عاشرت اليعرفك ردت بلكت يسولف عنك
وهسه انه هنيالي وكمت اسمع اخبارك منك
وتقربتلك وانتهت كل القساوه العندي
من تبتسم انسه الحجي وما اعرف منين ابدي
حبيتك بكد ما جنت خايف اضل لوحدي
قبلك جنت وكت الزعل ياهو يهتم لامري
بس هسه وينننن
من التفت عنك اذا صار الزعل
كمت انحضن من ظهري
#طفلة_النقيب بقلم (غيمه)
❤️❤️❤️❤️❤️❤️❤️❤️❤️❤️❤️❤️❤️❤️❤️❤️صوتو بليز❤️❤️❤️❤️❤️❤️❤️❤️❤️❤️❤️❤️❤️
تذكير من البارت السابق
مهيمن:جريتهة بحظني وحظنتهة من خصرهة حيل
سما:..................
بنات بليز رجعو صوتو الكل البارتات +++علقو على الفقرات وتصويتكم يرفع القصه فه لا تبخلون بالتصويت فدوه
سما: كمزت وحاولت اوخره ،،،،،،،،،آآه لك عوفني عوفني
مهيمن: اششش كافي اهدي الخاطري اهدي
سما: ما اريدك ما اريدك بس عوفني
مهيمن: لتحجين هيج يروح ابوج لتكولين هيج وتاذيني ،،كافي يروحي والله ادري قسيت وياج بس لتعاقبيني هيج اموت اني بلياج
سما: عوفني الله ايخليك مو كادره اتحمل
مهيمن:اشش حبيبي اهدي ،،، جانت تنتفض بجسمهة شديت على جسمهة بقوه حتى تهدء
سما: عوفني حرام عليك عوفنييييي
مهيمن: اششش صوتج حبيبي صوتج
سما:ما اريد عوفني كتللللللك
مهيمن: كلت صوتج لا تعلي سما
سما: ما اريدك عوفني عوفني واضرب على زنوده
مهيمن:اهدي خليت راسهة بقوه على جتفي ،،،، اهدي يروح مهيمن شتريدين اني حاضر بس اهدي
سما: شتميت عطره ،،،،،،وركبته مكاني المفضل باوعت عليهة اتحسرت وخرتهة بلكوه وكمت منه
مهيمن: بابه يعني شلون نبقه مزاعلين
سما: مجاوبته بس ساكته واباوع علي
مهيمن: شلون تباوع عليه وترمش بعيونهة اعرفهة نعست ومتكدر اتنام الا بحظني بنتي واني معلمهة ،،، تعايي باباتي حظني ينتظرج
سما: ما
مهيمن: دتعاي يابابه اريد اسولف وياج
سما: عفته يحجي واني كمت على الكرسي كعدت
مهيمن: بابه شبيج ليش معانده والله اسف شسوي بعد اموت نفسي حتى ترضين كتلج اي شي تريدي كوليلي انفذه بس حتى اسامحيني
سما: نزلت دمعه من عيني مسحتهة قبل لا يشوفهة ودرت راسي منه
مهيمن: براحتج ،،،، عفتهة وطلعت باكيت الجكاير وضليت اشرب واباوع عليهة
سما: انقهرت علي مهما كان هو من واجبي وميصير اعوفه جوعان ،، ساعه ١بليل ،،، اسويلك عشه
مهيمن: باوعت عليهة،،، اي (احجي وياهة من وره خشمي ) ،،،،،هذا اكل بس حمي وجيبلي جاي راسي حينفجر
سما: هزيت براسي بعلامه اي ولبست ونزلت لكيت ام مهيمن بالمطبخ
ام مهيمن: ها عروس بيروت شو ما نزلتي اليوم حبيتي الكعده فوك واخذج الواهس لا غده ولا عشه
سما: ضليت ساكته مجاوبتهة ابد
ام مهيمن: من احجي وياج جاوبيني ،،، درتهة من ايدهة عليه
سما: وخرت ايدهة من ايدي بكل هدوء ورجعت للطاوه احمي بيهة
ام مهيمن: لج انتِ شكد فليته وكح...... ابني منين جابج لو حظه هذا جابج علي
سما: ولا رديت بس كلامهة هواي اذاني ،، تستنقص مني وتشوفني مو مناسبه المهيمن دموعي ضلت تسابق
ام مهيمن: اذا ما اخلي مهيمن يطردج ما اطلع اسمي زهره
سما:مجاوبت كملت الاكل ودا اغسل بالكلاص حتى اصبله بي عصير برتقال طبيعي سويته اله ،،، ما احس الا دفعتني حيل فه وكع الكلاص من ايدي بالسنك وانكسر وراح العصير
ام مهيمن: ثوله غبييه شبيج فاهيه
سما: غمتني ب اثنين اديهة ،،،، استهضمت وكوه شلت الصينيه وصعدت
مهيمن: شفتهة ضايجه بس مردت اسئلهة لان ضوجتني صار شكد اتوسل بيهة ،،،،،خلت الصينيه كدامي،،، تعاي تعشي
سما: كوه سيطرت على نفسي ما ابجي ،،، ما اريد
مهيمن: يابابه ليش تعاندين شبيج شنو الي تريدي
سما: ما اريد شي ،، حجيتهة متقطعه الا شويه وتنزل دموعي
مهيمن: بابه والله موزين عليج تعاي اكلي بس شويه
سما: هزيتله براسي بعلامه لا ورحت اتمددت على السرير واباوع على السكف
مهيمن: اباوع عليهة ،،،،،استغفر الله ،،،،،،تعااااي شيلي الصينيه ما اريد سم
سما:كمزت من عيطتهة وكمت ما ناقشته شسويله بعد هو ميريد ياكل ،، نزلت الصينيه غسلت المواعين دا اصعد وطلعتلي ام مهيمن ،،،،،،،،،(حجيت بداخلي اهووو شنو هاي متنام شو كل يوم من وكت تنام )
ام مهيمن: ها شو نزلتي شنو ما اكل ابني
سما: اشرتلهة براسي بعلامه اي
ام مهيمن: الله لا ينطيج حتموتين ابني
سما: شهكت شلون تدعي عليه صدك اتاذيت واحس بعد ماكو مجال بخانه الصبر عندي ،،، بس اذكرت مهيمن وسكتت ،،، ردت اصعد كامت تحجي ورايه
ام مهيمن: ربيييي خلصنه من هاي العثلة ام الملاهي لو باقين على فاطمه احسن على الاقل ذيج ابوهة شيخ عشيره مو هاي الي لااصل ولا فصل
سما: خليت ايدي على حلكي اضم الشهكه وصعدت بسرعه كعدت بلكاع اكبال باب غرفتي وضليت كاتمه صوتي وابجي ،،،،، اخخخخ يا يابه كامو يعيروني لان ماعندي اهل ،،، وصلت بيهة تقارن بيني وبين ذيج طليقه مهيمن ،، كله من وره مهيمن كله من ورااااه خلص اجه وقت سما القويه شلت راسي وباوعت على باب غرفتي اي اي مهيمن كلج اي شي اطلبي يتنفذ طلبي الدراسه اي ،،، اني بداخلي راح يبقن مواقف مهيمن كلهن حتلو سامحته مواقفه تبقه كل موقف يشخط شخط بكلبي ويخلي جواه نزف،،،،مسحت وجهي ودخلت
مهيمن: شبيج باباتي ليش عيونج حمر بسببي
سما: لا
مهيمن: لعد منو وياج
سما: كلبك
مهيمن: شبي وياج
سما: عوفني ،،،،،و درت وجهي نزعت الدشداشه ورحت للسرير اتمددت وغطيت راسي
مهيمن: بابه حاجيني كافي اوك راح اسولفلج قصه بس اريدج اسمعيني وتستوعبينهة ومن تخلص القصه بكيفج بعد اذا تريدين اصالحيني او لا بعد ما اضغط عليج
سما: طلعت راسي من الغطه ودرتهة باوعت علي وكتله اسمعك ورجعت راسي جوه الغطه
مهيمن: اني شكد احب بزونتي من تختل ،، بس احبهة اكثر من تختل بصدري
سما: اني جوه الغطه وابتسمت على كلامه
مهيمن: اي خلي اسولفلج فد يوم اكو هذا الكائن الازرق الصغير الي اتباعي بالتلفون شسمه
سما:حجيت واني نفس وضعيتي جوه الغطه،،، سنافر
مهيمن: اي عفيه اكو سنفوره حلوه حيل وكل الي يشوفهة ينسحر بجمالهة فه مره شافهة رجال اسمه مهيمن ونعجب بيهة حيل وحبهة من اول نظره بس ما اعترف النفسه حاول ينقذهة ويحميهة فه ازوجهة وصارت عركه بين كلبه وعقله وبلاخر انتصر كلبه واعترفلهة هو يحبهة بجنون بس هو عيبه عصبي حيل وميكدر يتحكم بعصبيته وهي تعرف شغله كله كتل وضرب لهذا ميتحكم ب اعصابه
،،،،،،،،،،بس هي حبته وقبلت تبقه وياه وهو فرح حيل وضمهة بعيونه وبيوم خطفوهة ،،،،،،،وهو تخبل انجن ضل ايام منايم وميدخل للبيت ،،،،،اخذت نفس من الجكاره وكملت
سما: عرفت قصده اني سنفوره وهو الرجال ،، ضلت ادموعي تتسابق
مهيمن:اي فه مره انجبر يدخل للبيت اشتاق العطرهة حيل وجان محتاجه حتى يكدر يتنفس زين راح حظن ملابسهة ونام عليهن،،،،، دور ودور عليهة بس بلاخر لكاهة تدرين شسوه ب ال اذوهة ،،، جان يوميه يعذبهم واستمر يعذبهم ايام وليالي وكدر ياخذ حقهة منهم كسر ايد واحد لان لمسهة وطفه عينه لان شافهة ،،،، هو يحبه الا درجه ميريد يطلعهة يريد يحبسهة بكلبه ويقفل عليهة ،،، بس هو يجبر نفسه ميحبسهة حتى هي متختنك وتعوفه ،،،،، مشت الايام بينهم ووداهة الاهله وهناك صارت عركه وانطردت مرته ،،، تعرفين شنو سوه ،،،،،نسه الواكفه كدامه امه ورزلهة وهددهة بعد ميدخل بيتهم ،،،، وره فتره اعتذرو منه وترجوا يرجع ورجعهة السبب واحد مو لان سامح اهله لا بعمره مراح يسامحهم بس علمود يحافظ على حياتهة رجعهة ،،،،، خلاهة بيوم من الايام تبوس ايد امه لان امه خلته كدام الامر الواقع وهو مقابل وحجه ويه امه وبعد متتكرر،،،،،و هي بلاخر تبقه مثل امهة للسنفوره ،،، ومهيمن امه فقيره حيل ومن اهل الله دسوي هيج لان عبالهة من تسكت عن اي غلط بسيط تصيرله مشكله جبيره،،،،، بلاخر الموضوع بس يحتاج وقت وتعرف ام مهيمن السنفوره شنو ،،،، وترى مهيمن راح يتخبل على حظنهة للسنفوره تعب حيل كوليلهة خلي اسامحه لان بعد ميصبر ترى اكله روح للدوام وانزل ب الاماكن الخطره حتى تموت
سما: ما انكر انو متاثرت بلعكس تاثرت حيل وكلبي لان هواااي وقبل يسامحه لان حقه هو عصبي وامه كبل تكله هيج وتجذب علي وبلاخر تبقه امه بعينه مستحيل تجذب،،،بس مجاي اكدر اسامحه بسهوله ،،،،،،،،،،،لا سمله علي
مهيمن: فدوه اروحلج حبيبي اخذتهة بحظني وشميتهة من ركبتهة وبستهة
سما: ضوجني باس كل جزء بوجهي وركبتي ،،،، مااا
مهيمن: مشتاقلج حبيبي ،، سامحتيني لو لا
سما: لا ودرت وجهي عنه
مهيمن: رجعت وجهة كبالي واخذت شفتهة
سما: كوه فصل البوسه ،،، باوعتله واني معصبه
مهيمن: شبي حبيبي معصب
سما: ما
مهيمن: اششش سحبتهة بحظني وراسهة بركبتي
سما: ما وخرت من حظنه ورجعت المكاني
مهيمن: الله ياخذني ،،، كمت دا افتح الباب ،،، حجت
سما: لتعوفني اني نعسانه واريد انام
مهيمن: انتِ متقبلين بحظني تنامين فه وجودي ماله داعي ،،،، يله اني طالع
سما:براحتك
مهيمن: نزلت بالطرمه اتمشه
سما: بجيت وغميت نفسي شكو كتله لتعوفني شكو احجي اني شكو ،،، تكلبت شكد ردت انام ماكو بلاخر جبت بلوزه حظنته شويه ونمت
مهيمن: شربت جكاير لمن مليت صارت ساعه ب٣بليل صعدت لكيتهة حاظنه بلوزي ،،،،،،،شلتهة ونومتهة على ايدي ،،،اوووف منج من تعاندين اخذت ايدهة وضليت ابوس بيهة وخليت شعرهة على وجهي ،،،اخخخ شكد احب ريحته
سما: ميدري كلب راسه من غيره جهة وصار شعري جواه ،،،،، آي
مهيمن: شبيج حبيبي شكو
سما: آي آي واجر بشعري عاد شال راسه وخرت شعري ،،،، بعد لتلمس شعري
مهيمن: ههه يعني انتِ جنتِ كاعده من نومتج على ايدي ليش سكتي لان عاجبج تنامين بحظني
سما: اي اقصد لا
مهيمن: اي واضح لا بلدلاله انتِ ليهسه نايمه على ايدي
سما: ما يله وخرت راسي جان يجرني رجعني
مهيمن: كافي حبيبتي الخاطر الله ،،،،،،،،والله تعبت يعني باجر دوام اني شلون اروح وانتِ زعلانه بس فهميني
سما: رفعت نفسي وخليت راسي بركبته ،،،،، اممم
مهيمن: يعني سامحتيني
سما: صحصحت ورفعت راسي كتله بشرط
مهيمن: انتِ تامرين امر
سما: اريد ارجع امتحن سادس ابتدائي وثالث متوسط وسادس اعدادي
مهيمن: مو خوش سالفه بس يله مدام بس ذني سهلات لان بس بلامتحان تروحين تمتحنين ماكو دوام يومي ،،، بس هااا اني هم عندي شرط
سما: شنو هو
مهيمن: كليه ترى ماكو لتفكرين ولا اجيبيلي طاريهة اصلا،،،،، لان بس تحجيهة نتعارك
سما: زين ليش
مهيمن: باعي حبيبي اني الله شاهد اريدج تكملين وتصيرين وتاخذين اعله الشهادات بس سالفه الكليه لا لان بيهة ولد وانتِ فقيره حيل وحلوه اخاف عليج هواي ،،، عود بالمستقبل اذا شفتج حوك يعني قويه وتكدرين ادبريهة وحدج اخليج ادخلين كليه
سما: فهمت الحجاه وصح كلامه اني فقيره وما افتهم شي ،،،،بس اكيد مراح ابقه هيج فه كلت اوافق هسه المهم ادرس ال٣مراحل واتخرج تبقه الكليه سهله ،،،، ماشي اني موافقه،،،، بس اوعدني متتراجع بكلامك لو شنو ميصير
مهيمن: افه ،،، وعد اخليج تكملين دراسه ،،،،،، يله هسه رجعي راسج بحظني دكلج شي
سما: رجعت راسي ،،،،، شنو
مهيمن: باعي حبيبي اني حدرسج واكيد انتِ تكدرين بس شدي حيلج واذا نجحتي وعد اخذج الاربيل فد ٣ايام لان ما اكدر اتاخر علمود دوامي
سما: والله تاخذني
مهيمن: اي وكل مرحله تنجحيهة اجيبلج الي اطلبي
سما: اي اي
مهيمن: لعد بوسيني حتى ارضه
سما:ليش اني شنو سويتلك حتى زعلان وتريدني اراضيك
مهيمن: ها حبيبي نسيتي او اكلج صار من الماضي منفتحه ،،، بوسيني لان تحبيني ولان راح ادرسج
سما: اممم بسته من خده
مهيمن: شنو هاي
سما: بوسه
مهيمن: هاي متنفعني اريد العلمتلجياهة
سما: هااا شسمه ما اعرف نسيتهة
مهيمن: لايا منعوله سويتي نفسج متعرفين ،،،بس يله سحبت راسهة ورجعت بست شفتهة وهي ادفع ب اديهة من اختنكت يله فصلت البوسه
سما: ما ،،،،عورتني آه باوع والله توجع
مهيمن: حبيبي نسيت خليت ايدي على شفتهة اني عورتهة مو
سما: باوعتله ،، اي
مهيمن: حظنت راسهة ،، اني اسف
سما: بس اكو عقاب الك
مهيمن: اني جاهز بس سامحي حبيبج لان زعلج يموته
سما: سمله كلتهة بكلبي،،،،،،،اممم لعد لتنام خليني بحظنك انام وانت ضل كاعد للصبح واذا نمت ازاعلك
مهيمن: ها ،،،،،،،،باوعت ديله عمي بس اهم شي مزعلين ،،،،،، يله تعاي كعدت تجيت ظهري على تاج السرير وهي اجتي بحظني راسهة على جتفي وتبوس بركبتي بوسات خفيفه ،،،، اروح فدوه للسنفوره مالتي
سما: نمت الصبح مدري بس فزيت اباوع مهيمن كاعد يلعب بالتلفون وساعه ٨ضبط الصبح ،،، صباح الخير
مهيمن: ها حبيبي فززتج ،،،صباح الحب على احلى عيون وبست كصتهة
سما: ليش مرايح للدوام ليهسه
مهيمن: مو كلتي ضل مخليني بحظنك وضل كاعد للصبح
سما: اي مو صار الصبح
مهيمن: مكدرت اخرب نومت حبيبي واضايقهة عادي اتاخر شويه
سما: بست صدره وكمت يله حبيبي كوم بدل واني اسويلك ريوك بسرعه
مهيمن: ماشي حبيبي فدوه الادينج
سما: نزلت لكيت ام مهيمن كاعده هم سمعتني سم كلعاده بس مهتميت اني اليوم فرحانه لان راح اثبت نفسي بالدراسه سويت ريوك ونزل مهيمن كعدنه اتريكنه كلنه وطلع مهيمن وابو مهيمن ،،،، فدوه شلون يعاملني ابو مهيمن عبالك صدك ابويه كله تعاي بنتي وباسني من كصتي وطلع للشغل وكال المهيمن دير بالك على بنتي
ام مهيمن: هسه انتِ مكيفه لان ابو مهيمن شوفج ريق حلو ،، بس لا تفرحين هواي هسه انسيج ابو الريق الحلووو ،،،،،،،يللللله وللللي من كدامي على المطبخ نظفي ونوب نظفي البيت ما اريد ولا كشايه اني رايحه انام اكعد الكه البيت يلمع وغده موجود
سما: هزيت براسي ،،،هي راحت غرفتهة واني بديت انظف ،، نظفت البيت كله هو نظيف بس كلت خلي بس مجرد يصير عطر طيب بالبيت خلصته ساعه٩ضبط الصبح ونوب صعدت الغرفتي نظفتهة ورتبت وغسلت ملابس وصليت صارت ساعه١٠ضبط طبخت الغده وانتظرته سويت فاصوليه ب ١٢ضبط كلشي كمل طفيت النار ورحت الغرفتي خليت ماسك وراهة سبحت وبدلت وصليت ونوب اتمددت ظليت اكلب بالتلفون
مهيمن: جنت بشغلي خابرني علي صديقي واجاني للمركز كعدنه وسولفنه وشربته جاي
علي: شلت تلفوني عود سويت نفسي اخابر ،،، اوووو نسيت اعبي رصيد شلون سالفه
مهيمن: هاك تلفوني خابر منه
علي: اي والله اخذت تلفونه عود دا اكتب الرقم كلبت بالارقام لكيته الرقم هو صاحو طلع من الغرفه طبعا من حسن حظي فه بسرعه طكيت صوره من تلفوني للرقم مال سما كاتب عليهة حبيبتي فه عرفت هاي مرته بس يراد اتاكد ،،، عاد اجه هو كتله حبيبي مشكور خلصت واترخصت وطلعت كبل دزيت رساله وطبعا جنت مشتري رقم خاص حتى اراسل بي ،،،،،الووو سما ردي شغله ضروريه
سما: باوعت اجتي رساله على التلكرام ،،، كلت اكيد احد يعرفني جان مكال اسمي ،،،، منو
علي: انتِ سما مو
سما:اي بس منو انتِ
علي:مو مهم باي
سما: هزيت ايدي وعفتهة كلت من يجي مهيمن اكله
مهيمن: رجعت للبيت حضرتلي سما ملابسي سبحت وطلعت كاعدين اني وابويه ردنه بالاستقبال الغده لان نتابع اخبار
ام مهيمن: ها الخايسه نزلتي ،،،يله بسرعه حمي الاكل جعنه
سما: حجيت بداخلي اني لازم اردهة حتى بعد متستضعفني وتضل تغلط عليه ،،،،،،،،ردت احجي او اكوللهة ليش هيج تحجي ويايه ردت بس اباوع بوجهة مكدرت معرف بس كارهتهة حيل حيل اعرف هل شي غلط بس شسوي مو بيدي،،، وذكرت كلام مهيمن من كلي كلشي لا اجاوبين وكف بعيني فه كلت استحمل واسكت واشوف تاليهة رحت خليت السفره ورجعت خليت الاكل بلصينيه حتى انقله للسفره
ام مهيمن: حجيت بداخلي اني سويت كل الكالته نور بس هاي سما مردت عليه شلون بيه ،،، من رجعت تاخذ صينيه الاكل جريتهة حيل وييين امو... بعدني ممكمله الكلمه
سما: من جرتني الصينيه ب ايدي وكعدت بالكاع ،، فه هي سكتت ،، باوعتلهة،،،كتله بكل هدوء خاله ليش هيج سويتي وكع الاكل كله
ام مهيمن : تعلين صوتج عليه ...... يل ما تستحين على وجهج ادبسز ما مربايه حقيره
سما: نزلت عليه ب انواع الغلط والفشار بس جانت تحجي بصوت ناصي ،، تقربت مني وضربتني راجدي متحملت كبل صعدت واني اشهك بجي
مهيمن: رحت للمطبخ لان اتاخرت سما ،،، لكيت امي ها يوم هاي شنو الاكل بلكاع
ام مهيمن: مرتك وكعته خطيه متدري وخافت وصعدت عبالهة راح اضربهة (حجيت هيج لان نور علمتني كدام مهيمن ادافعلهة السما وبنفس الوقت احجي المهيمن عنهة بطريقه غير مباشره ،،، كتله عبالهة راح اضربهة كلت خاف تكله ضربتني فه لازم اوصله فكره انو اني مضربتهة)
مهيمن: ميخالف يمه ،،، ،،،،،،هسه موجود بعد اكل لو شنو
ام مهيمن: اي يمه ميخالف طبعا لان هنة كم ماعون ميسون ،،،،،،موجود اكل هسه اصب
مهيمن: اي يمه فدوه الادينج ،،، صعدت السما لكيتهة مغطيه وجهة وتبجي رحت يمهة حظنتهة ميخالف حبيبي مصار شي واذا وكعتي الصينيه يروحلج فدوه كل المواعين اني اجيب غيرهن،،،، شو بله رفعت راسهة ابنيتي متسوه حبيبي باوعت اكو حمار بوجهة واثر اصابع ،،، حبيبي شنو هذا على خدج
سما: ها ماكو شي
مهيمن: ضغطت عليهة بسؤالي وهي مقبلت تحجي بوكتهة شكيت اكو شي غلط وسما اكيد مضروبه لان اكو طبع اصابع بس معقوله امي لا امي بحياتهة ما اذت نمله ما اتوقع لعد منو قابل هي ضربت نفسهة لا مستحيل ،،، لازم ما اسرع ،،، اخذت سما للحمام غسلت وجهة ونزلتهة ،، بس اخذت ابالي انو لازم اعرف منو الجذاب بيهن ،،، تغدينه وكعدنه ننتظره الجاي
علي صديق مهيمن: الاء اريد البنيه الاء
الاء: كتلك جيبلي فلوسي واني اجيبهة الك
علي: لا اول شي البنيه مو مثل ذيج المره قشمرتيني بهاي الزركه وتالي مو بنيه
الاء: ماشي راح اساعدك حتى تجيبلي فلوسي
علي:شلون فهميني شلون
الاء: تسوي نفسك انت ...............
علي: احترمي نفسج الاء شنو اشايفتني
الاء: هاي شبيك مو مثل ما امفكر انت اصبرلي باوعت راسمتلك خطه مضبوطه وتكدر من خلالهة تخلي سما تجيك برجليهة وبدون علم مهيمن وهم اتخليهة تكره مهيمن بعد شتريد
علي: واني شسوي بيهة تكره مهيمن اني اريدهة بس ليله وحده
الاء: نفس الشي المهم هيج وهيج الخطه
علي: طلعتي داهيه ديله روحي وافلوسج بس انام ويه سما اجيبلجياهن
الاء: ماشي راح اثق بيك هل مره وترى اذا قشمرت عليه اشوفك انجوم الظهر واندمك على كل دقيقه راح تكضيهن ويه سما
علي: لتخافين ،،،واحترمي نفسج اني ما اتهدد اعتقد تعرفين علي ال ......منو
الاء: ماشي باي
فاطمه:بعدني الحد هسه اجمع فلوس بس يرادلي سنين يله اجمع مال بيت ،،، لازم اتعرف على وحده اشاركني ،،، احتكيت بوحده شفتهة فقيره وتتقشمر وبالفعل طلعت هي هم تريد تطلع من هل مكان واتفقنه ،،،، وظلينه كل وقت فراغ نكعد سوه ونخطط وسولفتلهة عليه وكتلهة على مهيمن
الاء: جنت رايحه على فاطمه علمود اجهز نفسهة اجه شخص يريدهة ب الاسم فه سمعت كلامهة ونصدمت بصراحه ،،،،،،، ،يعني النقيب مهيمن يصير زوجهة دخلت كبل هي كمزت ومقبلت تكمل،،،،،،،،،بس اكيد هو نفسه لان نفس المواصفات (الاسم والعائله وحتى مكان السكن)،،،، ،،، ههههههههه الله عليج يا الاء اجتج وانت ماشيه حلووو راح العب على الحبلين
ابو مهيمن: بويه تعال بالطرمه عدي حجي وياك
مهيمن:اي بويه يله نروح اخذت كراسي وكعدنه ،،،، ها بويه كول شنو عندك
ابو مهيمن:اريد احاجيك علمود مرتك انت متاكد من اخلاقهة
مهيمن: اي بويه ليش بدر شي منهة وخلاك اشك
ابو مهيمن:لا حشه مرتك مبينه بت اصول بس ردت اطمئن اكثر لهذا سئلتك ،،،، هسه عوفنه من هذا الحجي انت شبيك وياهة احجيلي
مهيمن: كتله الابويه اني ضربتهة بسبب امي لان كالتلي هيج
ابو مهيمن: بويه انتَ غلطان شلون تسمع من طرف واحد حتلو امك وتحبك وتريدلك الخير بس لا تنسه امك متحب مرتك ومتريدهة
مهيمن: يابه شنو يعني ،، هاي امي شلون ما اثق بكلامهة وما اصدكهة
ابو مهيمن: ميخالف،،،بس لا تنسه البشر يخطأ وما معصوم فه احتمال امك فاهمه السالفه غلط او مرتك غلطانه بس بالحالتين ميصير تتصرف بعصبيه ما هكيتك هيج ،،،،،،،، بويه اسمعني الحياه مو هيج ،، مرتك اصغيره يرادلهة دلال وحنيه هي فاقده هل اشياء لازم انت تعوضهة مو تصير انت والزمن عليهة ،، بويه الزواج مسؤليه واني ادريك اسد وكد المسؤليه بس لازم صبر ومشاركه بالعلاقه الزوجيه انت مو بس تاخذهة زوجه فراش لازم تشاركهة بفكارك لازم توعيهة على دنيا وتعلمهة على صح والغلط ،،، بويه انتبه المرتك لا تروح الغيرك تلتجئ لان هذا عمرهة حساس يحب الاهتمام اذا اهتم بيهة غيرك راح تميل اله وتعوفك فه حافظ عليهة بويه،،،،،،،،، (حجيت ويا هيج كل ضني راح يفتهم كلامي صح ويهتم بيهة اكثر ويحافظ عليهة ما ضنيت انو اني ماعرفت اوصل الفكره الابني)
مهيمن: ضل كلام ابويه براسي لا سما مسويهة مستحيل ،،، حجيت بداخلي لا اني لازم ما اقصر وياهة حتى مسويهة اي اي بعد راح اتعامل وياهة بكل هدوء وحنيه حتى متروح الغيري ،،،،،،،،،،، ماشي بويه فهمت تامر بشي بعد
ابو مهيمن:لابويه يله روح المرتك وصالحه
مهيمن: اسدك صالحهة من البارحه
ابو مهيمن: ضحكت ديله روح
مهيمن: دخلت جوه لكيت سما بالغرفه مالتنه ،،، يله بابه بدلي دنروح للصالون ايسوولج شعرج
سما: هسه ،،،،،،، مو بعد وكت
مهيمن: لا امشي لان الصالون اياخر
سما: اي ،،، لبست الجبه فوك البرموده
مهيمن: ها ها سالمين لبسي شي طويل جوه الجبه
سما: بس ليش ترى ميبين
مهيمن: واني على اليبين بس هناك بالصالون اكيد راح تكلج نزعي الجبه حتى متتدمر
سما: اي عادي انزعهة
مهيمن: هلوووو هلوووو ،،، يي عفيه حتى يشوفن جسمج زين ،،، امشييي لبسي طويل لو ابطل
سما: شبيك حبيبي ترى هنة بنات
مهيمن: اششش تقدمت عليهة وحظنت خصرهة ،،، اني اغار عليج ،،،،،،يله يحلوه وها نسيت اكولج باجر اقدملج واجيبلج كتب
سما: واوووو شكرا حبيبي
مقتطفات من البارت الجاي
علي صديق مهيمن: ها حبيبتي سماوي
سما: هلووو
علي : خوما كلتي الزوجج
سما: لا مكتله
لهنا وينتهي البارت
فقره اسئلة
١.شنو خطه الاء الي كالتهة ال علي حتى يسحب سما من مهيمن
٢.تتوقعون الاء كلت ال علي تسوي نفسك شنو
٣. فاطمه جانت متقصده اسمع الاء لو بلغلط الاء سمعت
٤.بعيدا عن القصة شنو رئيكم بمسلسل ام بديله هل تنقل حاله سلبيه لو ايجابيه
٥. كلام ابو مهيمن الكاله المهيمن صح لو غلط
٦. وهل صح الخطوه الخطتهة سما (تكمل دراستهة) بهل وقت الي هي بي
تصبحون على خير يحلوات
عدد كلمات البارت ٣٢٢٥