اسيرة قدرك

البارت التاسع عشر

اسيرة قدرك..
بقلمي رسل..
البارت التاسع عشر..
واتباد rasolaa7@

عدنه وادم صلفه مو مال احترام
وعدنه وادم تستحي من خيالها
وهي دنيا وخفنه بيها من الحلال
الناس تركض ع الحرام اشمالها..

-ضليت احلف ما ارجع و هو يغلط و اني
احلف وابجي تالي عصب صاح..

-جاي عليكم جاي اسحلج واشوفج شلون ما ترجعين انتي مو مال احترام الظاهر..

-فعلا شوي واجه علينا ماما طلعتله اني ما طلعت
ما ردت اشوف شكله مقهورة منه حيل كل شيء
اتحملت بس مال يشكك بيه مكابله بارق ومكيفه
هاي الي ما ارضاها اني والله كل شيء تحملت
وكلت تهون بس هو قهرني حيل هاي
المرة يعني لو كايلتله بارق شسوه جان دفني
بدون ما يرفله جفن..

-اجتي امي كالت اطلعي و جفينه شره هذا
المخبل راح يفضحنا وما يقبل يطلع..

-ما اريد اطلع ولا اشوفه خلي يولي مليت منه
يمه تدرين هسه شنو اتمنى؟!..

-شنو؟!..

-اروح على هذا جيرانا الي جابهم علينا
و افرغ ضيم كلبي كله بي منو عاتب عليه
يوزع رجوله شافيني بايره لو هذا حضي..

-امي ضحكت.. روحي شوفي المخبل وعود
بعدين فكري بالجيران..

-دفعتني امي دفع وصلتني للباب اخذت نفس
و طبيت ما حجيت بحرف كعدت بعيد عنه
وهو عينه عليه.. تعالي هنا اكعدي يمي حبيبتي..

-بقيت بمكاني هو تنهد بصوت.. سهله ريا..

-شكو شرايد مو كتلك وحلفتلك ما ارجع..

-مو هو بكيفج كومي لمي غراضج و تعالي
وتجفي الشر احسن الج..

-لا اني الي ما اريد اتجفه الشر و لا اريد
الم غراضي ولا اريد ارجع بعد كافي شنو عبالك
مثل كل مرة تضرب و ترجع تحضني و اني
مثل الغبية وراك وطوع امرك اسر لهنا وكافي
رجعة ما ارجع انت تشك بيه
لا خليتلي قيمه لا صخام نوب اخرها اطلع اني
الي اتمضحك و مكابله بارق كافي اسر
كافي تعبت وما اريد غير الطلاك منك
لا اني الي ارتاحيت وياكم ولا اتنم الي متقبليني
طلكني وخلي نرتاح..

-كام على حيله.. لج شتحجين انتي كتلج تجفي
الشر ليش تخليني امد ايدي عليج طلاك شنو
منين جايبه هاي السالفة النوب..

-والله ولا ارجع وياك هي هاي حياة خليتني
استحي اباوع على روحي بالمرايا من الذل
الي عايشته تضرب و تهين و تشك بمرتك
ولا تتفاهم لا تسمع مني وتالي باقل شيء
يصير ترجع عليه هي حياة الي عايشينها
بربك اسر هاي هم حياة كلها
مشاكل
خوف
قلق
شك
عصبية
عوفني هنا وروح والله طابت نفسي منك
ومن هالدنيا كلها اذا تحبني ولو شوي مثل
ما تكول طلكني والله ما عندي صبر بعد
ولا عندي جسم الي يتحمل اقاوم واعيش وياك..

-صاح بصوت.. لا تمسلتين كتلج امشي
وياي لا اسحلج سحل منا واشوفج شلون
ما تردين ترجعين..

-اني ابجي و اصيح ما ارجع وياك ما ارجع
تهسرت وهو صوته اعلى و يردد اسحلج
انفتح الباب و دخل بابا.. شكو شبيك صوتك
واصل لسابع جار شو انت كلش ما عندك
مستحه و لا احترام بنص بيتي و تصيح عليها
فارس دخل بغضب علينا دفعه.. شبيك بس تصيح
تكلك طلكني طلك هو انت تتعاشر شايف نفسك
على شنو على اسلوبك لو على رتبتك الي
رافع خشمك بيها امشي اطلع منا وجهك
ما نريد نشوفه بعد..

-اسر هنا لزم فارس من قميصه و و يهدد
اخذها لو اعرف اكتلكم كلكم ما اطلع الا هي
وياي.. هنا تكاتلوا واحد هجم على الثاني
البيت نكلب ابوي ركض جاب حديده من الحديقة
و اجه على اسر يضربه..

-ركضت امي عليه.. لا على بختك عوفه
لا نتبتلي بي النوب.. كوه بعدت الحديدة
من ايد بابا..

-ذبها وهو يحجي بتعب.. امشي اطلع برا
كلب وهسه تطلكها..

-دفع اخوي وكام تقرب من بابا.. يلا اضرب
اضرب والله ما اطلك لو هسه تنكلب الدنيا
ما اطلك..

-انت منو وتكلي طلك تلعب عليه حاربت
اهلي كلهم و اخذتها بعنادهم عاندت امي
واخوتي و اخذتها تالي جاي تكلي طلك..

-ابجي وعيني عليهم كلام بابا فرحني يمكن
محد يصدكني اذا اكول اول مرة احس بابا
مهتم و يدافعلي فرحني هواي هاي اني
نشأت على تفرقة بيني وبين اخواني
بحيث الكلمة الحلوة والاهتمام يفرحوني هواي
اباوع لابوي دموعي تنزل بفرح اول مره
يوكف بوجه اسر علمودي وهذا الشيء هو
الي خلاني اصر واردد كلمة طلكني رغم
ما انكر نكسر كلبي عليه من شفته هيج يحجي
بحركة دم بس مستحيل ارجع نهانيت هواي
و موقف بارق لهسه جسمي يرجف منه من اتذكر..

-اجه سحبني منهم.. امشي لج متسبعه بذول
تالي وكت تذكروا عندهم بنيه..

-دفعته بكل غضب.. اطلع منا اطلع ساعة
السودة الي عرفتك بيها خلي ارتاح منك
روح **** من غضبي غلطت عليه هو
هنا انتفض والله لاربيج يا طايحه الحظ اخوي
دفعه هو دفر الباب كسره اختي طلعتني بره
و منه كلمة ومن بابا واخوي كلمة بيتنا
صار هوسه اعصاب اعصاب صار وهو
يردد ما اطلك وتشوفون..

-كوه طلع من البيت كعدت يم امي ابجي وهي
تهدي بيه اخوي كال خلي يولي بعد ما ترجعين
مخبل هذا مو صاحي بس بابا ضل يلوم بيه
و شنو مسويه وهيج مخبلته اني حجيت هيج ويا و خوفته حتى يحسبلج حساب  كتله هو يضربني
وعلى اقل شيء يرجع عليه ما ينعاش ويا بابا
والله هو ما قبل خلصها يلوم بيه و طلع
تنهدت.. مو هسه فرحت بيك و اكفلي شكلبك..

-خلص هاليوم بتعب خليت راسي على المخدة
وما بالي غير باجر اروح وارفع دعوة طلاك
عليه و اشوف شلون ما يطلك اتفقت ويه اختي
الجبيرة كالت باجر اني يمج و نروح..

-عقلي تعب من التفكير ما عندي غير حل
تعبت منه كمت على مهلي نزعت تراجي مهرة
و الفلوس الي عندي كلت خاف احتاج محامي باجرنزعتهن الها و دموعي تصب بستها.. خلي
امج ترتاح مهرة و ذني يتعوضن..

-ثاني يوم طلعت من بيتنا وعازمة على حريتي
منه تركت وراي اهلي الي بيهم الي ايدني
وبيهم الي خلصها ملامه و تجريح..

-طلعنا اني واختي بالبداية بعت تراجي مهرة و بعدها رحنا على المحامي وهذا
كعد يشرحلي شلون اذا ارفع دعوة لازم اخسر
كل حقوقي لان باعتبار اني الي طلبت منه
كتله ما عندي شيء اخسره اصلا اذا خلصت
منهم هذا اكبر ربح الي..

-رجعنا و اني بس جسد خاوي روحي تعبانه
و عبالك سئمت العيشه للظهر اتصل عليه
اسر رفعت خط و اجاني صوته يحجي بحركه وقهر.. ارجعي ريا كافي عاد انتي ما اتفقنا
هيج خليتج كم  يوم ترتاحين اجي تطلعيلي
بهذا الموضوع..

-تنهدت اسر كافي مو اول ناس يتطلكون
و اني راح ارفع دعوة طلاك رجعة ما ارجع
بعد الله يخليك اتركني يعني اله تموتني يلا ترتاح..

-هو فشر وغلط و يصيح بعلو صوته حقيرة
و صايرة صلفه و اني اعلمج..

-ساعة تقربيا و تفلش الباب علينا امي نهبطت
طلعت تفتحه بهت لوني و اني اشوف اسر
وراها دخل الوجه ما يتفسر سحبني من ايدي..

-امشي ريا و اتجفي الشر محمل عليج هواي..

-ما اروح وياك ما اروح شنو غصب هي
كافي ارحمني الله يخليك ارحمني مو دمرتني
شخليت بيه المن ارجع للعيشة الي محسودة
عليها المن..

-احاول افلت ايدي منه بس ما اكدر لازمني
بقوة اصيح و محد يكدر يخلصني منه صاح
على اختي نورهان بصوت هي جفلت.. جيبي
البنات و غراضها بسرعة..

-اخذني سحل و دموعي تصب البيت محد بي
بس احنا لا ابوي و لا اخواني صعدني بالسيارة
ومشينا تعبت صوتي راح واني اعيط عليه
وهو ولا عبالك بنتي بجت خافت مسحت دموعي
وضميتها بحضني اهدي بيها..

-وكف يم بيت اخته سهى ام مهاب دخلنا عليها
اتعجبت بنور يمها سلمت عليهن و سهى كالت
رجلج تعارك ويه بارق كسر اصابعه و اهله
تخبلوا.. نور بجت وراحت طبت بدون حتى
ما ترد السلام و وجهه جان ثكيل عليه..

-ليش شبي حجيتها وهو فات كتله شبيك اسر
شلون هيج تسوي مصختها؟!..

-صوتج ما اسمعه فاهمه.. التفت على اخته..
حضروا ارواحكم اخذكم لبيت خالي كوه لازم
نفسي ما اريد اتهور و اموتها بيدي..

-باوعت عليها بتساؤل هي حجت بقهر.. ريا
اتجفي الشر و امشي و لا تحجين ويا لا يجرم
بيج انتي ما تدرين شلفقن عليج من تهمه
الي ما يخافن الله انتي نايمه وما تدرين
بالي صار..

-قبل لا تحجي هو صاح بينا يلا الطريق
كله عقلي مبنج تعبت من التفكير خوف بداخلي
و قلق ينذر بانو اكو شيء جبير صاير
لما وصلنا اني منتهيه حالي مثل الي متهم و
ينتظر صدور الحكم وهو مظلوم..

-وصلنا و كلها لكيتها موجودة حتى رجل نور
مزورك ومبين جارم بيه اسر امه موجودة
وخواته و الوجوه كلها عليه باتهام رغم ما اعرف
شنو السالفة و اعرف بروحي شنو بس جسمي
رجف بخوف وحسيت روحي وحيدة بنص
غابة مليانه وحوش خفت حيل اتمنيت لو واحد
بس من الي موجودين يكون سند احتمي بي
بس الواقع مر من اتذكرت اني دائما اواجه
وحدي ما عندي غير ربي الي هو نجاتي وقوتي
و دوم اتكالي بس عليه..

-سلمت محد رد السلام بلعت ريكي شكل السالفة
صعبة يا ريا اسر كال تعالي هنا كعدي يمي
كعدت و صاح لسماح اجت هي..

-اي سماح وهاي ريا و بارق موجودين احلفي
بارق هو الي كالج الكلام وقرالج الرسالة..

-اباوع عليهم مصدومة يا كلام يا رسالة
حسيت روحي طلعت بارق باوعلها بصدمة
حجت هي بارتباك.. اي اسر شنو مجذبه
عليك قابل..

-صاح بصوت.. لك **** تباوع على عرض
غيرك لك شسوي بيك هسه..

-بارق انتفض.. شتمسلت انت لا تحجون بكيفكم..

-خالهم صاح بيهم و سكتهم كال سماح احجي
شنو الي قريتي من كلام بينهم و احلفي خالو ولا تجذبين هذا شرف وحرام الظلم بي..

-خالو هو بارق طلع المحادثات وشوفني وقرا
الي دازته ريا لبارق جان مصدوم منها لان
هيج سوت وما يكدر يحجي لاسر خاف يتهور..

-جانت كاتبتله صراحة انت شخصيتك حلوة
وهيبة عكس اسر الي يمشي ورا اهله بكلمة
يودونه و كلمة يجيبونا و بس يكفخ و ما يحترم
اني وياك ومستعدة حتى اذا تريد علاقة
جسدية من يروح للدوام المهم انت وياي اني
اسر ما اريده..

-فصلت عن العالم واني اسمعها تحجي
ريكي يبس كل شيء اتوقع منهم بس توصل
لشرفي و يطعنوا لهنا مستعدة ارتكب جريمة
لان الظلم صعب وما ينحمل شلون وانت مظلوم
بسالفة شرف و بمجتمع مثل مجتمعنا بسرعة
يصدكون الجذب و التلفيق بارق انتقض
صاح جذابه شوكت شوفتج هيج شيء انتي
شنو باطله لج شلون تتهمين مرت اخوج
بهيج شيء تركت الكل وركضت هجمت على سماح انهاريت اضرب بيها وهي تدفع بيه
منين ما تلتفت تجيها كفخه اضرب بيها واردد..

-حقيرة حاقدة شلون هيج تحجين يا ما تخافين
من الله لج اني يمته حجيت ويا حتى اطلب منه
هيج شنو انتي من بشر..

-كل هذا وهي مصره على موقفها بارق
صاح بيها لج احجي بختج حرام تتهمينها
هيج يابه والله البنيه ما دزت هيج ولا
حجيت لسماح هاي تحجي بكيفها..

-بعدني اسر منها ضليت ادفع بي و ابجي
وخر عني الله لا يوفقكم سحلتني من اهلي
علمود تتهموني بشرفي احجي ويا و اسمعهم
ناس تحجي على ناس كعدت منهاره
واسمعها تكله.. اسكت لا اطلع خياسك
انت وياها..

-صوتي كوه يطلع من هول الصدمة بيهم
بعد اريد اوكف على رجليه ما اكدر
صحت بيها..

-اشرف منج يا **** انتي منو وتحجين
بشرفي على الاقل ما مصادقة واحد سكير
واولاده بطوله وكل يوم اطلع ويا اشرف منج
اني كلبه..

-اني حجيت هيج وكلها سكتت اسر ضربني
راجدي و يهز بيه.. اصحي لج شجاي تحجين
انتي شبيج تخبلتي..

-دفعته روح عليها لو كدرتك بس عليه
لاعبه لعب من وراكم و بكل صلافه تتهم
بيه الما تخاف من ربها..

-هو تركني و نزع الحزام و ركض على سماح....

يتبع....

اتفاعلوا حبايبي
والي القصة متوقفة عندهم على البارتات
الاولى خلي يحذفها ويرجع يضيفها..

‎اللهم صل على محمد وال محمد❤️