♛ ♛ ♛ ♛ ♛ ♛ ♛ ♛ ♛ ♛
"شفاه مخملية"
بقلم: زهراء السلامي.
"لسان حال غزوان💔"
#كان لي قلبَ ، كان ومات
كُنت استمتع حين تحول الى فُتات
لن تنفعني تِلك العواطف الخلابه
طُعنت منها وعادت مشاعري خائبه
دعيت ربي ان لا يُحيي ذلك الحبُ بين ثنايا قلبي
فـ يطعنني واعود كـ الاسير وتشتعل روحي بالسعير !
(بقلم ithuda )
♛ ♛ ♛ ♛ ♛ ♛ ♛ ♛ ♛ ♛
"غزل"
رجعت عمه صباح والحيره ؏ وجهها، فجأة مانشوف غير باب الصاله اتفلگحت (انفتحت) طب زلمه ايده مظبره وعيونه تجدح، شرايين وجهه ناطه ووجهه گالب ازرگ من العصبيه، عاط بصوت هز البيت هز
-تزوجتي وعفتيني يا خاااااينه
گمز ؏ جوريه وكظهه من ايدهه
-لچ شلوووون هلچ تخونيني شلوووون
-جوري(گمت ابچي من شفت حالته): غزوان فدوه ايدي جاي توجعني
-صباح: غزوان عمه فدوه لا تسويلنه هوسه الله يخليك
-الحجيه عطيه: هاي شمالكم شصاير
ثواني واذا نشوفلكم امة الثقلين متجمهرة بالباب، اجانه صوت عميد الدين الخشن
-يا الله ياا الله يا نساااوين تسترررن يا نساووين حيدخلون زلممم
ركض دخلت جوة والبنيات ويايه جوري ادگ ؏ وجهها خايفه وهجران تهدي بيهه، لبست شلون ما چان وانه اسمع عياط الزلم والهوسة تگولون عزه بالصاله، عفتهن بالغرفه وطلعت واذا اشوفلكم غزاوان دگولون داخل معركة، اخوان هجران كاظينه كلمن بجهه، وابوهه يعيط.. يباااو شجاي يصير انفضحنه وتخزينه، كل هذا وفيصل ماكو لكم هذا اخوي الفاهي ويين!!!
-فارس(ابو هجران): غزواان استهدي بالله لك ابنييي شلون تدخل ؏ البنات بهالطرييقه!!!
جر حسره شگت صدره
-غزوان: ولكممم آآآآآآآه هيج تسوون بيه هييچ تأذوني(انداريت ؏ عمه صباح) وانتي يا عمه شلووون تنطيهه لغيري استغليتو الوضع كلتو اييي غزوان مسوي حادث ومظبر ورايح ويه اهله لأيران علمود العلاج اكيد ميدري بخطوبة حبيبته الفنه عمره كله يتمناهه وينتظر اليوم اليجي ويشوفهه بحظنه
-صباح: عمه غزوان حبيبي البنيه متريدك خطبتهه كم مره وترفضك واحنه منگدر نجبرهه ؏ شي ونصيبهه واجاهه شلون يعني....
قاطع حچايتهه دخول فيصل الوجه احمر والحاله حاله، وين چان هذا وليش هسة ياله دخل، سحب غزوان من ايده بكل قوته وانطاه بوكس فلش وجهه، نام ؏ صدره وعاط
-فيصل: لك عااار تكض مريتي وعلي اليوم اذبببحك بأيدي مثل البهااايم
بده يضرب ويكتل بي وهذاك مستسلم عبالك مجنز، شبعه دفرات ؏ بوكسيات، يحاولون يجرونه بَـس مايگدرون فيصل صح قصير بَـس ايده گويه ومن يطگ واحد اله يكسره بمكانه
سمعنه عياط الزلم بره وثواني واشوفلكم بكر وعميد الدين ومرتضى(اخو عميد الدين) واخواني الباقين جوة، كلهه تصيح وكلهه تتعارك حسبالك داخلين مجزرة، وفيصل نايم ؏ الزلمه والي وليه مابطل يكتل بي لحدما سمعنه صوت رج البيت وخسف چبودنه من الخوف
-سيد خليل: ولك فيصصصصل
-فيصل: بوويه عوفني اليوم اطلع حليب امه من خشمه هالسگططط
-سيد خليل: گوم عنه بسااع
گام فيصل عن الزلمه وهذاك نايم بـ الگاع تكولون مات، امي تصيح وحبوبه عطيه همات، هدأ الوضع شوي من تدخل ابوي
-سيد خليل: ما رجينه يصير هيج منك يا سيد فارس لاا وببيتك وينهبون مريت ابني وسفه والله
-سيد فارس: سيد عذرونه ومسحوهه بلحيتي غزوان جاهل وفاهم السالفه غلط بغلط
-حجية عطيه: شني غلط وين الغلط وحنه نشوفه داش هنا ؏ البت وهيه مفرعة وكاظهه من ايديناتهه وحاچي حچي ما ينلبس عليه ثوب
خطيه سيد فارس گام ينطي وجهه اللوان، ظلينه ؏ هالحال وكل ساع واحد حاچيله سالفه ويبررون لغزوان ؏ عملته الشنيعه
-ام فيصل(وغزاله): يمه فيصل شبيك حبيبي تنزف تعال اشوف خاف تعورت
-حجيه عطيه: اسكتييي انتي هذا السطل يتعور، شمالك يحبوبه تخبلت شني طبگت خبالاتك مثل اميمتك (امك)
-ام فيصل: عممه هسه وكتهه
-حجية عطيه: انطمي ولچ سليمه لا اطگچ بهاي (رفعت العوچيه)
-سلمى(ام فيصل): سكتت عمه سكتت
-حجيه عطيه: قصباً عليچ وع وليدچ الارعن، لك يمه خليل شمالك كل وليداتك مهابيل (مخابيل)
-سيد خليل: يمه اغديلچ فدوه مو وكتهه
-حجيه عطيه: انه امك يعباس حته انته يبن بطني گلبتك سليمه عليّ
-سيد خليل: ما عاش اليگلبني عليچ حبوبه
-غزاله(حاولت اتدخل لان الوضع حمه وعمه صباح تبچي وتلوب ع الزلمه وسيد فارس المسكين لازم ظهره ويونّ والدنيا مخبوصه خبيصه، وهاي حبوبتي الظاهر ناويتهه عركه ببيت الوادم وتفضحنه): حبوبه خلينه نرجع للناصريه ونتمالش مو گدام الوادم (چان تشيل العوچيه وتطگني ؏ رجولي قوي) اااخ لييش حبوبه انه شگلت
-حجيه عطيه: ولچ يالسلبوح كلچ بطول النعال وهيچ تحاچيني
-غزاله: شمالچ حبوبه انه مو قصدي شي بَـس حبيت اوضح...
-حجيه عطيه: انطمي انطمي لا بارك الله بيچ ولا بأمچ ولا اخيچ هالمستهتر
-عميد الدين(تقربت ؏ جده وبست راسهه): جده مسحيهه بلحيتي غزاله جاهله وماتعرف تحجي عدل عذريهه
-حجيه عطيه: يممممه بعد رويحتي الثگيل الرزن الشيخ چا انه ياهو مصبرني ؏ هالسلبوحه غيرك والله لوما تحبهه ولا اعاينلهه (اباوعلهه)
-عميد الدين: ههههه اي حبوبه ترا غزاله نفس بنيتي
-حجية عطيه(غميت روحي): اهمده حظي بَـس هذا الفالح بي
-عميد الدين: شني گصدچ؟
-حجية عطيه: ولا شي حبوبه ظل حاير تربي بالبنيات والعالم كلهه تزوج وتخلف وانته عايش ؏ ذكرى
-عميد الدين: حجية مو وكت هالحجي هسه
-غزاله(عميد اتنرفز والحجية تذبله بهالبسامير وهوه متحمل، ماتمل من هالموضوع لو تحجي منا لبعد مية سنه وهوه معاند ومايقتنع، اخيييراً حبوبه عطيه سدت اذاعتهه، راحت وگعدت ؏ كرسي واضح رجيلاتهه تعبت
اما الزلم كلهم طلعو بالطرمة الظاهر يتناقشون ؏ سالفه غزوان، رحت للغرفه اشوفن البنات (هجران وجوري) لان دخلن جوه خوما ينفضحن وهنه هيچ مشلتحات، خطيه جوريه تبچي وجواهر وشهد وامهن يسكتن بيهه
-غزل: جوري حبيبتي ليش تبچين؟
-جوري: خرب كلشي من وراه كلشييي
-جواهر: حياتي خلص انتي مو تگولين هوه مخبل خلص خيولي
-شهد: اي وخوش سوه بي فيصل حتى ميندگ بيچ مره ثانيه
-هجران: اووف بَـس ميصير هيچ يأذي، اني مادري ماشفته لان طبيت جوه اول مابدت العركه، غزل هوه زين شفتي صار لغزوان شي؟؟
-غزاله: يا خيه فيصل مدمي دمايه تگولين ذبيحة وجاي يگصب بيهه
زادت جوري بالبچي وتندب حظهه، شوي وصاحولنه راح نرد للناصريه.. طلعنه من بيتهم والوجوه مگلبه عبالك چنه بعزه ولا لبالك مهر ورگص وضحك
محد سأل شصار ويه غزوان بَـس واضح حلوهه، رحت لأمي اگلهه انه اركب ويه عميد
-سلمى(ام غزل): لااا ماكو تركبين ويه عميد
-يووم فدوه اريدن اروح هناك رهف وياي
-سلمى: وشنو يعني رهف وياچ غزل عييب ماكو مترحين
-ماما فدوووه اضوج بسيارتكم كلكم عجايز
-ولللچ ام لساان اني عجووزه اني الچ الييوم
-لا لا والله مو هيچ قصدي بَـس حبوبه عطيه حَ تظل تحچي عليّ وتعيب عليّ انتي ماتعرفيهه
اجتني "حلا" (اخت عميد الدين) تتوسل حتى اركب بسيارتهم وهيه تروح تگعد ويه رهف
-غزاله: لووو تموتيننن ما اركب وياهم ولچ شني تخبلت اگعد بسياره ويه حبوبه اهمداني
-حلا: غزاله فدوه لخاطري ماريدن اروح وياهم
-ماااا اله اركب ويه عميد
-حلا: تره هوه اخوي مو اخوچ
-هه لا هوه ابوي
-حلا: هه هه هه هواي مصدگه رويحتچ انتي
-غزاله: اشوو اله اركب وع عنادچ
رحت لأبوي واستأذنت منه بسرعه سمحلي لان يعرف عميد الدين شني ويأمن بي مثل بكر واكثر بعد
طبينه بالسيارات وتوزعنه بيهن اباع لأمي ماعاجبهه راكبه ويه عميد ادري بيهه ضايجة لان مرتضى(اخو عميد الدين) ويانه ماعرف شني سالفتهه وياه، عميد الدين يسوق وبكر بصفه ورهف ومرتضى وانه ليوره گاعدين
-عميد الدين: اووف من هالزلمه مايعقل
-بكر: شلع افادي وما يتوب من سوالفه
-مرتضى: شباب حقه داخل ؏ مريته بهالطريقه واكيد هيه مزوگه (متمكيجة) ولبسهه مال حفلات وكاظهه من ايدهه ويجرجرهه شنهي ماعنده غيره وهوه ويشوف هالسگط يعامل مريته هيج
-عميد الدين: اي مرتضى مانلومه بَـس فيصل هوه الي ندگ بي محزوز ملزوز يروح يتصل بالزلمه ويبشره بهيج بشاره
-بكر: يا بشاره؟
-عميد: ليش انته ماتدري بغزوان عاشگ حرمت فيصل؟
-بكر: لا وعلي ولا ادري انته منيلك هالاخبار؟
-عميد: چا انه الشيخ عميد الدين احل بطلايب العالم تريدني ماعرف اذا غزوان عاشگ البت لو لا
-بكر: خرب حظك ماكو شي ماتعرفه
-عميد: ههههه العاشگ تفضحه نظرات عيونه، والكل يعرفني فطين واللگف اكبر سالفه تريدني اشوفن هيچ شي ومافهمهه
-غزاله: ايي واضح
-عميد: شني گلتي؟
-غزاله: لا هيچ جاي احاچي رهف
-رهف: شني ماسمعت شگلتي؟
-غزاله: اففف ولا شي انسي(گلبت وجهي هه اي عيني فطين ويلگف العشاگ بَـس باليعجبه وانه گدامه اربعه وعشرين ساعه ماتنزل كلمه "غزاله مثل بنيتي" من حلگه
هسه انتم حظرتو المهر ويانه والعركه والطلايب وانه لسه ماعرفتكم ؏ نفسي وعائلتي.. انه غزل صغيره البيت عمري 15 ونص اهم شي النص لا تنسوهه، اخوي فيصل من نفس الام والاب وبقيه اخواني الاربعه (بكر، عثمان، احمد، غيث) من غير امهات.. عميد الدين ابن عمي حياتي وگلبي ونفس ريتي وچبدي اذوبن بي بَـس هوه الله يسلمه يشوفني مثل بنيته "رهف" ولا تتعجبون اي رهف بنية عميد لان هوه تزوج ؏ صغر ومريته الله يرحمهه متوفيه صارلهه ثمن سنين.. وهوه عايش ؏ ذكرهه ومايگدر ينساهه
ورهف المسكينه يوم بعد يوم تتأزم حالتهه حتتخبل البت بسبب الاحلام، كل يوم تكول تشوف امهه بالحلم، يوم تشوفهه مرتاحة ويوم تجيهه تبچي وزعلانه.. مانعرف شني السالفه وليش هيچ تجيهه، بَـس عميد كلما تجيهه تبچي بالحلم يروح للنجف يزورهه بگبرهه يگول انه ادري بيهه زعلانه لان ماجيهه.. والله شغله غريبه وماتنعقل بَـس يجوز كلامه صحيح لان كلما ينشغل ومايروح يزورهه تجيهه للحلم تبچي وتنوح والسالفه التحير ماتحچي شي بالحلم
سألنه شيخ دين عن هالموضوع وگال عادي هواي اكو يشوفون موتى بالحلم يكول اكو ناس شگد ما روحهم طاهره ونقيه يكونون جسر بين الاحياء والاموات، ورهف تشوف امهه كأنه عايشه وياهه وعميد متأثر من هالشي ويحسهه لسه وياه.. اموتن بغيرتي من يحچي بيهه مع العلم لازم ماضوج لانهه ماتت بس اووف ويه الغيره تحرگ الگلب
انه اتذكر طفولتي كلهه عشتهه ببيته هوه الرباني وكبرت وانه اصيحله "بابا" مثل رهف وچانو هوه و "شيلاء" الله يرحمهه مثل عصافير الحب واحد يباوع ؏ حلگ الثاني
عشگت عميد من الصغر وانه اشوف اهتمامه وحبه الي، ماكو يوم زعلني لو كدرني مستحيييل دائماً كلامه يقطر عسل وياي وانه يوم بعد يوم اتعلق بي اكثر واكثر صح فرق العمر بيناتنه 20 سنه بَـس اموتن عليه ومايهمني هالفرق المهم اكون يمه وگريبه عليه
مشى الوقت والكل الي بالسيارة نامو من التعب اليوم هواي تعبنه، بس انه ماتغمض عيني وانه اشوفن عميد تعبان وصار عنده ارهاق من السياقه، مارتاح ولا نام صارله تلث تيام (٣ ايام) من طلابه لطلابه وانوبينه المهر اليوم فَـہ المسكين نگظان تعب
-غزاله: باباتي تعبان؟
-عميد: لا حبيبتي
-لا تعبان انه ادري بيك
ابتسم خفيف وما علق ؏ كلامي، درت وجهي اباوع لـ مرتضى ابن عمي (اخو عميد الدين) ورهف نايمه ؏ چتف عمهه ورايحين بسابع نومه طبعاً شني ؏ گلوبكم مرتاحين وحبيبي ميت تعب ومايگدر يغمض عينه شوي
فتحت جنطتي وطلعت چيبس منه فتحته وگعدت آكل لان جعت، قدمته لـ عميد
-تفضل بابا اكل وياي
-عميد: عاشت ايدج ماريد
-فدوه لخاطري اكل شوي
مد ايده اخذ شوي واكلهم، ردت استغل الفرصه واگعد اسولف وياه واشبع منه گبل لا هالعلل يگعدون..
-باباتي؟
-عميد: عيونه
-شوكت نوصل؟
-ما بقه شي ان شالله
-غزاله: گعد بكر خلي هوه يسوق وانته ارتاح
-بنيتي مابيه شي، انتي نامي شوي ماتعبتي
-افف ماكدر انامن واشوفنك هيج والله ماتغمض عيني
-هههه لا بويه نامي انه مرتاح
سندت راسي ؏ چتف رهف، وغمضت عيوني وماحسيت اله مرتضى يگعدني
-مرتضى: غزاله وصلنه يله گومي
-غزل: اي گمت
طبينه للبيت ورحنه نحظر العشه، گعدنه نتعشه وكالعاده السفره مليانه ما لذ وطاب والولد محاوطين السفره ونسوانهم وعماتي هم وانه ورهف وحلا گاعدات بصف بعض نسولف، وحبوبه عطيه ماسكتت تصچم وتذب بسامير لأمي
-حجية عطيه: اي هاي تاليتي اگابل هالسلابيح وجاعده بمچاني
-سيد خليل: شصابچ يوم؟ ليش تگولين هيچ؟
-حجية عطيه: كلكم تزوجتو وانه جاعده هنا ومحد يهتملي بعد اگابل وجه سليمه وبتهه وهاي السلبوحه رهيفه
-رهف: حبووبه شمالچ وياي
-غزاله: ههههه الحمد لله هالمره گالت سليمه وبتهه وانتي صرتي السلبوحه مو انه
-حجيه عطيه: انطمي انتي هم سلبوحه مو تكشرين هالوجه اليجيب القهر
-بكر: هههه جده شني السالفه انتي الخير والبركه ياهو ينساچ
-حجية عطيه(رفعت عوچيتهه): انته اخر واحد يحچي صارلك اسبوع ببغداد ولا گلت اروح اشوفن حبوبتي اخافن محتاجة شي فد محبس فد سوار شي شياتين وانته رايح للكاظم وتفتر بسوگ الذهب
-فيصل: حبوبه چنچ غرتي من خطيباتنه وشفتينه نلبسهن ذهب وانتي تردين تجددين شبابچ
-حجيه عطيه: چا وشمالي ماجدد شبابي تشوف الگصايب چنهن العافيه(وگعدت تلعب بيهن)
-ام فيصل(سلمى): عمه چنچ ؏ رجل ههههه
-حجية عطيه: يا والغسل انطمي لا اچي ارفس بكرشچ ماتستحين ولچ، ولك يمه خليل هاي مريتك اله تموتني ما تاخذ مرة عليهه وتكسر هالخشم اليابس
-خليل: ما عاش اليكدرچ (يضوجچ) يوم، سلمى بسچ اسكتي
-سلمى: اي بَـس اني من احچي تسكتوني لو انتصار (ام عميد) تحچي متفكون حلگكم وياهه
-حجية عطيه: وسم تجيبين رويحتچ لهلفقيرة عبن ما تهش ولا تنش تشوفي خلفتهه شلون خلفه من تغديلهم فدوه انتي وعشيرتچ يالبغداديه
-سلمى: هففففف
-حجية عطيه: وزقنبوت، الچ عين تنافخين مسويه روحهه بزر نستله وهيه چنهه سحليه حبله
-غزاله(ماتحملنه الكل طگ ضحك حتى ابوي، وامي گاعده وتنافخ وتگلب بوجهها، مستحيل يجي يوم يگعدن امي وجده عطيه ومايتناگرن لو تگب عيطه، حتى ماتصيحلهه بأسمهه (سلمى) كله تصيحلهه سليمه لو سحليه ودائماً تنزل تحديثات جديده لأسماءنه.. وامي اوقات تضوج من ام عميد (عمه انتصار) عبن كل البيت يحبوهه ويحترموهه، واحد يحچي لالله المريه ونعم منهه وحتى خلفتهه ؏ گوله جده عطيه ونعم منهم
كملنه العشه ورتبنه المطبخ وكلمن راح لمخدعه (لغرفته) صاحتني عمه دلال بغرفتهه رحت اشوفهه
-ها عمه صحتيلي؟
-دلال: اي يبعد عمتچ بنيتي غزوله روحي صبي عشه لـ زيد سوده عليه من الظهر ما اكل شي وانه راسي حيطگ گابه عندي الشقيقه ومملختني تملخخ
-حاظر عمه بَـس، اءء عميد وبكر مايرضون اروحن لغرفته
-دلال: لا عماتي لا تدخلين جوه من الباب انطي فدوه لوجهچ
-چا ليش ما اجه ياكل ويانه من ساع؟
-مو يستحي عبن ما كليت وياكم انه
-هااا زين هسه اروح بعيني تدللي
رحت اصب العشه لـ زيد مسكين هالوليد دومي انقهر عليه عبن فقير وفاهي، يصير ابن زوج عمتي دلال بَـس هيه ربته وكبرته وصار مثل وليدهه عبن ما تصير عدهه خلفة، اساساً رجلهه بغدادي وچانت عايشه وياه هناك بَـس من مات الله يرحمه جابت زيد واجت تعيش ببيتنه، بَـس ابوي ما رضى ينام زيد ويانه بداخل البيت يگول مو وليدنه فَـہ بناله غرفه بالحديقه وساكن بيهه
اجتني رهف تجوعر
-رهف: غزززلللل وييينچ بددده المسلسللل
-وجععع خلي يجي ابوچ ويسمع حسچ يشگ حلگچ وعلي
-رهف: فوگما اگلج بده المسلسل وانه وحلاوي جاي نتابعه
-اييي جايه بَـس اودي عشه لـ زيد
-هااا يله خوش انه انتظرچ هنا
-لا ولچ تعاي وياي اخاف عميد يشوفني ويچويني
-رهف: لا ولچ ابوي مايسويهه ماتدرين بي بَـس شعارات ههههه
-غزاله: لا مو بَـس شعارات اذا يعصب مايعرف امه من ابو
-رهف: غزل صدك تحجين ولچ ابوي يأذي روحه ولا يأذيچ شمالچ انتي
-غزل: رهفففف هوه هددني وگال اذا اروحن لغرفه زيد يچويني
-رهف: خوب انه هم گالي نفس الحچي
-حبااابه تعاي فدووه فدووه لخاطري
-ولا اجي عشتو ما مستغنيه عن روحيتي بله ابوي شافنه وبو فاضل يحرگنه مو بَـس يچوينه
-وللللچ هستوچ تگولين ابوچ بَـس شعارات ومايسويهه
-رهف: ايي چنت انطيچ طاقه حتى تروحين واخلص
-غزل: ايا نذللله انه الچ اليوم
ركضت عليهه اريدن اللوحهه بَـس ماگدرت راحت تركض چنهه زنبلگ گدامي، استسلمت وقريت فاتحة لأم البنين وخذيت الصينيه وطلعت بيهه لغرفه زيد، دگيت الباب اجاني صوته
-منوو؟
-انه غزل
-زيد: تفضلي غزل
فتحلي الباب وشفته مبتسم بوجهي يبووي شكله يكسر الخاطر، مادري شمالي كلما اشوفنه ينفطر گلبي يمكن عبن يتيم وخطيه عنده عوق برجله (اعرج💔) وگوة يمشي عليهه
خذه الصينيه مني وبده يتشكرني ما خله چلمه ما گالهه، جگد مؤدب، طلعت من الحديقه ورحت للجهه الثانيه للبسات (البزازين) خطيه اكيد ماتن من الجوع ومحد وكلهن اليوم
شلت عميده (اسم البزونه) بأيدي اللعبهه، سميتهه عميده لان عميد الدين جابهه ليه، وبين ما انه اللعب بيهه وسمعت نحنحته، يماااي يگليبي بده يرگص فرحاً
-عميد: شجاي تسوي غزالتي
-اللعب عميده
-عميد الدين: بويه شني عميده شهالاسم مو عيب
-ههههه بابا حلوو والله شمالك انه عاجبني
-وانه ماعاجبني
-ماااا أحبه
-لا تگولين ما ولچ
-اممم حاظر
-وين چنتي؟
-هاااا (بگت هوا خفت يكون شافني وانه اودي الاكل لـ زيد)
-شمالچ تبلعمين وين چنتي؟
-اءء چنت هوه هناا اللعب بالبسه
-چا ليش لسه ما نمتي؟
-ما اجاني نوم
-لا بويه روحي نامي البنات كلهن نامن موو؟
-غزاله: ايي رهوفه اكيد انته تعرفهه ماتتحمل تسهر وحلاوي هم نامت (ماگلتله جاي نتابع مسلسل تركي لا يجي يصخمنه تالي الليل مايقبل نسهر يگول مو زين علينه)
-عميد الدين: يله انتي هم نامي مو زين تسهرين
-وانته ما تنام؟
-لا
-چا السهر حلال عليك وحرام عليّ
صفن بوجهي وضحك، گرص خدي
-عميد: ولچ ام لسان شلون بيچ انتي
-والله انتم دومكم هيج انته وبكر تحرمون علينه وتحللون عليكم
-بسچ اسكتي لا اراويچ وجهي الثاني
-هههه ماعندك وجه ثاني انته دومك عميد الحباب الهادئ الرزين
-لا ياهو يگول
-انه اگولن
-ولچ انتي فد وحددده سلبوحة
-عمييييد شمالك تصيحلي سلبوحة
-چا حلال ؏ حبوبه عطيه حرام عليّ لو اصيحلچ
-انته جاي تردهه ليه صححح
-صححح
-هههههه انته فد وااااحددد
-عميد: ايا بايعه ثمني كلامچ ولچ
-غزاله: ههههه مو ادري بيك ماتزعل مني
-اي مازعل من شغلات تافهه بَـس اذا تجاوزين افرك حلگچ
لزم شفافي حييل وعصرهن، فوراً نزلت دموعي
-ااخخ عميد توجعت
-ههههه تستاهلين حتى ما تجاوزين بعد
-انه اشاقيك
-حتى الشقه اله حدود عيب انه اصيرن ابوچ
درت وجهي عنه عود زعلانه، بَـس انه چذب وعلي ماگدر ازعل عليه احببه مو بيدي وماتحمل ازعل اكثر من خمس دقايق، حسيت بي يگرص خدي
-عميد: شمالچ زعلتي ولچ
-ايي زعلت
-چذابه ماتزعلين هسه شوي وتردين ليه
-ماا مااا مارد
-خوش يله تصبحين ؏ خير
گام عني يريد يروح، صحت
-غزاله: بابااااا وييييين
-هههه وين يعني اردن للبيت اريد انامن
-وما تراضيني
-لااااع
انفجرت بالبچي انه دمعتي رخيصه وبسرعه تنزل، اجه ناحيتي وسحبني لحظنه، صار خشمي ؏ صدره يبوووي يهالعطر اذوبن بي
-عميد: شمالهه بنيتي تبچي
-من وراك
-من ورااي چا انه شسويت ولچ
-زعلتني وفركت شفافي
-لان تستاهلين
-لا ماستاهل يله راضيني
-اخافن ماتقبلين
-لا لا اقبل
-مممم خوش شلون ترديني اراضيچ؟
رفعت راسي اباع بعيونه بعدما چنت دافنه وجهي بصدره
-غزل: اريدن مصاصه
-اهوووو همات مصاصه لچ بابا عيييب كبرتيي
-لا لا اريدن مصاصه لو اظل زعلانه
-روحي طبچ طوب زعلي
-عمييييد
-هاااا
-انته شمالك وياي
-شمالي
-اففف شلعت گلبي
-عميد: لا تتأفأفين ولچ
-مااا ماااا
-لا تگولين ماااا
-اشو اله اگولن واحرگك
-حتى احرگچ گبلي ام لسان وانه اگولن رهف من وين متعلمه الملاسن
-هههه مني اكيددد
-اييي هوه انتي ماعندچ تعلوم بي حظ حَ تطلعين عين بنيتي
-هااااا هسة بَـس رهف بنيتك، چا انه شني
-انه ماعندي بنيات يطولن لسانهن
-يله يله بعد ماطول لساني
-لا روحي زعلت
-لا لا تزعل فدووه والله ماطول لساني
-اكيييد؟؟
-اي والعباس
-چا خوش نشوف
-وهسه رضيت عليّ؟
-لاا
-چا شسوي وترضى؟
-اريدن مصاصه
-هههههههههه تعيب عليّ صححح
-هههه ايي ابويه انتي
-وحتجيبلي مصاصه؟
-بعييني اجيبهه
-غزاله: فديت عينك انه
صفنت ياااء هوه انه الزعلانه شو گلبهه عليّ وخلاني انه اراضي، ظليت واگفه اباوع ؏ البسات وهوه حاظني ويلعب بشعري، لهناك ودفعني عنه
-عميد الدين: افف شون نسينه احنه مو گلنه بعد ما اكظچ
-شني ليش؟
-بنيتي كبرتي حرام ما يصير
-وليش مايصير انته مو تحظن رهف
-ايي رهف بنيتي
-وچا انه شني
-بويه انتي بت عمي مايصير بيهه حرمه بَـس عبن انه ربيتچ انسى هالشي
-معليه اريدن مثل رهف
-لا بويه ما يصلح حرام اريدچ حتى ربطه (حجاب) تلبسين مني ومن مرتضى
-لااا فدوه انه متعوده عليكم ليش هيچ تسوي
-غزاله سمعي الچلمه
-ماريدن اسمع
-يبووووي اشتعلوو مروان وخلفته
-خيولي غديي لا تجيب طاري
-يي بعلي من اشتعلو واحد واحد بجاه بو فاضل
-امييين يارب
بقينه نسولف ونضحك بَـس احس عميد مو طبيعي عبالك ضايج لو مهموم، حاولت اسأله بَـس بساع يغير الموضوع ويبتسم مثل عادته ما يحب يبين زعله لو همومه ويأثر ؏ الطرف المقابل بَـس انه اعرفنه عدل ومن احاول اجر لسانه ما يرضى يحچيلي، هوه حتى بكر مو طبيعي صارله چم يوم وما اللومنه لان اعرف شني بگلبه وشني المفرفح چبده ومسود عيشته!
احنه دومنه نگعد سوه ونسولف جگددد يگول يحب سوالفي وانه افقد ؏ سوالفه خصوصاً من يقرالنه قصص انه ورهف هاي العاده معلمنه من چنه صغار كل فتره وفتره نروحله يقرالنه قصه، واهلي ما يمانعون عبن يگولون هوه ابوي مو بَـس ابن عمي وحتى عادي اللمسه ويشاقيني گدامهم محد يحچي لو يگول شي عكس مرتضى امي ماترضى حتى يسولف وياي من نكون وحدنه ومحذرتني اكثر من مره ومانعتني اتشاقه وياه ماعرف ليش غريبه
گاعدين ؏ الثيله نباوع ؏ البسات والبطات يلعبن واكو منهن نايمات لان الوقت تأخر، والدنيه گمرية والگمر (القمر) شحلاته چنه عميد الدين وشلون منور حياتي، دومي اگله انته الگمر مالي وهوه يگول انتي غزالتي فديته وفديت حچاياته التقطر شهد، درت عيوني اعاينله وابوگن نظرات اشبع عيني من حسنه وطلته
چان گاعد بالگاع يدخن وشكله جاي يفكر بسالفه اوووف لو عندي قدره واقره افكار اريدن اشوف منهو ساكن باله وماخذه بغير عالم ودومه سرحان وباله بعييد، قاطع صفنتي بي صوت اجه من المطبخ خلسني ويبس الدم بجسمي
انداريت اباع لـ عميد گام مثل المخبل طگهه ركضه لـ داخل البيت، چان صوت رهف وهيه تصرخ وتستنجد بأبوهه
-رهف بصياح هستيري: بااااابااااااااا اللحگنيييييي
ركضنه عليهه شفناهه واگعه بحظن زيد و "مرجانه" ؏ راسهم مبگگه عيونهه التخوف، صفنت ؏ حالتهم وشلون زيد كاظهه گمت ارجف وانه اشوفن عميد عيونه تگلبت من العصبيه...
يتبع☘️...
♛ ♛ ♛ ♛ ♛ ♛ ♛ ♛ ♛ ♛
لتنسون التصويت والتعليق بين الفقرات🕊
وياااريت متنتبهون وتركزون ؏ اللهجة لان صراحة حاولت قدر المستطاع احچي نفسهم واستعانيت بكذا صديقه من محافظة "ذي قار" وانطني كلمات وعدلن ؏ اللهجة وگالو هيچ يحچون💛 فَـہ لطفاً بدون اننقادات لان ممكن انتو متحچون هيچ غيركم يحچي☺️💛.
كل الحب من اختكم زهراء السلامي.