Loveنعم احببتك

البارت الثاني والعشرون

،💞نعم احببتك 💞
🌷البارت الثاني والعشرون 🌷
🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷
بثينه
بعد ان طلع اياد وهو عصبي وسد الباب ورا  بقوة كعدت ألوم نفسي
بس بنفس الوقت  انا انطي العذر النفسي بالسويته

ليش هو معقول يرجع اياد ذاك الي يحبني ليشءنسيت الضرب والاهانه لو الغلط والاغتصاب الي يمته مايريد
يجي وكانه وحش وانا اشوف واحس شلون يتشفى ويذلني هو ما يحبني وحتى من خطبني واتمسك بيه بعد ما
رفضته واصر عليه كان اصراره حتى ما يحس بالنقص وبيوم يكول رفضتني
فكان لازم يحصل عليه بس حتى يرضي غروره
لكن هذا ما يمنع انو انا غلطت ولازم انتظره واعتذر منه

وره ساعتين او اكثر اجه للبيت لكاني كاعده بالصاله دخل بدون ما يسلم
وكبل راح للمطبخ رحت ورا شفت خلى ماي بالغلايه اتقربت يمه وكتله

=شنو تريد تسوي
هو ما جاوبني رديت كتله
=روح ارتاح انا اسويلك كهوه ولو ما تخليك تنام
هم بقى ساكت رجعت كلمته
=اياد

هو باوعلي وخلى اصبعه على حلكه بعصبيه  وكلي
::الف مره كايلج لا تجيبين اسمي على السانج
دار وجهه ع الطباخ وانتچى علي من شفته هيج حجى وياي عرفت هو مقهور مني جاوبته
=انا حبيت اكلك انا اسفه
ودرت وجهي اروح للصاله هو كلي بنتر

::اوكفي اوكفي عن شنو وشنو وشنو تتاسفين روحي احسبيهن ورجعي اتاسفي هذا اذا لكيتيني بعدني
ذاك اياد الي تعرفي

انا بقيت واكفه واحس انو غلبتني دموعي وصرت اشهك لان انهضمت من كلامه اجه جايب الكوب ويا
هو اتقرب عليه وحضني وصار هم يشهك مثلي باوعلي واشوف دموعه ماليه عيونه وكلي

::روحي نامي 
حاجيتخ بكلام ماقطع =. ان. ا اسف  ه اعتذر
دار وجهه ::  روحي نامي

اعرف بي مقهور مني ومن الي سويته لكن هو ما يقبل ينسى رحت نمت والصبح گعدت عادي لگيته غالي الماي
وسالك بيض گعد ياكل وصلت يمه = صباح الخير
ما رد عليه بقى ياكل عرفت انو اياد لا يمكن يغفرلي صرت اتحاشا وبقينا على حالنا هذا هو يطلع الصبح
وانا ابقى بالبيت انظفه وارتبه وأطلع للحديقه ودائما تجي يمي سعاد
ساعه او أكثر وتروح والوقت الي يجمعني بي هو من نتغدا او نتعشى
ونكعد واحنا ساكتيين اما علاقتنا كزوج وزوجته فنفس ماهي
من يريد حقه ياخذه بكل عنف وتقزز وهو ساكت

انا ابد ما طلعت الاي مكان يونس وسعاد عزمونا مرتين ابيتهم
نروح ساعتين ونرجع واحنا ساكتين لكن گدامهم نمثل السعاده والراحه 

صار شهر العاشر وهناك البرد غير شي يونس وسعاد  عزمونا بمطعم ع الكورنيش بيومها اياد جابلي جبه قصيره
لونها اخضر  جوه الركبه وياها بنطلون ومنسق حذاء اسود وجنطه وحجاب
من جابهن كلي ::البسيهن العصر لان يونس عازمنا بره
انا باوعت الهن كتله
=عندي هواي ملابس ما لابستهن ليش كلفت نفسك واشتريت
  :: اي لكن هذا اللون ما عندج حبيت اشوفه عليج

اخذتهن والعصر بدلت وخليت مكياج خفيف ورحنا انا واياد وتلاكينا هناك ع الكورنيش وهي هاي الطلعه الوحيده الي بيها
فعلا غيرت جو بيومها اياد هادئ ويسولف ويضحك تعشينا وبعدين رحنا نتمشى عه الكورنيش
چنت فرحانه ويونس وسعاد ابتعدو عنه وانا واياد بقينانباوع للبحر واحنه ساكتين
صرت أشم بهوى البحر فاتحه اديه وانا أتنفس شهيق وزفير وهو يباوعلي

سالني ؛؛تردين تركبين قارب

انا باوعتله وهزيت راسي وانا فرحانه
صعدني بالقارب ابحدنا اياد اجره النه بس احنا   كعدت وهو كعد وراي والقارب يمشي وانا أمد أيدي بالماء كان بارد
شافني رجفت من البرد نزع قمصلته وخلاها على جسمي كلي

؛؛لعد لو ادخلج هسه للبحر شتسوين
جاوبته = اموت من البرد غير

من حجيت هيج باوعتله بقى ساكت يباوعلي حسيت بي يكلي
::اسم الله عليج بس هو ما كالها انا لابسه قمصلته هو اتقرب عليه
وكلي ::بعدج بردانه
كتله = لا دفيت من لبست القمصله اخاف انت بردت
جاوبني ::لا اني متعود ع البرد بس ،،

هو ما كمل واتحسر ما ادري شيريد يكول اتقرب يمي وصار نفسه يم اذاني انا حسيت بأنفاسه بقيت ساكنه ما
اتحركت خطر ابالي اساله وسالته
= اذا اشمر نفسي بالماي شتسوي
هو بقى ساكت بعدين جاوب ::اذا تشمرين نفسج ما اسوي شي اسوي مثل جاك الي بتايتانيك
بدون ما اباوعله = ها يعني تشمر روحك وراي بس ما تصور تلحك علي لان انا ما اعرف اسبح وانوب لابسه
قمصلتلك راح تغركني بالزايد

هو اتقرب عليه ولزمني حيل يمكن خاف اشمر روحي احس بدكات كلبه قريبه مني  واول مره احس بالأمان
من لزمني ردت اكله ابقى لازمني لاتهدني لكن خفت يصدني

ورجعنا بالليل جنت فرحانه كلش واتعمدت ابقى لابسه قمصلته
من غيرت ملابسي  نزعتها شميت عطره باقي بملابسي ما
  اعرف ليش بقيت اشم بيها يمكن عجبني العطر مالته

وبقينه مره احسه حنون وماكو بمحنته وحبه الي
ومرات انسان ما اله تشبيه اله بالمجنون او المتوحش ولازم اسكت وهو يتلذذ بتعذيبي  جوالا اكون جنيت على نفسي

وظل الروتين اگعد الصبح وبس اخلي ماي بالغلايه واسوي الجاي وهو يروح للشغل وأبقى اني بين ترتيب
البيت وبين التلفزيون
بديت احس بالملل لان البيت نظيف ما اشتغل هواي ولا اطبخ يعني بس ملابسي والتلفزيون حسيت اريد اسوي
فد شي خصوصا هو يقفل الباب الصبح بس من يجي  يخلي مفتوح انا اطلع شويه للحديقه واعرف بي يراقبني 
فد مرة اجه وخليت الغدا من كمل وراح غسل جبت الجاي كتله

= اذا تطلع للسوك اريد تجيبلي سنادين ورد وبذور
هو سألني ::شلج بيهن
=اريد ازرع الحديقه لان دا احس بالملل
هو باوعلي ورافع تك حاجب وكال باستهزاء ::منيين تملين اشو محد ضاغط عليج
جاوبته = اريد أضيع وقتي لان جاي أمل واضوج كلش يمكن لان ابحدي

(انا من حجيت قصدي عندي فراغ)
جاوبني بنفس النبره ورفع حاجبه ::وبعد شنو تردين
انا حبيت استفزه لان حسيته يستهزأ بيه = والله اذا على الي اريده فهواي كلش ويمكن ما تگدر تسويهن الي
سألني ::اي مدام كولي جاي اسمع
انا باوعتله وكتله =  مثلا اريد اتعلم سياقه واريدك تشتريلي سياره واريد اطلع وارجع للدراسه

هو صار يضحك ويقهقه انقهرت منه لان ما جاوبني وبقى بس يباوعلي بنظره بيها استهزاء
اتحسرت واتاففت وهزيت ايدي وتركته ورحت للمطبخ
عرفته اجه وراي اتقرب ولزمني من ركبتي حييل وكلي
::عليمن تتحسرين وتتاففين

اختنكت من لزمته حاولت افك نفسي لكن ما گدرت هو رخى ايده وهو صاك على اسنانه انا صرت عصبيه وحجيت بنتر
رغم مختنكه
= هدني اني ضايجه من حياتي من عيشتي تره هاي مو عيشه
اياد ::شبيها عيشتج بثينه خاتون
جاوبته وانا احاول ابعد عنه = هي هاي هم تسميها عيشه ترة انا ميته ميته افتهمت جاي امشي بس جسد
بدون روح يوميه اموت من هذا السجن الي مخليني بي حتى من تطلع تقفل
علي باب البيت ومن ترجع تفتحه تنطيني ساعه تنفس لو اطلع لو
تحرمني منها لان التهي انفذ اوامرك

دار وهو يضرب على رجله ضربات خفيفه :: لعد يا ست من فكرتي تنهزمين ويه ذاك الساقط
شلون راح تكون عيشتج شنو راح تعيشين حياتج وتفرحين تطلعين
وتسافرين وتتونسين لو تعيشيها ختلات وسجن لو تشتغلين
راقصه بملهى ليلي

جاوبته وانا مقهوره من كلامه = جاي تعيرني مو عادي اياد طلع
واحجي كل شي بكلبك لا تخلي شي اصلا متعجبه الهسه ضام بگلبك
جاوبني بنتر ::مدا اعير بس هاي حقيقه انتي لو شارده ويه صاحبج چان حتى الهوى حسره علبج
كتله وانا العبره مكسوره بكلبي = ويجوز هسه اني دا اشتغل راقصه بملهى

هو ضربني راشدي طبعت اصابعه بخدي ما جاوبته ورحت من يمه وانا دموعي على خدي صرت ابجي
وصلت للغرفه هو اجه وراي ما اعتذر  بدل وطلع
حسيت بي بس طبك الباب ورا  بقوه بدون ما يقفله غاب اكثر من
ساعتين ورجع جاب سنادين ونزلهن ودخل للصاله صاحلي
اياد ::تعاي (هو ما صيحيلي باسمي كله تعاي بس ها ليوم من كلي بثينه خاتون)

اجيت وكفت ما حاجيته گلي
::جبتلج سنادين ورد وهاج هاي (طلع من جيبه جيس خلا ع الطبله ) هاي بذور
انا جاوبته  = ما اريدهن ابقى اهنا كاعده (وكعدت ع القنفه ) ما اريد منك اي شي مو جاي اكل واشرب كلش كافي
اياد ما جاوبني طلع بره للحديقه وجاب السنادين خلاهن بالصاله وبدا يشمرهن ع الحايط وهو يكلي
::هاج خاتون مو هذن الي صرتي تبجين على مود اجيبهن هاج استلميهن
لان احنا خدم عدج وانتي تتامربن علينه جيبلي وما اريد

وصار يشمرهن وينكسرن جانن خمسه او سته انااباوع شلون يكسرهن وارجف والطين والتراب ملا الصاله وهو
يباوعلي اشوفه شلون عصبي وصار يتنفس بقوه انا رحت للغرفه سديتها عليه لان خفت منه حسيت بي طلع
للحديقه وعاف باب الصاله مفتوح

رحت جبت مكنسه وظليت اكنس بالتراب وانوب مسحت الصاله سمعته شغل السياره وراح انا طلعت للحديقه
وصرت اباوع ما اشوف اي شي يعني حتى لو فكرت انهزم ما اندل منين اروح ومنين اجي
اتاخر بالليل ما اجه بقيت كاعده بالحديقه بعدها خفت لان المنظر صار موحش دخلت وسديت الباب
ورحت للمطبخ سويت لفه خيار وخبز  وزبادي
واكلت تفاحه ورحت للغرفه احاول انام ما كدرت لان حسيت انا هواي اذيت اياد
بس هو بنفس الوقت ما يريد ينسى وجاي يستحقرني

نمت وهو اجه ما اعرف بيش الساعه وصل
الصبح كعد وسبح وبدل انا كمت ورا اريد اسويله ريوك هو طلع وشغل السياره وسد باب الصاله ورا بدون ما يقفله انا
تريكت وسويت كهوه
وطلعت اريد اشربها بالحديقه من طلعت شفت مجموعة سنادين هواي موجودات بالحديقه كلهن انواع
الورد وزرع اخضر ويمهن جيس زغير نايلون خاله على وحده من السندانات بي بذور وبداخله ورقه كاتبلي بيها

::هذني ازهار وبذور بس سياقه وسياره لا تفكرين

ما اعرف ليش فرحت حسيت بي ما يريد يزعلني لبست تراك وبديت اشتغل زرعت السنادين بمدخل الباب على
شكل خطين وقسم بالوسط على شكل دائره

قررت من يجي اعتذر منه واشكره ورحت للحمام وسبحت وبدلت واجه الظهر طبعا رتبت البيت وعطرته اجه الظهر
لاكيته مبتسمه وكتله
=الله يساعدك
هو باوعلي وكال ؛؛خلي الغدا بين ما اخذ حمام
اعرف بي زعلان يالله اتحمل صبيت الغدا واكلنا واحنا ساكتين رحت جبتله جاي وكعدت قريب منه وكتله

=شكرا ع السنادين وانا اعتذر على الي صار

جاوبني بدون ما يباوع لي ::بس ديري بالج عليهن تره ما يحتاجن
هواي ماي لان الجو اهنا يختلف
   هزيت راسي =. اي اعرف (باوعتله وابتسمت ) شكرا اياد
هو كام من يمي وكلي ::تتدللين شعدنا غيرج

بس ليش احس بي يستهزا بكلامه وياي

سعاد دائما تمر علي نشرب كهوه من جان يقفل الباب اياد وتريد تجي جان يونس يخابره هو يخلي الباب ما يقفله
هسه لا صار ما يقفل الباب بس بالليل من نريد انام اكو شي لفت نظري من تجي سعاد
ما كان تجيب معاها نقال وانا ما حبيت اسئلها خفت احرجها

اياد يجي مرات العصر ومرات ورة الظهر بشويه
ويجيب وياه اكل جاهز يوميه نوع ما يقبل أطبخ
ويتغده ويرجع يطلع ويرجع بالليل
وهو يجيبلي كل شي بدون ما اگله ملابس ماركه ومكياج وعطور وكل احتياجات المرأة
بس انا وين البسهن وانا مسجونه بين اربع حيطان
ولا أنسى إلى انو رجعني الايام جدي وبيبيتي لمن كان ما عدهم التلفونولا نقال

مره حبيت البس جينز وبلوز قصير لبست وطلعت اتمشى بالحديقه اجه وشافني دخل للبيت وانا ورا باوعلي
:: بعد لا تلبسين هيج وتطلعين البسي هنا بالبيت بره لا

انا ساكته وسكوتي بسبب خوفي منه لان جربت شلون يضربني ويعذبني فجنت اخاف واعمل ال نظرته الف حساب
اسمعه دووم يتصل باهلي كل فتره مرات كل أسبوع ومرات كل عشر ايام
ومرات كل أسبوعين
يخليني احجي وياهم بس ما يقبل أطول بالكلام حدي سلام وبسء

وانا ويا من اتزوجنه لحد الآن عمرنا لا كعدنا ولا سولفنا ولا اتشاقينا
مثل اي اثنين متزوجين
صرت عايشه بفراغ وسجن بمعنى الكلمه بس هالمرة السجن بي حديقه وبابه مفتوح وليش كل هذا

لأني حبيت سعد لان ما قبل كلبي باياد وقبل بسعد
الي ما اعرف عنه شي ومنين اعرف وانا مسجونه من اول دقيقه ارتبطت بيها باياد  وفهمت نفسي لازم اقبل بالأمر
الواقع وانو اني مرة متزوجه
لكن هذا ما يعني ما افكر اتطلك منه لان هو بالنسبه الي مو زوج وانما سجان يريد ينتقم مني

أما علاقتنا الزوجيه ما تحسنت هي هي يمته ما يعجبه يجيبني ويفترسني
والحمد لله ما حصل حمل
اما سعاد زوجة يونس صارت حامل وأشوف الفرحه بعيونها
وانا أحمد ربي لمن تجيني علامات كل شهر اني مو حامل لان ما اريد
يصير طفل تكون امه انا الي بقيت بقايا إنسان وأبو اياد الي مرة اشوفه عاقل ومرة مخبل

وبقينا على هاي عيشتنا اكثر من أربع أشهر
نفس الروتين ذاك اليوم طلع اياد ورة ما تغده ورجع بالليل جايب علاكه
فتحتها لكيت بيها لفات فلافل وسمبوسه خليتهن وطلعت لبن وببسي

واجه اياد كام يأكل انا أخذت قطعة سمبوسه وصرت اكل بيها باوعلي اياد وعيونه تخوفني
كلي ::تذكرين ياحلوه اللفات الي جبتهن بالمطار لان انتي كلتي
ما اريد اكل اي شي وانا كتلج ما اشتهي اللحم والدجاج لان مليته ومن رجعتي الاهلج كتيلهم
موتني من الجوع يجيبلي بس فلافل  تتذكرين شلون فبركتي الجذب
وظليتي تبجين بس يا ب... راد يلفظ اسمي اتحسر وكال  ،،،
:: من أتذكر مصيبتج وجذبج ودي اكلج بسنوني

خفت منه ومن نظرته خصوصا وهو بطل يأكل وضرب عه الطاوله بعد
ان ضم ايده
،،،،،،،،،،،،وكف وكلي بامر ::تعاي وراي

انا هم ما  اكلت شي رحت وراه للغرفه وبدت معاناة الاغتصاب وهالمره يسالني:: منو احسن انا لو سعودج تره انا
احسن منه لان ردتج وما تخليت عنج حتى من عرفت بيج ما ترديني وتردين تنهزمين ويه صاحبج
صدك هو كان صاحبج لو حبيبج بس اني طلعت احسن منه قررت لازم اخذج
   تره ما يصير ذاك شررد وانهزم من شاف الحديده حاره
وانا اعوفج !زين اذا عفتج منو الي راح ......

ما كمل صار يباوعلي بتشفي عرفت شيريد يگول احتقرت نفسي وانا اسمع كلامه  وصرت بنظر نفسي رخيصه
ورخيصه كلش وهو ما قصر وياي اغتصبني بفضاعه وصار يضربني وانا اتوجع لكن هو باقي يتلذذ بتعذيبي
انا كنت أغمض عيوني بس هالمرة فتحتهن لان خفت منه وانا اشوف
وحش جاي ينهش بلحمي

كرهت نفسي وتمنيت يموت وانا اشوفه شلون لازم اديه حيل وعاصرهن
علمود ما أتحرك وهو مغمض عيونه ما يباوعلي وهاي من تزوجنه لحد هاي اللحظه
اياد ابد ما باسني ولا حظني ولا حسسني انو هو يحبني
عذرا لبعض ألفاظ الكلمات

انا اباوعله واشوفه فعلا أسد جوعان أتذكر عالم الحيوان
وبعد أن يكمل افتراسي ينزل وهو يباوعلي بتشفي صدك كان عباره عن وحش جائع

كنت مرات أغمض عيوني واداري دموعي لكن اليوم
شفته على حقيقته حيو،،،وانا احس راسي افتر
هو راح سبح وبدل فتح التلفزيون ولزم الريمونت وصار يكلب بالتلفزيون

وانا رحت للحمام راسا اتقيات ما اعرف ليش وسبحت وغيرت ملابسي واخذت بطانيه ورحت للصاله
واتدنيت على موقد الخشب
وظليت اباوع للنار وانا ساكته لان احس النار الي بالموقد أبرد من النار الي بكلبي

رجعت للغرفه ولكيت اياد يباوع على فلم أجنبي انا صعدت على الجربايه واتغطيت وبقيت افكر لحد ما
نمت كعدت الصبح سويت الجاي وحطيت جبن ولبنه وزيتون وصمون لان هو بس يريد اسويله جاي
اكل وطلع واحنه ساكتين انا كنت معزمه على شي لازم اسوي

ظليت كاعده وانا اعض بشفتي من القهر بعدين كمت نظفت البيت واجت سعاد يمي وشربنا كهوه
سولفنا على حملها وشلون فرحانه وهي سالتني
شو يا بسينه ليش لهلأ ما حملتي
جاوبتها =كله بيد الله
سعاد //صحيح بسءلازم بتشوفي دكتوره بيجوز في شي تره البيبي الاول مهم
اتحسرت وجاوبتها =الله كريم

من شافت ردي ما حاولت تتناقش وياي لان ما شافتني حابه فكرة الحمل
الظهر اجه اياد خليت الغده الي جابه وكعدنا اتغدينا واحنا ساكتين
وراح للغرفه اتمدد ورجع غسل وبدل وطلع مثل كل يوم
انا ورة ما طلع رتبت البيت وغرفة النوم وعطرت البيت
ودخلت سبحت كان الجو بارد والدنيا مغيمه
يمكن تريد تمطر رغم من كنت يم اهلي كنت احب منظر الشتا والبرد والمطر
بس هسه لا احس روحي مغيمه وليالي الشتا تمر صعبه طويله وما بيها دفو

نزلت دموعي وأن أتذكر الشتا واحنه يم الصوبه وامي تخلي القوري ونكعد على فراش بالكاع لان بابا يحب
الصوبه النفطيه خصوصا من تغيم او تمطر فكنا نخليها بالمطبخ وشلون امي تجيب صينيه فافون وتخلي بيها
حب شمسي وتسهسهه ع الصوبه ومن تجينا خاله رجاء هي وتماضر شلون تعجن التمر ويه الزيت والراشي والهيل
وشلون نتشاقه ويه امي وزيوني وبهاء ومنى كل ساع تسويلها زعله وبابا يراضيها

مسحت دموعي وانا احجي ويه نفسي = خلص اياد هي معركه ولازم
واحد بينا يفوز والخسران يطلع من حياة صاحبه لو يموت
واعرف انا الي راح اخسر بس لازم اجرب التحدي
مليت الاغتصاب والانتقاص
مليت الاهانه والكلام الجارح ونظرات التشفي هي معركه حتى لو اخسرها اجربها والي يصير يصير

ظليت صافنه واسترجع كل الي صار بيه هزيت راسي وگلت = صحيح غلطت بحق نفسي واهلي وانتقصت من رجولته
لكن اتعاقبت ليش ما يسامحني او يطلگني ليش باقي ايعذبني ما كفا الي سوا

فتحت الكنتور وطلعت دشداشه نايلون حمرة قصيره خفيفه وبدون ردان وصدرها دلع لان البيت كان دافئ والموقد
شغال ومشطت وفتحت شعري وحطيت عطر واتمكيجت شويه خليته صارخ وخليت علج بحلكي
وظليت كاعده بعدين رحت فتحت الثلاجه وطلعت عصير جامد عشقي المفضل الي يبرد على كلبي المشتعل
نار أقوى من نار الموقد

وكل شويه اطل من شباك الصاله اشوفه اذا اجه اولا وسمعت الباب انفتح ودخل وگفت ودرت وجهي على اساس
ارتب بالقنفه وادندن بااغنيه
درت علي شفته صافن وهو يباوع اللبسي ومكياجي اجيت يمه واخذت العلاكه الي جايبها وانا اعلج بدون
ما احجي ويا

ورحت خليت الأكل ع الطاوله هو غسل أدي واجه بقى ياكل بس عيونه جاي تلتهمني انا ما تعشيت الدنيا مطرت
بدايه زخات خفيفه انوب اشتغل المطر قوي لميت السفره وجبتله جاي من ناوشته  الكوب  دنكت علي
واتعمدت يبين صدري

اخذ الكوب والجكاره بحلكه واشوفه شلون يباوعلي كعدت هالمره بصفهروخليت رجل على رجل واحرك
برجلي من كمل شلت الكوب ورحت للمطبخ اخذت باكيت عصير وملعقة وسط ورجعت للغرفه كعدت
على الجربايه مادة رجليه وهنه طالعات بدون ما الم الثوب عليهن لان قصير
وشغلت التلفزيون على اغنيه ما أتذكر شنو وكمت ادندن

فتحت باكيت العصير واجه اياد شافني وانا أطلع بالخاشوكه الثلج واحطه بين شفايفي
أتلذذ وانا اكله بطريقه تكدرون تكولون مغريه وكل شويه اعض شفايفي
انا ما كنت متمدده عدل يعني بنص الجربايه وما ده رجليه زاويه

اجه يم الزاويه وغير ملابسه ولبس تراك وانا اتمايع باكل الثلج واكول اششا
اتقرب مني وحجى وياي بصوت ناصي ::أدني اريد أنام
انا سويت نفسي ما اسمع اتقرب اكثر وگال
:: اكلج"مداام شويه أدني واعتدلي اريد أنام تعبان

انا بقيت ادندن ويه الاغنيه و اتلذذ باكل العصير الجامد واحاول اسوي حركة اغراء بالخاشوكه وبلساني بس بدون
ما اباوعله ولا كأني اشوفه او يحاجيني ما حسيت اله شالني واخذني للصاله وفتح باب الصاله وطلعني بره
كلي :: كملي حفلتج بره اكلي العصير اهنا يبرد على كلبج اكثر يابت الكلب،،

وسد الباب انا تفاجئت بالمطر والبرد. والدنيا ظلمه وتوني ما كله ثلج
وما لابسه شي لفحني الهوا والمطر صرت ارجف لان ما لابسه شي ظليت ادك بالباب وانا خايفه وأكله
=اياد أفتح الباب افتحه اياد عفيه
=فدوة اياد انا ما لابسه شي راح أموت من البرد
ادك بالباب =اياد عفيه اتشاقى الله يخليك ،!،،،
،= هاي شبيك افتح
  بردت حييل وحسيت بتعب  = ياحقيير افت ح

أول مرة صوتي عالي بعدين بده صوتي ينصه شويه
وحتى دكي للباب بدأ يخف لان بردت و احس نفسي راح أتجمد كان المطر قوي وانا اتبللت والجو بارد وانا ما لابسه
شي ظليت ادك بالباب بتعب وخوف  وترجي  صرت ابچي = عفيه افتحلي الباب

كنت ارجف من البرد واحس نفسي بدأ يضيق وانا اباوع بلكي أحد
ينجدني بس بلا فائده بقيت ادك على الباب لحد ما تعبت وشفت اني خلاص بدأ كلبي يطلع من احشائي
واحس انو تجمدت خلاص انتهيت وهاي هي نهايتي صرت اشوف صور ابوي وهو يحضني
وامي واگفه وتحرك ايدها على گلبي واخواني داير ما دايري غمضت كل شي ما حسيت

_________________________________________________

اياد
من اجيت من الشغل فتحت باب الصاله بالمفتاح شفت بثينه دايره وجهه وترتب بالقنفه بس الشي الي شدني جانت
لابسه بدله حمره قصيره نايلون بدون ردن مفاتنها طالعه وانا اباوع البياض رجليها واديها

ظليت صافن عليها وهي تغني ومن دارت عليه شفتها متمكيجه مكياج صارخ وصدرها دلع كلش وبطرك الثوب
وصلت يمي اخذت العلاكه وهي تحاول تدنه علي لفحني نفسها والعطر الي خالته مجرد ما شميته كلبي صار يدك 
حاولت ابين عدم الاهتمام انا رحت غسلت وكعدت ع الكرسي وهي تتحرك كدامي وتخلي الأكل بس تحاول أن
تخلي جسمها يطخ بيه

انا بيني وبين نفسي ::شبيها شتريد معقوله جاي تغريني شتغريني
اذا انا من أكون وياها هي تغمض عيونهايمكن تلعب نفسها مني وما
تريد تشوفني مو البارحه اتقيات بالحمام يعني لعبت نفسها مني

:: بس اليوم بت الكلب طالعه صاروخ وعبالك تدري بيه احب هذا اللون عليها

ردت احضنها واكلها شگد احبج لكن خفت اتصدني وانو هذا الي تسوي تمثيليه
أكلت وبقت هي بالمطبخ تروح منا وتجي منا وكل ساع تطخخ جسمها بيه وانا  ارجف بس ثاولها جابتلي كوب جاي
وكعدت كبالي وهي تهز برجلها من كملت الكوب اخذته  وراحت للمطبخ  فتحت الثلاجة وطلعت
عصير جامد وراحت للغرفه اني بس كملت رجعت غسلت ودخلت أغير ملابسي شفتها ماده رجليها وكعدتها مو عدله
والرجلين طالعات عبالك ثلج والتلفزيون بي اغنيه وهي تدندن وتأكل بالعصير بطريقه تجذب بيها النظر بحيث شفايفها
بيها الف كلمه وكلمه

لبست تراك واتقربت اريد اتمدد حاجيتها ::اعتدلي اريد أنام
هي ولا يمي
بقت تدندن وتأكل بالعصير وما تباوعلي حاجيتها مره ثانيه بقت تحرك
برجلها من شفتها هيج جنت اتمنى اتقرب منها عرفت هي جاي تغريني وبمجرد ما اتقرب منها بحب وحنان راح اتصدني
وهذا الشي لايمكن اغفره الها لذلك ما ردت اضعف كدامها حاجيتها وما ردت عليه كأنما تستفزني
كمت عليها وشلتها وانا اريد انفجر وطلعتها بره كتلها

:: كملي حفلتج بره احسن واكلي العصير الجامد اهنا يبرد عليج

ورة ما طلعتها سديت الباب احس نفسي ضاك وكامت تتسارع دكات كلبي
يعني لو ما مطلعها يمكن اقترفت جريمه يمكن موتتها
من طلعتها رجعت كعدت بالصاله وانا مستعد أكسر اي شي كدامي
وسمعتها تضرب بالباب وهي تكلي وصوتها يرجف
--اياد افتحلي الباب الله يخليك
-عفيه اياد راح أموت من البرد وهواي كلام

خليتها تحجي وتترجاني ورحت للغرفه شعلت جكارة وصرت ادخن بعصبيه
احس بروحي راح تطلع من غيضي منها واحجي ويه نفسي
؛؛بت الكلب تسويلي إغراء منو كلها انا ميت عليها
::الحقيرة عبالها وحده مثلها ممكن تغريني لو احس بيها انا الها
::اله اذلها اله أزيد من ذلتها إله اخليهاتتندم عةاليوم الي صارت بي اله
اخليها تتمنى المو،،،

ما سمعت دكها على الباب ولا صوتها انا درت وجهي ادور على صوتها ليش وين راحت
انتفضت ورحت ركض فتحت الباب أنذهلت من الشي الشفته

لكيتها متكرفسه اديها خالتهن ابين رجليها وهي مثل النايمه بس صايره زركه تدنيت منها ما تتنفس شلتها وركضت
بيها داخل البيت وحركتها وخلتها بصف الموقد وهي  امبلله
رحت جبت بطانيه ولفيتها كانت كلها زركه أديها وجهه شفايفها

وما تتحرك ضربت على خدها ماكو استجابه فركت أديها كانت عباره عن قطعة ثلج صرت أفرك بايديها
تسارعت دكات كلبي خفت تموت وافقدها حطيت أذني على كلبها هاي ما تتنفس اتخبلت كمت أفرك بصدرها
ماكو كل استجابه انا.بدون وعيي حضنتها حيل بلكي تدفى بس ابد ما اتحركت
دنيت شفايفي وفتحت حلكها وكمت اسويلها قبلة الحياة وادلك بايدها

واخلي أذني على كلبها وارجع نفس الشي اسوي واضغط على صدرها  حسيت بنبض قليل رجعت أدلك
بايديها واضرب على وجهها ضرب خفيف ما اعرف شسوي
ورحت اركض للغرفه فتحت الكنتور وذبيت الملابس
جبت دشداشه وملابس ولبستها بعد ما خلعت ملابسها المبلله وشلتها على السرير
وغطيتها وفتحت الهيتر الكهربائي ودنيته يم الجربايه وانا اباوع
وجهه شويه كام يسترجع لونه خابرت يونس ،،،،،

::الو يونس بسرعه تعال وجيب طبيب بثينه تخربطت لاتتاخر يونس
بثينه بثينه لاتموت استعجل

وظليت اعصر رجليها واديها وأحط أذني على كلبها
اندك الباب ركضت لكيته يونس او يا طبيب فحصها
كلي /: المدام متعرضه لتيار بارد الحمد لله انك لحكت عليها والا كانت راحت بيها كان ممكن اقل الخسائر
جلطه لا سمح الله

طبعا يتكلم بلهجة اللبنانية ضربها ابره وكتب على علاج الها وكال لازم تراقبها
واذا تعرقت خفف الغطا وأمسح العرق وبكرة اجي اشوفها إذا ما تحسنت لازم مستشفى واكلها سوائل شوربه
حليب دافي

شكرت الدكتور وحاجيت يونس :: وصل الدكتور واصرف الدوا وباجر من الصبح روح جيبه
وظليت الليل كله وانا أتحسس جسمها وهي نايمه وبعدين بدت تتعرق انا تنفست
خففت عنها الغطا وجبت كلنس وكمت امسح جسمها هي نايمه وانا ظليت اراقبها
واباوع أول مرة اشوفها نايمه لان دائما دايرة وجهه

شفت بنومتها براءة الأطفال وجمال النساء دنكت عليها وبستها
وما حسيت إلا و دموعي نزلن على خدها واحجي
.::شسويتي بيه دمرتيني يا اغلى من روحي
وبقيت طول الليل وانا أراقب بيها كأنما روحي عدها مو عندي اباوع الها
وهي مرة تتعرق ومرة ترجف بس ما تدري بالدنيا غايبه عن الوعي

///////////////////////////////////يتبع

ترة بعد أحداث وكلها حقيقيه 😡😡😡😡صوتو