اسيرة قدرك

البارت الحادي عشر

اسيرة_قدرك..
بقلمي رسل..
البارت الحادي عشر..
واتباد @rasolaa7

روحي ...
مو شباچ لـ أحد
روحي تالي الليل شباچ لـ حزنها..

-فتحت الباب خالة ريا وهي فرحانه بيه
من شافت ايهم خزرتني ودخلنا..

ريا.. شلون اجيتي ويا امج تدري بيج طالعة؟!..

سجى.. خالة والله هو الي لح عليه وخفت
اطلع ويا بمكان كلت لماما خالة اتصلت عليه
تريدني واجيتج وهو كال بس اوصلج وارجع
عود انتي اجيتي وحدج واني بعدين اجي
وراج..

-ينكدرلج انتي بعد الله يساعده عليج مخبلته
عاف النجف وكل يوم جاي هنا..

-ضحكت اي غير يحبني لازم يعوف كل شيء
علمودي..

- شوي واجه اسر زوجها سلمت عليه وكال اليوم
منورتنا سجاوي خالة ابتسمت..

-اي اني خابرتها تجي يمي هو كالها هلا بيها..

-كعدت وخليت بناتها بحضني مهرة وريا
واسر جان كاعد يباوع تلفزيون دك جهازه
و اسمعه يهلي و يمرحب..

-من كمل كال ريا.. جاينه خطار من النجف بنيتي حضري غداج..

ريا.. هلا بي منو؟!..

اسر.. ايهم ابن خالي..

سجى.. ابتسمت على سوالفو لايهم ياربي شكثر
احبو اتعجب عليه بفترة قصيره هيج كدر
ياخذو لكلبي و يسطر عليه..

-شوي واجه سلم عليهم و سلم عليه بثكل
واني مبتسمه واشوفو كل شوي و يدحج
عليه وينزل راسو جان حذر من اسر
لا ينتبه و يشوفو..

-كمت ساعدت خالة و البنات مدو
السفرة و كلها كعدت سوه هو يأشرلي
احدر يمو خزرتو و هو ابتسم خالة ريا
كالت تعالي يمي اكعدي كعدت وهو
نظراتو فاضحته ومن يشوف خالة تنتبه
يدير وجهو..

-بعد الغده ماما اتصلت عليه و كالت
ابوج يدحج للباب و عصب عليه تعالي
ولا تسوين مشكلة عوفي خالتج..

-اني خبرت خالة ريا ايهم دحج عليه بقلق
كتب مسج.. شبيج منو وياج؟!..

-رديت عليه.. امي تريد ارجع للبيت..

-كتب اني اوديج لا تخافين..

-رديت بسرعه لا ما اقبل بصفتك منو
ايهم لا تجيبلي مشاكل الله يخليك
منتظرة خالة تاشوف شتسوي..

-اجتي خالة كالت اسر يوديج عنده
طلعه.. ايهم جان فكرو ويانا
بحيث بس اسر كال يلا نروح هو طفر
من يمو.. انه اروح وياك..

-صعدنا بالسيارة وهو شغل اغنية لتامر
حسني و انطلق وياها و زوج خاله ريا
يضك عليه يكولو.. شكلك واكع بالحب
ومنتهي امرك..

-وصلوني للبيت من نزلت من السيارة
تشكرت من زوج خالة ريا و ايهم يبوس
بالهوا ابتسمت و فتت للبيت همزين
اسر ما جان منتبه والله هذا ايهم
ور كلبي ور وراح يسببلي مشاكل بس
احبو..

-لليل اتصل رفعت خط.. هلا بعافيتي
لج انتي شسويتي بيه ليش كل فكري بيج
سجى كافي اني راح اجيب اهلي واجيكم
هاي مو حالة هاي تارك النجف و ساكن هنا..

-لا لا اخاف بابا ما يقبل هو ما ينطي للشيعة
ايهم اصبر شوي عفيه من كتله هيج غلط
على بابا كال وهو شنو شايف نفسه كاتل
روحه على الطائفية وكلمة مني وكلمة منه
زعلت و سديتو..

-اتصل عليه ما جاوبت يتصل وما ارفعو للخط
مدة و وصلني منو مسج..

-اني بالباب مال بيتكم..

-كلبي خفق بخوف فتحت الشباك و وادحجو
واكف حدر سيارتو والجهاز بيدو..

.......

-كاله فوت هسه يجي السيد سحبني تعالي
هنا اني اعلمج على هذا التمضحك..

-ابتسمت بوجهه بخوف.. مو هو سلم والله
عيب شلون غير اردها وما مديت ايدي والله
هو يشاقه سواها بالضحك اني معليه..

-اش كتلج حسابج بعدين خلي نفض العالم..

-هسه اني شورطني بلا منو يفيدني هسه
نور..

-اجه السيد وعقدوا و بدت الهلاهل والصفكات كلش فرحانين وهو الولد روحه حلوه بس يتشاقى
و يضحك وعيونه تباوع بحب لنور
بعدها لبسها الذهب و اكلوا كيك و العصير
و طلع..

-اتفقوا شهرين و يصير العرس كالوا كل شيء
جاهز ما نريد نطولها وعيالي وافقوا
خصوصا نور لان هي تحبه و تعرفه صارله
اربع سنوات وياها بالكلية..

-طلعوا و كمنا شغلنا اغاني و الركص
بوستها.. فرحتلج كلش الله يسعدكم..

-هي باوعت على اسر.. خويه مرتك اليوم
خطفت كل الانظار تخبلن عليها النسوان
حتى خطبوها لوما سماح تكلهم هاي
مرت اخوي..

-بلعت ريكي و اريدها بس تسكت ماكو
خاف هو معصب مني لا هسه احتمال يشنقني
اباوعله خزرني..

-وره العشة ركضت للغرفة طلعت الثوب
الاسود الي اشتريته لبسته و وجهي و شعري
جنت مرتبتهن مال خطوبه بس طوخت
الحمرة و اخذت بنتي انومها كل هذا بس
كون ينسى وما يضربني لو يرزلني..

-فتح الباب وطب من شافني صفن بإعجاب
وبعدها تتدارك نفسه.. صاح ادبسز عبالج
نسيت لو تنسيني تردين شلون هيج تتمضحكين
ولا نوب ال**** يريد يصافح مكيفه
ونوب يخطبوها عميان ما شافوا بناتج..

-كمت يمه اسر شبيك هو هيج طبيعته مبين
اصلا ويه الكل تشاقه.. كوه هديته من بعد ما شبعت رزايل و زعلت منه وعاد
هو رجع باسني و هو يكول..

-شنو هذا الجمال.. واخذني لحضنه
وعشت لحظات حلوة ويا هو غفه واني
كمت شفت بنتي ما اعرف شكد ما ايامي
هاي حلوة ويا بس بداخلي خوف وقلق
يمكن لان ما متعلمه هيج يعاملني او يمكن
اني خوافه هواي
اتعوذت من ابليس ورجعت نمت..

-مرت الايام عاديه و مشغولين بنور
لان عرسها قريب وهي خطية كلش مشغولة
بالتحضيرات طلعت هي وعمتي و حماتي
و الولد مو هنا بس سماح بقت يمي بالبيت..

-طلعت و اتفاجأت باب الشقة مفتوح
اتقدمت اريد اسده وانصدم بسماح
تأشر لجيرانه و تحجي ويا..

-باوعت عليها بخوف و طبيت قبل لا تشوفني حتى الباب ما سديته من هول
الصدمة بقيت مترددة احجي لو لا
بعدين كلت معليه ما اكدر عليها سماح
نوب يصدكونها و اني الي اوكع بيها
وحتى اسر رجع يضربني من تذكرت ضرباته
قررت ابد ما احجي..

-هي طبت من شافتني ارتبكت اني ما بينت
الها شيء عفتها و رحت للغرفة..

-العصر اجه اسر صبيتله غده هو كاعد
يتغده كال ريا حضري روحج نروح
لكربلاء نزور و نزور البنات..

-اني فرحت كلش طرت اجت بوقتها
اريد ازور وارتاح..

-كال لسماح تروحين هي ما رادت تروح
وعمتي جانت طالعة بايته محد راح ويانا
بدلت لبناتي بسرعة اخاف لا يبدل رايه
كملت هو هم بدل بس شنو ضليت صافنه
عليه لبس دشداشه سوده حسيته
حلو ومختلف عن قبل اباوع عليه سبحان الله
شلون من اتغير وياي صرت احبه
و حتى اشوفه حلو مو مثل اول ما تزوجنا..

-طلعنا مشينه شوي ونزل جاب حلويات
وعصاير كال خاف تجوعون بالطريق
اخذ مهرة بحضنه.. جيبيها عنج..

-يا اسر شلون تسوق..

-عوفيها بحضني لا تخافين انتبهي
على ريا انتي..

-يسوق ويبوس بيها وهي كيفت
حمدت الله انو يحب بناته هو صح يضوج
بس بنات لان يريد ولد بس كلش يحبهن..

-وصلنا لكربلاء روحي جانت مفرفحه
على الزيارة عبالك طير و فتحوا اله
باب القفص دخلت زورت شبعت بجي
بحضرة سيدي ومولاي زورت بناتي
الى ان ارتاحيت يلا طلعت شفته
منتظرنا كعدنا على جهه..

-اخذ البنات من عندي واني كعدت اقرا
الزيارة اجواء حلوة عالم ثاني بعيد
عن كل شيء للفجر احنا بكربلاء..

-ها بنيتي ارتاحيتي هسه من زرتي؟!..

-التفت عليه ابتسمت كلش ارتاحت
نفسيتي..

-يلا نروح.. طلعنا و فرنا شوي واخذ حلاوة
وجانت اكو مرة تبيع كيمر اخذ منها لاهله
ورجعنا..

-دخلنا جنت شايله بنتي وهو شايل
العلاليك و مهره هي عمتي شافتنه
لو وجهه انكلب من الغضب نظراتها
ما تتفسر..

-هو كالي روحي فوتي للغرفة معليج
هي هنا فشرت عليه وغلطت
صاح بيه اخذت بناتي ورحت واسمع
صياحهم هي تغلط وتفشر وهو يكلها
يمه تعبان جاي من طريق باجر اني
اوديج..

-يمه بروح ابوي جاي اكلج كافي تعبان..

-انقهرت عليه هاي عمتي حتى ابنها
ما ترحمه خليت بناتي بمكانهن انفتح
الباب وطب هو مثل الاعصار..

-ناقص اني اذا طلعتج بعد..

-اني شعليه شبيك رجعت عليه طالبه
منك اشو انت اجيت وكتلي يلا نطلع..

-اش ولا كلمة اطلع**** اذا طلعتكم..

-سكتت منه معصب و يروح يذب حركته
بيه هو هذا هم حضي اول مره اطلع ويا
مكان و سممتها عمتي..

-نام واني قبل لا انام اجتني عمتي..

-كومي نضفي مو حضرتج نايمه وعايفه
البيت علينا كومي يلا البيت وصخ
وسماح مريضه..

-كمت واني منتهيه من النعاس طبيت للمطبخ مكلوب عايفات المواعين
مال بارحة و صاير لعبان نفس كملته
و رجعت للبيت مسحته لحد اذان الضهر
اني اشتغل هلكت صليت و نمت
فزيت المغرب اباوع اسر ماكو..

-طلعت ما شفته بالشقه سألت نور
كالت خطية غير امي شنت عليه حرب
هسه تاخذني لكربلاء واخذها وطلع
وخابر على ابن خالتي يروح ويا لان
نعسان خاف يكلب السيارة بيهم..

-تنهدت هاي سوتها صدك اذا كله
طلعه هيج تسوي معناها ايست..

-دكيت عليه ما جاوب نرفزني كلش
ما يجاوب لو يرفض استعجلت وبغباء كتبتله..

-ليش متجاوب لو هذا خوف منها..

-رسلتها وتندمت و ضليت الوم بروحي ونوب متت خوف
من وصلتني منه رساله..

-خلي ارجع واعلمج شنو الخوف
اخاف مو بسيطة..

-بقيت الوقت كله الوم بروحي تعشينا
وكلها نامت واني بالي يمه ما كدرت اغفه
للتلاثه سمعت صوت سيارته ركضت
للغرفة و سويت روحي نايمه قبل لا يشوفني
ويخلص عليه..

-دخل للغرفة ركع الباب بكل غضب سحبني
من شعري..

-كومي **** منو الي يخاف ولج كومي
خلي اشوفج شلون اخاف..

-شبعني كتل و كفخات ذب حركته كلها
بيه انتهيت جوه ايده كوه طلع صوتي
من البجي.. كملت طلعت حركتك
بيه ارتاحيت هسه عوفني و بعد لا تطلعني
هيج طلعه وراها مشاكل هم اني ما اريد
لفيت نفسي بالغطه و ابتعدت عنه..

-شبعت بجي لما غفيت الصبح حسيت
عليه يبدل يريد يطلع لدوامه غلست
ما كمت طلع هو بقيت نايمه للعشرة
اجتني سماح..

-يلا المسعدة مو كافي نوم كومي نضفي
البيت..

-مريضه وما بيه اكوم عفيه يا بيت.. طلعت
بغضب مني واني ضحكت شويه ضوكو
من حرك الأعصاب الي ضوكتونياه
ليل نهار مشغليني خدامه الهم وياريت
واحد منهم راضي..

-بهذا اليوم ابد ما طلعت انواع الحجي
سمعت منهن و غلست..

-بالليل دخل اسر كتله جوعانه جيبلي
اكل من الصح لهسه ما ماكله شيء والله
عود جنت زعلانه منه بس من الجوع
والله حتى الزعل نسيته..

-روحي سوي واكلي منو لازمج..

-بقه اكل هسه فدوه كوم جيبلي والله
راح اموت من الجوع واذا كمت ما راح
يخلني اسوي لان اليوم ما طلعت..

-لحيت عليه وهو شكله جاي عصبي..

-ريا اتعوذي من ابليس و وخري عني
ابوي ابوي شايفه بعيني من وراجن
ومن وره بلاويجن طريق كربلاء سويته
دربين و الدوام لا تخليني اكوم اكسرج..

-دكوم هو اكل شبيك هسه ما تكول
هاي جوعانه.. ياريت ما لحيت ولا طلبت
اكل شبعني غلط عليه وعلى اهلي تالي
ركع جهازه بضهري شاغت روحي
اذاني كلش نار اشتعل ضهري هو جهازه
دمعة وشويه ثكيل احس ضهري نكسر
لفيت راسي و نزلت دموعي امداني
شكو طلبت منه بس والله جنت جوعانه
كلش..

-وره مدة حسيته وخر الغطه
وباس راسي.. كومي اكلي يلا حبيبتي
لا تتزعلين شو كومي..

-رجعت البطانية عليه.. ما اريد شبعت..

-ريا كومي لا تعاندين بنيتي مو والله جزعت
وحرت بينكم يلا كومي اكليلج لكمه..

-ضل يبوس بيه ورفعني من الفراش
واعتذر مني كال اني عصبي وانتي تلحين
وخليتيني ااذيج..

-انطاني اكل شدعوه هذا هواي.. ابتسم
الف عافيه بس خلوني انطمر..

-ريا ليش تسوين مشاكل ليش اليوم
ما طالعه مشتغله وعايفه سماح وحدها..

-مو جنت دايخه و ما ادري شبيه و لهذا
ما طلعت..

-طولي خلكج يا عيني كملي شغلج
و رجعي للغرفة لا تخلين بالي يمج
وداعتج حضي طايح..

-تندمت خطيه هو صدك الاوضاع ببغداد
مو زينه وشغله متعب كمت بسته
لا تشغل بالك بينا يلا نام ارتاح كم ساعة
مدد ضليت امسد على شعره لحد ما غفه..

-شبعت نوم كمت شغلت التلفزيون
ونصيت الصوت بعدني اكلب بالقنوات
دخلت سماح وجرت الريمونت مني..

-جيبي بدا المسلسل متابعته..

-كمت مددت بصفه وهي فرشت بالكاع
و بقت مشغلته للتلفزيون هو انزعج
وفز من شافهه ما حجه شيء هو يحبهن
كلش ما يحجي وياهن ابد..

-سحب الغطه وغطه راسه ونام..

-كعدت الصبح من السته لان عنده دوام
قبل لا يطلع شبكني و باسني.. ديري
بالج على نفسج وعلى البنات وما اريد
مشاكل اني ما ارجع اليوم خفر واحتمال
اطول لان راح ينطوها حضر تجوال..

-ضجت كلش شبكته حيل.. ترجع بالسلامة
لا تفكر بينا ما علينه شيء..

-ودعته وطلع رحعت نمت وره ساعتين
كعدت عمتي كالت اليوم نخبز كمت وياها
واكفه على التنور واحس روحي نسحلت
ركضت للحمام استفرغت و كعدت بتعب
اليوم كله خلصته اون من معدتي احس نار
مشتعلة بيها كوه كملت شغلي على
اعصابي..

-ذبحني الألم دكيت على اسر كتله الحكلي
تخربطت من معدتي..

-هو نخبص كال خفر ولج خفر بلا هسه
شلون اجي شجاج ما تكليلي شجاج..

-زين خلي اروح لاهلي امي تاخذني
للطبيب..

-لا انتظري اني راح اخابر على رجل اختج
و يجون ياخذونج..

-سديته منه والوب من الوجع من دخلت
لهذا البيت لليوم ما ارتاحيت من اكعد
ويه روحي اكول لو باقيه طفلة هواي
احسن جان ما شفت كل هذا والله شفت
كل انواع القهر و الضيم هنا
الي مصبرني بناتي و اسر لان احسه بدا
يتغير وهواي احسن من قبل هو صح يضربني ويغلط بس اتحمله لان ما عندي
غيره بدونه لا اهل يتحملوني ولا عيال..

-رجع اتصل كال راح يجون عليج
لفي نفسج بالعباية مو تطلعين هيج..

-حضرت نفسي وسماح ما قبلت اخذ مهرة
وياي كالت عوفيها يمي حيري بروحج..

-خابرني كال يلا اطلعي منتظرين بالباب
وها اخذي فلوس من الكنتور بالسلامة
بنيتي خليتي بالي يمج..

-سديته منه اجتي سماح سندتني وشالت
عني بنتي كالت هاي لخاطر اسر لان
وصاني.. تركتها اني وين وهي وين..

-اتلكتني اختي صعدت وياهم التفت عليه
زوج اختي.. يابه سلامتج شجاج اخذج
طبيب..

-لا لا تسلم بس وديني لامي.. هو ساق السيارة كال مو تدللين..

-اول ما وصلت تلكتني امي خطية نهبطت
من شافتني.. ولج يمه ليش هيج وجهج
اصفر شبيج ريا..

-ما ادري ماما ما ادري من الصبح لهسه
اتقيأ..

-ذبيت بنتي عليها و نمت احس مو
نومه عبالك فقدت الوعي ما اعرف شكد
مر وقت اسمع جهازي يدك جاوبت بتعب..

-ريا شبي صوتج شلون صرتي..

-ما ادري اسر ما ادري نحلانه و جسمي
كله يوجعني..

-ليش ما جاي تصحين يا عيني
اني عندي خفر تلاث ايام بس راح احاول
ارتب وضعي واجي اخذج للطبيب..

-سديته منه كمت كوه توضيت و صليت
امي جبرتني اكلت شوربه شوي اريد
بس انام..

-يومين بقيت يم اهلي نايمه بالفراش
راسي ما اكدر ارفعه وبس امي مهتمه بيه
الباقي ولا عبالكم اني منهم..

-فتحت عيني و اشوف اسر فوك راسي
هو تنهد وباس راسي..

-هاي شصاير بيج ريا التفت على اهلي
صاح بيهم..

-انتم شنو ها لهاي الدرجة ماكو رحمه
بكلبكم بتكم هاي يابه بتكم مو غريبة عنكم
ولا عدوتكم
متانينها تموت يعني لو شنو؟!..

-انت عمر مو هاي اختك
ما تعرف توديها لطبيب كم مره خابرت
عليكم انتم اهل انتم لا والله كفر
يسمونكم اهل تشوفونها منتهيه و عدكم
عادي العقل توكفونا انتم..

-سندني كومي بنيتي ان شاء الله ما بيج
شيء يلا ريا عينيلي حالج طلعنا وهو يرزل
باهلي شكد خجلت تمنيت اخوي مثله
هو كلش زين ويه خواته..

-دخلنا على الطبيب هو اخذ التحاليل
يقرا بيهن بعدها باوعلنا كال....

يتبع....

اللهم صل على محمد وال محمد❤️