى آدم الهاتف الي الملاك
تحدث أيمن بتساؤل /هااا انفذ يا بوص هما قدامي وآدم مشي وسابهم
تحدث طارق بغموض / اهم حاجه تلفون آدم فين
اخذ أيمن يدقق في يد ملاك وجده هاتف آدم هتف بسرعه / مع ملاك
ضحك طارق بخبث وهتف/ كويس اووي كده ده انا لو متفق معاه مش هيبقى كده نفذ
تحدث أيمن بغموض / تمام يا بوص
أغلق المكالمه واخذ يبعت رساله لهاتف آدم وكانت
( احنا هنخلص منها امتي بقا يا بيبي انا زهقت)
ارسلها وأغلق الهاتف وكسر الخط ثم ابتسم بمكر عندما رأه ملاك تسقط مغشياََ عليها ثم ذهب
B
تحدث أيمن بغموض وخبث/ ما ننزل بالتقيل يا كبير
تحدث طارق بمكر وغموض / تؤتؤ خليها لليله الكبيره لازم نوجب معاه برضوا في ليله فرحه هو آدم السيوفي بيتجوز كام مره يا جدع
ضحك ايمن بصخب وهتف / على رأيك
نترك هؤلاء الذي احتل الحقد والكره علي قلوبهم التي من المؤكد نهايتها الهلاك...............
ومضي عدت ايام وآدم يحاول ان يعنف نفسه ويقنع نفسه ان يفعل مايريد مرت عليه الايام بعذاب القلب والذي يهون عليه كل هذا رؤيته لاميرته معشوقه فؤاده عندما يري ابتسامتها ينسي العالم بأكمله وفهد الذي يريد ان يخبر نور بحبه له لكن يخشي ان تكسر قلبه او تكرهه بعدما سيفعله آدم ونور التي لاتعرف هل هذه الممشاعر حب ام ماذا وتخشي ان يكون فهد مثل يوسف رغم ان فهد عكسه تماما لكن تشعر ان هناك شئ ما ومازن الذي يشاكس بطوط ويستفزها وهي الاخري دائما تستفزه وفي مشاجرات مع بعضهما البعض وعمر وتلا عمر الذي يحبها نعم يحبها ولكن يحاول يقنع نفسه انها اخته ماذا لو اعترف بحبه ورفضت حبه سوف يخسر اخته ومعشوقته في وقت واحد آااه لايحتمل كل هذا وتلا هي الاخري التي لاتعرف ماذا يحدث لها عندما تراه واحمد الذي لايريد الاعتراف بحبه يخشي ان تكون مثل حبيبته السابقة وتكسر قلبه هي الاخري لن يحتمل ان يحدث هذا مره اخري وشمس التي اعترفت لنفسها انها فعلا تحبه فهل ستأخذ خطوه) واخيراا يوم حنه ملاك وآدم هييييه
البنات في غرفه ملاك يستعدون للحنه
تحدثت ملاك وهي واقفه علي الكرسي تغني وترقص/بدنا نولع الجو والجو يولعنا نسهر لطلوع نحنا واللي معنااا
تحدثت بطوط بنفاذ صبر/يابت اهمدي بقا خليني اخلص
لم تهتم ملاك لكلامها واكملت/ألك انا ياريت بنضيع درب البيت إلللك انا ياريت بنضيع درب البيت والبيت يضيعنا
تحدثت نور تغني/ياقلبي ضل سهار وغني ليل نهار
تحدثت شمس تغني بفرحه/ياقلبي ضل سهار وغني ليل نهار عيش الحب وضلك حب خلي السهره تشرقط ناار
تحدثت تلا/نحنا سهرانين ماتسأل نحنا معين آه نحنا سهرانين ماتسأل نحنا مينن بدنا نرقص بدنا نغني دنا نبقي مبسوطين
تحدثت بطوط/والنبي ياحجه نانسي الجو والع لوحده
تحدثت نور بفرحه كبيره /هيصاااا حنه ابو الملاليك لولولولولولولولولي
تحدثت شمس يكاد قلبها يطير من مكانه/عليا الطلاق لأعملك احلي حنه وهنعمل عظمه يااااابا قالت الاخيره بصوت مرتفع
تحدثت بطوط بفرحه لاتوصف ومزاح/مبرووك ياقلبي احلي عروسه اوعي تنسينا لآجي اقعد علي قلبكوا وانتي عرفاني رخمه
تحدثت تلا بفرح تشعر انه حلم يتحقق هل سيتزوج شقيقها انه اسعد يوم بالنسبه لها فهي تحب آدم كثيررا/انا مش مصدقه نفسي انا طايره من الفرحه
تحدثت ملاك بمزاح /اللي يشوفك يقول انتي العروسه
تحدثت تلا بفرحه /تصلك متعرفيش آدم كان رافض فكره الجواز وعمري ماشفته بيضحك من قلبه غير معاكي
تحدثت بطوط بمزاح /ايه داه هو آدم بيضحك زي البني آدمين العاديين انا افتؤجئت
شهقت ملاك ونحدثت بتردح/وماله ادم يعنيا دا ضحكته قمر ياحبيبتي
تحدثت شمس /هو دا بيضحك اصلا اتوكسي
تحدثت تلا بنرفزه/اهدي يماما انتي وهي ورشوا مياه كدا عشان مزعلكوش
تحدثت نور بمزاح /هي مش البت دي كانت كييوت اي اللي حصل
دقائق واشتغلت الموسيقي
اخذوا يرقصون تحدثوا في صوت واحد/واخد حبوب جراءه راءه راءه ومقطع البطاقه طاقه طاقه
تحدثت ملاك بصوت عااالي/واخد جراءه مقط قطع البطاقه دخولي رايق انا بسبب حرايق
فجأه تغيرت الاغنيه تحدثت بطوط بصوت عالي و بغضب/مين ابن الجزمه اللي غير الاغنيه بعد ما اند...... ابو احمد خدني الكوافير
تحدثت تلا وهي ترقص/ابو احمد دفعته كتير ابو احمد
تحدثت ملاك تغني وهي تقف علي الكرسي/ابو احمممد عينلي شوفير ابواحمد شقته عالنيل ابو احمد فتح التلاجه
تحدثت ملاك ترقص /ابو احمد ملقاااش فيها حاجه ابواحمد اقفلها وراك ابو احمد اطلب من ماااك
فجأه اغلقت الأغاني
تحدثت ملاك بضيف/يديني عالفصلان مين الللي طفا الاغااااااااااااني
دخلت مني عليهم وتحدث /وطي صوتك يابقرره في ايه دا العيال بيظبطوا الكهربا وبعدين اخلصوا انتوا عمالين تتمايصوا ومخلصتوش
وضعت بطوط يدها علي خصرها وتحدثت /بنتمرقع ايه منتمرقعش
تحدثت مني بغضب/اخلصي يابنت الجزمه منك لها خمس دقايق الاقيكوا خلصتوا
همست تلا لملاك بخوف/يالهوووي امك شكلها هتتحول
تحدثت نور بهمس/لا متقلقيش هي كدا علطول
تحدثت شمس بمزاح واعتراض/لاخمس دقايق دي لو عروسه بلاستيك انما دي بنتك ياحجه
تحدثت ملاك/واهدي كدا وبطلي صيااح
تحدثت مني بعدم فهم/ اييه
تحدثت بطوط/بس يانرم
قذفت مني سلاح الامهات الشهير ابو ورده في وجهها انخفضت بطوط وجااء في وجه ملاك
وضعت يدها علي وجهها وتحدثت بألم وتذمر/اععععععع والله ياجدعاان حرام انا عروسه احترموني شويه
تحدثت نور بمزاح /ودي أشكال حد يحترمها غوري
تحدثت مني بضحك/يلا اخر شبشب و مش هنشوف وشك تاني
تحدثت ملاك بمزاح /لا دا انا هجيبوا ونقعد معاكوا هنا علي قلبكوا
تحدثت بطوط بمشاكسه /علي اساس اننا بنطيقك اووي دا احنا ما صدقنا نخلص منك
تحدثت ملاك بمزاح /بتمووووت فياا
تحدثت مني/يلا يا اختي انتي وهي خلينا نخلص وتركتهم وزهبت
انتهوا من اللبس وخرجوا اليهم وظهروا كملكات جمال حقا يخطفون الانظار كانت ملاك ترتدي فستان احمر قصير قليلا يناسب بشرتها وحذاء اسود بكعب وتلا ترتدي فستان قصير لبني رقيق وشمس وبطوط ترتديان فستانان متشابهان باللون الاسود ونور ترتدي فستان سيموني يدخل فيه اللون الازرق الغامق المائل للسواد و حذاء اسود
تحدث محمود بإنبهار/اللهم صلِّ عالنبي هتتحسدوا قمرات مشاء الله
تحدثت نور بغرور/طبعا طول عمري مزه
تحدثت شمس بغرور/اوماال يابنتي احنا ابطال
تحدثت تلا برقه/شكرا يا اونكل
رفعت ملاك شفتها وتحدثت /اونكككل الله يرحم والله وبقا يتقالك اونكل يامحمود ابسط ياعم
تحدث محمود بمزاح /بس يابنت الكلب دي تقول اللي هي عيزااه
تحدث كريم بمزاح /انا مش مصدق يجدعان في بيتنا كائن رقيق
تحدثت بطوط /لا البيت دا طاهر وهيفضل طول عمره طاهر
تحدث ادهم بتوسل وحسره مصطنعه/منكوا لله مش سايبين حد فحاله بت يا تلا خليكي كيوت والنبي
تحدثت شمس/والنبي اتلهوا فاللي بتعملوا لتتكهربوا وتتحسبوا علينا بني آدمين
تحدث ادهم بتوعد/بس اما انزلك ياكلب البحر
تحدث كريم يطمأنها/عيب عليكي هي اول م... ولم يكمل الجمله واتكهرب واخذوا يرتعشون احضر محمود بسرعه لوح خشب وابعدهم عن الكهرباء بينما الفتيات منفرشين عالارض من كثر الضحك
تحدث ادهم بألم/آااه اضحكوا اضحكوا ياللي معندكوش دم
تحدث كريم بوجع/وانتي ياست ملاك دا احنا متمرمطين عشانك وبتضحكي كنت همووت
تحدث محمود بسخريه /يعني كان لازم تتشملل اوي يا اخوياا
تحدثت نور بشماته /شكلكوا ويحيييييش
تحدثت ملاك بمزاح وتغني/فنله قطونيل يا هواا تلفها لفه جاتووه
جاءت مني وتحدثت/ينهاركوا اسود انتوا لسا مخلصتوش ولا انت وهو اخلصوا قبل ما البنات تيجي
تحدث كريم/اي ياحجه مني حرام احنا متكهربين اي الجبروت دا ياشيخه
تحدث ادهم ببلاهه/طب وفيها اي لما ييجوا
تحدث كريم يفهمه/ياغبي عشان ييجوا يلاقوا كل حاجه خلصاانه ونهيص براحتنا
تحدثت مني بنفي/لا ياحبيبي مفيش الكلام ده عايزاكوا تخلصوا عشان مش عايزه المحكوا فالبيت لما البنات ييجوا
تحدث كريم بتذمر/ليه أنشاءالله
تحدثت مني/عشاندي حنه بنات يا اذكي اخواتك
تحدث ادهم بتوسل/والنبي يامني انا عايز اتفرج انا اصلا طالع عيني عشان اتفرج
تحدثت ملاك بصدمه مصطنعه/اه ياوااطي اخويا وانا بعمل عشانك وفالاخر عايز تتفرج اتفو
تحدث محمود بمزاح/تتفرج علي ايه يا ابن الاهبل هو فرح خالتك
تحدث كريم بإعترااض/لا ماهو احنا منتعبش عالفاضي
تحدث ادهم بتوسل واستعطاف/طب بصوا هنقعد فالاوضه جوا مش هنعمل صوت والله
تحدثت مني/هي كلمه واحده برااااا
تحدثت شمس تمثل البكاء/يااه الدمعه هتفر من عيني
تحدثت تلا بمزاح/يعيني دا انتوا حالتكوا صعبه اوووي
تحدث ادهم بحسره/سناجل يا اختاه وليل نهار بوزنا فبوز العساكر دول
تحدثت نور بتوعد/احنا عساكر يا ابن الجزمه بنااات هجووم ولا اقولك بعد الحنه
تحدثت بطوط بأقتراح/روحوا عند آدم حنه الولاد
تحدث كريم بخيبه امل/هنروح نعمل ايه انشاء الله نشقط ولاد
تحدثت تلا بتذكر/بيقولوا في رقااصه
شهقت ملاك وتحدثت/ينهاار ابوه اسود رقاااصه
تحدثت شمس بمزاح/احنا كدا نحتسب آدم عند الله من الشهداء
تحدث ادهم لكريم/يلا نجهز عشان نروح لادم حبيبي
تحدثت ملاك بمشاكسه/ياعم غوور بقا ومتقرفناش
ذهب اليها ادهم وقبل راسها وضمها ايله وتحدث بحنان اخوي/هتوحشيني اووي ياحبيبتي
عانقها محمود هو الاخر وتحدث/مش عارف هقعد فالبيت ازااي من غير جنانك يا بنت الكلب هتوحشيني اووي
تحدثت بطوط بمزاح/الحج محمود لازم يبوظ اللحظه الدراميه
وفي قصر السيوفي وتحديدا غرفه آدم
تحدث الشباب في صوت واحد يغنون ويرقصون/دي تعدي فحته انا قلبي بتكسر ميت حته افضل فمكاني انشلا لسته الصبح بفكر فيييه تقابلني فسكه قصادي تفوت ببقا انا علي تكه ومش مظبوط حد يقولي اعمل ايه حكمني علييه
مسك مازن آدم بساعده وتحدث بفرحه/مبروووك يابروو هنخربهااا
تحدث احمد بفرحه/مبروك انا جبت شماريخ وطبعا هنضرب ناار وهنولعها
تحدث فهد بمزاح/وهنتحبببببس
تحدث عمر بمشاكسه/عيب عليك نتحبس وفهد وآدم معانا برضوا
تحدث فهد بمزاح/ثبتني اه ياجدعاان الناس خلصوا تحت بس مش كنا خلينا بتاع الولاد مع البنات
غمز ادم له وتحدث/وانت عايز بنات ليه ياشقي عيب دا حتي الحج عاصم تحت
تحدث عمر يغنيي/طب بوم طخ بوم بوم طخ اتخن ما فيكوا جه قصادي نخخ وقالولي الرزق دا بس فلوس قولتلهم غلطانين انا عندي واحده تساوي كنوز صيناني لو روحت الصين انا فعنيكي الراجل الساكر
تحدث احمد يكمل الاغنيه/انتي القائد هما عساكر هقلب كاظم علي هاني شاكر وفكل اغنيه هدلعها
تحدث مازن يشكل بيده/نايم قايم ماشي فبالي انتي حبيبتي وام عيالي ياللي جمالك شقلب حال.... قاطعه صوت آدم
تحدث آدم بصراخ/بسسسس اي القرف ده مين اللي شغل الاغنيه دي
انتفض مازن وتحدث/ اي ياعم حرام عليك قطعت الخلف
اغلق عمر الاغنيه بسرعه وتحدث/الاه مالك يادومي بنهيص شويه ياراجل مش كداا
تحدث فهد بقرف/تهيصوا بالقرف ده اغاني سوقيه
تحدث آدم بتوعد/علياا الطلاق لو اغنيه من دول اشتغلت تحت لاعلقكوا
تحدث مازن بإعترااض/لايابابا مفيش الكلام ده عايزين نهيص
تحدث آدم بتحدي/دا الكلام عندها يا حبيبي
تحدث احمد باصرار/يبقي اسمي سوسن لومهيصناش وشغلنا الاغاني دي
تحدث مازن بتمني/ياااه كنا هنخربهاااوالبنات كانوا هيبقوا ايه مزز يلا تتعوض فالفرح
تحدث احمد بهير/يااااااه يا عبدالصمد
تحدث آدم بملل/احنا هنقضيها ياااه ولا ايه اوماال ايه اللي هنخربهااا
تحدث عمر بمزاح/ما هي مفيهاش حريم هتبقي ناشفه
تحدث آدم بقرف/حريم يا بيئه وبعدين مش هتبقي ناشفه ولا حاجه
تحدث مازن بسرعه وفرحه/هتجيب رقااصه
تحدث فهد بضيق/رقااصه ايه يا متخلف احنا بتوع الكلام ده
تحدث احمد بحزن/يجدعااان حراام عليكوا طب ليه التشويق
تحدث آدم ببرود/احنا بعد ما الشباب يمشوا هنروح نكمل عند ملاك
تحدث مازن بفرحه/ابواا كدا هو دا الكلام اهو اشوفها واتكلم معاها
تحدث فهد بمزاح/ياوااااااااقع
تحدث عمر بسخريه/دا علي اساس انك مكنتش هتموت وتشوفها دق هاتف آدم وكانت ملاك
تحدث آدم بحب/ايواا ياروحي
ملاك علي الجهه الخري بعصبيه /روحك انا مش روح حد يحبيبي
تحدث آدم بهدوء /اهدي بس ياحبيبي ايه اللي حصل
تحدثت ملاك بغيره وبتردح/مش حبيبه حد يا عين خالتك تلا بتقول انك جايب رقااصه ثم اكملت بتوعد/ ابقا اعرف انك بصتلها يا آدم
ضحك آدم علي معشوقته وهي تغار عليه وتحدث/وانتي مصدقاها دي بت هبله مفيش الكلام ده
تحدثت ملاك بعصبيه/انت باضحك علي ايه دلوقتي متحرقش دمي اكتر
تحدث آدم بمشاكسه/علي صوت القمر وهو غيران
هدأت ملاك قليلا وتعالت نبضات قلبها وتحدثت/انا كدا بتثبت
تحدث ادم بضحك/اه بظبط كده
تحدثت ملاك ببراءه/يعني بجد مش هتجيب رقااصه
ابتسم آدم وهو مستمتع بسماع صوت بات يعشقه وتحدث بحب/هو انا بتاع الكلام ده برضوا وبعدين انتي قلقانه ليه انا محدش يملي عيني غيرك
تحدثت ملاك وهي تضرب راسها بغباء/يخربيتي دا انا دبش معلش بقا يا ابو الاداقيد استحمل هبلي ثم اكملت بغيره/بس عارف لو كنت جبت رقاصه بجد كنت شربت من دمك
تحدث آدم بعشق/هو انتي متعرفيش تكملي حاجه عدله ابدا وبعدين مضطر استحمل هبلك وحابب اسمع صوتك وانتي غيرانه
تحدثت ملاك بإنكار/مين دي اللي غيرانه انا عمري ما غيرت
تحدث آدم بضحك/اه طبعا اوماال
تحدث مازن بصوت مرتفع بيرخم/ايه ياعم آدم هتفضلو تسبلوا لبعض طول الليل ولا ايه
تحدث فهد/دومي نفسي اسمع صوتك ياروحي
علي الجهه الاخري تحدثت بطوط/حجه ملاك محنو هنفضل كدا كتير ولا اي
تحدثت شمس بترخم/يانوحي يانوحي ابو الاداقيد ثبتها
تحدثت نور/خفوو محن شويه
تحدث ملاك بضيق/طب سلام بقا شكلهم متفقين مش هيسيبونا فحالنا
تحدث آدم وهو يلعنهم بداخله/خدي بالك من نفسك بااي
اغلق آدم مع ملاك وتحدث بضيق/دا انتوا عيال رخمه والله لاعلقكوا
تحدث احمد بسخريه/ياعم اتيل دا انت بقيت ممحون
تحدث آدم بعصبيه/مين الكلب اللي قال لتلا ان هيكون في رقاصه
قلد عمر صوت الكلب/هو هو هو
تحدث آدم/انا قولت مفيش غيرك يا عمر الكلب والله لاعلقك
ركض عمر ووراءه آدم بخطوات سريعه في هذه الاثناء دخل عاصم اختباء وراءه عمر
وتحدث/الهي يسترك نجيني منه هيسلخني
تحدث عاصم يهدأ ادم/فيه اي بس اهدا دا النهارده حنتك
تحدث آدم بعصبيه/حج عاصم اخرج انت برا الحوار الكلب ده راح قال لتلا اننا هنجيب رقاصه وهي قالت لملاك
تحدث فهد/هو اكيد يعني ميقصدش
تحدث عمر بغباء/لا ما انا قولتلها قولي لملاك عشان.نضحك شويه
تحدث عاصم وافيح لادم الطريق/يا ابن الكلب يا اهبل اسلخه يا ادم
تحدث عمر يصرخ كالفتيات/يختااااي بتبيع لحمك يحج عاصم اخص عالرجاله آدي اخره الحشيش
تحدث عاصم/حشيش طب والله ماحد معلقك غيري سيبهولك يا آدم
تحدث آدم/ارتاح انت وانا هخليه يقول انا مراا
تحدث عمر بصوت مائع و ببرود/ايه دا اي دا اي دا مراا بقيت بيئه اووي
قذف آدم في وجهه المخده وتحدث/والله لاسلخك
تحدث مازن بمرح/فلتبدأ حرب المخداات
مسكوا جميعا المخدات واخذوا يضربون بعضهم
البعض بمرح وسعاده
وعند ملاك تجمعت كان هناك كثير من الفتيات يرقصون
هوباااا متغااظ عارفك يلا مننا متغاظ مخك فاضي مخنا الماظ تتقطعو تتعبوا انصانص جامدين جامدين صوتي ملين بنزين تسعين
ملاك تقف فالمنتصف والفتيات حولها يرقصون ويصفقون
تحدثت بطوط وهي ترقص/اديلوااا ياملااك ياجامد
جذبت ملاك تلا لترقص معهم
تحدثت تلا بإحراج/مش بعرف ارقص
مسك الفتيات يدها واخذوا يرقصون واخذت ملاك ترقص وتريها كيف ترقص
تحدثت مني /متغيرو الاغاني دي عايزين نرقص
تحدثت شمس ببسمه/يسلام من عنيا
غيرت الاغنيه محمود اي ده يامحمود اي ده يامحمود هي الناس دي عايزه مني بقي ايه
تحدثت نور تغني/تعالي حمبي تعالي جمبي تعالي ياروح قلبي ارقصي جمبي ياروح قلبي
قامت احسان وكريمه ومني
تحدثت شمس وهي ترقص/تعالي جمبي امسكي فيا خلي اديكي بقا كدا في ايدا تعاالي جمبي امسكي فيا خلي ايديكي بقا كدا فأديا
تغيرت الاغنيه /تات تات تات تات تات
تحدث الجميع في صوت واحد/يا عااااااتشطيف ياا عاتشيطف تاتا تات تت تات يافاتشيين يافاتشيين
اخرجت فتاتان من اصدقاء ملاك شماريخ تخرج زينه وانفجرت
تحدثت مني/ياولاد الجزمه خضيتوني
تحدثت ملاك بفرحه/ايوا كدااا دلعوني
اخرجت بطوط شئ عندما يشتعل يخرج الوان اشعلته ورفعت يدها واخذت ترقص به واخرج اللون البنفسجي
نظر نور وتلا لبعضهما البعض ثم جلبوا الوان بودره من اللون البنفسجي والاحمر والازرق والاسود ايضا اخذوا البنات يرشون بعضهم البعض ويلهون ويجرون وراء بعضهم والجو ممتلأ بالسعاده والحب وايضا بعض الفتيات يلتقطون الصور
تحدثت فتاه من اصدقاء ملاك تدعي شيماء/يلا يا جدعاان نصور فيديو كلنا مع بعض ونعغني
تحمس الجميع للفكره وتحدثوا/اشطاا
بدء التصوير وبدءو يغنون ويرقصون/امبابه خط احمر انتم مش حمل الضريه انا جامد انا صاحب الكره دا جمدانكم اكبر كدبه دا جمدانكم فدماغي هنا شماريخ بتولع فجيوبي هنا ملايين بنضيع وقت العوء احنا بنتشعبط طلعت فيك تقطيع انا بخرب....... احنا بنحكم بلد مفيش بلد تتحكم فينا.............هشرب قهوه ساده علي روحكم هنا..حضرت جن اصرفه اصرفه اللي يزاولني هقرفه فالشنطه الفه اكتفه
عند آدم كانت الموسيقى الهادئة تسود المكان
تحدث عمر بملل/اي ياجدعاان هو احنا فمحزنه اي الموسيقي دي
تحدث احد اصدقاء آدم يدعي تامر/والله عندك حق عايزين نهيص
تحدث آدم بحسم /بس ياحيوان انت وهو مفيش الكلام
نظر الشباب لبعضهم البعض وقاموا وتحدث مازن /ماشي نسيبك احنا بقاا
بينما عاصم كان يستقبل ضيوفه ويهنؤنه ويري ان كان كل شئ كما يجب ان يكون ذهب له الشاباب
تحدث مازن بمشاكسه /الحج عاصم حبيب الملايين
تحدث عاصم بشك/خيييير
تحدث تامر بمزاح /بنطمن عليك شكلهم تعبوك ياحجيج عايزين نريحك
تحدث فهد/والله احنا بنحبك وملناش
تحدث عاصم بعجله/من الاخر عايزين ايه عشان مش فاضي
تحدث احمد /بص ياعمي ياحبيبي ابويا التاني والله ابنك مشغل لنا اغاني كأننا فمحزنه واحنا عايزين نهيص وقولنا محدش هيشخلعنا غيرك
تحدث عاصم /طب شغلوا اللي انتوا عايزينه وهيصوا براحتكوا وسيبوا آدم عليا
تحدث تامر بتوسل/خليك معنا الهي يسترك ابنك ايده طرشه
ذهبوا الي المسؤل عن الاغاني (دي جي)
تحدث فهد / حمو سيبك من الاغني دي وخد الفلاشه دي وظبطنا كداا
تحدث عمر/شخلعلنا الحنه كدا يسطا ورقصني وظبط بتاع الاضاءه وانا هظبطك
تحدث احمد/انا عايز الفرح ضرب نااار
تحدث حمو/من عنيا يسطا هظبطكوا
اشتغلت اغيه اندال وقام الشباب جميعا ليرقصون وجلبوا آدم ايضا يرقص معهم
اندال اندال اندال والله ما فيكم جدعان بس اشهدلكوا رجاله كلكوا اوقف الغنيه وتحدث الشباب في صوت واحد/لما بتحضر نسوان
دي جي/طب بصوا الخطه الجايه
الشباب في صوت واحد/انا هشتري مركبه فضائه
دي جي/وهزامل فضائين ما هو اصل صحابي مش صافيه وانا اقولهم دا اخويا
الشباب/براكوا دا ابن ابويا
مع ان انا عارفك قلبك اسود يلا مدهون بالبويه اكرهني ياصصحبي براحتك برضوا انت ادري بمصلحتك
تحدث آدم وهو يرقص/مين اللي شغل الغاني دي دا انا هعلقكوا
تحدث عمر/ماتفك كدا يا ابو القداقيد وارقص في ايه
غمز فهد للشباب والتفو حول آدم علي شكل دايره وحملوه واخذوه يرفعوه للاعلي ويلتقطونه وكرروها عده مرات احتفالا به
ثم انزلوه واكملوا رقص حمل مازن آدم علي كتفه وامامه فهد يجلس عل كتف احمد وتامر الذي يجمله عمر وباقي الشباب يرقوون واخذوا يرقصون
اغلق الانوار وتحدث حمو الدي جي /كل اصحاب العريس يطلعوا موبايلاتهم ويقيودا الكشافات مييين بيحب العرررريييس
اخرج الشباب هواتفهم واخذوا يقفزون ويغنون
انتي بسكوتايه مقرمشه يابت دا انتي قطه مخربشه اموت فيكي وانتي مفركشه منعكشه قاعده جوا قلبي مربعه
الشباب بصوت عالي يابت دا انتي لوحدك باربعه
كل حاجه فيكي ليها منفعه متدلعه بنت الزواد يا صحبتي وناسي مالك بديل معاكي انا اساسي
تحدث حمو/الاهلاويه يرفعوا ايدهم
رفع معظم الشباب ايديهم للاعلي وهم يرقصون واطلقوا الصفافير وهتفواا/اوووووووو اووووو
تحدث حمو في الميك/اللي بيحب العريس يرفع ايدوا ويقوله هييييييييييه
كل الشباب رفعوا ايديهم والهواتف بالكشافات وتحدثوا في صوت واحد/هييييييييييييه
كله طاار فالمطااار ك...كلوا طار فالمطااار اضرب يا اوشا كان اي هيحصل لو تسلكوا دا العمر........شبت بدري من اللي شوفته ياناس من صغري......تحيه خاصه طالعه مني ليهم.......كلوا طااار فالمطااار ك..ككلوا طار حوريقه برودكشن
عادت الانوا والجميع سعيد ويرقص اخرج فهد مسدس ورفعه للاعلي واخذ يطلق الرصاصات ويرقص
تحدث عاصم/يخربيتك انت اهبل يلا ممكن تيجي في حد
تحدث مازن واخذ المسدس يضرب هو الاخر/معلش اصله واخد حبوب جراءه ومقطع البطاقه ثم اعطي المسدس لادم وتحدث /احلي مساعليك هييص
اطلق آدم بعض الرصاصات وعاصم ايضا بعد الحاح واخذوا يرقصون ويلتقطون الصور مع آدم وايضا يسجلون فيديوهات اطلق احمد الشماريخ التي تنطلق فالسماء لتخرج الوان مبهجه واكملوا وكان جميعهم سعداء ومرحون جدا والجميع فرح لادم
كانت ملاك جالسه لترتاح قليلا من الرقص بعد ان ذهب الفتيات ولم يتبقي سوى تلا وبطوط ونور وشمس رن الجرس وكان آدم والشباب دلف آدم والشباب ومعهم عاصم ومحمد والعائله وايضا ادهم وكريم
تحدثت شمس بحماس/فلنفعلها ثانيه شباب هنخربهااا
قامت بتشغيل الاغاني مره اخري
تحدثت بطوط/انتوا هتفضلوا كداا يلا اوموا ارقصوا سلوا هشغلكوا
قاموا ليرقصوا
نصيبي وقسمتي الحلوه ونور عيني
تحدث آدم بفرحه وهو غارق في عيناها /انا فرحان اووي مش مصدق نفسي هخليكي اسعد انسانه فالدنيا انتي حبيبتي ومراتي وهتبقي ام عيالي وكل حياتي
تحدثت ملاك/وانا كمان فرحانه مش مصدقه نفسي من الفرحه
تحدث آدم بمزاح/بحسب هتخليني ام العيال
ضحكت ملاك وتحدثت/لا خليها عليا
ذهب فهد لنور وتحدث/ممكن ترقصي معايا اصل بعيد عنك فجله ومليش حد ارقص معاه وقاموا ليرقصوا وذهب مازن ايضا لبطوط وتحدث/متيجي نرقص انا آه مليش فالمحن بس بدل القعده دي
ابتسمت وتحدثت/اشطاا
وقامت شمس واحمد وايضا عمر وتلا ليرقصوا
تحدث آدم وهو لايصدق هذا الجمال الذي لم يخلق الا لها انها حبيبته ينظر لها نظره العاشق المتيم/انتي قمر اووي واللون الاحمر حلو اوي عليكي
اكتسي وجهها اللون الاحمر وابتسمت بخجل
تحدث آدم بعشق/يالههههوي عالجمال بعشقك بعشقك يخربيتك دوبت فجمالك وبعشق ضحكتك وانتي مكسوفه انا محبتش غيرك
زاد وجهها احمرارا وتسارعت دقات قلبها
حملها آدم وتحدث بصووت مرتفع/بحببببببببببك
اطلق الشباب الصفافير
وتحدثت بطوط/اوعااا الرومانسيه الجاحده
غمز له مازن وتحدث/ومستعجل علي ايه ياشقي كلها بكره اصبر شويه
تحدث احمد/آدم عداااا شرررخ
تحدث فهد/علمني والنبي يا آدم جبت الجرأه دي منين
انتهت الرقصه وشغلوا اغاني واخذوا يرقصون
قاسي قاسي قاسي وجرح احساسي رح اسيبه يقاسي وهبكي
تغيرت الاغنيه هوباا رجعنا هنعلم تاني فيكوا جامدين دايما عليكوا طب يلا الدنيا ظيطه وهنعمل لغبطيطا معروف مين التقال وكان البنات يرقصون كالشباب
تحدث عمر وهو يرقص/مشاء الله بترقصوا احسن من الولاد
اخرجت نور لسانها وتحدثت/بس يارخم
تحدثوا في صوت واحد/وركبت ال X6وركبت X6 بطلت اركب انا تاكس
وكان فهد شارد في اميرته هل خلق هذا الجمال انه لا يصدق انها انسانه عاديه لايراها سوي ملاك خلق من نور وقع في شباك حبها من الوهله الاولي وينظر لها بعشق وتحدث بدون وعي/فستانك جميل اوي طالعه زي القمر
تحدث بخجل/شكرا
ياستاار قلبي ولع ناار دا انا عيني منك مستحيل استغني عنك نظره ترضيني
وكأن الاغنيه جاءت في وقتها المناسب كان ادم يمسك يد ملاك لا يريد ان يتركها يريد ان يدفنها في احضانه لكن ماذا عن الجميع نظر بحزن يقول بداخله/مش هقدر اسيبك لو سبتك هموت مقدرش ابعد عنك ياارب مش قادر ابعد عنها شعر بوغزه في قلبه لا لكن يتركها ستببقي له وحده لايستطيع لا يتحمل فراقه وبدون وعي ضمها اليه يكاد يطحنها في احضانه
تحدثت بخجل/آ..آددم
تحدث/ششششششش
وظل هكذا فتره لايريد ان يخرجها من احضانه
تحدث محمود/اعمل احترام لوجودنا حتي
جذبها ادهم من حضنه وشعر ادم كأن قلبه ينزع من مكانه
ومازن راي الالوان اراد استفزاز حبيبته ومجنونته قام برش الالون علي فستانها الاسود الذي كانت انيقه جدا فيه
تحدثت بطوط /اعع نهارك اسود وربنا ما انا سيبااك وركضت وراءه واخذت وترشه بالالوان
وتحدثت /وربنا منا سيبااااك
تحدث مازن/يابنت المجنونه هدومي باظت مبقاش في حته ترشي فيها
عاد الجميع للرقص فجو يسوده المرح ومازن وبطوط لا يتوقفان عن المشاجرات وآدم لايريد ترك ملاك وكأنه طفل متشبس بأمه وفهد العاشق الولهان الغارق في جمال نور وهي تلاحظ نظرته وتنظر بخجل وعمر وتلا ايضا مرحون يرقصون ويلهون وشمس هي الاخري واحمد يريد ان يقول لها باعلي صوت بحبك لكن يخشي حبها ويتابع حبيبته بصمت طوال الحنه
اتي صباح جديد يحمل العديد والعديد من المفأجات التي سوف تقلب حياه الجميع رأساََ على عقب عندما كان آدم يخطط لانتقامه يلعب القدر لعبته وكما يقال ينقلب السحر على الساحر
في الماضي فقد آدم ملاكه الصغير تحول من الشاب المرح الطيب الذي الضحكه لا تفارق وجهه الي آدم السيوفي القاسي المعروف بجبروته الذي يهاب منه الجميع الكبير قبل الصغير تربع على عرش الاقتصاد سوف يفقد ملاكه للمره الثانيه لكن هذا كان من تخطيطه فهل يدرك انها حبيبته منذ الصغر ام سوف يفوت الأوان...................؟!
كانت ملاك جالسه بغرفه الفندق التي سوف يقام به حفل زفاف آدم السيوفي
كانت ملاك تقف على الكرسي وتمسك فرشه الميكب وتهتف بغناء /دي جي آدم حاحا ريمكيسس
وقف الفتيات بجانب ملاك هتفت ملاك بغناء / انهارده فرحي يا جدعان عاوز كله تمام
هتفت الفتيات بصوت واحد / انهارده فرحي يا جدعان عاوز كل يبقا تمام
تحدثت الميكب ارتست بنفاذ صبر وهي تحاول أن تتحدث مصري / يا انسه لو سمحت انزلي ورايا مواعيد مش فاضيلك انا
اغمضت ملاك أعينها وتحدثت بهدوء /بتكلمني انا صح
تحدثت شمس بهمس /اوعي
هبطت ملاك من على الكرسي وأخذت تردح / بقا انا سكتالك يا بتاعه انتي عماله اقول هتسكت دلوقتي هتسكت دلوقتي والبت معندهاش من الأحمر والنعمه اجيبك من شعرك ما يهمني فرحي
تحدثت نور بردح وهي تبعد ملاك / سبيلي الطلعه دي يا اختشيي بصي يا بت يا ملونه بقا انتي من الصبح عماله تتماعي اخذت تقلدها /ومسيو فهد ومسيو فهد اوووه نووو بصي ياروح امك عينك تيجي كده كده هخزقهملك
اخذت تلا تحسس على شعر الفتاه وتحدثت بخبث/هي دي بروكه يا طنط
تحدثت ملاك بمكر وهي تمسك الفتاه من شعرها /ومالووو نجررب
بطوط وشمس يحاولون ان يبعدوا ملاك ونور وتلا عن الفتاه
تحدثت بطوط بصراخ / يا بنت الجزمه ده شعري انا براااحه
تحدثت شمس بغيظ / حلال الي بيتعمل فيها عماله تتدلع على الرجاله واحد ورا التاني تعالي يا بت
تجمع الأشخاص على صوت الصراخ خرج الشباب ما عدا آدم فهو لم يحضر الي الان
كسر الشباب الباب و دلفوا الي الداخل صدموا من المنظر
حاول فهد ان يجذب الفتاه من ايديهم ونجح بالفعل
تحدثت ملاك بصراخ / سبها يا فهد همرمطها الحربايه دي
حملها أدهم وهو يبعدها تحدث بغضب / اهدي يخربيتك في اي
تحدثت نور بغضب وغيره / سبها يا فهد متلمسهاش
تحدثت الفتاه ببكاء وآلم زائف / مسيو فهد شوف شو عملوا فيا هدول المتوحشين
تحدثت بطوط بغضب / تعالي وانا اوريكي المتوحشين على أصولهم
تحدثت الفتاه بدلع وبكاء رائف / مسيو مازن ابعد عني هَي المتوحشه
تحدث مازن بتأثر وخبث وهي يفرد زراعيه / تعالي في حضن مسيو مازن تعالي
تحدث عمر بشماته / هيتعمل من فخادك عصير جوافه يا مازن امنا الغوله ظهرت
التفت مازن الي بطوط وجدها تنظر لهم بغضب وغيره والشرار يتتطاير من اعينها
ذهب إليها كريم بخطوات سريعا واحتضنها واخذ يخرج بها من الغرفه حاولت أن تركض هتف كريم بغيظ/ راحه فين يا مجنونه تعالي بس
صرخت بطوط وهي تحاول الفرار من كريم / هقتلك يا مازن عاااااااااااااا
غادر بها كريم من الغرفه وبينما ذهبت شمس بجانب احمد وتلا بجانب عمر
تحدث عمر بسخريه / كده بتفرضوا حمايه مثلا
تحدثت تلا بتحذير /أخرس انت
تحدث عمر بحب ومرح/ انت تأمر يا معلم
هتفت شمس بهمس مرعب الي أحمد /حاول تبص ناحيتها هحولك
تحدث احمد بخوف زائف / وليه الطيب احسن
تحدثت شمس برضا / شاطور يا حبيب ماما
تحدث فهد باعتذار / احنا اسفين جدا على الي حصل ما كنش قصدهم
هتفت نور بتحدي/ لا كان قصدنا
تجاهلها فهد واكمل حديثه مع الفتاه وذهب
غضبت نور بشده من تجاهله لها
هتفت ملاك وهي تلتفت حولها بلهفه / اوومااال فين آدم
تحدث احمد ببسمه / راح مشووار وجاي مش هيتأخر
اومأت ملاك بعدم رضا وقلبها يخبرها ان شئ سوف يحدث اليوم
بدأ الليل يملئ الأجواء بدأ المعازيم بالحضور
انتهت الفتيات من التجهيزات حيث أرتدت ملاك فستان زفاف ملكي مرصع بالكرستيال وميكب بسيط جداََ وارتدت تاج يشبه الملكات وفردت شعرها وهيلز شفاف وكان منظرها يحبس الانفاس
أرتدت بطوط فستان سهره ومع ميكب بسيط جداََ ورفعت شعرها علي شكل كعكه وتمردت بعض الخصلات على رقبتها وهيلز لونه رصاصي فاتح
أرتدت شمس فستان سهره ووضعت ميكب بسيط وفردت شعرها وهليز شفاف
ارتدت تلا فستان قصير مناسب مع لون بشرتها وفردت شعرها الأحمر الناري ووضعت ميكب بسيط و هيلز به الوان الفستان
ارتدت نور فستان للركبه واكمامه مصنوعه من الدانتيل وفردت شعرها الطويل ووضعت ميكب بسيط وهيلز نفس لون الفستان
تحدثت ملاك بتوتر لفهد / فهد آدم فين من الصبح مش باين
ارتبك فهد وهتف بتوتر / هو بس وراه مشوار مش هيتأخر
تحدثت بطوط بانفعال/ مشوار اي ده الناس تحت
تناسبت دموع ملاك بصمت حدث شئ له بتأكيد
هتفت بصوت متحشرج / هو حصله حاجه صح انا حاسه قولي ونبي
ثم التفت الي أدهم وهتفت برجاء / والنبي يا أدهم قولي ماله
ذهب اليها أدهم واحتضناها بشده واخذ يهدائها ببعض الكلمات
دلف مازن وتحدث بمزاح /يلا يا اختي فاتحه مناحه اتصل قال انه تحت
تهللت اسارير ملاك بالفرحه ونهضت وهتفت بمزاح / اي جوو ست نيللي كريم الي كنت عايشه فيه ده
تحدثت تلا بضحك / انا اعرف يا اختي قولي لنفسك
هتفت نور بمرح / ملاك محنو
هتفت ملاك بحب ومزاح / أدام فيها ابو الاداقيد ان شا الله اكون حوله
تحدثت شمس بضحك / يا واقع
ضحكوا ثم غادروا الغرفه وجدت محمود ومني
تحدثت ملاك بمزاح /حوووده شوفت بقيت مزه ازاي
نظر لها بدموع ابنته وقره عينه أصبحت عروسه لا يستطيع أن يوصف شعوره حضنها بشده
دمعت عين ملاك وتحدثت بمزاح وحب / اي يا حوده الحنيه لا اتعود يا راجل
تحدث محمود بضحك وحب ابوي / اتعودي يا قلب بابا
تحدثت ملاك بضحك وخبث / اوومال انا قلب بابا تبقى مني اي كبدتك
ضحكت متى يصخب تحدثت ملاك ببراءه / انا بهدي النفوس
ابتعد محمود عنها وحضنت مني ملاك
اخذت تبكي بشده سوف تشتاق لشجارها وصوتها المزعج ومشاكلها التي لا نهايه لها
انتحبت باكيه / هتوحشيني مصايبك هتوحشيني يا نن عين امك
ازلت ملاك دموعها وتحدثت بضحك / اي يا جدعان هو انا مهجره هدني قاعده على قلبكوا برضو
سمعت صوت شهقات بكاء اخذت تلتفت حولها وجدت أدهم يبكي بشده
ابتعدت عن مني وذهبت الي احضنته بشده
هتف من بين دموعه /انا اقدر اخدك دلوقتي بلا جواز بلا زفت
دفن وجهه في عنقها ثم اخذ يبكي كالطفل الذي فقد والدته
ثم بكت ملاك بشده لا تستطيع الابتعاد عنهم
أرد كريم ان بخفف من الحزن التي عم المكان هتف وهو يحاول ان يبعد أدهم / خلاص ياض الميكب هيبوظ انشف شويه
ضحك ثم ابتعد عن ملاك ثم ذهبت ملاك الي محمود وهتفت بمزاح وهي تمسك ذراعه / يلا يا حوده انجشني وانزل بيا لتحت
ضحك محمود وهتف / طب يلا يا هبله
ثم هبطوا الي أسفل اتعالت الموسيقى الكلاسيكية كان حفل اسطوري كان حفل زفاف تتمناه كل فتاه وجدوا عاصم وحنان ومحمد وامل لكن آدم غير موجود التفت ملاك بذعر الي مازن وهتفت بلهفه / مازن آدم فين قولتلي انه تحت راح فين
تحدث مازن بتوتر / مش عارف واللهي هو قالي كده وبعدها اتصلت لقيته مغلق
التفت الي فهد وجدته شارد هتفت بخوف شديد /فهد رد آدم فين قول راح فين
كاد فهد ان يتحدث لكن ظهر آدم على شاشه العرض التي توجد في قاعه
التفت ملاك بلهفه شديده وجدت حبيبها بكامل هيئته وكان وسيم بشده وهو يرتدي بذله سوداء أيعقل ان يحضر لها مفاجأه لكن عندما سمعت ما قاله شعرت كأن تم سحب الدماء من كامل جسدها ظلت متجمده مكانها
تحدث آدم بحقد وكره من خلال الشاشه / اكيد كلكوا مستغربين من الي بيحصل ده مفيش داعي للاستغراب انا هوضح كل حاجه دلوقتي محمود الشافعي اكتر راجل بكره في حياتي قتل انسانه بريئه من غير ذنب ذنبها الوحيد انها حبتني كنت متكتف وقتها عمال اترجى الكلاب بتوعك انهم يسبوها لكن محدش سمعني دبحوها قدام عيني
شهق الجميع أخذوا ينظر المدعوين باستحقار الي محمود اخذت ملاك تنفي برأسها من المستحيل ان يفعل والدها هذا هو يفعل بها مقلب من مقالبه لايمكن أن يكون هذا حقيقه
اكمل آدم بسخريه وقسوه لم يتحدث بها منذ أن اقتحمت ملاك حياته /مالك يا كوكو زعلانه ان سيبتك ولا زعلانه على بابا الي طلع قاتل ده بس رد بسيط من الي هيحصلكوا مني وانتي زي الهبله بتصدقي اي حاجه ليكون فاكره ان حبيبتك الجو الهابط ده لا فوقي لنفسك ياما وعلفكرا انا اتجوزت بس عشان اكسر عين ابوكي و ورقتك هتوصلك وانتي يا حرام بنت لسه ما جبتش 20 سنه مطلقه
ثم اكمل بخبث واستهزاء / انتي فاكره اني هحب عيله زيك أنتي طفله يما ولا هحب واحده مش من مستوايا آدم السيوفي هيحب بت زيك يلا معطلكيش يا بيبي حظ أوفر المره القادمه
ثم انطفأت الشاشه
كان الجميع ينظر إلى ملاك بشفقه شديده
شعرت ملاك بطنعه حاده في صدرها من الألم عند سماعها لكلماته واهناته لها
تنسابت دموعها بصمت لما يحدث معها كل هذا هي أحبت فقط هي لم تخطئ لا بل أخطأت هي من سمحت لذلك لاحمق من البدايه ان يتسغل ساسجتها وطيبتها كانت لقمه سائغه له يتسيطع ان يمضغها ثم يبصقها ارضاََ
أقسمت ان تضع قلبها التي أحبه تحت قدمها وتدهس عليه بلا رحمه كما فعل هو به
سوف تنتقم منه أشد الانتقام صبرا على ثم مرت من امامها غيمه سوداء لم تقومها استسلمت لها كي تهرب من واقعها المرير ثم سقطت مغشياََ عليها
اخر شيئا سمعته صياح الجميع باسمها..............؟!!
كان آدم يجلس بمكتبه في الشركه محاوط رأسه بيده يحاول ان يهدئ غضبه خسر حبيبته يشعر بطعنات حاده بصدره قلبه يتمزق من فراقها شاهد صورتها بفستان الزفاف التي ارسلها له فهد كانت مثل الملاك كم تنمي ان تصبح ملكه للأبد
تخيل ان تكون بين زراعين غيره نهض حطم الغرفه واخذ يهتف بجنون / ضيعتها لغبائك.......... ضاعت مني.......... راحت مني..............هي اتخلقت ليا...... ملاك ليا........ هدنها ملكي لابدد......... ثم حطم الباقي من الغرفه
اتات رساله الي هاتفه قراءه محتواها ظل متجمداََ مكانه شعر ببروده تسري بجسده كأن سحب الدماء من جسده استند على المكتب هل خسرها الي الأبد
استوووووب خلصنا قولتكوا بووووم البارت الجاي بووووم اكتر من كده 😂💃💃💃💃
تكييررر يا اخوووووات 😂💃💃💃