النقيب والعنوديه صاحبه الأمل الطويل

بارت 1

نبدأ القصه من كان عمري 10واني صغيره طبعا سبق وذكرتلكم اني سمره طبعا كنت اتعرض للتنمر بسبب سماري من رغم سماري حلو مو جكليتي وانما قريب شوي للحنطاوي المهم امي بيضه صاحبه عيون بني وابي حنطاوي صاحب عيون صفر اني اخذت سماري من عماتي عندي ثنين سمرات والبقيه حنطاويات حلوات لكن اني الوحيده الي الكل تنمر ع سماري ذكرت كان عمري 10سنوات طبعا بهذا العمر الطفل يتذكر واني اسمع الكلام الي ينكال عليه لان سمره ومن واني صغيره يكولون مناخذه لابن عمه لان متلوكله لان سمره والى أخره من كلام كل كلامهم لان سمره طبعا كبرت بهذا الكلام الى اني ممستسلمه ولا اهلي ميدرون ماكوللهم حتى متصير مشاكل المهم قررت من واني صغيره مااستسلم مهما كان الوضع الي اني بيه من رغم تعرضت لعده ظغوطات بالحياه والحمد الله ما استسلمت للامر الواقع حطيت بعقلي فكره بأن مو اني الي ترضخ للأمر الواقع كنت اتعايش مع احلامي دائما احب احلم واتخيل شغلات المهم صار عمري 13 دخلت متوسطه معناها كبرت انتقلت الى غير مرحله كنت اسمع الكل يكول ما تكدر مدبر الدراسه ماراح تنجح هذا الكلام ماهو يجرحني بالعكس وانما ميدرون بكلامهم هذا يشجعوني ع ان اجتاز كل شي نجحت من اول متوسط وكنت افكر بمستقبلي وشلون اجتاز هذه السنين من دون استسلام صرت ثاني متوسط انتقلنه بيت وحدنه لان كنه عايشين بيت جدي وي عمامي 4عمام كلهم مزوجين طبعا احبهم ويحبوني يسموني الدكتوره

بارت2
لكن الكلام ينسمع من بعض الاشخاص من مرت عمي لكبيره وحته بعض الاحيان عماتي الي هن خوات ابي كان يتكلمون وبالمستقبل ماياخذوني لابنهم لان سمره عبالهم ميته عليهم من رغم ولد عمي مثل لاخوان تربينه سوه نرجع شلنه وبدت حياتي من جديد واتأقملت ع وضعي الجديد لان مطنقتنه بعيده كوولش عن بيت جدي الي كنا ساكنين بيه وخلصت السنه ثاني متوسط بتفوق طبعا محد صدك اني طلعت بتفوق لان الكل يريد اطفاله هو متميز ممتوقعين اتفوق عنهم من رغم هذا الشي وانتقلت الغير مكان الى ان مخلصت شغله الغيره وكلامهم عني كل شي يكولونه عني يحطون حجتهم بسماري اله اني سمعت كل شي واعرف الكلام الي ينكال عني رغم هذا ما استسلمت ما سمحت الكلامهم يعجزني ولا السماري لون بشرتي يحطمني ويوقفني عن حلمي صرت ثالث متوسط مكلوريه خليت واهسي للدراسه صرت ادرس صبح وليل حتى من كثر دراستي صار نظري قليل صار عندي قصر ولبست مناظر وانتقل كلامهم وتعييبهم من هي سمره صارت شلوون تلبس مناظر الكل اندق من مناظري عبالك منطيته الهم وصار كلامهم يزيد سمره وتلبس مناظر (((طبعا من اكول سمره اقصد لون بشرتي لان اهنا اسمي سماره )))) البس مناظر معناها مااشوف والكل يقلد ويسوون حركات بايدهم ع اساس عميه 😂بس تدرون اني صح ازعل بس اضحك ضاربه تقليدهم بعرض الحايط، المهم اعترف مرات ابجي انقهر اضووج بشكل مو طبيعي بس اكوول مو اني الي تنكسر ولا اني الي يحطموون احلامه بافعالهم درست ونجحت من الثالث الحمد الله صرت مرحله اعداديه الكل مقبل ادخل علمي اله ادبي لان عمامي وعماتي كلهن ادبي خريجات 2خريجات جامعه وحده فقه وحده خريجه ماجستير، وثنين خريجات سادس ادبي يعني باختصار الكل خريج اداب كلهم ادبي الوحيد ابن عمي دخل علمي وتندم وبطل لان 3سنين سادس، الكل عارضني ماادخل علمي اله اني عارضتهم ومسمعت كلمتهم دخلت علمي، دخلت علمي لاجل صالحين لاجل حلمي ولاجل اكسر اخشووم بعض الاشخاص الي تنمرو عليه والله شنو ماادبر علمي لان عميه وسمره، اخذت قراري ادخل علمي طبعا هذه تشجيعات من اهلي ماما وبابا كالو الي ترديه احنه وياج اني كلتلهم علمي كالو خلاص علمي علمي شدي حيلج دخلت رابع علمي نجحت بمعدل 85طبعا ميعتبر من المتفوقين وانما وسط صرت خامس علمي وهنا بدت ايامي تسوء حسيت بطاريتي انخفضت بسبب نظري نظري يتراجع من رغم معالجتي وروحاتي للدكات ه اله عيني يسموها الكسووله ماتتعالج بسهوله مرات اضووج ابجي مرات اضعف تظل ايام افكر بنفسي واصير ضعيفه واهسي يقل بسبب نظري واكول كل الي احلمه حيروح بلحم البصر بسبب نظري مع ذالك ما استسلمت قررت اكمل واتوكل الى الله هو المعين خلص الخامس بصعوبه طبعا خامس علمي احيائي البعض حيسأل الخامس مو صعب اي اعترف مو صعب الي يدرس ينجح بس اني اواجه صعوبه بسبب نظري الي ديقل ولازم التزم بالمناظر،

بارت 3
على هامش التاريخ كُنا حتى ولدَتنا الثورة فأخرجتنا من الحاشية وأعادتنا للسطور

خلص الخامس ونجحت الحمد الله بمعدل حلو 80
صرت سادس علمي الي الكل يشكي منه ماخذ عقل كل الطلاب 😂صرت سادس وتبدأ معاناتي بدينه كورس لاول وطبعا هذا الكورس وصارت مظاهرات سنه 2019طبعا سادس وصعب ومظاهرات احنه طالبات اتفقنه نسوي مظاهرات طلابيه نعتصم عن الدروس وعن كل شي نصير أيد وحده وي المتظاهرين البقيه الي بساحه التحرير ضربنه كل الدروس واعتصمنه وهووسه المدارس الحمد الله الشرطه وكفت ويانه وبعض المدرسات ايضا الشكر الجزيل الهم لولاهم ماكنه راح يكثر عددنه اني طبعا اظاهرت بساحه التحرير مع المظاهرين اروح وارجع وي اهلي لكن وقتي صار صعب بين مظاهراتي الي بمدرستي ومظاهرتي بساحه التحرير طبعا اني حبيت اظاهر بساحه التحريو بس ما حبيت اترك الاشخاص الي أمنو بيه اني كنت سبب مظاهرتنه بمدرستنه الي مدرستنه الوحيده محد يكدر يعارض المديره الكل يخاف منه من رغم الكداوس الي يمنه تظاهرو اني قررت اجمع الصفوف ونتظاهر والحمد الله صرت رئيسه العصابه مثل ما تسميني مدرستي ما حبيت اترك لاشخاص الي تمسكو بيه وذاهرو ويايه وعاندو كلاك اهلهم والمدرسين علمود نتظاهر هنا نظمت وقتي دوامنه نحن العلمي فقط الصبح دوامنه صرت الصبح مظاهرات وي مدرستي والمدارس الي بمنطقتنه نتظاهر ونوصل صوتنه والظهر اجهز نفسي حته اروح لعصر للتحرير
فقدنا عدد كبير من الشهداء وعدد كبير من الجرحى لكن ما استسلمنا رفعنه اعلامنا لاجل نغير الواقع الي عايشين بيه لاجل يتحسن البلد
وصار الوضع يتأزم اعداد الشهداء تزداد كذالك الجرحى نموت من أجل الكهرباء
نموت من أجل الماء
نموت من أجل التبليط
نموت من أجل التعليم
نموت من أجل العمل
نموت من أجل الأمان
نموت من أجل الكلمة
نموت من أجل الدواء
نموت من أجل الحق
نموت من أجل الوطن
ونموت ونموت
وحتى نموت من أجل لا شي
ببساطة ((نموت)) لأننا عراقيين
من اجل هذه الطلبات البسيطه نموت
ما استسلمنه لكن بدأت لامور تختلف من الاغتيالات الي دا تصير بوسط المتظاهرين وبعض المخربين للاسف فقدنا هواي شبابنا مثل الورد

بارت 4

إحنه شدَّه
إحنه گطره ماي
و گطرة ليل تتلاگه إعله ورده
إحنه غِصة تين
و شهگة عطر تتلاگه بمودَّه

كمنه نسمع كل ساعه وساعه شهيد كمنه نزف عرسان بالتحرير نزفهم بتوابيتهم بدال مااهلم تفرح بيهم بدله عرسهم صارت بدلتهم جفن لابيض وغرفتهم القبر. صار الموت بالنسبه النه احنه المتظاهرين مثل الماي اليجي للتحرير لازم يودع اهله ويعرف نفسه ميرجع عايش معجزه تصير ويرجع عايش وطلق الحي يصير فوك روسنه يطشر مثل الورد من السماا اليووكع شهيد يوكع ويوكع جريح يووكع
صارت الجثث طشار للمتظاهرين والسبب. شنو لان ردنه حقنه ميضيع ع ابسط لاشياء

‏أيها الوطن المليء بالموت ، كفاك !
أيها المواطن المليء بالروح والدم نفديك يا عراق ، كفاك !
لقد تعبنا من الموت . .
لم يبقَ لدينا قلبٌ يحتمل أكثر !
فليلعن الله كُلّ مَن يؤذي هذا الوطن وأهله
فليعلن الله كلّ الضمائر الميتة . . . . !!!
رغم المشاهد الي نشوفه بالمظاهرات والجثث مطشره مثل اوراق الشجر المتناثر ما خفنه ولا تراجعنه لان شهداء هواي راحت لاجل الوطن وبالاخير يردونه نكعد ونسكت
بالعكس من يعاندونه وينكونه جثث هواي احنه نرجع ونصير اقوه ويزداد اعدادنه اكثر ونكون اكثر صرامه اذا هم عنوديين يخووفوونه بتهديداتهم احنه اعند منهم نخووفهم بأجيالنه الي تهز الجبال هز بجيلنه الي انترست المقابر بينه مثل الورد ننطش ع النجف

" إن جيلنا قد شاخّ حتى قَبل أن ينضُج."

‏"أنا المسجُونُ في حُلمي
‏ وَ في مَنفى انكسارَاتي
‏أنا في الكون عصفورٌ بلا وطن
‏ أسَافِرُ فِي صَباباتي
‏أنا المجْنونُ فِي زَمن ٍبلا ليلى
‏ فأيْنَ تكونُ ليْلاتي
‏يَضيقُ الكونُ في عيني
‏ فتُغريني خَيالاتِي
‏أنا وطنٌ بلا زَمن ٍ
‏وَ أنتِ زَمانِي الآتِي"
‏

" بقلم الكاتبه سماح "

بارت 5

وتبدأ حكايتي مع النقيب وسط المظاهرات طبعا بعض العساكر يظاهرون لكن من دون ما يظهرون هواياتهم للامان طبعا تعرفت عليه بالمطعم التركي الي بوسط المظاهرات كنه دا نساعد المظاهرين بنقل الهم مشروبات غازيه يغسلون من الدخان او القنبله الغازيه كنت دا اركض يم البنات لان شخص يمنه نضربت بصفه قنبله غازيه اريد اجيب اله الببسي حته يغسل وانضربت بيه الي هو بطل القصه المغرور 😁اتركه يعرف عن نفسه

السلام عليكم اني اسمي علي عمري 38
من البصره بس شغلي بغداد مثل ما شرحتلكم سماره مظاهرات نخفي هويتنه حته نساعد المظاهرين وبنفس الوقت حمايتهم من الاوغاد الي بنصهم المهم
يصادف يوم خميس بالتحرير كالعاده يم المطعم التركي امشي واخابر وجان تركض بنيه وتضربني ممنتبه بنيه ملثمه وعيونها تشع بشمس جان تعتذر واني صحتلها وعمى جان تندار عليه وترفع بايده حولت البطل بايده اليسرى وبايده اليمنه رافعته موجهته عليه وكالت عمه العماك انت مو اعتذرت ليش تغلط جان اني اجي واتقرب منه اعاين عليه واحجي اكوللهه عليمن هل غلط جان تجي وتكول ع الجني الواكف كدامي شوف نفسك اكو احد يمك لا اكيد عليك، جان اجي واوكف بصفه كتله السانج لا اكصه الج احترمي
جان ترفع حاجبه وشتكول آحترم. تحٌترم
جان اخر شي تصفن وتركض راحت يم مجموعه ماادري شبيه نرجع الام المشاكل
طبعا اني من انضربت بيه اعتذرت بس هو خشمه عالي طبعا اعذرني 😂دا احجي عليك بس اني صريحه مو بيدي المهم من غلط عليه ما تحملت وكاللكم شصار اخر لحظه صفنت تذكرت الولد الطلب الببسي لان طكت يمه غازيه واطكه ركضه يمهم وانطيهم الببسي طبعا الشخص الي انضربت يمه غازيه هو جيرانه ومثل اخويه من امطيته ببسي هو اسمه احمد كالي بعد وكت لو شاربته مو احسلج 😂اني هنا خجلت تذكرت عركي وي هذا المغرور اعتذرت من احمد كال ماصار شي وشوي ويجي المغرور يووكف يم راسنه اني ممنتبه كنت وي الممرضه الي ويانه طبعا تعوفنه ع اصدقاء رغم احزانه بالمظاهرات الى احنه مفقدنه الأمل ولا لبتسامه اتعرفنه وصرنه اصدقاء المهم 😁نرجع الحديثنه كنه واكفين اني والممرضه دا نرتب بالاغراض حتى اذا تجه جريح الدكتور يعالجه طبعا بالنسبه الي جروحهم بسيطه الدكتور يعالجه يمنه اما جرحهم بليغ ياخذو مستشفى اجه وكف وسلم اني ارتب وادندن وي نفسي اغنيه احنه البيكيسي المايسكت 😂 اجه وضرب ايده ع ميز كال ايييي ما سمعنه اعتذارج ،اني كمزت طبعا من ضربه الميز واندار عليه الكاه هو حطبه ابو خشم العالي كتله نعممممم طوولته الكلمه كال الله ينعم عليج شووكت تعتذرين عاينتله صفح 👀كتله أي اعتذار عن شنو تحجي انت كال قبل شوي غلطتي بحقي ولازم تعتذرين طبعا اني هنا ضحكت ضحكه لا اراديا نسيت اكوللكم اني وحده فطيره😁 ،مو عجينه 😂
ضحكه طويله والكل يمي انتبه الممرضه زينب واحمد واخويه والدكتور ودكتورتين ويانه واكفين الكل نتبه عليه كالو شبيج ضحكين ضحكينه الدكتور كال شضحكهم هاي الفطيره ع كل شي تضحك بس يالله ضايجين ضحكينه وياج كتلهم لا ماكو شي بس اكو ناس يرادله غسل وكووي 😂😂نروح ال علي يكمل

بارت 6

وأَنا أَنظُرُ خَلْفِي في هذا الليلْ
في أَوراق الأَشجار وفي أَوراق العُمرْ
وأحَدِّقُ في ذاكرة الماء وفي ذاكرة الرملْ
لا أُبصرُ في هذا الليلْ
إلاَّ آخرَ هذا الليلْ
دَقَّاتُ الساعة تَقْضُمُ عُمْري ثانيةً ثانيةً
وتقصِّرُ أَيضاً عُمْرَ الليلْ
لم يبقَ من الليل ومنِّي وقتٌ نتصارعُ فيهِ...وَعَلَيْهِ
لكنَّ الليلَ يعودُ إلى ليلتِهِ
وَأَنا أَسقطُ في حُفْرَةِ هذا الظلّ..

- علي - اني رحت كملت اتصالي وكم شغله مطلوبه مني وشفت واختي واكفه يم مجموعته رحتله وجان اشووفلكم منوو اشووفلكم ام المشاكل تسفط الميز ودندن مدري شتغني اهنا حبيت اخبث اجيت من وراها وضربت الميز بكل قوها وهي كمزت كمزه يمكن اله شوي اجت تطفر من مكانه من الكمزه
-هوب هوب هوب شبيك لا يكون صدكت نفسك كمزتني لا عبالك تره ارده الك ولو رديته الك اني -
احمم نرجع ال علي طبعا كالتلكم ع الي صار ام المشاكل بس اخر شي من كالت غسل وكوي قصده عليه ما تحملت هاي بطول ايدي تتجاوز عليه ماكدرله خرب جان اجي واشوف يمنه بطل مي اصبه فرك راسه وكتله احترمي نفسج لا عبالج ساكتلج هنا ولد صارو عيونهم حمر ثنين كامو ماقبلو ع التصرف جان هي تعاين عليه صفح وتكوللهم لا تدخلون اووكفوو اني اشوف شغلي وياه تقصدني الي نرجع لام المشاكل
صب عليه بطل مي اخويه وابن جيرانه ماقبلو اله شوي رادو يهدون عليخ وكفتهم عند حدهم وكتلهم اووكفو اني اتصرف جان اجي تجر بطل الببسي من ايد الممرضه واذبه عليه حرامات مالوحه هو طويل لو لحته لعد ذبيته ع راسه بس يالله المهم ملابسه صار بيهن كله ببسي وهو يدبك الببسي عيونه تصير بكصته يجي يمي يكلي شسويتي هسه اني مت يمي دا احس سنونه تكسرن من كثر ما ظاغط عليهن 😂خرب صدك لو كالو ام المشاكل مااكعد راحه المهم كال اعتذري كتله تمام حعتذر طبعا اني سريعه بافعالي بطل مي صغير وذبيته عليه رشيته بلمح البصر وهو مدنك يعاين ع ملابسه من ذبيت المي هو يعيط حسيت كل الي بالتحرير صفنو علينه صاح شسويتي ما تحترمين لو ما بنيه عرفت اتصرف وياج هنا اخويه دخل كال بالله شسوي احمد ربك لو مو هي مسكتتني لعد عرفت شلون اتصرف طبعا اخويه صح فارق عمر بيني وبينه بسيط بس هو يحترمني اذا اكله موت يموت بس بالخباثه ينسه الاحترام 😂المهم كله ابو خشم العالي شسوي بالله هنا الممرضه زينب والدكتور ادخلو وهدوونه كاله شجابك تعيل بيه متكلي شكال علي كله اعلمه شلون تحترم هاي اذا محد معلمه اني اعلمه الدكتور شيكله شتحترم انت البديت والعلت بيه ولعلمك هي مدرسه بكبرها هججته وخلت المدرسات يصيرن وياه وجبرت المديره مالته تسكت وما تفك حلكه علمود المظاهرات تريد تسكتلك طبعا الدكتور والممرضه سبق وان كلت اصدقتئي من تعرفت عليهم فيدرون همه بحادثه مدرستي طبعا ما قصرو هم جانو يجوني بالمدرسه علمود مظاهراتنه تقوه كل الشكر والتقدير الهم، نرجع الموضوعنه راح الدكتور وي ابو خشم واني اجتني الممرضه والدكتورات كالن شلون تسوين هيج كتلهن اسكتن ما شفتنه شسوه واني ليعاديني لازم ياخذ استحقاقه مني هو سوه فعل اني ارده اله بفعلين 😂مو بيدي عراكه

بارت 7

⠀⠀ ⠀ ⠀⠀⠀ ⠀ ⠀
⠀⠀ ✨❗️.
:لبوهُۃ شرسهُۃ بثوب انثى ‏ﻡـن ضـبابُ
- بـغــداد الـسـلامَ ✨ .
⠀ ⠀ ⠀ ⠀
⠀⠀ ⠀⠀ ⠀ كالت زينب هسه شيسكته اله يرده الج ما يسكتلج كتلها شنو تخوفيني بيه مثلا هذا الحطبه وجه القوري 😂المغرور ابو خشم العالي خشمه يرادله كسر هنا زينب كالت اخخ منج ولا تنكدرين كتله حتى يعرف ويامن يحجي الدكتورات كامن يضحكن كالن كل هاي لاسماء طلعتيه اله بدقايق استوج شفتيه وطلعتيله كوومه اسماء اذا تعرفينه. اسم طلعيله 😂1شهر شلوون يمكن100
ماعتذرت ولا هتميت ضلينه نضحك صار اليل تقريبا 10روحتنه تصير وحده لان من تعرفت ه جماعه منطقتهم قريبه علينه فانروح سوه ونرجع سوه بس مرات يرحون نروح سوه فقط جمعه وسبت يوم عطله بالمدرسه فااخذ الفرصه واروح للتحرير الصبح طبعا ماانسه بذل جهد نبع الحنان خطي تسويلنه فطائر ودولمه ومقلوبه حسب وناخذه ويانه نوزع مرات كليجه بس اكثر شي نتعب الفطائر نسوي اكثر من 50فطيره لان اعداد هواي فخطي جيرانه يجوون يساعدونه مرات اخابر ع زينب تجي ويانه لان قريبين علينه طبعا هنا الحجي وماتدري اني ابو خشم يصير اخوه ولا هو يدري اني اصير بنت صديق ابوه لان العائلتين جمعتنه صداقه اهل ابو زينب صديق بابا من ايام ثانويه بس منعرفه احنه بحيث من اتعرفت ع زينب مااعرف اهله ولا اعرف ابوه يصير صديق بابا الى ان بالايام لاخيره يالله عرفت المهم نرجع الموضوعنه بليل نريد نرجع ويجي ابو خشم يم خيمتنه يريد زينب شافني مقابيله ضل يخزر بيه اني ما هتميت رفعت تك حاجب وخزرته هو ظل صافن طبعا كل شي كيبين مني غير عيوني لان ملثمه من صبح لليل ومرات البس كمامه
ومرت لايام واحنه بس عرك محد يشوف لاخ بس واحد شاف لاخر نتعارك مثل توم وجيري ولا عبالك اكبر مني لارم يسمعني حجي واني منا مااسكت الساني يسبقني بالحجي 😂بيكيسي وانهد المهم مرت ايام وراحت ايام بالايام لاخيره مال مظاهرات لان مظاهرات شوي قلت بسبب لاوضاع ومن الكل سمع خبر كورونا كمنا نقل لان المرض وصل للعراق اخر يوم الي بالتحرير اودع صديقاتي لتعرفت عليهن الدكتورات والممرضات كلش حبيتهم الله

قد يكون وجود بعض لاشخاص في حياتك مرادفٌ للطمأنينة .

" بقلم الكاتبه سماح "

طبعا الى هنا نختم جزء من القصه الجزء لاخ ان شاء الله يكمل بعد كم يوم واتمنى بأن القصه تنال اعجابكم واذا حبيتو لايك لحتى استمر الكم بتكمله القصه

((اعذروني بس تكمله القصه راح تصير بهذا الحساب samra_ak