أنا شخص قد تعثر واستقام ، انحنى وأعتدل ،
إنهار وأستقوى ، ثم صار يعرف حدوده مع
الحياة والناس متى يواجه و متى ينسحب
ومتى لا يلتفت أبداً....💔
الساعة 6:00 مساءاً
گعدت من النوم على صوت الموبايل يدگ
نار : الو هلا بيك
... شونچ وشلون الوضع يمچ
نار : زين مسيطرة علي لحد الان
... ممتاز بس لازم نلتقي
نار : اكيد هو اني چنت راح اگولك عندي كم شغلة مهمة لازم تعرفها
... الساعة ثنتين بالليل روحي المكان امان و اتأكدي ما بيها احد وبعيدة عن العيون وشغلي جهاز تحديد المواقع حتى اجيچ
نار: ماشي مع السلامة
... نار
نار : نعم
... ديري بالچ على نفسچ
اخذت نفس عميق قبل ما اجاوبة
نار : ان شاء الله
... الله وياچ
سديت الموبايل وگمت من مكاني هم زين نمت شوية وجددت طاقتي راح احتاجها هواية بالفترة الجاية خصوصا مع ذولة البنتين نسرين ورغد مبين انو مو ناويلي على خير عالعموم بكل الاحوال ما يهموني بس اهم شي ما يمسني ضرر من عدهم ..
نزلت جوا ودخلت للصالة لگيت النسوان گاعدين ومازن همينه گاعد و رجال هاي اول مرة اشوفه معقولة يكون الفهد ..
نار : السلام عليكم
ردو الكل السلام علية انتبهت على نظرات هذا الرجال عليه مبين انه مو سهل ويريد يعرفني من اول نظرة مو بهالسهولة للاسف حچيتها بداخلي واني ابتسم باستهزاء
الحجية : شنو ينار ليش ما نزلتي تغديتي ويانا
نار : والله چنت كلش تعبانة فنمت شوية تعرفين البارحة جاية من سفر واليوم چان شغل من الصبح
نهال:زين گومي للمطبخ خل الخدم يصبولچ غدا
نار : ماشي گايمة عن اذنكم
كمت وانتبهت علي گام وراي درت وجهي على صوت الحجية
الحجية : ها علي توك اجيت وين رايح
علي : لا مو رايح المكان هنانه شوية واجي
الحجية : ماشي يبعد بيتي وگلة الخويك خل يجي عليه ترا طولها هواي
علي : تأمرين يجدة
انوب اخو منو تقصد اللي گالت علي سمر زوج نرمين بنت عمها لو غيرة بس لو اعرف مبين مطولة سالفة الفهد علما نكشفها بس شعندي انا وياهم والزمن طويل ...
رحت للمطبخ وگعدت حتى اتغدا بعد شوية فات علي اعتقد انه گام من مكانه حتى يجي هنانة خل نشوف شعندة
علي: نار مو
نار باوعتلة بابتسامة مصطنعة : اي نعم
علي : ان شاء الله لگيتي شي حلو هنا تصوري
نار : اي شلون الجبال والمزارع كلش حلوة
انتبهت علي چان راح يحجي بس قطع كلامة بدخول غيث للمطبخ
غيث باوعلة وباوعلي وكأن انزعج من وجودنا وحدنا سوا : علي هاي شدتسوي هنا
علي : ولا شي اجيت اشرب مي بس
غيث بحدة : الفهد اجه ويريدك روحلة لا يعلگك
حجاهة بابتسامة سخرية استفز علي بيها
علي : شقصدك غيث ترة انت هواية دتتمادى الزم حدودك والا راح تندم
غيث وهو يقترب منه ويحط عينة بعين علي : محد هنا راح يندم غيرك انت وصاحبك واللي مسوي نفسه شيخ
علي : احترك نفسك لك هذا جدك شجاك هذا هم حجي شنو انجنيت انت
غيث : اي جنيت وراح تتعبون هواي من جنوني
علي : خايف لا انت اللي تتعب يا غيث اگعد بمكانك ولا تسوي شي ممكن يأذي غيرك
حجاها وطلع من المكان كلام علي اكدلي انو غيث يعرف هواي اشياء وصاير مصدر خطر عليهم بس اني هسة لازم اروح اريد اشوف الفهد منو ،
كمت من مكاني بس وكفني صوت غيث : وين رايحة
نار : اا شبعت
باوع للصحن لگاه مليان
غيث : جذابة
باوعتلة باستغراب من وقاحتة
غيث : شبيج راح تموتيني صحنچ مليان گعدي كملي اكلج مالج دخل باللي صار هسة هاي احنا دائما هيج
گعدت مجبورة مبين اني ما راح اكدر افلت منه
نار : وشهالحياة هذي انت عندك خلاف مع كل اهلك ولا شنو
غيث : اكو اشياء صعب تفهميها عوفج من هالحجي ترة اني هم ميت جوع وما ماكل لحد هسة ما تصبيلي اكل وياج اني هم
كالها وهو يكعد عالميز ويباوعلي بنظرات الاطفال لمن يطلبون شي من امهم
ضحكت على منظرة : ادري حارميك من الاكل ومادام هيج كلها عرك ويه اهلك دعوفهم وفضها
باوعلي بنظرة حزن وبسرعة غيرها : هسة شنو يعني راح تذليني الخاطر صحن تمن
نار بتفاجئ مصطنع : هسة اني شكلت يابة هسة اصبلك واني الممنونة
حجيتها بشقى بس هو باوعلي بطريقة غريبة ما فهمتها
رحت صبيتلة وجبتلة الماعون ورجعت گعدت يمة اكمل اكلي
باوعلي بابتسامة وهو يكول : شكرا تعبتج وياي
نار واني ابتسم : ادلل ما سويت شي
غيث : اي احجيلي عنج خل اتعرف عليج شوية
بضحكة : شنو اللي تريد تعرفة
غيث : اي شي اكو هواي اشياء ممكن تحجيلي عنها
حجيت واني اباوع بالفراغ : اني بنية عادية عمري ٢٣ سنة دارسة اعلام و اشتغل بالتصوير ابوية ميت من زمان وما عندي اخوان وامي عايشة
رجعت بذاكرتي واني اسولف وياه الذاك اليوم
...نارة وينج تعالي شوفي شجبتلج
اجيت اركض علي وفرحانة جان عمري بوقتها ست سنين واموت عالنساتل
نار : ياااااي شوكلاتة شكرا خوية حبيبي
... شنو هاي ما تنفع وين البوسة مالتي
نزل المستواية حتى ابوسه بستة من خده گام شالني ودخلنا للبيت سوا صاحت امي علي
ناديا : وسام مو كتلك لا تكثر من هالسوالف هم سنونها مو زين عليها وهم شغلك دتعب بي يا وليدي وتجمع الفلس فوك الفلس
اجه باسها من راسها وخله راسة بحضنها : يمة نارة عندي بالدنيا هاي بنيتي مو اخيتي احبها هواي
وشما تطلب و تتمنى اجيبلها
الام وهي تمسد على راسه : الله يحفظك النا وليدي ويخليك سند الها يكون دوم يضل هيج گلبك عليها
باس ايدها وهو يكوللها : ويحفظج النا يالغالية
نار: ياا هاي شنو گوم وسام هاي مكاني ما يصير هيج هذا غش كوم كوم
مسكتة من ايدة وهي تحاول تكومة
الام : ولج مو هسة احبك وتبوسين بي اشو هسة صار غش
نار: هاي مكاني اني
كلتها والدموع تجمعت بعيوني
وسام : ولج نارة ما يصير هيج تبجين على كلشي لازم تكونين قوية الحياة يحتاجلها القوي الجريء ضلي هيج دافعي عن حقوقج واخذيها ولو بالقوة ولا تستسلمين ابد
ضلت هالكلمات ترن باذني ..
غيث : نار نار بيج شي
طلعني من ذكرياتي صوته حركت راسي بهدوء احاول انسى او اتناسى ذكرياتي اللي ما ترضى تعوفني
نار بابتسامة كلها الم : لا مابية شي بس هي هاي حياتي بسيطة يعني ما بيها احداث واكشن
بضحكة جاوبني : احسن شلج بالاكشن هياتني اني بنص الاكشن وحياتج كاره عيشتي
نار : مادام هيج ليش ما تحاول تغيرها
غيث : حاولت بس
نار : بس شنو
غيث : لا يضل ببالج اني شبعت شنو رأيج نطلع افرچ بالمكان شوية
عرفت ديغير الموضوع كل مرة يصل مرحلة راح يحجي كلشي بيها بس يتراجع بعدها
نار : خوش واني هم شبعت بس اطلع اغير ملابسي وانزل
غيث : اوك انتظرج برة
كمت لملمت المواعين وطلعت للغرفة بدلت ملابسي واخذت كاميرتي ورحت وياه راح تفيدني هاي الفرة بلكي الكي مكان زين للموعد مالتي ...
رفع راسه من الكتاب اللي بايدة على دگ الباب
حسين : اعذرني على ازعاجك شيخ
الشيخ : شكو شصار
حسين : شيخ گتلي اي شي غريب يصير اگلك عليه
اليوم لگيت بنية كاعد تصور يم المنطقة اللي زارعين بيها
الشيخ : وما عرفتها الهاي البنية
حسين : بلى شيخ حفيدتك سمر اجت وكالت انها ضيفة عدكم بس اني اخذت الكاميرا منها ومسحت كل الصور
الشيخ بتفكير : زين سويت تكدر تطلع واي شي تشوفة على هالبنية تعال گولي
حسين : تأمر شيخ عن اذنك
اشرلة بايدة بمعنى اطلع واخذ موبايلة بعدها
الشيخ : الو شصار معاك بالگتلك عليه
... والله يشيخ يعني مو ذيچ المعلومات لگيت الصراحة مبينة غامضة هالبنية
الشيخ : يعني شنو
... يعني اني رحت عالقناة وسألت طلعت فعلا تشتغل مصورة هناك ومن عدهم اخذت عنوان بيتها بس
الشيخ : بس شنو ما رحت على مكان بيتها سألت عنها
... بلى شيخ رحت وسألت طلعت عايشة وحدها وما صارلها مدة طويلة من مأجرة البيت والجيران محد يعرف عنها شي
الشيخ : شلون يعني هذا كل العرفتة هاي من الصبح لحد الان
... اعتذر شيخ بس والله دورت ما لگيت غير شي حتى الجامعة اللي متخرجة منها ما عرفتها
الشيخ : هذا الحجي ما يفيدني تدورلي بعد ولگيلي معلومات تنفع اكثر من هاي على شنو دا ادفعلك ملايين اني يالله روح
سد الموبايل ورماه عالمكتب بقوة
الشيخ : ليش هذا الاحساس انو اني اعرفها لييش وافقت انها تضل هنا واني اللي ما ادخل غريب
راح اعرف حتى لومتأخر الا ما اعرف شنو قصتها هالبنية ...
دنتمشى بالبستان بين الشجر الهوا كلش حلو والضو بعيد عنا ولو ضو القمر كافي
نار : ياا باوع شكد حلو هنانة اوگف خل اصور
غيث بابتسامة : اخذي راحتج
گعدت اصور من كل الجهات واني اسولف وياه
نار: غيث ما گتلي انت شنو تشتغل
غيث : اني دكتور اسنان وعندي عيادة اشتغل بيها
نار : شغلة حلوة هذا چان حلمك
غيث : اي من جنت صغير احب هذا الشغل
نار : حلو هذا الشي انو تشتغل بالشي اللي يعجبك
غيث : يمكن هاي الشغلة الوحيدة اللي جرت عدل بحياتي
مازن : هاي البغدادية هنا بربج شدتسوين مع هالمعقد
غيث : انت شجابك
باوعلة مازن وحجا بغمزة : شنو اخلي الحلويات كلها الك ترا اني هم اريد ولا تنسى اني مثل اخوك
نار : انت فعلا بلا ادب غيث اني رايحة المكان هنا صار لا يطاق
مازن : هسة شحجيت عليش هيج حساسة زين دتعالي اخذيلي صورة وحدة عالاقل مو انتي خبرة بهالامور
مشيت ولا رديت علي لان اذا تفرغتلة ما اعوفة الا وهو نايم بالمستشفى فد اسبوع تافه ...
غيث باوعلة وهو يدفعة : لك انت شبيك متستحي وما عندك اسلوب بالحجي
مازن : خلينا الاسلوب الك حضرة الدكتور
غيث : دكتور غصبن عنك شنو دتتقشمر يعني عود بيك خير افلح بشغلة بدال ما مكضيها تتحرش بكل بنية تشوفها من طاح حظك
مازن : لا تخلينا نحجي يالدكتور ترى خيانتك اذا عرف بيها جدي مو بس يخلي العشيرة تتبرى منك يطردك من العراق كله
غيث : لا تفكر تهددني حتى
بيك خير غير مكان الحبوب اللي حاطتها تحت متناول الاطفال وانوب بوكتها اذا عرف جدك اللي متحامي بي يرميك بطلقة وانت تعرف شنو عقاب افعالك
انخطف لونة وهو يحجي بخوف : يا حبوب هاي ماكو شي بطل تأليف
غيث : ماشي تأليف تأليف مثل ما تريد بس مرة اللخ احجي عدل حتى لا يصير هذا التأليف رواية الكل يقراها
حجاها ومشى من يمة تاركه مرعوب من الشي اللي حجاه ..
غيث
كلكم شياطين وراح تتعاقبون على افعالكم واحد واحد راح الوكت اللي يسكت بي غيث ويغض بصرة عن جرائمكم بتجارة المخدرات ...
يتبع ....
آرائكم 💜
لا تنسون اللايك ❤️
ومتابعة للصفحة 🥰❤️❤️