سهلة
باجر تكضي واذكر مواقفكم
واجي والكا الفشل كل حيله تارسكم
باجر روسكم بالملكا ما تنشال
تدنك والحجي الينكال يوجعكم
ياريت تدعمون الرؤاية من خلال تصويتكم للبارتات كلهن ++ تفاعلكم(تعليقكم) وية كل فقره من فقرات البارت
❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️
تذكير من البارت السابق
سما: ما ما مطلع اممم على عنادك
مهيمن: ههههه بست شعرهة وهي باست صدري ونمنه
نبدي لا تنسون اتابعون حسابي بالواتباد
سما: كانما طلعت من جوه الكاع اباوع امي كدامي ما اذكر شكلهة بس عندي احساس قوي هاي امي ،،، ماما ماما ليش عفتيني يمه تعاي مشتاقتلج
ام سما: يمه رجعي الحياتج يجي يوم واجي اخذج نعيش سوه اني ابوج واختج فوك
سما: باوعت على اتجاه اصبعهة جان بتجاه السماء،،،، ماما اخذيني هسة اني بعدني طفلة ال٩ سنوات لا تعوفيني لسة معلق بذهني من رجعت ادك الباب مال اختي ومحد جاوبني يمه لا لا لا لاااااااااااااا ،،، وفزيت ابجي
مهيمن: فزت ترجف ،،، شبيج باباتي شبيج حبيبي
سما: سمعت كلمه باباتي منه كبل خليت راسي بحظنة ،،، بابه اريد امي عفية جيبها اليه فدوه مهيمن
مهيمن: شكللهة يربي ،،اي بابه ادورلج عليهم وعد يله رجعي نامي مسحت دموعهة ورجعتهة بحظني
سما: خليت راسي على صدره وافكر ليش اجتني بالحلم ليش،، يجوز لان اخت مهيمن سئلتني عنهم ،، زين معقوله اني مو زينه ليش ناسيتهم كل هل فتره لازم ادورهم بنفسي لازم الكاهم ،،، زين شلون ادورهم بنفسي لا خلي مهيمن يدورهم اني اثق بي هواي ،، اي اي انتظر والله كريم ،،، باوعت ساعه ١١الصبح ،، كوم حبيبي خلي اسوي ريوك الك والفهد
مهيمن: خره على فهد تكسرت اعضامي من نومه الكاع ابن الكلب الا ينام بمكاني
سما: حبيبي شبيك وياه ترى صغير
مهيمن: لا مو صغير وانت ضبي نفسج شنو لابسه شورت البارحه نسيت احاسبج ،، بسرعه لبسي شي يستر
سما: اوووف حبيبي ماشي
مهيمن: لتكولين اوف
سما: ما الا اكولهة
مهيمن: دجربي وشوفي عقابج شلونه
سما: اوووووو......... بعدني ممكملة
مهيمن: كمشت راسهة بحركه سريعه وبست شفتهة ،،، ها بعد تعيديهة
سما: اي
مهيمن: لازم عجبتج البوسة والله الصراحه اني هم عجبتني تروي عطشي يله عيديهة حتى اعاقبج
سما: ما
مهيمن: يله لج
سما:اووووف منك ،،،،،،،،،مجنت متقصده انفذ الي يريده بس اني من اضوج اكول اوووف
مهيمن: تقربت من وجهة اكثر ،، اششش حبيبي انت ليش من بجيتي قبل شويه تصيرين اجننين لك هاي وكمشت شفتهة ،، هاي شفتج حمره حمره تصير وتحثني على الغلط هذني خدودج يصيرن دم عيونج اليصيرن كلهن شراين حمر اعشق هذا المنظر اتمنى اضمج بكلبي،،، اني اهلج وكلشي الج اني ،عوفي الكل وضلي يمي حبيبي
سما: ما انكر انو كلامه عيشني فوك الغيم حسيت نفسي كاعد اطير بالسماء،،، حبيبي اني احبك هوايه هوايه وحظنته
مهيمن: تقربت اخذ شفتهة شويه وسمعت صوت ،،، تماا تماا ،،،كمزه وفصلت البوسه اباوع هذا فهد لا يا ابن الكلب
سما: متت ضحك يصيحلي تما ،، فدوووه حبيبي تعال فتحت اديه دا احظنه وهو اتقدم حتى يجي الحظني شو هذا مهيمن
مهيمن: سالمين انوب كدامي كبل صرت بنصهم بحيث سما حظنتني من ظهري واني حظنت فهد ،،، كومي لج كومي بسرعه بدلي
سما: مااا ،، اكول حبيبي
مهيمن: لج كومي بعدين نحجي
سما: ما الا احجي
مهيمن: دحجي بسرعه ،،، هاي كلهة واني مغمض عيونه الفهد
سما: خلي اكوم اركص الفهد خطيه شو ضايج احسه
مهيمن: شوف بنت ال......... اخخخ منك يلساني سما ناويه على اخرتج اليوم كووووومي بسرعه لبسي شي يغطي زرورج بنت اخخخ من الساني
سما: اي كايمه حبيبي شبيك عصبت اهدء وبسته من ركبته
مهيمن: كوم حبيبي فهد خلي نغسل ،، اخذته وغسلنه شويه وصاحتنه على الريوك اخذته كامش ايده ونمشي شو بس شاف سما ركض الهة وهي تحظن براحتهة ،،، وتالي سمااااا
سما: ماشي حبيبي اسفه رفعت نفسي هو كمش خصري وحظنته واخذت نفس من ركبته تريكنه واليوم جان عادي بالنسبة النة كضيناهة لعب وعرك وهو يباوع اخبار واني انظف والعصر طلع مهيمن واخذ وياه فهد للبيت وكال شويه وارجعلج جانت ساعه٤الظهر اني تعبت من التنظيف نمت ومخفت لان كال قريب حيل واهله محاوطين المنطقه فه امنت يمكن من التعب الجسدي او خفت من مهيمن اكله لا تطلع يعصب ويزعل جنت متمدده واذكرت شلون يغار متتت ضحك بس اني غيرتي اقوه اني اغار حتى من الفانيله الي يلبسهة بس ما اضايقه هواي بغيرتي اخاف يضوج مني ،،، عزه اني ممصليه كمت اتوضيت وصليت ورجعت افكر الا ان نمت
مهيمن: وره الغده ارتاحيت شويه واخذت فهد رجعته الابو ومناك رحت الاهلي وعلي اخويه كالي راح يلحكني لبيت اهلي،، بعد السلام والكلام صارت ساعه٦ العصر لازم احجي مقدمات حتى ارجع السما خطيه هسه خافت صار هواي هنا ،،اخذت امي على صفحة يمه شلونج
ام مهيمن: يمه شبيك تلوب ترى صار خمسين مره كتلي شلونج وجاوبتك ادخل بالموضوع الجاي علموده
مهيمن: يمه اني اريد ازوج
ام مهيمن: اي يمه يوم عيد من باجر ادورلك على مره
مهيمن: هوب يمه ما اريد ادوريلي على وحده اكو وحده عاجبتني واحبهة حيل واريد اجيبهة هنا
ام مهيمن: شبيك مهيمن واحنه شنعرف عليهة لازم تكوللنه نروح الاهلهة نسئل عليهم خوما نتقشمر مثل فاطمه
مهيمن: لا يمه البنية اني اعرفهة فقيره وبعدهي صغيره وحلوه اكيد تعجبج
ام مهيمن: ماشي يمه لا تصرعني اني موافقة حدد يوم ونروح نشوفهة بس من هسه راح اسئل عليهة هواي لان مو حمل تجيني وحده مثل فاطمه
مهيمن: بكلبي اني ردت بس اشوف ردت فعلهة على موضوع الزواج ،،،،بس شو مصره تسئل وتستفسر خلي اعوفهة هسه غير يوم اجي اكمل ،،،، عود كولي الابويه مهيمن يريد يزوج لان هو نايم واني اريد اروح
ام مهيمن: وين رايح ترى توك جيت اريد اشوفك واختك واخوك هم راح يجون صار هواي مشايفيك
مهيمن: اي عود اجي فد شويه ،، وطلعت
ام مهيمن: من طلع كعدت اكول اني مراح اظلم ابني مثل زواجته ب فاطمه لازم اسئل على البنيه هواي حتى على كرايبهة اسئل وجوارينهة ولازم اي شي غلط اشوفه اكول الابني ما لازم اطمطم بالسالفه مثل فاطمه شكد طمطمتلهة تالي طلعت مو خوش
مهيمن: جبت صمون ورجعت السما خابرني اخوية كتله توني طلعت عود فد شويه ارجع كال تمام ،،، دخلت البيت اظلم حبيبي وينج فتحت الضوايات لكيتهة نايمه رحت يمهة حبيبي عمري كلب مهيمن كوم يحلو كومي اميرة مهيمن كومي
سما: ما عوفني نعسانه وكمشت ركبته تعلكت بي
مهيمن: كمشتهة حتى متوكع ،، بابه ،،،،،احجي وياهة وهي بس ما وترجع راسهة بركبتي ،،، حبيبي يله كافي كسل
سما: ما حباب بس شويه بس خمس دقائق فدوه
مهيمن:اخخخخ منج يله نامي كعدت على جرباية وهي حاظنتني ونايمه بركبتي ،،، اتصفحت بالتلفون شويه نوب باوعت فديوات مال اخبار هيج مقاطع صغيره
سما: بابه نصي الصوت
مهيمن: صدك ذكرتيني كومي صار نص ساعه مو خمس دقائق كومي كسوله
سما: اي كمت حبيبي شبيك متخلي واحد مرتاح
مهيمن: وانتِ مترتاحين الا بركبتي
سما: اي احبهة اكثر منك
مهيمن: لا بربج (خلي العب عليهة بكلبي)،،، اي واني احب بس شعرج وشفتج وبس
سما: باوعت علي 🥺 شنو لعد واني
مهيمن: لا ما احبج انتِ
سما: لا تحبني
مهيمن: ما احبج كوه احب بس شعرج وشفتج وخليت ادي على شفتهة
سما: من صدُك انقهرت حيل ،،، بابه شكاعد تحجي والله اموتك شنو متحبني ووخرت ايده من شفتي
مهيمن: اباوع نظراتهة حتموتني ،،، اششش يروح ابوج ديري بالج تبجين جنت اشاقه وياج حبيبي اني اموت عليج
سما: ما احبك وحظنته من ركبته
مهيمن: ههههه شكد ملعونه انتِ كمت من السرير واني شايلهة يله كسوله راح انزلج تعبتيني صايره دبدوبه
سما: اول منزلني ركضت على المراية اباوع واكمش بخدودي مهيمن وين سمنانه ترى والله بس شويه وجهي جسمي نفس ماهو
مهيمن: اروح فدوه لخدودك حبيبي تعال ابوسهن
سما: ما والله بعد ما اكل حتى ميسمنن خدودي وتضل تعيب عليه
مهيمن: تعالي وديري بالج اضعفيهن
سما: عفته وركضت شو هذا ركض ورايه ضليت اركض واني كصيره ساعدني هل شي ضليت اطفر منا ومنا ،،،، حباب عليك الله لا تكمشني بس شويه خلي ارتاح ،،، من صدك خفت يكمشني عبالك دنلعب صدك
مهيمن: ها جبانه تعاي اليوم الزمج الزمج وين تروحين مني.
سما:ما متلزمني
مهيمن: كلبي يدك سريع ،، اباوعلهة تركض وشعرهة يطاير وراهة وخدودهة و وجهة صارن حمر باباتي كافي تعاي الحظني مدري بس خفت عليهة توكع او ايصير بيهة شي
سما: والله مسويلي شي
مهيمن: لا حبيبي ما اسويلج يله تعاي بحظني
سما: اي رحت ركض حظنته خليت راسي على صدره اسمع كلبه يدك سريع ،،، بابه شبي كلبك (كوه احجي لان نفسي كوه اخذه من وره الركض)
مهيمن: حبيبي لان ركضنه ،، بس عجبتني هاي الرياضه يوميه نسويهة
سما: امممم ما اخاف والله
مهيمن: ليش تخافين حبيبي
سما: مدري من تركض وراية احس حقيقة مو شقه ، وما اريد تكمشني احس لازم اركض وانهزم منك
مهيمن: شلون بيج طفلتي حبيبتي،،، تعشينه وسولفنه باوعت ساعه٩ بليل لازم اخابر اهلي اكلهم باجر اجيكم ،، خابرتهم وميت سؤال سئلو كوه قنعتهم اني باقي يم اصدقائي ابات ،،، بابه كومي ركصيلي شويه
سما: امم بس شعري مبلل ما اعرف اركص وهو مبلل
مهيمن:اي حبيبي شكو سبحتي مو راح نسبح سوه قبل لا انام
سما: ما
مهيمن: خجل حبيبي ،، يله خلي اغير الموضوع روحي جيبي الشسوار وتعاي انشف شعرج ،،، جابته كعدتهة على كرسي ونشفتلهة شعرهة ،،، حسيت جسمهة رخه لا ي الله بس لا نعست ،،،،ولج كومي شو اخذج الواهس
سما: ما عوفني
مهيمن: كومي حبيبي
سما: امم كمت غسلت ورجعت صحصحت لان جنت نعسانه سويت عصير موز وثلج وياه وهو مدري منيله شو طلع شويه ورجع بيده نركيله
مهيمن: رحت الاخويه انطاني نركيلته من وره بيت اهلي ،، بعتبار هو بايت ب بيت اهلي وماخذهة وياه عباله نسهر اني وياه مثل كل مره ،،،،،،،،رجعت حضرتهة اجتي سما ،،، اي والله اجه بوكته العصير
سما: حبيبي لا تشرب هواي اخاف عليك والعصير شويه شويه لان بارد خاف بلاعيمك اطك
مهيمن: لا عمري ما اشرب هواي وثانيا فدوه للي يخاف عليه وثالثا هي نركيله ليش تحسسيني جايب عرك
سما: عزه سمله حبيبي اسكُت فدوه،،، كمت سويت عصير بطيخ مدري بس فرفح كلبي علي واشتهيته حيل ،، رجعت لكيته مشغل اغاني بس بصوت مو عالي رحت بدلت وكعدت يمه
مهيمن: ها حبيبي شو كعدتي شنو منتظرتني اني اركصلج
سما: ليش حبيبي تعرف تركص
مهيمن: غميت كصتي ،، لج بابه اشاقه اشاقه يله كومي حبيبي
سما: ما استحي وثانيا عيب
مهيمن: حبيبي هو شنو تستحين ترى شايف وحافظ كل شي يله حبيبي كومي وماكو عيب اني زوجج بالشرع والقانون
سما: اممم كمت ركصت شويه ومدري شبيه ،،،،،،،،،ويه نوبات المستحه والخجل الي مرات تجيني ومرات تختفي ،،، حبيبي والله تعبت ( احس جسمي نحلان يمكن فلاونزه) خلي نباوع فلم حباب
مهيمن: ماشي حبيبي ،، مردت اضايقهة اكثر اظاهر مالهة واهس،،،، فتحت فلم رومانسي كله لقطات والعياذ ب الله
سما: اني كل ما اصير لقطه احاول الهي نفسي ب اي شي ولو هو الفلم كله لقطات
مهيمن: اباوع عليهة تخجل من تصير لقطات ،،، صارت لقطه الولد ينام فوك البنيه ويبوسهة واني شلوني اعشق هيج اجواء كبل عدت اللقطه عليهة
سما: اوووي حبيبي خنكتني،،، نام فوكي والله اختنكت ،، كل مره ميخلي ثكله عليه شو هل مره خله ثكله عليه ردت اموت
مهيمن: مو صوجج صوج الي يصير رومانسي وياج
سما: عزه زعل هذا شو عافني وكام ،،، رحت اتحارش بي حبيبو حبيبو مهيمني الحلو عمرررري باباتي يروحي ابو شفة الحلوه انطيني بوسه ابو ركبه العسل اريد بوسه ظليت افتر وراه وانزل بجتفه حتى انوش ركبته او وجهة ابوسه ماكو
مهيمن: خرب يومج سما،،، اني مزعلت منهة بس رحت اشرب مي هي عبالهة زعلان واني اخذت الدور ،، وخري فدوه (كمت اقلدهة من تزعل ومتقبل تحاجيني،،، اجر بالحجايه ساعه)
سما: شو هذا مدري اول مره يحجي مثل البنات ،،، حبيبي شبيك شبي صوتك
مهيمن: كوه سيطرت حتى ما اضحك ،،، عوفيني عفية شبيج شكد قاسية
سما: حبيبي الله يخليك لتسوي هيج شبي صوتك حباب احجي عدل
مهيمن: طكيتهة بضحكة ،،، ليش متعرفين احد يحجي بهل طريقه
سما: لا منو
مهيمن: انتِ
سما: عزه هاي اني هيج احجي
مهيمن: اي
سما: عزززه شكد عيب
مهيمن: اباوعلهة راحت كدام المرايه وتباوع على نفسهة وكلساع تكول كلمه فدوه بنبره مختلفه،،،، لج شكاعد تسوين
سما: عزه مهيمن اني شلون احجي بهل نبره اريد اغيرهة شو محبيتهة
مهيمن: انجبي اني اعشقهة دنكت رفعت وجهة وبست ركبتهة من البلعوم ،،، احب صوتج ونبرته وكولشي بيج
سما: امم ،، ما اريد هذا الفلم بعد مو حلو كلو عيب
مهيمن: فدوه لل كلو ،، اي لعد امشي نلعب ونام
سما: ما انت العابك كلهن محلوات
مهيمن: دمشي امشي اخذتهة للغرفه كملنه سبحنه ونمنه ،،، كعدت الصبح ساعه ٧ جبت صمون وكتبتلهة ورقه ورحت البيت اهلي ،، لكيتهم توهم كاعدين سلمت على اختي واخويه علي ومرت اخويه وفهد وكعدنه نتريك صارت ساعه ١٠ الصبح بعد السوالف والنقاشات امي كامت رحت وراهة تعاي يمه اريد احجي وياج
ام مهيمن: اي يمه تعال بغرفتي
مهيمن: اي كلتي الابويه شكال
ام مهيمن: مبين مستعجل اي كتله وكال لازم نتهده ب اختيارنه حتى منغلط
مهيمن: خوش شنو تريدون تعرفوا اني اكوللكم علي
ام مهيمن: وين عايشه وشلون شفتهة
مهيمن: البنية يتيمه عدهة اب وام واخت كلهم متوفين
ام مهيمن: لا اله الا الله الله يرحمهم خطيه ،، لعد وين عايشه
مهيمن:عايشة يم خالتهة
ام مهيمن: زين عمامهة شي كرايبهة وين وليش عايفيهة
مهيمن: يمه هم عايفيهة شمدريني اني شنو هو تحقيق
ام مهيمن: شبيك عصبت غير من حقنه نعرف كل شي عنهة وعن اهلهة
مهيمن: هسه مو عرفتي بعد شكو
ام مهيمن: اي شلون تعرفت عليهة
مهيمن: هاي قصة طويله بعدين نسولف بيهة ،، هسه شنو موافقه
ام مهيمن: لا طبعا اول شي دليني بيتهم نسئل عليهة هاي معلوماتك مو كافيه
مهيمن: استغفر الله ، ترى اني مزوجهة (حسيت بالجفصة تلاحكت الروحي من شفت عيون امي انفتحن حيل) مو انتو يعني قصدي اني حزوجهة مو انتو فه لا اصعبين الامور يا امي ترى تعبان وكتلج اني احبهة حيل و الابنيه شريفه
ام مهيمن: هسه بعدين نحجي اخوانك هنا
مهيمن: ماشي اني طالع العصر اجيكم
ام مهيمن: مهيمن سالمين شو هواي تطلع
مهيمن: شكو يمه ترى ما احب هل اسئلة اني جبير مو زغير
ام مهيمن: ماشي الله وياك ، ابقيلك غده
مهيمن: لا بره اكل،،، طلعت رجعت السما
ام مهيمن: يربي ممرتاحه لهل ولد ،،، ابعد عنه بنات الحرام يارب
لهنا وينتهي البارت،،، البارت الجاي حماسسسسسسسس
فقره اسئلة
١. الاء ليش مختفيه لحد هسه شنو تنتظر
٢.بعيدا عن القصة اذا اكتشفتو لا سامح الله شخص من عائلتكم مصاب بفايروس كورونا شلون حتتعاملون ويه الوضع راح تتعاملون طبيعي حتى الشخص المصاب ميتحسس لو تبتعدون عنه
٣. احبكم هواي هواي
تصبحون على خير
طفلة النقيب بقلم(غيمه)
عدد كلمات البارت٢٢٢٧