ترف وشيخ الجنوب

البارت الثامن عشر

#عمران

حسيتهة مو على بعضها ومن طلعت من الاستقبال ضل بالي عليها صعدت وراها وهي ما منتبه عليه على كيف تصعد الدرج فاتت رادت تسد الباب مديت ايدي من التفت الدموع على وجهة متوجعه من الجرح وكلت الها تغير لبسها كالت متريد و وكعت على صدري شلتها بسرعه وخليتها على الفراش دكيت على حسين وجاوبني

حسين:خيرك شيخ

_انت وريم صعدو لجناحي بسرعه

حسين:شكو

_كتلك بسرعه

كعدت كبال ترف قريب منها وخلت راسها على صدري وغمضت عينها وخرت الحجاب من راسها وبقت على صدري ردت ارجعها شويه وكالت بسرعه و وجع

ترف: لا ب.. بقيني

_بابا ميصير شويه عدلي نفسج

ترف:اتوجع من اكعد عدل

فات حسين وترف وكالت الحجاب بس ما اهتميت لهل موضوع نزل حسين راسه دار وجهة بسرعه وكتله

_حسين بويه فوت انت اخوها واخوي

ريم:خيرها شبيها شبيج قلبي شصاير

_متوجعه جرحها يمكن مفتوح حسين تعال شوفه

ترف:لا..لا ماكو

حسين:بس شيخ

_لا على المريض حرج اخذها للمستشفى لعد ريم غيري الها اللبس

ريم:حسين تره الشيخ من كلك تعال واثق بيك ما تنضر على حرمته بغير نضره وانتي اسكتي تره حسين ميباوع على غيري أصلا شحده افكس عيونه الأربعه

ضحكنه وريم هم و مشه حسين سمه باسم الله وورفع البلوز وكشف عن الجرح وكال

ريم:نزلي لسيارتي جيبي الجنطه بالصندوك مال اسعاف بيها اغراضي

_شكو شبيها

حسين:الشيخ الجرح مفتوح وصاير عدها التهاب بسيط و نزيف لازم ارجع اخيط الجرح بس لا تقلق متحركه حركه فجأة لو ضغط هل مفتوح

نزلت ريم وره شويه صعدت كعدت كبالها و حسين وراها وهي لازمه البلوز كل قوتها وصاير لونها احمر من المستحه وشعرها على وجها منزله راسها خلص حسين جنت لازم ايدها كل قوتي ف راح حسين وريم تشكرت منه هواي.... وهاي مرت أيام ترف رجعت لصحتها وقوتها بس متغيره لدرجه مو طبيعيه هادئه كلش جانت قبل صوتها اكدر اسمعه ضحكتها حركتها هسه ابد طبعا حته لو رجعنه سولفنه مراح تثق بيه بعد كل الي سويته بيها.... اليوم حنه ريم والكاع ما لامتها فضحتنه والله اعرف البنيه تستحي تخجل هي ابد ترتب وتسوي الي بمزاجها البنات يساعدونها وفرحانت لفرحها بيتنه مكلوب ب النسوان نوب الولد خطيه بالديوان محبوسين واني راسي وجعني هل متمدد بغرفتي صار أسبوع ما اكدر اشبع من ترف لا بسالفه ولا بشوفه وجهة من فتت خطفتها بالمطبخ عافو عليها الحلويات ترتبهة هي حلو من ايدهة كلشي تلمسه واحنه اصلا كلشي طلبناه من المطاعم ما خليتهم لا يتعبون ولا شي غمضت عيني نفتح الباب اكيد وحده من البنات ناقص شي وهل اجني الغرفه جانت ضلمه سديت البردات قبل لا انام راسي يوجعني حته من الضوه وكلت

_اذا وحده بيكم جايه اكو نقص دزو على الولد بالديوان هم الي يتكفلون بكلشي والفلوس فوك الميز مال مرايه اخذي الي تريديه

نسد الباب بقيت مغمض عيوني ريحه كيك ريحه حلوة وما حسيت بس شفة على عيني وعرفتها ترف باست عيني قلبي نبض بسرعه وكالت

ترف:عرفت راسك واجعك سويت الك شي بسيط اكله واشرب كهوة وحبايه وجع راس جبت الك كوم يله اكل لكمه

كعدت والله وصدك جنت جوعان ومماكل شي من الصبح اكلت وهي تباع عليه رفعت راسي بس باوعت عليها خلت ايدها على وجهي وحركتها على كيف وكالت

ترف:لا تهمل نفسك وصحتك حته لو مليار شغله عندك اريدك تبقه مثل الجبل

_لا والله مهامل بس نسيت اكل

ترف:بعد لا تنسه تعرف راسك يوجعك من تأخر وجبات اكلك وبس كهوة وجكاير

_حاضر تأمريني امر لا يضل بالج كملي شغلج

ترف:خلصت كلشي وكلت الهم رايحه يم الشيخ لان تعبان شوي واذا اكو شغل لو يحتاجوني يدزون عليه بس اذا مضايقتك اروح

ضحكت وبست ايدها خلصت الأكل وشربت الكهوة والدوه شالت الصينيه وخلتهة على الميز وكعدت يمي خليت راسي بحضنها وهي بقت تحرك ايدها بين خصلات شعري وكالت

ترف:نام شويه واني اكعدك

_تعالي نامي بحضني

ترف:لا انت ارتاح واني كاعده

_لا تعالي اريدج بحضني نامت بحضني وخليت راسي على صدرها وهي خلت ايدها على كصتي وبقت تحركها على كيفها وعلى لحيتي نمت وما حسيت على نفسي من غفيت راحتي صارت بدونها مستحيله و كعدتني فتحت عيني وكلت الها

_شكو

ترف:عمري الساعه حتصير ب السبعه يله كوم اخذ دوش بين ما احضر الك الدشداشه

_اوووف خليني بحضنج نايم

ترف:ميخالف يا قلبي هاي ريمه تستاهل

_اي والله هاي گرة عيني

ترف:اي يله لعد

وكمت سبحت وطلعت ولكيتها تبخر بغترتي لاف بس الخاولي على خاصرتي بس شافتني صارت حمره ودنكت ضحكت وكلت الها

_جنج مستحيه

ترف:لا حطلع غير ..غير لبسك على راحتك

مشت لزمتها من ايدها ونضربت بصدري شهكت وبقت تباوع علي وكلت الها

_تره ما متفرغ الج هل فتره بس اخلص ريم خلي ابالج هل غرفه ما تطلعينها

ترف:ش..شنو قص..قصدك لي..ش تحبسني

قربت شفتي يم اذنها وهمست بأذنها (متستحون شو كلكم تريدون تعرفون شكال شويه حياء وخجل عيب استحو سوالف متزوجين والله يا الله😂) المهم اكمل شكال الها

_(لا ما احبسج بس اريدج بين ايدي اريدج كلج الي مشتاق لطعم شفتج ولدفو جسمج ولخصرج بين ايدي)

دفعتني وطلعت وبقيت اضحك وره شويه دكت الباب وفاتت وجنت اعدل الغتره والتفت الها وابتسمت بس شافتني وكالت

ترف:اللهم صل على محمد وال محمد عيني الله الي ترعاك وتحرسك من كل عين حاسده ومن كل عين حاقده

وجانت اكو علبه بأيدها مشت وخلتها على الميز نزعتني الساعه من ايدي وفتحت العلبه وجان بيها ساعه جديده ولبستها الي وباست ايدي بست راسها وكالت

ترف:اعرف بيك تحب هل ساعه الي دائما تلبسها بس حبيت اشتري الك شي صح بفلوسك بس تنغصت الك بيها حته نفس الساعه تقريبا تشبها

_مراح تنزع من ايدي حلوة وذوق مثل صاحبتها كل حركه بهل ميل مال ساعه راح اتذكرج وتبقين ابالي

ترف:اوف الله لا يحرمني منك

_ولا منج يبعد عمري وروحي خلي انزل الولد دكو علي وانتي يله غيري لبسج والبسي احلى شي عندج خلي يشوفون مرت الشيخ شكد حلوة ولبسي الذهب مو تنزلين بله ذهب

ترف:اي اكيد اخذت فستان هو بس بنات مو مراح يجي احد

_أي محد ومن نجي حته يحنون ريم انطي البنات خبر حته ينسترن

بستها وطلعت رحت للزلم وكعدت ابارك لحسين الكاع ما لامته كلهم فرحانين والفرحه واضحه بعينهم

#ترف

يمه من شفته بس بالخاولي كل جسمي رجف الطول والصدر وقطرات المي على صدره ما اعرف شنو هيج جريئ والي يستفزني يضحك نوب فتت انطيه الساعه الدشداشه بيضه والكسره مال كوي مالتها مثل حد السيف ولبس الغتره الحمره والأبيض وساعته وشحاطته عطره ترس الغرفه من صدك خفت عليه من العين فرح بالساعه كلامه يبرد القلب من يحجي وياي طلع من الغرفه وفتت لغرفتي نشفت شعري جان رطب وشسورته نزلته مثل المي صار على ضهري وخليت مكياج شويه طوخت الحمره سويتها مارونيه وكحل ومسكاره وعفت شعري مهدود لبست ثوب ماروني كصير فوك الركبه وبيه جاكه من الجانب وكعب لون بيجي ولبس سواراتي وحجوله برجلي وكلاده وتراجي دندشت نفسي بالذهب خليت عطر وشلت عبايتي والحجاب ونزلت نسوان كومه بالبيت ولابسات اشكال والوان وأول مشافتي ماما نبعه هلهلت والكل التفت عليه وكالت

نبعه:اللهم صل على حبيبنه محمد وال محمد زوجت الشيخ الغالي زوجت عزيز قلبي هاي يمه مطوقه باسم الله الي يحرسج يبعد عيوني انتي مشيت وحضنتها وباستني شكد احبها احس الكل حاقد عليه وربي ونوب شافتني رغد لابسه كلبيه خليجيه كلها تطريز تموت طالعه الطول والشعر حضنتها وكتلها

_ولج وين ضامه هل جمال حقه جاسم يرجف عليج

نوال:واني اني

_يمه والقران وحده احلى من الثانيه

نبعه: أي هذني جنايني كلهن جمال وبنات اصل وفصل

اجتي ريم لابسه ثوب منفوش لونه بلون السمه وشعرها شايله منه كم خصله بس من الجوانب وعايفته ومكياج بروزني دمعت عيني بس شفتها جمالها الله الي يحرسها وبس شافتني وصاحت

ريم :ولك فلك طرك الي ابالي شافج عمران؟

_لا لا طلع بس ماكو احد يشوفني كال ميجوون الولد محلو اغيره

ريم:ولج غير جنج حوريه بالقران راح يحسدوج ولج

_ولج اليوم فرحتج الج يله لمكانج

وهاي مرت ساعات وريم كل شويه ساحبتني بحضنها ورغد ونوال ونبعه يعني الله عوضني بأهل نسوني كل وجع قلبي صبرت وتعبت بس تعوضت بأحسن هديه ريم حلفتني اركص حته اغيض بقيه النسوان والله استحي بس شسوي حلفتني طبعا ماكو كلمه ما سمعوها الي وكل شويه رغد لو نوال يردن يتعاركون واني اهديهم حسيت ريم زعلت مني بس والله ما ازعلها بهل يوم رغد ونوال وخرن النسوان وبقيت بالنص نزعت الحذاء وركصت لحد ما خلصت الأغنيه بقن النسوان فاكات حلوكهن وكالت

ام حسين:عمي فلك طرج حقه الشيخ يتخبل عليج وما يقبل ياخذ من أمهات الوصخ والكمل

ضحكت والبنات يضحكن وخلن الحجاب على راسهن التفت واشوفه عمران شهكت بس شفته ورايه يا رب مشاف ركصي يارب مشاف صار قريب مني عيونه براسه جسمي كله رجف نزع العبايه وخلاها على جتفي مسح الحمره من شفتي بردان دشداشته ونبعه تكله يمه شسوي وغطه راسي وراسه وخله الثانيه ايده على خاصرتي وسحبني اله شديسوي كبال الناس بس كتله

_ع..عمران

وخله شفته فوك شفتي باسني بوسه كطع نفسي وحيلي بيها مص شفتي احس اصابيع ايده راح تفوت بلحم جلدي وخر مني بالكوه اخذ نفس و وخر عباته من راسي والنسوان يضحكن اسمع بس نبعه تتعارك وياه خليت راسي على صدره وكال

عمران :هاي مريتي وحلالي هاي لا فصليه ولا عاله على قلبي هاي تجي بعد غلاه امي ما اخذ عليها بعد حرمه ولا افكر والي يكرب صوبها لو يأذيها اصب عليه نار وما يرف جفني

جان منزل راسه من يحجي حته لا يباع على النسوان عينه بعيني جانت وحاضني مسح شفتي جرحها وكال

عمران:مسحي الدم ورجعي بقي هل عبايه على جتفج راح يفوتون الزلم حته يحنون حسين

_م..ماشي

عمران:ولو مو نسوان بعد لو بس انتي وريم هل لبس وهل خصر من يتحرك محد يشوفه غيري لا والكفل زينب اكسر رجليناتج المرمر هاي

#عمران

اتصلت علي نوال وكالت من اجي انطيها خبر قبل لا يحنون ريم سئلتها ما رضت تجاوب يجوز عدهن سالفه يسونها بحسين كتلها وطلعت رغد ونوال وكالن الي كلشي الي صار وشكد نسوان سمعن ترف كلام وهي ما مهتمه بس اني اعرف تحز بقلبها وما تبين لأحد فاتن وره ثواني كالن الي افوت بس اني فتت وكفت بالباب واشوف هل طركاعه هل مصيبه والفلك الي كبالي ترف لابسه ثوب فوك الركبه كل الزرور والزنود والصدر جسمها ضيم قلبي رجف شفتها من دنكت ونزعت الحذاء دفعتها برجلها وسحبت ربطه من نوال ولفتها عليها بدت تحرك بجسمها ويه الأغنيه وخصرها المنحوت نحت بدت تحركه بطريقه خبلتني بياضها الي جنه شكر وشعرها الحرير ذوبت قلبي حركات جسمها صدرها خصرها نوب الضيم صدرها جنه حبات رمان وحجول رجلها شون تحرك معدتها هل بنيه ضيم حته بركصها تنكط انوثه يابه اذا الزمها بوحدنه محد يخلصها من ايدي خلت ايدها وره ركبتها ورفعت شعرها على كيف وعافته وخلصت ركص النسوان فاكات حلكهن حقهن والله وين شايفات مثل هل جمال مكدرت اسيطر على نفسي مشيت والتفت الي بس شافتني كمزت وكعت الربطه من ايدها غطيتهة بعباتي بستها بوسه طلعت ضيم الي شفته بشفتها وسمعت النسوان كلمتين وكلت الها تمسح شفتها باركت لريم وترف بقت واكفه بطرف الباب اشرت منها تتقرب يمي ومشت وفاتو الرياجيل وحنه حسين ريم وهي هم تضحك الكاع ما لامتهم مشيت وانطيتها ورقه وكلت الها كبال حسين

_هذا بيت الف متر بأسمج يا بعد عمر اخوج وكبال الشط هديه عرسج ..ويا ريم بيوم الحسين هذا يغثج يقهرج يلعب عليج بس تعاليلي وانا اسوي الج كباب مشوي

ريم:يمه يا بعد اختك وروحها عمري يروح فدوه لعمرك

كامت تبجي وكفت وحضنتني واني اشاقه اعرف حسين ولد شريف هل منطيه امانه ابوي وخلص اليوم تمددت بجربايتي بقيت اباوع على الساعه صارت ب 2 ونص وترف ماكو اعرف بيها متصعد اله تكمل كل الشغل ويه البنات سمعت طكطه وره نص ساعه نفتح باب غرفتي سويت نفسي نايم على كيف تتحرك وكعدت على الجربايه تغطت زين ريحه عطرها ترست ريتي بقت كاعده وعرفت بيها متكدر تنام من حجي النسوان التفت عليها وكلت الها

_حقج على راسي يا بنت الناس

ترف:ه..ها كعدتك.شنوو

_الي سمعتي من النسوان جوه

ترف:ل..لا مو مهم بس ليش ليش منايم جوعان راسك يوجعك ؟ اجيب الك شي

_لا بس منتضرج جنت

ترف:اسفه وربي بس خلصت الشغل وياهم وصعدت هاي سبحت واجيت

_كعدت وباوعت عليها تقربت مني وخلت راسها على صدري حضنتها تنهدت وحركت ايدي على ضهرها لابسه ثوب نوم كطن وردي ويه ركبتها وكلت الها

_شكالولج

ترف:منو

_النسوان بشنو غثوج ؟

ترف:والله ما .ما

_احجي

ترف : تعبانه خلي انام باجر نسولف

_براحتج لا تفرغين الي بقلبج أصلا صوجي انتضرتج

استفزيتها وتمددت انطيتها ضهري وهي هم تمددت استفزيتها عرف بيها مراح تكدر تسكت وراح تحجي بقت دقايق ما حجت وما حسيت بيها غير مخليه راسها على ضهري ولازمه بتي شيرتي من ضهري

ترف:ميهمني حجيهم بكد ما يهمني انت وعمه والبنات ويايه ميهمني كلامهم عادي اني فصليه وعيني قويه واهلي الي كتل..كتلو لي...ث وما استحي واخذ وحده مثلي الشيخ عاف بنات الديره والف وحده تتمناك وانا الي اخذتني العار

شهكت ردت اندار بس مقبلت ايدها ترجف ولازمتني كل قوتها وكلت الها

_انا الي اختاريتج وردتج واكدر اخذ غيرج بس القلب اختارج وراد حبج يا بنت الناس انا احبج شما حجو وكالو انا اختاريتج وليث الف رحمه على روحه ما هو ذنبج ليش الومج وانتي طاهرة مثل مي زمزم انا الي سويته بيج ما يسويه اكبر ضالم بهل دنيا وصبرتي وسكتي وتحملتي كل الي بدر مني ترف انتي غيرتي كلشي بداخلي انا عشت بحزن وره ام ليث ما كدرت افكر أعيش لنفسي بقيت اشتغل واهتم بكل الي بالبيت ما اهتميت بروحي وانتي اجيتي ذبيت كل عصبيتي وغضبي عليج وبعدين بديتي تغيرين بيه بديت أخاف اهتم احب بديت افكر بيج كمت ما اكدر ابعد عن البيت يوم واحد وانتي مو وياي هسه عرفت امي راضيه علي هي وابوي من صرتي الي وفتي بحياتي حجي الناس انتي فصليه وانت مو ثوبي كل هذا ما يغير نضرتي عليج وخلي ابالج انا الي اريدج بدنيتي على كل حال حقج عليه شكول الج ما يطفي نار قلبج اعرف بس اريد انطيج شي مصارت فرصه انطيه من أسبوع اخذته

كعدت فتحت المجر وطلعت الها ملف وهي كعدت باوعت عليها خشمها احمر وعيونها حمره بعد بيها دموع واخذت من ايدي الاوراق فتحته بقت صافنه عليه وكلت الها

❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

كشمشات قلبييييي صح صح اتأخر بس والنبي شويه تحضيرات رمضان 💜

صدك بالمناسبه رمضان كريم وكل عام وانتم بخير وصحه وسلامه يارب كل بنيه هنا عدها حلم او شي تريده بحق النبي محمد ان شاء الله يصير ويتحقق وتفرحون فرحه متنوصف بالكلام 🙏🙏

احبكم هواي هواي