حورية العينين..يا حسناءِ
عُذراً فقد أحببتكِ بغبائي
فُي الحُب لا ينجي الذكيٓ ذكائه
فلكم وقعتُ مُكبلاً بذكائي
أن كان للسفرِ الطويل نهايةً
فرجوت ربي أن يطول بقائي / اهداء مـن جورج♥️
$$$
هلو بنات وشباب وياكم الكاتبه زينب راح ابدي مشواري بهل قصه، هاي اول قصه الي ، قصه كل حرف بيها حقيقي عدا الاسماء والاماكن طبعاً ماراح اذكر اسماء الاشخاص الحقيقيين بالقصه حفاظاً على الخصوصيه ، واتمنه تتعلمون الاشياء المفيده مـن هل قصه وتستفادون وتشاركونه رأيكم بالقصه ،
لاتحكمون على القصه من البدايه البارتات الجايه كلش قويه شوي شوي تقوه الاحداث ♥️
وبس قراءه ممتعه........
•••••••••••••••••••••••••••••••••••••••••••••••••••••••••••
مرحبا انه اسمي فاطمه طبعاً هذا اسمي الحقيقي بسـہ انه متعوده ؏ـلى اسم نديم ومعناه : الشخص الذي يحسن التصرف واللبق بالحديث وتعودت ؏ـلى الاسم لان تقريباً كل صاحباتي ينادوني بي وهوه الاسم الي راح استعمله 🙄، ؏ـمري بدايه ال15 سنه سكنه محافظه واسط طولي 150 اييي 😂 قصيره بالنسبه للبنات الي وياي بالدوام مواصفاتي سمره جسمي رشيق عيوني واسعات سود شعري اسود ثخين ويڤي طويل كلش ، انه اداوم بالصف الثالث متوسط وعمري ماعايده سنه الحمدلله عدي اختين ( حصه ، بنين ) بنين تشبهني كلش بالصوت والمواصفات وهيه اصغر مني بسنه بسـہ اطول مني هم😑 وحصه اصغر مني بسنتين ،، ادري طولت بالشرح بس راح ابدي 😂اااشششش راح ابدي القصه 🤫
.
.
نديم : يالله ولله هاي ام الاحياء شاده وياي فد مره ولله تعبت
ام نديم : دكولي يالله يا بتي انــــتـي بسـہ درسي كلشي يصير سهل
نديم : يـمه اسئلتها صعببببه نوب ماترحم ﭑذا كلمه وحده بالتعريف ناسيتها تحطلي صفر ؏ـلى التعريف
ام نديم : وانتي ليش تنسين هل كلمه ﭑكيد مهمه هل كلمه هسه انه لاخليج تشتغلين وماكايلتلج ؏ـلى عينج حاجب ؏ـلى الاقل رفعي راسنه وطلعيلنه فد شي نفتخر بي
نديم : انشالله يمه 😐
~ قرب امتحان الاحياء الشهر الاول اشو عيني تأذيني كلت يجوز قله نوم اشو هاي ورمت وصارت بيها دم وثكلت احس اكو شي بعيني اموت ﭑذا ارمش احس شي ينهش بكلبي
ام نديم : عـۘــــ😱ـــــۘز ا يـمه هاي شبيها عينج
نديم : اندري يمه راح اموت نوب الامتحان عكب باجر وعيني موتتني
ام نديم : باجر اوديج للدكتور لاتخافين
~ رحنه لبيت جدي اهل امي نشوفهم
نديم : لكم هله بريحه هلي شلونج بيبي ( جدتي ) شخبارج
ام زين ( الجده ) : يمه هله توه نور البيت يـمه ندو هاي شبيها عينج اشو باوعيلي
~ بوستها ، فدوه لكلبها شكد طيبه هيج هسه انزل واكوللكم ، صعدت فوك اسلم ؏ـلى خالاتي
نديم : ولكككككككككمممممم ( بعياط ) لبيت الغالي امشينه نروووووووححح نطك چيلات بباب البيت ولجن خالاتي وينجن
~ هاي عادتي مخبله😂 اغني واركص واصيح وينجن
الخاله الجبيره : هله ندو شلونج حبيبتي
نديم : هله بالروح والريه تعاي ولج ابوسج 😂
، ولج صغيره الكوم وينج ؟؟؟ 😄
الخاله الصغيره : تبقين مخبله ولج ماتستحين بيناتنه 16 سنه وتكليلي ولج
نديم : عادي الحياه حلوه 😂😂😂
الخاله الصغيره : ( بصوت عالي مـن فوك الدرج ) نسيبنه شوف بتك شلون تحاجيني 😂
ابو نديم : ههههههه ولج ندو لشوكت تبقين خبله
ام زين ( الجده ) : ولج نديمه هاي شبيها عينج دحجيلي بالي كام يلعب
~ فزن خالاتي ( بصريخ ) يااااااااء😳 هاي شنو
نديم : ولله مادري بيوم وليله هجي صار
ام زين ( الجده ) : باجر اخذج للدكتوره
نديم : بيبي وراي امتحان احياء وكلش صعب
ام زين : ماعليج انه ادرسج تجين عدي اداريج مـن رخصه ابوج
ابو نديم : عادي خليها
~ انه كيفت راح ادلل بعد محد يحاجيني
ام نديم : يمه بسـہ لاتخلينها تلعب بالتلفون الله يوفقج و اخذي التلفون منها بسـہ مـن تريد شي مـن صاحباتها انطيهيا
ام زين : اييي طبعا ً
~ هنا تفلش باب بيت جدي مـن الدك وصوت الاغاني للستار واصل هنا عرفنا خالي زين لان دوووم يسوي هل سوالف رحت افتح الباب
زين : يله ولج نديمه يالفاهيه طول عمرج فاهيه
نديم : ااايي ايييي خالوووو لاتكول فاهيه 😩
زين : هاي شنو مجتمعين وماكايلين لو اموت مافوت الجمعه هاي راح اجيب مرتي وجهالي ( ثنين واحد عمره ٦ والثاني ٤ ) جايكم جايكم
~ بطلعته مامر ١٠ دقايق ندك الباب عبالنه هوه طلعت خالتي المتزوجه هيه حامل بالشهر الثامن وياها ابنها عمره سنتين ورجلها
حجه الكل : اكتملت السبحه وضلينه نضحك😂😂
اجه خالي وجمعتنه تخبل وكال باجر تعاليلي للمستشفى نشوف شبيها عينج
ثاني يوم بالمستشفى
الدكتوره : ماما هاي بكتريا مسببه التهاب
~ طتني قطرات ومرهم وكالت هاي القطره تحرك بسـہ لازم تخليها بسـہ مالازم تفتحين عينج هوايہ ويحتاجلج راحه 3 ايام وهاي الحجايه الخربت حياتي 🤦🏻♀️
نديم : عدي ااااامتحااان باجر شلون😳
الدكتوره : لآ̀ لازم ترتاحين اجلي الامتحان غير وكت..........
~فعلاً رحت اجلت الامتحان واخذت اذن مـن الاداره بسـہ هنا المدرسه شدت وياي وضاجت لان راح تكتبلي اسئله مره ثانيه فقررت تنتقم 🤦🏻♀️ وطتني امتحان 5 فصول للشهر الاول كلللش هوايہ وطبعاً رسبت وضلت شاده وياي وانه عيني بعين الله اهم شي طلعت مـن الثالث وخالتي ولدت ولد يخبل وخلته عد امي لان ماعدنا اخو فـ ربيناه بسـہ يومين عدنا ويوم الباقي عدهم
بهل ايام شهر ٧ او ٨ هيج شي جنت باحدى اللعبات نزلتها بتلفوني جنت العب بيها هوايہ ادمنت عليها مـن خلالها اكدر العب ويه صاحباتي وناس غربه
مره مـن المرات كلتلي صاحبتي تعاي ندخل ويانه ناس مـن العام ( ناس غربه ) كتلها اوكي بدينه نلعب وفعلاً دخل ويانه ولد غريب
يحجي عراقي بسـہ مكسر حسيته مو عراقي او مـن كردستان
انه حسيت بي مو عراقي وتاكدت بعدين ٰ̲ھــﯛھہ لاعراقي ولاكردي ف فضلت اساله
نديم : العفو عيني ٳنـتــه مو عراقي ؟ شنو جنسيتك الاصليه لان العراقي مبين ذااااكوه
جورج : هههههه ايي مو عراقي بسـہ دمي عراقي
نديم : هسه شلك بهل حجي ههههه مـن وين هسه تحجي لو لا
جورج : يابه اسمي جورج مـن لبنان ارتاحيتي
نديم : وهاي شعدك تحجي عراقي ليش هيج
جورج : ياخيتي بحب العراق مايصير يعني احجي غير لهجه ؟
نديم : لا عيني كلشي ماكلت احجي الي يريحك
جورج : اوكي
~ مع انو كانو صاحباتي اصواتهم تخبل وصوتي الوحيد الي ويع😂😂 ماعرف ليش انه صوتي حلو بس بالتلفون ويع كرهت روحي
طلعت مـن اللعبه خلصت لكيته ضايفني 😑🤦🏻♀️
نديم : بنات هذا الولد جورج قرداحي مدري منوه 😂😂 دزلي طلب
البنات : هذا الصاك بويه غير يموت 🤤
نديم : وسم شعرفتن منه وصاك وتالي الصوت مو شرط اساسي بالجمال
هسه شنو دزلكم لو بسـہ الي
البنات : لا مادزلنه شي بسـہ هنيالج يمعووووده
نديم : ياهنيالي چا شبي صطره العباس ودزلي 😂 هوه انه صوتي ليكول انسان غركان
البنات : شمدرينه بعد بسـہ اهم شي سلميلنه عليه 😉
نديم : انجبن ماراح اقبل الدعوه
البنات : انجببببييي ولج غصباً عليج تقبلين هوه اصلاً مبين مو زاحف ثكيل
يجوز يريدج صداقه لو سؤال لاتصيرين جلف
نديم : اكلتن راسي الله ياكل راسجن زيييين فتهمت ولن
البنات : يِٰـہلھہ ﺑٱي
نديم : باااااااي ، وراها سديت التلفون خليته ؏ـلى الشحن رحت عدلت البيت شوي والمطبخ خلصت هلكانه ضليت افكر بموضوع الولد شفته خوش ولد ماعده سوالف مكسره وانه اعرف الناس واعرف انواعهم كلش زين فهذا بين خووش بسـہ كلت اتاكد
فعلاً بعد كم يوم ضلينه نحجي وكلش ﺧۆﺷ انسان وانه هم ماتجاوزت حدي حته بالمزح عندي حدود شكد صرت فرفوشه واضحك واسولف واسوي جو بسـہ بنفس الوكت ماعبرت حدودي ومحترميني ومحترمتهم
جورج : نديم راح دخلك مع اصدقائي وهمه ثقه لو مابعرفون ثقه مادخلك وياهون
نديم : اوكي بسـہ ٳنـتــه لو تحجي عراقي لو تضل ؏ـلى لبناني ترا دخت 😂😂
جورج : ؏ـلى كيفج شمالش وياي وحده وحده
نديم : ههههههه🤣🤣🤣🤣 اخخ بطني يـمه هاي شنو شمالش خرّرّرّبِ🤣 🝓 ززين زززين اتعلم براحتك
جورج : 😑😒 هذا رفيقي اسماعيل رفيق دربي والثاني اسمو ابو تراب ( شاكر )
نديم : تشرفت بيكم
شاكر و اسماعيل : وفيكي اكتر
~تعرفنه ولعبنه وفعلاً حته اصدقائه ﺧۆﺷ ناس ومحبوبين وماتجاوزو بكلمه كلشش ﺧۆﺷ ناس مـن هنا عرفت هذا الولد خوشش ١٠٠٪ خلصت لعب ورحت اتصل بصديقتي
.
.
نديم : هاي حوراء وينها ( حوراء صديقتي المقربه تعرفت عليها مـن النت ) اتصل ماترد شمالها
حوراء : هاا الوو نديمه شلونج شخبارج خيتي
نديم : هلوو شلونج حوري مشتاقتلج ولله هواي
~ سولفنه هوايہ كلش وبعدين....
حوراء : بحلكج حجي احجي شكوو
نديم : ايي ولله سمعي حوراء تعرفت ؏ـلى شباب ورده مال الله لبنانيين
حوراء : 😂😂😂😂 ايي وشو عرفك فيهون
نديم : وجع تعرفت عليهم بالتلفون بسـہ حيل محترمين
حوراء : لك هلااااا بالخميس 😂😂
نديم : خبله ولله
~ هااي انا اسمي جورج ؏ـمري 19 سنه مـن لبنان عايش بتركيا عايش مع اهلي الي خوان واخوات اعتمدت ؏ـلى حالي وساعدت اهلي و ووقفت جنبون وصرت اشتغل هنيك والحمدلله عايشين احلى عيشه
جوروج : اسماعيل ( صديقي ) ليك هي البنت كتير محترمه وخلوقه وفرفوشه
اسماعيل : الله يحميها لاهلها ويخليها ايي وبعدين
جورج : طيب حبيتها🙄
اسماعيل : شو عم تحكي لك جنيت شو في هدي هدي شبك
جورج : لك مابعرف شو صرلي هيه عفويه و مو متصنعه وكلشي حلو لك حبيتها مـن جد ما عم امزح
اسماعيل : الله يهديك بسـہ ويهديها
جورج : راح اعترفلها الليله
اسماعيل : ﭑذا نيتك خير وزواج انا بضهرك رفيقي
جورج : انشالله خير 🤲🏻
~ كل يوم حبي لنديم يكبر وتكبر بعيني اعرف انو حبيتها بسرعه بسـہ هيه عن جد كتيرررر محبوبه وقررت هيدا الحب لازم يستمر واجه الوقت بعد كم يوم من الحكي المتواصل معها حتى اعترف الها بحبي
دخلنا انا واسماعيل وصرنا نحكي وبعدين اجت نديم ..
جورج : هاااي نديم شلوناج 😄
نديم : 🤣🤣🤣 اخخخخ يـمـه بطني عود عراقي
جورج : اصلاً تعلمت هواي حته دربونه اعرفها 😳
نديم : صلواتتت حته احسن مني🙂
اسماعيل وجورج : 😂😂😂😂
جورج : نديم اريتج بكلمه صغيره ☹️
نديم : تنكال اريدج مو اريتج تدلل جوجو احجي🤭
اسماعيل : اترخص انا
~ اجيت اكله لا وين بعد وكت سبقني جورج وكال
جورج :الله معك رفيئي
نديم : ولله عيب جورج كنت حكيت وهوه موجود
جورج : شي يخصنا بسـہ
نديم : يخصنا 😳 خيرررر قلقتني
جورج : لاتخافي مافي شي بسـہ بصراحه انا معجب فيكي و حبيتك كتير ومن اول ماتعرفنا نعجبت فيكي الصراحه ولهيك بعتت طلب صداقه وهلق حسيت انو تحول هل اعجاب لحب
نديم(بمخيلتها)
~ هنا جنت احبه انه لان هوه شخصيه حلوه بسـہ كلت ابيع عليه شوي ثكل مايشوفني خفيفه
نديم : امممم يعني انه معجبه بشخصيتك الصراحه بسـہ ماعرف ارد ماعندي جواب
جورج : خلص انسي ☹️
نديم : لا شنو انسي وانه هم احبك 😒 وعلى فكره هوايہ فوق ماتتخيل
جورج : تئبريني لك هيك احكي مـن الاول حبيبتي 😉
~ ستحيييييت اول مره اسمعها حبيبتي
نديم : اممممم 🙄
جورج : بربك تركي الخجل ؏ـلى جنب انا مـن الشباب الي تحب بصدق عرفتي مابدي منك شي غير انك تحبيني وبس والايام راح تثبتلك هل شي
نديم : حيل فرحت مـن سمعت هيج حجيه خاصه انو هوه انسان حيل مؤدب بسـہ كلت لاتفرحين هوااي اختبري وشوفي ويه الايام
~ بمرور الايام الحب كبررر فوووك متتخيلون ويوميه اسولف لحوراء واكلها شنو يصير وتنصحني هوايہ وطبعاً صارت مشاكل هوايہ وجورج صار يحجي عراقي حاله حالي انه اغلط وهوه مايغلط😂😂
جورج : حبيبتي اريد نحجي مكالمه رني عليه
نديم : اوكي
📞📞📞📞......
نديم : يعني تضل سنه وبعدين ترد وتكول نديم تعصب
جورج : لك ولله اسف بس زبطت كعدتي نديم اريد احاجيج بشي
نديم : كول جورج
جورج : لازم يعرفون اهلج انو انا بحبك خلص يكفي تخبايه بدي اجي مع اهلي حته نخطبك 😍
نديم : جورج اتمنه بسـہ اهلي شوي معقدين هل سالفه بالعراق معقده خاصه انو ٳنـتــه مـن غير دوله وعايش بغير دوله
جورج : لاا تخافي راح نتكلم بالموضوع مع اهلك ونضبط كلشي لاا تخافي انا حكيت مع امي وامي رضت فيكي وكلشي مـن طرفنا جاهز بقت موافقه اهلك بسـہ
~ حيللللل فرحت وطرت مـن الفرحه بسـہ اهلي معقديين شلون راح افهمهم هل الرجال ما يلعب عليه ويحبني صدك ويريدني بالحلال
نديم : انشالله كلشي يصير بخير
جورج: طيب اريد طلب مـن اميرتي الحلوه
نديم : عيون اميرتك وروحها وعمرها وكل حياتها
جورج : ياعمررريي انــــتـي بدي شو اسموو 🥺 انام ؏ـلى صوتك
نديم : امممممممم ماعرف يجوز ماكدر
جورج : يلا ياعمررررييي منشاني
نديم : هههههه اوكي
نمنا ؏ـلى اصوات بعض وكانت مـن احلى ليالي حياتي وانه اسمعه شلون يتقلب بالفراش ارووح فدوه اله شكد حنون وطيب 😍🥰
~~ ثاني يوم مر مثل كل يوم مليئ بالحب والغزل والمشاعر واجه اليوم الثالث
~ تكلمت ويه جورج مثل كل يوم وكال...
جورج : حبيبتي اريد ننام ؏ـلى صوت بعض تصدقي كانت احلى نومه وربي
نديم : مع انو انا مانمت وضليت اسمعك وفرحانه بسـہ كانت احلى ليله
جورج : شو قلتي هلق
نديم : يلا ياعمري تسطح ؏ـلى تختك وخليني اقرأ لك قصه😂
جورج: ولله عم تضحكي طيييييب بدي اسمع قصه غصب ومن نسج خيالك كمان 😒😒
نديم : ههههههه اوكككي
~ حكيت قصه اميره وامير وكانت تحجي علينا احنه وعلى اولادنه واحفادنه ♥️
~ نمنا ؏ـلى صوات بعض ؏ـلى غفله نمنه سوه مـن التعب والحجي والسوالف حته انه نمت ضلت المكالمه للصبح اجت امي حته تكعدني ؏ـلى صلاه الفجر لكت تلفوني بالارض اخذته وجان تشوف المكالمه مدري كم ساعه والرقم مو عراقي وصوره ولد 😱😱😱
ام نديم : نددديييييييييييييمممممم وووووللللججج🤬
يتبع....