اسيرة قدرك

البارت السادس

اسيرة_قدرك..
بقلمي رسل..
البارت السادس..
واتباد @rasolaa7

وافز والگه البخت مبيوگ
واتناوش توالي الهم
واطشر حسرتي بكل باب
بگايه ال آآآه ما تنلم
اريد اليفهم دموعي
حزن موماي !!!
ويضليني لون يلگه اعله وجهي ذنوب
خذن من عندي حسبة حيل
سفر ومناشف ومحبوب
اثاري الشيب غبشه لكل عمر متعوب..

-هو سحب الكرسي و الواير بيده
و شكله يخوف من العصبية
صاح بيه اكعدي هنا كعدت جان يكول..

-اي ست ريا احجي يم منو حاجيه
عليه..

-اباوع عليه يحجي بعصبية و الواير بيده
و يضرب بي على الكاع الحقيرة ذبتها براسي
و شردت هو اني هم شايفه احد حتى احجي
عليه..

-والله خويه ما حجيت عليك بيمن تريد احلفلك
بالنص ساعة تقريبا احلف و اتوسل و دموعي
تصب وهم ما بكلبهم كل رحمه نوب اخاف
منه سكير و كل شيء يطلع منه..

-اخر شيء كام تفل بوجهي.. شوفي لج
ديري بالج تحجين لاسر اهجج منا و انطلكج
و حتى بنتج تنحرمين منها سامعه
فهمتي لو لا؟!..

-اي ما اكوله حجيتها هو شمر النعال وطلع..

-كمت امسح بدموعي يربي شكد ضعيفه
اني ووحيدة اتمنى اكدر ارد عليهم بس مو بيدي
خوافه كلش و حتى اهلي اذا اروح عليهم
راح يرجعوني..

-نظفنا البيت و لمينه الطحين قبل لا يجي
اسر و يشوفهن هلكت و نوب ركبنه الغده..

-وره كم ساعة رجع اسر ما كدرت اشكيله
خفت من اخوه لا يروح يبليني بسالفة واكيد
محد يصدكني لان اهله كلهم ويا
صبيتله غده و كعدت يمه..

-دك تليفوني رفعته جانت اختي..

-لج ريا امي متخربطة.. هي تحجي واني شبعت
بجي سديته منها كتله اسر فدوه امي متخربطة
وديني خلي اشوفها..

-كومي يلا و امسحي دموعج..

-بسرعة بسرعة بدلت الي و لبنتي و طلعنا
وصلنا و سوده عليها جانت كلش تعبانه
هي عندها قلب سالت خواتي شبيها ليش
تخربطت؟!..

-كالن بسبب سمر هاي اختي حقودة و ما تحترم
و لا تهاب احد متعاركه و مصيحه و غاثه
امي لهذا هي متخربطة شفتها و خطية
فرحت بيه توسلت باسر ابات يمها وهو
ما قبل كال بالليل اجي عليج ترجعين وياي..

-بقيت يمها انقهرت عليها من شفت حالها
تعبانه و مغثوثه هواي ما فاركتها طول اليوم
كاعدة يمها نسيت حالي و نسيت كل همي
صار اكبر هم الي هو شوفتها بهذا الحال..

-بالليل اجه عليه اسر توسلت بي هو من شاف
حالي كال ريا مال تباتين هاي انسيها
بس باجر اني اجيبج تشوفيها يلا عيني
خلي نرجع..

-طلعت ويا روحي ما طايقتها ومالي خلك
اشوف بشر وصلنا تنهدت مالي خلكهم
والله و لا الي نفس اكعد وياهم..

-عفيه اسر مابيه اصعد خلي ندخل لشقتنه
تعبانه..

-سهله تدللين لا تصعدين اليوم تعالي ارتاحي..

-دخلنا للشقة كعدت بتعب دموعي تنزل
على امي شلون مهضومة من اختي هو
اجه كعد بصفي مد ايده مسح دموعي
و باس راسي بدا يبوس بيه دفعته..

-شجاك اسر اني بيا حال وانت تفكر بحقك
مالي خلك..

-عبالك احجي ويه الحايط و لان دفعته
نومني و اتقرب مني بقوة من كام شافني
ابجي كام شوي ورجع بيده عطر..

-هذا جبته هديه الج لا تبجين كافي يا عيني
انتي خليتيني هيج ااذيج شلون ادفعيني
وهسه امسحي دموعج وهاج هاي تراجي
لمهرة من صديقي بعد ما اعرف تلبسيهن الها
تردين تضميهن بكيفج..

-كمت و اني حايره بي وبتصرفاته يوم
يكسر و يوم يجبر بس شكد احب من يهتم
بيه لان يصير شخص ثاني..

-طلعت من الحمام اجت عيني على الباب
مال مخزن تقدمت هو بس شافني اجه يركض
قبل لا افتحه كال عوفي ريا مقفول..

-ما اهتميت تركته و رجعت للغرفة
ندك الجرس استغربت منو يجي بهيج وقت
طلع اسر و اسمع صوت عمته..

-ما تستقبلون خطار ترحبون بيه لا..

-دخلها و هو يضحك وياها اجه للغرفة..

-كومي اخذي فراش النا بالصالة
و خلي عمتي تنام هنا..

-رجع اسر القديم.. كمت فرشت و رتبت الها
الجرباية رحت بفراشي قبل لا يحجي
لفيت راسي ونمت ما دام مهرة نايمه..

-ثاني يوم اخذني لاهلي ما تحملت تعاركت
ويه اختي الحقيرة اشو هاي دفعتني و انتي
هيج و **** استلمتني نصدمت منها
خواتي سحبني منها رحت كعدت واني داخلي
يفور منهار و لا عبالك اهلها احنه محد
خلص من السانهه..

-من رجعت هو حس عليه بيه شيء سألني
كتله ماكو شيء يمكن لان مقهورة
ما كدرت احجيله على اختي خفت يعيريني
بيها و ارجع انغث نوب منه شرانيه و حقودة
وابد ما تنسه الي صار..

-مرت الايام و عمته استقرت يمنا
و بيوم اجه حماي سكران كلب الشقة
عليهم تعارك ويه امه و صياح طبعا
هو ابد مو صلح ويه اهله ما ينجمعون
اذا ما يتعارك وياهم عمتي زعلت
و اخذنها حمواتي جوه بعدما اخذن المفتاح
مني..

-اني و اخته الصغيرة بقينا فوك شوي
واجه اسر الوجهه محتقن صاح على
اخته بسرعة لمي ملابس امي و نزليهن
بعدما تكعد هنا الكلب الحقير
ابو العرك يصيح على امه من طيح
الله حضك..

-لمتهن اخته رجع صاح بيها بعد ماكو
روحة يم اختج هنا تبقين انتي فاهمه..

-ليش اسر عفيه..

-اش كلت ماكو روحه وانتي امشي نزلي
وياي يلا نزلت ويا لكيتهن مستحلات
الشقة سكتت شحجي ما عولت اخلص
منهم وانزل تالي نزلوا وراي..

-بالليل اجتني اخته نور كالت خلي نطلع نغير
جو ابتسمت.. وين يقبل اخوج شتحجين
انتي؟!..

-معليج انتي عوفيها عليها اني اقنعه..

-ثاني يوم اجتني نور طايره من الفرح
كالت بسرعه تعالي نسوي دولمة و نتغده على السريع لان راح نطلع قنعته و تسوي حركات..

-ضحكت و الله فعلا قنعته وين نروح؟!..

-هنا مو بعيد اكو حديقة عامة نتونس و نرجع..

-زين نور منو يروح ويانا؟!..

-بس اني وياج لا تخافين اهلي معزومين..

-كملنا غده بدلت لبنتي و رجعت لبست تنوره
و قميص ما لبست عبايه هو هم ما حجه
لان ما فرضها عليه بكل مكان البسها
حماتي اخذت مهرة وياها طبعا بنتي كله
يمهم و حسره عليه اذا حجيت كلمه
كتلها اريد25 من فلوسي انطتني..

-مو كلها تصرفيها عندج اشكال هنا ينكلج
اسر..

-يربي شهالذلة لوما هن فلوسي تحسسني
اكدي منها..

-طلعنا سوه قفلنا الباب و المفتاح خليته بمكانه
و صلنا و احس روحي رجعتلي احس
طفلة و ذبوها بوسط مراجيح تونست كلش
تمشينه و اشترينا موطات هاي حماتي تختلف
عنهن من اصفن اكول لو من زمان هي
ويانا جان خففت عني الله حبني و اسر عافهه
يمنه..

-للمغرب واحنا بعدنا اتصل عليه اسر
جاوبته كال وين انتن هسه؟!..

-ها بعدنا بالحديقة.. يلا براحتكم شوي وارجعن..

-وره عشر دقايق نور كالت خلي نرجع
كتلها اي كافي راح تصير دنيا الليل
وصلنا للبيت الضوه مال شقه مشتغل
نور كالت روحي على شقتج اسر راجع يمكن..

-دكيت الباب طلعلي اباوعله ماخذ راحته
بالشورت شكله صار هواي من راجع دخل
الشك بعقلي..

-ها شو رجعتوا..

-هذا هو تونسنا و غيرنا جو احجي ويا جان
يصيح بيه شنو هالمكياج **** عفته يصيح
و يغلط و طبيت للغرفة بدلت و طلعت استغربت
الباب مال مخزن مفتوح هو المخزن يصير
على الجيران اتقربت و اسمعه يحجي و صوت
بنيه احس الدم كله صعد الراسي..

-اتقربت اكثر و اشوف جيرانه كباله من الشباك
و هو يتغزل بيها وهو بطرك الشورت و هي
عادي عدها واكفه وتسمع بس شافوني
هي اختفت و سدت الشباك..

-اجه يركض عليه ما انطيته مجال يحجي..

-اسر شنو هذا شعندك وياها احجي
شلون شلون تسوون هيج واني اكول يخابر
ويكلي ابقوا براحتكم طلعت ماخذ راحتك
وياها مافكرتوا بغضب الله لك متزوجة
متزوجة ما صار زوجها بين عيونها شلون
هيج تسوي اسو..

-كافي لج ما عندي شيء وياها هي وحدة****..

-شنو ما عندك شيء بعيني شفتك واكف
وتتغازل  بيها تجذبني يعني..

-هي ادبسز و**** بلسانها تطلب هالشيء..

-و رجلها شلون و الله صدمتوني رجلها
وين عنكم..

-شوف هاي رجلها خيخه بابا..

-صدك تحجي اسر حرام عليك والله
متحمله ضيمكم و عيشتكم هاي الي ما تنحمل
تالي تطلع بنص بيتي تتغازل ويه متزوجة
ولكم شنو الحرام الي سويتوا الله لا يوفقك
و لا يوفق اهلي و ساعة السودة الي
شمروني عليك و شفتك بيها بيش طالبيني
وكل يوم تطلعولي بسالفة بشر اني بشر
ارحموا بحالي الله لا يوفقكم اتهسرت اصيح
و ادعي عليهم و على اهلي..

-والله بعد ما ابقى هنا على شنو متحملتك
دقيقة ما ابقى بعد..

-هسه اروح لزوجها و اكله شوف مرتك
اريد اشوفه يقبل بهذا السقوط..

-بس حجيت هيج اجاني مثل الثور يضرب
بيه بدون رحمه خشمي يجري دم انتهيت بيده
يضرب و يصيح روحة لاهلهج ماكو..

-ما ابقى يمك بعد ما ابقى تحملتك بداية
زواجي و اني اسمعك تحجي ويه الساقطات
و سكتت بس توصل بنص بيتي و يا المزوجات
ما اريدك اريد اروح لاهلي كافي ظلم
كافي تعبت منك ليش كل هذا اشوفه منكم واني
بهذا العمر شمسويتلكم بس كول شمسويه
طالبيني بثار واني مادري ولكم كافي
خافوا الله..

-كمت اسحل بروحي سحل كوه الدم ترس
وجهي و روحي موجوعة اكثر من الكدمات
طبيت للغرفة كعدت بتعب احس عيوني
يطلع نار منهن..

-هو اجه اتقرب مني خله ايده على عيوني
و يمسح على وجهي بدون ما يحجي
بقيت على كعدتي ما اكدر اتحرك و مخنوكه
كلش لليل حسيت روحي جاي تنسحب مني
اختنكت كلش اريد بس هوا ركضت عليه..

-اختنكت الحكلي ما اكدر اتنفس راح اموت..

-هو من شافني هيج طفر يفرك بصدري
واني احس هذا هو بعد نكطع عني النفس..

-اتحملي شوي فدوه بس اتحملي..

-سندني طلعنا اخذني مستشفى جانت مال
اطفال كال اخاف ما الحك خلي نقيس ضغطج
هنا..

-وصلنا و الشرطي من شافه بس بالشورت
ما قبل يدخله هو تعارك ويا اكيد شوفه
الهوية عفتهم و دخلت للمستشفى ما اعرف
وين اروح هي للاطفال تالي كعدت بالحديقة
احس الخنكه خفت اجه هو كال امشي يلا..

-خلي نرجع ما بيه شيء..

-طلعت وهو طلع وراي حجه راد اني ساكته
نزل اخذ عشه و رجع..

-وصلنا كال يلا تعالي تعشي..

-ما اريد سم ما اريد بس عوفني و ياريت
تصعد تبات يم اهلك ما اريد اشوفك اختنك..

-شبيها اللبنانية مالتي مطنكره من رحتلها
فدوه اخذني لحضنه باس راسي ريا
حبيبتي كافي شسويتي بروحج
ما تستاهل هيج تسوين هي وحدة **** و صاحتني كافي حبيبتي شو تعالي هاي بوسه
لهالوجه
وهاي بوسه لراسج
وهاي لخشمج
وها الشفه احلى.. يبوس و يعتذر الى ان
رضاني يلا ارتاح مدد و خلاني بحضنه
جان بدون قميص بدا يبوس بيه وحالتي حالة
الباب ما جنه قافلينه نفتح خالتي من شافتنه
بهيج وضع طلعت و ركعت الباب بقوة..

-نسمع بس تركع البوب وراها هو لبس و طلع
وراها كمت شفت عيون الطباخ كلها ماخذتهن
ضحكت بعز القهر الي بداخلي بلا هاي
شيسمونها نوب العينتين راح وراها يركض
يرضيها ياريت لو مسويتلها شيء..

-راح راضاها وجابها و عمته و اخته هم اجن
فرشتلهم بالغرفة واخذت فراش النا بالصالة
كعدت الصبح البيت مكلوب كلاب المطبخ
الصالة كلها هوسه والغرفة هاجماتها
باوعت بقهر شنو ذني من بشر..

-صاحت عليه عمتي شراح تسوين غده
البنات هنا يتغدن يلا كومي..

-اني منا روحي طالعة وهاي تتأمر فقدت صحت..

-كافي لخاطر الله دكافي مو لعبت نفسي
مو كرهت روحي
بكل شيء مشاركيني مليت بس تتامرون
عليه مليت..

-صاحت بيه ال**** تصيحين عليه
طلعلج صوت مو صوجج صوج ذاك الي
انطاج عين لبست عبايتها و طلعت..

-ركضت للشباك مال الغرفة و نصدمت
من شفتها كعدت بنص الشارع يم الباب..

-شوي و اجتني نور..

-ولج انتي شسويتي يمعزاية..

-ليش ولج..

-ريا شوفيلج ديره تهجين بيها من اسر
شيخلصج منه اليوم امي خابرته و كاعدة
بالشارع منتظرته تكول ما اصعد اذا
ما يأدبها..

-بجيت من الخوف طلعت مزيدة منها و كايله
لبنتها مرت اخوج غلطت عليه و طردتني
من البيت..

-لطمت على وجهي نور والله مو هيج
بس زهكت و صحت والله لا غلطت و لا طردتها..

-دك عليه اسر ما جاوبته من خوفي
من شافني ما اجاوب كام يدز بهالرسائل
اقرا الغلط و التهديد واني ارجف..

-مرت كم ساعة وهي على كعدتها يربي
اذا شافها يموتني شوي و ندك الباب..

-فتحته بخوف وجان يدخل هو وامه بدون
تفاهم ضربني بوكس رجع دفرني
والله الكتل الي شفته منه اليوم بحياتي كلها
ما مكتوله هيج يرفس و يضرب نكلب
وحش عليه اريد ارفع ايدي احمي نفسي
لو ادافع بعد ما اكدر الطفل الي بطني حسيته
مات ابجي و مخليه ايدي على بطني وهو
بدون رحمه يضرب لا تفاهم لا سمع
مني كبل صدك بجذبهن و اجه عليه..

-دفعني صار ضهري على طرف الجرباية
شاغت روحي ضليت اضرب على
الكاع برجليه من الألم ضليت ادعي عليه
هو اجه سحلني اخذ العباية شمرها عليه..

-كومي بعد ما تبقين هنا طلعت ويا اسحل
بروحي سحل نعال مالابسه ردت البس شحاطته
لبست تك و سحلني بقيت تك حافيه
اجر تكسي واني منزله راسي وابجي من
قهر
و فشلة
و الم كلها التمت عليه..

-وصلنا لبيت اهلي ذبني بالباب..

-ابقي هنا وحتى هذا النغل الي بطنج
خلي اهلج يتحملونه دفعني و راح....

يتبع....

اللهم صل على محمد وال محمد❤️