🤒🤒
.
.
.
.
.
.
.
.
.
.
.
.
.
.
.
يلا نكمل قصتنه
.
.
.
.
.
.
لارا... طلع ليث حاولت انام ماكو معدتي موتتني رجعت اتقيئ واستحي انزل خابر ليث حاولت أبين صوتي زينه ما اريد اظل باله... هلا حبيبي
ليث... رحت للمركز. بس بالي يمه شتغلت شوي وخابرته... هلا ببنيتي شلونج
لارا... تمام
ليث... ليش كاعده
لارا... ماكدرت ارجع انام
ليث... لعد ليش مانزلتي يم امي
لارا... هو يحجي واني رجعت معدتي كلبت ذبيت النقال ورحت للحمام
ليث... احجي وما جاوب سديته وخابرت امي اشوفهه سديته من امي رجعت اشتغل وبالي يمه
لارا... رجعت للنقال شفت ليث ساده كلت ارتاح شوي واخابره دخلت خالتي... هلا خاله صباح الخير
الام... هلا يمه صباح النور شبيج وجهج اصفر
لارا... من كعدت لهسه بس اتقيئ
الام... عادي حبيبتي تعاي نزلي يمي
لارا... خلي ابدل واجي
الام... يلا انتظرج
لارا... طلعت خالتي واني دخلت سبحت ولبست بدله طويله لان اخاف مصطفى موجود مشطت ولبست حجاب خابرت ليث واني اريد انزل
ليث... جنت يم الأمر وخابرت لارا اني بالي يمه وهذا بس يتآمر رفضت لارا علما اخلص من البلوه مالتي حجيت ويا اخذت الأوراق وطلعت خابرت لارا... ها بنيتي شبيج
لارا... خابرته رفض نزلت وشميت ريحة الاكل خررررب ركضت للحمام وخالتي اصيح لان ركضت طلعت سمعت نقالي شفته ليث... مابيه شي لا اظل بالك بابا
ليث... شنو مابيج شي لارا احجي لا شلعين كلبي
لارا... والله ماكو شي بس دوخه شوي وخاله تكول عادي على شنو شاغل بالك
ليث... وين انتي
لارا... جوه
ليث.. ماشي اكليلج شي وأخذي العلاج بلكت اتخف الدوخه واني بس اخلص الشغل العندي اخابرج
لارا... ماشي حبيبي
ليث... يلا اني رايح ديري بالج على نفسج
لارا... تمام باي
ليث... باي... سديته ورحت اكمل الشغل وهوسة الشغل ما فرغت الا العصر افففف هذا الوكت كله واني ما مخابر لبنيتي خابرته... ها بابا شلونج
لارا... بعد ما ليث سد التلفون حاولت خالتي اتخليني اتريك بس اني شنو اشوف اتقيئ كوه سديت خشمي وهي تحجي وياي يلا شربت حليب شوي ورجعت تقيئته هلكت انطتني العلاج شربته شوي وجابتلي عصير... ايييي خاله عاشت ايدج
الام... شربي كله باعي شصار بيج
لارا.... شربته وهو بارد وأخذت العلاج هدئت معدتي واني كاعده من الصبح صعدت للغرفة كوه افتح عيوني نزعت البدله ذبيته بلارض ودخلت بلحاف ماحسيت الا على صوت النقال ليث يتصل وصاير عصر حيييل شكد نايمه... هلا حبيبي الحمدلله وانته
ليث... بالي يمج
لارا... لا اظل بالك مو كتلك مابيه شي
ليث... وين انتي
لارا... جنت نايمه
ليث... لعد رجعي نامي
لارا... لا وين نمت من ب١٠ يمكن
ليث... وتوج كعدتي
لارا... اي
ليث... كومي اكليلج حلا
لارا... هسه شبيك اصيح
ليث... اني مو كايل تنتبهين لنفسج ولاكلج
لارا... مو كعدت من الصبح وظليت اتقيئ كوه كدرت اشرب حليب اخذت العلاج وجابتلي خاله عصير هدئت معدتي ونمت
ليث... ومن اكلج شبيج اتكولين بس دايخه
لارا... اي ليث انته بالدوام واظل بالك مشغول على كلشي ماكو
ليث... حتى لو كلشي تحجين
لارا... صار بس كافي اصيح
ليث... غير من خوفي عليج
لارا... انته خايف على كلشي ماكو خاله ومها اكولون عادي بعد شنو هل خوف
ليث.... موبيدي
لارا... هسه عوفك مني تغديت
ليث... هسه دزيت الشرطي اجيبلي
لارا... ومراح ترجع
ليث... لا حبيبي
لارا.... افففففف
ليث... موتنامين وحدج
لارا... لا حروح يم يارا
ليث... يلا كومي اتغدى واني بس افرغ اخابرج
لارا... ماشي
ليث... يلا رايح
لارا... ليث
ليث.... عيون ليث
لارا.... احبك
ليث... اعشقج
لارا... سديته ولبست تراك اكلت نستله وكمت نضفت الغرفه وغسلت ملابس سبحت ولبست بدله طويله ذبيت الحجاب على راسي طلعت شريت الملابس رحت لغرفة يارا ماكو نزلت لكيت الكل كاعد عدلت حجابي ورحت يمهم سلمت وكعدت يم يارا..
الام... ها حبيبتي شلون صرتي هسه
لارا... احسن بهواي
مها... عادي هاي السالفه من الصبح ومرات اصير بليل اذا تعبتي تحملي فتره وتروح
لارا... اييي بس معدتي كلش اتاذي... اجت كعدت يمنه مها وهمست
مها... اخذي هاي وروحوا هسه اجي وراكم
لارا... ليش شبيه
مها... باوعيله كلت الولد اكل
لارا... باوعتله صدك هاي مو يمنه اصلا فاصله على مصطفى ... ولج راح تفضحنه... حجت مها بصوت عالي
مها... لارا انتي ماتغديتي امشي نروح للمطبخ
الام... اي والله اخذيه اذا ما تركضين وراها كلشي ماتاكل
لارا... كرصت يارا من ايدهه حيل
يارا... اوووي شبيج هاي انتي يمته اجيتي
مها... نيالي امشوا امشوا
لارا... امشي كدامي لا اطلع حركت معدتي كله بيج... اخذته للحديقة وهي علساس كلشي ما مفتهمه اجت مها وبيده صينية غداي كعدت اكل ونحجي على يارا
مها... فضحتينه ولج اكلتي الولد بعيونج اكل
يارا... لا شنو ماكو شي
لارا... ابد ما كو شي احجي شكو
يارا... احجي وماتحجون لاحد
مها... هسه غير تفضه راح اجيب من وراج
لارا...هو اني راح اجيب مو انتي وهاي بعده ماناطقه
يارا... احجي بس اول شي جاوبيني على سؤالي
لارا... احجي فضيهه
يارا... اجيت اشوفج اخاف رايده شي لكيتج نايمه بلداخليات عود ليش 😉
مها... هاي الغمزه تغمزيه من اخوج موجود مو بطرك روحه بالغرفه
لارا... اوكفي انتي شعرفج
يارا... مو من كعدت مها تحجي وياج اني لبدت وراكم وسمعت كلشي
مها... هاي انحاسبج عليه بعدين هسه احجي شكو
يارا... ماجاوبتني لارا
لارا... ولج صعدت مالي خلك روحي نزعت البدله ونمت
يارا... هاااا
لارا... اييي هسه احجي
يارا... من صار عرسكم ورجعنه للبيت انتوا صعدتوا وامي راحت اشوف الناس والهوسه بلبيت اجه مصطفى سحبني وداني ورى البيت
لارا... عزززززا
مها... عوفيه تكمل وبعدين انصدمي كملي ولج
يارا... وكال اني احبج وخال عيني عليج وردت اخطبج بس امي ماتريدج
لارا... ليش
يارا... اكول كايلتله اني جنت رايده لارا حتى بكيفي اكفخ بيه وابعده عن ليث حتى يزوج اختك وانته تاخذ اي وحده أتريده بعدين
مها.... صخاااام هذا الحجي اذا سمعوا هنا شراح اصير
لارا... سمعوني السالفه راحت وانتهت لحد اجيب طاري ابد والنبي ليث يحركهم
يارا... اي فدوه لحد يحجي كافي الي بي
مها... هلو هلو كملي خيه كملي
يارا... من يومها احنه نتراسل وبين فتره وفتره يجي حتى اشوفني وعمو وارث كلب علي لان مرته كايلتله هسه هم افشلوك وشنو ابنه شناقصه يوميه داكين بابهم ومن هذا الحجي قانعه عمو وظاله تحش براسه ولحد امس كال نزلي بلحديقه
لارا... زين هو ليش اجه شصار
يارا... مو من داخل للبيت سامع ابوي يحجي عليهم وعمو وارث ما ساكات وكول ادري بأهلي غلطانين فبس رايد بابا يطلع كايله مصطفى انتظرني صاعد لام غراضه وقبل لايطلع ابو كايله انسى عندك أهل وهو ما مجاوب لان اكثر من مشكله صايره وي خواله والسبب امه واخته وهاي كل السالفه
لارا... زين وانتوا هسه شلون بيكم
يارا... هو عنده قطعت ارض والفلوس الي مجمعهم رايح يبني بيه وراها يخطبني ونشوف شيصير
لارا... وانتي ليش لهسه ما حجيتي النه
يارا... اذا انتي ملتهيه بكرشج وانتي يوميه مطنكره على ليث
لارا... شدخلج تعاي واحجي
يارا... بعد
مها... يلا كومن ندخل والله الي احله بس ديري بالج اتكعدين وي هاي الحيه وبته احنه البعيدين ما سلمنه
يارا... لا اكيد
لارا... دخلنه جوه شوي وأذن دخلوا اصلون واني انتظرت عمو يطلع من غرفته حتى ادخل بغرفتهم اصلي شوي وطلعوا هو وخاله رحت حجيت وي خاله ودخلت صليت وطلعت شوي وصبوا العشى هم كعدوا يتعشون بس اني توني اتغديت اخذت نوتيلا وطلعت للحديقة خابرت ليث من العصر ماكو فصله شوي ورجع خابر ... هلو باباتي
ليث... سدته من لارا وتغديت اكو جربايه بلمكتب اصير وراي وعليه برده رحت تمددت عود ارتاح توني مغمض عيوني ودخل شرطي جايبين متهمين ولازم أحقق وياهم طلعت حققت وي احد رادوا اجيب الثاني كتلهم اصلي وانكمل رحت صليت ورجعت أحقق خابرت بنيتي خفت بيه شي فصلته قفلت غرفة التحقيق ورحت للمكتب خابرته.... هلا بروح باباتج شلونج
لارا... تمام وانته
ليث... تعبااان ميت
لارا... الله اساعدك
ليث... وساعدج بعدج تعبانه
لارا... لا هسه احسن بهواي
ليث... تعشيتي
لارا... لا لأن العصر اتغديت بس هسه جاي اكل نوتيلا
ليث... وهسه اكيد ملعوسه نفسج
لارا... ههههه جبت كلينكس وياي
ليث... عفيه ببنيتي... جاي احجي ودخل الشرطي...ها
الشرطي... سيدي هذا المتهم بغرفة التحقيق خبصنه
ليث... شوي واجي...طلع الشرطي ورجعت احجي وي بنيتي... فراشتي
لارا... بابا روح ومن تفرغ خابر
ليث... ماشي حبيبتي اكول
لارا... كول
ليث... ترى مشتاقلج كلللش
لارا... ليث روح عندك شغل
ليث... ههههه شردي
لارا... يلا حبيبي روح
ليث... يلا باباتي رايح.... سديته وانتبهت للتاريخ بعد يومين عيد ميلاد بنيتي ومحتار شجيبله هديه رحت كملت التحقيق وكملت أوراقهم انتبهت الساعه ١٢ بليل خفت اتصل ونايمه فراسلته... حبيبت ابوج كاعده
لارا... دخلت كاعدين اقنعون ابعمو اباوع فلم رعب وكوه يلا قبل رحنه اني ويارا جبنه الحبشكلات ووعمو عمار ومصطفى طلعوا الفلم كعدنه نباوع وكلساع وحده تصرخ بينه نوب عمو ندمج مايقبل نبدله
الام... لارا مها كومن لاتباوعن لا اصير بيكم شي من ورى هلفلم الي اخرع مدري شلون راح انام
مصطفى... عمه عمو يمج لا تخافين
لارا... خطيه ظلت تجيله الضربات مايدري منين جنت خاله نقالي يمي شفت ليث راسلني اتصلت فديوا حتى اشوفه الهوسه
ليث... خابرت فديوا فتحته الهوسه مالته والعركه وي مصطفى.... هااا الحجي اليوم سهران شعندك
الاب... انته تعال واعلمك
مصطفى... ولك الحجي طلع شباب اكثر مني ومنك
ليث... شنو فحصته
الاب....لا يل طايحين الحظ انته يمي واكتلك ليثو اريد اشوف منو ادخلك للبيت باجر
ليث... وبكل ثقه امي لو مرتي
مصطفى... امك اغسل ايدك منه
ليث... ليش
مصطفى.... نايمه يم الحجي مافارغتلك ظل على الله وعلى مرتك
ليث... هههههههههههه ولك انته ناوي تموت اليوم
لارا... كوه مصطفى فلت من ايد عمو حجه وي ليث وطفر الغرفته
مصطفى... ليث اني فالت للغرفه عليك الله اذكر اخوك بلكمه
ليث... انته بس دير بالك واني أمن الك الاكل
الاب... اليوم اقفل الباب على لارا مثل الخطوبه اريد اشوف وين تنطي وجهك
ليث... على بختك حجي اني شعلي رجال فقير وطالع على باب الله
الاب... قنعتني
ليث.... الحمد لله
الاب... راح انام هلكتوني اليوم
الكل... تصبح على خير
الاب... وانتوا من اهله
لارا... راحوا كل واحد لغرفته واني ويارا صعدنه وليث بعده فاتح كامرا أبوعلي وهو ساكت... يارا راح ابدل واجي
يارا.... تمام
لارا... رحت لغرفتنه... شبيك تباوعلي هيج
ليث... راحوا الكل وبنيتي صعدت حجت وي يارا وراحت للغرفه هذا كوله واني اباوعله اشكد احبه واخاف عليه حتى من روحي... انتي ليش هلكد حلوه
لارا........
ليث.... ولج اني بلمركز لاتخجلين مو وكتج والله
لارا... اروح ابدل وانام
ليث..... شردي هسه باجر وين ترحين
لارا.... ليييييث
ليث... عمر ليث
لارا... انته مو كلت تعبان روح ارتاح حبيبي
ليث.... اي والله ميت تعب راح اروح وانتي هم اخذي علاجج واكليلج حلا ونامي
لارا... ماشي
ليث...واني بس اجي اخذج يمي للغرفة
لارا... ماشي باي باباتي
ليث... باي ياكلب باباتج... سديته منه وتأكدت من الأوضاع بلمركز ونمت ماحسيت الا ياسر اكعدني خلص الدوام كمت اخذت غراضي ورحت للبيت هدوووووء دخلت للغرفه لكيت بنيتي بلارض وتبجي ركضت اله... شبيج بابا
لارا... ورى ما سديته رحت لبست تراك وفتحت شعري حتى يرتاح اخذت علاج واكلت نستله اخذت نقالي ورحت يم يارا ظلينه فتره نسولف نمت كعدت معدتي نفس كل يوم رحت لغرفته وبلشت الحفله مال يوميه كعدت بالأرض واني ابجي معدتي احس أتريد تنشلع دخل ليث اجه يحجي وياي وخرت عنه وركضت للحمام طلعت لكيته كاعد على القنفه وهز برجله كعدت يمه ولزمت ايده... مابيه شي لاتخاف
ليث.... عافتني وركضت للحمام طلعت تحجي وياي خايفه علي لان ضجت واني الماخفت عليه وخذيت حذري سحبته الحضني... كومي اسويلج شي تاكلي
لارا... دست على نفسي لان خطيه توه جاي من الشغل... انته اسويلي
ليث... اي ليش اشكين
لارا... بصراحه اي واخاف اتسمم
ليث... هااا هيج الحجي صار خلي ابدل واشوفج
لارا... هو يحجي واني رجعت للحمام طلعت لكيته يفتر بنص الغرفه... يلا بدل
ليث... رجعت راحت للحمام وادري بيه تحاول ادوس على نفسه... تعاي ارتاحي بنيتي
لارا... انته نام تعبان واني راح انزل
ليث... انتظريني ابدل واجي وياج
لارا.... شسوي جاي انته تعبان
ليث... هو توني كعدت... رحت بدلت اخذت غراضي ونزلت
لارا... لبست فوك التراك بشت ونزلنه لكينه عمو وخاله جاي يتريكون سلمنه عليهم ردت اكعد بس طكت ريحت البيض بخشمي... هذا البيض خربان
الاب... مو جاي ناكل مابي شي
لارا... عفتهم يحجون وطفرت للحمام
ليث... هاي شلون بيه اليوم أخذه لغير دكتوره
الاب... اي والله هلكت
الام... عادي شسالفتكم كل وحدة اصير بيه هيج توديه من دكتور لدكتور وصكطوها
لارا...رجعت يمهم بس وكفت بعيد ريحت الاكل تموتني صاح علي عمو
الاب... تعاي بابا ليش واكفه هناك
لارا... انتوا ما ادري شجاي تاكلون
الام... هههههه الاكل نفسه يمه بس خشمج الي تغير
لارا... خليت ايدي على خشمي... لا خاله نفسه
الام... عوفي خشمج وتعاي اكلي شي حتى تاخذين العلاج
لارا... لا خلي ارتاح شوي راح اطلع للحديقة
ليث... روحي هسه اجي يمج
لارا... ردت اطلع وشفت الحديقه التراب يمكن طيب شو اشتهيت اكله... اكلكم
الاب... كولي
لارا... طعم التراب طيب
ليث... ليش
لارا... أريد اكل منه... حجيت هيج وكله صافنه علي... يااا شبيكم راح يوكف كلبكم
الاب... ولج تراب شتاكلين
لارا... عمو والله مبين طيب
الام... روحي اخذي شوي
ليث... يمه تراب
الام... شسويله هي شتهته
لارا... طلعت اخذت شوي من عنده والله طيب غمضت عيوني مستمتعه بلطعم
ليث... هاي صدك تخبلت من حملت راحت تاكل تراب رحت وراها مندمجه وعادي عده... من كل عقلج
لارا... أتريد
ليث... ولج شريد بابا تراب
لارا... فد طيب افوتك
ليث... امشي ندخل حتى لا شوفينه
لارا... بس شوي بعد
ليث...راحت اكلت ورجعنه دخلنه جابلته امي حليب بس قربته عليه ركضت للحمام... يمه ترى والله مااصير
الام... هاي مها نزلت واسأله عادي
مها... صباح الخير شبيكم
ليث... لارا مابطلت تتقيئ
مها... عادي هسه اسوي وتهدء بس حاول توكله شي علمود العلاج
ليث... لا هي اكلت تراب
عمار... هاي منو اكلت تراب
ليث... لارا
عمار.... ههههههه يلا ماناويه تخسرك وهم نبدل تراب الحديقه قديم
لارا... رجعت سمعتهم يحجون علي... والله فاتكم الطعم مال التراب اجنن
عمار... يعني مقتنعه
الاب... كلش مو شويه
مصطفى... لييث ادخل بامانتك
ليث... تعال
الاب.... تعال بويه تعال شلون محضرلك صونده تلوك لظهرك
ليث... لا خطيه قهرتوني علي
مصطفى... اكول سمعت احد ماكل تراب
لارا... اي اني بس شنو من تراب الا بشده
ليث... اني ماكاتلني غير اصرارج علي
مصطفى... فوكاها البنيه ماتريد اتخسرك
ليث... يلا تعاي شربي الحليب
لارا... خربان
ليث... بس التراب مو خربان تعاي
لارا... والنبي حتى ريحته مو طيبه
ليث.... اخذت الكوب ورحت لزمته وهي ظلت ترفس وساده حلكه وعيونه بس تركته ركضت للحمام
لارا... جاب الحليب نوب حصرني تكلب علما تكرني طلع روحي ركضت للحمام خلصت وكعدت بلصاله.
ليث... راحت بلصاله وجه تعبان حيل واصفر... شنو تردين تاكلين
لارا... خليت راسي على القنفه حجى ليث هزيت راسي لا
ليث... اكلي اي شي حتى تاخذين العلاج وترتاحين.
لارا... ذكرت امس شربت العصير وهدئت.. اريد عصير بس باااارد
ليث... تجين وياي
لارا... لا مابيه دايخه
ليث... هسه بسرعه اجي... صعدت جبت السويج ومحفظتي ورحت جبتله عصير وموطا ورجعت لكيته بالحمام احس ظلت نكعد بالحمام اكثر من ما تكعد يمنه
لارا... طلع ليث اجت خالتي جايبه ماعون بي جبن قنعتني كوه اكلت شوي ورجعت للحمام طلعت لكيت ليث جاي وخاله اجت انطتني العلاج.
ليث... اكلت شي
الام... اي علساس اكلت جبن بس كله فرغته
لارا... اخذت العلاج وخاله رجعت للمطبخ ومها صعدت ترجع تنام والبقيه طلعوا نزعت حجابي وخليت راسي على رجل ليث
ليث... ماتردين اشوفين شنو جبتلج
لارا... شنو
ليث... طلعت اله العصير والموطا الي تحبه
لارا... ايييي عاشت ايدك... اخذت الموطأ اكلت شوي ونطيته ليث ما اكدر بعد أكمله
ليث... هاي شنو كلشي ما اكلتي
لارا... اي كافي
ليث... لعد شربي العصير وهاي راح اخليه الج بلفريز
لارا... اخذت العصير شربته بارد اجنن خلصت طفرت كعدت بحضن ليث
ليث... افففف ماادري شسوي بس هوما اظل هيج يوميه هلكد تتقيئ ما حسيت الا طافره بحضني خليت راسه على صدري والعب بشعرها وايدي الثانيه هي مجلبه بيه
لارا... واني بحضن ليث باوعت الساعه ب١٠ نفس أمس بالظبط غمضت عيوني ونمت
ليث... شوي وباوعتله نايمه شلته وصعدنه فوك نيمته على الجربايه نزعته العبايه طفيت الاضويه خليته بحضني وكعدت اكلب بالتلفون صار اذان الظهر كمت صليت ورجعت يمه وهي تسبح بالفراش مو نايمه سحبته لحضني ولفيت رجلي على رجليه ونمت.......
.
.
.
.
.
.
.
.
.
.
.
ترى نزلت بارتين اليوم