اليوم بارت الاعترافات وبارت التسامح ويه النفس ومع الاخرين
#طفلة_ النقيب بقلم (غيمه)
❤️❤️❤️❤️❤️❤️❤️❤️❤️❤️❤️❤️❤️❤️❤️صوتو بسرعه❤️❤️❤️❤️❤️❤️❤️❤️❤️❤️❤️❤️
تذكير من البارت السابق
مهيمن: رجعت للدوام ولحد هسه ادور على الاء النذله بس قررت ادور عليهة بنفسي وبكل هدوء ما اريد احد يعرف اني جاي ادور عليهة ،،، لازم ارجع بنفسي البغداد وادورهة بس مو اليوم لان ما اكدر اخذ اجازه ماشي الاء وين تروحين مني
لا تنسون التصويت والتعليق ونشر القصة بين صديقاتكم ++تابعوني
سما: بعد مرور شهرين اليوم اول امتحان اليه خلي اسولفلكم اشصار خلال هلشهرين ،،،، مر الروتين المعتاد كل يوم نفس الشي وام مهيمن بدت شويه تتغير ويايه ما اعرف شنو السبب يعني بعدهي تكرهني بس خفت بتعاملهة السيء وياي وبالنسبه الاختي فه من سالفه الصوره الدزيتهة الهة اني شكيت بيهة لان مره ثانيه طلبت مني صوره الجسمي كتله ليش شسوين بيهة ودزي انت اول الوجهج يله اني ادزلج الوجهي ما ادز الجسمي ،،،،،،،،،، كامت اطلع حجج كتلهة خابريني اسمع صوتج مقبلت فه حسيت اكو شي وكتلهة بعد لا تخابريني لا اكول المهيمن هي خافت حيل وبعد مراسلتني ابد،،،،،،،،،، واني هم كمت ومسحت الصوره الدزيتهة الهة من زمان وخفيت المحادثه والتهيت بالدراسه وكل ما ادزلي اجاهلهة ،،، ومهيمن علاقتي بي فوك العال كولش زينه يحبني هواي ومددلني هواي
مهيمن: مرحت البغداد لان منطوني اي اجازه من الشغل فه التهيت ادرس سما بهل شهرين ضبطنه المواد وهسه طالع اني اوصل حبيبتي للامتحان ،،،، بابه ركزي زين بالاسئلة وانتبهي مو تتسرعين بالجواب وكتبي بخط حلو مثل معلمتج ولا تقرين الاسئله كلهة سؤال سؤال
سما: اي بابه والله فهمت شبيك
مهيمن: ديله نزلي واني منتظرج بالباب
سما:خلصت امتحانات ،،،،،ومهيمن وكفته وياي بعمري ما انساهة ،،،،،،،،وره اسبوع استلمت النتيجه وطلعت ناجحه بس درجاتي كله خمسينات الحمد لله المهم خلصت مرحله ،،،ومهيمن كالي ما اكدر اخذج الاربيل لان ميقبلون اخذ اجازه،،،،،،،،، كولش مشددين وياه خطية مدري منو موصل للوزاره على مهيمن حجي
الاء: التهيت بالشغل وحاليا دا اطلع فلوس هواي ومفارغه الاحد ،،، لان اول وتالي مهيمن واعرفه مستحيل يتقشمر بس هم من افرغ احاول ارجع افلوسي وخصوصا بعد ما الورقه الرابحه فاطمه انهزمت وملكيناهة فه عفناهة حتى متبلغ علينه لان بالملهى يتاجرون بالمخدرات بس محد يعرف خصوصا الضباط اليجونه مع انو اكو بيهم يساعدونه
فاطمه: نجحت ب انو انهزم من الملهى اني وصديقتي قبل شهر انهزمنه وتعذبنه حيل وما لكينه مكان عاد هي كالت نروح للامام الكاظم نضل هناك ماكو غير هل مكان وبالفعل رحنه ،،، وهناك بس كالتلهم صديقتي ماعدنه مكان الكل ساعدنه وشغلونه وياهن ب اجر بسيط بس اهم شي متوفر النه مكان انام بي ،،،،،اول يوم جنت اكول شكو العالم ازور بس بعدين اختلفت كل المبادء عندي عرفت ربي من جديد وجانت ويانه مره جبيره يوميه تكعد بينه احنه ومجموعه من البنات تحجينه عن الدين وعن رب العالمين وشلون يسامح ،،، بيوم كعدت بليل بيني وبين نفسي شفت الفرق شلون هنا مرتاحه على الرغم من انو الاجر بسيط الا درجه،،،،،،،، جنه اني وصديقتي دائما نخلي فلوسنه سوه ونتقاسم بيهن هي اجيب الغده واني العشه ،،،،،،،،،،،،والفرق بين العيشه بالملهى شلون مذله الا درجه وبيهة طعن ب الاعراض ندمت حيل ويوميه ندعي الله يسامحنه ويغفر النه ،،، بهاي الشهرين كمت احس روحي خفيفه من كل ذنب راحه بكلبي ونذرت عمري كله اخدم بالامام اني وصديقتي (ميس)والله وفقنه ونسيت كل الانتقام وكل شي وسامحت الكل على الي سووه وياي لان مجان ذنب احد وقررت بيوم من الايام ارجع اعتذر من كل شخص اذيته اعتذر من سما ومهيمن وام مهيمن وابو وامي وابويه واذا قتلوني هم عادي بس حاليا ما اروح اريد بعد اخدم ب امامي
علي صديق مهيمن: بهل شهرين سما ابتعدت عني نهائيا بس اني يوميه ادزلهة رساله حسيت نفسي تعلقت بيهة بشده بس لحد هسه اكول شلون مثل هيج ابنيه تكون رقاصه
نور: جنت اضغط على امي وتكلي اي سويت هيج وهيج
ام مهيمن: قبل شهر ،،،،، اني رفعت ايدي على سما ضربتهة وزلتهة صعدت جان يطلع مهيمن من الباب الخارجي للمطبخ طلع واكف يسمع علينه ومن وكتهة رزلني وحذرني ،،،،،، وكلي لا تكولين لا اني شفتج بعيوني شسوي يعني وين اضمهة منكم بعد الله واكبر ،،، لسه ما نسيت كلامه وتهديده انو يعوفنه للابد ،، كمت ما ائذيهة لان هو طلب ما ادخل بحياته وانو هي خوش ابنيه بس اني بعدني اكرهة
سما: صفنت اي بقالي بس اخر السنه الي هي بعد ٣شهور،،،،،،،،،،،، رحت التلفوني باوعت هم دازتلي رساله رزلتهة وطلبت منهة بعد متراسلني واني ممصدكتهة وهددت اكول المهيمن ،،،،،،،،،، هل مره اختفت همزين وبعد مراسلتني ابد واني هم التهيت اراجع ومهيمن وياي وياي تعبته هواي بعد مرور ٣اشهور امتحنت وخلصت امتحاناتي بقه بس النتائج ،،، رجعت للبيت ويه مهيمن هو صعد واني بدلت ونزلت اصب غده وام مهيمن كمشتني اني جنت تعبانه حيل منايمه للصبح اراجع وهسه كبل اجيت من الامتحان للمطبخ وهي ترزل
ام مهيمن: ها ولج الخبكه عبالج من حاجاني مهيمن راح اسكتلج لا وحق الحق ما اسكتلج يلهه فضيني نظفي البيت بسرعه يله اتحمين الغده
سما: هزيت براسي بعدني لحد اليوم ما احجي وياهة ولا حرف ،،،، نظفت البيت بلكوه احس ظهري انقسم نصين خلصته ورحت للغده حميته وصبيت وتغدينه كملت اخذت الامواعين دا اغسلهم وهم اجتي وراي وهم تحجي بلاخر اني دخت حيل من التعب وهي تحجي براسي وكعت بالكاع
مهيمن: ما اسمع بس صيحه امي من المطبخ رحنه اني وابويه ركض لكيت سما بلكاع وامي تحاول اتكعدهة،،،، يمه شبيهة شسويتيلهة احححجي ولجججج يمه اسويتي
ام مهيمن: يمه والله ما سويت شي والله جنت احجي وياهة وهي وكعت
مهيمن: بسرعه جيبيلي عبايتج خلي اوديهة مستشفى ،،،، لبستهة وشلتهة واجوي وياي امي وابويه ،،، اسوق بسرعه ،،،، يمه شوفيهة شبيهة ليش متصحى
ام مهيمن: استهدي بالرحمان وليدي انشاء الله ماكو شي
مهيمن: وصلنه شلتهة ودخلوهة كبل وره نص ساعه طلعت الدكتوره ركضتلهة كالت مرتك حامل ،،، بوكتهة ما اعرف شسوي كتلهة وهي زينه وينهة
الدكتوره : بخير هي بس شويه تعبت من الضغط الي عليهة وتعالي من تفرغ عندي كلام مهم وياك
مهيمن: درت وجهي الاهلي لكيتهم مبتسمين وامي تبجي ،،، يمه اني حصير اب
ام مهيمن: اباوع على ابني اول مره اشوفه هيج فرحان وعيونه تلمع ،،، فدوه حبيبي حظنته الف مبرووك يبعد امك
مهيمن: كولش فرحان واريد بس اشوفهة ،،،،،،،،حظنت ابويه وباركلي كتلهم رجعو اني اجيبهة واجي كالو نباركلهة كتلهم بالبيت انتو ميصير تبقون هنا اتعبون رجعتهم بتكسي دفعت فلوسه واني رجعت السما قبلت الدكتوره ادخل كالتلي كعدت زوجتك ،،،،،،، ،،، هلووو باباتي الحلوه
سما: شنو بيه بابه
مهيمن: مابيج شي يروح مهيمن تقدمت عليهة وحظنتهة حيل ،،، فدوه للام مالتي
سما: شنو حبيبي
مهيمن: اروح فدوه للي حصير ام
سما: ها يعني شنو مهيمن اني
مهيمن: اي انتِ حامل يا احلى ام بالدنيا
سما: ضليت اضحك واباوعله معرفت شصرف بس مجنت متخيله بيوم اصير ام
مهيمن: حظنتهة ،،،، مبروك حبيبتي وام بيتي
سما: حبيبي مبروك الك همين حصير ابو النونو
مهيمن: اني شمخبلني غير ام النونو وانوب يجيني نونو مثلهة لا هيج اني انجن
سما: ابتسمت ،،، حبيبي قرب بله شنو هاي
مهيمن: قربت وجهي ،،، شنو
سما: خليت ايديه على ركبته وتقدمت بست شفته وهو عبالك ممصدك جلب بيه،،،،، مااااا يله كافي هاي صار البوسه ال ٤ والله شفتي راحت
مهيمن: فدوه الشفتك ،،،، هسه اجيج اسوي خروج
سما: اي طلع ،،، خليت ايدي على بطني وكمت احجي ويه طفلي ،،، اني ما اعرف اذا انت ولد او ابنيه بس انشاء الله تجي وتجيب الساعده وياك اليه والمهيمن
مهيمن: رحت للدكتوره وكلتلي انو عدهة ضعف بالكلب بس شي عادي ولتخاف مشيت الامور عاديه لان الدكتوره طمنتني ميصير اي شي ،،،، اخذتهة ورجعت للبيت وجاي اخويه وجايبين كيكه فرحت هواي لان اهلي فرحانيلي وخاصه امي اشوف الفرح بعيونهة بعد ماجان الكره عاميهة
سما: حيل فرحت بالمفاجئة وخاصه فهد ابن علي،،،،،،،،،،، جايبين عشه من بره اتعشينه وقطعنه الكيك اني ومهيمن وكعدنه بالصاله الكل باركلي وهم كعدو يسولفون واني العب ويه فهد ومهيمن بس يخزر بيه
ابو مهيمن: مهيمن باجر نعزم كل كرابتنه حتى نعلن زواجك مابيه مجال بعد ،،،،،، يمعود احاجيك شبيك
مهيمن: ها يابه شنو كلت
ابو مهيمن : لا يبوي ما كلت شي ،،،،،لك انت لو بس تبطل اتخزربالبت جان فهمت شحجيت اني
مهيمن: اي مشوفهة طككت مرارتي بعد ما اتحمل راح احجيهة لان اظاهر هي ما افهمت كل اشاراتي
ابو مهيمن: دحجيهة وفضهة ،،، لان نحجي وياك وانت بس اي ومركز وياهة
مهيمن: يابه ميت مره كتلج عوفي فهد
ام مهيمن: ولك شبيج
مهيمن: يمه يعني مو زين عليهة ادنك هواي وتلاعبه ،،،،،،،،،،ركزت على اخر كلمه واني اباوعلهة
ام مهيمن: لا ماعليهة شي
مهيمن: يمه
ام مهيمن : شبيك مخرف من سمعت بالخبر هههه
مهيمن: لا يمه بس مرتي واغار عليهة
ام مهيمن: حجاهة ب اذني محد سمعه ابتسمت وصفنت ،،، شوف شكد يحبهة واني جنت احاول ابعدهة عنهة مع انو البنيه مابيهة اي غلط شكد رزلتهة ومرات اضربهة وهي مترد ،،،،، المهم اني يوم بعد يوم اكتشف هاي البنيه طاهره وخصوصا بعد ما حجه وياي ابو مهيمن هو دائما يحجي وياي علمود ما اضلمهة بس اني جانن عيوني مسدودات عن الحق بس كلامه اول بارحه ضل يتردد بداخلي ،، يا مره البنيه يتيمه ومن اهل الله لا اظلميهة وتخسرين اخرتج ودنيتج وابنج خفي ويه البنيه ،،،،،مهيمن سولفلج كل القصه والبنيه ماعدهة هيج سوالف وهاي كدامج عايشه ويانه صارلهة شهور ما فد يوم غلطت بحق احد،،،،، ،،،،خلص بعد قررت انو لازم انسه كل شي وخاصه هي ام حفيدي ،،،،،فه خلي اطلب السماح من ابني ومرته
مهيمن: سما عوفي الولد
سما: حجيت بداخلي اوووف يا شبي موتني بحزراته عاد استاذنت منهم وصعدت باوعت هاي راجعه دازتلي رساله اليوم الظهر كاتبه ها حبيبي شلونج ،،،،،،دا اخفي المحادثه وطب مهيمن تلبكت حيل وخفت عبالك مسويه جريمه مدري ليش هلخوف
مهيمن:اباوعلهة تلبكت سما شكو شبيج
سما: ماكو شي حبيبي
مهيمن: باوعت بيدهة التلفون مردت اتسرع كلت افتح تلفونهة من تنام ،،، مشيت الامور عادي
سما:باس كصتي وحظني اني كبل نمت من التعب
مهيمن: فتحت تلفونهة ماكو بي رمز عاد رجعته كلت باجر اخذ الرمز منهة ،،،، نمت
رقيه: وتالي نور مابقه شي وتخلص السنه والله اسويلهم سحر اذا مطلكهة بس تخلص هاي السنه
نور: فهمت فهمت بس صبري
علي صديق مهيمن: مجاي اكدر انساهة والاء نصحتني بعد ما اراسلهة بس ماكو صبرت وصبرت ٣شهور ممحاجيهة تالي تعبت حيل هواي واني اتخيلهة،،،،،،،،دزيتلهة رساله شافتهة ومردت عفتهة وكلت باجر من الصبح اروح ال الاء تفهمني شنو سالفه سما تكملي قصتهة من راحت للملهى شسويت وشوكت شافهة مهيمن،،،،، صار الصبح طلعت ال الاء وحجتلي كل شي بعد ما هددتهة اخابر مهيمن واكوله على مكانهة ،،،،،،،،،وعرفت هي مو من ذني البنات الموزينات وانو مهيمن نقذهة بسرعه بوكتهة يله اعترفت النفسي انو اني احبهة ولازم اعوفهة مدام هي شريفه خليهة الله يهنيهة بمهيمن وحذرت الاء تتقرب منهة لان اذا اذتهة كبل اكول مكانهة المهيمن ،،،،،، مو يكولون اليحب يضحي وخلص اني راح اعوفهة تعيش ويه مهيمن افضل مني آه طلعت احبج وما ادري بداخلي جنت اقنع نفسي انو انتِ نزوه بس طلعت غلطان بحقج وحق صديقي بس ب اي وجه واجهة شلت السيمكارت الي احجي بي ويه سما وضميته كلت من اشتاقلهة افتح الرقم واشوف المحادثات
مهيمن: طلعت للدوام وابالي سما البارحه ليش خافت من دخلت وشنو بالتلفون مكدرت اكمل دوام رجعت قبل ليكمل الدوام لكيت كومه سيارات كبال بيتنه يا ستار شكو دخلت والكه الكرايب كلهة ابيتنه سلمت ورحت للمطبخ لكيته مليان نسوان سلمت ،،، يوم تعاي اريدج ،،،،،،، شكو يمه منو عزمهم
ام مهيمن: يا شبيك مو ابوك كلك البارحه باجر يعزم كل كرايبنه علمود يعلن زواجك من سما
مهيمن: ها مدري ما سمعته
ام مهيمن: ديله روح يمه الرياجيل بين ما نحظر الغده ونصب
ام مهيمن: ماشي يمه
سما: اباوعله داخل بالزي العسكري وكلهن باوعله ويبتسمن غرت حيل عاد صعد يبدل اني لحكته ،،، شنو مهيمن شكو اجيت
مهيمن: اكو وحده تكول الرجلهة هيج
سما: ما يله انت مشفت شلون يباوعلك شكو اجيت
مهيمن: منننه حبيبي
سما: اووو ذني كرايبكم
مهيمن: اروح فدوه للحامل الضايجه
سما: ضحكت شنو هل لقب
مهيمن: تعاي بدال متبوسين رجلج جاي من الظيم تكولين شكو اجيت
سما: ما نوني ميقبل ابوسك
مهيمن: انعل ابو نوني تعاي حبيبي
سما: ما لتغلط على ابو ما اقبل والله اموتك بس تعيدهة
مهيمن: اموت اني بالي ايموتني ،، تعاي موتيني مثل ذيج المره
سما: والله ائذيك هل مره
مهيمن: فدوه للشرسة اني قابل يله تعاي
سما: تقربت منه هو كمش خصري واني رفعت نفسي خليت اديه على خدوده وعضيت شفته الجوه
مهيمن: هههه
سما: استفزني بظحكته خليت راسي بركبته وبستهة بقوه
مهيمن: لج لا يصير اثر سما احجي وياهة ماكو وخرت رحت للمرايه ،،،، اباوع طكعه حمره حيل خرب بيج سما هسه شيكولون عليه ولد عمي واعرفهم ادبسززيه
سما: ما لتكول خرب بيه
مهيمن: ايا حبيبي والله مو وكتهة
سما: شكو تضحك عليه لعد هذا عقابك
مهيمن: دتعاي يابابه هسه مو وكتهة تعاي اخفيهة اليه بسرعه خلي انزل عيب
سما: اممم،،،،،،،،خليتله كريم اساس بس طلع افتح من لون بشرته بهواي
مهيمن: بابه هذا يناسب بشرتج مو بشرتي شوفيلي غيره فد لون اطوخ
سما: ماعندي غيره بابه
مهيمن: خرب حظي امشي زين جيبيلي لاصقه جروح بسرعه
سما: انطيته خلاهة ونزل واني نزلت للمطبخ اباوع نور اخت مهيمن تباوعلي مدري شلون بس ام مهيمن صارت كلش زينه خاصه بعد ما سمعت خبر حملي وكلساع تكول كدامهن هاي جنتي مرت الغالي ومرت علي تكول واني هي تتشاقه ،،،،،،،،،وام مهيمن تكول ثنينجن عزيزات عندي والكل فرحان ،،،،،،،،،،، وباركلي بالخبرين زواجي وحملي كالو للكرايب قبل شهر ازوجو والبارحه طلعت حامل مرته،،،،،،،،،المهم عمتي مخلتني اشتغل هواي كملت العزيمه والكل راح بقه بس اني ومهيمن وابو وامه ساعه٩ بليل كملت عشه وتعشينه خلصت شغلي و صعدت للغرفه سبحت واتمدد على السرير انتظر مهيمن
مهيمن: ردت اصعد امي كالت اريد احجي وياك ،،، المهم اعتذرتلي وسولفتلي كل السوته ويه سما ،،،،، سامحتهة لان امي وادري بيهة احد دافعهة بس منو ما اعرف ،،،،،،،وكلتلي اني مستحيه شلون اطلب السماح منهة خاف تردني ،،،،، كتلهة لتخافين مرتي واعرفهة اصلا مسامحتج من زمان صحتهة السما نزلت واعتذرت امي على كل الي سوته وسما ضلت تبجي ومقبلت امي تعتذر منهة وكلتلهة عمه اني مسامحتج ولتعتذرين مني وباست راسهة كولش فرحت بيهة وبعقلهة الجبير المهم اصالحنه ويه امي وصعدنه للغرفه نمنه من التعب واني نسيت كل شي لان تعبت حيل،،،، كعدت الصبح همزين اليوم عطله اباوع سما بحظني بستهة ورجعت اتمددت على ظهري واجه على بالي وجه سما من دخلت للغرفه لازم اعرف شنو دضم عليه كعدت تريكنه وكملنه ،،،سما اريد تلفونج فتحي الرمز
لهنا وينتهي البارت اشوفك ببارت اخير باجر تخلص القصة و ادعكم ،،، وقد يكون بارتين بعد حسب
فقره اسئلة
١.شنو رئيكم بالتغير الي صار بحياته فاطمه وهل انتو مع ان الله (يهدي من يشاء )
٢. هل فعلا اليحب لازم يضحي مثل مكال علي ،،، يعني صح هو رادهة ليله وحده لان فكرهة بت ليل بس من عرف خلص ابتعد عن الفكره هاي واتندم لان خان صديقه
٣. هل اتاخرت ام مهيمن ب اكتشاف سما (انو هي بريئة)
٤. من بيكم جانت كل توقعاته للبارتات صحيحه
٥. نور ورقيه حيسوون شي لو هم يتوبن شنو تتوقعون
٦.شتحبون تكلولي بما انو باجر نختم القصة او عكب باجر
اكيد بعضكم حيسئل ليش دائما اكوللكم بعد متخلص هسه القصه وهسه فاجئتكم انو باجر تخلص،،، مو الشي بس البارحه بليل بديت اكتب واحس هاي الاحداث قربتني من ختام القصه لهذا قررت اختمهة
بيباي
عدد كلمات البارت ٢٣٧٢