Nandini manik ko lekar room ke door tak aayi toh manik ne kaha - Nandini tum meri ho tumne us lakshya ke sath dance kyun kiya . Uska toh main muh tod dunga .
Kehte hue manik girne laga toh nandini ne use sambhala aur kaha - aap jaisa samjh rhe hai waisa kuch nhi hai . Lakshya accha insan hai .
Lakshya acha hai jiju acche hai sab kuch acha hai tumhare liye bas main hi nhi - manik ne kaha .
Kisne kaha aap humein ache nhi lagte aap humein bahut acche lagte hai - nandini ne pyar se kaha toh manik uski ankhon mein dekhte hue kaha - sach .
Ha sach mein - nandini ne kaha.
Toh phir tumne us lakshya ke sath dance kyun kiya . Mujhe kitna bura lag rha tha- manik phir se naraz ho gya.
Ab hum apko kaise samjhaye - nandini ne kaha .
Manik nandini ko dekhte hue gaane laga -
Tumhe koi aur dekhe toh jalta hai dil
Badi mushkil se phir sambhalta hai dil
Ap pehle room main chaliye phir ga lijiye ga - nandini ne kaha aur manik ko lekar room main aayi aur use bed par baithaate hue kaha - Aap baithiye hum door band kar ke aate hai.
Manik ne nandini ka hath pakda aur kaha - Door band kyun tum bhi Soha ki tarah mere sath zabardasti karne wali ho .
Kya kiya Soha ne - nandini ne hairani se pucha.
Soha achi nhi hai usne mujhe fasaya hai - manik ne kaha .
Nandini manik ke samne aakar baith gyi aur uska hath apne hath mein lekar kaha - Humein bataiye manik ji kya kiya Soha ne . Kaise fasaya usne apko.
Manik ne sochte hue kaha - College ki ek party main Kisi ne mere juice mein kuch mila diya . Us time Soha meri friend thi. Jis tarah aaj tumne mujhe sambhala Soha mujhe room main lekar aayi thi.
Kehte kehte manik ruk gaya toh nandini ne pucha - uske baad.
Woh mujhe apne sath lekar aayi . Usne mujhe bed par baithaya . Main hosh mein nhi tha us time . Woh mere pas baithkar meri body ko touch kar rahi thi. Bahut ganda lag rha tha . Maine use mana bhi kiya par usne meri baat nhi mani . Usne meri shirt utar di . Maine kuch bhi nhi kiya nandini . Main sach keh rha hoon. I am a boy and I feel this ki us raat kuch nhi hua tha. Mujhe nahi pata Soha ke paas woh photos kaha se aayi.
Nandini ko manik ki batein sach lag rhi thi.
Tumhe mujh par trust hai na nandini - manik ne pucha .
Humein ap par trust hai apne kuch nhi kiya aur agar Soha ne ap ko fasaya hai toh uska yeh sach hum sabke samne zaroor layenge - nandini ne kaha .
Tum bahut acchi ho nandini - manik ne kaha aur come near her to kiss her but suddenly woh khud hi piche hat gya aur khud se kehne laga - Nahi nhi shadi se pehle nandini ko kiss nhi karna hai. Nhi manik hosh mein aa woh nandini hai . Uski feelings hurt nhi karni hai .
Nandini ne dekha yeh sab kehte hue manik bahut cute lag rha hai. Woh nashe main hai phir bhi apni limits samjhta hai . Ab nandini ko pura bharosha ho chuka tha ki Soha aur manik ke beech kuch nhi hua tha . Nandini uthi aur manik ko letate hue kaha - Manik ji aap aram kijiye .
Jab se tum meri life main aayi ho tab se aram hi hai . Tum kitna khyal rakhti ho mera. Mera gussa mera ego sab bardasht karti ho - manik ne kaha toh nandini smile karne lagi aur kaha - hum apka gussa isliye bardasht karte hai kyunki apka gussa kabhi galat nhi hota hai .
Tum mujhe mujhse bhi jyada janti ho . Tum mujhe pehle kyun nhi . Milti toh main us soha ke chakkar main nhi padta na - manik ne kaha .
Woh kuch nhi kar sakti . Uska sach ek din sabke samne aayega - nandini ne kaha .
Nandini manik ka sir sehla rahi thi . Manik so gya toh nandini ne blanket use udaaya aur room ki light band karke bahar aa gyi. Nandini aaj bahut khush thi . Manik usse pyar karta hai yeh jankar smile usse face se hat hi nhi rahi thi .