بارت ٣٣
#أماً_لهُن
#مريم_السعدي
عسل....
حالة ذعر واحباط واني منو يحميني منه الخوف بعين للومه خلاني أايس
وعمو انور يصيح بابا شبيكم اني بيدي اوديها واجيبها اريد جنس بشر لو جن يوصللها ويباوعلي
معليج بعمتج عسولي معليج بيها هاي تخاف
جنت ساكته ازل نار غاديه والتلفون باذنها تحجي وي سيدار اللي خطيه هو وراكان راحو للعماده يفتهمون واتصل بيها يطمنها ماكو شي واحد فارغ
بس شكول لروحي المفزوعه
عفتهم وطبيت نمت شوي وطبت للومه تلمست شعري. وراها طبت ازل
للومه عوفيها ترتاح. شوي
تركوني ويحيى مابطل رسايل واني مارد
اخر رساله دز خلتني. راسا ارد متحملت
دز
عمري وسنيني فدوه الج بعيوني احميج لتخافين كلبي ردي عليه لتخوفيني عليج داكولج اني موجود شحده اليوصلج
رديت راسا
منو اليحميني؟
رد راسا
اني بضهرج
رديت كتبت
منو اليحميني عدي اببب عدي اخخخ منو اليحميني. ؟
اتصل راسا رديت
جاوب
اني يمج
منووو اليحميني كلي
اني موجود عمري انتي محد يكدررر اشكه شك ليوصللج
منو منو هههههه ضحكتني. قصدك حسن مو انت
سكت ويتنفس بغضب
احجي شبيك هو اني وين شايفتك بس وجه بالكامره بس الفعل حسن
حسن يضرب
حسن يركض
حسن. يتعارك
لخاااطري كوول انت وينك
سكت شوي وهمس بتعب مسامعه صوته قبل هيج يتعب كال
وحسن منو اليدزه غزالي
مرديت بقيت ساكته
همس بصوت مليان ثقه
لتخافين اني ابوج واني اخوج واني حبيبج
مرديت
همس
غزالي
رديت بنتره
ماداوم بعد
شون
ماداوم دوام ماداوم بطلت انعل ابو الكليه
لاعسل موهيج
محد يتدخللل صيحت بقه ساكت
باي
نامي ارتاحي
اوك باي
سديته وكلشي بيها بجه اني بحاله خوف تذكرت لوزه ووكفتها وتباهيها وسباعيتها تذكرت عيطتها بنص الجامعه الخرست يزن وجماعته كلها تكوله
شايف اخوتها لو مشايفهم حيطان مو زلم
واني شعدي
بطرك عمتي وخواتي
منو يحيى هههه يحيى بس صوت وصوره واقع افتراضي فحسب
قررت واخذت قراري دوام ماداوم بعد ماريد
طلعت العصر من الغرفه عمو انور جان عدنا متغدي ومتمدد عالقنفه بالهول للومه تقره قران بالتلفون من شافتني طفته ووكفت تقدمت ناخيتي لزمت وجهي تبتسم بحنان
همست تبتسم
لتخافين عسوله يمعوده دوريه شرطه اطلع وياج توديج وتحيبج ههه
ابتسمت ونصيت رحت للطباخ صبيت اكل وكعدت اكل عمو كام همس
للومه وينج
جاوبت
ها عيني جايه
شافني ابتسم كال
هااجبانه وقلد عليه من ابجي
اممم ذابيلي تهديد اممم حيخطفوني هسه غير تستقر نجوى كرم شيخطفون منج النوبه حتى تشريب متصيرين بس عضام
ابتسمت تقرب خله القوري عالنار وباوعلي
وين جايكم عسول
هذا عمو
وينه هذا ماكو هذا ملح
لاعمو جاي
حوله هاي عمتج بابا مكتوب ملح
والله مادري
اليوم فارغ ماعدي شي تعاي للومه
ها عيني
تعاي خلي عينج الج تحتاجيها تعاي علي شنو
جاي غير
ها يعني مو ملح
لا
زين مومكتوب ملح
مادري عجبتني للجاي خليتها
صفن عالعلبه وباوعلها لللوم عكنش عينه ورد باوعلي كال
يمكن فد يوم تلبسني جبتها تكولي مادري عجبتني عليك
ضحكني شربنا جاي بقه يحجي ويايه مشكلتي قفلت ثبتت قراري خلص اني مدااحس بامان
من كتلهم انكلبت الدنيا عليه
للومه
ازل
عمو انور
وو يحيى
اول مره يصيح ويعيط واني ساكته
اول مره يغلط عليه
واني ساكته
للومه : عسل تعب التعبتي من وره واحد — تتركي لج بابا صيري سبعه
عسل : الدنيا هيج صارت للومه ماريد احد يتدخل بقراري اني مدااحس بامان عوفوني
- لج اني اني وياج اروح واجي والله العظيم لتخافين وبالكليه شيسويلج
انهاريت وحجيت
- يسسوي يسووي اقل مابي سجينه بالحمامات ويكولي روحي اقل مابي يحصرني بمكاني ياذيني يفضحني ويكولي روحي عدددي اخ عم خال اب صخام بوجهي يوكفلي ويخشش اصبعه بعيونه
خنست للوم ونضراتها تحجي مو قصدي ازعلها بس اني ماكدر
ازل هم مقصرت من انهاريت تركتني همست براحتج كلبي ابردي اني اخذتلج اجازه اسبوعين ارتاحي بيهن والله يسهل
.
.
.
كانت وقفتي ويا مختلفه
عصب بطريقه مخالفه مفرطه مبالغ بيها
- مخبلللله انتتتي مستقبلللج
بكل هدوء رديت
- محد يتدخل مستقبلي اني مو مستقبل غيري
- لججج شدتحجيييين تعبج التعبتي لج عسسل خلصت السنه
- خل تخلص ماداوم بعد
- لشووكت لشووكت اوكفي خل افتهم
ماداوم ابد بعد
اييي وبعدين تالي تالي
اي داكولك ماداوووم شبيييك
صفن شوي وجاوب
عسل صدك تحجين
اي واللله
ليش.. متوقعتج هيج جبانه
والله هذا حذر اني ماعدي احد اذا سويت عادي وداومت شنو اليضمن سلامتي احنا بالعراق تره
اني بركبتي معليج
اي بالتلفون تدافع عني تفتح كامره لو تدز صوتي لو اكولك طك صوره لسجينه ودزها وهو هسه يخاف
خنس شوي وسده من دون مينطق
ذبيت التلفون وكمت
الهي نفسي بالشغل
حتى الحايط كمت ارسم بي
لوزه يوميه تتصل تتوسل جتي مرتين واني قفلت
عمو انور اجل زواجهم اسبوع لان عده سفره لدهوك اسبوع ويرجع عمله تطلب هالشي للومه. تتسوك وتحضر غرفتهم جابوها وخطيه اشترت وياها جرابي النا
رجع البيت عليه تركيب وتنضيف. رسل من كيفها مشتلي يوميه. يحيى انقطع عني كم يوم ورجع اتصل ساكت
رديت ببرود متصالحه وي روحي
الو
سكت
يحيى الو
مرد
راح اسده مثل مسديته اخر مره
جاوب بهدوء
شوي احترام
مكلت شي اني
عسل مشتاقلج خابرت اسمع صوتج ممشتاقتلي
سكتت مغمضه
شبيج كلبي ليش هيج مكلوبه
تعبت
من شنو مني
يحيى اني خايفه اريد انجح واوصل ووواخاف اداوم
حبيبي اني وياج يمج والله ماعوفج
ماريد ابقى ما مأمنه
زين ماشي لكيت حل بهاليومين وسالت التدريسيه كالو يصير
شنو
شنو رايج تداومين بس بالامتحانات
يعني شنو
يعني من١٠٠ امتحانج. تتصفر الشهريات مالتج وتكعدين تقرين عالنهائي تمتحنين من ١٠٠
ماريد كلشي ماريد بعد
فدوه لخاطري مستقبلج عسل تتندمين
ماريد شنو ماعرف كل احد من اللي مسوين انتساب
زين واللي يمتحن وياج
شون يعني
يعنييي
اذا اني امتحنت وياج نقره سوه ونمتحن سوه
يعني لكليتي تجي
لالا اني بكليه ال— امتخن وانتي بكليتج
صفنت
صدك يحيى خاف تكذب عليه
يايوم كاذب عليج
ولا يوم
يعني علمودي دتمتحن
اي علمودج ماكذب عليج
ياقسم تدخل
علوم مثلج
يصير
اي ليش لعد ولو معدلي اقوى بس حتى نقره سوه واهسنا سوا
اللله شون حلو يجوز نتشاوف
سكت
يحيى نتشاوف
الله يسهل
واعدتي
ماكدر
لعد ماريد
شتردين كوليلي كلبي انتي والله انشلع كلللبي شترديييين
صيح
سكتنا ثنينا تنفسه شوي سوي هدأ
همس
حبيبي
نعم
شنو التردي امر تامرين
اريد اشوفك باخر يوم نمتحن
واذا صار شي وتركتيني
يلزموك يعني
يعني هيج شي
دقايق ماطول ميلزموك
جر نفس همس
تدللي
صدك
اي والله
خوش
بس واعديني
اواعدك ماعوفك
لتواعدين وانتي متعرفين شنو انور محجه شي عني
لا واني اخاف اسال اخاف انلكف
امم زين
علشنو اسأل ليش دوم تكولي هيج اصلا عمو ابد ميجيب سيرتك ومن يصير حجي للومه تسأله يكولها ماله علاقه بيه ولايريدني اتدخل بحياته واساعده
جاوب باستهزاء
خلي مساعدته اله كله كم شهر واطلع من البيت الماجره واشتريلي بيت صغير الله ليعوزني عليه
انت ليش تكرهه
عمي مكارهه ولاحابه شعليه منه
اني لو بابا عايش جان بست خطوه خطوه وراه من يمشي بس لو يرجع. يوم واحد احس هيج بحنانه
جر حسره همس
ياعمري انتي اني اعوضج كل اهلج كلبي ولايهمج
ماكو مثل الاب والام يحيى
غيري غيري الموضوع
اوك
هسه شكلتي ها نقدم
شون خاف ميصير
لا سالت كلشي وبمثل حالتج وحالتي تصير اسهل
يعني شنو حالتك
استغفر الله اكولج محاضراتج اللي انسخها الج موجوده لو تذبيهن
لالا كلها ضامتها
يله حتى نتحضر نقره
اوك
مستعده لو مالج واهس
شوي واهسي عطل
اممم اني اصلحه
خوش
.
.
ازل...
مدري شلون خربطت اوضاعنا الدنيا مدري شصار بينا ضيعنا البدايه من النهايه
دوامي بشكل يومي صار وي عمو اروح واجي وراكان وسيدار علاقتي بيهم حيل توطدت اكلنا كهوتنا سوه
وبيوم كاعدين وعمو نطه الراتب للمحاسب يوزعه للموضفين واحنا نطانا راتبنا راكان خلاه بجرار مكتبه وسد المجر قوي سيدار كله
على كيفك فلشت الميز
عمو طاني رااتبي كال
شباب اني احتمال اروح اسبوع اليجي عمره وي الحجيه مخنوك كلش
شجعنا كيفنا باوعلي بنظره تعب لزم راسه ويتاملني
واني مكطعت النظره ابتسم بتعب ادري بين عيوننه اسو ادري بي يشوفني بيها واني قابله راضيه بس ليصير بي شي
سيدار بالشقا داس على حذائي ويدري نقطه ضعفي من يتوصخ الحذاء دفرته ابتسم بخبث جر نفس وميل راسه عض شفته بصفنه كمت من مكاني وطلعت
وسناء جانت تنضف بره المكتب مالتنا
دتسوين وسناء شكتلج اني
ست هاي مانشف زين واني صراحه ماعرف اكعد مكان وصخ اعتبره بيتي مو النهارركله بي اني
براحتج
الموضفين طلعو بس اني وانتو بقينا
اني ساعه لخ يله اطلع عدنا جرد
اوك عادي انضف غرفه الاداره هم
لا كلبي عوفيها
فدوه ست لخاطري حتى منضرها يصير حلو
كيفج احنا جوه بالمخزن اخذي راحتج
نزلت شوي وعمو والولد جوي والمحاسب الشركه فرغت بس احنا
بقيت ساعتين وياهم نجرد ونحسب بالقوائم وسيدار يشطب وراكان يعين الشركات الجدد
كملنا صعدنا هلكانين للومه اتصلت لان تاخرت
ها للومه اي هسه ساعه اقل واجي
عمو كال
وين ترحين عمو تغذي طلبت غده
اوك
للومه ب٥ اجي مو عمو عزمنا على غده— اوك
سديته وصعدنا للمكتب حتى يجيبون الغده من طبيتىنا المكتب وسناء ارتبكت ووكفت تطلع راكان نط
هاي شعدج مرايحه وشو بالاداره
كالت مومو اخذت الاذن من ست ازل
ازل- اني نطيتها شغله ترتب الفايلات اكو مانع باوعتله دار وجهه معاجبه طلعت البنيه
سيدار- انت مسوي بيها رعب للبنيه
عمو رائد- ميصير يابه. تتكبر عالبنيه وهي بهالضعف
راكان- عمي بس الله الجبير شتكبر بس كلما هناك اني مارتاحلها ولا نزعه ابدد
ازل- شي راجع الك يله عمو تعال ناكل يله يولد
كعدنا نتغده واسمع صوت المكنسه تشتغل بره سيدار سال
هاي منو دينضف ام عاصم بعدها
جاوبت
لا هاي وسناء تكول متنضف زين وعادته وراها
راكان- وهي شعليه. لو متعرف تنسى ماضيها شوي بدمها تمشي بدمها الخدامه
عاط عمو عيطه يمكن لو مره لو مرتين سامعته هيج يعيط
صاح
راكااان كافي عااد استحي من نفسك من ربك خلي قيمه لروحها. اقلهاا
سكت وفرك ووجهه معصب وكام عاط بي عمو اكعد رد كعد
كملنا اكل كمت الملم الهوسه وسيدار ويايه راكان كلب الجهره كملنا وعمو ديوصينا عالاسبوع اليجي نوعا ما التهه بس بصفناته ناصب ماتم
وكف راكان يروح شال سويجه وجكايره وتلفونه فتح الحرار يطلع فلوسه
وصفن
تلمس جيبه ورد دور بالجرار
ماكو ملكاها
گلب المجر گلب وسده قوي احنا بس نباوعله سيدار همس
شمضيع دماغك جوه
عاط
الررراتب مااكووو
صفنت عليه تقربت فتحت الجرار وخرت الاورراق ماكو
باوعت لعمو وسيدار
راكان همس
ماكو غيرها غريب طب حتى من احجي تصدكون
صفنت اول مره تكولي انضف الغرفه حتى اني شكيت وعمو يستغفر سيدار كال دزي عليها
ماعرف شصار بيه خاف محتاجه ومدت ايدها خاف تريد بيها شي حجيت
اني انطيكياها
عاط
واخلي حراميه بالشركه انتي شبيييج مخبله
ماعرف شسوي رديت جيت للمجر اكلب ماكو ماكو
سيدار فتح الباب باوعلنا وباوع بره شال ايده اشر كانت هي وره الجام تنضف
جتي وره شوي
دكت الباب جننا كلنا واكفين راكان متخوصر وسيدار ايده بجيبه وعمو لازم راسه
كالت
نعم استاذ صحتني
اني افرك بيدي حموت من الاحراج خطيه اكيد محتاجتها
كال راكان بنتره اتهام
اخذتي راتبج
اي اي بلي اخذته
زين الفلوس الجانت بالمجر هم رااتبج
كالت صافنه شون مفهمت العفو
نتر
فلللوس جانت بالجرار. وينهااا محد طب غيرج
خلت ايدها على صدرها وجهه صار اصفر كالت
اني والله ممديت ايدي اني استحرم اني اخاف الله
صيح لعد وينننننهن يله كوليلي
بقت تتلفت باوعتلي برطمت ودمعت عينها
راكان كافي
نترت
عاط
انتي معلليج ام كلب الرهيف من اول كتلكم ماارتاحلها
فكت كل عينهاا هزت راسها
كالت
عوفي ست هذا هو شكد كانت بالجرار
كال...
جاوبت ااني عدي حاليا ربع المبلغ ووومن استلم شهر الجاي انطيك الباقي
جاوب
يعني تعترفين انج شلتيهن
باوعتله بثقه وطلعت من قوقعه ارتباكها استاذ انت خاتم الموضوع ومصمم اني الشلتهن وهذا هو
ومنو كلج حتبقين تداومين هنا وين اامن
للا استاذ بس اسدد المبلغ اني الاستقال كملت كلام وباوعتلي
اني بهتت ماعرف شكول وشسوي
باوعتلي كالت
ست اني طالعه محتاجين مني شي قبل لاروح
همست صوتي راح دهشه باسلوبها الراقي
لاسلامتج
كالت
تحبون اجيب جنطتي تفتشوها
دار وجهه راكان وشال غراضه
انتي بعد اعترفتي المن مفتشيج فيماللا عمي طالع اني
وطلع نصت راسها وطلعت وراه
واني وراهم وكفتها
عليج الله اذا محتاجه شي
نترت بغضب
ستتت احنا صح فقره المال بس موفقره كرامه. ودين رجاءا الموضوع ينسد لحين تسديد المبلغ اللي اني مماده ايدي عليه. بس بما انه الاستاذ مصمم خلص مع السلامه
رجعت اني للبيت مسطوره لليل اتصل راكان رديت
الو
ها راكان شونك
انتي شونج خوما زعلانه لج
لا بس حيره افتر افتر واكول وين تروح
لج لاكيتها بالشارع السياره حمت ووكفت جانت دتمشي للكراج
اي
وكفت فتحت جنطتها. كتلها ها تردين تنطيها صفنت وطلعت بطل مي من جنطتها كالت خاف عطشان
شكد حقير راكان حقدت عليك
ختولي شايفه نفسها
ديله بله هذا شكوله
لج والله كتلها ليش تخلين نفسج بهالموقف
تدرين شكالت
شكالت عزه
تكولي الموضوع انت سويته حتى اطلع من الشركه وتدلل بس هالشهر وترخصت وراحت
خرب بيليس اكولك خاف صدك
صدك تحجين انتي هههه والله يا الله. دروحي عود كلت خاف زعلت
الله وياك سديته منه حايره للومه تجهز وتحضر الخميس الجاي عساس العرس وعسل قررت الانتساب وجابت ملازم تقره تتواصل وي صديقاتها بالتلفون الحابته الها للوم
عسل- تعلقت اكثر اربع وعشرين ساعه التلفون مفتوح بيننا عالمكشوف صارت بس اني دااحجي وي حوراء صديقتي نحجي ونقره اكل واقره
وهو يذكرني
عسول علم الغابات حسسني اني ماوكلي
ههههه ههه اي صح
ديله كملتي الورقه ١٦
اي كملتها
يله سمعيني
احجي وهو يرد
متكولي شوكت حفضتهن
انتي كسوله صايره
اي موجنت انضف
اني هم داشتغل عمر عمري اني هم اشتغل ارتب وابيع واقره الورقه كدامج خليها واقري نضفي ورددي
اوك
تريكتي
اي اكلت وانت
داتريك روحي
اوكف اوكف
هممم
جاوب اللكمه بحلكه
الله لايحرمني منك
خنس شوي وغص باللكمه
اسم الله حبيبي يمه جذب بعد ماكولها
هدا وتنهد
جاوب
ولايحرمني منج طول عمري
يله روح اكل
خلص شبعت
يحيى
ها كلبي يله يله رايح
سديته منه وبقيت اقره
وره الخميس يجي عمو بعد عدنا رسل ابد مدنشوفها تجي ب٧ العصر وتطب غرفتها متطلع
نوبات المحها تطلع من الحمام بليل
فجأه بيوم بليل للومه كاعده تححي بالتلفون واني دااخزن بالملازم وادزها ليحيى ينسخها ازل دتشرب كهوه
وطلعت رسل من الغرفه ركض صاحت
وينهاا
فزيت منو عليمن تقصد للومه التفتت مخروعه
صيحت رسلل
سووااااا ل واحد اسالج قسما. بالله. اذا كذبتي
للومه همست
باي حبيبي بعدين نحجي
وسدته باوعتها بثقه تبتسم
كالت
تفضلي
اي لتسوين روحج العاشقه المغرمه اللي حبيبها ميت بيها. والله بحجايه افره الج حبيبتي
كالت للومه بهدوء مستفز
هسه موتردين تسالين حبيبي ورجلي شعللي
صيحت مثل المخبله
انتتي متصله باخو امير
امير يا امير امير البلاد ههههه والله تضحكين
لااا تعرفين كلش زين ياامير
لا والله عرفينا كالتها وتخوصرت
جاوبت باعصاب
امير المدير متصله باخو بشيررر كايلتله دير بالك منها
للومه غابت ضحكتها ودارت وجهه
معليه منج اني ولااعرف امير ولا بشير
كالت
ماكو غيرج يكرهني الهام ماكو غيرج عالعموم الرقم عدي صار بسكرين شوت فتره ويبين باسم منو بذاك الوكت اذا صدك اللي ببالي تشوفين شي مصاير
وعافتها وطبت
للومه كعدت بين عليها القلق محجت شي ازل سالتها اني حجيت وياها منطقت بس صافنه
ازل - ثاني يوم داومنا راكان هم داوم وسيدار كالعاده
طبينا يم عمو نتلقه الارشادات ملتمين عليه كلنا وزع الاعمال وسال راكان
راكان وين عقد شركه ال—
اي عمي يمي
كام فتح الجرار اللي صار يقفله دور دور ملكاه
ضرب كصته
يابه البارحه جان هنا جني اخذذذه
التفتت مخروعه نترت
هااا هم كول هي مقفول جرارك
يابه هسه اني حجيييت بقه يدور تخبل وعمي صافن عليه سيدار دور وياه مخبوص عقد هذا تنلاص يعني بهالاثناء طبت وسناء ولان الباب مفتوح طبت راسا
راكان باوعلها ورد باوع للجرار يدور
كالت بارتباك
استاذ العفو ممكن دقيقه
صيح
مووووكتج. وليي هسه
باوعتلي بقلق وردت باوعتله
كالت
استاذ هذا المبلغ راكان رفع راسه باوع لايدها
ذبته عالميز بكل هدوء
وياوعتلي همس
ست اني اريد اترك العمل بس ردت اعرف خاف تطلبوني شي
محد نطق حتى اني انصدمت منين جابته همس سيدار
هاهي وسناء خلص الله وياج
ورجع يدور وي راكان
طلعت واني وياهم وعمو لازم راسه يباوعلنا كال
ابني وين يروح
والله عمي هنا خليته البارحه البارحه شفته قفلت المجر ورحت للبيت
استغفر اللللله
سيدار كله
شو شوي وخر وخرر لتضل تزاكط
وخر من يم الميز وسيدار جر المجر كله من مكانه طلعت الاوراق والفلوس واكعه ليوره المجر طلعهن وبعد اكو يطلع وبعد اكو اخر شي طلع كلاده اسو الفراشه
انترست الميز اوراق وفلوس
سيدار باوعله نتر
مخربط موبديك
اني الدنيا اندكت براسي وهو صافن عالفلوس حسبها مضبوطه وكعد لزم راسه. عمو عافنه وطلع واني وراه منطقت ابقه دقيقه بعد كسرنا خاطر البنيه واني حتى اني شكيت بيها
سمعت صياح سيدار وياه وهو خانس التفتت عمو كاعد على ميز اساور يباوعلي بنظره شيبت كلبي
ها عمو شبيك
همس
تعاي عمو يمي احجي وياج
كمت من ميزي كعدت كبال ميزه باوعلي بتعب جر حسره همس
ازل اذا جوج ناس تقبلين تتزوجين
فكيت عيني كلها وكلبي دك
يتبع