انت قتلتني
من ذا الذي اغواك حتى تركتني
ونبذت عهدي بعدما قاسمتني
انت الذي حلفتني وحلفت لي
اغلضت بالاقسام حين عرفتني
اخلفت عهدك والعهود غليظة
وحلفت انك لا تخون فخنتني
عاهدتني ان لا تميل مع الهوى
وحلفت لي يا غصن ان لا تنثني
هب النسيم ومال غصنك وانثنى
يا باخلا بالوصل انت قتلتني
#طفلة_النقيب. بقلم (غيمه)
❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️صوتو بسرعه❤️❤️❤️❤️❤️❤️❤️❤️❤️❤️
تذكير من البارت السابق
مهيمن: يمه كافي وهاي السالفه بعد لا تعيديهة اني مراضي عليهة بس مردت افشلج وجبرتهة تبوس ايدج ،،، ترى زودتيهة انتبهي التصرفاتج يمه عفتهة وصعدت السما اول مفتحت الباب شفت شوفه بعمري مراح اسامحهة مدري بعمري ما اسامح نفسي ما اعرف منو جان السببب
بسرعه صوتو وعلقو على الفقرات وتابعوني
سما: وكفت كبال المرايه وباوعت على شعري هووو جرني منه ايي اييي هو ميحبه الشعري ،،، خليت اديه على شعري وجريته حيل وكلت اكرررهك اكرررهك دورت مكص طلعته كصيت خصله الحد خشمي وبديت بالثانيه
مهيمن: شفت خصله طويله من شعرهة بلكاع والخصله الثانيه وكعت تخبلت ركضت وجريت المكص منهة شمرته وكمشتهة من زنودهة وهزيتهة انتِ تخبللللللتييييييييي شلون اسوين هيج هاااا شلون لج هذا كلبج واني اضرب على كلبهة ما اذاج من سويتيهة لييييش
سما: ههههه تسئلني روح كول النفسك من جريتني من شعري ما اذاك كلبك وضربت على صدره
مهيمن: اهدي كافي ،،،،وحظنتهة
سما: وخرته مني وباوعتله بحقد ،، لتلمسني بعد
مهيمن: سما
سما: وخرت ايده من خدي بقوه واخذت برنص جان كدامي جريته حيل ودخلت للحمام وقفلت الباب
مهيمن: كاعد واعصابي فد نوب انتظرهة تطلع من الحمام باوعت على شعرهة البلكاع رحت علي شلته شميته ،،، لج ليييش هيج اسوووين بيه سما ليييش ،، ضميته بكنتوري بخانه
سما: ضليت ساعه كامله بلحمام بجيت وفرغت كل همي ،، بجيت على شعري من باوعت بالمرايه خليت اديه على الخصلات الكاصتهن وبجيت بقوه
مهيمن: سمعت صوت بجيهة دكيت الباب طلعي سما
سما: كتمت صوتي وقويت نفسي سديت الدوش ولبست البرنص وطلعت
مهيمن: خلي شي على راسج لا تتمرضين
سما: مرديت علي رحت للكنتور طلعت برموده وفانيله دخلت للحمام لبستهن وطلعت دورت بلكنتور همزين لكيت دوشك نزلته فرشته بالكاع وخليت مخدتي وجبتلي غطه من الكنتور ورحت للميز مشطت شعري ورفعت شعري من كدام الكاصته ورحت هستوني دا اتمدد بالفراش
مهيمن: صافن عليهة شكاعد تسوي هاي شنو تريد تنام بهل وقت ووين بلكاع ،،،،،من رادت تتمدد عطت بيهة ،،، شنو هاي التصرفات هااا
سما: (حجيت وياه بكل هدوء وعيوني بلكاع)،،،،، يا تصرفات
مهيمن: نومه بالكاع ماكو تنسيهة فتهمتي لو لا
سما: (مردت اي مشاكل او تناقش يصير بينه) ،،، اي
مهيمن: يله رجعي مخدتج وشيلي هل اشياء
سما: رجعت الفراش مكانه واتمددت على الجربايه بس لزكت نفسي على الحافه مال جربايه وغطيت جسمي كله
مهيمن: شبيج بعبع اني وهيج نايمه بالحافه ترى ما اكلج
سما: مدرت بال الكلامه ،،،،وحاولت ما ابجي
مهيمن: كومي نطلع نتعشه
سما: كوه ضغطت على نفسي حتى اجاوبه ،،،،،،روح انت اني ما اريد
مهيمن: لتعبيني سما كومي يله ترى جوعان
سما: سكتت
مهيمن:احجي لضلين ساكته
سما: ما اريد اكل شبعانه
مهيمن: ماكو شبعاننننننه
سما: سكتت
مهيمن: ماشي اني راح انزل اشوف بقو عشه لو اوصي
سما: مدرتلهة بال هو نزل واني عليت السبلت احس نار بكلبي وروحي اريد شي يبردهن وكفت كدام هوه السبلت ،، هيج يضرب على وجهي حسيت ببروده وشعور حلو
مهيمن: نزلت لكيت مماكلين ،، يمه ليش مماكلين شي
ام مهيمن: مشكور يمه اني سويت عشه وهسه حصب
مهيمن: وشكو اسوين مو هذا عشه
ام مهيمن: مناكل من بره ،، والفضل الابني خلاني اسوي اني العشه ما عرف ينزلهة للخانم تسوي عشه لو تخاف على مشاعرهة ورحت طلبت اكل
مهيمن: يمه احد كلج اني مزوج خدامه
ام مهيمن: اي يمه دافعلهة حقك ماخذه عقلك
مهيمن: يمه شبيج ترى والله دضغطين عليه هواي ومن وراج جاي ائذيهة للبنية
ام مهيمن: شعليه اني شنو كايلتلك اطردهة لو كتلك طلكهة
مهيمن: هو مباقي بس تكوليلي هيج،،، اخذت الاكل همزين بعده حار وصعدت ،،،دخلت لكيتهة جوه السبلت ،،، كبل عطت بيهة سماااا شعرج امبللل وخري من جواه ومنو كلج شغلي اني مو طفيته قبل شويه
سما: محجيت شي
مهيمن: اخذت الريمونت بعصبيه وسديته للسبلت باوعت عليهة،،،، امشي جيبي خاولي وتعاي بسرعه
سما: جبتله وخليته ب ايده
مهيمن: تعاي جريتهة من ايدهة وكعدتهة بحظني
سما: كمت بسرعه
مهيمن: جريت ايدهة مره ثانيه هي باوعت بعيوني ،، رجعي كعدي
سما: حجاهة بحديه بس مخفت بهدوء وخرت ايده من ايدي ومشيت للسرير وتمددت وغطيت حتى وجهي
مهيمن: مردت اضغط عليهة اكثر،،،، زين كومي اكلي موزين عليج تنامين بدون اكل يله كومي
سما: شبعانه
مهيمن: ميخالف تعاي كعدي كدامي فتحي نفسي على الاكل
سما: مجاوبته وظليت بمكاني
مهيمن: شلتهة من السرير هي وغطاهة خليتهة بحظني وكعدت بلكاع ،،،،،،،طلعت وجهة من الغطه وبست شفتهة بهدوء لان متعوره
،،،،منو وياج حبيبي
سما: برطمت وباوعتله بعيون مغرغره من الدموع
مهيمن: يابه يابه هيج مهضومه من حبيبج و روحج
سما: دفعته على كيف من صدره وكمت
مهيمن: لحكتهة وكمشتهة درتهة عليه ،،، لديريلي ظهرج وتمشين حبيبي
سما: عوفني الله ايخليك
مهيمن: الله لا يخليني
سما: نزلت دمعه مني ومسحتهة بسرعه وبهل اثناء اجتي نغزه بكلبي كمشته حيل،،،،،،اتاذيت حيل منهة
مهيمن: شبيج سما
سما: ماكو شي ،،،،،،عادي تعوفني اريد ابقه وحدي
مهيمن: براحتج
سما: لبست دشداشه طويله وشال ونزلت بلحديقه اخذت كرسي وكعدت بالطرمه واباوع للسمه ،،،يارب شوكت يخلص عذابي شوكت ارتاح تعبت من الناس كلهم منافقين وجذابين كلهم ياذون غيرهم ،،، يارب صح اني كايلتهة قبل بس هسه صارت امنيه ياربي لو تخلصني من الحياه لو من حب مهيمن تعبت واني اسامحه على اغلاطه ويايه الي كامن لا يعدن تعبت من نظرة العالم اليه تعبت من نظره مهيمن اليه ينظرلي وكانما اني ما انفع الشي واني بدونه ولا شي ،،،،،،،،اني اريد اصير اريد اكون اريد ادرس اريد يصيرلي حلم واحققه اريد اداوم اريد اعتمد على نفسي اريد واريد واريد هواي شغلات بنفسي ومحد يكدر يحققهن اليه غيري
مهيمن: كعدت بالغرفه اراجع حساباتي وشفت اني غلطان وهي هم غلطانة ،،اني مجنت ناوي امد ايدي عليهة بس هي استفزتني وعاندت مع العلم هي تدري اني اكره العناد ،،مو سالفه ما احبهة اني احبهة بس اكو شي اوجب من شي يعني بلاخر تبقه امي المفروض تفرح سما لان المابي خير ب امه مابي خير بغيرهة ،،،،وسما كسرت ثقتي بيهة اني مبقيهة هنا ادري بيهة اصون اهلي بس الفاجئني ترادد امي وتتجاهلهة من ادك الباب عليهة هذا الشي اذاني هواي شما كان محد يقبلهة على امه ،،،اخخخ شسويت بيهة اني هي صغيره جنت اكدر احجي وياهة بهدوء وافهمهة شبيه هيج ،، اي انت هيج لان مرات الشخص يكون ضايج وعصبي ويجي واحد يحجي براسه كبل يصرف بسرعه ويحكم على الشخص من وجهة نظر وحده صح مرات نكول لا لازم نسمع من الطرفين احسن بس الموقف الي تمر بي مرتبط بحالتك الشخصيه اذا جنت سابقا ضايج فه راح تتصرف غلط اما اذا جنت عادي مضايج راح تتقبل الموضوع وتتصرف بحكمه وتسئل الطرفين،، ما اخفي غلطي بس هي صارت بعد
ابو مهيمن: طلعت بالطرمه الدكتور كلي اتمشه يوميا بليل ،،، شفت مرت مهيمن ،،، ها بويه شعندج هنا
سما: باوعت علي تفاجئت لان محسيت علي من اجه
ابو مهيمن: ليش هلبجي بنتي بيج شي مهيمن مسويلج شي
سما: كلماته جانن بوكتهن ،، جان بوكته انو احس عندي اب ،،، عادي اصيحلك بابه
ابو مهيمن: اي بعد ابوج عادي انتِ مرت الغالي،،،،، بويه لا تبجين كلهة تكضي
سما: طبطب على جتفي ،،، اي بابه تكضي
ابو مهيمن: روحي بويه مبينه سالفتنه طويله روحي جيبي كرسي اليه خلي نكعد نسولف اني وياج
سما: ادلل بابه هسه ،،، جبتله وكعدنه
ابو مهيمن: اي بويه احجيلي شبيج ،، حتى اذا مهيمن وياج اكسر راسه
سما: ابتسمت على كلامه ،،، وبداخلي معرفت شنو اكوله مدري صح او غلط بس قررت افتحله كلبي واحجيله لان حسيته صدك اب اليه
ابو مهيمن: بويه احجي لا تخافين، شمسويلج مهيمن
سما: ضربني
ابو مهيمن: شنووو (بداخلي حاولت اهدء نفسي حتى متتمرد لان اي بنيه من تشوف واحد يصفك وراهة راح تتمرد على زوجهة خلي احاجيهة بالسياسه افضل ). باعي بنيتي اني ضد الضرب بس الواحد من يصير عصبي ميعرف شنو يصرف فه كولي شنو الشي السويتي وخله مهيمن يوصل لهل عصبيه ويضربج
سما: والله بابه ما سويت شي
ابو مهيمن: لا بويه اكيد صاير شي
سما: شكله مرتك جذبت على مهيمن حتى يكتلني ،،،، بابه مكدر احجيلك التفاصيل ،،، صار شي بس والله بابه اني ما مذنبه بالصار يعني مهيمن سمع من احد واجه حاسبني وما سئلني شنو صار
ابو مهيمن: ميخالف بويه كتلج الواحد من عصبي ميعرف شيصرف ،، صيري قويه بويه انت مرت الاسد مهيمن ،،، باوعي بويه راح اكلج شي
سما: حجي ويايه هواي اشياء عن طفوله مهيمن وعن شخصيته حسيت فهمت مهيمن اكثر وشويه كلبي هدئت النار البي ،،،،،،،،اي اسمعك
ابو مهيمن: مسحي دموعج حتى نكمل حديثنه
سما: حاضر ،، مسحتهن
ابو مهيمن: مو شغله ابني بس ترى مهيمن يحبج هواي اني ابو ولاحظت الحب بعيون ابني ،،، لو ميحبج ميوكف بنص اهله ويكول احترام مرتي من احترامي جان محاسب امه علمودج لو ميحبج جان عافج بعد الحجي الكلنا بس هو واثق بيج هواي ويحبج فه لا تحكمين علي من تصرف هو سواه دائما الرجال ينقاس بمواقفه فه انتِ شوفي مواقفه وحكمي علي
سما: (بداخلي اتعجبت من الكاله يعني مهيمن هيج واكف بنص اهله علمودي شوكت هاي) ،،،،،،،صح كلامك بابه خلص راح امسح دموعي
ابو مهيمن: عفيه اريدج هيج سباعيه بنتي
سما:اي بابه
ابو مهيمن:واني عندي احساب ويه مهيمن باجر على المسوي بيج
سما: لا بابه عليك الله لتحاجي ،، خاف يضوج
ابو مهيمن: شوفي انتِ هم تحبي بس ابني غبي ما يدري ،،، يله بويه على كلن اني داخل انام وانتِ ارتاحي وصعدي الزوجج
سما: خجلت ،،،،، تصبح على خير وشكرا الك هواي
ابو مهيمن: وانت بخير ،،،ماكو شكر بين الاب وبنته،،،،،، وطبطبت على جتفهة
سما: ابتسمت ومن صدك دخل الفرح الكلبي ،،، كلامه هادء ومريح مع انو ما مفتهم السالفه بالضبط بس انطاني اسباب وعلمني شلون اتعامل ويه مهيمن
مهيمن:باوعت ساعه ١١ بليل ولسه مصعدت نزلت دورت عليهة بالبيت ماكو طلعت بالطرمه لكيتهة
سما: جريت الخصله الكصيتهة من الشال وكمشتهة وابجي شويه واسكت شويه ،،، هسه اني القاهرني شعري وزعلانه من مهيمن بس سالفه مهيمن من حجي ويايه ابو المهيمن كمت ما افكر بهل سالفه هسه بس شعري وشلون كدرت اكصه هيج
مهيمن: كمشت ايدهة وبستهة ،،، شبيج عمري ليش البجي خلص انسي اني باجر اخذج الصالون يعدلولج شعرج ويرجع حلو
سما: وخرت ايدي منه ،،،، عن اذنك وصعدت فوك
مهيمن: اخخخ من اعنادهة ،،، صعدت وراهة شفتهة تنزع بالدشداشه
سما: اباوع يباوعلي بتمعن ،،، بكلبي مكيف عباله ملابسه شي جوه الدشداشه ميدري اني لابسه جواهن،،، نزعت الدشداشه ورحت على جربايه تمددت وغطيت وجهي
مهيمن: بابه لتنطيني ظهرج
سما: مجاوبته ضليت بمكاني متحركت
مهيمن: ادري السويته غلط هواي وما ادري اذا حتتقبلين او لا بس اني اسف يروحي
سما: وكعت دمعه من عيني مسحتهة ورجعت سديت عيوني بقوه حتى ما ابجي
مهيمن: حبيبي سامحيني حرام عليج تخلين حبيبج بهل حاله وباجر دوام عنده شلون يروح وهو ضايج وممصالحج بله مات هناك
سما: ضليت على نفس وضعيتي بس كلت بكلبي سمله
مهيمن: يعني مراح تحجين شي
سما: مجاوبته
مهيمن: تقربت منهة وحظنتهة من وره ،،، وضليت اشم بيهة ،، اني اسف اسف اسف
سما: مخلي راسه بركبتي من وره ويردد اني اسف ،،،،،،،،اني مسويت اي رده فعل وره شويه سكت انتظرت ١٠ دقائق عرفته نام ،،،،،،،،،،وخرت ايديه مني وبصعوبه وخرت شعري من جواه
مهيمن: حسيت بيهة كامت من جرت شعرهة من جوايه بس سويت روحي نايم اريد اعرف شسوي
سما: نزلت من الجربايه باوعت الكاع مابيهة شعري معقوله هو شاله ،، اي قابل منو حضرتله ملابسه الدوام كويتهن، باوعت هو ما تعشه لان العشه على حطته انقهرت علي بس مالي علاقه بي،،،،طفيت الضوه وكعدت بالكاع وظهري على الجربايه،،،،وضليت ابجي وره ثواني كمت كعدت على الجربايه يمه هو بعده نايم ،،،، خليت ايدي على خده ،،،وحجيت بصوت كولش ناصي ،، ليش هيج اسوي بيه ،، انت مو وعدتني متضربني ليش دائما اكون اني الضحيه دائما متصدكني ليش لان اني ب نظرك محد مربيني فه مو لازم اصدكني
مهيمن: دا اسمع كلامهة كله انقهرت عليهة بس ردتهة تكمل كلامهة اريد اعرف شبيهة
سما:خليت ايدي على كلبه،،، ليش كلبك ميحبني بكد ما اني احبه ،، اني اعتبرتك اهلي وسندي وحبيتك انت ويه زيناتك وسيئاتك حبيت عصبيتك وكلشي بيك بس انت ما حبيت غير زيناتي ،،،، شهكت بالبجي ورجعت كملت كلامي ،،،،ما اكولك اني ما اغلط بس والله العظيم هل مره اني مغلطانه يجوز غلطي الوحيد انو حجيت المفروض اضل ساكته حتى لو يموتوني ما احجي كلمه ،،،،،،حتلو اخاف انضرب هم جان المفروض انزل اسوي غده ،،،،، خليت ايدي على لحيته ،،،اني اسفه لان خليتك تنام بدون عشه بس موذنبي انت اذيتني هواي،،،،،،،شلت ايدي ولمست شفته لك ليش تجرحني بكلامك ،،،، ليش تجبرني انحني وابوس ايد هي صح امك واني ماعندي مانع لان جنت اعتبرهة امي بس ما متقبله ابوسهة ايدهة غصب عني هذا الشي كل ما اذكره اموت الف موته،،،،مكدرت بعد اكمل لان الشهكه وصلت الروحي و النغزات الي بكلبي حيل اذاني وخرت ايدي ودا اكوم
مهيمن:جريتهة بحظني وحظنتهة من خصرهة حيل
سما:..................
لهنا وينتهي البارت ++تريدون بارت طويل يصير التنزيل كل ٣ايام واذا تريدون التنزيل يومي فه اني مضطره اقصر البارت لان اني قدرتي الف او الفين كلمه بليوم ما اكدر اكتب اكثر لان مثل متعرفون ورايه دراسه
فقره اسئلة
١.شنو رئيكم ب ابو مهيمن وبلكلام الكاله ال سما
٢.هل سما راح اسامح مهيمن بسهوله
٣.وين البقيه مختفين (علي صديق مهيمن ،،،و الاء ،،، وفاطمه)
٤.كلمه توجهوهة المهيمن بعد اذيته السما
٥.بعيدا عن القصه برئيكم مسلسل طيبه دتنقل
حاله سلبيه يعني (يعلمون البنات على الجذب والطبه والطلعه مع الحبيب بدون علم الاهل وفوك كل هذا مطلعيهة مضلومه شلون تنجمع كل هل صفات بشخص +++ الاب العراقي من حيشوف هذا المسلسل مراح اصير عنده ثقه ابته لان طيبه فقيره وحباب وسوت هل اشياء كلهن) ،، ،،،،،،،لو دتنقل حاله ايجابيه عن حريه البنيه انو عادي تطلع واطب
وبس باي يحلوات
عدد كلمات البارت٢١٦٦